Последование молебного пения пред началом учения.
Молитвами святых отец наших, Господи Иисусе Христе, Боде наш, помилуй нас. Аминь.
Ц арю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
С вятый Боже, Святый Крепкий, Святый Безсмертный, помилуй нас (трижды, с крестным знамением и поясным поклоном.)
С лава Отцу и Сыну и Святому Духу, и ныне и присно и во веки веков. Аминь.
П ресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Г осподи, помилуй (трижды).
С лава Отцу и Сыну и Святому Духу, и ныне и присно и во веки веков. Аминь.
О тче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Молитвами святых отец наших, Господи Иисусе Христе, Боде наш, помилуй нас. Аминь.
Г осподи, помилуй (12).
С лава Отцу и Сыну и Святому Духу, и ныне и присно и во веки веков. Аминь.
П риидите, поклонимся Цареви нашему Богу (поклон).
П риидите, поклонимся и припадем Христу, Цареви нашему Богу (поклон).
П риидите, поклонимся и припадем Самому Христу, Цареви и Богу нашему (поклон).
Х валите, отроцы, Господа, хвалите имя Господне. Приступите к Нему и просветитеся. Приидите, чада, послушайте мене, страху Господню научу вас. В чесом исправит юнейший путь свой? Внегда сохранити словеса Твоя. Начало премудрости страх Господень. Закон Господень непорочен, обращаяй души, свидетельство Господне верно, умудряющее младенцы. Оправдания Господня права, веселящая сердце, заповедь Господня светла, просвещающая очи. Юнейший аз есмь, оправданий Твоих не зaбых. Готово сердце мо, Боже, готово сердце мое. Сердце чисто созижди во мне, Боже. Господи, устне мои отверзеши, и уста моя возвестят хвалу Твою. Коль сладка гортани моему словеса Твоя, паче меда устом моим. Господь просвещение мое. Господи, настави мя правдою Твоею. Вразуми мя, и увем свидения Твоя. Настави мя на истину Твою, и научи мя. Посли свет Твой и истину Твою, та мя настависта. Во свете Твоем узрим свет. Боже сил, обратися убо, и призри с Небесе и виждь, и посети виноград сей, и соверши и, егоже насади десница Твоя.
С лава Отцу и Сыну и Святому Духу, и ныне и присно и во веки веков. Аминь.
А ллилуия, аллилуия, аллилуия, слава Тебе Боже (трижды).
(Вместо ектении великой – краткие молитвы с прошениями).
Г осподи, помилуй (12 раз).
П ошли, Господи, на отроков учащихся духа премудрости и разума и отверзи ум и уста и просветити сердца их к приятию наставления добрых учений.
В садити, Господи, в сердца их начало премудрости, страх Свой Божественный и просвети ум их, да будут уклоняться от зла и творить благое.
О тверзи, Господи, ум их, да приимут и разумеют и памятствовати будут все добрыя и душеполезныя учения.
П одай, Господи, им приседящую престолу Твоему премудрость и сию всади в сердца их, да научит, что есть благоугодно пред Тобою.
П одай, Господи, преспеяти им премудростию и возрастом во славу Твою.
П одай, Господи, быти им премудростию и добродетельным житием, и благостоянием в православной вере, радостию и утешением родителям своим, и Церкви Святой во утверждение.
И збави, Господи, нас от всякия скорби, гнева и нужды.
Г осподи, заступи, спаси, помилуй и сохрани нас.
П ресвятая Богородица, спаси нас.
Молитвами святых отец наших, Господи Иисусе Христе, Боде наш, помилуй нас. Аминь.
Б ог Господь и явися нам, благословен грядый во Имя Господне.
Исповедайтеся Господеви, яко благ, яко в век милость Его.
Бог Господь и явися нам, благословен грядый во Имя Господне.
Обышедше обыдоша мя и именем Господним противляхся им.
Бог Господь и явися нам, благословен грядый во Имя Господне.
Не умру, но жив буду и повем дела Господня.
Бог Господь и явися нам, благословен грядый во Имя Господне.
Камень, егоже небрегоша зиждущии, сей бысть во главу угла, от Господа бысть сей и есть дивен во очесех наших.
Тропари, глас 6:
Я ко посреде учеников Твоих пришел еси, Спасе, мир дая им, прииди к нам, и спаси нас.
Б езкнижных учеников Дух Твой Святый учителями содела, Христе Боже, и многовещанною проповедию их языческое обольщение упраздни, яко Всесилен.
Слава, глас 8:
Б лагословен еси, Христе Боже наш, иже премудры ловцы явлей, ниспослав им Духа Святаго, и теми уловлей вселенную, Человеколюбче, слава Тебе.
И ныне. Богородичен, глас 6:
П редстательство христиан непостыдное, ходатайство ко Творцу непреложное, не презри грешных молений гласы, но предвари яко Благая на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя.
Г осподи, помилуй.
П рокимен, глас 4: Хвалите, отроцы, Господа, хвалите имя Господне.
Х валите, отроцы, Господа, хвалите имя Господне.
Б уди имя Господне благословенно от ныне и до века.
Х валите, отроцы, Господа, хвалите имя Господне.
Х валите, отроцы, Господа, …
….х валите имя Господне.
Г осподи, помилуй.
К Ефесянам послания святаго Апостола Павла чтение:
Г осподи, помилуй.
Б ратие, не престаю благодаря о вас, поминание о вас творя в молитвах моих. Да Бог Господа нашего Иисуса Христа, Отец славы даст вам духа премудрости и откровения, в познание Его. Просвещенна очеса сердца вашего, яко уведети вам, кое есть упование звания Его, и кое богатство славы достояния Его во святых. И кое преспеющее величество силы Его в нас, верующих по действу державы крепости Его. Разумети же преспеющую разум любовь Христову, да исполнитеся во всяко исполнение Божие. Могущему же паче вся творити по преизбыточествию, ихже просим или разумеем; по силе действуемой в нас, Тому слава в Церкви о Христе Иисусе, во вся роды века веков. Аминь.
Г осподи, помилуй.
О т Марка святаго Евангелия чтение.
Г осподи, помилуй.
В о время оно, приношаху ко Иисусови дети, да коснется их: ученицы же прещаху приносящим. Видев же Иисус, негодова, и рече им: оставити детей приходити ко Мне, и не браните им: тацех бо есть Царствие Божие. Аминь глаголю вам, иже аще не приимет Царствия Божия яко отроча, не имать внити в не. И объем их, возложь руце на них, благословляше их.
С лава Тебе Господи, слава Тебе.
(Вместо ектении сугубой – краткие молитвы с прошениями).
Г осподи, помилуй (40 раз).
П ризри, Господи, на отроков сих (имена поминаемых) и всех учащихся рабов Твоих и низпошли в сердце, во ум и во уста их Духа премудрости, разумения, благочестия и страха Своего и просветит их светом Своего благоразумия.
П одай, Господи, им силу и крепость к скорому восприятию и спешному научению, божественнаго закона Твоего, наставлению, и всему благому и полезному учению, да преуспевают они премудростию и paзумом и всеми благими делами во славу пресвятаго имени Твоего, к созиданию и славе Церкви Своея.