Воскресные, восьми гласов.
Прокимен, глас 1: Бу́ди Го́споди, ми́лость Твоя́ на нас, я́коже упова́хом на Тя.
Стих: Ра́дуйтеся пра́веднии о Го́споде, пра́вым подоба́ет похвала́.
Аллилуия: Бог дая́й отмще́ние мне: и покори́вый лю́ди под мя.
Стих: Велича́й спасе́ния царе́ва, и творя́й ми́лость христу́ Своему́ Дави́ду, и се́мени Его́ до ве́ка.
Прокимен, глас 2: Кре́пость моя́ и пе́ние мое́ Госпо́дь, и бы́сть мне во спасе́ние.
Стих: Наказу́я наказа́ мя Госпо́дь, сме́рти же не предаде́ мя.
Аллилуия: Услы́шит тя Госпо́дь в день печа́ли, защи́тит тя и́мя Бо́га Иа́ковля.
Стих: Го́споди, спаси́ царя́, и услы́ши ны, во́ньже а́ще день призове́м Тя.
Прокимен, глас 3: По́йте Бо́гу на́шему, по́йте, по́йте Царе́ви на́шему, по́йте.
Стих: Вси язы́цы восплещи́те рука́ми, воскли́кните Бо́гу гла́сом ра́дования.
Аллилуия: На Тя Го́споди, упова́х, да не постыжу́ся во ве́к.
Стих: Бу́ди ми в Бо́га Защи́тителя, и в дом прибе́жища, е́же спасти́ мя.
Прокимен, глас 4: Яко возвели́чишася дела́ Твоя́ Го́споди, вся прему́дростию сотвори́л еси.
Стих: Благослови́ душе́ моя Го́спода, Го́споди Бо́же мой, возвели́чился еси́ зело́.
Аллилуия: Наляцы́ и успева́й, и ца́рствуй и́стины ра́ди, и кро́тости и пра́вды.
Стих: Возлюби́л еси́ пра́влу, и возненави́дел еси ́беззако́ние.
Прокимен, глас 5: Ты Го́споди, сохрани́ши ны, и соблюде́ши ны от ро́да сего́ и во век.
Стих: Спаси́ мя Го́споди, я́ко оскуде́ преподо́бный.
Аллилуия: Ми́лости Твоя́ Го́споди во век воспою́, в род и род возвещу́ и́стину Твою́ усты́ мои́ми.
Стих: Зане́ рекл еси́: во век ми́лость сози́ждется, на небесе́х угото́вится и́стина Твоя́.
Прокимен, глас 6: Спаси́ Го́споди, лю́ди Твоя́, и благослови́ достоя́ние Твое́.
Стих: К Тебе́ Го́споди воззову́, Бо́же мой, да не премолчи́ши от мене́.
Аллилуия: Живы́й в по́мощи Вы́шняго, в кро́ве Бо́га Небе́снаго водвори́тся.
Стих: Рече́т Го́сподеви: засту́пник мой еси́, и прибе́жище мое́, Бог мой и упова́ю на Него́.
Прокимен, глас 7: Госпо́дь кре́пость лю́дем Свои́м да́ст, Госпо́дь благослови́т лю́ди Своя́ ми́ром.
Стих: Принеси́те Го́сподеви Сы́нове Бо́жии: принеси́те Го́сподеви сы́ны о́вни.
Аллилуия: Бла́го есть испове́датися Го́сподеви, и пе́ти и́мени Твоему́ Вы́шний.
Стих: Возвеща́ти зау́тра ми́лость Твою́, и и́стину Твою́ на вся́ку нощь.
Прокимен, глас 8: Помоли́теся, и воздади́те Го́сподеви Бо́гу на́шему.
Стих: Ве́дом во Иуде́и Бог, во Изра́или ве́лие и́мя Его́.
Аллилуия: Прииди́те, возра́дуемся Го́сподеви, воскли́кнем Бо́гу спаси́телю на́шему.
Стих: Предвари́м лице́ Его́ во испове́дании, и во псалме́х воскли́кнем Ему́.
Дневные.
В понедельник, прокимен, глас 4: Творя́й Ангелы Своя́ ду́хи, и слуги́ Своя́ пла́мень о́гненный.
Стих: Благослови́ душе ́моя́ Го́спода, Го́споди Бо́же мой, возвели́чился еси́ зе́ло.
Аллилуия, глас 5: Хвали́те Го́спода вси Ангели Его́, хвали́те Его́ вся Си́лы Его́.
Стих: Яко Той рече́, и бы́ша: Той повеле́, и созда́шася.
Причастный: Творя́й Ангелы Своя́ ду́хи, и слуги́ Своя́ пла́мень о́гненный.
Во вторник, прокимен, глас 7: Возвесели́тся пра́ведник о Го́споде, и упова́ет на Него́.
Стих: Услы́ши Бо́же глас мой, внегда́ моли́ти ми ся к Тебе́.
Аллилуия, глас 4: Пра́ведник я́ко фи́никс процвете́т, я́ко кедр, и́же в Лива́не, умно́жится.
Стих: Насажде́ни в дому́ Госпо́дни, во дво́рех Бо́га на́шего процвету́т.
Причастный: В па́мять ве́чную бу́дет пра́ведник, от слу́ха зла не убои́тся.
В среду, прокимен, глас 3: Песнь Богородицы: Вели́чит душа́ Моя́ Го́спода, и возра́довася дух Мой о Бо́зе Спа́се Мое́м.
Стих: Яко призре́ на смире́ние рабы́ Своея́, се бо от ны́не ублажа́т Мя вси ро́ди.
Аллилуия, глас 8: Слы́ши Дщи и виждь, и приклони́ у́хо Твое́.
Стих: Лицу́ Твоему́ помо́лятся бога́тии лю́дстии.
Причастный: Ча́шу спасе́ния прииму́, и и́мя Госпо́дне призову́.
В четверток, прокимен, глас 8: Во всю зе́млю изы́де веща́ние их, и в концы́ вселе́нныя глаго́лы их.
Стих: Не6еса́ пове́дают сла́ву Бо́жию, творе́ние же руку́ Его́ возвеща́ет тве́рдь.
Аллилуия, глас 1: Испове́дят небеса́ чудеса́ Твоя́ Го́споди, и́бо и́стину Твою́ в це́ркви святы́х.
Стих: Бог прославля́емь в сове́те святы́х.
Причастный: Во всю зе́мля изы́де веща́ние их, и в концы́ вселе́нныя глаго́лы их.
В пяток, прокимен, глас 7: Возноси́те Го́спода Бо́га на́шего, и покланя́йтеся подно́жию но́гу Его́, я́ко свя́то е́сть.
Стих: Госпо́дь воцари́ся, да гне́ваются лю́дие.
Аллилуия, глас 1: Помяни́ сонм Твой, его́же стяжа́л еси́ испе́рва.
Стих: Бог же царь наш пре́жде ве́ка, соде́ла спасе́ние посреде́ земли́.
Причастный: Спасе́ние соде́лал еси́ посреде́ земли́ Бо́же.
В субботу, прокимен, глас 8: Весели́теся о Го́споде, и ра́дуйтеся пра́веднии.
Стих: Блаже́ни и́хже оста́вишася беззако́ния, и и́хже прикры́шася греси́.
И умершым, глас 6: Ду́шы их во благи́х водворя́тся.
Аллилуия, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их.
Стих: Мно́ги ско́рби пра́ведным, и от всех их изба́вит я Госпо́дь.
Стих: Блаже́ни я́же избра́л и прия́л еси́ Го́споди, и па́мят их в род и род.
Причастный: Ра́дуйтеся пра́веднии о Го́споде, пра́вым подоба́ет похвала́.
Другий: Блаже́ни я́же избра́л, и прия́л еси́ Го́споди, и па́мять их в род и род.
Святым.
Служба Пресвятей Богородице. Прокимен, глас 3: Песнь Богородицы: Вели́чит душа́ Моя́ Го́спода, и возра́довася дух Мой о Бо́зе Спа́се Мое́м.
Стих: Яко призре́ на смире́ние рабы́ Своея́, се бо от ны́не ублажа́т Мя́ вси ро́ди.
Другий прокимен, глас 6: Помяну́ и́мя Твое́ во вся́ком ро́де и ро́де.
Стих: Отры́гну се́рдце мое́ сло́во бла́го.
Аллилуия, глас 8: Слы́ши Дщи и виждь: и приклони́ у́хо Твое́.
Стих: Лицу́ Твоему́ помо́лятся бога́тии лю́дстии.
Причастный: Ча́шу спасе́ния прииму́, и и́мя Госпо́дне призову́.
Апостол: зачало 240, Другий 320.
Святым Небесным Безплотным Силам. Прокимен, глас 4: Творя́й Ангелы Своя́ ду́хи, и слуги́ Своя́ пла́мень о́гненный.
Стих: Благослови́ душе́ моя́ Го́спода, Го́споди Бо́же мо́й, возвели́чился е́си зело́.
Аллилуия, глас 5: Хвали́те Го́спода вси Ангели Его, хвали́те Его́ вся Си́лы Его́.
Стих: Яко Той рече́, и бы́ша: Той повеле́, и созда́шася.
Причастный: Творя́й Ангелы Своя́ ду́хи, и слуги́ Своя́ пла́мень о́гненный.
Апостол: зачало 305.
Святым Апостолом обща. Прокимен, глас 8: Во всю зе́млю изы́де веща́ние их, и в концы́ вселе́нныя глаго́лы их.
Стих: Небеса́ пове́дают сла́ву Бо́жию, творе́ние же руку́ Его́ возвеща́ет тве́рдь.
Аллилуия, глас 1: Испове́дят небеса́ чудеса́ Твоя́ Го́споди, ибо и́стину Твою́ в це́ркви святы́х.
Стих: Бог прославля́емь в сове́те святы́х.
Причастный: Во всю зе́млю изы́де веща́ние их, и в концы́ вселе́нныя глаго́лы их.
Апостол: зачало 131.
Святым пророком обща. Прокимен, глас 4: Ты иере́й во век по чи́ну Мелхиседе́кову.
Стих: Рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие но́г Твои́х.
Аллилуия, глас 5: Моисе́й и Ааро́н во иере́ех Его́, и Саму́ил в призыва́щих и́мя Его́.
Стих: Све́т возсия́ пра́веднику, и пра́вым се́рдцем весе́лие.
Причастный: В па́мять ве́чную бу́дет пра́ведник, от слу́ха зла не убои́тся.
Апостол: зачало 156, другий 314, третий 57.
Святителю единому. Прокимен, глас 1: Уста́ моя́ возглаго́лют прему́дрость, и поуче́ние се́рдца моего́ ра́зум.
Стих: Услы́шите сия́ вси язы́цы, внуши́те вси живу́щии по вселе́нней.
Аллилуия, глас 2: Уста́ пра́веднаго поуча́тся прему́дрости, и язы́к его́ возглаго́лет суд.
Стих: Зако́н Бо́га его́ в се́рдце его́, и не за́пнутся сто́пы его́.
Причастный: В па́мять ве́чную бу́дет пра́ведник, от слу́ха зла́ не убои́тся.
Апостол: зачало 318.
Святителей обща. Прокимен, глас 7: Честна́ пред Го́сподем смерть преподо́бных Его́.
Стих: Что возда́м Го́сподеви о всех, я́же воздаде́ ми?
Аллилуия, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.
Причастный: В па́мять ве́чную бу́дет пра́ведник, от слу́ха зла не убои́тся.
Апостол: зачало 335.
Преподобных, и Христа ради юродивых обща. Прокимен, глас 7: Честна́ пред Го́сподем смерть преподо́бных Его́.
Стих: Что возда́м Го́сподеви о всех, я́же воздаде́ ми?
Аллилуия, глас 6: Блаже́н му́ж, боя́йся Го́спода, в за́поведех Его́ восхо́щет зело́.
Стих: Си́льно на земли́ бу́дет се́мя его́.
Причастный: В па́мять ве́чную бу́дет пра́ведник, от слу́ха зла не убои́тся.
Апостол: зачало 213.
Мученика. Прокимен, глас 7: Возвесели́тся пра́ведник о Го́споде, и упова́ет на Него́.
Стих: Услы́ши Бо́же глас мой, внегда́ моли́ти ми ся к Тебе́.
Аллилуия, глас 4: Пра́ведник я́ко фи́никс процвете́т, я́ко ке́др, и́же в Лива́не, умно́жится.
Стих: Насажде́ни в дому́ Госпо́дни, во дво́рех Бо́га на́шего процвету́т.
Причастный: В па́мять ве́чную бу́дет пра́ведник, от слу́ха зла не убои́тся.
Апостол: зачало 292.
Мучеников обща. Прокимен, глас 4: Святы́м, и́же суть на земли́ Его́, удиви́ Госпо́дь вся хоте́ния Своя́ в них.
Стих: Предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся.
Аллилуия, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их.
Стих: Мно́ги ско́рби пра́ведным, и от все́х их изба́вит я Госпо́́́́́́́́́́́дь.
Причастный: Ра́дуйтеся пра́веднии о Го́споде, пра́вым подоба́ет похвала́.
Апостол: зачало 99, или 330.
Священномученика. Прокимен, глас 7: Восхва́лятся преподо́бнии во сла́ве, и возра́дуются на ло́жах свои́х.
Стих: Воспо́йте Го́сподеви пе́снь но́ву, хвале́ние Его́ в це́ркви преподо́бных.
Аллилуия, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.
Причастный: В па́мять ве́чную бу́дет пра́ведник, от слу́ха зла не убои́тся.
Апостол: зачало 334.
Священномучеников обща. Прокимен, глас 7: Честна́ пред Го́сподем смерть преподо́бных Его́.
Стих: Что возда́м Го́сподеви о всех, я́же воздаде́ ми?
Аллилуия, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.
Причастный: Ра́дуйтеся пра́веднии о Го́споде, пра́вым подоба́ет похвала́.
Апостол: зачало 311, или 246.
Преподобномучеников обща. Прокимен, глас 7: Восхва́лятся преподо́бнии во сла́ве, и возра́дуются на ло́жах свои́х.
Стих: Воспо́йте Го́сподеви песнь но́ву, хвале́ние Его́ в це́ркви преподо́бных.
Аллилуия, глас 6: Блаже́н муж, боя́йся Го́спода, в за́поведех Его́ восхо́щет зело́.
Стих: Си́льно на земли́ бу́дет се́мя его́.
Причастный: Ра́дуйтеся пра́веднии о Го́споде, пра́вым подоба́ет похвала́.
Апостол: зачало прпмч. – 291, прпмчч. – 99.
Святых мучениц обща. Прокимен, глас 4: Ди́вен Бог во святы́х Свои́х, Бог Изра́илев.
Стих: В це́рквах благослови́те Бо́га, Го́спода от исто́чник Изра́илевых.
Аллилуия, глас 1: Терпя́ потерпе́х Го́спода, и вня́т ми, и услы́ша моли́тву мою́.
Причастный: Ра́дуйтеся пра́веднии о Го́споде, пра́вым подоба́ет похвала́.
Апостол: зачало 181, другий 208.