На стиховне стихиры воскресны, глас 3.
Стра́стию Твое́ю, Христе́,/ омрачи́вый со́лнце/ и све́том Твоего́ Воскресе́ния,/ просвети́вый вся́ческая,// приими́ на́шу вече́рнюю песнь, Человеколю́бче.
Госпо́дь воцари́ся,/ в ле́поту облече́ся.
Живоприе́мное Твое́ воста́ние, Го́споди,/ вселе́нную всю просвети́,/ и Твое́ созда́ние истле́вшее призва́./ Те́мже кля́твы Ада́мовы изме́ншеся, вопие́м:// Всеси́льне Го́споди, сла́ва Тебе́.
И́бо утверди́ вселе́нную,/ я́же не подви́жется.
Бог сый неизме́нен,/ пло́тию стражда́ измени́лся еси́,/ Его́же тварь не терпя́щи ви́сяща зре́ти,/ стра́хом прекланя́шеся,/ и стеня́щи пое́т Твое́ долготерпе́ние:/ соше́д же во ад, тридне́вен воскре́сл еси́,// жизнь да́руя ми́рови, и ве́лию ми́лость.
До́му Твоему́ подоба́ет святы́ня,/ Го́споди, в долготу́ дний.
Да род наш от сме́рти, Христе́, изба́виши,/ смерть претепе́л еси́:/ и тридне́вен из ме́ртвых воскре́с,/ с Собо́ю воскреси́л еси́,/ и́же Тя Бо́га позна́вших:/ и мир просвети́л еси́.// Го́споди, сла́ва Тебе́.
Слава, и ныне, Богородичен: Без се́мене от Боже́ственнаго Ду́ха, / во́лею же Отчею зачала́ еси́ Сы́на Бо́жия, / от Отца́ без ма́тере пре́жде век су́ща: / нас же ра́ди, из Тебе́ без отца́ бы́вша, / пло́тию родила́ еси́, / и Младе́нца млеко́м пита́ла еси́. / Те́мже не преста́й моли́ти, / изба́витися от бед душа́м на́шым.
Таже, Ны́не отпуща́еши: и Трисвятое. По Отче наш:
Отпустительный тропарь.50
|
|
Хоро поет отпустительные тропари, назначенные в этот день церковным Уставом. Если бдение под праздник, трижды поется тропарь праздника. Если тропари под восркесенье:3
Под воскресенье1
Богородице Дево...
Тропарь воскресен, глас 3:
Да веселя́тся небе́сная,/ да ра́дуются земна́я;/ я́ко сотвори́ держа́ву мы́шцею Свое́ю Госпо́дь,/ попра́ сме́ртию смерть,/ пе́рвенец ме́ртвых бысть;/ из чре́ва а́дова изба́ви нас,// и подаде́ ми́рови ве́лию ми́лость.
Богородичен:...
Если была лития, благословляются хлебы, пшеницаи елей.3
И начинаем утреню с шестопсалмия.1
В неделю на утрени.
Начинаем шестопсалмие, слушая со всяким молчанием и умилением; читающий же брат с благоговением и страхом Божиим произносит:1, как бы беседуя с Самим невидимо [присутствующим] Христом и молясь о грехах своих. По окончании трех псалмов священник выходит пред Царские врата и с непокрытой головой читает молитвы утренние.4
Затем священник или диакон произносит Великую ектению:4
И начинаем петь:"Бог – Господь:" на глас, тропаря дня: 4
Затем дважды поется тропарь праздника;4
Таже глаголем тропарь прилучившагося праздника, или святаго, и глаголем тропарь воскресный, дважды, и Богородичен единожды, писаны на Велицей вечерни. Таже обычное стихословие псалтиря.1
Если случится два тропаря, первый поем дважды, также второй, и Богородичен.6
После тропарей читаем 2 или 3 кафизмы по уставу; после каждой – малая ектения2 с молитвой и седальны. 1
По окончании стихословия диакон или священник произносит малую ектению. 4
|
|
И читаем седальны.1
По 1-м стихословии, седальны воскресны, глас 3:
Христо́с от ме́ртвых воста́, нача́ток усо́пших: / перворожде́н тва́ри, и Соде́тель всех бы́вших, / истле́вшее естество́ ро́да на́шего в Себе́ Само́м обнови́. / Не ктому́ сме́рте облада́еши: / и́бо всех Влады́ка держа́ву твою́ разруши́.
Стих: Воскресни ́ Го ́ споди Бо ́ же мой, да вознесе ́ тся рука ́ Твоя ́, / не забу ́ ди убо ́ гих Твои ́ х до конца ́.
Пло́тию сме́рти вкуси́в, Го́споди, / го́ресть сме́рти пресе́кл еси́ воста́нием Твои́м, / и челове́ка на ню укрепи́л еси́, / пе́рвыя кля́твы одоле́ние призыва́я: / Защи́тниче жи́зни на́шея, Го́споди, сла́ва Тебе́.
Слава, и ныне, Богородичен: Красоте́ де́вства Твоего́, и пресве́тлой чистоте́ Твое́й, / Гаврии́л удиви́вся, вопия́ше Ти, Богоро́дице: / ку́ю Ти похвалу́ принесу́ досто́йную; / что же возимену́ю Тя; недоумева́ю и ужаса́юся. / Те́мже я́ко повеле́н бых, вопию́ Ти: / ра́дуйся, Благода́тная.
По 2-м стихословии седальны воскресны, глас 3 Подобен: Красоте́ де́вства:
Неизме́ннаго Божества́, и во́льныя стра́сти Твоея́, Го́споди, / ужа́сся ад, в себе́ рыда́ше: / трепе́щу пло́ти нетле́нныя ипоста́си, / ви́жду Неви́димаго, та́йно борю́ща мя. / Те́мже и и́хже держу́, зову́т: / сла́ва, Христе́, воскресе́нию Твоему́.
Стих: Испове ́ мся Тебе ́ Го ́ споди всем се ́ рдцем мои ́ м, / пове ́ м вся чудеса ́ Твоя ́.
|
|
Непостижи́мое распя́тия, и несказа́нное воста́ния / богосло́вствуем ве́рнии, та́инство неизрече́нное: / днесь бо смерть и ад плени́ся, / род же челове́ческий в нетле́ние облече́ся. / Тем благодаря́ще вопие́м Ти: / сла́ва, Христе́, воста́нию Твоему́.
Слава, и ныне, Богородичен: Непостижи́маго и Неопи́саннаго, / Единосу́щнаго Отцу́ и Ду́хови, / во утро́бу Твою́ та́йно вмести́ла еси́, Богоро́дице, / еди́но и несме́сно от Тро́ицы Божество́: / позна́хом рождество́ Твое́ в ми́ре сла́вити. / Те́мже и благода́рственно вопие́м Ти: / ра́дуйся, Благода́тная.
Полиелей
Т.е. пение псалмы 134 и 135 (или их отдельные стихи), с припевом "Аллилуия".1
Затем в праздники поется величание со стихами избранного псалма.1
Величание поется многократно, пока не завершится каждение всего храма и перемежаеится стихами из «псалма избранного»2
Посем тропари воскресные "по непорочных", глас 5: Ангельский собо́р:
Седален праздника (в воскресенье "Ипакои" гласа). 4
Ипакои, глас 1:
Удивля́я виде́нием, / ороша́я глаго́лании, / блиста́яйся Ангел мироно́сицам глаго́лаше: / что жива́го и́щете во гро́бе; / воста́ истощи́вый гро́бы. / Тли Премени́теля разуме́йте Непреме́ннаго. / Рцы́те Бо́гови: коль стра́шна дела́ Твоя́, / я́ко род спасл еси́ челове́ческий!
Далее на воскресной утрени поются "Степенные" антифоны текущего гласа.4
Степенны: антифон 1, глас 3, стихи повторяюще:
Плен Сио́нь Ты изъя́л еси́ от Вавило́на:// и мене́ от страсте́й к животу́ привлецы́, Сло́ве.
В юг се́ющии слеза́ми Боже́ственными,// жнут кла́сы ра́достию присноживо́тия. (Дважды)
Слава, и ныне: Свято́му Ду́ху вся́кое благода́рие,/ я́коже Отцу́ и Сы́ну сооблиста́ет,// в Не́мже вся живу́т и дви́жутся.
Диакон возглашает назначенные церковным Уставом прокимен утркени и стих, а хор повторяет прокимен.3
Прокимен, глас 3:
Рцы́те во язы́цех, я́ко Госпо́дь воцари́ся,/ и́бо испра́ви вселе́нную, я́же не подви́жится.
Воспо́йте Го́сподеви песнь но́ву, воспо́йте Го́сподеви вся земля́.
Таже, Вся́кое дыха́ние да хва́лит Го́спода.
Стих: Хвали́те Бо́га во святы́х Его́, хвали́те Его́ во устверже́нии си́лы Его́.
И читает священник утреннее воскресное Евангелие, если случится неделя. Евангелие утреннее рядовое.
Воскресная песнь после Евангелия, глас 6
Псалом 50:
Слава: Моли́твами апо́столов. И ныне: Моли́твами Богоро́дицы.
Таже, глас 6: Поми́луй мя, Бо́же.
Посем стихира: Воскре́с Иису́с от гро́ба, / я́коже прорече́, / даде́ нам живо́т ве́чный / и ве́лию ми́лость.
И стихира праздника.4
Спаси́ Бо́же лю́ди Твоя́:
И возглас: Ми́лостию и щедро́тами и человеколю́бием:
И хор начинает каноны – в воскресенье: воскресный, крестовоскресный, Богородице и Минеи.1,4
Каноны: первый – воскресный на 4, второй – крестовоскресный на 3, третий – Богородичен на 3 и Минеи на 4. Если празднуется святой на 6, – крестовоскресный на 2 и Богородичен на 2.1
Канон воскресен. Глас 3
Песнь 1
Ирмос: Во́ды дре́вле/ ма́нием Боже́ственным/ во еди́но со́нмище совокупи́вый/ и раздели́вый мо́ре Изра́ильтеским лю́дем,/ Сей Бог наш/ препросла́влен есть.// Тому́ Еди́ному пои́м, я́ко просла́вися.
Сла́ва, Го́споди, свято́му Воскресе́нию Твоему́.
И́же зе́млю осуди́в,/ престу́пльшему по́том изнести́ плода́ те́рние,/ от те́рния вене́ц из руки́ законопресту́пныя,/ Сей Бог наш, пло́тски прие́мый,// кля́тву разруши́л есть, я́ко просла́вися.
Сла́ва, Го́споди, свято́му Воскресе́нию Твоему́.
Победи́тель и Одоле́тель сме́рти,/ и́же сме́рти убоя́вся, яви́ся:/ стра́стную бо плоть одушевле́нную прие́м,/ Сей Бог наш, и бра́вся с мучи́телем,// вся совоскреси́, я́ко просла́вися.
Пресвята́я Богоро́дице, спаси́ нас.
И́стинную Богоро́дицу вси язы́цы сла́вят Тя, без се́мене ро́ждшую:/ соше́д бо во утро́бу освяще́нную Твою́,/ Сей Бог наш, Е́же по нам осуществова́ся,// Бог же и Челове́к из Тебе́ роди́ся.
Другий канон крестовоскресен. Глас 3 Песнь 1
Ирмос: Песнь но́вую пои́м лю́дие:
Род челове́чь порабоще́н мучи́телем грехолю́бным, / кро́вию Боже́ственною Христо́с искупи́, / и обоготвори́в обнови́л есть, я́ко просла́вися.
Яко у́бо сме́ртен, сме́рти хотя́й, / Иже животу́ сокро́вищник, Христо́с вкуси́, / а я́ко безсме́ртен сый естество́м, / ме́ртвыя оживотвори́л есть, я́ко просла́вися.
Ин канон Пресвятей Богородице, егоже краестрочие: Пою́ тре́тие пе́ние Тебе́ Богоро́дице. Глас 3 Песнь 1. Ирмос тойже
Коле́но приклоня́ет вся́ко естество́ небе́сных, Де́во, / вопло́щшемуся из Тебе́, / со земны́ми же достоле́пно преиспо́дняя, я́ко просла́вися.
О примире́ний Яже в Тебе́! / Благи́х бо незави́стно Пода́тель, / я́ко Бог Ду́ха Боже́ственнаго пода́вый нам, / плоть от Тебе́, Отрокови́це, прия́т, я́ко просла́вися.
Таже минеи.
Затем тропари из канона Минеи и катавасия по уставу.1
Катавасиа: Отве́рзу уста́ моя́:
Песнь 3
Ирмос: И́же от несу́щих вся Приведы́й,/ Сло́вом созида́емая,/ соверша́емая Ду́хом,/ Вседержи́телю Вы́шний,// в любви́ Твое́й утверди́ мене́.
Сла́ва, Го́споди, свято́му Воскресе́нию Твоему́.
Кресто́м Твои́м постыде́ся нечести́вый,/ соде́ла бо я́му, ю́же ископа́, впаде́:/ смире́нных же вознесе́ся, Христе́, рог,// во Твое́м воскресе́нии.
Сла́ва, Го́споди, свято́му Воскресе́нию Твоему́.
Благоче́стия пропове́дание язы́ком,/ я́ко вода́ покры́ моря́, Человеколю́бче:// воскре́с бо от гро́ба, Тро́ический откры́л еси́ свет.
Пресвята́я Богоро́дице, спаси́ нас.
Пресла́вная глаго́лана бы́ша о Тебе́,/ Гра́де Одушевле́нный при́сно Ца́рствующаго:// Тобо́ю бо, Влады́чице, су́щим на земли́ Бог спожи́л есть.
Ин, ирмос: Лук сокруши́л еси́ вра́жий:
Очище́ние, Пречи́стый Кре́сте, и́дольских яви́лся еси́ Ты нечисто́т: / я́ко Иису́с Пребоже́ственный на Тебе́ ру́це распросте́рл есть.
Да вси ве́рнии, / живоприе́мный Гро́бе, тебе́ покланя́емся: / погребе́ся бо в тебе́ / и воста́ Христо́с вои́стинну Бог наш.
Ин, ирмос тойже
Жезл из ко́рене Иессе́ова, проро́чески прозя́бши Де́ва, / цвет Тя, Христе́, возсия́ нам: / Свят еси́, Го́споди.
Да Боже́ственному прича́стию земноро́дныя соде́лаеши, / от Де́вы плоть на́шу Ты, обнища́л еси́, прие́м: / Свят еси́, Го́споди.
Затем тропари из канона Минеи и катавасия по уставу.1
После 3 песни диакон или священник произносит малую ектению. Затем седален Минеи.4
Песнь 4
Ирмос: Положи́л еси́ к нам тве́рдую любо́вь, Го́споди,/ Единоро́днаго бо Твоего́ Сы́на за ны на смерть дал еси́./ Те́мже Ти зове́м, благодаря́ще:// сла́ва си́ле Твое́й, Го́споди.
Сла́ва, Го́споди, свято́му Воскресе́нию Твоему́.
Я́звы, Христе́, и ра́ны ми́лостивно подъя́л еси́,/ доса́ду по лани́тома ударе́ний терпя́, и долготерпели́вне оплева́ния нося́,/ и́миже соде́лал еси́ мне Спасе́ние:// сла́ва си́ле Твое́й, Го́споди.
Сла́ва, Го́споди, свято́му Воскресе́нию Твоему́.
Те́лом сме́ртным, Животе́, сме́рти причасти́лся еси́,/ стра́сти ра́ди ни́щих, и воздыха́ния убо́гих Твои́х,/ и растли́в тле́ющаго, Препросла́вленне,// всех совоскреси́л еси́, я́ко просла́вися.
Пресвята́я Богоро́дице, спаси́ нас.
Помяни́, Христе́, е́же стяжа́л еси́ ста́до стра́стию Твое́ю:/ Препросла́вленныя Твоея́ Ма́тере ми́лостивныя мольбы́ прие́м,/ и посети́в озло́бленное,// изба́ви си́лою Твое́ю, Го́споди.
Ин, ирмос: Стра́нна и неизрече́нна:
Созда́вый по о́бразу Твоему́, Человеколю́бче, челове́ка, / и умерщвле́на грехо́м преступле́ния ра́ди, / распе́нся на ло́бнем, спасл еси́.
Ме́ртвыя у́бо, и́хже пожре́ смерть, отдаде́, / разори́ся же и а́дово тлетво́рное ца́рство, / воскре́сшу Ти из гро́ба, Го́споди.
Богородичен: Мари́е Чи́стая, Злата́я Кади́льнице, / неслия́нно я́ко Еди́н от Тро́ицы в Тя соше́д, / вопло́щься Бог Сло́во, мир облагоуха́л есть.
Ин, ирмос тойже
Иже поста́вивый го́ры, Влады́ко, ме́рилом Боже́ственнаго ра́зума, / отсече́н еси́ от Де́вы Ка́мень, кроме́ рук: / си́ле Твое́й сла́ва, Человеколю́бче.
Неду́гующее исцели́л еси́ на́ше естество́, Влады́ко, / скоре́йшую из Де́вы сию́ соедини́в цельбу́, / Твое́ Пречи́стое, Сло́ве, Божество́.
Часть еси, Го́споди, и насле́дие жела́нное, / соедини́вый мя из Де́вы, Сло́ве, Ипоста́си Твое́й, / пло́тию быв ипоста́сь.
Затем тропари из канона Минеи и катавасия по уставу.1
Песнь 5
Ирмос: К Тебе́ у́треннюю, всех Творцу́,/ преиму́щему всяк ум ми́рови,/ зане́ свет повеле́ния Твоя́,// в ни́хже наста́ви мя.
Сла́ва, Го́споди, свято́му Воскресе́нию Твоему́.
Судии́ непра́ведному,/ евре́йскою за́вистию пре́дан быв, Всеви́дче,/ и всей пра́ведне судя́й земли́,// Ада́ма дре́вняго изба́вил еси́ осужде́ния.
Сла́ва, Го́споди, свято́му Воскресе́нию Твоему́.
Твой мир це́рквам Твои́м, Христе́,/ непобеди́мою си́лою Креста́ Твоего́,// из ме́ртвых воскресы́й, пода́ждь, и спаси́ ду́ши на́ша.
Пресвята́я Богоро́дице, спаси́ нас.
Ски́ния Свята́я, и простра́ннейши небе́с,/ я́ко И́же во всей тва́ри Невмести́маго Сло́ва Бо́жия прие́мши,// Еди́на яви́лася еси́, Присноде́во.
Ин, ирмос: На земли́ Неви́димый яви́лся еси́, / и челове́ком во́лею сожи́л еси́, Непостижи́мый, / и к Тебе́ у́тренююще, / воспева́ем Тя, Человеколю́бче.
Копие́м в ребро́ Твое́, о Христе́ мой, прободе́н быв, / от ребра́ челове́ча созда́нную, / губи́тельства всем челове́ком бы́вшую хода́таицу, / кля́твы свободи́л еси́.
Ра́вен Отцу́ по Существу́ сый, / свяще́нный храм Пречи́стаго Твоего́ и Всечестна́го телесе́, / из ме́ртвых воскреси́л еси́, Христе́ Спа́се наш.
Ин, ирмос тойже
Сло́во Бо́жие Сын Твой, Де́во, / Соде́тель Ада́ма первозда́ннаго, / не созда́ние, а́ще и плоть одушевле́ну / Себе́ из Тебе́ созда́л есть.
Ра́вен Отцу́ Сын Твой, Де́во, / Сло́во Бо́жие, Ипоста́сь соверше́нна во двою́ естеству́, / Иису́с Госпо́дь, Бог соверше́н и Челове́к.
Затем тропари из канона Минеи и катавасия по уставу.1
Песнь 6
Ирмос: Бе́здна после́дняя грехо́в обы́де мя,/ и исчеза́ет дух мой;/ но простры́й, Влады́ко, высо́кую Твою́ мы́шцу,// я́ко Петра́, мя, Упра́вителю, спаси́.
Сла́ва, Го́споди, свято́му Воскресе́нию Твоему́.
Бе́здна ми́лости и щедро́т обы́де мя,/ благоутро́бным сни́тием Твои́м:/ вопло́щься бо, Влады́ко,// и быв в ра́бии зра́це, обожи́л еси́, с Собо́ю сопросла́вив.
Сла́ва, Го́споди, свято́му Воскресе́нию Твоему́.
Умерщвле́ние подъя́т умертви́тель,/ умерщвле́наго оживле́нно ви́дя:/ Твоего́ воскресе́ния си́и суть, Христе́, о́бразы,// и стра́сти Твоея́ пречи́стыя победи́тельная.
Пресвята́я Богоро́дице, спаси́ нас.
Пречи́стая, я́же Еди́на Созда́телю и челове́ком, па́че ума́ исхода́таившая,// Сы́на Твоего́ ми́лостива прегре́шшым рабо́м Твои́м, и побо́рника бы́ти, помоли́ся.
Ин,ирмос: Селе́ния Ио́на, е́же в преиспо́днем а́де, / есте́ственный о́браз быв, вопия́ше: / возведи́ от тли живо́т мой, Человеколю́бче.
Ра́нами Ты искуси́вся, от а́да ура́неных, / стра́стию Креста́ совоскреси́л еси́. / Те́мже Ти зову́: / возведи́ от тли живо́т мой, Человеколю́бче.
Отверза́ются Ти Христе́ стра́хом врата́ а́дова, / сосу́ды же вра́жия восхища́ются: / те́мже Тя жены́ срето́ша, / вме́сто печа́ли ра́дость прии́мша.
Ин, ирмос тойже
Вообража́ется е́же по нам, от Нетле́нныя Де́вы, / Иже о́бразом неразлу́чный, о́бразом быв и ве́щию, / не прело́жся Божество́м Челове́к.
Бе́здны грехо́в, и бу́ри страсте́й, Пречи́стая, изба́ви мя: / еси́ бо приста́нище, и бе́здна чуде́с, / ве́рою притека́ющим к Тебе́.
Затем тропари из канона Минеи и катавасия по уставу.1
После 6 песни ектения. Кондак и икос. И чтение в Синаксарии.4
Кондак воскресный, глас 3:
Воскре́сл еси́ днесь из гро́ба, Ще́дре,/ и нас возве́л еси́ от врат сме́ртных;/ днесь Ада́м лику́ет, и ра́дуется Е́ва,/ вку́пе же и проро́цы с патриа́рхи// воспева́ют непреста́нно Боже́ственную держа́ву вла́сти Твоея́.
Икос:
Не́бо и земля́ днесь да ликовству́ют,/ и Христа́ Бо́га единому́дренно да воспева́ют,/ я́ко у́зники от гробо́в воскреси́./ Сра́дуется вся тварь,/ принося́щи досто́йныя пе́сни Созда́телю всех,/ и Изба́вителю на́шему:/ я́ко челове́ки из а́да днесь, я́ко Жизнода́тель, совозве́д,/ на небеса́ совозвыша́ет,/ и низлага́ет вра́жия возноше́ния,/ и врата́ а́дова сокруша́ет// Боже́ственною держа́вою вла́сти Своея́.
Песнь 7:
Ирмос: Я́коже дре́вле/ благочести́выя три о́троки ороси́л еси́/ в пла́мени халде́йстем,/ све́тлым Божества́ огне́м/ и нас озари́,/ благослове́н еси́, взыва́ющия,// Бо́же оте́ц на́ших.
Сла́ва, Го́споди, свято́му Воскресе́нию Твоему́.
Раздра́ся церко́вная све́тлая катапета́сма, в распя́тии Соде́теля,/ сокрове́нную в Писа́нии явля́ющи ве́рным и́стину,// благослове́н еси́, зову́щим, Бо́же оте́ц на́ших.
Сла́ва, Го́споди, свято́му Воскресе́нию Твоему́.
Прободе́нным Твои́м ре́бром,/ ка́плями Богото́чныя Животворя́щия Кро́ве, Христе́,/ смотри́тельно ка́плющия на зе́млю,/ су́щих от земли́ возсозда́л еси́,// благослове́н еси́, зову́щих, Бо́же оте́ц на́ших.
Пресвята́я Тро́ице, Бо́же наш, сла́ва Тебе́.
Ду́ха Блага́го со Отце́м просла́вим, и с Сы́ном Единоро́дным,/ Еди́но в Трие́х ве́рнии чту́ще Нача́ло, и Еди́но Божество́:// благослове́н еси́, зову́ще, Бо́же оте́ц на́ших.
Ин, ирмос: Го́рдый мучи́тель, / но дете́й бысть игра́лище: / я́коже бо персть попра́вше / седмери́чный пла́мень, поя́ху: / благослове́н еси́, Го́споди, / Бо́же оте́ц на́ших.
Не про́ста со́лнце на кресте́ ви́сяща челове́ка, / но Бо́га воплоще́нна зря помрача́ется. Ему́же и пое́м: / благослове́н еси́, Го́споди, Бо́же оте́ц на́ших.
Кре́пкаго Божество́м прие́м ад страшли́вый, нетле́ния Пода́теля, / ду́ши пра́ведных вопию́щия изблева́: / благослове́н еси́, Го́споди, Бо́же оте́ц на́ших.
Богородичен: Сокро́вище многоце́нное благослове́ния яви́лася еси́, Пречи́стая, / чи́стым се́рдцем Тебе́ испове́дающим Богороди́тельницу: / и́бо из Тебе́ воплоти́ся Бог оте́ц на́ших.
Ин, ирмос тойже
Иже сла́вы Госпо́дь, и держа́й го́рния си́лы, / Иже со Отце́м седя́й, де́вственныма рука́ма носи́мь: / благослове́н еси́, Го́споди, Бо́же оте́ц на́ших.
Яра смерть, но сию́ Тебе́ бесе́довавшую погуби́л еси́, / от Де́вы Богоипоста́сная плоть быв: / благослове́н еси́, Го́споди, Бо́же оте́ц на́ших.
Богоро́дицу вси Тя Бо́га ро́ждшую, уве́дехом, / Еди́наго бо от Тро́ицы воплоти́вшагося из Тебе́ родила́ еси́: / благослове́н, Пречи́стая, Плод Твоего́ чре́ва.
Затем тропари из канона Минеи и катавасия по уставу.1
Песнь 8:
Ирмос: Нестерпи́мому огню́ соедини́вшеся,/ Богоче́стия предстоя́ще, ю́ноши,/ пла́менем же неврежде́ни,/ Боже́ственную песнь поя́ху:/ благослови́те, вся дела́ Госпо́дня, Го́спода// и превозноси́те во вся ве́ки.
Сла́ва, Го́споди, свято́му Воскресе́нию Твоему́.
Раздра́ся церко́вная све́тлость,/ егда́ крест Твой водрузи́ся на ло́бнем,/ и тварь преклоня́шеся стра́хом, воспева́ющи:/ благослови́те вся дела́ Госпо́дня, Го́спода,// по́йте и превозноси́те Его́ во ве́ки.
Сла́ва, Го́споди, свято́му Воскресе́нию Твоему́.
Воскре́сл еси́ Христе́ из гро́ба,/ и па́дшаго прельще́нием, дре́вом испра́вил еси́ Боже́ственною си́лою, зову́ща и глаго́люща:/ благослови́те вся дела́ Госпо́дня, Го́спода,// по́йте и превозноси́те Его́ во ве́ки.
Пресвята́я Богоро́дице, спаси́ нас.
Храм Бо́жий яви́лася еси́ Вмести́лище одушевле́нное, и Ковче́г:/ Творца́ бо челове́ком, Богороди́тельнице Пречи́стая, примири́ла еси́,/ и досто́йно вся дела́ пое́м Тя,// и превозно́сим во вся ве́ки.
Ин, ирмос: Веще́ственнаго огня́ пла́мень невеще́ственным увяди́ша, / богозри́мии о́троцы, и поя́ху: / благослови́те вся дела́ Госпо́дня, Го́спода.
Сло́во нестра́стное, безстра́стно у́бо Божество́м, / стра́ждет же пло́тию Бог, Ему́же и пое́м: / благослови́те вся дела́ Госпо́дня, Го́спода, / по́йте и превозноси́те Его́ во ве́ки.
Усну́вый у́бо, я́ко сме́ртен, / воскре́сл еси́, я́ко Безсме́ртен, Спа́се, / и спаса́еши от сме́рти пою́щих: / благослови́те вся дела́ Госпо́дня, Го́спода, / по́йте и превозноси́те Его́ во ве́ки.
Троичен: Слу́жим благоче́стно Триипоста́сному Божеству́, соединя́ему неизрече́нно, / и пое́м: благослови́те вся дела́ Госпо́дня, Го́спода, / по́йте и превозноси́те Его́ во ве́ки.
Ин, ирмос тойже
Чи́ны у́мныя, я́ко Ма́ти, превозшла́ еси́, / и близ Бо́га бы́вши: / благослови́м, Благослове́нная Де́во, рождество́ Твое́, / и превозно́сим во вся ве́ки.
Добро́ту есте́ственную, красне́йшу показа́ла еси́, облистава́ющую плоть Божества́. Благослови́м, Благослове́нная Де́во, рождество́ Твое́, и превозно́сим во вся ве́ки.
Затем тропари из канона Минеи и катавасия по уставу.1
После 8 песни катавасия.4
Диакон: Богородицу и Матерь Света в песнех возвеличим.4
Таже поем Песнь Пресвятой Богородицы:4 Вели́чит душа́ моя́ Го́спода: С припевом: Честне́йшую херуви́м:
И 9 песнь канона.4
Песнь 9:
Ирмос: Но́вое чу́до и Боголе́пное:/ деви́ческую бо дверь затворе́нную/ я́ве прохо́дит Госпо́дь,/ наг во вхо́де,/ и плотоно́сец яви́ся во исхо́де Бог,/ и пребыва́ет дверь затворе́на./ Сию́ неизрече́нно// я́ко Богома́терь, велича́ем.
Сла́ва, Го́споди, свято́му Воскресе́нию Твоему́.
Стра́шно есть зре́ти Тебе́, Творца́/ на дре́ве воздви́жена, Сло́ве Бо́жий,/ пло́тски же стра́ждуща Бо́га за рабы́,/ и во гро́бе бездыха́нна лежа́ща,/ ме́ртвыя же из а́да разреши́вша:// те́мже Тя, Христе́, я́ко Всеси́льна, велича́ем.
Сла́ва, Го́споди, свято́му Воскресе́нию Твоему́.
Из тли сме́ртныя спасл еси́, Христе́, пра́отцы,/ положе́н быв во гро́бе мертв,/ и живо́т процве́л еси́, ме́ртвыя воскреси́в,/ руководи́в естество́ челове́ческое ко све́ту,/ и в Боже́ственное обле́к нетле́ние.// Те́мже исто́чника Тя све́та при́сно жива́го велича́ем.
Пресвята́я Богоро́дице, спаси́ нас.
Храм и Престо́л яви́лася еси́ Бо́жий,/ во́ньже всели́ся И́же в вы́шних сый,/ рожде́йся неискусому́жно, Всечи́стая,/ пло́ти Твоея́ не отве́рз вся́чески врата́./ Те́мже непреста́нными, Чи́стая, моли́твами Твои́ми,// язы́ки ва́рварския ско́ро до конца́ покори́.
Ин, ирмос: Сла́дкою Пречи́стаго Твоего́ рождества́ стрело́ю / уя́звлени, Чи́стая, / Твое́й достожела́нней добро́те дивя́щеся, / пе́сньми а́нгельскими досто́йно Тя, / я́ко Ма́терь Бо́жию, велича́ем.
Честь челове́ком от безче́стныя сме́рти всем источи́л еси́: / ея́же распя́тием Твои́м, Спа́се, вкуси́в, / существо́м сме́ртным нетле́ние мне дарова́л еси́, Христе́, я́ко Человеколю́бец.
Спасл мя еси́ воскре́с из гро́ба, Христе́: / воскре́сл же еси́, и Отцу́ приве́л еси́ Твоему́ Роди́телю: / одесну́ю же Его́ спосади́л еси́ / за благоутро́бие ми́лости Твоея́, Го́споди.
Ин, ирмос тойже
Сы́тость Твои́х похва́л, Де́во, / благочести́вым ве́рным отню́д не быва́ет: / жела́нием бо жела́ние при́сно Боже́ственное, и Духо́вное прие́млюще, / я́ко Ма́терь Бо́жию, велича́ем.
Положи́л еси́ нам непосты́дную Моли́твенницу, / Тебе́ ро́ждшую, Христе́. / Тоя́ мольба́ми Ми́лостива подае́ши нам Ду́ха, Пода́теля бла́гости, / от Отца́ Тобо́ю происходя́ща.
Затем тропари из канона Минеи и катавасия по уставу.1
После катавасии 9-й песни, если день непраздничный: "Достойно есть:", ектениа малая. 4
Таже, Свят Госпо́дь Бог наш.
Посем ексапостиларий воскресный утренний(или свитиленпраздника, празднуемого святого или дня).
Хвалитны псалмы, глас 3:
Сотвори́ти в них суд напи́сан:/ сла́ва сия́ бу́дет всем преподо́бным Его́.
Прииди́те вси язы́цы,/ уразуме́йте стра́шныя та́йны си́лу:/ Христо́с бо Спас наш, Е́же в нача́ле Сло́во,/ распя́тся нас ра́ди, и во́лею погребе́ся,/ и воскре́се из ме́ртвых, е́же спасти́ вся́ческая:// Тому́ поклони́мся.
Хвали́те Бо́га во святы́х Его́,/ хвали́те Его́ в утверже́нии си́лы Его́.
Пове́даша вся чудеса́/ стра́жие Твои́, Го́споди,/ но собо́р суеты́ испо́лни мздо́ю десни́цу их,/ скры́ти мня́ше воскресе́ние Твое́,// е́же мир сла́вит: поми́луй нас.
Хвали́те Его́ на си́лах Его́,/ хвали́те Его́ по мно́жеству вели́чествия Его́.
Ра́дости вся испо́лнишася/ воскресе́ния иску́с прии́мша:/ Мари́я бо Магдали́на ко гро́бу прии́де,/ обре́те а́нгела на ка́мени седя́ща,/ ри́зами блиста́ющася и глаго́люща:/ что и́щете жива́го с ме́ртвыми?/ Несть зде, но воста́, я́коже рече́,// предваря́я вы в Галиле́и.
Хвали́те Его́ во гла́се тру́бнем,/ хвали́те Его́ во псалти́ри и гу́слех.
Во све́те Твое́м, Влады́ко,/ у́зрим свет, Человеколю́бче:/ воскре́сл бо еси́ из ме́ртвых,/ Спасе́ние ро́ду челове́ческому да́руя:/ да Тя вся тварь славосло́вит Еди́наго Безгре́шнаго,// поми́луй нас.