Свабхава Шуддхо 'Хам
(Бодун Эмчи Буддазы - Бхешадзе -Башкыныӊ овурунда кылдыр бодап аар).
1) Хоозун шынар бойдузундан кээп
"Пам" деп чырык үжүк тыптып кээр.
Онуун аккыр Алаӊ-Тос чечээ.
Ооӊ кырынга "А"-дан ай дээрбээ.
2) Аӊаа кѳк "Хум" - угааным боду.
Онуун үнген чырык херелдер,
Ийи чүүлдү күүскедип туру:
Чыглып келгеш, Бхешадзе болду.
3) Мага-боду чиӊгир кѳк ѳӊнүг,
Чаӊгыс баштыг, ийи холдарлыг.
Оӊ холунда - бедик сѳӊ демдээ,
Үш хоранныӊ эми Арура (миробалан)
4) Солагай хол - деӊзигүүр демдээ,
Долу эм-таӊ чулуу үнүштүг.
Тода, долу демдектер-биле
Үш хевирниӊ хевин каастанган,
5) Бхешадзе деп Башкыныӊ боду,
Маспактанып алган саадап ор.
Ал-бодундан чырык херелдер
Он чүктерже тарап чайнап тур.
6) Кѳрүштүг-даа, кайгамчыктыг-дыр:
Хаваанда ак " Ом " - деп үжүк бар.
Ѳгү кызыл " А "- деп үжүктүг.
Чүрээнде кѳк " Хум "- деп үжүк бар.
7) Угааныглар (Джнянасаттвы) Сеткилдиглерни (Абхишекасаттв),
Чалап аарга ёзу болу бээр.
" Хум "- дан үнген чырык херелдер,
Шупту Эмчилерни чалап бээр.
8) Дза: Хум Бам Хо: – каттыжа бээрлер.
База катап " Хум "-дан херелдер,
Он чүктерден Сеткилдиглерни
Айыстыва чалап кыйгырар:
9) "Авыралдыг долу Айыстан
Дилеп тур мен, берип кѳрүӊер".
" Ом Бензр Б х ава Аб х ишинца Хум " - дээш,
Харыылааштыӊ айызын сѳӊнээр.
10) Будда Акшобия бажымга
Каасталга бооп оруп саадай бээр.
Ѳргүл кадыннары чүрээмден
Үнүп келгеш ѳргүлдер сѳӊнээр:
Ом Аргам Пратицае Хум Суха
Ом Падьям Пратицае Хум Суха
Ом Пушпе Пратицае Хум Суха
Ом Дюпе Пратицае Хум Суха
Ом Алоке Пратицае Хум Суха
Ом Ганде Пратицае Хум Суха
Ом Найвидья Пратицае Хум Суха
Ом Шапта Пратицае Хум Суха
11) Чүгле ат-сурааӊны дыӊнапкаш
Човулаӊнар дораан чиде бээр.
Үш хоранны чиигедип турар,
Бүгүдеге дески кээргелдиг,
12) Кадыкшылды чайынналдырган
Тиилекчи Башкы- Бхешадзе
Сагыш аарыгларын экиртип
Баарыӊарга тейлеп мѳгейдим.
13) Чүрээмде ай дээрбээн кырында
Кѳкүр " Хум " - деп үжүк долгандыр
Таринаныӊ сѳзү дээскингеш
Он чүктерже херелденип тур.
14) Бүгү дириг амылыгларныӊ
Сагыш-аарыын долу арыглааш,
Буддаларныӊ, Бойду-Саттарныӊ
Айыс чулуун чыып экеп тур:
Ом Намо Бхагавате Бхешадзе Гуру Бедурья Прабха Радзая, Татхагатая, Архате, Самьяксам Буддхая, Тадьятха, Ом Бхешадзе Бхешадзе, Маха Бхешадзе, Бхешадзе Радза Самудгате Суха.
(Бо таринаны бодап оргаш эрегеге хѳй катап шуудар)
15) Бо Буянныӊ ачызы-биле
Богда Башкы Бхешадзе болуп,
Хамык дириг амылыгларны
Арыг черлеринге чедирейн.
«Номчукчунуӊ кичээнгейинге»
I) Тывалап ѳрүп каан кандыг-даа СУДУРЛАРНЫботтандырып эгелээрде, баштай, Сарыг-Шажын ѳѳредииниӊ арыг салгал-шугумун эдилеп чоруур чүдүкчүнү, «Үндезин Башкызы» кылдыр хүлээп алгаш, судурнуӊ дорт дамчыдылга-айызын четтирип, дараазында салгалга арыг кылдыр номчуп-тайылбырлаар эргени хүлээнип алыр ужурлуг силер. Бо дээрге-ле, Алдын Буддадан херелденип келген, «Байлакшыл» ёзулалы ол-дур.
II) Кандыг-даа СУДУРЛАР ѳртек чок болур. Ынчалза-даа Тыва чонувус үлегер домаа: "Халас Кежик - Кежик болбас, Харыы Сеткил - Хирлиг чорбас!" - дижир болгай. Сүзүглээр кижи, Башкызын чырык угааныг Будда кылдыр кѳѳр болгаш сѳс-домааныӊ үнезин боду хүндүлеп кѳѳр ужурлуг. Бо дээрге-ле, Үндезин Башкызын үлегерлээн, «Мѳзү-Шынар» ёзулалы ол-дур.
III) Дорт дамчыдылга айызы чокка, СУДУРНУ бүдүү бодунга номчуур кижи, авторнуӊ холун актап, ак сеткилиӊерден каъш-даа акшаны «Өргүл» кылыр шилчидип чоруур болзуӊарза, угааныӊар хири (хай-бачыдыӊар) арыгланып Буян-Кежииӊер улгадыр. Бо дээрге-ле бодунуӊ менээргелин эвээжедип турар, «Шыдамыкай чорук» ёзулалы ол-дур.
IV) Сарыг-Шажынчы кижиниӊ, ай санында, «Үндезин Башкызынга өргүлүнүӊ» хемчээли, амыдыраар орулгазындан (шалыӊ-пенсия-пособие-садыг-саарылгадан) 10% болур ужурлуг. Чижелээрге: Бо судурну номчаанындан 450 акша ажылдап алыр болзуӊарза, 45 акша (10%-зу) Автор-Башкызынга четкен турар ужурлуг. Бо дээрге-ле, угаанынын байыдып чоруур, «Кызымакай чорук» ёзулалы ол-дур.
V) Кандыг-даа Тыва-Ужур сагывас болгаш биле тура-ла «Будда Башкызыныӊ бодалын» оорлаар болгаш сагылдарын хажыдар кижилерге: "Дараазында чуртталгаларда эки тѳрүмелге чединмейн баар, хилинчээ улуг салым-хууну эдилеп чоруй баар!" - дээрзин сагындырып каалы. Бо дээрге-ле, сагыш-сеткилди чырыдып чоруур, «Мерген-Угаан» ёзулалы ол-дур.
VI) Үндезин Башкызынга аалдап келген кижи:
1) Баштай мендилешкеш, Күнгүрваа баарынга үш катап тейлеп алыр.
2) Оон арыг хадак-биле «Ѳргүлдерин» Башкызынга сѳӊнээр.
Буруузун миннип, сагыш-сеткилин ажыдып бээр.
4) Башкызыныӊ арга-сүмезин алыр.
5) Сарыг-Шажын ѳѳредиин чонга дамчыдып бээр кылдыр, «Чалалга» дугуржуп алыр.
Башкызын аал-оранынга азыраар болуп, узун-назылаарын дилээр.
7) Башкызыныӊ холун актааш, менди-чаагай «Байырлажыр». Бо дээрге-ле, азып чоруур угаанны чагырып ап чоруур, «Ак-Сеткил» ёзулалы ол-дур.
«Оттуушкун» тѳлевилелинде
900-түг мобильный банк: 8(923)267-98-44.
СБЕРБАНК онлайн: 6390 0231 9022 2738 22
«Угааныӊар арыгланып, Буяныӊар улгадып чорзун!»
Тыва дылда «Оттуушкун» үжүглелиниӊ (өөредиглериниӊ) автор-чогаалчызы: Лопсаӊ Карчен Башкы – Ооржак Эмей-Оглу Шолбан.