Чужан кыв вылын» («На родном языке») квест




Сыктывкар

Во.

Акциялӧн мӧвп:

Вужвойтырса чужан кыв лун вӧлі шуӧма ЮНЕСКО Генеральнӧй конференцияӧн вӧльгым тӧлысь 1999 – ӧд воӧ, а пасйысьӧ тайӧ праздникыс быд во урасьӧм тӧлысь 21 – ӧд лунӧ.

Кыв – тайӧ медтӧдчанатор вужвойтырса культура, традиция видзӧмын да сӧвмӧдӧмын.

Чужан кыв велӧдӧм да паськӧдӧм оз сӧмын паськӧд уна сикаса лингвистика, но паськыдджыка сӧвмӧдӧ му пасьтала кывлысь да культуралысь традицияяс.

Коми Репсубликалы национальнӧй колоритыс зэв колана. Миян республикаын, кыдз ӧтка да нэмӧвӧйся мутасын олысь коми йӧзлы, коми кыв видзӧмыс лоӧ медся ыджыд тӧждӧн.

1994 вося урасьӧм тӧлыс 17 лунся Коми Республикалӧн оланподувын 67 статьяын гижӧма:«Государственными языками Республики Коми являются коми и русский языки. В Республике Коми гарантируется народам, проживающим на территории республики, право на сохранение родного языка, создание условий для его изучения и развития».

Му пасьтала этша лыда войтырлӧн кывъяс лунысь-лун чинӧны. ЮНЕСКОлӧн статистика кузя татшӧм кывъяс вылын сёрнитӧны став мувывса олысъяс пиысь сӧмын 4%. И тайӧ лыдыс пырысь-пыр чинӧ сы вӧсна, мый томулов тӧдӧны сӧмын торъя кывъяс и налӧн абу ыджыд кӧсйӧм велӧдны ассьыныс чужан кыв. Найӧ оз аддзыны асланыс кывлысь коланлунсӧ водзӧ вылӧ велӧдӧмын, ӧд вермӧн сійӧн вӧдитчыны сӧмын ӧта-мӧдкӧд сёрниын.

Тайӧ акцияыс сетӧ позянлун гӧгӧрвоӧдны том войтырлы чужан кыв велӧдӧмын коланлунсӧ. Акция вылын висьталасны ӧнія кадся дизайнеръяс, режиссёръяс, гижысъяс, мультипликаторъяс, серпасалысъяс йылысь, кодъяс ассьыныс творчествоныссӧ йитісны коми культуракӧд да финн-йӧгра культуракӧд ӧтшӧтш.

Могъяс:

1. Кыпӧдны томуловлысь чужан кыв (коми) велӧдӧм дорӧ интерес;

2. Сӧвмӧдны творческӧя мӧвпалӧм;

3. Кыпӧдны олысъяслысь национальнӧй да культурнӧй тӧдчанлунсӧ;

4. Сӧвмӧдны культурнӧй добровольчество.

Акциялӧн кад: 2018 вося урасьӧм тӧлысь 21 лун.

Дасьтысьяс: « Коми Республикаса добровльчество сӧвмӧдӧмлӧн шӧрин», Коми Репсубликаса ӧтйӧза ӧтмунӧм «Том коми войтырлӧн «МИ» котыр».

Акциялӧн уджъёртъяс: Томуловлӧн удж кузя Федеральное агентство;Коми Республикаса велӧдчан, наука да томуловлӧн политика кузя юраланін; Коми Республикалӧн Ӧтйӧза палата; "Коми Республикаса том йӧзлысь водзмӧстчӧм отсалӧм кузя шӧрин»; Питирим Сорокин нима Сыктывкарса канму университет, Светлана Туровалӧн "Юыгд - арт" творческӧй мастерскӧй, Россияса финн-йӧгра войтырлӧн культура шӧрин.

Акциялӧн ин: ӧтув уджтас кузя коми республикаса став районын да карын.

Медводз тшупӧдъяс: Акция артмӧ 4 шӧр да 5 содтӧд мероприятиеясысь: «Чужан кыв вылын» («На родном языке») квест, «Instagram» ӧтуввезйын фото-ордйысьӧм, «Лыддьысям чужан кыв вылын» («Читаем на родном языке») видео-ордйысьӧм.

Акцияаӧ став пырысьлы лоӧ мӧдӧдӧма колана атрибутика (аттьӧалана гижӧдъяс, дипломъяс, козинъяс).

Акциясӧ дасьтысъяслы урасьӧм тӧлысся 5 лунӧ лоӧ нуӧдӧма акциялӧн тема кузя вебинар, кӧні лоӧ тӧдмӧдӧма акциялӧн концепцияӧн да видзӧдлӧма квестлысь сценарий.

Медшӧр мероприятиеяс:

Чужан кыв вылын» («На родном языке») квест

Квестӧ пырӧдчысьясӧн вермӧны лоны 14 – 30 арӧса том йӧз.Квестлӧн нуӧдӧмыс ставлӧн лоас ӧткодь.Квестлӧн командаясӧ пырӧдчысъяслӧн лыдыс вермас лоны 6 морт да унджык, капитанӧс лыддьӧмӧн.

Квест артмӧ 7 площадкаысь. Медводз лоӧ ӧтув чукӧртчӧм, кӧні гӧгӧрвоӧдасны кветлӧн правилӧясӧн да сетасны командаяслы ветлан картаяс. Быд площадка вылын лоас отсасьысь, коді кутас нуӧдны определённӧй задание. Быд площадка,эм кӧ позянлун, вермас нуӧдчыны торъя учреждениеын, ёрта – ёрткӧд йитчӧмӧн (дом культуры, музей, коми культура шӧрин). Командалӧн кывкутысъясӧн лоӧны капитанъяс. Квестлӧн помассьӧм бӧрын лоӧ вӧчӧма акциялӧн кывкӧртӧдъяс.

Вермысьясӧн лоасны куим команда, кодъяс чукӧртасны медуна балл. Налы вичмасны 1, 2 да 3 степеня дипломъяс да козинъяс.

Квест нуӧдӧмлы методичекӧй отсӧгъяс, уджъяс да сценарий (Приложение 1).

Дипломъяс, козинъяс, акциялӧн символика лоӧ мӧдӧдӧма став квест дасьтысьысьлы-нуӧдысьлы.

Квест дырся командаяслы колӧ йӧзӧдны ӧтуввезйын акциялӧн хэштегъяс отсӧгӧн: #Росмолодёжь, #Молодёжь11, #ГордостьНарода_РоднойЯзык, #МИкотыр, #МИкоми, #Добро11, #На_родном_языке серамбана, аслыспӧлӧс видеороликъяс либӧ серпасъяс, кодъяс петкӧдлӧны командаын ворсысьяслысь ӧтсӧгласа зільӧм.

2) «Instagram» ӧтуввезйын фото-ордйысьӧм

Петкӧдлы ставлы, мый тэ радейтан да пыдди пуктан коми йӧзсӧ, налысь традицияяссӧ!

Мог: паськӧдны ӧтуввезйын пыр пукалысь томуловлысь коми кыв дорӧ интерес.

Ордйысьӧмӧ пырӧдчысьлы колӧ вӧчны коми небӧгкӧд, газет-журналкӧд, коми гижыськӧд либӧ «Ме радейта коми кыв» гижӧдкӧд фото (ачпас) да йӧзӧдны сійӧс «Instagram»ӧтуввезйын акциялӧн хэштегъясӧн:#Росмолодёжь, #Молодёжь11, #ГордостьНарода_РоднойЯзык, #МИкотыр, #МИкоми, #Добро11, а сэсся мдӧдны ордйысьӧмсӧ 3 ёртлы.

Прыӧдчыны ордйысьӧмӧ вермас быд кӧсйысь.

Акция нуӧдӧм бӧрын, кык лунӧн, дасьысьяс медуна «лайкъяс» серти бӧръясны куим вермысьӧс. Вермысьяслысь нимъяс лоӧ йӧзӧдӧма официальнӧй ресурсъясын 2018 вося урасьӧм тӧлысся 23 лунӧ.

Вермысьяслы лоӧ сетӧма козинъяс.

 

3) «Лыддьысям чужан кыв вылын»(«Читаем на родном языке») видео-ордйысьӧм:

Ордйысьӧмӧ пырысьяслы колӧ гижны видеоролик, кӧні сійӧ лыддьӧ чужан кыв вылын кывбур да эм кӧ позянлун, вуджӧдны сійӧс роч кыв вылӧ. Сэсся видеосӧ колӧ йӧзӧдны ӧтуввезйӧ акциялӧн хэштегъясӧн:#Росмолодёжь, #Молодёжь11, #ГордостьНарода_РоднойЯзык, #МИкотыр, #МИкоми, #Добро11, #Читаемна_родномязыке.

Прыӧдчыны ордйысьӧмӧ вермас быд кӧсйысь.

Акция нуӧдӧм бӧрын, кык лунӧн, дасьысьяс медуна «лайкъяс» серти бӧръясны куим вермысьӧс. Вермысьяслысь нимъяс лоӧ йӧзӧдӧма официальнӧй ресурсъясын 2018 вося урасьӧм тӧлысся 23 лунӧ.

Вермысьяслы лоӧ сетӧма козинъяс.

Содтӧд мероприятияеяс:

1)Гӧгрӧс пызан/ «Томуловлӧн видзӧдлас серти коми кыв видзӧм да сӧвмӧдӧм» («Сохранение национальных языков меры и способы развития глазами молодых») кузя дебатъяс кутасны нуӧдчыны Сыктывкарын.

Гӧгрӧс пызанӧ пырӧдчысьясӧн вермасны лоны 9 – 11 класса велӧдчысьяс, ӧтйӧза ӧтмунӧмӧ пырысьактивистъяс,волонтёръяслӧн ӧтмунӧм, институтысь, университетысь да колледжъясысь студентъяс.Налӧн экспертъясӧн вермасны лоны медвылыс каналан органъясысь кывкутысьяс, ӧтйӧза ужалысь, гижысь.

Гӧгрӧс пызанлӧн кывкӧртӧдӧн лоӧ резолюция лӧсьӧдӧм.

Лоӧ дасьтӧма онлайн - трансляция.

2)Финн-йӧгра тематика кузя выставка дасьтӧм.

Лоӧ нуӧдӧма йӧзкостса творчестволӧн выставка, фотовыставка да дизайнерскӧй выставка, кӧні лоӧ петкӧдлӧма национальнӧй колорит.

3)Коми гижысьяскӧд паныдасьӧм.

Районъясын да каръясын тӧдчана коми гижысьяскӧд аддзысьлӧм – нуӧдӧм (арлыд, ин да кад аддзысьлӧмлӧн лӧсьӧдчӧ дасьтысьяслӧн видзӧдлас серти).

4) Мастер-классъяс нуӧдӧм.

Лоӧ нуӧдӧма киподтуя йӧзкӧд, артистъяскӧд, йӧктысьяскӧд да сьылысьяскӧд аддзысьлӧм да налӧн искусствоӧ тшӧтш велодчӧм. Тӧдчӧна видзӧдласӧн лоӧ национальнӧй колорит.

5) Финн-йӧгра тематика кузя мультикъяс да фильмъяс петкӧдлӧм.

Финн-йӧгра тематика кузя режиссёръяскӧд да мультипликаторъяскӧд паныдасьӧм.

 

Медым пырӧдчыны акциялӧн дасьтысьысьяс лыдӧ, 2018 вося ӧшым тӧлысь 31 лунӧдз

колӧ тыртны анкета.

Акция помассьӧм бӧрын (урасьӧм тӧлысь 28 лунӧдз) колӧ тырты мӧд гугл - анкета,

медым ӧтйӧджык чукӧртын тіянсянь колана юӧр ӧтвывтан презентация дасьтӧм вылӧ:



Поделиться:




Поиск по сайту

©2015-2024 poisk-ru.ru
Все права принадлежать их авторам. Данный сайт не претендует на авторства, а предоставляет бесплатное использование.
Дата создания страницы: 2018-03-19 Нарушение авторских прав и Нарушение персональных данных


Поиск по сайту: