Песнь 1
Ирмо́с: Во́ду проше́д, я́ко су́шу, / и еги́петскаго зла избежа́в, / изра́ильтянин вопия́ше: // Изба́вителю и Бо́гу на́шему пои́м.
Припев: Пресвята́я Тро́ице, Бо́же наш, сла́ва Тебе́.
О Тро́ице Вседержи́тельная и Еди́нице Триипоста́сная, / ду́шу мою́, и се́рдце, и ум, молю́, просвети́ и благода́тию освяти́, / к Боже́ственней Твое́й любви́ возведи́ / и наста́ви благоче́стно пе́ти благосе́рдие Присноде́вы Благослове́нныя.
Припев: Пресвята́я Богоро́дице, спаси́ нас.
Блага́го Цари́ Блага́я Ма́ти, / Я́же всем благопослу́шная в проше́ниих и всеси́льная в благодея́ниих! / Благода́ть све́та Твоего́ и нам низпосли́, Богоблагода́тная, / песнь Тебе́ возсыла́ющим.
Лик А́нгельский ра́достно славосло́вит Тя, Влады́чице. / Мы же, бре́ннии, что Ти принесе́м? / То́чию усе́рдная благодаре́ния.
Арха́нгельский глас вопие́м Ти: ра́дуйся, Благода́тная. / А́ще и недосто́йни есмы́, бла́гости ра́ди приими́ сей, Влады́це, / све́том ми́лости Твоей нас просвеща́ющи и благода́ть всем подаю́щи.
Кано́н святых земли́ Эсто́нския, глас и ирмо́с то́йже:
Припев: Вси святи́и земли́ Эсто́нския, моли́те Бо́га о нас.
Воспои́м согла́сно вси в пе́снех духо́вных / во благоче́стии просия́вшия боже́ственныя отцы́ на́ша, / освяти́вшия зе́млю Эсто́нскую, я́же Це́рковь Правосла́вная воспита́.
Я́ко меч обоюдоо́стрый был еси́, благове́рный кня́же Алекса́ндре, / прогоня́я враги́ и защища́я преде́лы земли́ на́шея. / И ны́не ско́рое заступле́ние пода́ждь моля́щим тя усе́рдно.
Страда́льче святы́й, Иси́доре блаже́нне, / и ли́че сла́вный му́чеников ю́рьевских, / вы, во уме́ты вмени́вше вся кра́сная ми́ра сего́, / обрели́ есте́ Христа́, Бо́га на́шего, / и́стинную Красоту́ и некра́домое Бога́тство.
Богоро́дичен: Сле́зы покая́ния пода́ждь ми, Пречи́стая, / очи́сти мя от беззако́ний / и чи́ста предста́ви Сы́ну Твоему́ и Бо́гу на́шему.
Песнь 3
Ирмо́с: Утвержде́й в нача́ле Небеса́ ра́зумом / и зе́млю на вода́х основа́вый, / на ка́мени мя, Христе́, за́поведей Твои́х утверди́, // я́ко несть свят, па́че Тебе́, Еди́не Человеколю́бче.
Гряди́те, ве́рнии, / почти́м Пречи́стую Богома́терь, / явле́нием свята́го о́браза Своего́ го́ру Пю́хтицкую освяти́вшую / и мир и благослове́ние лю́дем правосла́вным да́рующую.
Освяща́ется, Богоро́дице, Твое́ю благода́тию всяк ум ве́рных / и возвыша́ется к го́рнему чу́дным прише́ствием ико́ны Твоея́, / ю́же благоче́стно почита́ем и Тебе́ ве́рно сла́вим.
Даждь нам, Богоневе́стная, ненаве́тно ше́ствовати стезе́ю богоуго́дных дея́ний, / я́ко да Твои́м, Де́во, заступле́нием, / злоко́зненнаго пути́ укло́ньшиеся, присносу́щныя сла́вы бу́дем о́бщницы.
А́нгельскаго ми́ра вы́шшая, Пресвята́я Де́во, Влады́чице, / омраче́нная грехми́ сердца́ на́ша просвети́ / и от земны́х попече́ний к Небе́сному поко́ю наста́ви.
Ин
Просвети́л еси́ све́том и́стинныя ве́ры Правосла́вныя лю́ди неве́рныя, / преподобному́чениче Корни́лие. /
Озари́ и нас, гре́шных, страсте́м свои́м служа́щих, благода́тию Всеблага́го Бо́га / и на ка́мени за́поведей Христо́вых утверди́.
Удали́лася еси́ в пусты́ню с супру́гом твои́м, преподо́бная Ва́ссо, / да Христу́ вя́щше послу́жиши; / яви́лася еси́ до́брая строи́тельница оби́тели Пече́рския, / немощно́е естества́ же́нскаго отри́нувши. / Те́мже и по кончи́не твое́й ди́вно просла́ви тя Госпо́дь Бог наш, / Ему́же предстоя́щи, помина́й чту́щия тя.
Уязви́лся еси́, преподо́бне Ио́но, жела́нием жития́ страда́льческаго, / егда́ услы́шал еси́ о кончи́не сопа́стыря твоего́ свята́го Иси́дора, / и, оста́вив житие́ мирско́е, на по́двиги ве́лия устреми́лся еси́. / Сего́ ра́ди и ны́не оби́тель Пече́рская прославля́ет боле́зни и труды́ твоя́ / и благода́рно тебе́ вопие́т: / ра́дуйся, устрои́телю и́ноческаго чи́на / и моли́твенниче неусы́пный о душа́х на́ших.
Богоро́дичен: Пресвята́я Де́во, / Ты еси́ вои́стину свяще́нников Хода́таица неусыпа́емая, / му́чеников терпе́ние, / преподо́бных укрепле́ние / и всея́ земли́ Эсто́нския покро́в и защи́та. / Моли́ спасти́ся душа́м на́шим.
Седа́лен, глас 8:
Нощне́й тьме огустева́ющей, / умножа́ется зве́здный блеск, / и к тому́ о́чи заблу́ждших ра́достно возво́дятся. / Та́ко и умно́жившейся на земли́ грехо́вней тьме, / возведе́м горе́ о́чи на́ша, бра́тие, / и, сия́ние духо́вных звезд, зе́млю на́шу озаря́ющих, узре́вше, / к Небе́сному Оте́честву потщи́мся, / его́же да не лиши́т Госпо́дь нас, гре́шных, / моли́твами святы́х Свои́х.
Сла́ва, и ны́не, Богоро́дичен:
Прииди́те, лю́дие, / поклони́мся чудотво́рному и всечестно́му о́бразу Бо́жия Ма́тере, / и к ней с любо́вию и благодаре́нием возопии́м: / ра́дуйся, непреста́нно славосло́вимая и восхваля́емая, / ра́дуйся, явле́нием Свои́м го́ру Пю́хтицкую освяти́вшая, / ра́дуйся, оби́тель сла́вную зде устро́ившая, / ра́дуйся, ико́ну Свою́, я́ко стра́жа неусы́пна и необори́ма, ей дарова́вшая, / ра́дуйся, исто́чник воды́ живы́я в той откры́вшая, / ра́дуйся, с се́страми неви́димо пребыва́ющая. / Ра́дуйся, Де́во Чи́стая, / ру́це Свои́ ми́лостивно к нам простира́ющая.
Песнь 4
Ирмо́с: Ты моя́ кре́пость, Го́споди, / Ты моя́ и си́ла, / Ты мой Бог, Ты мое́ ра́дование, / не оста́вль не́дра Отча / и на́шу нищету́ посети́в. / Тем с проро́ком Авваку́мом зову́ Ти: // си́ле Твое́й сла́ва, Человеколю́бче.
О́браз честны́й Твой, Де́во, / Творе́ц всех и Созда́тель, вседержи́тельною си́лою пресла́вно горе́ Пю́хтицстей дарова́ / на спасе́ние челове́ком и исцеле́ние. / Сего́ ра́ди гора́ сия́ ме́сто свя́то яви́ся.
Прииди́те, ве́рнии, поклони́мся / и с любо́вию припаде́м чудотво́рному о́бразу Пречи́стыя Де́вы, уми́льно взыва́юще: / низпосли́, Благода́тная, ми́лость рабо́м Твои́м.
Пречи́стый Твой о́браз, Всепе́тая, / неизрече́нными чудесы́ и благода́тьми украси́вши, / в земли́ Эсто́нстей просла́вила еси́. / Сего́ ра́ди мы, покланя́ющеся тому́, / песнь благодаре́ния Тебе́ прино́сим.
Помо́щница всем христиа́ном, от Бо́га нам дарова́нная, / Того́ моли́, Всеблага́я, / да пре́зрит на́ша безчи́сленная согреше́ния / и изба́вит тьмы кроме́шныя и му́ки ве́чныя.
Ин
Жезл архиере́йский вруче́н бысть тебе́, священному́чениче Плато́не, / Патриа́рхом Всеросси́йским Ти́хоном / на по́двиг кре́стный во дни мяте́жа крова́ваго и годи́ну лю́тых гоне́ний. / Ты же, па́стырю до́брый, / не убоя́лся еси́ хули́телей ве́ры Правосла́вныя, / па́стве твое́й ве́рен был еси́ да́же до сме́рти.
Еле́ем до́брых дел, священному́чениче Нико́лае, / напо́лнил еси́ свети́льник свой, / просвеща́я сердца́ пасо́мых све́том богоразу́мия / и путеводя́ их в Черто́г Царя́ Небе́снаго. / Сего́ и нас сподо́би моли́твами твои́ми.
Серде́чным жела́нием распала́емь, о́тче Михаи́ле, / е́же пострада́ти за Христа́ со святи́телем Плато́ном, / во времена́ вла́сти безбо́жныя и годи́ны лю́тыя, / предста́л еси́ вку́пе с ним пред гони́тели, / показу́я нам, я́ко соверше́нная любы́ вон изгоня́ет страх.
Богоро́дичен: Ми́лостию Твое́ю, Де́во, исцели́ души́ моея́ я́звы грехо́вныя / и ум мой просвети́, омраче́нный по́мыслы лука́выми и вра́жиею зло́бою.
Песнь 5
Ирмо́с: Утренюет дух мой к Тебе́, Бо́же, / от Отца́ рожде́нному неизрече́нно // и воздви́гнувшему рог спасе́ния нам.
Ты, о Благода́тная, ми́лостивным Твои́м явле́нием го́ру Пю́хтицкую благослови́ла еси́ / и зе́млю Эсто́нскую тем просвети́ла еси́, / к све́ту вы́шния сла́вы ве́рныя возводи́щи.
Омрачи́хомся по́мыслы, отягчи́хомся грехи́, / но Ты, Милосе́рдная Ма́ти, просвети́ ны / и на пра́вый путь наста́ви.
К пречестне́й Твое́й ико́не благоче́стно притека́ющия, о Богома́ти, / и усе́рдно поклани́ющияся, / и ве́рно повсю́ду Тя призыва́ющия предвари́, / от бед вси́ких спаса́ющи, / и лю́тых неду́г избавли́ющи, / и ду́хи лука́выя прогони́ющи, / тишину́ и здра́вие подаю́щи всем, Влады́чице.
Не оста́ви нас, Богороди́тельнице, / лю́тыми помышле́нии и воспомина́нии от лука́вых враго́в сту́жаемых зе́льне, / но осени́ Твое́ю благода́тию, / покрыва́ющи и спаса́ющи от всех их наве́т, Богоблаже́нная.
Ин
Ме́сто поко́я пра́веднаго и врата́ отве́рста в Ца́рство Небе́сное / яви́ся ти Ре́вельская темни́ца, священному́чениче Арсе́ние. / Те́мже освяти́ся град сей и обре́те тя кре́пкаго своего́ засту́пника / и моли́твенника о душа́х на́ших.
Ева́нгельски пожи́л еси́ на земли́, сви́те Арсе́ние, / безро́потно претерпе́в бе́ды мно́гия: / заточе́ние в темни́це, поноше́ние от си́льных ми́ра сего́, / непра́ведное лише́ние са́на и про́чия злоко́зни диа́вольския. / Те́мже и Го́сподеви угоди́л еси́, кро́тко взыва́я: / бла́го мне, я́ко смири́л мя еси́.
Благогове́йно почти́м, ве́рнии, святи́теля Агафанге́ла, / архипа́стыря му́драго земли́ Балти́йския, хра́мов Бо́жиих созида́теля, / Правосла́вия ревни́теля, иносла́вных попечи́теля, / первосвяти́теля Це́ркве Росси́йския сподви́жника, му́жественнаго испове́дника / и в сму́тная времена́ и́стиннаго миротво́рца.
Богоро́дичен: Ро́ди вси блажа́т Тя, Богоро́дице Де́во, я́коже иногда́ прорекла́ еси́. / Сего́ ра́ди и земли́ Эсто́нская арха́нгельски вопие́т Ти: / ра́дуйся, Благода́тная, Го́сподь с Тобо́ю.
Песнь 6
Ирмо́с: Моли́тву пролию́ ко Го́споду / и Тому́ возвещу́ печа́ли моя́, / я́ко зол душа́ моя́ испо́лнися / и живо́т мои́ а́ду прибли́жися, / и молю́ся, я́ко Ио́на: // от тли, Бо́же, возведи́ мя.
Оби́тель Пю́хтицкая в пресла́внем прише́ствии Твоея́ ико́ны, Цари́це, / чуде́с и Боже́ственных даро́в благода́тию Твое́ю испо́лнися / во утвержде́ние благоче́стия всех ве́рных, / е́юже днесь супоста́ты низлага́ются и сла́вящия Тя кре́пце утвержда́ются.
Селе́ние свято́е сие́, святы́й дом Твой, Де́во Богоневе́сто, / сохрани́ от сопроти́вных нахожде́ния и от всех наве́т вра́жиих, / и вся гра́ды и страны́ христиа́нския, / любо́вию пою́щия Тя и ве́рно почита́ющия пречи́стый о́браз Твой.
Освяще́ние, здра́вие и спасе́ние подава́й душа́м и телесе́м на́шим, Ма́ти Бо́жия, / благоче́стно покланя́ющимся ико́не Твое́й / и усты́ и се́рдцем благогове́йно ю со стра́хом целу́ющим / и ве́рою Тя при́сно сла́вящим.
Держа́вный покро́в и сте́ну необори́му стяжа́вше Тя, Присноде́во Богоро́дице, / упова́ние на Тя с Бо́гом возлага́ем и приле́жно мо́лим: / си́лою Твое́ю стре́лы вра́жия и ко́зни вся бесо́вския не́мощны покажи́ / и кре́пкая Помо́щница нам бу́ди.
Ин
Изря́дная похвало́ гра́да На́рова, му́чениче и па́стырю Дими́трие, / не забу́ди нас, почита́ющих па́мять твою́, / бу́ди щит и огражде́ние дре́внему гра́ду, / в не́мже ду́шу свою́ положи́л еси́ за па́ству. / Бу́ди хода́тай и помо́щник правосла́вным лю́дем, / прославля́ющим святу́ю па́мять твою́.
Воспои́м, ве́рнии, новому́ченика Алекса́ндра, па́стыря На́рвскаго, / от гони́телей безбо́жных смерть прие́мшаго / и кровь непови́нную за Христа́ пролия́вшаго.
Ре́вностно па́стырский долг испо́лнил еси́, священному́чениче Иоа́нне, / моля́ся с сослужи́тели твои́ми, да преста́нет братоуби́йство во Оте́честве на́шем, / и сего́ ра́ди, от безбо́жных убие́н, / я́ко же́ртва благово́нная, в Ца́рство Небе́сное возше́л еси́.
Конда́к, глас 3:
Днесь святи́и земли́ Эсто́нския предстоя́т Бо́гу / и усе́рдно за ны Ему́ мо́лятся, / А́нгели славосло́вят с ни́ми, / и вси святи́и Це́ркве Росси́йския им спра́зднуют, // о нас мо́лят вси ку́пно с Богоро́дицею Преве́чнаго Бо́га.
И́кос:
Еде́мскаго рая́ древеса́ добропло́дная и кра́сная яви́шася, святи́и, / цветы́ благово́нныя уче́ний и плоды́ дел творя́щии, / от ни́хже ду́ши на́ша пита́ются и глад наш духо́вный утоля́ется. / Прииди́те у́бо, притеце́м под сень их и ублажи́м, / я́ко страны́ на́шея отра́ду и украше́ние / и я́ко жития́ о́браз нам и начерта́ние. / Ти́и бо венцы́ прия́ша нетле́нныя от Преве́чнаго Бо́га.
Песнь 7
Ирмо́с: Бо́жия снизхожде́ния / огнь устыде́сяв Вавило́не иногда́, / сегб ра́ди о́троцы в пещи́ ра́дованною ного́ю, / я́ко во цве́тнице, лику́юще, поя́ху: // благослове́н еси́, Бо́же оте́ц на́ших.
Честны́й о́браз Твой, Влады́чице, неизрече́нною благода́тию при́сно сия́ет, / и дарова́нии духо́вными земны́я просвеща́ет, / к Небе́сному наставля́ет, и к ве́чному животу́ устроя́ет / за неизглаго́ланную Твою́ бла́гость.
Твоего́ боголе́пнаго явле́ния, Чи́стая, / и пресла́внаго ико́ны прише́ствия и чуде́с пучи́ны / вити́йствующих уста́ ника́коже возмога́ют испове́дати. / Мы же, немощни́и, что возглаго́лем? / То́чию: поми́луй и спаси́ нас, Всеми́лостивая Влады́чице.
Изве́стная ве́рных Помо́щнице и всех благи́х Пода́тельнице, / приими́ нас, с любо́вию к Тебе́ припа́дающих и вопию́щих: / поми́луй нас, Госпоже́, поми́луй нас, / я́коже ны́не, та́ко и во о́ный день бу́ди нам Помо́щница и Засту́пница.
Ма́ти Бо́жия Милосе́рдая, / две́ри ми́лости Твоея́ отве́рзи нам / и от уст мы́сленных волко́в исхити́, хотя́щих нас до конца́ погуби́ти. / Поми́луй, мо́лим Тя, Влады́чице, поми́луй, / не отврати́ рабы́ Твоя́.
Ин
Не посрами́л еси́ досто́инства иере́йскаго, / егда́ неве́рнии томи́ша тя стра́хом сме́ртным. / Вся ло́жныя глаго́лы, на тя возводи́мыя, отри́нул еси́ и безбоя́зненно рекл еси́: / вина́ моя́ еди́ная, я́ко па́стырь Бо́жий есмь. / Сего́ ра́ди ублажа́ем тя, о́тче Се́ргие, / му́ченическую кончи́ну в Везенбе́рзе за Христа́ прие́мшаго.
Всеросси́йский моли́твенниче, сла́во Кроншта́дта и Це́ркве Росси́йския, о́тче наш Иоа́нне, / мно́гими хра́мы украси́вый зе́млю Эсто́нскую и сла́вную оби́тель Пю́хтицкую в ней утверди́вый, / ны́не не преста́й насажда́ти и укрепля́ти в нас ве́ру Правосла́вную твои́ми к Бо́гу хода́тайствы, / да с тобо́ю вы́ну сла́вим Всеблага́го Бо́га.
Любве́ ра́ди Христо́вы вся, я́же на земли́, приоби́дел еси́, преподо́бне Серапио́не, / и, в пусты́ню всели́вся, мудрова́ние плотско́е умертви́л еси́, / и по́стническими труды́ и зе́льным воздержа́нием свое́ житие́ уясни́л еси́. / Сего́ ра́ди почита́ем тя и светоно́сную па́мять твою́ пра́зднуем, богоблаже́нне.
Богоро́дичен: Ми́лостива мне бу́ди, Преблага́я Де́во, / и, уязвле́на мя ору́жием греха́,/ врачевство́м Твоея́ моли́твы исцели́, / благослове́н, зову́ща, Плод чре́ва Твоего́.
Песнь 8
Ирмо́с: Покрыва́яй вода́ми превы́спренняя Своя́, / полага́яй мо́рю преде́л песо́к и содержа́й вся, / Тя пое́т со́лнце, Тя сла́вит луна́, / Тебе́ прино́сит песнь вся тварь, // я́ко Соде́телю всех во ве́ки.
Пресла́вная днесь пою́ще, / святе́й ико́не Твое́й благогове́йне покланя́емся, Госпоже́ Цари́це. / Сла́вящия Тя благода́тию боже́ственною осени́, / на враги́ укрепи́ и Оте́чество на́ше в ми́ре соблюди́.
Воспои́м с насе́льницами оби́тели Пю́хтицкия благо́й Влады́чице, / то́ки благода́ти источа́ющей от Своея́ чудотво́рныя ико́ны: / хва́лим, благослови́м, покланя́емся Ти, Богороди́тельнице, / пою́ще и превознося́ще Твоя́ чудеса́ во ве́ки.
Ра́дости вина́, Всеблагослове́нная, / ра́дуйся Всенепоро́чная, ра́дуйся, Благода́тная, / держа́ва на́ша и огражде́ние и спаси́тельное прибе́жище. / Спаси́ ны, рабы́ Твоя́, / на Тя бо наде́емся и Тебе́ пое́м во ве́ки.
Тя жи́зни на́шея Храни́тельницу кре́пку стяжа́хом и наде́жду спасе́ния. / Мо́лим Тя, Благосе́рдая: / по кончи́не хода́тайствовати не преста́й о нас, / я́ко да бу́дущих муче́ний изба́вимся / и ми́лостива обря́щем Сы́на Твоего́ и Бо́га на́шего в день Су́дный.
Ин
Ди́вна про́поведь твоя́, / незы́блемо упова́ние твое́, / тве́рдо бо ве́ровал еси́ и учи́л еси́, святи́телю Плато́не, / я́ко благоче́стие на вся поле́зно и на земли́ никогда́же исче́знет.
Ве́ру Правосла́вную пред ливо́ны пропове́давше, / к ве́чным востеко́ша оби́телем Иси́дор пресви́тер / и с ним собо́р му́ченический во гра́де Юрьеве. / Ны́не же, предстоя́ще Царю́ царе́й, / мо́лятся о почита́ющих их па́мять.
Свяще́нством досто́йно облече́н бысть / и преподо́бием зело́ удобре́н, преподобному́чениче Корни́лие, / дом Богоро́дицы, украси́в, просла́вил еси́, / чудь язы́ческую ко Христу́ приве́л еси́ / и зе́млю Эсто́нскую кро́вию свое́ю обагри́л еси́. / Те́мже со святы́ми Христу́ предстоя́, / моли́ спасти́ся душа́м на́шим.
Богоро́дичен: Изба́ви мя от напа́стей, Влады́чице, / и борю́щия мя враги́ побори́, / утверди́ на ка́мени за́поведей Сы́на Твоего́ / и ду́шу мою́ просвети́, Две́ре Боже́ственнаго Све́та.
Песнь 9
Ирмо́с: Ужасе́ся о сем Не́бо / и земли́ удиви́шася концы́, / я́ко Богяви́ся челове́ком пло́тски / и чре́во Твое́ бысть простра́ннейшее Небе́с. / Тем Тя, Богоро́дицу, // А́нгелов и челове́к чинонача́лия велича́ют.
Ико́на Твоя́, Влады́чице, святоле́пно яви́ся в Пю́хтицстей оби́тели, / ве́рныя благода́тию озаря́ющи, вопию́щия: / и́стинно честне́йши всех еси́, Де́во Чи́стая.
Благода́рственное пе́ние за неизрече́нное Твое́ милосе́рдие, Богоблагода́тная, от нас приими́, / проше́ния на́ша на по́льзу исполня́ющи, / и к высоте́ го́рней всех возведи́, ве́рно зову́щих: / и́стинно вы́шши всех еси́, Де́во Всенепоро́чная.
Чуде́с и ми́лостей Твои́х, Влады́чице, к земли́ Эсто́нстей / ника́коже досто́йно украси́ти мо́жем вити́йством слове́с, / то́чию усе́рдно мо́лим Тя, Цари́це: / прости́ нас, гре́шных и немощны́х, / вои́стину серде́чно Тя почита́ющих.
Ро́ди вси, блажи́м Тя, Богоро́дице, / я́ко ра́дости вся ны испо́лнила еси́ / пресла́вным явле́нием Пю́хтицкия ико́ны Твоея́, Пречи́стая; / е́йже днесь покланя́ющеся, уми́льно мо́лим Тя: / не лиши́, Влады́чице, Твои́х рабо́в в бу́дущем ве́це неизрече́нныя ра́дости.
Ин
Си́ла твоя́ необори́ма бысть по ве́ре твое́й, благове́рный кня́же Алекса́ндре, / сего́ ра́ди просла́вися и́мя твое́ во всех язы́цех. / И ны́не мо́лим тя: / враги́ на́ша неви́димо отража́й, ополча́ющияся на Правосла́вную ве́ру.
Небе́снии гра́ждане, святи́и земли́ Эсто́нския, / не забу́дите земно́е Оте́чество ва́ше, / я́ко на вас упова́ние по Бо́зе и Богоро́дице возложи́хом.
Прехва́льнии отцы́ на́ши, / вас ни земля́ потаи́ла есть, но Не́бо прия́т вы, / и отверзо́шася вам ра́йския две́ри, / и, внутрь рая́ бы́вше, дре́ва жи́зни наслажда́етеся. / Христу́ моли́теся дарова́ти Оте́честву ва́шему мир и ве́лию ми́лость.
Богоро́дичен: Зе́млю созда́вый и не́бо одева́яй о́блаки, / новотвори́т Госпо́дь Ада́ма, / в плоть челове́чу от Тебе́, Де́вы Чи́стыя, оде́явся. / Сего́ ра́ди Тя, Пречи́стая, вои́стину Богоро́дицу почита́ем.
Свети́лен, глас 3:
В пе́снех восхва́лим свети́ла земли́ Эсто́нския, / таи́нники Христа́, Боже́ственнаго Сло́ва, / Иже сих просвети́вшаго и возлюби́вшаго / и помо́щники нам ко спасе́нию дарова́вшаго.
Сла́ва, и ны́не, Богоро́дичен:
Пред ико́ною Твое́ю Пю́хтицкою / и́нокинь собра́ние вопие́т Ти, Влады́чице: / о сла́дкая Ма́ти Царя́ Христа́, / бу́ди покро́в Твоея́ оби́тели и ра́дость всем ве́рным.
На хвали́тех стихи́ры 4,1 глас 8. Подо́бен: О пресла́внаго чудесе́:
Днесь ра́дуется Це́рковь Эсто́нская, / иму́щи сонм святы́х свои́х, / ти́и бо суть пе́рвейшии хода́таи / ко Влады́це, Христу́ Бо́гу на́шему, / и наста́вницы ко и́стинней ве́ре, / от земли́ в Ца́рство Бо́жие пресе́льшиися / и ны́не усе́рдно моля́щиися / дарова́ти душа́м на́шим мир / и ве́лию ми́лость.
Днесь, ве́рнии, похва́льными венцы́ / венча́им вся святы́я Це́ркве Эсто́нския, / Престо́лу Бо́жию предстоя́щия / и ми́лостивно нас посеща́ющия, / страны́ на́шея храни́тели, / ве́ры и́стинныя в ней утвержде́ние, / правосла́вных побо́рники, / и́хже моли́твами возноше́ние враго́в на́ших Христо́с Бог низложи́, / име́яй ве́лию ми́лость.
О вели́цыи сро́дницы на́ши, / земли́ Эсто́нския засту́пницы, / имено́ваннии и безыме́ннии, / явле́ннии и неявле́ннии, / Небе́снаго Сио́на дости́гшии / и сла́ву мно́гу от Бо́га прии́мшии, / утеше́ние нам, в ско́рби су́щим, испроси́те, / Це́рковь на́шу во благоче́стии утверди́тв // и от нас, я́ко дар, песнь благодаре́ния приими́те.
Сла́ва, глас 4:
Святи́и сро́дницы на́ши, / цве́ти духо́внии земли́ Эсто́нския, / похвало́ на́ша, утвержде́ние и благоути́шное приста́нище, / ва́ми Це́рковь на́ша хва́лится, / стяжа́вши, я́ко неистощи́мое сокро́вище, / жития́ же ва́ша и мно́гая чудеса́ / прославля́ют просла́вльшаго вас Го́спода. / Его́же моли́те / дарова́ти душа́м на́шим ве́лию ми́лость.
И ны́не, Богоро́дичен, глас то́йже:
Днесь сия́ет благода́тию Бо́жиею гора́ Пю́хтицкая, / иде́же яви́ся Жена́ Благоле́пная, / све́том ди́вным облече́нная, / Избра́нница всего́ ро́да челове́ча, / изво́лившая сотвори́ти го́ру сию́ / ме́сто прославле́ния Своего́ / и чи́стаго, непоро́чнаго Христу́ Бо́гу служе́ния, // ме́сто святы́ни Госпо́дни в долготу́ дний.
Моли́тва
О всеблаже́нии и богому́дрии уго́дницы Бо́жии, по́двиги свои́ми зе́млю Эсто́нскую освяти́вшии и телеса́ своя́, я́ко се́мя ве́ры, в ней оста́вльшии, душа́ми-же свои́ми Престо́лу Бо́жию предстоя́щии и непреста́нно о ней моля́щиися! Се ны́не, в день о́бщаго ва́шего торжества́, мы, гре́шнии, ме́ньшии бра́тия ва́ши, дерза́ем приноси́ти вам сие́ хвале́бное пе́ние. Велича́ем ва́ша вели́кия по́двиги, духо́внии во́ини Христо́ви, терпе́нием и му́жеством до конца́ врага́ низложи́вшии и нас от пре́лести и ко́зней его́ избавля́ющии. Ублажа́ем ва́ше свято́е житие́, свети́льницы Боже́ственнии, све́том ве́ры и доброде́телей светя́щиися и на́ша умы́ и сердца́ богому́дренно озаря́ющии. Прославля́ем ва́ша вели́кая чудеса́, цве́ти ра́йстии, в стране́ на́шей прекра́сне процве́тшии и арома́ты дарова́ний и чуде́с повсю́ду благоуха́ющии. Восхваля́ем ва́шу богоподража́тельную любо́вь, предста́телие на́ши и покрови́телие, и, упова́юще на по́мощь ва́шу, припа́даем к вам и вопие́м: вси святи́и сро́дницы на́ши, от лет дре́вних просия́вшии и в после́дния дни подвиза́вшиися, явле́ннии и неявле́ннии, ве́домии и неве́домии! Помяни́те на́шу не́мощь и уничиже́ние и моли́твами ва́шими испроси́те у Христа́ Бо́га на́шего, да и мы, безбе́дно преплы́вше жите́йскую пучи́ну и невреди́мо соблю́дше сокро́вище ве́ры, в приста́нище ве́чнаго спасе́ния дости́гнем и в блаже́нных оби́телех го́рняго Оте́чества вку́пе с ва́ми и со все́ми угоди́вшими Ему́ от ве́ка святы́ми водвори́мся благода́тию и человеколю́бием Спаси́теля на́шего, Го́спода Иису́са Христа́, Ему́же со Преве́чным Отце́м и со Пресвяты́м Ду́хом подоба́ет непреста́нное славосло́вие и поклоне́ние от всех тва́рей во ве́ки веко́в. Ами́нь.
Собор святых Эстонской земли
Собор святых Эстонской земли. Составляют святые: благоверный великий князь Александр Невский (†1263; память 30 августа и 23 ноября); священномученик Исидор пресвитер и с ним 72 мученика, в Юрьеве Лифляндском пострадавших (†1472; память 8 января); преподобная Васса Псково-Печерская (†1473; память 19 марта); преподобный Иона Псково-Печерский (†1480; память 29 марта); преподобный Серапион (†1480; память 7 сентября и 15 мая); преподобномученик Корнилий Псково-Печерский (†1570; память 20 февраля); священномученик Арсений, митрополит Ростовский (†1772; память 28 февраля); праведный протоиерей Иоанн Кронштадтский (†1908; память 20 декабря); священномученик Иоанн пресвитер (†1917; память 31 октября); священномученик Александр пресвитер (†1918; память 26 декабря); священномученик Димитрий пресвитер (†1918; память 26 декабря); священномученик Сергий пресвитер (†1918; память 17 декабря); священномученик Платон, епископ Ревельский (†1919; память 1 января); священномученик Михаил пресвитер (†1919; память 1 января); священномученик Николай пресвитер (†1919; память 1 января); священноисповедник Агафангел, митрополит Ярославский (†1928; память 3 октября); священномученик Карп пресвитер (†1937; память 11 сентября).
Память священномучеников Иоанна пресвитера, Александра пресвитера, Димитрия пресвитера, Сергия пресвитера, Платона, епископа Ревельского, Михаила пресвитера, Николая пресвитера, Карпа пресвитера и священноисповедника Агафангела, митрополита Ярославского, совершается также в Соборе новомучеников и исповедников Российских (в воскресенье 25 января или ближайшее после 25-го января).
Святой благоверный великий князь Александр Невский родился 30 мая 1220 года в Переславле-Залесском. Отец его Ярослав, кроткий, милостивый и человеколюбивый, был младшим сыном великого князя Всеволода Большое Гнездо, братом святого благоверного князя Георгия Всеволодовича.
С ранних лет Александр сопровождал отца в военных походах. Он участвовал в битве на реке Эмайыги (в нынешней Эстонии), где войска Ярослава разгромили немцев. Уезжая в Киев, Ярослав оставил сына Александра самостоятельно княжить в Новгороде. В1239 году Александр вступил в брак с дочерью полоцкого князя Брячислава Александрой. Ярослав благословил их на венчание Феодоровской иконой Божией Матери. С этой иконой Александр не расставался всю жизнь.
В грозный для Руси час святой князь Александр, великий воин-молитвенник, явился защитником земли Русской: с востока шли, уничтожая все на своем пути, монгольские орды, с запада, воспользовавшись нашествием Батыя, разгромом русских городов, смятением и горем народа, гибелью его лучших сынов и вождей, полчища крестоносцев вторглись в пределы Отечества. Шведский король направил большое войско к Неве, прислав вызов князю Александру: «Если можешь, сопротивляйся,– я уже здесь и пленяю твою землю». Святой Александр укрепил своих воинов словами: «Не в силе Бог, а в правде». С небольшой дружиной, уповая на Святую Троицу, князь поспешил на врагов,– ждать подмоги от отца не было времени. Стоявший в дозоре воин Пелгуй сообщил, что видел на рассвете ладью, плывущую по морю, и в ней святых мучеников Бориса и Глеба. Борис говорил: «Брат Глеб, поможем сроднику нашему Александру». Ободренный чудом, князь с молитвой мужественно повел войско на шведов. Ангел Божий незримо помогал православному воинству, так что на другом берегу, где не было русских войск, оказалось множество перебитых врагов. За эту победу на реке Неве, одержанную 15 июля 1240 года, народ назвал святого Александра Невским.
Немецкие рыцари тоже похвалялись, что подчинят себе русский народ. Святой Александр дал Тевтонскому ордену решительное сражение на льду Чудского озера 5 апреля 1242 года. С помощью Божией крестоносцы были полностью разгромлены. Современники ясно понимали историческое значение Ледового побоища: западные пределы Русской земли были надежно ограждены.
Настало время оградить Русь с востока. Александр со своим отцом, великим князем Ярославом, выехал в Орду: нужно было превратить татар из врагов и грабителей в почтительных союзников. Великий князь Ярослав отдал за это жизнь: заключив союз с Золотой Ордой, он вынужден был ехать в Монголию, где был отравлен. Александр, став великим князем, продолжал крепить завещанный отцом союз с Золотой Ордой, делая ее заслоном для Руси с востока. В Сарае, столице Золотой Орды, стараниями святого Александра и митрополита Кирилла была учреждена епархия Русской Православной Церкви.
Святой Александр считал католичество неприемлемым для русского народа. Когда к нему явились послы Римского папы, он ответил, что русские верны Христовой Церкви и свято хранят веру Семи Вселенских Соборов.
Утвердив мирные отношения Руси и Орды, возвращаясь в 1263 году из Сарая во Владимир, святой Александр смертельно занемог. В Городце князь-подвижник предал дух Господу, завершив многотрудный жизненный путь принятием иночества с именем Алексий. Погребен он был в Рождественском монастыре во Владимире. В 1724 году мощи святого Александра Невского были перенесены из Владимира в Санкт-Петербург.
Священномученик Исидор был священником Цикольского храма в городе Юрьеве (Дерпте, современном Тарту в Эстонии). По договору, заключенному в 1463 году между Московским великим князем Иоанном III и ливонскими рыцарями, последние обязывались оказывать всяческое покровительство православным в Дерпте. Однако ливонцы нарушили договор и стали принуждать православных к унии. Пресвитер Исидор мужественно стал на защиту Православия. Он предпочел принять мученический венец, но не подчиниться католикам. В1472 году отец Исидор и с ним 72 прихожанина были утоплены в проруби в праздник Богоявления после освящения воды в реке Амовже (Эмайыги). Весной, во время разлива, нетленные тела святых мучеников и среди них тело священномученика Исидора в полном облачении были найдены проезжавшими русскими купцами на берегу. Святых погребли около Никольской церкви.
Жития преподобной Вассы, преподобного Ионы и преподобномученика Корнилия Псково-Печерских помещены на страницах 364–366.
Преподобный Серапион Псковский родился в Юрьеве (ныне город Тарту), который находился под властью немцев, старавшихся любыми способами совратить православных в латинство. Когда его хотели насильно привлечь к чужой вере, преподобный Серапион ушел в Толвскую пустынь недалеко от Пскова, где начинал свои молитвенные труды псковский подвижник преподобный Евфросин (в миру Елеазар). Под его окормлением преподобный Серапион проходил первые иноческие послушания. Но вскоре святому пришлось пережить искушение: положившись на собственные силы, он хотел покинуть своего наставника и в уединении начать самостоятельную подвижническую жизнь. Однако это было неугодно Богу, и Он вернул ученика к учителю: сильно поранив ногу, преподобный Серапион раскаялся в своеволии и непослушании и, приняв великую схиму, до конца своих дней, 55 лет, неотлучно пребывал с преподобным Евфросином. Списатель жития преподобного Серапиона называет его мертвецом непогребенным – так велико было его безразличие к земным благам. Ко всякой обиде он относился с исключительным смирением, всегда обвиняя себя самого, всегда сам просил прощения у своего обидчика. Преподобный чрезвычайно высоко ценил церковную молитву: он говорил, что чин двенадцати псалмов, пропетый наедине в келлии, не может равняться одному «Господи, помилуй», пропетому в храме. 8 сентября 1480 года, в день праздника Рождества Пресвятой Богородицы, преподобный Серапион мирно почил о Господе 90 лет от роду. Его учитель, преподобный Евфросин, предал земле его тело, которое от усердных подвигов превратилось в «кости, обтянутые кожей». Еще при жизни преподобный Серапион удостоился от Господа дара прозрения и чудотворений. И после его кончины многие удостаивались по вере своей получать от него чудесную помощь.
Священномученик Арсений, митрополит Ростовский (в миру – Александр Иванович Мацеевич), родился в 1697 году во Владимире. Отец его, Иоанн Мацеевич, служил священником в Спасском храме. Александр Мацеевич окончил Владимирскую духовную школу, затем учился в Львовской и Киевской академиях. В девятнадцать лет Александр принял монашеский постриг с именем Арсений, а в двадцать пять лет был посвящен в иеромонахи. Он быстро проявил себя талантливым проповедником.
Иеромонах Арсений служил в Киево-Печерской Лавре, в Черниговской и Сибирской епархиях, в Великом Устюге и в Соловецком монастыре, участвовал в четырех морских экспедициях, во время которых на карту было нанесено почти все северное побережье Сибири. Отец Арсений преподавал в Санкт-Петербурге и выполнял поручения Синода.
В 1741 году он был посвящен в сан митрополита Сибирского. Митрополит Арсений защищал людей от произвола начальников и воевод, требовал поддержки в этом у Синода и обращался непосредственно к императрице Елизавете. Затем митрополит Арсений 20 лет совершал ревностное архиерейское служение на Ростовской кафедре. Его записка «О благочинии церковном» явилась первым протестом против российской синодальной системы и радением о восстановлении патриаршества на Руси. Проповеди и заметки владыки составили 12 томов. Он выступал против притеснения духовенства и крестьян, проявил себя опытным и рачительным хозяином в управлении вверенными ему храмами и монастырями.
Когда императрица Е