(Иакова 5:15)
ПРАВИЛО О ЗДРАВИИ
(дополнение к молитвам по соглашению)
Молитва к Пресвятой Богородице
Нескверная, Неблазная, Нетленная, Пречистая, Богоневесто, Богородице Марие, Госпоже мира и Надеждо наша!
Призри на нас, грешных, в час сей. Из чистых кровей Твоих неискусомужно родила еси Господа Неба и Земли.
Милостива Его соделай Твоими молитвами к нам.
Христа узревшая осужденнаго на смерть, и оружием скорби в сердце уязвившаяся, уязви души наша, любовию к Сыну Твоему!
Того в узах и поруганиях, слезами горце оплакавшая, слезы сокрушения нам даруй.
Душею тяжце поболевшая, видевши добровольно идущего на смерть, болезней нас свободи, да Тя славим, достойно славимую во веки. Аминь.
Молитва к Святителю Николаю Чудотворцу
О великий заступниче, архиерею Божий, Николае преблаженне, иже подсолнечную осиявый чудесы, призывающим же тя скорый услышатель являяйся, ихже присно предваряеши и спасаеши, и избавляеши, и от бед всяческих изымаеши, от Бога данною ти чудес и даров благодатию!
Услыши нас недостойных, с верою тя призывающих и молебное тебе приносяще пение; тебе бо ходатая на умоление ко Христу предлагаем. О пресловущий в чудесех, святителем высото! Яко имеяй дерзновение, скоро Владыце предстани, и преподобнии свои руце молебно к Нему простри о нас, и от Него щедроты благости подаждь нам недостойным, и приими нас в свое заступление, и от всех бед и зол нас избави, от нашествия врагов видимых и невидимых свобождая, и тех наветы и злохитрства погубляя, и борющих нас во всей жизни нашей отражая; прегрешениям же нашим прощение испроси, и спасены ны Христу представи и Царствия Небеснаго сподоби улучити за множество Того человеко-любия, ему же подобает всяка слава, честь и поклонение, со безначальным его Отцем, и с Пресвятым и Благим и Животворящим Духом, ныне и присно и во веки веков. Аминь
Молитва к святой мученице Варваре
Святая и всехвальная великомученице Варваро!
Собравщиися днесь людие, страдания твоя мученическая, ведавши, похвалами ублажающе, молим тя, желания нашего ходатаице: моли с нами милостваго Бога, да услышит нас, просящих Его благостыню, и не отставит нас. Вся ко спасению и житию нужныя прошения, дарует. Божественных Тайн причастие, и всем, на всяком месте, во всякой скорби и обстоянии, великую Свою подаст милость. Да благодатию Божиею и твоим теплым предстательством, душею и телом всегда в здрави пребывающе, славим Христа - Бога нашего, не удаляющаго от помощи Своея, всегда, ныне и присно, и во веки веков. Аминь.
Молитва к целителю Пантелеймону
Святый великомучениче и целителю Пантелеймоне, милосердию Бога подражателю! Призри на ны и услыши грешных, пред святою твоей иконою усердно молящихся. Испроси нам у Господа Бога, Емуже со Ангелы предстоиши на небеси, оставление грехов и прегрешений наших: исцели болезни душевныя же и телесныя рабов Божиих, ныне поминаемых (имя рек)
Димитрия (командир отделения Штаба)
Михаила (заместитель командира отделения Штаба по технической части)
Надежды со чадом Елизаветой (старший помощник)
Ларисы (старший помощник, Редактор)
Никиты (редактор) Александра (редактор)
Александра (редактор) Натальи (редактор)
Ларисы (редактор) Ларисы (редактор)
Маргариты (редактор)
Анастасии (тех. редактор)
Юлии (уч) Галины (уч)
Максима (уч)
Ирины, Павла, Арсения, Виктории (..)
Романа, Олега, Марины, Сергея, Ольги …
и всюду с молитвою предстоящих, - всех христиан православных, к твоему заступлению притекающих.
Се бо мы, по грехом нашим одержимы есмы многими недуги и не имамы помощи и утешения:к тебе же прибегаем, яко дадеся ти благодать молитися за ны и целити всяк недуг и всяку болезнь; даруй убо всем нам, молитвами твоими, здравие и души и тела, преуспеяние веры и благочестия, и вся блага, к житию временному и спасению потребная,
Яко да, сподобившися тобою, великих Божиих милостей, прославим тя много за Христа подвизавшегося и претерпевшего.И вознесём славу Богу твоему и Богу нашему, - подателю всех благ, дивному во святых, - Отцу, и Сыну, и Святому Духу. Аминь.
Молитва к Богородице о даровании Премудрости, перед иконой Прибавление ума:
О Богородице Пречистая, - дом, егоже создала Премудрость Божия.
Даров духовных Подательница, от мира к надмирному ум наш возводящая, и всех к познанию разума приводящая!
Приими молебное пение от нас, недостойных раб Твоих, с верою и умилением покланяющихся пред пречистым образом Твоим. Умоли Сына Твоего и Бога нашего, подати нам ума прибавление. Херувимов светлейшая и Серафимов честнейшая, умири, и соедини в разделении сущия. Всех заблуждших от неразумия к свету истины Христовой обрати, страху Божию, воздержанию и трудолюбию настави, слово премудрости и душеполезное знание просящим от тебе, даруй.
Аминь.
Заключительная молитва к Пресвятой Деве Марии
“Царице моя преблагая, Надеждо моя, Богородице, Приятелище сирых и странных Предстательнице, скорбящих Радосте, обидимых Покровительнице! Зриши мою беду, зриши мою скорбь; помози ми, яко немощну, окорми мя, яко странна! Обиду мою веси – разреши ту, яко волиши! Яко не имам иныя помощи, разве Тебе, ни иныя Предстательницы, ни благия Утешительницы, токмо Тебе, о Богомати! Яко да сохраниши мя и покрыеши во веки веков. Аминь.
Достойно есть: (1р)