(†) Влады́ко многоми́лостиве, Го́споди Иису́се Христе́, Бо́же наш, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́диа и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших всея́ Росси́и чудотво́рцев, Михаи́ла, Петра́, Алекси́я, Ио́ны, Фили́ппа и Ермоге́на, святы́х, сла́вных и добропобе́дных му́чеников, преподо́бных и богоно́сных оте́ц на́ших, святы́х и пра́ведных богооте́ц Иоаки́ма и А́нны, и́же во святых отца́ на́шего священному́ченика Игна́тия Богоно́сца, Патриа́рха Антиохи́йскаго, его́же па́мять соверша́ем, и все́х святы́х Твои́х, благоприя́тну сотвори́ моли́тву на́шу, да́руй нам оставле́ние прегреше́ний на́ших, покры́й нас кро́вом крилу́ Твое́ю, отжени́ от нас вся́каго врага́ и супоста́та, умири́ на́шу жизнь. Го́споди, поми́луй нас и ми́р Твой, и спаси́ ду́ши на́ша, я́ко благ и человеколю́бец.
Аминь (†).
Велича́ние
Велича́ем тя,/ священному́чениче Игна́тие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Премудрость!
Запе́в: Пресвята́я Богоро́дице, спаси́ нас.
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Сла́ва Тебе́, Христе́ Бо́же, упова́ние на́ше, сла́ва Тебе́ (†).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь (†).
Го́споди, поми́луй (3). Благослови́! (†)
Господи Иисусе Христе́, Ты еси и́стинный Бо́г на́ш, моли́твами Пречи́стыя Своея́ Ма́тере, и́же во святы́хи́же во святы́хо́тца на́шего, священному́ченика Игна́тия Богоно́сца, Патриа́рха Антиохи́йскаго, его́же па́мять соверша́ем, и всех святы́х отв ве́ка Тебе́, Го́споду Бо́гу, угоди́вших, поми́луй и спаси́ на́с, я́ко Бла́г и Человеколю́бец (†).
Аминь (†).
Слава и благодарение Господу Богу и Спасу нашему Иисусу Христу за всё!
[1] Здесь и далее:
(†) — знак означает, где нужно совершать крестное знамение без поклона;
(† с поклоном) — знак означает места молитвы, где нужно совершать крестное знамение с поклоном малым, то есть поясным;
(† с великим поклоном) — знак означает места молитвы, где нужно совершать крестное знамение с великим (то есть земным) поклоном;
(поклон) или (великий поклон) — знак означает места молитвы, где нужно класть поклон без крестного знамения.
[2] Ведомо буди! Хотя от Пасхи до Дня Святой Троицы земные поклоны за соборной молитвой (общественным богослужением) в храмах прекращаются. Однако, на келейное правило данный запрет не распространяется. Келейно (на домашней молитве) по-прежнему можно и должно класть земные поклоны во всякое время.
[3] Ведомо буди! Эта молитва читается только в период от Дня святой троицы и до Великой субботы. От недели антипасхи, то есть Фоминой недели, до Вознесения вместо неё трижды читаем пасхальный тропарь, глас 5:
«Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в».
От Вознесения же до Дня Святой Троицы вместо неё ничего не читаем, а сразу трижды глаголем «Трисвятое» («Святы́й Бо́же, Святы́й Кре́пкий, Святы́й Безсме́ртный, поми́луй нас»)
[4] Ведомо буди! Эта молитва всегда читается трижды, с крестным знамением и поясным (если позволяет здоровье — земным) поклоном на каждый раз.
[5] Ведомо буди! Эта молитва читается только в период от Дня святой троицы и до Великой субботы. От недели антипасхи, то есть Фоминой недели, до Вознесения вместо неё снова поем (читаем) сии тропари, глас 8:
Во гро́бе пло́тски, во а́де же с душе́ю я́ко Бог, в раи́ же с разбо́йником, и на Престо́ле был еси́, Христе́, со Отце́м и Ду́хом, вся исполня́яй, Неопи́санный.
Сла́ва Отцу́, и Сы́ну, и Свято́му Ду́ху (†). Я́ко живоно́сец, я́ко рая́ красне́йший, вои́стинну и черто́га вся́каго ца́рскаго показа́ся светле́йший, Христе́, гроб Твой, исто́чник на́шего воскресе́ния.
И ны́не и при́сно, и во ве́ки веко́в. Ами́нь (†). Вы́шняго освяще́нное Боже́ственное селе́ние, ра́дуйся. Тобо́ю бо даде́ся ра́дость, Богоро́дице, зову́щим: благослове́нна Ты в жена́х еси́, всенепоро́чная Влады́чице.
[6] А́ще среда́ или́ пято́к, или́ ин пост, глаго́ли се́й крестобогоро́дичен, глас то́йже:
Нескве́рная А́гница Сло́ва,/ нетле́нная Де́во Ма́ти,/ на Кресте́ зря́щи пове́шена/ и́же из Ней безболе́зненно прозя́бшего,/ матероле́пно рыда́ющи, вопия́ше:/ увы́ Мне, Ча́до Мое́,/ ка́ко стра́ждеши во́лею,/ хотя́ изба́вити от страсте́й безче́стия челове́ка?
[7] А́ще среда́ или́ пято́к, или́ ин пост, глаго́ли се́й крестобогоро́дичен, глас то́йже. Подо́бен: Всехва́льнии му́ченицы…:
У Креста́ предстоя́щи Сы́на и Бо́га Твоего́/ и долготерпе́ние Того́ смотря́ющи,/ глаго́лала еси́, пла́чущи, Ма́ти Чи́стая:/ увы́ Мне, Ча́до сладча́йшее,/ что́ сия́ стра́ждеши непра́ведно, Сло́ве Бо́жий,/ да спасе́ши челове́чество?
[8] Или́ ин конда́к, гла́с 4:
От восто́ка днесь возсия́вый/ и тварь всю просвети́вый уче́ньми,// му́ченичеством украси́ся, Богоно́сный и Боже́ственный Игна́тий
[9] А́ще среда́ или́ пято́к, или́ ин пост, глаго́ли се́й крестобогоро́дичен, глас то́йже. Подо́бен: О, пресла́внаго чудесе́!..:
Что́ зри́мое виде́ние,/ е́же Мои́ми очесы́ ви́дится, о Влады́ко!/ Содержа́й всю тварь на Дре́во воздви́жен быв,/ и умира́еши, всем Дая́й жизнь, -/ Богоро́дица, пла́чущи, глаго́лаше,/ егда́ узре́ на Кресте́ возноси́ма/ из Не́я неизрече́нно возсия́вшаго Бо́га и Челове́ка.
[10] Утверждён для общецерковного использования: Одобрен: решение Св. Синода 9/14 июня 1893 года № 1516.
Источник: Акафист святому священномученику и чудотворцу Игнатию Богоносцу. Издание Казанской общины при с. Шамардине, Калужской губернии. М.: В Синодальной Типографии, 1893
[11] Евангелие от Ма́рка, 9:33–41 Сие́ чтется в пято́к 30 седми́цы. Сие же чте́тся и Игна́тию Богоно́сцу
[12] А́ще среда́ или́ пято́к, или́ ин пост, глаго́ли се́й крестобогоро́дичен, глас то́йже. Подо́бен: Всехва́льнии му́ченицы…:
Заколе́ние Твое́ непра́ведное, Христе́, Де́ва зря́щи,/ пла́чущи, вопия́ше Ти:/ Ча́до сладча́йшее,/ ка́ко без пра́вды умира́еши?/ Ка́ко на Дре́ве ви́сиши,/ всю зе́млю повеси́вый на вода́х?/ Не оста́ви Мене́ еди́ну,/ Благоде́телю Многоми́лостиве,/ Ма́терь и рабу́ Твою́, молю́ся.
[13] Или́ ин конда́к, гла́с 4:
От восто́ка днесь возсия́вый/ и тварь всю просвети́вый уче́ньми,// му́ченичеством украси́ся, Богоно́сный и Боже́ственный Игна́тий