Тропари Богородице и свт. Нектарию
К Богородице прилежно ныне притецем, / грешнии и смиреннии, и припадем, / в покаянии зовуще из глубины души: / Владычице, помози, на ны милосердовавши, / потщися, погибаем от множества прегрешений, / не отврати Твоя рабы тщи, // Тя бо и едину надежду имамы.
Слава Отцу и Сыну и Святому Духу: Преподобнически пожив, яко мудрый иерарх, / прославил еси Господа добродетельным житием, / Нектарие преподобне. / Темже, Утешителя прославлен силою, / Божественными мощми твоими, / демоны отгоняеши и болящих исцеляеши, // верою приходящия ти.
И ныне и присно и во веки веков. Аминь.: Не умолчим никогда, Богородице, / силы Твоя глаголати, недостойнии: / aще бо Ты не бы предстояла молящи, / кто бы нас избaвил от толиких бед; / кто же бы сохранил до ныне свободны; / не отступим, Владычице, от Тебе, // Твоя бо рабы спасaеши присно от всяких лютых.
Запевы
Священник: Святителю отче Нектарие, моли Бога о нас!
Святителю отче Нектарие, моли Бога о нас!
Священник: Слава Отцу и Сыну и Святому Духу
И ныне и присно и во веки веков. Аминь.
Священник: Святителю отче Нектарие, моли Бога о нас!
Святителю отче Нектарие, моли Бога о нас!
Священник: Слава Отцу и Сыну и Святому Духу
И ныне и присно и во веки веков. Аминь.
Моли Бога о нас святителю отче Нектарие, яко мы усердно к тебе прибегаем, скорому помощнику и молитвеннику о душах наших.
Тропари водосвятные, глас 6:
Еже радуйся Ангелом приимшая / и рождшая Зиждителя Твоего, / Дево, спасай Тя величающия.
Воспеваем Сына Твоего, Богородице, / и вопием: Пречистая Владычице, / всякия беды избави рабы Твоя.
Царем, пророком и апостолом, / и мучеником Ты еси похвала / и Предстательница миру, Всенепорочная.
Язык всяк православных похваляет и блажит, / и славит Пречистое Рождество Твое, / Марие Богоневестная.
Недугов и всяких болезней, / и бед нас свободи, / к священному Твоему покрову прибегающих.
Пощади, Спасе, души умерших братий наших / в надежди жизни / и ослаби, остави им согрешения.
Поем Тя, Бога, единаго в Троице, / вопиюще глас трисвятый, / молящеся спасение получити.
Молитвами славных апостолов и мучеников, / святителя Нектария и всех святых Твоих / Твоя милости людем Твоим даруй.
Молитвами славных безсребренник, / Богородице, рабы Твоя сохрани, / яко еси предстательство мира и утверждение.
Слава Отцу и Сыну и Святому Духу: Отца и Сына славословим, / и Духа Святаго, глаголюще: / Троице Святая, спаси души наша.
И ныне и присно и во веки веков. Аминь.: Неизреченно в последняя заченшая / и рождшая Создателя Твоего, / Дево, спасай Тя величающия.
Милосердия двери отверзи нам, / благословенная Богородице, / надеющиися на Тя, да не погибнем, / но да избавимся Тобою от бед: / Ты бо еси спасение рода христианскаго.
Священник: Господу помолимся.
Господи, помилуй.
Священник: Яко свят еси, Боже наш, и Тебе славу возсылаем, Отцу, и Сыну, и Святому Духу, ныне и присно, и во веки веков.
Аминь.
Ныне наста время, всех освящающее, / и праведный нас ждет Судия, / но обратися, душе, к покаянию, / яко блудница, зовущи со слезами: / Господи, помилуй мя.
Водами одождивый, Христе, источник исцелений, / во всечестнем храме Девы днесь / Твоего благословения окроплением / отгоняеши недуги немощствующих, / Врачу душ и телес наших.
Дева родила еси Неискусобрачная / и Дево пребыла еси, Мати Безневестная, / Богородице Марие, / Христа Бога нашего моли спастися нам.
Пресвятая Богородице Дево, / рук наших дела исправи / и прощение прегрешений наших испроси, / внегда пети нам ангельское пение:
Святый Боже, / Святый Крепкий, / Святый Безсмертный, / помилуй нас. (Трижды)
Апостол и Евангелие
Священник: Вонмем. Мир всем.
Чтец: И духови Твоему.
Священник: Премудрость.
Чтец: Прокимен, глас 3. Господь просвещение мое / и спаситель мой, кого убоюся? Стих: Господь защититель живота моего, от кого устрашуся?
Священник: Премудрость.
Чтец: Ко Евреем послания святаго апостола Павла чтение. (Евр 2:11–18)
Священник: Вонмем.
Чтец: Братие, Святяй и освящаемии от Единаго вси, еяже ради вины не стыдится братию нарицати их, глаголя: возвещу имя Твое братии Моей, посреде Церкве воспою Тя. И паки: Аз буду надеяся Нань. И паки: се Аз и дети, яже Ми дал есть Бог. Понеже убо дети приобщишася плоти и крови, и Той приискренне приобщися техже, да смертию упразднит имущаго державу смерти, сиречь диавола. И избавит сих, елицы страхом смерти чрез все житие повинни беша работе. Не от Ангел убо когда приемлет, но от семене Авраамова приемлет. Отнюдуже должен бе по всему подобитися братии, да милостив будет и верен Первосвященник в тех, яже к Богу, во еже очистити грехи людския. В немже бо пострада, Сам искушен быв, может и искушаемым помощи.
(на русском) Братья, и Освящающий и освящаемые, все – от Одного: по этой причине Он не стыдится называть их братьями, говоря: "Возвещу имя Твоё братьям Моим; посреди собрания воспою Тебя". И еще: "Я буду уповать на Него". И еще: "Вот Я и дети, которых Мне дал Бог". Поэтому, как дети причастны крови и плоти, так и Он стал общником крови и плоти, чтобы чрез смерть упразднить имеющего власть над смертью, то есть диавола, и освободить всех тех, которые в страхе смерти были всю жизнь подвержены рабству. Ибо, несомненно, Он не природу ангелов принимает, но семя Авраамово принимает. Поэтому Он должен был во всем быть подобным братьям, чтобы стать милостивым и верным Первосвященником в служении пред Богом для умилостивления за грехи народа. Ибо, как Он пострадал, Сам быв искушён, то может искушаемым помочь.
Священник: И о сподобитися нам слышанию святаго Евангелия Господа Бога молим.
Господи, помилуй. (трижды)
Священник: Премудрость, прости, услышим святаго Евангелия: Мир всем.
И духови твоему.
Священник: От Иоанна святаго Евангелия чтение. (Ин 5:1–4)
Слава Тебе, Господи, слава Тебе.
Священник: Вонмем. Во время оно, взыде Иисус во Иерусалим. Есть же во Иерусалимех на овчей купели, яже глаголется еврейски Вифесда, пять притвор имущи. В тех слежаше множество болящих, слепых, хромых, сухих, чающих движения воды. Ангел бо Господень на всяко лето схождаше в купель и возмущаше воду, и иже первее влазяше по возмущении воды, здрав бываше, яцем же недугом одержим бываше.
(на русском) В то время пришел Иисус в Иерусалим. Есть же в Иерусалиме у Овечьих ворот водоем, называемый по-еврейски Вифезда, с пятью крытыми ходами. В них лежало множество больных: слепых, хромых, сухих, ожидающих движения воды. Ибо Ангел Господень, время от времени, сходил в водоем и возмущал воду, и первый, кто входил по возмущении воды, выздоравливал, каким бы ни был одержим недугом.
Слава Тебе, Господи, слава Тебе.
Мирная (великая) ектения
Священник: Миром Господу помолимся.
Господи, помилуй.
О свышнем мире и спасении душ наших, Господу помолимся.
Господи, помилуй.
О мире всего мира, благостоянии святых Божиих церквей и соединении всех, Господу помолимся.
Господи, помилуй.
О святем храме сем и с верою, благоговением и страхом Божиим входящих в онь, Господу помолимся.
Господи, помилуй.
О Великом Господине и отце нашем Святейшем Патриархе Кирилле, и о господине нашем Высокопреосвященнейшем митрополите Пантелеимоне, честнем пресвитерстве, во Христе диаконстве, о всем причте и людех, Господу помолимся.
Господи, помилуй.
О Богохранимей стране нашей, властех и воинстве ея, Господу помолимся.
Господи, помилуй.
О граде сем, всяком граде, стране и верою живущих в них, Господу помолимся.
Господи, помилуй.
О благорастворении воздухов, о изобилии плодов земных и временех мирных, Господу помолимся.
Господи, помилуй.
О плавающих, путешествующих, недугующих, страждущих, плененных и о спасении их, Господу помолимся.
Господи, помилуй.
О еже освятитися водам сим силою и действием, и наитием Святаго Духа, Господу помолимся.
Господи, помилуй.
О еже снизходити на воды сия очистительному Пресущныя Троицы действу, Господу помолимся.
Господи, помилуй.
О еже быти воде сей целительной душ и телес, и всякия сопротивныя силы отгнательней, Господу помолимся.
Господи, помилуй.
О еже низпослати Господу Богу благословение Иорданово и освятити воды сия, Господу помолимся.
Господи, помилуй.
О всех требующих от Бога помощи и заступления, Господу помолимся.
Господи, помилуй.
О еже просветитися нам просвещением разума, Единосущною Троицею, Господу помолимся.
Господи, помилуй.
Яко да Господь Бог наш покажет ны сыны и наследники Царствия Своего, воды сея причащением же и кроплением, Господу помолимся.
Господи, помилуй.
О избавитися нам от всякия скорби, гнева и нужды, Господу помолимся.
Господи, помилуй.
Заступи, спаси, помилуй и сохрани нас, Боже, Твоею благодатию.
Господи, помилуй.
Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянув, сами себя и друг друга, и всю жизнь нашу Христу Богу предадим.
Тебе, Господи.
Священник: Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.
Аминь.
Священник: Господу помолимся.
Господи, помилуй.
Молитва над водою: Боже великоименитый, Отче Господа нашего Иисуса Христа, творяй чудеса Един, имже несть числа: Егоже глас на водах многих, Егоже видевше воды убояшася, и смятошася бездны и множество шума вод; Егоже путие в мори, и стези в водах многих, и стопы Твоя не познаются; Иже крещением Единороднаго Сына Твоего воплощеннаго и снитием Нань Пресвятаго Духа в видении голубя, и Твоим Отеческим гласом Иорданския струи освятил еси. Тебе ныне смиренно недостойнии раби Твои молим и мили ся деем, посли благодать Пресвятаго Духа на воду сию, и небесным Твоим благословением благослови, очисти и освяти ю, и даруй ей благодать и благословение Иорданово, и силу вся скверны очищающую, и всяк недуг исцеляющую, и бесов и всех наветов, и козней их прогонительную. И яви ю силою, действом и благодатию Пресвятаго Духа, быти всем от нея с верою пиющим, приемлющим же и кропящимся рабом Твоим, грехов оставление, изменение страстем, прогнание всякаго зла, умножение добродетелей, болезнем исцеление, домовом же и всякому месту освящение и благословение, губительных и всяких злотворных воздухов отгнание, и благодати Твоея присвоение. Яко Ты еси благословляяй и освящаяй всяческая, Боже наш, и Тебе славу возсылаем со Единородным Твоим Сыном, и с пресвятым, и благим, и животворящим Твоим Духом, ныне и присно, и во веки веков.
Хор: Аминь.
Священник: Мир всем.
Хор: И духови твоему.
Священник: Главы ваша Господеви приклоните.
Хор: Тебе Господи.
Священник тайно читает: Приклони, Господи, ухо Твое и услыши ны, Иже во Иордане креститися изволивый и освятивый воды, и благослови всех нас, иже преклонением своея выи назнаменающих работное воображение, и сподоби нас исполнитися освящения Твоего, воды сея причащением, и да будет нам, Господи, во здравие души и тела.
И возглас: Ты бо еси освящение наше, и Тебе славу и благодарение, и поклонение возсылаем, со Безначальным Твоим Отцем, и Всесвятым, и Благим, и Животворящим Твоим Духом, ныне и присно, и во веки веков.
Аминь.
Священник: Спаси, Господи, люди Твоя…
и благослови достояние Твое, / победы на сопротивныя даруя / и Твое сохраняя Крестом Твоим жительство. (Трижды)
Владычице, приими молитвы рабов Твоих / и избави нас от всякия нужды и печали.
Сугубая ектения
Священник: Помилуй нас, Боже, по велицей милости Твоей, молим Ти ся, услыши и помилуй.
Господи помилуй. (Трижды)
Еще молимся о Великом Господине и отце нашем, Святейшем Патриархе Кирилле, и о господине нашем Высокопреосвященнейшем митрополите Пантелеимоне, и о всей во Христе братии нашей.
Господи помилуй. (Трижды)
Еще молимся о милости, жизни, мире, здравии, спасении, посещении, прощении и оставлении грехов рабов Божиих (имярек, и поминает ихже хощет), братии и прихожан святаго храма сего, и о еже умножити им лета живота их.
Господи помилуй. (Трижды)
Еще молимся, и о еже услышати Господу Богу глас моления нас грешных, и помиловати нас.
Господи помилуй. (Трижды)
Священник: Услыши ны, Боже, Спасителю наш, упование всех концев земли и сущих в мори далече, и милостив, милостив буди, Владыко, о гресех наших, и помилуй ны. Милостив бо и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.
Аминь.
Священник: Ко святителю Нектарию во умилении сердец наших помолимся.
Святителю отче Нектарие, моли Бога о нас.