Спортзалынь хэнэйшье дура татахаар
Дахинhаань hургуулиин захиралаар томилогдоhон А.В. Шигин завучаар хyдэлжэ байhан А.А. Суворова хоерынь ажалаараа Хэжэнгэ гараhан байгаа, харин намайе хyмyyжyyлгын талаар захиралай орлогшо Елена Алексеевна Шигина угтажа, hургуулиингаа байдал тухай хooрэбэ.
Hэльбэн шэнэлэгдэhэн спортзалынь гое, hаруул ба дулаан болошонхой. Hургуулиин байшан соонь дулаахан байжа, yхибyyд бултааран хэшээлнyyдтээ хубсаhа хунаргyйгooр hууба.
Эхин классай 10 yхибyyдтэ Жаргалма Мичигдоржиевна Чимитова гэжэ залуу багша тоо бодолгын хэшээл yгэжэ байба.
Hургуулиин байдал тухай асуудалнууд
- Hургуулидатнай хэды hурагшад hуранаб, сэсэрлигтэтнай хэды багашуул тоологдоноб, ямар кружогууд болон секцинyyдтэ хyyгэд дуратайгаар ябанаб? –гэжэ Елена Алексеевна Шигинада хандабаб.
- Бyхыдoo hургуулидамнай 81 hурагшад тоологдоно. Нэгэдэхи класста эгээн олон yхибyyд hурана. Сэсэрлигтэмнай хоер бyлэгyyд бии, хамта дээрээ 35 хyyгэд ябана. Hурагшаднай жэл бyхэндэ баскетбол наадажа, хyнгэн атлетикээр hонирхон урилдаажа, бэеэ hоридог заншалтай юм. Hургуулиимнай урилдаашад жэл бyхэндэ «Хэжэнгын гол» сониной тyрyy hуури эзэлхын урилдаанай ба намартаа «Хэжэнгын сомон» гэhэн захиргаанай шангуудта хyртэхын тyлoo мyрысooнyyдтэ эдэбхитэйгээр хабаадажа, шангай hууринуудые эзэлдэг юм.
Багашуулнай даам наадалгын секцидэ ябадаг, басагаднай хатарай ба дуунай кружогоор hонирходог.
2005 онhоо тус hургуулида багшалжа байhан Елена Алексеевнаhаа иигэжэ асуубаб: - Та ямар хэшээл заанабта? Hурагшадтнай заажа байhан предмедээртнай хэр hонирходог бэ?
Удангyй багшын хойноhоо дахаад, кабинет руунь орон гэhээмни, урданай хyгжэм зэдэлжэ байба. Hууриhаа бодожо, намайе мэндэшэлhэн хyyгэдhээ баhал иигэжэ асуубаб: - Ямар хэшээл болоноб, хэнэй хyгжэм шагнанабта?
- Хyгжэмэй хэшээл yнгэрнэ. Бетховенай «Времена года» гэжэ хyгжэм шагнанабди, - гэжэ нэгэ зyрхэтэйхэн хyбyyхэн харюусаба.
Hургуулинь алтан медальда хyртэгшэдэй «уурхай» болонхой
Тус hургуули аймагай тyбhoo зyyлжээ 80-яад гаран модоной зайда оршодог. Урдань энэ газарта суута Хyртэйн леспромхоз байhан, тиимэhээ тойроод модо шулууниинь хомор болонхой. Тиибэшье арад зон эндээ hуурижаад, иишэ тиишээ зooжэ ябашоогyй байhаар.
Энэ Хyртэйн hургуули 2012-2013 онуудта тyгэсхэhэн yхибyyд сооhоо хоер басагад алтан медаляар дyyргэhэн байдаг. Екатерина Шигина hургуулиингаа удаа Омскын университедэй спортивна факультет эрхимээр дyyргээд, тэндээ магистратурада hуралсана, харин Юлия Иванова Эрхyyдэ Хошиминай нэрэмжэтэ хари хэлэнyyдэй институт дyyргэнхэй. 2015-2016 онуудта hургуули медаляар дyyргэгшэ Кирилл Саблин Эрхyyгэй университедтэ hурана. 2016-2017 оной hуралсалай жэлдэ медальда хyртэhэн Алена Шигина БГУ-гай спортивна факультедтэ hурадаг, харин нyгoo Ирина Школьниковань медицинэтэй хуби заяагаа холбохоео шамданхай.
Харин мyнoo yедэ 9-дэхи классай hурагша Назар Семигузов баhал дээрэ дурсагдаhан хyбyyд, басагад мэтээр бэрхээр hурахые оролдодог байха юм.
Ханаарнь дyyрэн шабинарайнь дyрэ-зурагууд yлгooтэй hэн
Хyртэйhoo бусаха замдаа Ц.Н. Цыренжаповай нэрэмжэтэ Чисаанын дунда hургуули ороhыемнай, байшан соонь «шонын зуурашахаар» мэтэ хyйтэн, шиигтэй байба. Намарай бороо хурын удаа ехэ зyдэрyyхэн сагта утын харгыда гараhан байгаабди. Классууд соонь хэшээлнyyд боложо, энэ-тэрэ асуудалаар хooрэлдэжэ байха багшанаршье харагдабагyй. Баруун тээхи хэрэлсы дээрэнь yхибyyд наранда игаажа hуубад.
Ерээдyйдэ спортзал бодхоогдохо тyсэб табигдаба
Оройдоол 44 hурагшадтай yлэhэн Yлзытын дунда hургуулиин шэнэ захирал С.Ц. Нимаева зyрхэтэйхэнooр hуралсалайнгаа шэнэ хаhые эхилбэ хэбэртэй. Юуб гэхэдэ, yшoo сагай hайн байхада, yхи хyyгэдэй дyyрэн байха yедэ нютагай залуушуулай сyлoo сагаа hайнаар yнгэргэжэ байхын тyлoo спортзал барюулагдаха еhотой байгдаа.
Тиибэ-яабашье Чисаанын баруун хойно оршодог дасан бодхоогдожол байhаар. Хэзээ нэгэтэ «yyдэеэ» сэлижэ, арад зонойнгоо тyлoo хуралнуудаа yнгэргэжэ эхилхэл байха. Тэрээн шэнгеэр баhал hургуулиин спортын танхим нээгдэхэл юм ааб даа. Бидэнэй hургуулиин байшан орожо ябатар, урдаhаамнай ламанар уншалга yнгэргooд, гаража байгаа.
Хэзээ нэгэтэ нютагаа болон гэр байраяа газар руу зооhон баханануудтайнь орхижо, зooжэ ошоhон нютагай хyйхэрнyyд бусахал байха. Юундэб гэхэдэ, мyнoo сэнхир хайрсагаар гэхэ гy, али радиогоор yдэр бyри шахуу ниислэлэй hургуулинуудта хариhаа ерэhэн хyyгэдээ hуралсалаа yргэлжэлyyлхэ hууринууд огто yгы гэжэ хэлэгдэжэл байhаар.