Слава Богу, ныне мы благодатию Божиею и помощию Всесвятыя Владычицы нашея Госпожи Богородицы и молитвами всех святых сподобились и удостоились единую часть священныя Четыредесятницы седмицу совершать. Слава Богу, да помолимся и еще Господу Богу, да сподобит, укрепит и поможет нам, отцы и братия, и все сие священное поприще святаго поста исполнить беспорочно и Богоугодно, с великою пользою душам нашим. Ныне же отчасти хочу вам и начатой нашего делания воспомянуть.
Все мы собраны Богом и Его Божественным благоволением и таинственным гласом и вдохновением Всесвятаго Духа, действующаго и согревающаго огнь духовным пламенем любви Божественныя в сердцах, душах и в помышлениях ума нашего, и сиею объяты бывши, вся красная сладкая честь, славу и славная мира сего призрехом, омерзихом и отринувши от себе, как мерзка тленна и непотребна суща - не точию сия, но и самих близких сердцу родителей: братии, сестер и любимых нами тогда друзей, также оставихом домы и весь род наш по плоти. Все сие сотворихом за возлюбившаго нас Господа, искупившаго нас от клятвы законныя. И уже единственныя любве ради к Нему, ко Всесладчайшему, Вселюбезнейшему нескверному Агнцу Жениху безсмертному Господу Богу, Спасу нашему Иисусу Христу, предавшись совершенно и во след Его изволивши идти, аще возможно вы Его ради и умрети.
И ни о чем нимало не рассуждая: долго ли будем Его ради, мало ли, горько ли или сладко жити, но сие точию имехом во уме нашем. Его ради жити, делати, хранити, и вся находящая нам сладце и радостно терпети, дабы только послужити и благоугодити Ему и быти с Ним во все нескончаемые веки неразлучно. Сие имехом в памяти сердца нашего твердо и совершенно. И вся священные законы, правила, предания, завещания Священного Евангелия святых Апостолов и святых отец словеса и писания сладце пищею, питием и самою жизнею все сие имехом и в сих упражняхомся, радости и веселия наполняшеся душа наша и сердце и вся тяжка бывшая нам тогда легка быша, да сладости истинныя любве нашея ко Господу Богу нашему, ревнующе и подражающе во всем Самому Началовождю нашему и Подвигоположнику Господу Иисусу Христу, Ему же уневестихомся и всею душею и сердцем предахомся и все хотение Его, и всю священную волю Его готовы были исполняти, хотя бы и тьма смертей, аще возможно, подъяти Его ради. Сия вся каждый из нас весть и добре знает.
Ныне же, возлюбленные мне о Господе отцы и братие, призванные Самим Господом, милостию и ходатайством Всесвятыя Богородицы на место святое сие и сидехом здесь единственныя любве ради ко Господу Богу нашему во святей обители сей. Вознерадим ли или расслабим ли себя и разленимся ли? Нет, возлюбленные о Господе, станем крепце, мужественно, сладце вся Господа ради терпети, и вся наносимая козни и сети злоковарного диавола, старающегося запяти, пакости соделати нам в шествии пути спасительнаго и благоприятнаго Господеви, и вся претерпели любве ради к Жениху Господу нашему Иисусу Христу. Отвергнем от себя козни, сети, коварства и всю лесть сатаны и не устрашимся его, и советы его все тщетно да будут в нас, ниже смутимся ухищрений его. Аще Господь по нас - кто на ны? Послужим Богови, братия и отцы, да будем чистое орудие Божественных дел и исполнения священный воли Его, Да славится Господь Бог Вседержитель в житии чистом и Богоугодном, в делах наших, словесех и помышлении нашего сердца и ума. Да служит каждый из нас искреннему своему благою совестию, нравы и делы своими. Советуй и укрепляй един другого в благом жительстве и делах Богоугодных, да не ослабнет и не оскудеет кто, изнемогая в трудах, подвизех и самой любви к Богу.
И аще избываем преуспевая во благом жительстве и делах - да не высокомудрствует таковый, рече бо Спас: "Аще не переизбыточествуем, правда ваша паче фарисей и книжник, не выйдите в Царствие Небесное". И всяка правда ваша, аки руб поверженный на гноищи. И сего ради должны есмы всегда и во всем смиряться, и молитв и помощи от иных ища, а не надеяся на себе и на свое. Божественный же Апостол рече: "Многими скорбьми подобает нам внити во Царствие Божие" (Деян. 14, 22).
Возлюбленные мне о Господе! Служение наше да будет пред Господом чисто и беспорочно, и истинно да послужим Богови нашему, возлюбившему нас в ближнем нашем - сиречь в человецех, глаголю, щадя и храня кийждо, един другого, и в человецех во всех, аще возможно было бы, да послужим, всякаго приемля и служа брат брату прилежно, любве ради Божественныя, измывая его, врачуя его, возливая на него масло и вино и вся язвы его исцеляя, ниже мерзя и гнушаяся сквернами его из-за пострадавшаго и искупившаго священною Кровию - Господа Иисуса Христа, и Его ради и ты подъемли труд, сострадая сострадавшему с ним Господу Богу Вседержителю.
Да не уподобимся и мы, братие и отцы, мимошедшим уязвленнаго, лежащаго при пути, священнику оному, и левиту, но да уподобимся мы оному самарянину, иже от Самарии, и прилежим уязвленному и попечемся о нем, да послужим ему, врачуя и исцеляя его вся язвы - аще и смертоносны суть. Послужим, братия, послужим, любимцы мои о Господе, да славя прославим Господа Бога Вседержителя во всех делах наших, радостию, веселием, да послужим Богови в человецех и сим явимся благодарны Ему и благопотребные Его сосуды. И аще тако будемо - благоизволит Всеблагий Бог влияти в сосуды наши благодать Всесвятаго Духа. Рече бо св. Апостол: "Да славится о вас Господь". Но и в душах ваших и телесех ваших прославите Господа.
Станем мужественно, станем благоговением и памятию Божиею всегда и во всем противу всех козней диавольских, и страстей плотских душевных, и помыслов суетных и ложных, приносимых нам от диавола, уповающе на Господа Бога нашего, и тако будем с Богом нашим во веки всенеразлучно. Аминь.