КОНДАК ОБРЕЗАНИЮ
глас 3
Господь всех (всего) терпит обрезание и, будучи Благодетелем, обрезывает человеческие прегрешения, дарует сегодня спасение миру.
2. Праздник Рождества Иоанна Предтечи празднуется 7 июля
Тропарь Предтечи
глас 2
Память праведнаго с похвалами,/ тебе же довлеет свидетельство Господне, Предтече:/ показал бо ся еси воистинну и пророков честнейший,/ яко и в струях крестити сподобился еси Проповеданнаго./ Темже, за истину пострадав, радуяся,/ благовестил еси и сущим во аде Бога, явльшагося плотию,/ вземлющаго грех мира// и подающаго нам велию милость.
Кондак Предтечи
глас 6
Плотскаго Твоего пришествия убоявся,/ Иордан страхом возвращашеся;/ пророческое же служение исполняя,/ Иоанн трепетом спряташеся;/ Ангельския чини ужасахуся,/ зряще Тя, во струях плотию крещаема;/ и вси, сущии во тьме, озаряхуся,// воспевающе Тя, явльшагося и просветившаго вся.
3. Празднование дня святых первоверховных апостолов Петра и Павла совершается 12 июля
ТРОПАРЬ СВЯТЫМ АПОСТОЛАМ ПЕТРУ И ПАВЛУ
глас 4
Апостолов первопрестольницы и вселенныя учителие, Владыку всех молите, мир вселенней даровати и душам нашим велию милость.
КОНДАК СВЯТЫМ АПОСТОЛАМ ПЕТРУ И ПАВЛУ
глас 2
Твердыя и боговещанныя проповедатели, верх апостолов Твоих, Господи, приял еси в наслаждение благих Твоих и покой: болезни бо онех и смерть приял еси паче всякаго всеплодия, Едине сведый сердечная
ВЕЛИЧАНИЕ ПЕРВОВЕРХОВНЫМ АПОСТОЛАМ ПЕТРУ И ПАВЛУ
Величаем вас, / апостоли Христовы Петре и Павле, / весь мир ученьми своими просветившия / и вся концы ко Христу приведшия.
4. Праздник Усекновения главы Иоанна Предтечи празднуется 11 сентября (29 августа н.с.)
ТРОПАРЬ ПРЕДТЕЧИ
глас 2
Память праведнаго с похвалами,/ тебе же довлеет свидетельство Господне, Предтече:/ показал бо ся еси воистинну и пророков честнейший,/ яко и в струях крестити сподобился еси Проповеданнаго./ Темже за истину пострадав, радуяся,/ благовестил еси и сущим во аде Бога, явльшагося плотию,/ вземлющаго грех мира// и подающаго нам велию милость.
КОНДАК ПРЕДТЕЧИ
глас 5
Предтечево славное усекновение/ смотрение бысть некое Божественное,/ да и сущим во аде Спасово проповесть пришествие./ Да рыдает убо Иродия,/ беззаконное убийство испросивши:/ не закон бо Божий, ни живый век возлюби,// но притворный, привременный.
5. Праздник Покрова Божией Матери празднуется 14 октября.
ТРОПАРЬ ПОКРОВА ПРЕСВЯТОЙ БОГОРОДИЦЫ
глас 4
Днесь, благовернии людие, светло празднуем,/ осеняеми Твоим, Богомати, пришествием,/ и к Твоему взирающе пречистому образу, умильно глаголем:/ покрый нас честным Твоим Покровом/ и избави нас от всякаго зла,/ молящи Сына Твоего, Христа Бога нашего,// спасти души наша.
КОНДАК ПОКРОВА ПРЕСВЯТОЙ БОГОРОДИЦЫ
глас 3
Дева днесь предстоит в церкви/ и с лики святых невидимо за ны молится Богу,/ Ангели со архиереи покланяются,/ апостоли же со пророки ликовствуют:// нас бо ради молит Богородица Превечнаго Бога.
ВЕЛИЧАНИЕ ПОКРОВУ ПРЕСВЯТОЙ БОГОРОДИЦЫ
Величаем Тя, Пресвятая Дево, и чтим Покров Твой честный, Тя бо виде святый Андрей на воздусе, за ны Христу молящуюся.