Слава, глас 8-й:
Прииди́те, ве́рнии,/благода́рственную песнь принесе́мТриипоста́сномуБо́гу,/ дарова́вшему нам но́выхму́чеников и испове́дников,/ изря́дныхпропове́дниковБоже́ственнагоЕва́нгелия,/ до́брыхпа́стырейслове́сныхове́ц,/ преподо́бных и пра́ведных,/ду́ши своя́ за Христа́положи́вших и ве́русоблю́дших,/ те́плыхна́шихмоли́твенников и усе́рдныххода́таев,/ и с любо́виювсивозопи́им:/ Госпо́ди, моли́твами и предста́тельствомуго́дниковТвои́х// поми́луй и спаси́ ду́шина́ша.
И ныне, Богородичен, глас тойже:
Царь Небе́сный за человеколю́бие на зе́млияви́ся,/ и с челове́ки поживе́,/ от Де́выбоЧи́стыя плоть прие́мый/ и из Нея́ проше́дый с восприя́тием./ Еди́н есть Сын, сугу́бестество́м,/ но не Ипоста́сию./ Те́мжесоверше́нна Того́ Бо́га/ и соверше́ннаЧелове́кавои́стинупропове́дающе,/ испове́дуем Христа́ Бо́гана́шего:/ Его́ же мо́ли, Ма́тиБезневе́стная,// поми́ловатисядуша́мна́шим.
На литии стихира храма.
Слава, новомучеников, глас 2-й:
О, святи́иновому́ченицыПетербу́ргстии,/ в годи́нулихоле́тийлжепа́стырильсти́выяизобличи́вше,/ ве́рностьЦе́рквиХристо́вейсохрани́лиесте́/ и, святы́ни на поруга́ние не да́вше,/ кровь свою́ за Христа́ пролия́лиесте́,/ те́мже к вам усе́рдновзыва́ем:/ моли́теся ко Го́споду,/ страну́ на́шу в ми́ресохрани́ти// и спасти́ ду́шина́ша.
И ныне, Богородичен, глас тойже:
О, чудесе́ но́ваго, всех дре́внихчуде́с!/ Кто бопозна́ Ма́терь, без му́жаро́ждшую/ и на руку́ нося́щую всю тварь Содержа́щаго?/ Бо́жие есть изволе́ниеРо́ждшееся./ Его́же я́коМладе́нца, Пречи́стая, Твои́марука́маноси́вшая/ и Ма́тернедерзнове́ние к Нему́ иму́щая,/ не преста́ймоля́щи о чту́щихТя,// уще́дрити и спасти́ ду́шина́ша.
На стиховне стихиры, глас 2-й:
Егда́ законопресту́пниилю́дие,/зло́боюневе́рияослепле́ннии,/ в темни́цымра́чныя вас всади́ша/ и непра́вдою на смерть осуди́ша,/ тогда́, страстоте́рпцысвяти́и,/ любо́вию ко Христу́ распаля́емии,/ си́цеглаго́ласте:/ Бо́же, в по́мощьна́шувонми́,// Госпо́ди, помощи́ нам потщи́ся.
Слава, глас 8-й:
О, лю́дие, ве́руоте́ческуюпрезре́вшии!/Ка́моведе́те нас, я́коразбо́йников?/ Почто́ ру́ки своя́ на нас простира́ете/ и ра́намижесто́кими нас уязвля́ете?/ Почто́ нас в ро́весме́ртнемполага́ете/ и земле́юпокрыва́ете?/ Не ве́даетеу́бо, что творите́,/ си́цестрада́льцыкро́ткоглаго́лаху,// ду́ши своя́ Го́сподевипредаю́ще.
И ныне, Богородичен, глас тойже:
Безневе́стнаяДе́во,/я́жеБо́ганеизрече́ннозаче́ншипло́тию,/ Ма́тиБо́гаВы́шняго,/ Твои́храбо́в мольбы́ приими́, Всенепоро́чная,/ всем подаю́щиочище́ниепрегреше́ний,/ ны́нена́шамоле́нияприе́млющи,// моли́ спасти́ся всем нам.
Тропарь, глас 4-й:
Добропобе́днииновому́ченицы и испове́дницы,/благоче́стияпра́вило и жития́ ева́нгельскагоо́бразяви́лиесте́,/ лесть богобо́рчестваотве́ргше,/ ве́руПравосла́внуюсохрани́лиесте́,/ пострада́вшеда́же до кро́ве/ и ле́ствицеюмуче́ний ко Го́сподувостекли́ есте́,/ Его́жемоли́тесохрани́ти град наш от вся́каго зла,/ Русь Святу́юутверди́ти в Правосла́вии// и спасти́ ду́шина́ша.
Слава, и ныне, Богородичен, глас тойже:
Е́же от ве́каутае́нное/ и А́нгеломнесве́домоета́инство,/Тобо́ю, Богоро́дице, су́щим на земли́ яви́ся Бог,/ в несли́тнемсоедине́ниивоплоща́емь,/ и Крест во́лею нас ра́дивосприи́м,/ и́мжевоскреси́впервозда́ннаго,// спасе́ от сме́ртиду́шина́ша.
Величание:
Велича́ем,/велича́емвас,/ святи́иновому́ченицы и испове́дницы земли́ на́шея,/ и чтемчестна́ястрада́ниява́ша,/я́же за Христа́//претерпе́лиесте́.
Псалом избранный: Бог нам Прибе́жище и Си́ла. Помо́щник в ско́рбехобре́тшихны зело́. Сего́ ра́ди не убои́мся, внегда́ смуща́ется земля́. Я́ко Тебе́ ра́диумерщвля́емиесмы́ весь день.
Прокимен на утрени, глас 4-й:
Проидо́хомсквозе́ огнь и во́ду,// и изве́леси́ ны в поко́й.
Стих: Разже́глныеси́, я́кожеразжиза́етсясребро́.
По 50-м псалме, глас 6-й:
Слава Отцу и Сыну и Святому Духу:/моли́твамисвяты́хновому́чеников и испове́дников земли́ на́шея/ Милостиве, очисти// множество согрешений наших.
И ныне и присно и во веки веков. Аминь./ Молитвами Богородицы/ Милостиве, очисти// множество согрешений наших.
Помилуймя, Боже/ по велицей милости Твоей/ и по множеству щедрот Твоих// очисти беззаконие мое.
Стихира, глас 6-й:
Гра́дана́шегоукраше́ние,/Це́рквеРу́сскиясве́тлую похвалу́,/ Правосла́виятве́рдыяпобо́рники,/ благоче́стияи́стинныяревни́тели,/ раско́лов и нече́стияискорени́тели,/ днесь восхва́лим, ве́рнии,/ новому́ченики и испове́дникидобропобе́дныя// и те́плыя о нас пред Бо́гоммоли́твенники.
На хвалитех стихиры на 4, глас 8-й:
Всякое дыхание да хвалит Господа./ Хвалите Господа с небес,/ хвалите Его в вышних.// Тебе подобает песнь Богу.
Хвалите Его всиангелиЕго,/ хвалите Его вся силы Его.// Тебе подобает песнь Богу.
Стих: Хвали́те Его́ на Си́лахЕго́,/хвали́те Его́ по мно́жествувели́чествия Его́.
О, пресла́внагочудесе́!/ Днесь лику́ет земля́ Петербу́ргская/ благода́тиюновому́чеников и испове́дниковсвои́хкрасу́ющися,/ и́жеду́ши своя́ за Христа́ положи́ша и ве́ру до конца́ соблюдо́ша./ Те́мже, духо́внора́дующеся,/ Го́сподади́внаго во святы́хСвои́хпрославля́ем и со умиле́ниемвзыва́ем:/ имено́вании и неимено́ваниисро́дницына́ши,/ Христа́ Бо́гамоли́те// дарова́ти нам мир и ве́лиюми́лость.
Слава, глас 8-й:
Му́жественне крест свой на ра́мовзе́мше/ и доброде́тельмивооружи́вшеся,/безбо́жныянаве́тыгони́телейси́лоюБо́жиеюпобеди́лиесте́ / и му́ченическимистрада́ньмибоже́ственнагоприста́нищадости́глиесте́,/ иде́же от Влады́ки Христа́ ки́йждо от вас услы́ша:/ благи́й и ве́рныйра́бе,/ вни́ди в ра́достьГо́спода твоего́./ Того́ приле́жномоли́те,/ грехо́воставле́ние нам дарова́ти// и спасе́ниедуша́мна́шим.
И ныне, Богородичен, глас тойже:
Влады́чице, приими́ моли́твы раб Твои́х,// и изба́ви нас от вся́кияну́жды и печа́ли.
Тропарь, глас 4-й:
Добропобе́днииновому́ченицы и испове́дницы,/благоче́стияпра́вило и жития́ ева́нгельскагоо́бразяви́лиесте́,/ лесть богобо́рчестваотве́ргше,/ ве́руПравосла́внуюсохрани́лиесте́,/ пострада́вшеда́же до кро́ве/ и ле́ствицеюмуче́ний ко Го́сподувостекли́ есте́,/ Его́жемоли́тесохрани́ти град наш от вся́каго зла,/ Русь Святу́юутверди́ти в Правосла́вии// и спасти́ ду́шина́ша.
Ин тропарь, глас 4-й:
Днесь лику́ет град свята́гоПетра́,/прославля́яновому́ченики и испове́дники своя́./ Ти́ибо лесть богобо́рчестваотве́ргше,/ пострада́ша за ве́руда́же до кро́ве/ и, ле́ствицеюмуче́ний ко Го́сподувостека́юще,/ Ца́рствияНебе́снагопресла́внодостиго́ша./ Сего́ ра́динепреста́нно Христа́ Бо́гамо́лят/ сохрани́ти страну́ на́шу от вся́каго зла// и спасти́ ду́шина́ша.
Кондак, глас 3-й:
Днесь па́мятьновому́чеников и испове́дниковПетербу́ргскихсоверша́юще,/припаде́м ко Го́споду и возопи́им:/ Христе́Бо́же, тех моли́твами умири́ мир Твой,// и спаси́ ду́шина́ша, я́ко Благ и Человеколю́бец.