Чин како подобает приимати в Церковь
От ереси икуменическия и сергианския приходящих
Суздаль
В первых убо от святителя или пресвитера кающийся опасно да истязан будет о заблуждениях его. Таже да обличит я и наставит и утвердит в правой вере. Совершив же известно испытание и наставление, да повелит ему исповедати вся грехи своя, елика от юности своея памятствует. Разрешения же грехов абие да не подаст ему, но да поставит пред купелью (или пред дверьми церковными в притворе). Пресвитер же одеян в епитрахиль и фелонь, станет в дверях и вопрошает его глаголя:
Хощещи ли отрещися от ересей икуменическия и сергианския?
Отвещает: хощу.
Таже пресвитер чтет хартию с отрицанием ересей и исповеданием правыя веры:
Сим рукописанием аз имярек:
Отрицаю и анафематствую гнусную ересь икуменизма, яже учит Церковь Христову разделенную быти на многия ветви и расколы, яже разнятся своим учением, молитвою и жизнью, но имущих соединитися в едино тело.
Отрицаю и анафематствую учение икуменизма, яко еретицы имут спасительныя и благодатныя таинства, и исповедаю вся глаголемая их таинства не токмо безблагодатными, но паче сквернениями.
Осуждаю учение икуменистов, яко священные каноны и написания догматов веры имут относительное значение и стали неприменимы за давностию времени.
Отказываюсь признавать Московскую патриархию и иные глаголемые православные церкви истинной Церковью Христовой, но признаю их еретическими лжецерквами, на нихже многие анафемы и прещения святых отец и святых соборов пребывают.
Отрицаюсь нового учения, яко глаголемые старцы своей духовной силою исправляют ереси и грехи епископата и тем спасают Церковь от потопления ересию, яко вводящаго иную степень священства в Церкви Христовей и папской власти подобную.
Осуждаю пагубную ересь сергианства, якобы соглашательством с антихристом и слугами его, служением богоборческим властем, попирающе священныя каноны, святоотеческое предание и божественныя догматы, и прочим человеческим тщанием возможно спасти Церковь Христову, ложью утвердить истину, сотрудничеством с преступной властью, неправедной мздою, святокупством устроить мнимую пользу Церкви.
Исповедую:
Церковь Христову быти единей и нераздельней в вере, согласно Евангелию и учениям апостолов, святых отцов и соборов, и вне Ея несть никомуже спасения.
Правила соборов и святых отец необходимыми быти ко спасению и не подлежащими отмене, искажению или перетолкованиям.
Российскую Православную Церковь быти законной преемницей дореволюционной, катакомбной и зарубежной Церкви Российской.
И абие подписывает сию хартию.
Пресвитер же глаголет к нему: Анафематствуй Мелетия, Афинагора бывших лжепатриархов Константинопольских, Никодима бывшего Ленинградскаго, Алексия лжепатриарха Московскаго, Кирилла Смоленскаго яко икуменическия ереси начальников, и учения их, и всех единомудрствующих им.
Кающийся: Анафема да будут.
Пресвитер: Анафематствуй Сергия бывшего лжепатриарха Московскаго, и учения его.
Кающийся: Анафема ему и его учениям.
Пресвитер: Анафематствуй всякую ересь, не мудрствующую яко мудрствует Святая Божия и Апостольская Церковь.
Кающийся: анафема всем ересям и держащимся их.
И преклоняет главу. Пресвитер же возложь на главу его руку, чтет молитву:
Боже Спасителю наш, хотяй всем человеком спастися и в разум истины приити, прими раба твоего обращающагося от льсти еретическия и сподоби его печати божественнаго мvра и причащения пречистаго Твоего Тела и Крови. Яко Твое есть Царство и сила и слава с собезначальным Твоим Отцем и Пресвятым Духом во веки веков, аминь.
И по амине взем святое мvро помазует его по чину крещаемых, творя креста образ на челе же, и очесех, и ноздрех, и устех, и обою ушесу, и руку, персех, и междорамии, и колену, глаголя: Печать дара Духа Святаго.
И по помазании его глаголет молитву сию на главе его (Мефодия патриарха из чина присоединения отпадших):
Господу помолимся. Господи помилуй.
Господи Боже Вседержителю, иже посланием Пресвятаго Твоего Духа благодати исполнивый ученики, и раба твоего сего обративый от прелестнаго пути и на твою веру наставивый, и благоухания святаго Твоего Духа помазанием мvра сего сподобивый, сохрани его во Твоей святыни, даждь ему по воли Твоей ходити, и сподоби его с нами в наслаждении быти страшных Твоих таинств: и соблюдая же в Тя веру праву, достойна явитися и небеснаго твоего Царствия, благодатию Христа твоего, с Нимже тебе подобает слава, честь и поклонение, со Пресвятым и благим и Животворящим твоим Духом ныне и присно и во веки веков, аминь.
И взем губу, отирает св. миро, и абие
Слава, и ныне: и отпуст.
На литургии же причащает его святых Таин.