Акафист священномученику иерею Петру
Кондак 1
Избранный Богом и возлюбивый Его всем сердцем, страдания и смерть за Него притерпевый и душу свою непорочную Ему вручивый. Юн годами, но стар разумом, всего год послуживый, но многих ко Христу обративый, обрати и наша сердца ко Господу, да зовем ти: Радуйся, Петре, избранниче Христов и страстотерпче.
Икос 1
Ангеле наш, тако люди о тебе говорили. Ты же весь к Богу стремяся, о плоти просто забывал, во плоти будучи безплотным подражал. Мы же таковую ревность ублажающе, взываем: Радуйся, родителей простых чадо желанное; Радуйся, в жилище Духа Святагопредъизбранное; Радуйся, страха Божия от пелен исполненный; Радуйся, иерею кроткий, мирный и незлобивый; Радуйся, светильниче, яко тобою вера возгорается; Радуйся, обрадованный, яко радость твоя не скончается; Радуйся, Петре, избранниче Христов и страстотерпче.
Кондак 2
От рождения освященный, прежде трудов дары духовные получивый, ими же во славу Божию людемпослуживый, мы же дивяся, яко возрастом мал да любовию велик, вопием: Аллилуйя.
Икос 2
Чудным ребенком явился еси, родителей удивляя, о смерти размышляя, сверстников избегая. Мы же зряще, яко неправду мира от юности познал, в скорбех к Богу устремлялся, лишь в Нем едином утешался, взываем тако: Радуйся, яко еще в младенчестве пречудноеявляеши; Радуйся, яко в год и три месяца родителей к Богу направляеши, а чародейку посрамляеши; Радуйся, яко она, тебя леча, всю силу и дар лечити потеряла; Радуйся, яко на тебя — младенца глядя, зубами скрежетала и вон прогнала; Радуйся, всем сердцем к Богу потянувыйся, Его искавый и к Нему устремленный; Радуйся, Богом освященный, Богом одаренный, к Богу душу вознесый; Радуйся, Петре, избранниче Христов и страстотерпче.
Кондак 3
Благодатию, данною ти свыше, к Богу с детства устремлялся еси. В совершенстве мироздания мудрость Творца наблюдал, родительское послушание исполнял, Бога прославлял песнию: Аллилуйя.
Икос 3
Богомыслием с детства занимаясь, ум совершенен в познании Творца и твари стяжал еси, смирением и послушанием волю свою воле Божией вверил, при этом разум мудр и прост имел еси. Мы же удивляшеся сему взываем: Радуйся, яко росток к свету, тако ты к Богу тянувыйся; Радуйся, с неправдой мира сего еще с детства столкнувыйся; Радуйся, чадо послушное, родителей своих утешение; Радуйся, яко к Богу стремлением приводивый их к удивлению; Радуйся, разум мира сего отвергший, а смирение Христово избравший; Радуйся, за Христом пошедший, Христу подражавший и Христу сораспялся; Радуйся, Петре, избранниче Христов и страстотерпче..
Кондак 4
Сердце твое, яко свеча, к Богу любовию горело, огнем любви сей все живое обымало, всей твари сострадало и Богу взывало: Аллилуйя.
Икос 4
Милующее, сострадательное сердце дал ти Господь. Еще отроку бывшу всем помочь старался еси, в скорбех людям сострадал, в бедах, как мог помогал, ели же помочь не мог — скорбел и к Богу взывал. Его же милостию поем титако: Радуйся, заповедь: блаженниимилостивии — в сердце имевый; Радуйся, яко скорбями ближних, паче чем своими скорбевый; Радуйся, в скорбех рожденный, в скорбех живущий, в страданиях душу свою святую Богу отдавый; Радуйся, яко жизнь твоя — свеча горевшая, во мраке светившая, а ныне возсиявшая; Радуйся, обиды прощающий, за обидчиков молящийся, обидимых утешающий; Радуйся, всю тварь жалеющий, ей сострадающий, людем помогающий; Радуйся, Петре, избранниче Христов и страстотерпче.
Кондак 5
Ревнуя о доме Божием, храм усердно посещал, все дела оставляя, стопы в церковь устремлял, принося Единому в Троице славимому Богу хвалу: Аллилуйя.
Икос 5
Огнем любви к Богу горя, желая Ему Единому служити, учение мирское отлагаеши, мнози слезы проливаеши, до двадцати раз на гору Почаевскуюприезжаеши, Матерь Божию и преподобного Иова умоляеши и в училище духовное поступаеши, мы же ревности и усердию твоему дивяся, поем тако: Радуйся, Божественней литургии усердный ревнителю; Радуйся, храмов Божиих неустанный посетителю; Радуйся, желанием святым служити Богу горящий; Радуйся, Господа и Матерь Божию о том горяче и слезно просящий; Радуйся, промыслом Божиим, ходатайством Богородицы и преподобного Иова в духовное училище приятый; Радуйся, пред Богом ходивый, благоговения исполненный и страхом Божиим объятый; Радуйся, Петре, избранниче Христов и страстотерпче.
Кондак 6
Послушание родительское исполняя, браком сочетался еси, но вся премудро устрояя, предивный Бог сосуд избранный свой оберегая, что сочитал, то и расторг еси. Его же славяще и хваляще взываем: Аллилуйя.
Икос 6
Желая Единому Богу служити и слезно Его о том моля, недостойной жены с радостиюизбегаеши, родителей в недоумении оставляеши, сан принимаеши и Бога прославляеши. Мы же слышаще сие глаголем тако: Радуйся, девства своего и чистоты хранителю; Радуйся, заповедей Божиих усердный исполнителю; Радуйся, спящих во сне греховнемпробуждение; Радуйся, звездо путеводительная ищущим спасения; Радуйся, иереем пример и церкве украшение; Радуйся, злых посрамление, скорбящих утешение; Радуйся, Петре, избранниче Христов и страстотерпче.
Кондак 7
Сан приявши, служение свое начал ревностно. Стал усердно со страхом Божиим, благоговейно, с великим вниманием и терпением немалым, смиренне в заповедях Божиих ходити, за все предивного Его благодаря песнею: Аллилуйя.
Икос 7
Почувствовав в тебе благодать Божию, люди к тебе потянулись не глядя на юность твою. Ты же, яко рожденный для служения сего, всю душу свою им отдавал, сил не жалея в любви к людям пребывал. Мы же, ублажающетя, взываем: Радуйся, проповедниче Христов, даром слова одаренный; Радуйся, служителю усердный, в миру от мира отрешенный; Радуйся, в болезни своей ликующий, да не престанет она, просящий; Радуйся, дарования свои скрывающий и тайная сердца зрящий; Радуйся, никому не отказывающий, всех любящий и всем помогающий; Радуйся, пастырю добрый, годами юный, паству добре наставляющий; Радуйся, Петре, избранниче Христов и страстотерпче.
Кондак 8
Положив в основание всех трудов своих смирение, труды сии соделал плодотворными, ближним полезными, Богу угодными. Ему же, чудное нам показуя, вопием: Аллилуйя.
Икос 8
Плоть твою духови покоряя, вменился яко ангел во плоти, мы же страдания и труды твоя ублажая, тако вопием ти: Радуйся, в посте и молитве подвизавыйся, о пище телесной просто забывая; Радуйся, яко сну два часа уделял еси, сим совершенным подражая; Радуйся, ненуждающийся тленных стяжаний, о вечном помышляющий и в Бозе живущий; Радуйся, нужду имеющим, всем просящим и не просящим милостыню усердно подающий; Радуйся, в добродетели подвизавыйся, в добродетели смиряющийся и ею благодать получающий; Радуйся, жить в Бозе старающийся, заповеди исполняющий, труды своя скрывающий; Радуйся, Петре, избранниче Христов и страстотерпче.
Кондак 9
Работая Богу Живому и Истинному, забывая задняя и простираясь вперед, молитву дерзновенную стяжал еси и ею к Богу воззывал: Аллилуйя.
Икос 9
Подвизаяся в добродетелях, в молитве усердно подвизался еси, сию пламенную, горячую, слезную имел еси. И ею же моли о нас недостойных, поющих титако: Радуйся, усердию и любви к молитве нас научающий; Радуйся, в скорбех, болезнях и бедах с молитвой к Богу прибегати наставляющий; Радуйся, яко молитвою твоею пьющий и жену биющий, мирным соделался и от недуга своего исцелился; Радуйся, весь день Бога просящий и во сне моливыйся; Радуйся, яко молитв прося, люди к тебе обращаются, ото сна просыпаются и к Богу устремляются; Радуйся, слезно просящий, в молитве утешающийся и ю, яко кадило Богу приносящий; Радуйся, Петре, избранниче Христов и страстотерпче.
Кондак 10
Познав, яко правда лишь в Бозе, Бог в любви, а любовь в самопожертвовании, в волю Божию предался еси, немощи ближних носил, поношения терпел, за все Бога благодарил, взывая Ему: Аллилуйя.
Икос 10
Облачась во всеоружие Божие, дабы стати противу козней диавольских и всякою радостиюрадуяся, егда впадал в различныя искушения, в напастях пребывал невозмутим, гнев яко змия мечем умертвил, терпением врагов победил, мы же зряще скорби твои, терпение твое ублажаем: Радуйся, от лжебратиитерпевый поношения; Радуйся, завистливых сослужителей посрамление; Радуйся, Божиим промыслом чудно водимый; Радуйся, в год десять приходов сменивый; Радуйся, змием гонимый, за Христа терпящий, в скорбехвозмужавый; Радуйся, яко многи скорби праведным — на себе познавый; Радуйся, скорбь тебе причиняющих прощающий и обид не вспоминающий; Радуйся, благодарением врагов прогоняющий и молитвой за обидчиков их с ног сшибающий; Радуйся, Петре, избранниче Христов и страстотерпче.
Кондак 11
Пастырь добрый душу свою полагает за овцы, памятуя сие, на свою Голгофу смиренне взошел еси, в руци Божии душу свою непорочну предал еси поя: Аллилуйя.
Икос 11
Яко овча на заклание веден, не захотел воли Божией уклонитися, под иго Владычня милосердия выю свою смеренне приклонил, волю Божию исполнил, супротивных злобу низложил. Мы же, видя страдания твоя, поем тако: Радуйся, кончину свою зная, сам себе в руци мучителей отдавый; Радуйся, страсть добровольную, мучение и смерть за Христа приявый; Радуйся, яко не смея взирати в очи твои, мучители их паяльником выжигоша; Радуйся, яко по слову твоему люди лишь в третий день тело твое обретоша; Радуйся, яко от тела твоего, во гробу лежащего, столп огненный до неба поднялся; Радуйся, яко в восьмой день оно благоухало и пением ангельским ты отпевался; Радуйся, Петре, избранниче Христов и страстотерпце.
Кондак 12
Нет любви большей, аще кто душу свою положит за други своя, ты же душу свою за Христа положив, венец мученический от Него приял, ныне вся, елико восхочеши, испроситиможеши у Него, поя Ему: Аллилуйя.
Икос 12
Мученичества твоего подвиг желающеублажати, да паче слова делом прославим: зажигаемии от жития твоего по Бозе, направляемиисмертию твоею честною, посмертными чудесами твоими же подкрепляемии, старанием дел богоугодных ублажим тя. Ты же не отвергни и устами возносимыя хвалы сия: Радуйся, в предсмертных муках моливыйся и трехперстным знамением сие запечатлевый; Радуйся, яко персты твоя два раз разъединившие ужаснулися, видя их вновь и вновь соединенными; Радуйся, и по смерти людям являющийся, даруя им утешение; Радуйся, просящим тяпомогаеши в житейских скорбях и нуждах неся облегчение; Радуйся, не долго поживший, но много добрых дел сотворивший и Богом не посрамленный; Радуйся, за Христа претерпевый, во Христе живый, Христом прославленный; Радуйся, Петре, избранниче Христов и страстотерпче.
Кондак 13
О, пречудный иерее Петре, прими сии похвалы тебе от нас приносимые, Господа за нас попроси и Царствия Небесного наследники ны сотвори молитвами твоими да зовем Богу радостно: Аллилуйя, Аллилуйя, Аллилуйя.
(Этот кондак читается трижды, затем икос 1 и кондак 1)
Молитва священномученику иерею Петру
О, святыйстрастотерпче Петре, сосуд чистоты избранный, церкви украшение и удобрение, иереям похвало, мученикам сродниче, агнче Агнца Всесвятаго, лозо винограда Христова плодовита, маслино долу кланяющаяся, крин благоуханный, сосуде милости исполненный, к ликам горних сопричтенный, с ними же моли Христа Бога нашего, да подаст нам (имя) грехов оставление, в скорбех терпение и благодарение, в болезнях исцеление, к святым почитание, к старшим почтение, к начальствующим послушание, ко всем большим и меньшим смирение, к молитве усердие и всякого яже к пользе нашей прошения исполнение.
О, добрый воине Христов и верный слуго Господень, поспеши нам на помощь. Молитвами твоими да избежим плотских похотей, пристрастий, самомнения и злых духов нападения. Вемы яко много может молитва праведного, Божиим благоутробиемспоспешествуема, Богу же Отцу и Сыну и Святому Духу честь и слава и благодарение наше всегда — ныне и присно и во веки веков. Аминь.