«Житие св. Леонтия мы заимствуем из Соловецкой библиотеки. Здесь оно является в списках двух редакций... (с. 300) Здесь мы предлагаем житие св. Леонтия епископа Ростовского по списку первой краткой редакции, как древнейшей, и если не первоначальной, то ближайшей к первоначальной, а из списка второй, пространной редакции выписываем под чертой только более важные дополнительные известия».
С. 301
Месяца маиа в 23 день обретенье честнаго телесе святаго святителя Леонтия епископа Ростовского
Сей бе блаженыи Костентина града рожение и воспитание[1]. И за премногую его добродетель поставлен бысть епископом граду Ростову, имже преже бывша ту епископи Феодор и Ларион, избегоша, не терпяще неверия и досажения людий[2].(с. 302) Сей же блаженый укрепився силою крестною и помощью всесвятыя Богородица и пощением многим и бдением, и научи я веровати Христови, и чюдеса преславна сдеяв, от них же единою вмале скажем. Святому убо прилежащю в церкви и ласкающу младыя де(с. 303)ти отступити от лести идольстеи и веровати в Святую Троицу Отца и Сына и Святаго Духа, им же бо старии, омрачившеся неверствием своим, не внимаху учению его, яко же сам истина Христос рече, яко «ново вино в новы мехи влияти, обое соблюдется. Аще вольеши вино ново в мехи ветхы, и меси просядутся, обое погибнут»[3]. Се блаженый оставль старца и(с. 304) учаше младенца. А абие устремишася невернии на святопамазанную главу, овии с оружием, а друзии с дреколием, яко изгнати из града и убити и. Епископ же нимало смутися, но паче укрепляше сущая с(с. 305) ним прозвитеры и дияконы, глагола им: «Чадца, не боитеся нахожения их. Не могут бо си нам без Божия повеления сътворити ничтоже». И абие облечеся в священыя ризы и повеле прозвитерам и диаконом облещися в ризы. И яко приидоша и видеша лице его яко лице ангелу, и абие падоша мрэтвии, а друзии ослепоша. Святый же молитвою встави я здравы и целы с(с. 306)твори, и научи я веровати Христови, и крести я в Святую Троицу Отца и Сына и Святаго Духа, и ина многа чюдеса намети достойна сотворив к Господу, его ж измлада възлюби, с миром отиде. Положено бысть святое его и честное тело в церкви Пречистыя Богородица, юже бе создал преже бывшии ту епископ. Посем же многым летом минувшим по Божию попущению, загоряся град Ростов и погоре мало не весь, и церкви погоре святыя(с. 307) Богородица. И повеле богохранимый и благоверный князь Андрей, сын великаго князя Георгия, внук Володимерь създати церковь камену в имя Пречистыя Богородица на месте погоревшея церкви. И начаша копати рвы и обретоша мрътвых множество, идеже обретоша и блаженаго Исаию. И бе церкви мало основана и начаша людие молитися князю Ондрею, абы повелел церковь боле заложити. Едва же умолин быв, повеле воли их быти. Се же все да сбудется Богом реченое в святом Еуангелии: «Не может град укрятися, верху горы стоя. И никтоже,(с. 308) вжег светилник, поставляет его под сосудом или одром». Тако и сему светилнику немощно на толице лет съкровену быти под землеюю. Се бысть всемудраго Бога промыслом, ископающим ров преднеи стене, и обретоша гроб. И бе покровен двумя досками. И людем недоумевающимся, и отверзоша гроб, и видеша лице его, светящеся, яко свет, а ризы его, яко вчера облечены. О превеликое чюдо, братия! Толиком летом минувше, не изменися божественое тело его, но и ризы его не истлеша. Паче же и гроб, в нем же бе тело святое. Видевше же людие, возрадовашеся радос(с. 309)тию великою, и послаша весть ко князю Андрею, поведаша ему бывшее чюдо преславное. Слышав же князь, прослави великую мудрость Божию и помоляся, Богу глаголаше: «Господи,Исусе Христе, что ти воздам за вся, яже воздал еси мне? Яко всеи области в моей державе сподобил еси церковному сокровищу ооткровену быти». И поминая слово спасеное, глаголаше, яко «утаил еси от премудрых и разумных и открыл еси младенцем». И посла вскоре гроб камен положити в нем тела святаго, идеже ныне лежат в церкви святыя Богородица, сдевая преславная чюдеса и подавая(с. 310)исцеления с верою приходящим к Пречистей госпожи Богородице и раце великаго святителя Леонтия в славу Христу Богу Нашему и в державу и победу христолюбивому князю, егда создаша церковь камену в Ростове на месте погоревшая церкви повелением благочестиваго князя нашего Андрея. Он же, приехав в Ростов у мужем своим, и и поклонися блаженному и святому телу Леонтееву, глаголя: «Хвалю и славлю тя, Господи Боже Мой и Пречистою Матерь Твою, яко сподобил мя еси сицего сокро(с. 311)вища в области моего царствия видети. Уже ничем же охужден есмь милости Твоея дарова благодати Божия о сем святем муже». И целова святыя мощи и вси мужи его. И посем поставиша в арце на стене, идеже и ныне лежит. И устрои свещи великы у гроба его. Иоанн же епископ праздновати устави месяца маия в 23 день. Многом же исцелением цветущим от гроба святаго молитвами по неколице же времени приспе праздник святаго. На вечерни праздновавше людие, отидоша, вечеру же приспевшу, бысть в четвертую стражу нощи начаша ангели пти в церкви святыя Богородица и въста святый Леонтеи из гроба. И въжегоща ангели свещи у гроба(с. 312) его, а святый Леонтеи взем кадильницу нача кадити по всеи церкви. И обоня бо воня благоухания всю церковь и весь град Ростов. Пономареви же рано возбудившу, прииде ко дверем церковным и всхоте отворити и виде свет пречюдный и святаго стояа пред святою трапезою, руце свои горе воздвигша. Он же от страха паде на землю, не могий стояти. На долзе лежащу ему, посем возведе очи свои, никого же не виде, но толико свеща горяща, и шед, сказа вся си епископу и начаша утренюю, и от того огня въжгоша вся и прочая свеща. По отпении же утрении некто от кли(с. 313)рик въсхоте угасити свеща у целбоноснаго гроба святаго святителя Леонтея, и шибе его ангел и бысть разслаблен рукама и ногама, глух же и нем, не могый ся двигнути, но толико в помысле сердца глаголаше: «О Госпоже Владычице Богородице, Мати Христа Бога Нашего, помози ми грешному рабу Своему, не погуби мене в беззакониих моих одержима, но подаждь ми руку помощи и к свету возведи мя, Госпоже на покаяние». Посем возвед очи своя к гробу, слезно на сердци моляше святаго и призываше на помощь и по сем возведе очи, нача исповедати грехи, ко гробу святаго зря. Людие же от стра(с. 314)ха, видевше чюдо се, отидоша. Епископ же повеле сего ту пустити, и год бысть литургии. И начаша пети вся по редя. Оному же грехи своя от рожения вся по реду сказавши, и нача молитися: «Отче святый, помилуй мя грешнаго, вем, милостиве, яко не презрит Бог твоея молитвы, и прости моя согрешения, дерзнувшу таковая створити у твоея святыя раки. Помилуй мя грешнаго, пастырю и учителю наш великий святителю Леонтие». Си ем умыслию глаголющу и ина больши сих, и егда нача диакон святое еуангелие глаголати, прииде ему глас. Глаголя: «Человече, оставляют ти ся греси твои». И встав здрав, поклонися цел(с. 315)боносному гробу юогоноснаго отца нашего Леонтия. Вси же людие прославиша милосердаго Спаса и Пречистую Его Матерь, даровавшего таку благодать граду Ростову. Тем же и мы, братия, мужи и жены, уни и старии, мали и ввелиции, истинное рожения винограда Христова, не ленимся съвершати заповедии Господних, яко же рече святыми апостолы. Зде бо апостоли не были, но учения их протекоша конца, яко же рече Давид: «В всю землю изыдоша вещания их, и на конец вселенныя глаголы их». Делатель же и пастух, и страж наш возвеселится о нас пред Господом Богом: «Се аз и дети, яже ми еси предал, Господи». Тем же, братия, (с 316) не ленитеся почтити праздника сего и похвалити своего учителя, сице глаголюще: «Радуися, светозарная звезда, омраченыя осветивше и мгглу греховною отгнавши, просветив святым крещением и омыв банею Святаго Духа, радуйся, ревнителю святых апостолов, искоренителю бесовския льсти». Хвалит римьская земля Петра и Павла, греческая земля Костентина царя, киевьская Володимера князя, ростовьская же земля тебе, великий святителю Леонтея ублажает, сътворшаго дело равно апостом. Радуйся, яко укрепил(с. 317)ся еси надежею вечных благ с прежними почивая святители. Последова бо учению их и нраву и всему правилу Златоустову, непостыдно предася за веру, помоли же ся Христу Богу, Ему же предстоиши, за правовернаго и христолюбиваго князя нашего и за вся люди своя, нам испроси милость от Бога и отпущение грехов, славяще Троицу, Отца, и Сына, и Святаго Духа.
[1] Сей иже во святых отец наш великый Леонтий, рождейся в Констянтине граде от благоверну родителю, воспитан же быв научении и в наказании Господни и грамотикиа вскоре извыкшу ему и взлюбив Христу единому работати, оставив мира и яже в мире, крест свой взем по заповеди святаго еуангелия вследова радостно Христови и вшед в монастырь и бысть мних, желая болших подвиг и множайши добродетели.
[2] «Тъ убо Феодор, пришед в Ростов со князем Борисом Владимеричом и тъ бысть первыи епископ Ро(с. 302)стову, и крести ростовьскую землю и судальскую и церковь постави в Ростове во имя Пречистыя Владычицы Нашея Богородица и Приснодевица Мариа вельми чюдну, яко же послежде скажем. По сих же не возможе терпети многаго ради неверьствия и досаждения людскаго, и не можаше их до конца утвердити, еже отвратити их от льсти идольскыа в познание истинному Богу Нашему. И изгнан бысть от них. Патриарх Фотей, избрав от своего клироса Илариона нарицаемаго, освятив его епископом, постави Ростову. Не стерпевшу же тому пребыти в Ростове, бяху бо людие мнози помрачишася прелестию сатаниною, не беша бо еще познали истиннаго Бога, возвратися пакы и тъ к Царюграду, ничто же успе».
[3] «Достигшу ему града Ростовса, и видев множество народа безчислено, яко ж и ныне нами видим есть и видев обдержимы многым неверством и укреплься силою крестною и помощью Пресвятыя Богородицы и многим пощением и бдением и молитвами всенощными и много поучив я веровати во Христа и чюдеса преславна многа сотвори... они же не внимаху учения его, и изгнаша его вон из града и яко убо изыде из града, и хотяше паки ити(с. 304) ко Царюграду, но милостивый Бог, не хотя твари своея до конца врагом одержимым быти, но хотя избавити от волка мысленаго и всех хотя спасти и в разум истины привести, ороси благодатию Святаго Духа святаго Леонтия и воспоминув вселенныя божественнаго пастыря и учител еуангелиста Иоанна, глаголюща сице: «Пастырь добрый душу свою полагает за овца, а наимник несть пастырь, ему же не суть овца своя, видит волка грядуща, оставляет овца и бегает и нерадит о овцах». И рече со воздыханием сице в себе: «Лучше убо мне умрети за Христа Бога Моего, нежели ослушатися повеления Божиа и моего господина святителя патриарха». И мало убо отшед близ потока, нарицаемаго Брутовщица, и тамо постави себе церковь малу во имя святаго архистратига Михаила. И того призывая на помощь, и начат варити кутию, и поучаше их с любовию, и тамо убо на многы дни пребыввающу ему и поучающу по вся дни, на(с. 305)чаша ся собирати к нему не токмо младенци, но и старца. И крестишася во имя Отца, и Сына, и Святаго Духа. Паки же пришедшу святому Леонтию на место свое на кпископьскыи стол, и учащу ему непрестанно в церкви и ласкающу младыя дети отступити от льсти идольскыя и веровати в Святую Троицу Отца и Сына и Святаго Духа, понеже бо старии еще омрачишася неверьствием своим, не внимаху учения его».