МОЛИТВА ГОСПОДУ БОГУ О ВСЕХ ЛЮДЕХ




Эта молитва была обнаружена среди книг батюшки Зосимы, так как нигде подобной молитвы не обнаружено, то есть предположение, что она была составлена им самим.

Господи Боже наш! Вонми ныне усердному нашему молению, во смирении сердца Тебе приносимому. Не презри нас грешных и нечистых. дерзающих призывати бренными устами своими святейшее имя Твое; Ты бо еси огнь, пожигающий всякую нечистоту, и ныне веруем, яко в час сей усердного моления нашего, ниспослеши нам благодать Твою, во еже чистым разумом и углубленным со вниманием и верою могли принести Тебе сие прошение о отцех, братиях и сестрах наших и о всем мире Твоем; Милостию

Твоею многою, крепостию и любовию соблюди Церковь Твою, яже Кровию Господа нашего Иисуса Христа незыблемо утвердися, от зол же многих грехов наших ради обуреваема есть. Умири ю, Господи, возстави единомысленну и непобеедиму, да премолкнет всяка вражда и разделение посреде призывающих имя Твое. Вразуми пастыри наша патриархи, митрополиты, архиепископы, епископы, иереи Твоя и диаконы, лики монашеския и весь причет церковный, да познают волю Твою святую и творят благоугодное воле Твоей право правят слово Твоея истины.

Сохрани Господи Боже наш, вся благочестно живущия, добротворящия, кроткия, любящия, незлобивыя, целомудренныя и вся путем Евангельским ходящия. Младенцы, юноши и старцы страху твоему наученныя, вся помнящия вдовах, сирых. убогих, вся благотворящия во святых Твоих Церквах и вся яже хотеша творити тем благая но невозмогоша. И вся яже неверующим путь правды показуют,заблудшия наставляющия, еретики вразумляющия и во апостольском благовестии труждающиеся; мирно и незлобиво живущия, несудящия и пребывающия в девстве. чистоте и подвижничестве. в браке живущия и подвизающиеся в горах, пещерах и пропастех земных, преподобныя отцы и братию нашу.

Помяни Господи и тыя яже недужным служат, страждущия утешают, злобу низлагают, врагом благотворят, ненавидящим прощают, клянущия благословляют, от злоречия гнева и обиды отвращаются, и падших непосрамляют. Помяни Господи и тыя, яже нечаянно добро ближнему своему содеяша, и вся плавающия, путешествующия и странствующия, даруй им Ангела Твоего, сохраняюща и соблюдающа их на всех путех их. Воззри Господи и на вся страждущия, недужныя, увечныя, бездомныя, печальныя, гонимыя, обидимыя, старцы и вдовы и сирыя, в бедах сущия, плененныя, в темницах томящиеся, отчаянныя, плачущия, убогия, падшия, озлобляемыя, труждающиеся, обремененныя, истязуемыя, изгнаннии, угнетаемии, в горцем рабстве изнуряемии, страстьми обуреваемии, соблазняемыя, болезньми мучимыя, нечистыми духами одержимыя и ину немощ и расслабление имущия. Не остави их в скорбех неутешными, но видя немощь их, поддержи и соблюди их. и всем умирающим в час сей по всей земли даруй Божественный мир Твой и приими их в вечныя кровы Своя.

Милостив буди Господи к рабом твоим, отцем братьям и сестрам нашим во многия грехи впадшим и небрегущим о спасении своем. Воздвигни их, спаси и сохрани от погибели и смерти душевныя; вся злобствующия, в ереси и расколы впадшия, заблудшия, гонящия, неверствующия, хулящия, блудники, прелюбодеи, татие, самолюбцы, неблагодарни, инелюбовнии, сребролюбцы, неоздержницы, отступницы, безбожницы, отвращаюиеся от словес истины Твоея и вся,многими грехами согрешившия. Сам Господи вразуми их погибают бо прости им елика есть возможна, просвети темныя души их, возбуди их к покаянию всепрощающею любовию Твоею и по нужде даждь им испытание в жизни сей во искуплении зла, егоже в житии сем сотвориша, да познают и они неизреченную благость Твою, спасающую и возрождающую в превеликую сладость радования о Тебе.

Еще же молим Тя, Владыко Боже Превеликий, Преблагий и Премилостивый, и о рабех Твоих усопших отцех братиях и сестрах наших. упокой их, Спасителю наш, в невечернем свете Твоем вся патриархи, митрополиты, архиепископы. епископы, священники, диаконы и иноцы и вся, яже послужиша иногда Святей Твоей Церкви и вся в мире, вере и благочестии преставльшияся рабы Твоя. Упокой, Господи в лике ангелов Твоих вся усопшия младенцы, искуса страстей мира сего непознавших и якоже ангелы от земли к Тебе устремившаяся. Упокой Господи, и вся бездомныя, безродныя, в неизвестности скончавшияся, о них же несть кому сотворити молитвы. упокой и всех убиенных, умученных, истомленных, утопших, во огне сгоревших, во мразех погибших, в песках пустынных занесенных, раздробленных, в земли задохшихся, язвою растленных, в пути убиенных, от глада, труса, потопа умерших, зверьми растерзанных и снеденных, гадами и змиями уязвленных, в муках рождения скончавшихся, и всех нечаянною смертию постигнутых; младенцев во утробе матери убенных, неокрещенных и погубленных; отроков убиенных и во гресех умученных и всяк возраст горькую кончину приявших. И всех в темницех, узах и изгнании умерших; удушенных, отравами изведенных, обезглавленных, в пропасти низвергнутых, во бранех и междоусробиях павших, в смуте погибших, от ран и болезней скончавшихся. И вся, имже судил еси души своя положити за Имя Твое и други своя, прости вся согрешения их и в день Праведного Суда Твоего воздаждь им венцы нетления.

Воззри, Господи Боже наш, и на вся в нераскаянии, смертных грехах, отлучении, проклятии, запрещении, злобе, ненависти, хуле, ропоте, гневе, безумии смертию постигнутых, непогребенныя, убийцы, преступницы, и прочия грешницы и ради неусыпных ходатайств Церкви Твоея и добрых дел, творимых нами в память их, разреши страшныя узы, их связующия, угаси внутренний огнь посмертного и бесплодного их раскаяния, даждь им тишину упокоения в Неизреченном Твоем милосердии.

Ослаби, остави, прости, Боже, и нам недостойным прегрешения наша, и всем заповедавшим нам молитися о них, и всем молящимся в час сей по всей земли отцем, братиям и сестрам нашим. И всех, кого поминали мы, живых или умерших, святых или грешных, всех приими во едино Духа Святаго причастие благодатию и щедротами и человеколюбием Единородного Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.



Поделиться:




Поиск по сайту

©2015-2024 poisk-ru.ru
Все права принадлежать их авторам. Данный сайт не претендует на авторства, а предоставляет бесплатное использование.
Дата создания страницы: 2019-05-20 Нарушение авторских прав и Нарушение персональных данных


Поиск по сайту: