Житие Иосифа Заоникиевского.
Ф. 354. № 74. 1718-1729. 124 л. Полуустав и скоропись.
Листы потемнели, закапаны воском, повреждены, подклеены.
Начальные листы в этой рукописи утрачены.
Текст восстанавливается по рукописи второй половины XIX века: НИОР РГБ Ф. 354. Вологодское собрание. № 100.
О явлении иконы Пресвятыя Владычицы Нашея Богородицы и Приснодевы Марии.
В лето от сотворения мира 7000 ч?? 6-е, а от воплощения Бога Слова афпи-е во дни Благочестивейшаго Государя и Великаго князя Феодора Иоанновича всея России Самодержца и при святейшем митрополите Иове, иже последи бысть Патриарх Московский и всея России, и при Преосвященном Антоние епископе Вологодском и Великопермском бысть в Вологодском уезде Кубенской волости человек некий от простых людей христианскаго рода именем Иларион Амвросимов, живший во всем животе своем богоугодно от сует мира свято отгребаяся, к безумным человеком не прилепляяся, моляшеся Богу в частых подвизех и той человек одержимъ бе недугом лютым очною болезнию много лет, и в том недузе не прижися еже бы ему от человек помощи искати, но на единаго Бога всю свою надежду возлагаше и на Пречистую Его Матерь и на всех святых Его. Не терпя иже добра искони диавол сея роду человеческому брани, дабы ему не единому мучиму быти. Иларион же вся козни диавола во уметы вменяше о всем моляшеся к тайновидцу Богу и от болезни очныя мало света видев, и приложися ему желание к желанию и непрестанное сердца горение...
Далее по Ф. 354. № 74:
...и непрестанное сердца горение и молитву ко Всемогущему Богу и Пречестней Его Божии Матери и ко всемъ святымъ его обещася молебная пения приложити. И пойде той Иларион с великою надеждою ко храму Рождества Иисус Христова и святителя Николая Чудотворца, что на Возме реце, дабы ему от болезни великия исцеление получити и от лютаго бы змия ненавидца <диа>вола от ловитвы избегнути. Прииде в день святаго велико<муче>ника Георгия и молебная <пе>ния даролюбезно совершив и <п>о трехъ днех от того храма возвратися во своя си. В неделю шестую по Пасце <пойде ко> храму святаго Василия Великаго,// что на Етке реце близ Кубенкаго езера. И пришед в церковь, начат молити тоя церкви иереа, дабы ему пел молебная пения. Иерей же, мало умедлив в дому своем, понеже служити ему божественная литургия. Иларион же, не ведая, что будет святая литургия, и помолився святым иконам, прослезися вельми и изыде из церкви вон. И пойде в путь сво вельми скорбя, плакася, что не улучи желания своего. И дойде до деревни Юкова, и услыша звон у Василия Великаго ко святей литургии, и возвратися вспять ко святому Василию, и нача слу<шати> со страхом божественную службу// и зрети на образы подобия святых икон несуменною верою прилежно со многими слезами. И во время святыя службы явися ему человек в белых ризах. Иларион же устрашися, зря на явльшагося. Явивыйся же рече ему: «Иларионе, не ужасайся. Аз есмь раб Иисус Христов Косма Безмездник». И снем святый с него, Илариона, крест, яже носяше, и благословив его, положив на него вспять и рече ему: «Иларионе, отселе имаши диавола победити и свет видети». И совершися молебная и поидоша из церкви со святым. И идоша до деревни Дмитрекова тое же веси. И постоявъ мало под древом липою. И рече ему святый Косма: «Сие место// неугодно есть, но идемъ на иное место. Есть место угодно Божии Матери». И от того места отидоша. И дошедше в деревню Обухово и в той деревне сташа под древом березою. В то время из дому своего вышла некая жена именем Варвара, иже бе ему сродница, и рече ему жена: «Иларионе, пел ли ты молебная пения Василию Великому?» Святый рече: «Иларионе, помолчи мало». Он же умолчав, и нача та жена поносити словами неистово. И рече святый жене: «Жено, от безумных еси безумная». Она же глас слышаше, а святаго не видевши, и от страха побеже в дом свой. И святый рече ей:// «Да простит тебе Господь Бог». И поидоша в путь свой до уреченнаго места, не дошед деревни Лусникова мало. Бе бо в том месте малая поляна мокротою исполнена и мелким лесом поросла. И на том месте сташа под древом. Древо же то зовомо ель. И рече святый: «Иларионе, прииди во утрий день на сие место. И узриши славу Божию. Может тебе открытися сокровенное таинство, и узриши славу Божию». Святый же невидим бысть. Иларион же впаде во ужас и во всю нощь бысть без сна, моляся к тайновидцу Богу, дабы ему открыл Господь Бог искомое. Заутра же прииде на показанное ему место и глядаше семо и овамо. И в малый// час слышав глас свыше глаголющ и поющих песни таинства страшная Пресвятей Божии Матери. И бысть в веселии неизреченном и виде к себе грядуща два мужи в белых ризах светли видением. И рекоста ему: «Рабе Божий Иларионе, гряди во след наю. Мы есмы Косма и Дамиан Безмездника, посланныя к тебе от Всемогущия Божия Матери. За многия твоя моления и слезы хощет тебе исцелити Всемилостивая всех царица Пресвятая Богородица». И взяша его святии и представиша пред образом Божия Матери, стояше никим же держима и от пречистаго своего образа пресветлыя лучи испущаше, яко солнце. И взяша образ// <...> святии и повелеша ему <приложи>тися ко образу Пречистыя <Божия> Матери. И абие скоро исцеле <...>. И бысть здравъ, яко <николи> же болев. И слыша глас <от об>раза глаголющ сице: «Иларионе, <ско>ро иди и проповеждь окрестному <на>роду, дабы сие место вычисти<ли>, еже аз возлюбила есмь, и крест водрузили, тако же и образ Мой, Божия Матери». Таже рекоша и святии: «Иларионе, не ослушайся повеленнаго тебе, хощет Царица, Христа рождшая, назидати неотступно образом свои святым и пришествием своим честное место сие неотступно в роды родов во веки, призывающих пресвятое имя Ея//. И не оскудеет благода<ть на> месте сем от ныне и д<о века>, и будет прогнание духово<м лу>кавым и всякой язи и<сцеление>, и кланяющимся честному и <чюдо>творному образу Ея с верою всяка страсть и язя прогнана будет». И в том часе святии невидими быша. На месте же том, идеже образ Божия Матере ста, бысть благоухания немало, яко окрест обыде ту малую поляну, и место явися суша и глас свыше глаголющ: «Иларионе, вскоре твори повеленное тебе о бывшем чудеси Божия Матери и иных святых». Он же, вельми воздохнув, от радости слезы испущаше: «О Всемилостивая Госпоже Пречистая Владычице Богородице, упование и прибежище христианомъ! Ты еси покров и заступница, и жезл старости, и Мати Бога Вышняго. Призри на раба своего. Не отрини мене от лица Твоего повеленное ми время сотворити». И призвав окрест места того от многих церквей священников с клирики и со святыми иконами. Народи же, слышав о преславных чудесех Божия Матери, скоро стецахуся, вопиюще со слезами: «Господи, помилуй». И молебная пения многая совершивше, и место очистиша, и крест поставиша. Тако же и чудотворную ону богородичную икону близ креста поставиша, идеже явися. // Священницы же и простии молящеся со слезами пред образом Ея, глаголющи: «Заступнице христиан, непостыдная ходатайство ко Творцу, непреложное» и прочая молебная благодарственная, похвалныя песни Богородице приношаху. И тако с великою радостию на чудотворный Ея образ взираху. Явление Ея Владычицы Нашея Богородицы на самый праздник Сретения Чудотворныя иконы Владимирския бысть. Мужие же, и жены, и дети безвозрастныя кланяхуся Пречистой Богоматери, и веселящеся ликоствоваху, достойную хвалу Богородице воздающе, радостны в домы своя отхождаху. Чудотворная же та икона Божия Матери икона и доныне стоит// во граде Вологде. Архиепископу Антонию о явлении Пречистыя Богородицы и о чудесех Ея, яко многа исцеления бывают от образа Ея. Святитель же Антоний Вологодский и Великопермский поведе ехать государеву ключарю Иоанну Васильеву Емельяновскому в Кубенскую волость на преждепомянутое место, где явися чудотворная икона в деревню Лусниково вопросити и испытати проявлшаяся чюдеса от иконы Божия Матери. Иоанн же взя с собою Песочнаго манастыря игумена Пимина, что у Кубенскаго езера, и от многих приходских церквей священников и диаконов и с причетом церковным и тоя великия <...>оду много множество. И прииде поклонитися Пречистей Богородице.// И вопрошен бысть от них преждепомянутый Иларион, како ему явление бысть. Он же поведав вся бывшая по преждеписанному. Тогда он государев ключарь Иоанн Емельяновской игумен Пимин и с протчим церковным причетом самовидцы быша. Некий человек именем Кондрат родом бе Нова града слеп бе седмь лет. И уведав о чюдеси Божия Матери, и приде ко образу, и помолися со умилением и приложися, и бысть здрав, яко николиже болев. Иоанн же, записав, привезе заруками во град Вологду к святителю Антонию. Святитель Антоний со всем освященным собором совет благ сотвориша. И повеле на том месте во имя Пресвятыя// Богородицы храм поставить и манастырь честенъ соградити и игумена з братиею. Иже и бысть тако, благодатиею Божиею всечестная обитель предстоит и до сего дни в славу Христа Бога Нашего и Пречистыя Его Богоматери. А преждереченный Иларион в том манастыре поживе богоугодно, пострижеся во иноческий образ, нареченно в манашеском чине имя ему Иосиф, и погребен бысть в том манастыре Пречистыя Божия Матере в славу Христа Бога Нашего.
Чюдо ино.
Того же году месяца майя в 25 день тоя же веси некий человек именем Кондратий по некакому случаю ос<леп>, не виде пять лет// и уведав о чудесех Божия Матере и пев молебная пения, приложися к чюдотворному образу и бысть здрав и иде в дом свой, славя Бога и Пречистую Богородицу.
Чюдо ино.
Некая жена скитаяся в мире родом Олонца града слепа бе седмь лет, не виде света. И приведоша ея к чудотворному образу Пресвятыя Богоматере. Помолися и приложися, здравие получи, славя Бога и Пречистую Его Матерь.
Того же дни приведоша жену некую именем Ксению Сямской волости, бе ей во главе болезнь велия, не виде очесем три лета,!!!!!! приложися ко образу!!!// получи исцеление, узре светло, славя Бога и Пречистую Его Матерь.
Чюдо.
Того же дни приведена бысть жена именем Мария тяжким нутряным недугом одержима три лета. И приведоша ея к чюдотворному образу помолитися. И приложися и бысть здрава благодатию Христовою и Пречистыя Его Богоматере.
Чюдо.
Того же году приведенъ бысть некий человек с Вологды иконописец именем Сава. Слуп бе лето. И помолися Пресвятей Богородице и приложися к целбоносному образу и абие прозре, светло благодаря Бога и Пречистую Его Богоматерь.
Того же лета иулиа во 2 день Тошенския волости Архангельского приходу приведена бысть некая жена именем Анна. Бе слепа от мороваго году двадесять лет. И помолися с прилежанием Пресвятой Богородице, дабы исцелитися от болезни и приложися ко образу Пресвятыя Богородицы и бысть здрава, и узре светло, отиде в дом свой радуяся, славя Бога и Пречистую Его Богоматерь.