Радуйся, лукавыя совёты враговъ Росс\и презрёвый.
Радуйся, во дни брани мужество вел\е явивый.
Радуйся, всея Росс\и Богомъ данный заступниче.
Радуйся, странъ и народовъ православныхъ державный покровителю.
Радуйся, яко Престолу Святыя Троицы нынё предстоиши.
Радуйся, яко со всёми святыми предъ Богомъ о душахъ нашихъ ходатайствуеши
Радуйтеся, свят\и царственн\и великомученицы, за землю Русскую предъ Богомъ молитвенницы и преславн\и чудотворцы.
Кондакъ 4
Бурю лютыхъ изкушен\й воздвиже отецъ лжи д\аволъ на страну нашу православную, злобою, клеветою и коварствомъ беззаконныхъ и богоотступниковъ собирая, дабы разорити и погубити Царство Росс\йское. Ты же, благовёрный царю-изкупителю Николае, братоуб\йства въ державё своей избёгнути, хотя, власть земную и славу оставилъ еси, и умолялъ еси Господа, да сохранитъ на Руси вёрныхъ Богу и поющихъ Ему: Аллилу\а.
Икосъ 4
Слыша и видя Отечества своего нестроен\е и разорен\е, молился еси, святый Царю-изкупителю Николае, да спасетъ Пречистая Матерь Господа домъ Свой - державу Росс\йскую, и се явися образъ Пресвятыя Богородицы Державныя, и пр\я Царица Небесная скипетръ и державу изъ рукъ отверженнаго народомъ царя земнаго. И бысть с\е явлен\е на вел\ю радость всёмъ вёрнымъ, поющимъ тебё, великомучениче святый:
Радуйся, волю свою всецёло въ Волю Бож\ю предавый.
Радуйся, тлённую славу земную ни во что же вмёнивый.
Радуйся, царск\й вёнецъ на терновый смёнивый.
Радуйся, терпен\ю Христову вёрный подражателю.
Радуйся, хулы и напасти кротко претерпевый.
Радуйся, якоже Iовъ многострадальный, праведность во страдан\и явивый.
Радуйся, покрову и заступлен\ю Бож\я Матере страну Росс\йскую вручивый.
Радуйся, пламенныя молитвы къ Богу о ней возносивый.
Радуйся, Богомъ на страдан\е вольное предызбранный.
Радуйся, царскую порфиру кров\ю своею обагривый.
Радуйся, Вёру истинную до конца сохранивый.
Радуйся, царственною славою на Небеси и на земли почтенный.
Радуйтеся, свят\и царственн\и великомученицы, за землю Русскую предъ Богомъ молитвенницы и преславн\и чудотворцы.
Кондакъ 5
Боготечною звёздою явилася еси, славная Царице Александро, пр\явши Вёру Православную и всемъ сердцемъ твоимъ возлюбивши молитву, храмы Бож\я и Святыхъ Отецъ творен\я. Тёмже во благочест\и возпитала еси чада твоя и уготовала еси ихъ въ жертву чистую, непорочную за Христа, возпёвая Ему благодарственную пёснь: Аллилу\а.
Икосъ 5
Видя Господь крёпость вёры твоея и силу терпен\я, святая Царице Александро, дарова тебё вкупё съ возлюбленнымъ супругомъ твоимъ и чадами вашими изпити чашу горькихъ страдан\й и пр\яти мученическую смерть. Ты же, подражающи закланному Агнцу Христу, вся претерпёла еси и во обители горн\я душею возлетёла еси. Тёмже поминающе страдан\я твоя, Христова великомученице, возпёваемъ тебё таковая:
Радуйся, въ сиротствё твоемъ Матер\ю Бож\ею возпр\ятая.
Радуйся, Феодоровскому образу Владычицы посвященная.
Радуйся, любов\ю къ мудрости Богомъ одаренная.
Радуйся, святынь православныхъ почитательнице.
Радуйся, съ супругомъ твоимъ въ любви и благочест\и пожившая.
Радуйся, чадомъ твоимъ царственнымъ мати любвеобильная.
Радуйся, ратникомъ увечнымъ страдан\я облегчавшая.
Радуйся, Умывшему нозё ученикомъ добрё подражавшая.
Радуйся, матерей росс\йскихъ въ скорбёхъ утёшающая.
Радуйся, всёмъ росс\йскимъ женамъ похвало и радосте.
Радуйся, елей милости въ сосудё своемъ собравшая.
Радуйся, вёрность Отечеству новому и Вёрё Православнёй даже до смерти сохранившая.
Радуйтеся, свят\и царственн\и великомученицы, за землю Русскую предъ Богомъ молитвенницы и преславн\и чудотворцы.
Кондакъ 6
Проповедницы славы Бож\я и ревнители благочест\я явистеся, свят\и царственн\и супруги Николае и Александро, и образъ брака благословеннаго, союзомъ любве связаннаго показасте вёрнымъ людемъ и всёмъ чтущимъ васъ и благодарно возпёвающимъ прославльшему васъ Богу: Аллилу\а.
Икосъ 6
Возс\яли есте, яко звёзды богосвётл\и, въ царствё православно-росс\йскомъ, боговёнчанн\и царю-изкупителю Николае и царице Александро, въ жит\и вашемъ и въ дёлёхъ любве, милосерд\я, вёры, вы бо возпитали есте чадъ своихъ во благочест\и, съ ними же въ заточен\и отъ богоборцевъ бывше, вёру, надежду и любовь къ Богу сохранили есте и мученическую кончину претерпевше, причастницы Царства Небеснаго содёластеся. Тёмже яко земли Русск\я покровители, молите Бога о спасен\и Отечества нашего и всёхъ съ любов\ю васъ чтущихъ и возпёвающихъ тако:
Радуйтеся, образъ истинный супружества христ\анскаго явивш\и.
Радуйтеся, любовь небесную въ себё поистиннё показавш\и.
Радуйтеся, бёдныхъ и убогихъ милостив\и попечители.
Радуйтеся, христ\анскимъ смирен\емъ украшенн\и.
Радуйтеся, изгнан\и правды ради, яко ваше есть Царство Бож\е.