Священник: Прему́дрость, про́сти, услы́шим свята́го Ева́нгелия.
Священник: Мир всем.
Хор: И ду́хови твоему́.
Священник: От Матфея свята́го Ева́нгелия чте́ние.
Хор:Сла́ва Тебе́, Го́споди, сла́ва Тебе́.
Священник: Во́нмем.
Евангелие от Матфея
Хор:Сла́ва Тебе́, Го́споди, сла́ва Тебе́.
Сугубая ектения:
Священник: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.
Хор: Го́споди, поми́луй, трижды. (на каждое прошение)
Еще́ мо́лимся о Вели́ком Господи́не и отце́ на́шем Святе́йшем Патриа́рхе Кирилле, и о господи́не на́шем высокопреосвяще́ннейшем митрополи́те Ювеналии, и о всей во Христе́ бра́тии на́шей.
Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии, благопоспеше́нии рабо́в Бо́жиих имена, и о е́же умножити лета живота их.
Об учащихся
Еще́ мо́лимся Го́споду Бо́гу на́шему, о е́же призре́ти ми́лостивно на отроко́в сих имена, и низпосла́ти в сердца́, во ум и во уста́ их Ду́ха прему́дрости, ра́зума же и благоче́стия, и стра́ха Своего́, и просвети́ти их све́том Своего́ богоразу́мия, и пода́ти им си́лу и кре́пость, во е́же ско́ро прия́ти и спе́шно навы́кнути Боже́ственнаго зако́на Его́ наказа́нию, и всему́ благо́му и поле́зному уче́нию; е́же преуспева́ти им прему́дростию и ра́зумом, и все́ми благи́ми де́лы в сла́ву Пресвята́го Его́ и́мени, и дарова́ти им здра́вие, и долголе́тны их сотвори́ти к созида́нию и сла́ве Це́ркве Своея́, рцем вси: Го́споди, услы́ши и ми́лостивно поми́луй.
О болящих
Врачу душ и телес, со умилением в сердце сокрушенном к Тебе припа́даем и стеняще вопием Ти: исцели болезни, уврачуй страсти душ и телес рабов Твоих имена, и прости им, яко Благосерд, вся прегрешения, вольная и невольная, и скоро воздвигни от одра болезни, молим Ти ся, услыши и помилуй".
"Не хотяй смерти грешных, но еже обратитися и живым им быти, пощади и помилуй рабов Твоих имена, Милостиве: запрети болезни, остави всю страсть и весь недуг, и простри крепкую Твою руку, и якоже Иаирову дщерь, от одра болезни воздвигни и здравых сотвори, молим Ти ся, услыши и помилуй".
На всякое доброе дело
Призри, человеколюбче, милостивым твоим оком на рабы твоя имена, к твоему благоутробию верою припадающыя, и услышав моления их, благое намерение и дело их благослови, и благополучно начати и спешно кроме всякаго препятия во славу твою совершити, яко всесильному царю молимтися, услыши и помилуй.
Во всем споспешествуяй всем во благое, Господи, милостивно и рабом твоим имена, поспешествуй, Спасе, и во благополучное совершение делу их спешно произвестися, благослови, молимтися, всемогий Владыко, услыши и помилуй.
Ангела твоего хранителя пристави делу сему, благоуветливе Господи, и еже воспятити вся препятия видимых и невидимых врагов, поспешство же во всем ко благополучному совершению делающым сотворити, молимтися, преблагий Спасе, услыши и помилуй.
Во славу твою вся творити повелевая, Господи, рабом твоим имена, ко твоей славе дело свое начинающым, благословением твоим поспешество благополучное с довольством к совершению подаждь, здравие им со благоденствием даруя, молимтися, вседаровитый Творче, услыши и помилуй.
О пьянствующих и наркоманах
Врачу душ и телес, со умилением в сердце сокрушенном к Тебе припадаем, и стеняще вопием Ти: исцели болезни, уврачуй страсти душ и телес рабов Твоих, отец, братий и сестер и детей наших тяжкими недугами пианства и наркомании одержимых имена и избави их от духа нечистаго и злобнаго, потопляющего души и телеса их в зелий душерастлительнем и прости, яко Благосерд, вся прегрешения их вольныя и невольныя и скоро воздвигни от расслабления душевнаго и телесного, молим Ти ся, услыши и милостивно помилуй.
Езекиины слезы, Манасиино и ниневитян покаяние и Давидова исповедание приемый и скоро тех помиловавый, и наша во умилении приносимыя Тебе мольбы приими, Всеблагий Царю и, яко щедр, помилуй люте страждущих от недугов пианства и наркомании рабов Твоих, сродников и ближних наших имена, здравие и исцеление им даруя, со слезами молим Ти ся, Источниче Жизни и Бессмертия, услыши и скоро помилуй.
О скорбящих от пьянствующих и наркоманов
Еще молимся о всех сродниках и знаемых, поношение и скорбь от пианствующих и наркоманов терпящих, и о еже укрепи их в терпении, незлобии и прощении согрешающих и досаждающих им, молим Ти ся, услыши и помилуй.
О беременных
Господи Иисусе Христе Боже наш, от Превечного Отца рожденный Сыне прежде век, и в последние дни, благоволением и содействием Святаго Духа, изволивый рожденну быти от Пресвятыя Девы яко младенцу, повиену и положену быти во ясли, Сам, Господи в начале сотворивый человека и жену спрягий ему, заповедь дав им: раститеся и множитеся, и наполните землю, помилуй по велицей милости твоей рабов Твоих имена готовящихся родити по заповеди Твоей. Прости им вольныя и невольныя грехи, благодатию Твоею даруй им силу благополучно разрешитися от бремене своего, сохрани их и младенцев во здравии и благомощии, огради их ангелы Твоими и сохрани от неприязненного действия лукавых духов, и от всякия вещи злыя, молим Ти ся, Источние Жизни и Бессмертия, услыши и помилуй.
О бесплодных
Услышь нас, Милосердый и Всемогущий Боже, да молением нашим ниспослана будет благодать Твоя. Будь милостив, Господи, к молитве нашей, вспомни закон Твой об умножении рода человеческого и будь милостивым Покровителем, да Твоею помощью сохранится Тобою же установленное. Ты властною силою Твоею из ничего все сотворил и положил начало всего в мире существующего - сотворил и человека по образу Своему и высокою тайною освятил союз супружества и предуказание тайны единения Христа с Церковью. Призри, Милосердый, на рабов Твоих сих имена союзом супружеским соединенных и умоляющих о Твоей помощи, да будет на них милость Твоя, да будут плодовиты и да увидят они сыны сынов своих даже до третьяго и четвертаго рода и до желаемой старости доживут и войдут в Царство Небесное, прилежно молим Ти ся, Источниче Жизни и Бессмертия, услыши и милостивно помилуй.
О заблудших
Призри, Господи, милосердым оком и просвети заблудших имярек, обрати их в святую Церковь Твою и спаси их всесильною Твоею Благодатию! Нас же в Православии и истинной вере соблюди, Всещедрый Царю, скоро услыши и милостивно помилуй.
Еще́ мо́лимся за всю бра́тию и за вся христиа́ны.
Возглас: Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор: Ами́нь.
Священник:Ко Пресвяте́й Влады́чице Де́ве Богоро́дице помо́лимся.
Хор: Пресвята́я Богоро́дице, спаси́ нас.
Молитва ко Пресвятой Богородице.
Цари́це моя́ преблага́я, наде́ждо моя́ Богоро́дице, прия́телище си́рых и стра́нных предстáтельнице, скорбя́щих рáдосте, оби́димых покрови́тельнице́ Зри́ши мою́ беду́, зри́ши мою́ скорбь, помози́ ми я́ко не́мощну, окорми́ мя я́ко стрáнна. Оби́ду мою́ ве́си, разреши́ ту, я́ко во́лиши: я́ко не и́мам ины́я по́мощи ра́зве Тебе́, ни ины́я предстáтельницы, ни благи́я уте́шительницы, то́кмо Тебе́, о Богомáти, я́ко да сохрани́ши мя и покры́еши во ве́ки веко́в. Ами́нь.
Священник:Прему́дрость. Пресвята́я Богоро́дице, спаси́ нас.
Хор: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
Священник: Сла́ва Тебе́, Христе́ Бо́же, упова́ние на́ше, сла́ва Тебе́.
Хор: Сла́ва, и ны́не: Го́споди, поми́луй, трижды. Благослови́.
Священник творит отпуст:
Христо́с, и́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, (и святаго, егоже есть храм, и святаго, егоже есть день), святы́х и пра́ведных богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.
Хор: Ами́нь.