686*. Олык воктенет кайышымат -
Пел ӱштӧ мучашем йомын кодо.
Куэрла воктенет кайышымат -
Пел кидшолем йомын кодо.
Чодыра воктенет кайышымат -
Ош шовычем йомын кодо.
Идым воктенет кайышымат -
Шӱйымалем йомын кодо.
Солашкет лектымат -
Ик качетым вашлияльымат,
Кум арня гычет оталалак шукталале.
Варакш чыве наҥгаймылак,
Наҥгаенак шуктеве.
Пошла я вдоль по лугу -
Потерялся один конец моего пояса.
Пошла по березняку -
Потерялся один мой браслет.
Пошла я вдоль по лесу -
Потеряла свой белый платок.
Пошла по гумну -
Потеряла ожерелье из серебряных монет.
Вышла на деревню -
Встретила одного парня,
Через три недели обманул он меня.
Как ястреб уносит курицу,
Так и он меня забрал.
687*. Ачий дене авайын кум волысто дене
Шутыланен шолгымо ӱдырышт ыльым да,
Ушкал шотеш кучен ужалашышт веле йӧрышым.
Ачий дене авайын икшыве куштымо годым,
Оралтыжым ыштыме годым веле ӱдыржӧ ыльым да,
Оралтым ыштен ситарыш, икшыве кушкеве да,
Мыйжат уто лийым.
Латик каче шинчыш да,
Кок каче йӧратымемат ыле да,
Чыла икте мыланем
(Ы)шке йӧратымашке каяш эрыкым ыш пу;
Тудо марий дене мыньым ила шоныш.
Оралте ӱмбалже шӧртньӧ дене
Леведме лиеш ыле гынат,
Чыла икте мый илаш шонен омыл.
Аршынат пеле ӱпем веле кӱрын пытарыш,
Молым нимат ыштен ыш керт.
Идалык илышым тудын дене.
Чыла вургемем, кузыкем кодышым да
Лектын кайышым.
Ачият мыйым ыш ашне,
Илышым вич ий страпкаште;
Вич ий гычын адак айдемышке савырнышым,
Ожныжо мый ӱмбаланем
Йолымат ок ӱштеп ыле,
Огытат палеп ыле мыньым;
Адак вич ий гычын
Моло дене айдемышке савырнышым.
У отца с матерью на три волости
Пылающая желаниями дочь я была,
Вместо коровы лишь была поймана и продана.
Когда растила детей у отца с матерью,
Только когда делали постройки, была я им дочерью,
С постройками закончили, дети выросли,
И я стала лишней.
Одиннадцать женихов знали обо мне,
Два любимых жениха у меня было,
Всё один мне
Не давал выйти замуж за любимого.
С тем мужчиной стану жить я, он, наверно, думал.
Крыша его дома золотом
Даже если бы была покрыта,
Всё равно жить с ним я не думала.
Лишь полтора аршина волос он мне повыдергал,
Больше ничего сделать не смог.
Год с ним я прожила.
Оставила всю свою одежду, приданое
И ушла.
И отец меня не принял,
Пять лет жила стряпухой;
Через пять лет снова стала человеком,
А раньше об меня
Даже ноги не вытирали,
И не знали обо мне;
Но через пять лет снова
Стала я человеком, как и другие.
688*. Иктыт-коктыт кугу макет,
Маке вуй шинчаже
Тулла койын почылтеш.
Шикшыжат пале огыл, тулжат пале огыл.
Мемнан ойгымат иктат ок пале:
Авамат ок пале, ачамат ок пале,
Йӧралтыме таҥем веле пала,
Тудо веле ойгыраш полша.
Авамын ӱдыржӧ омыл,
Ачамын ӱдыржӧ омыл,
Йӧралтыме таҥемын ӱдыржӧ улам.
Авам дечат шочын омыл,
Ачам дечат шочын омыл,
Шудо вуеш шочынам.
Шудо кушкыла лупшалтеш гынат,
Мыят тушкыла лупшалтам.
Раз-два больших мака,
Глаза верхушки, мака раскрываются, как огонь.
И дым его незаметен, и огонь его незаметен.
Нашего горя никто не знает:
И мать моя не знает, и отец мой не знает.
Знает лишь мой любимый друг,
Лишь он помогает грустить.
Я не дочь своей матери,
Я не дочь своего отца,
Я девушка своего любимого друга.
И от матери я не родилась,
И от отца я не родилась,
Родилась я в верхушках травы.
Куда трава колыхнётся,?
И я туда же колыхнусь.
689*. Мый ожно изиэм годым
Кайык семын иленам.
Йӧратенам ик моторым,
Тудо коштын мый декем.
Тудын лудо шинчаже
Шийла койын йылгыжеш,
Муно гае шӱргыж дене
Тудо весымат ончалтара.
Ок кӱл мылам шӧртньӧ оксат,
Кугу ший полатат,
Ок кӱл мылам чодыра саскат,
Чевер олык пеледышет.
Тудо мыйын воктенем гын,
Чыла ойгем мый мондем.
«Йӧратем» манын вӱчкалта гын,
Чыла капем утаралтеш.
Курымлан иквереш лияш
Шонышым, еҥ керте.
Тудо осал еҥ ик осал йӱдым
Курымлан ойгым мылам ыштен.
Вуй мучаштем пистыште
Шӱшпык пешак мура,
Тудо писте йымачын
Ожно годсем шоналтен шортым.
Раньше, когда я была маленькой,
Жила, словно птичка.
Любила одного красавца,
Он ходил ко мне.
Его серые глаза
Блестят, словно серебро,
Своим, как яйцо, лицом
Он всех опередит.
Не надо мне ни золотых денег,
Ни большого серебряного дворца,
Не надо мне ни лесных ягод,
Ни красивых луговых цветов.
Если он рядом со мной,
Я забываю обо всех печалях.
Если погладит меня, сказав «люблю»,
Всё моё тело становится свободным.
Навеки быть вместе
Думала, да люди помешали.
Тот злой человек одной злой ночью
Навек горе мне доставил.
На макушке липы
Поёт звонко соловей,
Под той липой,
Думая о прошлом, я плакала.
690*. Изи годым изат ыльна,
Пӱгыш кӧргӧ туш ыльна.
Ындат кугу лиялна да,
Поро таҥжат палалеш.
В детстве мы были маленькими,
Были ядрышками в орехе.
А теперь стали мы большими,
И добрый друг нас знает.
691*. Локама пеледышат шке улам,
Сӧсӧ пеледышат шке улам.
Ончалалза, ончалалза,
Шара шинчада шарлымешке.
Я - цветок шиповника,
Я - цветок калины.
Смотрите, смотрите,
Пока глаза ваши не перестанут видеть.
692*. Ачи-вучи кайыкет
Асян пушеҥгеш шинчын ок муро.
Тыгерак-тугерак ида каласе:
Асям еҥын шочшыжо онал.
Ачи-вучи птичка
Не поёт на обыкновенном дереве.
Не говорите про нас всякое:
Мы - дети не простых людей.
693. Йӱлалше кемым чиялнам,
Йылгыжше пинжакым чиенам,
Шонанпыл гай тувырым чиенам.
Кож кичке гай ӱштым ӱшталынам,
Эҥыж гае ышке улам,
Маке пеледыш гай таҥем уло.
Блестящие сапоги я надел,
Сияющий пиджак одел,
Рубаху, словно радуга, одел,
Поясом, похожим на семена ели, я подпоясался,
Сам я как малина,
Словно цветок мака подруга у меня есть.
694*. Ош шовычемын йолваже кугу,
Эшеат кугурак лиям ыле.
Утларак йоргарак лиям ыле да,
Нурмага вате-лаклан ойлалаш.
У платка моего белого кисти большие,
Быть бы им ещё больше.
Стать бы мне ещё более кокетливой,
Чтобы женщинам Дурмагашева поговорить.
695. Шем мыжерем - сукналык,
Ончылшовычем - тарайлык.
Кӧргӧ чонем - ойгылык,
Шинчаончалтышем - йоргалык.
Чёрный мой кафтан - из сукна,
Фартук мой - из кумача.
В душе моей - печаль,
Во взгляде моём - кокетство.
696*. Шуко йочам ыштенам,
Шуко йочам ыштенам.
Порыжым ужын омыл,
Порыжым-сайжым ужын омыл.
Шуко йочам ыштенам,
Шуко йочам онченам.
Порыжым ужын омыл,
Шуко ончен, торланен коштынам.
Родила я много детей,
Родила много детей.
Но добра я не видела,
Доброго, хорошего не видела.
Много детей я родила,
Много детей я вырастила.
Но добра я не видела,
Много растила, ходила-мешалась.
697*. МАССР-ын, СССР-ын,
Звенигеве районжо.
Кӧжӧ, можым палынеда гынь,
Какшамарий ял гыч улам.
Иктыт, коктыт, кумыт, нылыт -
Ынде шотлаш тӱҥалам.
Сай шокталте гармонетым -
Ынде кушташ тӱҥалам.
В МАССР, в СССР,
В Звениговском районе.
Если хотите узнать подробнее,
Я из деревни Кокшамары.
Раз, два, три, четыре -
Теперь начну считать.
Хорошо играй на гармони
Теперь начну плясать.
698*. Вӱта шеҥгел пызлыгичкыжым
Те шотледа кочылан.
Кутырем да, воштылам да -
Те шотледа йоргалан.
Мурем семын шоктен колташ
Уке мыйын гармонем.
Шонымем семын ужын кутыраш
Уке мыйын йолташем.
Кум йыр йолым пидына да,
Кугу уремышкет каена.
Молан верчын? Тудлан верчын:
Йолташемлан, ой, верчын.
Рябину за хлевом
Вы считаете горькой.
Разговариваю я и смеюсь -
И вы считаете кокеткой.
Чтобы спеть мне с аккомпанементом,
Нет у меня гармони.
Чтобы увидеться-поговорить, как мне хочется,
Нет у меня друга.
Обуемся в лапти с тройным оборотом обор
И выйдем на большую улицу.
Из-за чего? Из-за того:
Ради любимого друга.
699*. Кугу милой Кугу Мушкын
Кӱшыл мучашын ӱдыржӧ улам.
Изи гына Кӱчыкэҥерын
Еҥ воштылтыш ватыже улам.
В большой милой Большой Мушке
Я - девушка с верхнего конца деревни.
В маленьком Кучукенере
Я - женщина, над которой все смеются.
700*. Изи улам, изи улам,
Киса кайык гай улам.
Киса кайык гай улам да,
Шернур чоя мый улам.
Я мала, я мала,
Я как птичка-синичка.
Я как птичка-синичка,
Я - сернурская хитрая.
701*. Чевер олмам кочкын омыл,
Кочкын ончем, мо лиеш?
Тышан шогал мурен омыл,
Мурен ончем, мо лиеш?
Мые лектам кушталташ,
Кӱвар тореш тавалташ.
Тол, йолташем, ваштарешем
Сылне мурым муралташ.
Куку йӱкым колам да,
Муралтымем вел шуэш.
Гармонь йӱкым колам да
Кушталтымем вел шуэш.
Мый муралташ йӧратем,
Мый шӱшкалташ йӧратем.
Эк, йолташем, ит шыдешке,
Веселитлаш йӧратем.
Эр лупс дене вӱдлан волем,
Кышам ончен волыза.
Уло мурем муралтышым,
Паметлен шарналтыза.
Румяных яблок я не ела,
Отведаю их, что будет?
Здесь я ещё не пела,
Попробую спою, что будет?
Я выйду поплясать,
Подробить поперёк пола.
Выходи, дружок, мне в ответ
Спеть красивую песню.
Как услышу пение кукушки,
Так и хочется запеть,
Как услышу звук гармошки,
Так и хочется сплясать.
Я люблю петь,
Я люблю свистеть.
Ой, дружок, не сердись,
Люблю я веселиться.
С утренней росой выйду я за водой,
Спускайтесь за мной по следам моим.
Спела я все свои песни,
Вспоминайте меня.
702*. Изи улам, изи улам,
Шемшоптыр гай шем улам.
Шемшоптыр гай шем улам да,
Шокшем вате мый улам.
Я маленькая, я маленькая,
Словно чёрная смородина темна я.
Как чёрная смородина я чёрная,
Я - женщина Шокшема.
703*. Кусо улыда, маныда гын, кушеч улыда, маныда гын,
Каласенат кертына:
Кугу Мушко ялын ӱдыржӧ улына,
Кӱчыкэҥер ватын шешкыж улына.
Если спросите, откуда мы, если спросите, чьи мы,
Мы можем ответить:
Мы - девушки Большой Мушки
И снохи кучукенерских женщин.
704*. Мурен илаш кодынам,
Шӱшкен илаш кодынам.
Изи кӱчык ӱмыремлан
Шкет илаш кодынам.
Каялме пазаремат - Сернур села,
Налдалалме сатуэмат - порсын ташма.
Илалалме верем - Кӱчыкэҥер.
Изи кӱчык ӱмырем эртарем.
Калык мура да, мураш тӧчем,
Калык шӱшка да, шӱшкаш тӧчем.
Ужар мланде ӱмбалне, канде кава йымалне
Калык ила да, илаш тӧчем.
Ик жаплан лум лумеш,
Ик жаплан йӱр йӱреш.
Мыйынат ик жаплан
Рвезе жапем лийылдалын.
Чевер кече ок ончал гын, леве мардеж ок пуал гын,
Канде тӱран носовикем кушан кошка?
Муралтенат ом колто гын, шӱшкалтенат ом колто гын,
Ойган изи чонем кушан лушка?
Шошым пеледыш пеледалтеш,
Шыжым пеледыш кошкалеш.
Ик (ы)жаплан мыят рвезе лийынам,
Ынде мыйым шоҥго покта.
Чевер шовычым пидам да,
Урем дене ошкылам.
Еҥын йӱштӧ шомакшым
Йол йымакем тошкалам.
Изи Марканын ӱдыржӧ улам,
Кугу Аҥанурын ватыже улам.
Куд шочшемлан авашт улам,
Латик уныкамлан коваже улам.
Пареҥге, чай, пареҥге да чай -
Кунамат мӱшкырет ок шужо?
Илышыжат неле, шкетат улам -
Кунам изи чонет огеш йӱлӧ?
Омем шуэш гынат, малаш ом воч,
Пускай койкем яра шинчыже.
Ужын кутырымем шуэш гынат,
Пускай чонем йӱлен ила.
Илышыште лийын огыл
Нимогай веселажат.
Муралтенам-шӱшкалтенам -
Ойгым мондыктаренам.
Осталась я, чтобы жить и петь,
Осталась, чтобы жить и свистеть.
На свою короткую жизнь
Осталась я жить в одиночестве.
Базар, на который я хожу, - в Сернуре,
Товар, который покупаю, - шёлковая тесьма.
Место жительства - Кучукенер.
Провожу свою короткую маленькую жизнь.
Люди поют, и я петь пытаюсь,
Люди свистят, и я пытаюсь.
На зелёной земле, под голубым небом
Люди живут, и я жить пытаюсь.
И снег идёт некоторое время,
И дождь идёт некоторое время.
И у меня некоторое время
Была молодость.
Если не выглянет ясное солнышко, если не подует тёплый ветерок,
Где высохнет мой платочек с голубой каймой?
Если я не спою, если не посвищу,
Как же успокоится моё маленькое горестное сердечко?
Весной цветы расцветают,
А осенью цветы высыхают.
И я на некоторое время была молодой,
А теперь ко мне старость подступает.
Повяжу я яркий платок
И пойду по улице.
Холодные слова людей
Мне нипочём.
Я - девушка небольшого Маркова,
Я - женщина большого Ананура.
Я - мать шестерых детей
И бабушка одиннадцати внукам.
Картошка, чай, картошка да чай -
Как же не проголодаешься?
И жизнь трудна, и я одинока -
Как же не будешь переживать?
Хоть и хочу спать, спать не лягу, -
Пусть койка моя пустует.
Хоть и хочу увидеться-поговорить,
Пусть душа моя болит.
В моей жизни не было
Ничего весёлого.
Припевая, посвистывая,
Забывала о своей печали.
705*. Ме чыланат, ме чыланат
Кӱчыкэҥер гыч улына да.
Каплан изи, чурийлан шемырак,
Койышлан йоргарак улына.
Тувыр йырнат икгае,
Шовыр йырнат икгае да.
Капна-кылна икгай огыл гынат,
Кӧргӧ чонна икгае.
Мы все, мы все
Из Кучукенера.
Ростом невысокие, на лицо тёмненькие,
По характеру игривые.
И полы наших платьев одинаковы,
И полы наших кафтанов одинаковы.
Хоть фигуры у нас разные,
Души наши одинаковы.
706*. Олык корно шуданрак да,
Шӱртнен пуреҥгайышым да.
Тидат мыйын жапшылан
Кузе илен кодынам?
Луговая тропинка травяная -
Споткнувшись, я упала.
До этого времени
Как я дожила?