Господи, помилуй. (12 раз) – читается вместо малой ектеньи, -поклон- Старший: Слава Отцу и Сыну и Святому Духу, и ныне и присно и во веки веков.
После кафизмы и ектений следуют седальны, то есть чтения или песнопения, после которых разрешалось садиться, чтобы слушать жития святых или толкования на тексты Священного Писания.
Седален 3-го гласа: Божественными сиянии ангельских воинств обступаема, и с чинми пророк и апостол, честно службу приемлющи, яко Мати Божия, посети нас Твоих раб, молящи Христа Бога нашего, даровати нам велию милость.
Старший: Слава Отцу и Сыну и Святому Духу, и ныне и присно и во веки веков.
Тот же седален: Божественными сиянии ангельских воинств обступаема, и с чинми пророк и апостол, честно службу приемлющи, яко Мати Божия, посети нас Твоих раб, молящи Христа Бога нашего, даровати нам велию милость.
| ||
Господи, помилуй. (12 раз) – читается вместо малой ектеньи -поклон- Старший: Слава Отцу и Сыну и Святому Духу, и ныне и присно и во веки веков.
После кафизмы и ектений следуют седальны, то есть чтения или песнопения, после которых разрешалось садиться, чтобы слушать жития святых или толкования на тексты Священного Писания.
Седален 6-го гласа: Безпомощным крепость, Ты воистинну Пречистая Богомати, отсюду смиреннии Тобою возвышаемся, о Тебе высоце держимся: всем Ты еси покров и к Богу ходатаица.
Старший: Слава Отцу и Сыну и Святому Духу, и ныне и присно и во веки веков.
Тот же седален:
|
Полиелей
Посреди храма устанавливается аналой, на него возлагается икона праздника или святого. Вообще во время полиелея весь храм должен быть освещен свечами.
Старший во время пения кадит храм и молящихся:
Чтец:
Ж ивот во гробе возлежаще и печать на камени надлежаще: яко Царя спяща воини стрежаху Христа, и враги Своя невидимо поразивый, Воскресе Господь!
Старший:
Х валите имя Господне, хвалите раби Господа.
Братия:
Аллилуиа. – 3 раза
Старший:
Б лагословен Господь от Сиона, живый во Иерусалиме.
Братия:
Аллилуиа. – 3 раза
Старший:
И споведайтеся Господеви, яко благ, яко в век милость Его.
Братия:
Аллилуиа. – 3 раза
Старший:
И споведайтеся Богу небесному, яко в век милость Его.
Братия:
Аллилуиа. – 3 раза
Чтец читает избранный псалом - строки из которого читаются чтецом переменно с пением величания на праздничной утрене.
Величание:
Величаем Тя, Пресвятая Дево, и чтим Покров Твой честный, Тя бо виде Андрей на воздусе, за ны Христу молящуся.
Избранный псалом:
Велий Господь и хвален зело во граде Бога нашего, в горе святей eго, благокоренным радованием всея земли; /горы Сионския, ребра северова, град царя великаго. / Якоже слышахом, тако и видехом во граде Господа сил, во граде Бога нашего; / Бог основа и в век. / Освятил есть селение Свое Вышний. /Святыня и великолепие во стиле Его. / Свят храм Твой, дивен в правде. / Сия врата Господня: праведнии внидут в ня. / Предста царица одесную тебe, в ризах позлащенных одеяна преиспещрена. / Лицу твоему помолятся богатии людстии. / Дщери царей в чести Твоей. /Вся слава дщере царевы внутрь. / Рясны златыми одеяна и преиспещрена. / Приведутся царю девы вслед eя. /Ближние eя приведутся тебе. /Приведутся в веселии и радовании, введутся в храм царев. /Слыши, дщи, и виждь, и приклони ухо твое. / И забуди люди твоя и дом oтца твоего. / И возжелает царь доброты твоея. /Помяну имя твое во всяком роде и роде. / Восприяхом, Боже, милость Твою, посреде людей Твоих. / Сего ради людие исповедятся Тебе в век, и в век века.
Старший:
Слава Отцу и Сыну и Святому Духу. И ныне и присно и во веки веков.
Братия:
Аллилуиа. – 3 раза
Седален (глас 4):
Яко древняго воистинну пречестнее кивота, Твой пречестный омофор, паче илектра просвещаяся, невещественне, но духовне нетленными Твоими пречистыми руками простираемь, соблюдает милостивно чествующих благоукрашенный праздник Твоего Покрова, Владычице, воньже сошедшеся усердно празднуем.
Старший:
Слава Отцу и Сыну и Святому Духу. И ныне и присно и во веки веков.
Тот же седален:
Яко древняго воистинну пречестнее кивота, Твой пречестный омофор, паче илектра просвещаяся, невещественне, но духовне нетленными Твоими пречистыми руками простираемь, соблюдает милостивно чествующих благоукрашенный праздник Твоего Покрова, Владычице, воньже сошедшеся усердно празднуем.
Братия:
Господи, помилуй. (12 раз) – читается вместо малой ектеньи -поклон-
Степенна
Антифон 1-й (4-го гласа):
Братия:
От юности моея мнози борют мя страсти, но Сам мя заступи и спаси, Спасе мой! Ненавидящий Сиона посрамитеся от Господа: яко трава бо огнем будете изсохше!
Старший:
Слава Отцу и Сыну и Святому Духу. И ныне и присно и во веки веков.
Братия:
Святым Духом сдержатся вся, видимая же с невидимыми: самодержавен бо сый Троицы Един есть неложно.
Прокимен
Чтец:
Прокимен, Псалом Давидов, глас 4
Чтец:
Помяну имя Твое во всяком роде и роде.
Братия:
Помяну имя Твое во всяком роде и роде.
Чтец:
Лицу Твоему помолятся. Владыко.
Братия:
Помяну имя Твое во всяком роде и роде.
Чтец:
Всякое дыхание да хвалит Господа.
Братия:
Помяну имя Твое во всяком роде и роде.
Чтец:
Помяну имя Твое.
Братия:
Во всяком роде и роде.
Стаpший:
От Луки Святаго Евангелия чтение.
Братия:
Слава Тебе, Господи, слава Тебе. -поклон-
Старший:
Вонмем.
Старший читает Евангелие (зачало 4 - Лк.1,39–49,56):
"Во дни оны, воставши, Мариам, иде в горняя со тщанием, во град Иудов. И вниде в дом Захариин, и целова Елисавет. И бысть яко услыша Елисавет целование Мариино, взыграся младенец во чреве ея: и исполнися Духа Свята Елисавет. И возопи гласом велиим, и рече: благословена Ты в женах, и благословен плод чрева Твоего. И откуду мне сие, да прииде Мати Господа моего ко мне? Се бо, яко бысть глас целования Твоего во ушию моею, взыграся младенец радощами во чреве моем. И блаженна Веровавшая, яко будет совершение глаголанным Ей от Господа. И рече Мариам: величит душа Моя Господа, и возрадовася дух Мой о Бозе Спасе Моем. Яко призре на смирение Рабы Своея: се бо, отныне ублажат Мя вси роди. Яко сотвори Мне величие Сильный, и свято имя Его. Пребысть же Мариамь с нею яко три месяцы, и возвратися в дом Свой. "
Братия:
Слава Тебе, Господи, слава Тебе. -поклон-
В дни праздничные, совпавшие с воскресеньем, поется "Воскресение Христово видевше..." Братия: |
Чтец глаголет псалом 50-й:
Помилуй мя Боже, по велицей милости Твоей и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе единому согреших, и лукавое пред Тобою сотворих, яко да оправдишися во словесех Твоих, и победиши, внегда судити Ти. Се бо в беззакониих зачат есмь, и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся: омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне Боже, и дух прав обнови во утробе моей. Не отвержи мене от лица Твоего, и Духа Твоего Святаго не отими от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен: сердце сокрушенно и смиренно Бог не уничижит. Ублажи Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая: тогда возложат на олтарь Твой тельцы.
Старший:
Слава Отцу и Сыну и Святому Духу.
Братия:
Молитвами Богородицы, Милостиве, очисти множества согрешений наших.
Старший:
И ныне и присно и во веки веков, аминь.
Братия:
Молитвами Богородицы, Милостиве, очисти множества согрешений наших.
Помилуй мя, Боже, по велицей милости Твоей и по множеству щедрот Твоих очисти беззаконие мое!
Братия поет стихиру праздника (глас 8):
Срадуются с нами умная вся чиноначалия, духовно совокупльше чувственный лик, видяще Царицу и Владычицу всех, многоименне верными славиму, радуются же и дуси праведных, сущии зрителие видения, на воздусе молебно простирающу всечестнеи Свои руце, просящи умирения миру, и царем державы и утверждения, и спасения душ наших.
Старший:
С паси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя; молитвами Всепречистыя Владычицы нашея Богородицы и Приснодевы Марии: силою Честнаго и Животворящаго Креста: предстательствы честных Небесных Сил безплотных: честнаго славнаго пророка, Предтечи и Крестителя Иоанна, святых славных и всехвальных апостол: иже во святых отец наших и вселенских великих учителей и святителей, Василия Великаго, Григория Богослова и Иоанна Златоустаго: иже во святых отца нашего Николая, архиепископа Мир Ликийских, чудотворца: святых равноапостольных Мефодия и Кирилла, учителей Словенских: святаго равноапостольнаго великаго князя Владимира: иже во святых отец наших всея России чудотворцев, Михаила, Петра, Алексия, Ионы, Филиппа и Ермогена: святых славных и добропобедных мучеников, преподобных и богоносных отец наших, святых и праведных Богоотец Иоакима и Анны (и святаго, имя рек, егоже есть храм и егоже есть день) и всех святых: молим Тя, многомилостиво Господи, услыши нас, грешных, молящихся Тебе, и помилуй нас.
Братия:
Господи, помилуй. (12 раз)
-3-
Канон
Ирмос по дважды, глас 4.
Песнь 1-ая
Ирмос 1-й: Отверзу уста моя, и наполнятся Духа, и слово отрыгну Царице Матери, и явлюся светло торжествуя, и воспою радуяся Тоя чудеса.
Припев: Пресвятая Богородице, спаси нас!
Тропарь: С чинми святых ангел, и с соборы пророк и апостол, в славе велицей, яко Мати Божия днесь в церковь вшедши за христианы молишися, от напасти и печали избавляеши вся, покрывающи Твоею милостию.
Тропарь: Скинию Тя Моисей, и жезл Ааронов именова: Ты бо животное древо Христа процвела еси, к Немуже дерзновение имущи, за ны чествующия Тя, Царице, помолися избавити нас от всякаго зла: да Твоего Покрова праздник славим.
Тропарь: Не яко пред кивотом древле собрав Давид лики, играет: но паче ныне с чинми святых пред Тобою текуще в церковь, Тебе кланяющеся глаголют: моли за чествующия Тя люди, да Твой славяще Покров, честно празднуем.
Тропарь: Поют Тя, Богородице, ангельстии чини, и славят патриарси со святители, пред лицем Ти текуще в церковь. С нимиже Тя тогда святый Андрей виде за ны грешныя к Богу молящуюся помиловати люди, славящия Твоего Покрова праздник.
Катавасия 1-я: Отверзу уста моя, и наполнятся Духа, и слово отрыгну Царице Матери, и явлюся светло торжествуя, и воспою радуяся Тоя чудеса.
Песнь 3-ая
Ирмос 3-й: Твоя песнословцы, Богородице, живый и независтный (неисчерпаемый) источниче, лик себе совокупльшия, духовно утверди, в Божественней Твоей славе венцев славы сподоби.
Припев: Пресвятая Богородице, спаси нас!
Тропарь: Клас прозябшая Божественный, яко нива неоранная яве радуйся, одушевленная трапезо, хлеб животный вмещшая. Радуйся животныя воды источниче неистощимый, Владычице.
Тропарь: Твои раби, Владычице, в церкви Твоей верою предстояще, Твоея ожидаем милости: посети наше смирение, и Твоим святым Покровом защити императора и люди от всякаго зла.
Тропарь: Многоименитая Дево, пророки проображена честно, иже Тебе ныне со ангелы служат, с нимиже о нас к Богу молися, да Твоего Покрова святый день радующеся вси светло празднуем.
Тропарь: Гедеон Тя руно прообрази, на Тя бо яко роса Христос Бог сниде, к Немуже, Богородице, молися, победу дати императору нашему на враги, да яко мадиамы низложив, прославит святый Твой праздник.
Тропарь: Паче солнечных луч, Твоим блистающим омофором, освещаеши Церковь и люди, и тьму грехов наших отгониши посещением Твоим, Богородице, к Сыну Твоему и Богу за ны молящися.
Братия:
Господи, помилуй. (12 раз) – читается вместо ектеньи
Седален, глас 5: Теплая предстательнице и непобедимая, упование известное и непостыдное, стено и покрове и пристанище прибегающим к Тебе, Приснодево Чистая, Сына Твоего и Бога моли со ангелы, умирение дати миру, и спасение, и велию милость.
Старший:
Слава Отцу и Сыну и Святому Духу. И ныне и присно и во веки веков.
Тот же седален: Теплая предстательнице и непобедимая, упование известное и непостыдное, стено и покрове и пристанище прибегающим к Тебе, Приснодево Чистая, Сына Твоего и Бога моли со ангелы, умирение дати миру, и спасение, и велию милость.
Песнь 4-ая
Ирмос 4-й: Седяй в славе на престоле Божества, во облаце легце прииде Иисус Пребожественный, нетленною дланию, и спасе зовущия: слава, Христе, силе Твоей.
Припев: Пресвятая Богородице, спаси нас!
Тропарь: Во гласех пений, Дево, Тебе вопием Всепетая: радуйся, тучная горо и усыренная Духом. Радуйся, свещниче, и стамно манну носящая, услаждающая всех благочестивых чувства.
Тропарь: Паче Аароня кивота, всю Тя Бог освятил есть Духом, Богородице, Святым, и ангелом служити Тебе повеле, с нимиже за град и люди молися, Твой славящих честный праздник.
Тропарь: Прииди ныне в славе в Твою, Богородице, церковь, с соборы всех святых, якоже иногда Тя святый Андрей виде на воздусе светле за христианы молящуюся, и подаждь нам Твою милость.
Тропарь: Укрепи, Владычице, славящаго Тя императора нашего на противныя враги, яко Давида на Голиафа, да Тебе веселящеся вопием: радуйся, покрове святый, и заступнице граду нашему.
Тропарь: Тебе припадаем, Госпоже, верою, и покланяющеся благодарно вопием Ти: радуйся, Богоблагодатная Дево, покрове и ограждение наше, и помощнице в беде сущим, спаси нас к Тебе прибегающих, на Тя бо надеемся.
Песнь 5-ая
Ирмос 5-й: Ужасошася всяческая о Божественней славе Твоей: Ты бо неискусобрачная Дево, имела еси во утробе над всеми Бога, и родила еси безлетнаго Сына, всем воспевающим Тя мир подавающая.
Припев: Пресвятая Богородице, спаси нас!
Тропарь: Одр Тя древле Соломон написа, и ложницу Небеснаго Царя, обступаему серафимы, еже о Тебе речеся, Богородице. Тем Тя ныне молим, Мати Божия Всесвятая: покрый нас от всех бед.
Тропарь: Тебе ангелов старейшины, и честнии пророцы со апостолы, яко Матери Божии, честно служат, видяще Тя за мир молитву творящу: Твоя же прошения послушав Господь, спасает град и люди на Тя надеющияся.
Тропарь: Великий Тя во пророцех Исаиа прорече, глаголя Бога родити неискусобрачно: Ты бо, Чистая Марие, святейши всех была еси, Бога бо во утробе и на руку носила еси. Емуже за ны молися, Твоим осеняющи покровом верою Тя славящих.
Тропарь: Духовными паряще крилы, святых собори тайно приидоша Тебе послужити, Богородице, видяще Тя на легце облаце славы, ко Спасу Христу молящуюся, подати победу императору нашему, погубити воюющих нас.
Песнь 6-ая
Ирмос 6-й: Божественное сие и всечестное совершающе празднество, богомудрии Богоматере, приидите руками восплещим от Нея рождшагося Бога славим.
Припев: Пресвятая Богородице, спаси нас!
Тропарь: Иерее богомудрии, в церкви Твоей с людьми благочестивыми предстояще, Твоея ожидают, Богородице, милости: премени на радость нашу печаль, радость бо родила еси, всех человеков грехи Отпустившаго.
Тропарь: Тебе вся земля дары приносит, яко Царице Божии Матери: царие и князи кланяются, и людие вси веселятся, покрываеми от всякаго зла Твоими, Богородице, молитвами.
Тропарь: Гору Тя велику Даниил пронаписа: из Тебе бо без семене родися Христос, и сокруши всю демонскую лесть, и всю Своея веры исполни землю, к Немуже за ны, Богородице, молися, славящия Твоего Покрова праздник.
Тропарь: Ангельский глас взываем Ти, Пречистая: радуйся престоле Божий, на немже Иезекииль виде Господа, в подобии человека носима херувимы. С нимиже за ны, Богородице, молися, да спасет души наша.
Братия:
Господи, помилуй. (12 раз) – читается вместо ектеньи
Кондак (глас 3): Дева днесь предстоит в Церкви, и с лики святых невидимо за ны молится Богу: ангели со архиереи покланяются, апостоли же со пророки ликовствуют: нас бо ради молит Богородица Превечнаго Бога.
Икос: Тоя преславных чудес приидите, людие, насладимся: Сею бо Адам от тли избавися, Та бо и ковчег, не Ноем но Богом сотворен бысть. Древле убо Моисей в купине огненней Бога видети не возможе: ныне же от Тоя рождшагося вся земля знает Сына Божия, к Немуже за ны молится. Сего ради прославляем Ю, яко Божию Матерь: нас бо ради Богородица молит Превечнаго Бога.
Песнь 7-ая
Ирмос 7-й: Не послужиша твари богомудрии паче Создавшаго, но огненное прещение мужески поправше, радовахуся поюще: препетый отцев Господь и Бог благословен еси.
Припев: Пресвятая Богородице, спаси нас!
Тропарь: Неисписанная многими пророки, несведома же бысть, Дево, небесными служащими Богу ангелы: ныне же вси вемы Тя Богородицу, и Твоея требуем помощи и заступления, благословенная.
Тропарь: Гора усыренная Духом, юже Аввакум виде, точащу верным целебную сладость, Богородице Дево, исцели ны, Сыну Твоему вопиющия: благословен Бог отец наших.
Тропарь: Преклонивый небеса, в Тя Дево вселися, и ныне на молитву Твою зрит, Богородице Чистая, Твое Царице исполняя прошение: Емуже за ны усердно помолися, на Тя бо надеемся, благословенная.
Тропарь: Творче Спасе наш Христе Боже, приими молитву Твоея Матере, юже Тебе за ны грешныя приносит, да Тебе радующеся поем: препетый отец наших Боже благословен еси.
Песнь 8-ая
Ирмос 8-й: Отроки благочестивыя в пещи, Рождество Богородичо спасло есть: тогда убо образуемое, ныне же действуемое, вселенную всю воздвизает пети Тебе: Господа пойте дела, и превозносите Его во вся веки.
Припев: Пресвятая Богородице, спаси нас!
Тропарь: С чинми ангел Владычице, с честными и славными пророки, с верховными апостолы, и со священномученики, и со архиереи, за ны грешныя Богу помолися, Твоего Покрова праздник в Российстей земли прославльшия.
Тропарь: Гордыню и шатания низложи и советы неправедных князей разори, зачинающих рати погуби, о Божия Мати Царице всечестная: и благочестиваго императора нашего рог возвыси, да Твой праздник славим, Пречистая Богородице Дево, зовуще: Господа воспевайте дела, и превозносите Его во вся веки.
Тропарь: Усты приносяще Тебе пение, и душею верно покланяемся: ибо внутрь сердца наша горят. Мати Божия Пречистая, помилуй нас молящихся Тебе, и Господа воспевающих, и превозносящих Его во вся веки.
Тропарь: Многими отягчихся грехи, недоумею по достоянию написати Твоего Покрова, Богородице, похвалы: но яко Мати Божия украси Твой праздник чудесы, да вси радующеся поем Господа, и превозносим Его во вся веки.
Старший став пред иконою Божией Матери, кадит, возглашая:
Богородицу и Матерь Света в песнех возвеличим!