ВЕЛИ́КАЯ ВЕЧЕ́РНЯ
Диа́кон: В оста́ните!
Хор: Б лагослови́.
Иере́й: Сла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно, и во ве́ки веко́в.
Хор: А ми́нь.
Священнослужители в алтаре:
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́ Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Прииди́те, поклони́мся и припаде́м Ему́.
Псало́м 103, предначина́тельный:
Вели́кая ектения́
Блаже́н муж
Ектения́ ма́лая
Го́споди, воззва́х, глас 4:
Хор: Г о́споди, воззва́х к Тебе́, услы́ши мя./ Услы́ши мя, Го́споди./ Го́споди, воззва́х к Тебе́, услы́ши мя:/ вонми́ гла́су моле́ния моего́,/ внегда́ воззва́ти ми к Тебе́.// Услы́ши мя, Го́споди.
Д а испра́вится моли́тва моя́,/ я́ко кади́ло пред Тобо́ю,/ воздея́ние руку́ мое́ю/ – же́ртва вече́рняя.// Услы́ши мя, Го́споди.
Ап. Андре́я, гла́с 4‑й.
Подо́бен: Зва́нный свы́ше
Стíх, на 6: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.
И́же Предте́чевым све́том воображе́н, / егда́ озаре́ние ипоста́сное сла́вы Оте́ческия яви́ся, / челове́ческий род за благоутро́бие спасти́ хотя́, / тогда́ пе́рвый ты, сла́вне, к Нему́ прите́кл еси́, / озаре́н быв в ра́зуме соверше́ннейшею луче́ю Того́ Божества́, / отону́дуже и пропове́дник и апо́стол быв Христа́ Бо́га на́шего. // Его́же моли́ спасти́ и просвети́ти ду́ши на́ша.
Стíх: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.
И́же Предте́чевым све́том воображе́н, / егда́ озаре́ние ипоста́сное сла́вы Оте́ческия яви́ся, / челове́ческий род за благоутро́бие спасти́ хотя́, / тогда́ пе́рвый ты, сла́вне, к Нему́ прите́кл еси́, / озаре́н быв в ра́зуме соверше́ннейшею луче́ю Того́ Божества́, / отону́дуже и пропове́дник и апо́стол быв Христа́ Бо́га на́шего. // Его́же моли́ спасти́ и просвети́ти ду́ши на́ша.
Стíх, на 4: От стра́жи у́тренния до но́щи, от стра́жи у́тренния / да упова́ет Изра́иль на Го́спода.
И́же Предте́чевым гла́сом оглаше́н, / егда́ всесвято́е Сло́во воплоти́ся, жизнь нам подая́ / и спасе́ние, су́щим на земли́, благовеству́я, / тогда́ Тому́, прему́дре, после́довал еси́, / и себе́ кра́йнее и всесвято́е, я́ко нача́ток, Тому́ освяти́л еси́, / Его́же и позна́в, и возвести́л еси́ / сро́днику твоему́ Бо́га на́шего. // Его́же моли́ спасти́ и просвети́ти ду́ши на́ша.
Стíхъ: Я́ко у Го́спода ми́лость, и мно́гое у Него́ избавле́ние, / и Той изба́вит Изра́иля от всех беззако́ний eго́.
И́же Предте́чевым гла́сом оглаше́н, / егда́ всесвято́е Сло́во воплоти́ся, жизнь нам подая́ / и спасе́ние, су́щим на земли́, благовеству́я, / тогда́ Тому́, прему́дре, после́довал еси́, / и себе́ кра́йнее и всесвято́е, я́ко нача́ток, Тому́ освяти́л еси́, / Его́же и позна́в, и возвести́л еси́ / сро́днику твоему́ Бо́га на́шего. // Его́же моли́ спасти́ и просвети́ти ду́ши на́ша.
Стíх: Хвали́те Го́спода вси язы́цы, / похвали́те Его́ вси лю́дие,
И́же из непло́дове Прозя́бшему учени́к быв, / егда́ де́вственное Рождество́ возсия́, / благоче́стия учи́тель, / и целому́дрия показу́я чистоту́, / тогда́ ты, тепле́йший доброде́тели рачи́тель, Андре́е блаже́нне, был еси́, / восхожде́ния в се́рдцы твое́м полага́я, / и от сла́вы к неизрече́нней взя́лся еси́ сла́ве Христа́ Бо́га на́шего. // Его́же моли́ спасти́ и просвети́ти ду́ши на́ша.
Стíх: Я́ко утверди́ся ми́лость Его́ на нас, / и и́стина Госпо́дня пребыва́ет во век.
И́же из непло́дове Прозя́бшему учени́к быв, / егда́ де́вственное Рождество́ возсия́, / благоче́стия учи́тель, / и целому́дрия показу́я чистоту́, / тогда́ ты, тепле́йший доброде́тели рачи́тель, Андре́е блаже́нне, был еси́, / восхожде́ния в се́рдцы твое́м полага́я, / и от сла́вы к неизрече́нней взя́лся еси́ сла́ве Христа́ Бо́га на́шего. // Его́же моли́ спасти́ и просвети́ти ду́ши на́ша.
Сла́ва, ап. Андре́я, гла́с 4‑й.
Сла́ва:
Рыб лови́тву оста́вив, апо́столе, / челове́ки уловля́еши тро́стию про́поведи, / низпуща́я, я́коже у́ду, благоче́стия льще́ние / и возводя́ из глубины́ ле́сти язы́ки вся, / Андре́е апо́столе, / верхо́внаго сый единокро́вный / и вселе́нныя ку́пно пропове́дниче велегла́сный, / моля́ся не преста́й о нас, / ве́рою и любо́вию благохва́лящих, всехва́льне, // при́сно честну́ю па́мять твою́.
И ны́нѣ, предпра́зднства (ап. Андре́я), гла́с 4‑й
И ны́не:
Иса́ие, лику́й, Сло́во Бо́жие восприими́, / прорцы́ Отрокови́це Мари́и / купину́ горе́ти огне́м / и не сгара́ти заре́ю Божества́. / Вифлее́ме, благоукраси́ся, / отве́рзи врата́, Еде́ме, / и волсви́, иди́те / ви́дети Спасе́ние, в я́слех повива́емое, / Его́же звезда́ показа́ верху́ верте́па, жизнода́вца Го́спода, // спаса́ющаго род наш.
Вход с кади́лом
Диа́кон: П рему́дрость, про́сти.
Хор: Све́те Тихи́й:
Прокимен В неде́лю ве́чера, гла́съ 8‑й
Се ны́не благослови́те Го́спода / вси раби́ Госпо́дни.
Паремии ап. Андре́я
Ектения́ сугу́бая
Сподо́би, Го́споди
Ектения́ проси́тельная
Стихи́ры на стихо́вне
Ап. Андре́я, гла́с 5‑й.
Подо́бенъ: Ра́дуйся:
Р а́дуйся, слове́сное не́бо, / сла́ву Бо́жию всегда́ пове́дающее, / пе́рвый, Христа́ зову́ща послу́шав те́пле / и безотсту́пно с Ним пребыва́я, / от Него́же просвеща́емь, / уви́дел еси́ свет вторы́й / и су́щия во тьме мо́лниями твои́ми просвети́л еси́, / бла́гости Того́ подража́я. / Тем всесвято́е твое́ соверша́ем торжество́ / и моще́й ра́ку ра́достне целу́ем, / от нея́же источа́еши спасе́ние прося́щим // и ве́лию ми́лость.
Стíх: Во всю зе́млю изы́де веща́ние их / и в концы́ вселе́нныя глаго́лы их.
П е́рвый доброде́телей обрета́тель / благоутро́бия ра́ди на́шим обложе́ннаго, Андре́е Богому́дре, / естество́м, совокупи́лся еси́ Ему́ разжже́нною любо́вию, / единокро́вному вопия́: / Его́же пропове́даша проро́цы в Ду́се, обрето́хом, / гряди́ к Его́ красоте́, / да привлече́ни бу́дем и душе́ю, и помышле́нием, / я́ко да светово́дствуеми Того́ светлостьми́, / нощь пре́лести и тьму неве́дения отжене́м, / Христа́ благословя́ще, // подаю́щаго мíру ве́лию ми́лость.
Стíх: Небеса́ пове́дают сла́ву Бо́жию, / творе́ние же руку́ Его́ возвеща́ет твердь.
Я зы́ки, неве́дущия Бо́га, / я́ко из глубины́ неве́дения улови́л еси́ / мре́жею твои́х слове́с / и возмуща́еши я́ве сла́ная моря́, / конь хра́брейший / яви́лся еси́ влады́чествующаго мо́рем, приснопева́емый, / и гни́лость безбо́жия изсуши́л еси́, / соль честну́ю вложи́в — му́дрость твою́, / е́йже и удиви́шася, апо́столе сла́вне, / обуя́вшей му́дрости безсту́дне присвоя́ющиися, / Христа́ не ве́дуще, // подаю́щаго мíру ве́лию ми́лость.
Сла́ва, ап. Андре́я, гла́с 3‑й.
Сла́ва:
С кро́вника Петро́ва и Христо́ва ученика́, / рыб лови́теля и ловца́ челове́ков, / в пе́снех почти́м, Андре́я апо́стола, / Иису́совым бо уче́нием / вся наказа́в догма́ты, / и я́ко льще́ние ры́бам пло́ти беззако́нным предаде́ / и ты́я улови́. / Того́ моли́твами, Христе́, / пода́ждь лю́дем Твои́м // мир и ве́лию ми́лость.
И ны́нѣ, предпра́зднства (ап. Андре́я), гла́с 3‑й
И ны́не: И о́сифе, рцы нам: / ка́ко от святы́х, Ю́же прия́л еси́, Де́ву / непра́здну приво́диши в Вифлее́м? / Аз, — глаго́лет, — проро́ки испыта́в / и отве́т прии́м от А́нгела, уве́рихся, / я́ко Бо́га роди́т Мари́я несказа́нно, / Его́же на поклоне́ние волсви́ от восто́к прии́дут, / с да́ры честны́ми служа́ще. / Воплоти́выйся нас ра́ди, // Го́споди, сла́ва Тебе́.
Ныне отпущаеши
Трисвято́е по О́тче наш:
Тропа́рь вече́рни
Ап. Андре́я, гла́с 4‑й:
Я́ко апо́столов первозва́нный / и верхо́внаго су́щий брат / Влады́це всех, Андре́е, моли́ся, / мир вселе́нней дарова́ти // и душа́м на́шим ве́лию ми́лость.
Сла́ва, и ны́ны, Богоро́дичен воскре́сный, гла́с 4‑й:
Сла́ва и ны́не:
Е́же от ве́ка утае́нное / и А́нгелом несве́домое та́инство, / Тобо́ю, Богоро́дице, су́щим на земли́ яви́ся Бог, / в несли́тном соедине́нии воплоща́емь / и, Крест во́лею нас ра́ди восприи́м, / и́мже воскреси́в первозда́ннаго, // спасе́ от сме́рти ду́ши на́ша
Оконча́нїе вече́рни
Свяще́нник (или дiа́кон):
Прему́дрость.
Благослови́.
Сый благослове́н Христо́с Бог наш, всегда́, ны́нѣ и при́сно, и во вѣ́ки вѣко́в.
Ами́нь. Утверди́, Бо́же, [благочести́вѣйшаго, самодержа́внѣйшаго, вели́каго госуда́ря на́шего iмпера́тора и́мярек, и] святу́ю правосла́вную вѣ́ру, правосла́вных христiа́н во вѣ́к вѣ́ка.
Пресвята́я Богоро́дице, спаси́ нас.
Честнѣ́йшую Херувíм / и сла́внѣйшую без сравне́нiя Серафíм, / без истлѣ́нiя Бо́га Сло́ва ро́ждшую, // су́щую Богоро́дицу Тя́ велича́ем.
Свяще́нник:
Сла́ва Тебе́, Христе́ Бо́же, упова́ние на́ше, сла́ва Тебе́.
Хор:
Сла́ва Ѻтцу́, и Сы́ну, и Свято́му Ду́ху, и ны́не и при́сно, и во ве́ки веко́в. Ами́нь.
Го́споди, поми́луй. (три́жды)
Благослови́.
Отпуст
Хрiсто́съ и́стинный Бо́гъ на́шъ, моли́твами пречи́стыя Своея́ Ма́тере, [свята́го, его́же есть храм,] ап. Андре́я, [местночти́мых святы́х,] и всѣ́хъ святы́хъ, поми́луетъ и спасе́тъ на́съ, я́кѡ благъ и Человѣколю́бецъ.
Многоле́тїе