Чюдеса Пресвятыя Владычицы Нашея Богородцы и Приснодевы Марии




Лето 7225 (1717) и от воплощения Сына Божия??? году при державе благочестивейшаго Государя Нашего царя и великаго князя Петра Алексиевича всея великия, и малыя, и белыя России// самодержца и сынов его благородном царевиче и великом князе Алексие Петровиче и благородном царевиче и великом князе Петре Петровиче и благородном великом князе Петре Алексиевиче меж патриаршества в первое лето архипастыря Преосвященнаго Павла епископа Вологодскаго и Белоезерскаго в заоникиевскую пустыню Пречистыя Богоматере приеждал Вологодскаго уезда задноселской волости Марфы Дмитриевны дочери Максимовской жены Кукарина деревни Жалобина крестьянин Парфен Яковлев привезе сына своего Никифора немощна гугнением языка не говорил четыре месяцы и пел молебное пения Пречистой Богоматере// и настоятель тоя обители святою водою кропил его, и оный немощный святую воду пил. И по питии святыя воды оного немощнаго пред образом Пресвятыя Богородицы от помосту церкновнаго взнимало выше лакти во много крат и даша ему немощному книгу и нача он чести светлым гласом: «Богородице Дево, радуйся, благодатная Марие, Господь с Тобою» весь до конца. И многажды говорил. И прочие псалмы читал. Хвалу Богу и Пречистей Богородице воздав, здравие получив, радостно в дом свой возвратишася.

Чюдо ино.

Некий человек Николскаго приходу, что в Заболотье, крестьянин Афанасия Тимофеева сына Савелова деревни Голева Иоанн Артемиев болен был главою лет с десять и болши и от той болезни во изменение впаде, не ведая, како бы ему исцеление получити, понеже из обою ушес иде гной и не слышав ничтоже. И прииде в Заоникиевскую пустыню Божия Матере и пев молебная пения, и святую воду пил, от болезни здравие получив, радостно в дом свой возвратися.

Чюдо.

Того же 1717 году Сямской волости деревни Строева салдатская жена Екатерина приходила в Заоникиевскую пустыню с сыном своим Иоанном молитися Божии Матери, мужа ея Феодора взяли в салдаты. Она же преждепомянутая ради разлучения мужа своего бысть в велицей скорби и сын ея Иоанн болит в велицем недузе близ смерти и надеяся во уме своем обоих разлучитися, горко плачющи и марта против седмаго надесять числа в нощи уснув в клети своей и видит старца пришедша к ней и глаголюща: «Не скорби, Екатерино, муж твой служит за христианскую веру и за великаго Государя, а сын твой Иоанн здрав будет вскоре, сходи с ним в Заоникиевскую пустыню помолитися пред образ Божия Матере, аз бо тоя пустыни житель старец Иосиф». Она же, возбудився, старца несть, а сын ея Иоанн в ту нощь здравие// получив. И бывши во обители Божия Матери, молебная пения со многим усердием Богородице воздаша и чюдотворную ея Божия Матере икону любезно целоваху и над гробомстарца Иосифа панахиду пеша и тако с великою надеждею радостни в дом свой возвратишася, славяще Божию Матерь.

Чюдо.

1716 году августа в 19 день Кубенския волости Василиев крестьянин Матфиевича Пикина деревни Тимашева Исак Афанасиев одержим бе слепотою, не видев света два годы. И бысть в скорби велицей, повеле себе домовным своим вести в Заоникиевскую пустыню пред образ Божия Матере. И молися возвратися в дом свой, рыдая и плачася,// что не улучил желания своего в великое недоумение впаде, не зная, како питатися, понеже бо сердоболя нек!! и скорая в скорбех помощница не хотя смерти грешников. Той человек в болезни своей уснув видит к себе пришедша старца, глаголюща к нему: «Что в скорби нетерпелив являешися? Вели написати подобие с чюдотворныя иконы Казанския и молися Божией Матери, скоро исцеление получиши и здрав будеши. Во обители Божии Матери постригись в монашеский образ». Сия рек, невидим бысть с того вышепомянутого числа той человек здравие получив, славя Божию Матерь.

Чюдо.

Сего же 717 году майа в 2 день// Кубенския волости деревни Дубровского крестьянин Иван Фомин пел молебная пения Божии Матери с сыном своим Симеоном. Сын его Симион был немощен желтавицею многое время и служил панахиду по старце Иосифе, от болезни здравие получил, славя Божию Матерь.

Чюдо 15.

Сего же 717 году июня в 17 день Кубенской волости близ обители деревни Болегина крестьянин Михайло Авдеев привел сына своего Никифора немощна в Заоникиевскую пустыню пред образ Божия Матере на лице у него многая пятна и красты, а он Никифор в нощи и днем бегал и закрычит не во образ во ужас всем// и пел молебная пения пред образом чюдотворная святыя иконы Божия Матере Казанския, такожде над гробом Иосифа панахиду и ко образу Божия Матери приложиша и окропиша святою водою. И гробу приложився монаха Иосифа и бысть здрав, славя Божию Матерь и поминая монаха Иосифа, с великою радостию в дом свой возвратишася.

Чюдо.

Нынешнаго 717 году иулия против 26-го числа на память священномученика Ермолая из града Вологды царедворец блаженныя памяти Гавриила архиепископа внук Димитрий Иванов сын Борисов приеждал в Заоникиевскую пустыню молитися появлению пред образ// Божия Матере чюдотворныя святыя иконы Казанския з женою своею Татианою и вологодского Софейского дому протопопа Алексиа жена Иулианиа Антипьева и привезли с собою человека немощна разслабленна, суща в недузе тринатцать лет, не могуща себе ни двигнути и поздности ради нощи в церковь Божия Матери не поидоша, поидоша над гроб старца отца Иосифа, составившаго обитель, а болящего с нуждею едва приведоша к гробу и положиша вскрай гроба Иосифова и отоидоша. И бе оный немощный Давыд (тако бе имя его) лежаше у гроба един, помышляя о продолжении болезни своей скорбя и абие в мал сон сведеся в забытии// том слышит глас, глаголющ: «Стани, Давыде, и молися, чего ради пришел еси». Он же вскочи, востав на нозе свои, всю нощь плакася над гробом преподобнаго монаха Иосифа. Егда же бысть звон ко утреннему пению и оный немощный вниде сам во внутрь святыя церкве Божия Матере пред чюдотворный ея образ и обещався во обители ея быти неисходну до кончины живота своего, прославляя чюдо Божия Матере и преподобнаго чюдотворца Иосифа. Аминь.

Чюдо 17.

Паки всемилостивый Бог, не хотя угодником своим без памяти быти. Сам бо той рекл есть// Пречистыми своими усты: «Прославляющаго мя аз прославлю», паче же хотя и грешным исцеления источник явити и показа новую струю исцеления просящим. И абие иулиа месяца 28-го числа в полудни некоему от монахов тоя святыя обители гласом явленно бысть, да взыщется святая риза от власов исплетенная, юже имеяше преподобный монах Иосиф на трудолюбивом и многострадалном своем теле, иже ныне в хранилнице в нехранении безпамятно повержена есть и вскоре да придежется близ гроба чюдотворца Иосифа в явления страдания его и святою водою да кропится и фимиамом каждение, якоже лепо// учините, понеже аще и власяна есть, но паче царских диадим чести достояше и абие оный моли!! блюстителя казны и всех монахов возва и все в недоумении быша, бе бо та риза у всех в забытии ради многих времен бысть и абие скоро текше в хранилницу, обретоша святую ризу, удивления и ужаса достойну, бе бо оная риза от влас острых сплетенна, тягостию и остротою, яко стрелы, можаше плоть человеческую прободати и никако же мощно тленну человеку часа доволна во оную, одеявся оизу!! без сокрушения плоти пребы!! и тако разумевша, яко та!! подобна быти может!!! страдания доволна и страхо!!!// и радостию честне оную святую ризу во гробу преподобнаго принесоша, идеже и ныне зрима есть всеми, всяк человеческий ум во удивление приводит.

Чюдо 18.

1717 году сентября в 16 день Кубенской веси из прихода великаго Предтечи из деревни яковлевскаго христианин Михаил Иоаннов, тако!!!! ему. Бе немощен зело ногами, яко чрез многое время ни с постели своей могий двигнутися, аще и нуждею телесных проходов томим беяше и смрадная приимаше и от сердоболей вмале непрезрен быв, помощи же ниоткого восприяти надеяся. И бывшу в горцей той болезни, прииде// к нему жена некая посещая. И виде на нем нестерпимую б!!! глаголя: «Что тако безумен горце стоня отчаяваешися, не веси надежди христианскаго рода Пресвятыя Богородицы, давшыя нам образ?? свой, яко реку изливающу?? исцелениих. Много же слышим новаго врача первоначалнаго м??? тоя святыя обители, яже заоникиевым преподобнаго Иосифа гроба своего исцеления подает и довлеет ти на гробе его пети панахиду и себе помощь испросити. Он же Михаил, воздохнув от сердца, нача призывати усердно Божию Матере?? и по словеси жены новаго чюдотворца Иосифа. И абие в той час, слышав в себе утишение болезни,// и востав с постели своея сам на ноги свои и хождаше и устрабився, пришед во обитель Пресвятыя Богородицы, воздая славу и благодарение Пресвятей Богородице и новому чудотворцу Иосифу, пред многими свидетелствуя сам о себе изглагола.

Чюдо 19.

Того же 717-го году октовриа в ед?? от града Вологды прииде посадский человек Николской сотни Троицкого приходу у самаго чудотворца Герасима именем Иоаким Петров Шадриных в Заоникиевскую пустыню Божия Матере и новаго чудотворца Иосифа благодарение и слезы молитвенне, принося пред всеми чюдо исповедая, глаголя: «Бывшу ми// сожержиму очною тяжкою болезнию и здравия отчаявшуся и в недоумении плача и рыдая, яко ниоткуду помощи надеяся. Слышав же о явлении исперва чрез воздух прешедшаго светозарнаго образа Господа Нашего Иисуса Христа и рождшия Его Пречистыя Богоматери славою паки по зрению народа явлшася и реку чудно милости текущую, тако же и угодника ея первоначалнаго монаха новаго чудотворца Иосифа прибегающим ко святому его гробу, врачбу милости подающа и обещася, тек на гроб его, святый петь панахидная моления и егда восприя усердно обещание, той день и час легчае тому от болезни отраду// немалу подаваше. Егда же конечное обещания совершив, тогда совершенну и милость Богоматере и преподобнаго заступление получи от выше явленной его болезни цел себе изобрете, со многим благодарением и радостию в дом свой возвратися.

Чюдо 20.

Бысть же чудо изящно 1717 иуниа месяца храма пророка Илии именуемо на Выголове поп Полиект был немощен неудобь стерпимою болезнию, яже каменна и чая конечнаго исходу от тела и еле освятиша его во имя Господне. И потом оный иерей, лежа на одре своем, ждый своего исхода души своея. Жена же его и две дщери при одре его стоя, неутешно плачущеся// сиротства своего. И в то время прииде из пустыни Пресвятыя Богородицы Заоникиевския монах Сергий, яже бе обычай завещать с крестным хождением на день праздника Богоматере образу Владимирския иуния 23 числа. И видев нестерпимый труд оного иереа и чаяния смерти приник рече ему: «Аще веру имать несуменну, да желает ити усердно ко образу Богоматери. Есть бо источник живота, может вся подати тебе». То же и сердоболем изрече. Оный же иерей ниже язык движа, но от сердца слезами извещася. Сущии же при одре гласом обещание полагаху, дабы поне малу отраду получив тещи пред чюдотворный Богоматере образ// и видети гроб преподобнаго монаха Иосифа и благодарственное молебное пение принести. И в той час именованный иерей в тихость труда преложися и всех во уныние введе. Вышереченный же монах увещая чад его не отчаятися, но полагати надежду и нача сказовати чудеса, яже содеяшася ныне Богоматерию и угодником Ея. И в той час лежай иерей прекрести лице свое. Востав на ноги, сам иде из кели своей на двор прохода ради телеснаго и отраду болезни получи. И по двою днию с крестным хождением во обитель Богоматери прииде, зело многослезно благодарствие принесе, конечное целение получи, с радостию во своя си возвратися, хваля Бога и Пречистую Богоматерь, и угодника их Иосифа.

Чюдо 21.

Хощу же ино чюдо вашему желанию предложити. Того же года месяца августа 23-го числа привезоша в пустыню Богоматере града Вологды соборнаго священника Максима Иаковлева болезнующа правою рукою и ногою, яко многое время ни двигнути себе могий. И нужды телесныя на постели испражняше. И той сам исповеда: «Яко же слышах о чудесех Божия Матере и монаха Иосифа, в сумнителстве быв». Последи же раскаявся, нача молитися усердно и абие малу отраду от болезни получив, и веле себе вести во обитель. И приведоша его// ко гробу преподобнаго Иосифа в вечер. И во утреннее пение оный иерей сам о жезле вниде в церковь и бе пред образом Божия Матере моляся и по полиелеосе покинув жезл, нача чести книгу и ктому здрав бысть, радостно чудо исповедая з женою своею и з братом Сергием в дом свой возвратишася.

Многа же и ина безчисленна чюдеса от святыя иконы Пресвятыя Пречистыя и Преблагословенныя и Славныя Владычицы Нашея Богородицы и Приснодевы Марии с верою приходящим содеваются, приемлят слепии очесем своим прозрение, глусии ушесем слух, немии языку глаголание, хромии ногам силу хождения, безрукии рукам удобство деланиям и коим// любо недугом болящии скорое и совершенное исцеление приемлют беснии от лукавых демонов свобождение, плачющии утешение, кающиися душевных недугов устрабление, еже есть всяких согрешений прощение, приемлют вси теплии молитвенницы во всяких нуждах помощь и в бедах заступление. Но о Пресвятая Дево Марие, ты коликих благ сущии виновница? Кую Тебе похвалу принесем достойную? Что же возименуем Тя? Токмо рцем не нашего худаго ума слово, но от Бога архангелом в день Благовещения Ея принесенное целование: «Радуйся, благодатная, Господь с Тобою, благословенна Ты// в женах, ибо родила еси преблагословеннаго и вся благословящаго Бога. Благословенна Ты в женах, ибо Ты из твари едина вышша еси всея твари, не точию плотския, но и духовныя, вышши всех человек, вышши еси ангел и архангел, сил, властей, начал, господств, престолов, вышши херувимов и многоочитых шестокрилатых серафимов, словом – вышши еси всея плоти и духа, иже есть Бог. Благословенна Ты в женах, ибо в мире сем немирном живущи, едина общия всем женам гонзнула еси клятвы, едина девство плодно имела еси. Оле чюдеси, кто// виде и кто слыша девьство матерьствовати или матерьство девьствовати. На самой Богородице обое сие бысть смотрение, она без семени зачала сына и без болезни родила есть. Она без мужа прияла плод во чреве и без истления родила есть Бога Слова, Того сподобися Мати быти без отца, Его же Бог Отец роди из чрева прежде денницы без матере, Отчее сияние, бысть венец Ея целомудрия, премудрость Отца превечнаго, бысть плод девическия утробы. О преблагословенна еси, Дево плодная, невесто неневестная, Мати безмужная. Тем же достойно и праведно есть да Тя вся племена земная, весь род человеческий ублажает, оному от пресвятых уст твоих// словеси изнесенному: «Се бо отныне ублажат Мя вси роди». Блажим убо Тя вси роди, Богородице Дево, Присноблаженную и Пренепорочную Матерь Бога Нашего, и поклоняемся образу Твоему святому со слезами от глубины сердечныя изливаемыми, молящеся тебе, да яко твоя певцы, Богородице, живый нетления источниче, во святых отец наших Петра, Алексиа, Иону, Филиппа московских и всеа России чюдотворцев в лик себе совокуплши духовно утвердила еси и в божественной Ти славе венцев славы сподобила. Тако и нас, твоя певцы, духовно утвердиши во всяком деле блазе и во творении заповедей Сына Твоего Бога укрепиши// и небеснаго венца удостоиши!!! пи о Царице небеси и земли благо!!! наго царя нашего на вся враги и сопостаты душевныя и телесныя, да выну над ними торжествует. Даждь тишину и мир православной его державе, пошли?? воем его храбрость и силу, страх же и боязнь ратником противным, да вси уведят, яко Тобою содержими есмы. Спаси и помилуй, о Госпоже, весь род православный на Тя по Бозе уповающии, Тобою ся хвалящии и ко Твоей Пресвятей иконе умилно припадающии. Буди нам, Новому Израилю, облак божественный от мысленнаго фараона защищающи чрез чермное греховное житейское море безбедно// преводящии и сквозе пустыню мира сего путь нам показующии и даже во обетованную землю царствия небеснаго вводящии, да Тобою спасаемии Тя, Матерь Божию, непрестанно величаем, а сотворшему Ти величие Богу по долгу славу возсылаем ныне, и присно, и во веки веков. Аминь.

Чюдо 22.

Паки исповедую. Града Вологды посадский человек николаевскаго сороку Григорей Иванов сын диаконов, немощен бе правою рукою два месяца, не можаше ни двигнути, слышав о чюдесех Божия Матере и чудотворца Иосифа. И прииде в пустыню, тек ко гробу преподобнаго, пев панахиду, и взем// персти нача терти руку свою, здравие получи, славя Божию Матерь и тех служителя Иосифа. Аминь.

Чюдо 23.

Того же 1717-го году месяца октовриа вотчины преосвященнаго Павла епископа Вологодскаго и Белоезерскаго крестьянин деревни Кишкина Иван Герасимов не могл ногою многое время, не воставая с постели своей, слышав о чюдесех, нача усердно обещатися, дабы шел во обитель моления ради и абие отраду получи и с нуждею еще прииде пеш. И взем персть от гроба преподобнаго и помазався, нача камение влачити ради создания церкве бысть здрав до конца.

Чюдо 24.

Того же 717 году бысть чудо удивлению и памяти достойно Кубенской волости села Ильиского, пришедши во обитель жена Мария, еще болезненне очи имея. С ней же и муж ея именем Григорий Михайлов сын Зайцовых исповедаша, яко оная жена болезновала очми три лета. Имеяху же они ремество печаху пшеницу в куплю хлебов и абие муж ея, не имея помощи от нея, но един трудяся, того ради негодуя и укоряя ю зело. И бе же во един от дней делающу ему колачи и ропчющу, жена же его плача своей болезни и не терпя ропота, приступи к столу, аще бы что помогла.// И се видит двери храмины отверсты и монаха грядуща, на персях?? носяща образ Богоматери подобием?? и величеством, яков во обители Заоникиевым чудотворныя и возсия свет от образа во очи жены. Она же прилежно глядаше на образ, а носящаго монаха в лице ради сияния образа разсмотрити не возможе, но глас его слыша: «Жено, имей веру и обещайся, тещи к сему образу Богоматери в Заоникиевскую пустыню и исцелееши». И от того помалу нача видети. И по малех днех оная жена, радуяся о получении света, шед на ниву, угождая мужеви, нача жати, но обаче не без труда еще от болезни// и седе на снопъ плачяся, призывая в помощь Богоматерь и помышляя, кто той монах, принесый образ, яко человеком не видим бысть, не егда ли той, его же сказывают гроб во обители той. И в плаче том, яко в забытии бысть. И видит себе в пустыни оной и мног народ, яко на празник некий внутрь манастыря и некоего к ней глаголюща: «Жено, кого ищеши, принесшаго ли к тебе прежде образ и свет исходатайствовашаго?» Она же отвеща: «Ей, того». И оный показав перстом: «Зри, сей есть». Она же виде от врат великих идяше монах в мантию и куколь оболчен, высок видением, браду долгу зело седу имея, в руках жезл// держа, идяше ко дверем часовни, идеже гроб преподобнаго. И хотяше оная жена поклонитися к ногам его. И воста с снопа его на ноги своя, быв в себе, ничто же виде и потом здравие еще приложися, текши во обитель пред образ Божия Матере и угодника Ея при гробе моление принесши, возвратися во своя си, радуяся.

Ино чюдо 25.

Того же года октовриа 28-го числа прииде человек из Кубенскаго езера Березницкой волости деревни полуостровка именем Феодор Михайлов, пришел в пустыню Богоматере, слезне припадая ко образу Божия Матере и вопия: «Не мучи мене ктому, госпоже, ныне вем твое// благоутробие и ходатайство Твоего угодника надо мною грешным. Аз же не ведех, сам себе вложих в погибель. Аще не бы ты умилосердилася надо мною окаянным и нача пред многим народом исповедати со слезами. Бывшу ми рече прежде четырех лет до сего на игрищи бесовском и много людей стекшимся на зло то. Аз же многие скверныя игры и суесловие с женами и девицами сотворих и ино зло диаволим учением и конечное положив на ся страшило, нача страшити людей и внезапу постиже мя праведный суд Божий отмщения и удари мя о землю и отяся мне язык и бысть нем и лице изменися// и нача быти изумлен. И бывшу на том зборищи, видеша страхом разбегошася. Нецы же от сосед, милосердовав с трудом в дом мой допровадиша и домашнии же вси рыданием оплакаху. Нецы же глаголаху: «Како мнози ходят в пустыню близ града Вологды в Заоникиев и слыши!!!, яко от образа Богородицы исцеления приемлют и начаша обещати мя. Аз же, слышав совет их, серцем плача, а глаголати с ними не могий. И той нощи лежаху ми, явися монах очи весть, видением высок, светло лице, браду долгу, седу размешену белию, имея. И глагола ми: «Виждь, человече, коли// милостивый Бог наказал тя и не погуби в беззакониих твоих и ныне, аще покаешися не творити тех николиже и истинно обещаешися ко образу Его Матери в Заоникиев имаши прощен быти. Аз бо тоя обители монах». Аз же вскочих, нача со слезам исповедатися. И в той час нача ми помалу двизатися язык и говорити и обещах по времени нести свещу гривенну ко образу Богоматери, елико могий от недостаточества своего и тако в суетах жития замедлих до другаго лета и приучися ми ити на Вологду, помянув обет свой мимошед привернуть в пустыню Божия Матере, вшед в церковь в вечернее время// постави копеешную свещу пред образ и не пев молебнаго пения, ни обещания исполни, о!!зумихся весь, хотя ползовати!!! своего недостатку и потом чрез минутыя леты болезнь сердца нача мучити мя зело. Аз же более года страждах, не ведах в беззакониих своих казнения. И милосердова о мне, окаяннем, Пресвятая Богомати. И се паки явися мне той же монах, яко же и прежде претя, глаголя: «Окаянне, како ты забыл обет свой к Богоматери и не помяну над тобою милосердия? И ныне аще не покаешися и не сотвориши обета, то последняя тебе горше будет перваго». Аз же// разумех свое окаянство, начах со слезами каятися. И бысть ми мала отрада от болезни. И тако нача тещи путь зело прискорбно. И абие час от часа бысть легчае ми. И сия исповеда со слезами, молебная отпев и обещанную гривенную свещу поставив, здрав возвратися во своя си, радуяся, славя Божию Матерь и преподобнаго Иосифа.

Чюдо 26.

Того 717-го году октября же 30-го числа прииде человек рождением отчины Живоначалныя Троицы Сергиева манастыря деревни Ершова Иван Иванов, исповедая чюдо пред всеми. Бывшу ми, рече, на судовом плавании у архангельского// города и тамо работая и сед на мосту Двины реки, нарицаемом Руском. И абие ветр вину ему во очи, аз же нача терти оба оч!! свои и не можаше ни пути пред собою видети. И веден бысть на подворие, идеже витая. И не ведая, что быти, нача ко врачем ходити и лекарство!!! пущати. И не толико здравие не получи, но и болезнь бысть. И абие в той болезни аз, Иоанн, в нощи зело плачася, не имея надежди здравия. И абие в забытии бысть, слышал невидимо глас, тонце вещая: «Иоанне, что трудишися без ума, врачем издая имение? Иди во отечество свое. И обещайся отселе тещи в Заоникиевскую пустяню Богоматери// пречюдесный образ, молебная принося, и целбу получиши. Аз же отвещах: «Господи, како могу тещи, слеп сый?» И паки глас бысть: «Иди з дружиною и на пути ис первых трех потоков водных умыйся, и видети будеши милостию Божия Матере». Аз же грешный Иоанн, вскочив, неутешно плача, веровав истинне быти, нача молити свою дружину свою дружину, дабы шли со мною в путь. И ведоша мя путем до трех потоков и умывся и абие виде свет, и нача тещи радуяся».

И сие оный помянутый Иоанн со многими слезами исповеда и моление принес, иде во своя си, славя Божию Матерь. Аминь.//

Чюдо 27.

Того же 717-ого году ноемвриа в 30 день приезжал в пустыню Пресвятыя Богородицы Заоникиев некто воинска чину именем Феодор, Стефанов сын Яндогуров с женою своею Мариею. Привезоша же и дщерь свою именем Стефаниду. И молебная пения певше Богоматери усердно и над гробом преподобнаго панахиду и кроплени бывше святою водою и перстию мазавшеся, внидоша на обед, начаша исповедати всем, усердно глаголя: «Воистинну отцы святии. Се Пресвятая Богомати прославила Пресвятый Свой образ и гроб своего служителя, яко сия дщерь наша Стефанида, сущи ныне лет 17 волею Божиею болезновала очми// зело. Се другое лето бе в той болезни и до сего дни. И се ныне после молебнаго пения по кроплении святыя воды егда приложихся ко образу Божия Матери, бысть свет во очию ея. И по помазании персти от гроба преподобнаго весма здравие дщери нашей бысть, яже мы узревше в той час скоростию не проповедахом, дерзостно рещи не смехом. Ныне же испытно истинну зря проповедуем милость и вашей святыни предявихом. И сие есть пред очию вашею сей час здрава дщи наша и вси единодушно прославиша всех создателя Бога и рождшую Его Богоматерь, милости ходатаицу и угодника их нашего// молитвенника чюдотворца Иосифа.

Чюдо 28.

Того же ноемвриа вышеобьявленная числа в вечеру привезоша жену м!!сленской волости Троицкого прихода, что на Малышеве, деревни Марьина именем Анастасию Иванову дочь не видела очми боле двою месяцу из рук своих во главе же ея зелная болезнь. И оная жена, пев молебная пения, пред чюдесным образом Божия Матере и кроплена бысть святою водою, тако же и на гробе преподобнаго панахиду. И мазався престию, абие здрава бысть главою и очию, видети нача все явно и с радостию во своя си возвратися, славя Божию Матерь и угодника ея чюдотворца Иосифа, исповедая чюдеса// града Вологды из Обухова Власиевского приходу Ивана Алексиева сына Черепанова жена его Порасковия Тимофеева дочь немощна была очми годищное время и не видела единым оком рук своих приведена бысть в Заоникиев в пустыню приведоша в часовню ко гробу преподобнаго Иосифа и начаша панахиду петь. Оная же жена, падши ко гробу, с плачем возопи: «Помилуй мя, угодниче Божий, и буди молебник за мене, грешную, Пресвятей Богородице». В том часу отверзеся око ея и бысть здрава, яко никогда же болев.

Чюдо 30.

Декабря в 15 день Корбанской волости Георгиевского приходу деревни Ивановского Прохор Ларионов привез жену свою Ирину Матфееву немощную ногами многое время, ни с постели востать могущу, и пев панахиду над гробом старца Иосифа и взем персти изпит и бысть здрава.

Чюдо 31.

Марта 25 день Двиницкия волости Николского приходу Петра Семенова сына Волчкова приходила крестьянка деревни Глебова Евдокия Иванова дочь с сыном Прокопием была в разслаблении годы з два и болши в генваре месяце на одре своем лежа, видит в ызбу свою приходяща старца с жезлом в мантии и в клобуке брада долга седа, начат ея за плече рукою двигать, глаголя: «Востани, пойди// в Заоникиев Богородице молитися. Аз же ощутився, начах креститися рукою, еюже не могох двигнути, а старца!!сть, начах мужеви глаголати: «Далече ли где Заоникиевская пустыня?» И от того дни здравие получих, славя Божию Матерь и пришедшаго ко мне старца, его же обители Заоникиевым видех на святей иконе подобие Иаков Кирилл Нов!!!рский или Зосима Соловецкий. В той же деревни Глебове крестьянин был болен руками и ногами многое время и услышал, что жена исцелела. По явлению стал молитися и обещатися в Заоникиев, здрав бысть, яко никогда же болев.

Чюдо 32.

Лета от рождества Господа Нашего Иисуса Христа 1???? веси Богтюжской от архистратига Михаила из приходу из деревни Василева жена у!!! Гаврлова дочь с товарыщи привела сына своего Григория Петрова вне ума связана путы???. И исповедавшу о нем, яко бывшу за два месяца до сего сей отрок Григорий, ехав в поле боронить землю, и замедли тамо. Домашнии шедше видети его, чесо ради замедли, и видеша его седяща на земли единаго и изумлена и на познавающа никого.!!! гребая землю, и взяша его. Он же, бояся людей и одежду на себе раздирая, и кресты на себе многи зубами згрызая. И на всяку нощь привязан у столпа не спя пребы. Слышахом о чюдесех Пресвятыя Богородицы зде деющихся, такожде и от гроба преподобнаго отца Иосифа, приидохом семо. И тогда, вшед в часовню ко гробу преподобнаго и надеша//??на изумленаго власяницу, яже придета близ!!! гроба преподобнаго бысть тих, ничего движа, ни!!! стояше с ним мати его и сердоболи!!! гробе всю нощь без сна молитвы приноша!! и на другий день отпевше понахиду и абие?? бысть здрав и смысля вся и снемше!! власяницу со слезами облобызая и ко гробу припадая молбы принося и возвратися с радостию во своя си.

Чюдо 33.

!!! в 27 день приходу архангела Михаила!!! на Богтюге из деревни Кожухова прииде!! именем Макрида с мужем своим Родионом!!! овым бе в точении крове десять месяцей и прибеже к чюдотворному образу и гробу преподобнаго, абие ста ток крове ея и исцеле!!!ленской волости деревни Марьина привезли 14 лет Феодосию Иванову два лета не!!!! бысть здрава. После того привез своего деревни Рослятина Афанасий Иванов!!!аже, толко ему было и покою, как!!!ут в баню в жар два человека, ногою левою болел нестерпимо. И слышав о чюдесех Божия Матери и новаго чюдотворца от!!щих нарече имя его в том часе бысть здрав со слезами исповедав над многим народом.

Ино чюдо 34.

Лета 1718-го месяца майа в 24 день!!!ша жену отчины преподобнаго Димитриа!!!!цкаго чюдотворца деревни Скорова!!! Анну Петрову дочь болезнующу гла!!! с полгода и в конец от такой нестерпимой болезни и очию свет погибе и две!! ни рук своих виде и имяше же и мл!!! у сосца, но ни его видети можаше!!!! бы вложити ему сосец и напая!!! и слыша от некоих о чюдесех преподобнаго Иосифа и с ревностию сердца идоша пев на гробе понахиду у преподобнаго, прося, глаголя: «О преподобне отче Иосифе, помилуй мя грешную ради незлобиваго младенца!!! слез». Оле милости и скораго подвига преподобнаго, не укосне нимало, ниже!!!зре прошение, егда умывся жена водою, имущею святую персть с гроба преподобнаго. В той час явися ей свет во очесех и сия преславная видеша вси, прославиша Бога. И абие к вечернему пению!!! жена во церковь сама, не требуя вожда и с молением целова чюдотворный образ Богоматере и конечное здравие получи, с радостию отиде во своя си.



Поделиться:




Поиск по сайту

©2015-2024 poisk-ru.ru
Все права принадлежать их авторам. Данный сайт не претендует на авторства, а предоставляет бесплатное использование.
Дата создания страницы: 2018-01-08 Нарушение авторских прав и Нарушение персональных данных


Поиск по сайту: