С Л У Ж Б А
Киккской иконе Пресвятой Богородицы
НА ВЕЧЕРНИ
На Г осподи, воззвах: стихиры, глас 1:
П риидите, верных собори, / возвеличим Пречистыя Матере Бога нашего чудную икону / и Тоя Божественнаго Младенца, Христа Бога нашего, / Егоже яко рождши и на руку Своею носивши / и Матерне дерзновение к Нему имущи, / непрестанно молит и подает душам нашим // оставление грехов и велию милость.
Ч удным явлением Твоим, Мати Всечитая, / обитель Киккскую освятила еси, / луч славы от Сына Твоего и благодать той испросивши. / Темже, Владычице, николиже остави рабы Твоя, // избавляющи нас от бед всяческих.
Ч естную икону Твою, Богоблагодатная Мати, / даровала еси Кипру, богатство неотъемлемо, / покров же и славу, и необоримую стену, / и исцелением сокровище великое, / и чудес источник приснотекущий, // сего ради почитаем Тя, Владычице Милостивая.
Т вою святую икону, Богородице Дево, / обитель Киккская яко сокровище драгое спасения, имея, / всегда освящает вся верою притекающия к нему / и Тя по долгу блажащия, / всем выну подает упование душам нашим, // и твердый покров, и державу.
Слава, и ныне, глас 4:
П очерпите, человецы, здравие душам и телесем, / яко река бо всем предлежит, икона Девы Богоматере, / источающи нам чудес струи, / и отмывающи омрачение и страстей сквернения, / и души освящающи верных // Божественною благодатию.
Вход. Прокимен дне и чтения.
Бытия чтение (Быт 28:10–17).
И зыде Иаков от студенца клятвеннаго и иде в Харрань. И обрете место, и спа тамо: зайде бо солнце, / и взят от камения места того, и положи возглавие себе, и спа на месте оном. И сон виде. И се лествица, утверждена на земли, eяже глава досязаше до небес, и Ангели Божии восхождаху и низхождаху по ней. Господь же утверждашеся на ней, и рече: Аз Бог Авраамов, отца твоего, и Бог Исааков, не бойся: земля, идеже ты спиши на ней, тебе дам ю и семени твоему. И будет семя твое, яко песок земный, и распространится на море, и ливу, и север, и на востоки; и возблагословятся о тебе вся колена земная и о семени твоем. И се Аз с тобою, сохраняяй тя на всяком пути, аможе аще пойдеши. И возвращу тя в землю сию, яко не имам тебе оставити, дондеже сотворити Ми вся, елика глаголах тебе. И воста Иаков от сна своего, и рече: яко eсть Господь на месте сем, аз же не ведех. И убояся, и рече: яко страшно место сие; несть сие, но дом Божий и сия врата Небесная.
Пророчества Иезекиилева чтение (Иез 43:27; 44:1–4).
Т ако глаголет Господь: будет от дне осмаго и прочее, сотворят иереи на олтари всесожжения вашего и яже спасения вашего, и прииму вы, глаголет Адонаи Господь. И обрати мя на путь врат святых внешних, зрящих на востоки, и сия бяху затворена. И рече Господь ко мне: врата сия затворена будут и не отверзутся, и никтоже пройдет сквозе их; яко Господь Бог Израилев пройдет ими, и будут затворена. Яко Игумен сядет в них снести хлеб, по пути Еламских врат внидет и по пути его изыдет. И введе мя по пути врат святых, сущих к северу, прямо храму, и видех, и се исполнь славы храм Господень.
Притчей чтение (Притч 9:1–11).
П ремудрость созда Себе дом и утверди столпов седмь. Закла Своя жертвенная, и раствори в чаши Своей вино, и уготова Свою трапезу. Посла Своя рабы, созывающи с высоким проповеданием на чашу, глаголющи: Иже есть безумен, да уклонится ко Мне. И требующим ума рече: Приидите, ядите Мой хлеб, и пийте вино, еже растворих вам. Оставите безумие и живи будете, и взыщите разума, да поживете, и исправите разум в ведении. Наказуяй злыя приимет себе безчестие, обличаяй же нечестиваго опорочит себе: обличения бо нечестивому раны ему. Не обличай злых, да не возненавидят тебе. Обличай премудра, и возлюбит тя. Даждь премудрому вину, и премудрший будет. Сказуй праведному, и приложит приимати. Начало премудрости страх Господень и совет святых разум: разумети бо закон помысла есть благаго. Сим бо образом многое поживеши время, и приложатся тебе лета живота.
На литии стихира, глас 8:
Д несь, священно собравшеся, восхвалим Богородицу: / Пресвятая Дево Марие, / многая Твоя величия и чудес пучина, / Ты бо еси нам святое ограждение, / и похвала, и слава, и источник исцелений. / Празднующе святому Твоему образу, Всемилостивая Мати, / молимся, глаголюще: / Иисусе Всесильне, молитвами рождшия Тя, // спаси души наша, яко Милосерд.
На стиховне стихиры, глас 2.
Подобен: Доме Евфрафов:
П саломски торжествуем, / духовно веселящеся, / с Давидом Деве вопиюще: / лицу Твоему помолятся // богатии людстии, Владычице.
Стих: С лыши, Дщи, и виждь, / и приклони ухо Твое.
В кимвалех духовных / восплещем, радующеся, вернии, / и честно преду срящем / Милостивыя Владычицы // святое изображение.
Стих: П омяну имя Твое / во всяком роде и роде.
Д оме Пречистыя / обитель Киккская явися, / идеже пречистаго Твоего зрака / честная икона, Владычице, сияющи, // якоже солнце незаходимое.
Слава, и ныне, глас тойже:
П одаждь певцем честнаго Твоего образа, / Пречистая Владычице, / крепость на борителя, / и грехов оставление // молитвами Твоими, Всемилостивая.
Тропарь, глас 4:
Ч удесны милости твоя, Пречистая Владычице, / явленныя от образа Твоего, / чудно есть и прехождение его во обитель Киккскую, / идеже явилася еси Хранительница всея Кипрския земли / и всем приходящим к нему с верою скорая Услышательница, // теплыя моления наша приемлющая.
Ин тропарь, глас тойже:
Д несь светло красуется обитель Киккская, / и с нею ликовствует Кипрская земля, / яко зарю солнечную восприимши, Владычице, / чудотворную Твою икону, / еюже разгонявши мглу искушений и бед от вопиющих верно: / избави обитель Твою и вся страны христианския от всех навет вражиих // и спаси души наша, яко Милостивая Заступница рода христианскаго.
НА УТРЕНИ
По 1-м стихословии седален, глас 5:
П речистая Дево Марие, / помилуй нас, прибегающих с верою к Тебе, Милосердой, / и просящих теплаго заступления Твоего: / можеши бо, яко Благая, всех спасти / и, яко Мати Бога Вышняго, Матерними Твоими молитвами // всегда избавлявши чтущих Тя от всех бед, Всечистая.
Слава, и ныне, тойже.
По 2-м стихословии седален, глас 1:
М атерь Тя Божию молим вси воистинну / и к щедротам Твоим вопием, любовию прибегающе к Твоей благости: / Тя бо имамы, грешнии, заступницу, Всемилостивая, // и Тебе стяжахом в напастех спасение, Едину Пречистую.
Слава, и ныне, тойже.
Величание:
В еличаем Тя, / Пресвятая Дево, / Богоизбранная Отроковице, / и чтим образ Твой святый, / имже милости источаеши // всем с верою притекающим.
Псалом избранный:
1. П омяни, Господи, Давида и всю кротость его. 2. С вят храм твой, дивен в правде. 1. Д ому Твоему подобает святыня, Господи, в долготу дней. 2. П омяну имя Твое во всяком роде и роде. 1. Я ко клятся Господеви, обещася Богу Иаковлю. 2. С е, слышахом я во Евфрафе, обретохом я в полях дубравы. 1. П реславная глаголашася о тебе, граде Божий. 2. Б ог посреде его, и не подвижится. 1. К лятся Господь Давиду истиною, и не отвержется ея. 2. О т плода чрева твоего посажду на престоле твоем. 1. Я ко избра Господь Сиона, изволи его в жилище себе. 2. О святил есть селение Свое Вышний. 1. С вятыня и велелепота во святиле его. 2. Б лагословен Господь во век, и в век века.
По полиелее седален, глас 8:
Н ыне остров Кипрский о Тебе хвалится и веселится, / имеющи Тя Заступницу Непостыдную, / и стену нерушимую, Владычице, / обители Твоей непоколебимое основание и стража неусыпна. / Не престай и ныне Твоими молитвами, Милостивая Мати, // избавляти Твоя люди от искушений и бед.
Слава, и ныне, тойже.
Таже, степенна, 1-й антифон 4-го гласа. Прокимен, глас 4: П омяну имя Твое / во всяком роде и роде. Стих: С лыши, Дщи, и виждь, / и приклони ухо Твое. В сякое дыхание: Евангелие от Луки, зачало 4:
По 50-м псалме стихира, глас 6:
Н е имамы иныя помощи, / не имамы иныя надежды, / разве Тебе, Владычице. / Ты нам помози, / на Тебе надеемся, / и Тобою хвaлимся, // Твои бо есмы рабы, да не постыдимся.
Канон, глас 4.
Песнь 1
Ирмос: О тверзу уста моя, / и наполнятся Духа, / и слово отрыгну Царице Матери, / и явлюся, светло торжествуя, // и воспою, радуяся, Тоя чудеса.
К ую Ти достойную песнь принесет наше неможение,/ точию обрадовательную, ейже нас Гавриил тайно научил есть:/ радуйся, Богородице Дево, Мати Неневестная.
Г ласы, яко трубы, возшумите, благочестивых мужей множества, и воззовите вельми, священных уста, и приимите икону Царицыну, пришедшую во спасение наше.
К горе Киккской, Девы Пренепорочныя приимшей икону, приступим, вернии, и благоухания Божественнаго прияти потщимся, в сей бо излияся миродыхающее и души облагоухающее благовоние.
Г ора явленнейшая Ты бысть, Пречистая Владычице, на Нюже Господь возшед, явися, к Нейже прибегающе, спасаемся.
Песнь 3
Ирмос: Т воя песнословцы, Богородице, / живый и независтный Источниче, / лик себе совокупльшия, духовно утверди, / в божественней Твоей славе / венцев славы сподоби.
Я же всем удобь послушная в скорби и в печали помогающая, Богородице Благая, благодать подаждь пети Тя дерзающим, Владычице Милостивая.
Ж ивоподательный Божественный источник видяще, / приидите, теплыми сердцами, Чистыя Богоматере иконе прикоснемся, исцеления точащей.
З аступнице и покров Кипрской земле и всякому граду и стране, буди нам Помощница и прибежище, Милостивая, всех нас заступи,
Госпоже Царице и Богородице, и во всяких злых местех верныя сохрани.
П риими хвалу от уст наших недостойных, о Пресвятая Богородице, надеждо наша и похвало! Покланяемся Твоему преславному образу: мольбу приими о рабех Твоих.
Седален, глас 8:
Х отящих всех с верою входити в храм Твой
святый, Владычице, / присно спасай и сохраняй, в
нем Тя славящих, / от всяких напастей и бед
свобождай / и на противныя победы даруй, // ко
спасению прошения присно нам подающи.
Песнь 4
Ирмос: С едяй в славе / на Престоле Божества / во облаце легце, / прииде Иисус пребожественный, / нетленною дланию / и спасе зовущия: / слава, Христе, силе Твоей.
Е вангелия Христова Богогласный списатель Лука написа образ Твой чудный, Всенепорочная Владычице, егоже подобием украсися всего мира концы.
О Дево Всечистая, Ты изволила еси изыти из Константина града в чудотворном образе Твоем и доити до Кипрския страны, идеже явилася еси Хранительница обители Киккския и людей православных.
М ануил, правитель Кипрский, повеление Твое, Богомати, исполняя, егоже прорекла еси чрез дивнаго Исаию пустынника, принесе образ Твой честный в страну свою, даров всех ценнейший.
С окровище всучудное стяжа Кипрская земля образ Твой, Дево Всемилостивая, Тя – Матерь Спасову, Ходатаицу себе обрет и стража неусыпна.
Песнь 5
Ирмос: У жасошася всяческая / о божественней славе Твоей: / Ты бо, Неискусобрачная Дево, / имела еси во утробе над всеми Бога / и родила еси Безлетнаго Сына, / всем воспевающим Тя / мир подавающая.
Г ора, юже виде Божественный Аввакум, присенная и чистая Ты явися, Пречистая Богородице.
Г ору превелию, юже Даниил виде, именуем Тя, Владычице, от Неяже Камень отсечеся Нерукосечный и вся соблазны истни, верныя же вся просвети.
Г ору Тя усырену и тучну именует Давид, праотец Твой, от Неяже Бог явися, спасая всех поющих Тя и покланяющихся Тебе.
Г ору Киккскую в престол Себе избрала еси, Владычице Всемилостивая, от нея же возвеличила милости Своя над верными Своими.
Песнь 6
Ирмос: Б ожественное сие и всечестное / совершающе празднество, / богомудрии, Богоматере, / приидите, руками восплещим, / от Нея рождшагося Бога славим.
Б оже мой Милосерде, Боже Человеколюбче, Водителю милости, ныне на мя излей Твою милость: молит Тя надежда и Заступница моя, Мати Твоя.
М илость Твою и милосердие на рабы Твоя, Чистая, простри, присно молящия Тя всякия скорби и муки избавляющи молитвами Твоими.
М олитвеннице неложная, упование христиан, Обрадованная, приими мольбы от нас, прилежно призывающих и молящихся Тебе.
В озвеличи милость и заступление, Пречистая, Твоих молитв на нас и избави ны от напастей и скорбей, Радость миру рождшая.
Кондак, глас 8:
И збравшей Себе престол гору Киккскую, / от всех родов Честнейшей, Божией Матери, / благодарственная пения приносим, / пришествием честныя Ея иконы, озаряеми. / Ты же, Милостивая Владычице, / яко имущая державу непобедимую, / от всяких нас бед свободи, да зовем Ти: // радуйся, Невесто Неневестная.
Икос:
А рхангельский глас приносим Ти, Богородице, недостойнии раби Твои, умильно стояще пред честною иконою Твоею, сице зовем Тебе: радуйся, Обрадованная Мати Царева; радуйся, возвеличенная Ангеловым сошествием к Тебе; радуйся, от всех родов избранная Богом; радуйся, святое Вместилище Божия Слова; радуйся, отверзающая рая двери, христианскому роду, присно блажащему Тя, Всемилостивая Дево Марие; радуйся, Невесто Неневестная.
Песнь 7
Ирмос: Н е послужиша твари Богомудрии / паче Создавшаго, / но, огненное прещение мужески поправше, / радовахуся, поюще: / препетый отцев Господь и Бог, благословен еси.
В сем, сущим в мире, Заступница еси и стена христианом, и прибежище непостыдно, Чистая Марие. Темже верою Тя чтуще, вопием Христу: препетый отцев Господь и Бог, благословен еси.
Р адование благодарственное Тебе приносим, Мати Божия, яко воистину Тобою избавлени всякаго злаго начинания, и согласно Тебе поем: благословенна еси.
Я ко пресветлое солнце икона Твоя, Богомати, от царскаго града преславно возсияла еси в земли Кипрской на спасение людем верным.
П роповедует преславно величия Твоя обитель Киккская, и хвалят молебницы, и величают чудотворный образ Твоего моления о нас, и глаголют: утверди, Господи, обитель сию.
Песнь 8
Ирмос: О троки благочестивыя в пещи / Рождество Богородичо спасло есть; / тогда убо образуемое, / ныне же действуемое, / вселенную всю воздвизает пети Тебе: / Господа пойте, дела, / и превозносите Его во вся веки.
Я ко световидно и освященно красотою Божества лице Твое, Пренепорочная, славою сияюще Божественнаго девства, преукрашеннаго во вся веки.
П устыннаго жития ревнитель, старец Исаия, служитель Твой явися, Причистая, чуду прехождения Твоего на Кипр смиренно послуживый и воспевый дивному смотрению Твоему: Господа пойте, дела, и превозносите Его во вся веки.
В болезнех и напастех одержимыя не презри, Благая: но мольбу худую услышавши, свободи нас от скорбей великих, да верно Твою милость и заступление, Чистая, воспеваем.
Р адуйся, Престоле славный Божий; радуйся, верных стено, Еюже сущим во тьме возсия Свет, Христос, Тебе блажащим и вопиющим: Господа пойте, дела, и превозносите Его во вся веки.
Песнь 9
Ирмос: В сяк земнородный / да взыграется, Духом просвещаемь, / да торжествует же безплотных Умов естество, / почитающее священное торжество Богоматере, / и да вопиет: / радуйся, Всеблаженная, / Богородице, чистая Приснодево.
Р адуйся, Марие, великое всея твари чудо; радуйся, Дщи убо Давидова, Господня же Мати; радуйся, пение Гавриилово; радуйся, прибежище и утверждение, и помощь всем, Пресвятая, сущим на земли грешником.
Ю же изволил еси, Владыко, приимй милостивно Молнтвенницу, Матерь Твою, о нас, и Твоея благости всяческая исполнятся: да Тя вси яко Благодетеля величаем.
А ще и скрыт лик Твой, Всечитая, на иконе Твоей святей, но вемы, Царице Милостивая, яко зриши вся наша нужды матерним твоим сердцем и молишися о всех, любовию Тя величающих.
С е убо вопияше Давид древле, глаголя: лицу Твоему помолятся богатии людие, войстинну ныне мы обогатихомся, Владычице, пришествием честнаго образа Твоего.
Т ы еси похвала христианом, Владычице, Ты оружие на враги и стена, к Тебе прибегаем, Тя и ныне на помощь призываем: Госпоже Царице Богородице, спаси и сохрани правоверныя люди Твоя, Мати Милостивая.
Светилен.
С олнце Правды миру явившая и икону источник чудес показавшая, Милостивая Мати Богородица песненно днесь да почтится.
На хвалитех стихиры, глас 4:
С е храм пресветел и место священия, / идеже честная икона Матере Твоей, Слове, пребывает. / Мы же приступим и исцеления почерпем, / яко спасение нам Тоя ради даровал еси, Христе Боже, / и избавление от различных недуг, // и душам нашим велию милость.
Д ивный пророче Исаия, / будет бо, рече, в последния дни / яве гора Господня / и дом Божий верху ея; / уведехом же, Владычице, истинное сбытие, / горы бо и холми украсишася / многоименитыми церквами Твоих праздников. / Тем весело вопием Тебе: / Обрадованная, радуйся, с Тобою Господь, / подаяй мирови велию милость.
Н еземным светом сияющи, / предстала еси, Пречистая, иноку Исаии / и радоватися того сотворила еси, / Кипр и обитель Твою прославила еси. / Но отжени, Госпоже, темную нощь прегрешений наших // и соблазны упраздни, молимся Ти, Всемилостивая.
В еличаем Тя, Дево Чистая, / явлением бо Твоим гора Киккская освятися / и страна Кипрская благодати и радости исполнися. / Темже молим Тя: / не отступи от нас до конца, Владычице, // но присно спасай воспевающих Тя.
Слава, и ныне, глас 8:
В ладычице, приими молтвы раб Твоих / и избави нас // от всякия нужды и печали.