О, пресветлый Ангеле земли Русския, Целителю предивный, Чудотворче преславный и Пророче Богомудрый, — святый и праведный отроче Вячеславе. Ты яко крин прекрасный, прозябший посреде России на спасение людей, от Бога дарованный. Яко звезда пресветлая из мира Горняго, ты послан Богом был еси, да спасеши гибнущий род человеческий от печати сатаны и скверны чёрнаго язычества. Ты попираешь духов тьмы и разрушаеши их козни. Тебе открыты Богом тайны мира, ты веси высоту Небес и глубину преисподней. Со дерзновением ты предстоиши пред престолом Пресвятыя Троицы и умоляешь Бога о спасении нас грешных.
Мы вемы, Ангеле наш светлый, яко в житии твоем ты обещал еси — «Азъ всем помогу, кто с любовию будет просить мене о помощи». Помози нам, отроче Вячеславе. Мы не вемы, камо бежать и где преклонить главу свою от отчаяния нашего. Буди нашим тихим Пристанищем, нашим грозным Ограждением, нашим верным Хранителем и пламенным Ходатаем. Пролей свою молитву ангельскую за нас недостойных, за все наши семьи (имя рек), за всех наших близких, за всех живых и усопших сродников и предков наших, за все многогрешные роды наши. Вымоли нас погибающих. Вырви нас из ада преисподняго, яко головню из огня. Защити нас и чад наших от тяжких падений греховных и лютых соблазнов последних времён, находящих на ны.
Наипаче, помолися, Ангеле наш Русский, о страждущей Державе нашей Российстей. Защити многострадальное Отечество наше от антихриста и мерзких масонов, от скверны колдовской и чёрнаго язычества. Сокруши их чары колдовские и сети погибельные, развей их замыслы коварные, яко прах по ветру. Яко исчезает дым, да исчезнет эта нечисть, яко тает воск от лица огня, тако да погибнут и сокрушатся все престолы и вертепы сатанинские от лица святой Руси и народа нашего. Да подаст Господь народу нашему Защитника Державнаго, Царя Богопомазанника, яко Щит и Ограждение во брани на врагов Христовых. Буди Ангелом-Хранителем святой Руси и народа православнаго.
Сохрани нас, заступниче наш отроче Вячеславе, от тяжких бед и страхований, грядущих на ны: от провалов погибельных и нашествия супостатов кровожадных, от ран неисцельных и болезней смертных, от мраза нестерпимаго и зноя палящего, от зверей лютых и чудовищ адских, да не погибнем люте без покаяния. Помози нам не роптать и всё перенести. Помози нам не сойти с ума и выстоять в скорбях и искушениях. Препитай нас во гладе и жажде. К Договору СТРАТЕГИЧЕСКОГО ПАРТНЕРСТВА СД№ /09/7518-К
Наипаче, помолися, отроче святый, да не лишимся на конец времен святыя исповеди и Причастия Святых Христовых Таин. Покрый нас, отроче Вячеславе, в обителях твоих тихих от коварства богомерзкаго антихриста и злочестивых слуг его, ищущих нас, и хотящих запечатати и погубити души наша. Спаси и сохрани нас, Ангеле наш славный, от печати антихристовой и муки вечныя, да не порадуется враг о погибели нашей.
Исцели нас, Целителю наш добрый, от одержания и насильства бесовскаго. Изгони эту скверну и нечисть от нас, и от чад наших. Свободи нас от духов нечистых и работы вражия. Облеки нашу немощь Крилами твоими ангельскими. Освети нас светом твоим благодатным. Облагоухай нас ароматами чистоты твоей и очисти нас от зловония греховнаго. Очисти наше сердце и ум наш, во грехах омраченный. Огради нас мечем твоим ангельским от всех стрел и сетей сатанинских, от козней и наветов колдовских, от насилия и осквернения злых человек, от коварства и лукавства, от прелести и соблазнов антихристовых. Буди нашим Предстателем в жизни нашей и Надёжным Путеводителем по смерти нашей. Помози нам, отроче святый, невозбранно проити мытарства. Защити нас на мытарствах от лютых истязателей и легионов духов тьмы. Буди с нами рядом: всегда и везде; во всякое время и на всяком месте. Направи души наша ко спасению. Умудри нас в Истине, настави нас на Покаяние, утверди нас в Правой Вере, укрепи в Надежде, соедини друг ко другу в Любви. Да будем единым малым стадом во Христе Исусе Господе нашем, Ему же подобает всякая слава, честь и поклонение, со Безначальным Его Отцем, и со Пресвятым и Благим и Животворящим Его Духом, ныне и присно, и в веком Аминь.
АРХИСТРАТИГУ МИХАИЛУ
Господи Боже великий царю безначальный, посли, Господи, архангела своего Михаила на помощь мнѣ грѣшному рабу своему (имярекъ). Избави мя, Господи, отъ врагъ моихъ видимыхъ и невидимыхъ, запрети всемъ врагомъ моимъ борющимся со мною, сотвори ихъ яко овца, сокруши ихъ яко прахъ предъ лицемъ вѣтра. Господи, Господи, великий Михаилѣ архангеле, первый княже и воевода небесныхъ силъ, херувимъ и серафимъ шестокрылатыхъ и всѣхъ ангелъ и архангелъ, чудный и страшный честный архангеле Михаиле, буди мне помощникъ рабу своему (имярекъ) въ бѣдахъ и в скорбехъ и въ печалехъ и въ пустыняхъ и в тесныхъ местехъ, на ратѣ и на рѣкахъ и на распутияхъ и отъ всякия прелести вражия избави мя. Господи, Господи великий Архангеле Михаиле, услыши гласъ грѣшнаго раба своего (имярекъ), молящагося к тебе и призывающаго на помощь мою имя твое пресвятое, ускори щедрый на помощь мою и услыши молитву мою. Великий архангеле Михаиле, победи вся противляющиеся мне силою Святаго Духа, молитвами Пречистыя Богородица и святыхъ святителей и исповедниковъ и безмездныхъ и святыхъ мученикъ и мученицъ. Архангеле Михаиле, помози мне грѣшному рабу своему (имярекъ) всегда и нынѣ и присно и во вѣки вѣкомъ. Аминь.
Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.
Псалом 26
Господь просвещение мое и Спаситель мой, кого убоюся? Господь Защититель живота моего, от кого устрашуся? Внегда приближатися на мя злобующым, еже снести плоти моя, оскорбляющии мя и врази мои, тии изнемогоша и падоша. Аще ополчится на мя полк, не убоится сердце мое; аще востанет на мя брань, на Него аз уповаю. Едино просих от Господа, то взыщу: еже жити ми в дому Господни вся дни живота моего, зрети ми красоту Господню и посещати храм святый Его. Яко скры мя в селении Своем в день зол моих, покры мя в тайне селения Своего, на камень вознесе мя. И ныне се, вознесе главу мою на враги моя: обыдох и пожрох в селении Его жертву хваления и воскликновения; пою и воспою Господеви. Услыши, Господи, глас мой, имже воззвах, помилуй мя и услыши мя. Тебе рече сердце мое: Господа взыщу, взыска Тебе лице мое, лица Твоего, Господи, взыщу. Не отврати лица Твоего от мене и не уклонися гневом от раба Твоего: помощник мой буди, не отрини мене и не остави мене. Боже, Спасителю мой. Яко отец мой и мати моя остависта мя. Господь же восприят мя. Законоположи ми, Господи, в пути Твоем, и настави мя на стезю правую враг моих ради. Не предаждь мене в душы стужающих ми: яко восташа на мя свидетеле неправеднии, и солга неправда себе. Верую видети благая Господня на земли живых. Потерпи Господа, мужайся, и да крепится сердце твое, и потерпи Господа.
Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.
Псалом 50
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониях зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом владычним утверди мя. Научу беззаконыя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.
Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.
Псалом 90
Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходящия, от сряща, и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу eго: с ним есмь в скорби, изму eго и прославлю eго, долготою дний исполню eго и явлю eму спасение Мое.
Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.