Последование молебного пения
По увещании дающему обет священником, обычное начало. Великая ектинья: Миром Господу помолимся и прочая.
После же: О плавающих…
О еже простите всякое прегрешение вольное и невольное раба своего (имя рек) и о еже милостиву быти к нему, Господу помолимся.
О еже не помянути грехи юности и неведения его, но милостивно спасение и воздержание ему даровати, Господу помолимся.
О еже посетите его посещением Святого своего Духа и исцелити всяк недуг и всяку страсть, в нем гнездящуюся, Господу помолимся.
О еже благословити доброе намерение и дело раба своего (имя рек), и благословити благополучно начати и спешно, кроме всякого преткновения скончати, силою, действием и благодатию Пресвятаго Духа, Господу помолимся.
О еже приставити ему и делу его Ангела хранителя, во еже, невидимо отразити вся противныя вещи видимых и невидимых врагов, и подати ему к совершению силу и во всем благопоспешество, силою, действием и благодатию Пресвятаго Духа, Господу помолимяся.
О еже избавитися ему же и нам от всякия скорби, гнева и нужды, болезни и печали, Господу помолимся. Заступи, спаси, помилуй… Пресвятую, пречистую, преблагословенную.
Возглас: Яко подобает…
Бог Господь… глас 6 и тропарь:
Скорый в заступление и крепкий в помощь, един сый Христе, скорое свыше покажи посещение страждущему рабу Твоему и избави его от страстей и горьких болезней; благословив, укрепи его, и в совершение намерение благого дела раба Твоего спешно произведи; вся бо, елика хощеши, яко сильный Бог, творити можеши.
Слава, и ныне.
Аще храм Богородицы, тропарь храма, аще иной, то на «Слава» тропарь храма, и на «И ныне» - «Взбранной Воеводе»…
|
|
Запевы: Иисусе Сладчайший, спаси нас.
Пресвятая Богородице, заступи нас!
Вси святии, молите Бога о нас! Слава, и ныне.
По малой ектиньи, возглас: Яко благ…
Прокимен: Буди, Господи, милость Твоя на нас, якоже уповахом на Тя.
Евангелие: Иоанна гл. XIV, ст. 10-21. По Евангелии те же запевы.
Кондак: Не имамы иные помощи (стр. 345) Слава, и ныне:
Под Твою милость (Там же).
Ектения: сугубая: Помилуй нас, Боже…
Не хотяй смерти грешника, но еже обратитися и живу быти ему, пощади и помилуй страждующаго раба Твоего (имя рек), исцели болезни, уврачуй страсти души и тела его: и, яко благосерд, прости ему вся прегрешения его вольная и невольная, и скоро воздвигни его от пути погибели, молим Ти ся, услыши и помилуй.
Поспешествуяй всем во благое, Господи Спасе наш, помози милостивно и рабу Твоему (имя рек), с нами Тебе молящемуся и в благополучное совершение благому намерению его спешно произвестися, благослови, молим Ти ся, всемогущий Владыко, услыши и помилуй.
В славу Твою вся творити повелевый, Господи, рабу Твоему (имя рек), к Твоей славе дело свое начинающему, благословением Твоим поспешество благополучное с довольством к совершению подаждь, здравие ему со благоденствием даруй, молим Ти ся, вседаровитый Творче, услыщи и милостивно помилуй.
Призри, Владыко Человеколюбче, милостивым оком Твоим на раба Твоего (имя рек) и услыши моления наша, с верою Тебе приносимыя, сам бо рекл еси: вся, елика молящеся просите, веруйте, яко приимите и будет вам, и паки: просите и дастся вам; сего ради и мы, аще и недостойнии, уповающе на милость Твою, просим: подаждь благость рабу Твоему сему (имя рек) и исполни благая желания его, мирно же и тихов благочестии и чистоте вся дни его соблюди: рцем вси, скоро услыши и милостивно помилуй.
|
|
Возглас: Услыши ны Боже… Господу помолимся: Господи помилуй.
Затем самим дающим обет читается во всеуслышание следующее молитвенное обещание:
Владыко Господи Иисусе Христе, Сыне Божий! Аз, недостойный раб Твой (имя рек), познав всю пагубу страстей, обуревающих мя, и грехов, от них исходящих, пред пречистым образом Пресвятыя Матери Твоея, Преблагословенныя Владычицы нашея Богородицы, сим изъявляю твердое намерение и даю крепкое обещание не пить вина и ничего хмельного, а так же не соблазнять к тому других, равно не принимать никакого участия в различнаго рода зазорных играх и не произносить скверных, гнилых слов – в грядущее время – от сего дня впредь на столько-то (месяцев или годов). О, Премилосердный и Всещедрый Иисусе Христе! Благослови благое намерение мое сие и помози ми, слабому и немощному рабу твоему, силою честнаго и животворящего Креста, молитвами Всепречистыя Владычицы нашея Богородицы и всех святых Твоих, благополучно совершити его к славе Твоей и во спасение души моей! Аминь.
Затем священник читает молитвы:
1. СПАСИТЕЛЮ:
Господи, Спасителю наш, претерпевый велие искушение в пустыни от диавола, не допусти нас быти его послушными рабами. Яви благодать Твою в сохранении нами данного слова. Помози нам, умудри нас трезвенно пожити во вся дни живота нашего, укрепи наши столы, да не поползновенно прейдем поприще, нам от Тебе, всеблагий, заповеданное. Господи, Боже наш, щедрый и многомилостивый, не хотяй смерти грешника, но еже обратитесяи живу быти ему! Призри милостивым Твоим оком на страждущих от пиянства раб Твоих. Ты веси скорбь их о недуге своем, веси немощь естества нашего, зриши силу великаго и лукаваго искусителя. Вразуми омраченных умом, уврачуй недугующих, утверди их в благоразумии, укрепи в воздержании, да не обладает ими уныние и ропотливость, да имут заботу о спасении души, о здравии тела во славу Твою и о благоденствии на пользу свою т на благо ближних. Да трезвенно поживут и достойно прославят имя Твое. Аминь.
|
|
2. БОЖИЕЙ МАТЕРИ:
Царице моя преблагая…
Совершается обычный отпуск; и, после должного наставления, священник вручает обещающемуся листки и книжки о трезвости, а также особую «обетную грамоту».
После сего в притворе церкви произносится запись давшего обет в особую книгу трезвенников; правая сторона каждой страницы этой книги отрывается и выдается давшему обет.