142. Ачана-авана улмо годым
Мамык тӧшакыште улам ыле.
Иза-еҥга улмо годым
Пушкыдо кумылышт улам ыле.
(Ы)шкетат веле кодам да,
Нигӧланат ом кӱл,
Нигӧланат ом йӧрӧ.
Когда родители у меня были,
Спала я на пуховой перине.
Когда брат со снохой были,
Была у них в добром расположен™.
А осталась я одна,
И никому не нужна,
Никому не годна.
143. Куд шорыкет - кудо ончылно,
Изи пиет - вӱта ончылно,
Тулык ӱдырет - тулвондо мучаште.
Пять овечек - перед летней кухней,
Маленькая собачка - перед хлевом,
Девочка-сиротка - на конце кочерги.
144*. Авам дечат шочын омыл,
Ачам дечат шочын омыл.
Шудо вуеш шочынам,
Эр лупсеш кушкынам,
Водо юалгеш кӱжгемынам,
Эр ӱжара ден волгалтынам.
И от матери я не родилась,
И от отца я не родилась.
А родилась я в верхушках травы,
Выросла в утренней росе.
В вечерней прохладе пополнела я,
С утренней зарёй расцвела.
145*. Авамже ден ачамже
Моланже мыйжым ыштенже коден улыт?
Орланаш да йӧсланаш веле ыштен улыт,
Мыйжын, мыйжын пӧртшат уке, шокшо вержат.
Мыйжым, мыйжым жалайышыжат иктат уке.
Нур гочет ошкыл каем гынат,
Мардеж веле пуалеш.
Авамже ден ачамжын
Ик шем алашашт кодын ыле,
Тудат ала-кушко йомын каен.
Отец мой и мать
Зачем только родили меня?
Лишь мучиться и страдать родили.
У меня, у меня нет ни дома, ни тёплого местечка.
Меня, меня и пожалеть некому.
Если пойду по полю,
Лишь ветер дует.
У отца с матерью
Оставался один чёрный мерин,
Но и он куда-то потерялся.
146*. Пече воктен пургыжшым
Виян мардежет виктара.
Корно воктен пургыжшым
Виян алашат виктара.
Йӱштӧ кычыкет тольо да,
Алашалан нелыже тольо.
Йӱштӧ поранет тольо да,
Вургем укеанлан нелыже тольо.
Йыжве-яжве шомакше -
Тулык еҥлан нелыже тольо.
Сугроб возле ограды
Выпрямляет сильный ветер.
Сугроб возле дороги
Выпрямляет сильный мерин.
Появились серебряные блёстки на снегу,
Для мерина настало тяжёлое время.
Пришла холодная метель,
Для не имеющего одежду пришло тяжёлое время.
Из-за сплетен и пересудов
Пришло тяжёлое время для сироты.
147*. Виче вӱдшын серже тура,
Тошкалал легылдалаш арамаже укалеш.
Корныжат кужу, алашажат пакма,
Тучылден каялалаш солажат укалеш.
Таче шуына гынат, йӧралеш дыр,
Эрла шуына гынат, йӧралеш дыр.
Вучылден шинчыше ачанажат укалеш,
Шортылден шинчыше аванат укалеш.
Круты берега Вятки-реки,
Чтобы сойти, нет ивняка.
И дорога длинна, и мерин вял,
И кнута нет, чтоб подстегнуть.
Если сегодня успеем, ладно,
И завтра доедем - ладно.
Нет у нас отца, который бы ждал,
И матери нет, которая бы плакала о нас.
148*. Ачаж деч, аваж деч кодшо игыже
Окна воктен шинчын магыра.
Ачажат ыш наҥгае, аважат ыш наҥгае,
Акам дене кодеве.
Дитя, оставшееся без родителей,
Ревёт, сидя у окна.
И отец не забрал, и мать не забрала,
Оставили с сестрой.
149*. Изи корнет воктен каяльым,
Изи куэрлаш шуылдальым.
Изи куэ йымаланже
Изи тулым пыштальым.
Изи тулжо йӱлымешкыже,
Снеге погаш каяльым.
Снеге поген толылдальым,
Снеге мелнам кӱэштальым.
Снеге мелна кӱмешкыже,
Эҥыж погаш каяльым.
Эҥыж поген толылдальым,
Эҥыж мелнам кӱэштальым.
Эҥыж мелна кӱмешкыже,
Шоптыр погаш каяльым.
Шоптыр поген толылдальым,
Шоптыр мелнам кӱэштальым.
Шоптыр мелна кӱмешкыже,
Полан погаш каяльым.
Полан поген толылдальым,
Полан мелнам кӱэштальым.
Полан мелна кӱмешкыже,
Чынчыли погаш каяльым.
Чынчыли погаш куштылго,
Тулыкеш кодаш пеш йӧсӧ.
Пошла я по тропинке,
Дошла да небольшого березняка.
Под малою берёзкой
Развела небольшой костёр.
Пока тот костёр разгорался,
Пошла собирать землянику.
Собрав землянику, пришла,
Испекла земляничные блины.
Пока земляничные блины пеклись,
Пошла за малиной.
Собрав малину, пришла
И испекла малиновые лепёшки.
Пока малиновые лепёшки пеклись,
Пошла собирать смородину.
Пришла, собрав смородину,
Испекла смородиновые блины.
Пока пеклись смородиновые блины,
Пошла собирать калину.
Собрав калину, пришла,
Испекла калиновые блины.
Пока калиновые блины пеклись,
Пошла собирать незабудки.
Незабудки собирать легко,
Сиротой остаться очень трудно.
150*. Кугу акайжат кугун кыра,
Изакайжат изин кыра,
Кугу изайжат кугун кыра,
Изизайжат изин кыра.
Ачайжат уке чаманаш,
Авайжат уке чаманаш.
Папамжат чаманен ок керт,
Кочамжат чаманен ок керт.
Мераҥигыла кашка кӧргыштӧ
Веле куптырген кияш возеш.
Мераҥигыла кашка кӧргыштӧ
Куптырген кияш возеш.
Старшая сестра сильно бьёт,
Младшая сестра бьёт несильно,
Старший брат сильно бьёт,
Младший брат бьёт несильно.
И отца-то нет пожалеть меня,
И матери нет пожалеть.
Бабушка пожалеть не может,
И дедушка пожалеть не может.
Словно зайчонку в колоде,
Съёжившись, лежать лишь мне придётся.
Как зайчонку в колоде,
Съёжившись, лежать придётся.
151. Ача-аван икшыве лиймешке,
Чодыра маска лийшаш ыле.
Чодыра маска лиям ыле гын,
Чодыра гыч чодыраш веле коштам ыле.
Ача-аван икшывыже лиймешке,
Нур покшел писан лийшаш ыле.
Нур покшел писан лиям ыле гын,
Мардеж куш пуалеш, туш каем ыле.
Ача-аван икшыве лиймешке,
Пушеҥге рӱдӧ лийшаш ыле.
Пушеҥге рӱдӧ лиям ыле гын,
Шокшыжат огеш логал ыле,
Йӱштыжат огеш логал ыле.
Чем быть дитём у отца-матери,
Лучше стать лесным медведем.
Если б был я лесным медведем,
Ходил бы лишь из леса в лес.
Чем быть дитём у родителей,
Лучше стать осотом посреди поля.
Если б был я полевым осотом,
Полетел бы туда, куда ветер подует.
Чем быть дитём у родителей,
Лучше стать сердцевиной дерева.
Если б был я сердцевиной дерева,
И жары не досталось бы,
И холода не досталось бы.
152. Озаҥ курыкет - кӱ курыкет,
Таганан алашат ягылта.
Озаҥ капкат - кӱ капкат,
Приказ пуыде почаш ок лий.
Озаҥ кӧргӧ тиякше
Кагазшым возен орлана.
Озаҥ кӧргӧ прикашыкше
Оксажым шотлен орлана.
Ача-авадыме йочаже
Ӱмыржӧ мучко орлана.
Казанская гора - каменная гора,
Подкованный мерин обкатывает.
Казанские ворота - каменные ворота,
Без приказа не откроешь.
Казанский писарь
Мучается над своими бумагами.
Казанский приказчик
Мучается, считая деньги.
Ребёнок без родителей
Мучается всю жизнь.
153. Курыкын ӱмбакыже ом кӱзал ыле гын,
Куку мурымыжымат ом колдал ыле.
Ачий деч, авий деч ом шочылдал ыле гын,
Тынар йӧсыжымат ом ужылдал ыле.
Если бы на гору я не взобралась,
Не услышала бы и пения кукушки.
Если б от отца и матери я не родилась,
Не увидела бы столько горя.
154*. Корно воктен каялальым -
Йыдал тичак ошма теме.
Ошмажымат почкалтем гын,
Мландыжлан неле лиеш.
Ошмажымат ом почко гын,
Шкаланем неле лиеш.
Ачий деч, авий деч ом шоч ыле гын,
Ачий ден авийлан неле ыле.
Ошкылальым корно воктен,
Кож йымалан канаш шинчым.
Кож йымалан канаш шинчым
Тулык куку ден иквереш.
Ачан-аван ӱдыржӧ улам,
Тулык кукун йолташыже улам.
Ачамат уке, авамат уке,
Мый дечем ойган иктат уке.
Пошла я по дороге -
Лапти песком наполнились.
Если вытряхну песок,
Земле тяжело будет.
Если песок не вытряхну,
Мне самой тяжело будет.
Если б я не рождалась от отца-матери,
Им было бы тяжело.
Пошла я вдоль по дороге,
Села под елью отдохнуть.
Села отдохнуть под елью
Вместе с кукушкой-сиротой.
Я дочка отца с матерью,
Подруга сиротки-кукушки.
Ни отца у меня нет, ни матери нет,
Несчастней меня никого нет.
155*. Ача-аван икшыве лиймешке,
Куку иге лийшаш ыле.
Ака-шӱжар лиймешкыже,
Порсын шовыч лийшаш ыле.
Куку игыже лиям ыле гын,
Ик сад гыч вес садыш чоҥештем ыле.
Порсын шовыч лиям ыле гын,
Ик вуй гыч вес вуйыш коштам ыле.
Ача-аван олма садше ыле,
Олмажым кочкынак, тулыкеш кодалте.
Ача-аван куэ садше ыле,
Куэвӱд йӱынак, шинчавӱдеш кодалте.
Шочмемланат ом ӧпкеле,
Кушмемланат ом ӧпкеле.
Кунам-гынат пиалешем
Сай илышет толдалеш.
Чем быть дитём у родителей,
Быть бы лучше кукушонком.
Чем быть в сёстрах,
Быть бы лучше шёлковым платком.
Если б была я кукушонком,
Летала бы из сада в сад.
Если б была я шёлковым платком,
Переходила бы с головы на голову.
У отца и матери был яблоневый сад,
Угощаясь яблоками, и осталась сиротой.
У отца и матери был берёзовый сад,
Из-за того что пила берёзовый сок, осталась в слезах.
И на то, что родилась, не ропщу,
И на то, что выросла, не ропщу.
Когда-нибудь на моё счастье
Придёт и хорошая жизнь.
156. Эрдене кынельым, пакчаш лектым
Куку мурымым колышташ.
Куку мура, мый шортам
Каен йомшо ачамлан.
Утром встала я, вышла в огород
Послушать пение кукушки.
Кукушка поёт, а я плачу
Из-за своего потерявшегося отца.
157*. Кӱзалальым курыкын вуйышко,
Шогалальым мардежлан ваштареш.
Шоген-шоген сӱсанальым,
«Тол, игем!» манше иктат ыш лий.
Поднялась я на вершину горы,
Встала напротив ветра.
Пока стояла, прозябла,
Никто не сказал мне: «Подойди, дитя!»
158. Солыдымо олыкыш пурен шогальымат,
Моло нимат ушешем ыш воч:
Ачамын укежак ушешем возо.
Тӱреддыме аҥашкет миен шогальымат,
Моло нимат ушешем ыш воч:
Авайын укеже ушешем возо.
Пӧрт покшекет пурен шогальымат,
Моло нимат ушешем ыш воч:
Еҥгайын укежак ушешем возо.
Пӧртӧнчыл ончыкет лектын шогальымат,
Моло нимат ушеш ыш воч:
Изайын укеже ушешем возо.
Капка ончыкет лектын шогальымат,
Моло нимат ушешем ыш воч:
Каче-таҥем укежак ушешем возо.
Встала я на некошеный луг,
Ни о чём другом я не подумала:
Подумала о том, что нет у меня отца.
Встала я на несжатую полосу,
Ни о чём другом я не подумала:
Подумала о том, что нет у меня матери.
Встала я посреди дома,
Ни о чём другом я не подумала:
Подумала о том, что нет невестки у меня.
Встала я перед сенями,
Ни о чём другом я не подумала:
Подумала о том, что нет у меня старшего брата.
Встала я перед воротами,
Ни о чём другом я не подумала:
Подумала о том, что нет друга у меня.
159. Чодыраште кайыкет шукат уло,
Куку деч ойган иктат уке.
Ачиемат уке, авиемат уке,
Мый дечем ойган иктат уке.
В лесу птиц много,
Но печальнее кукушки нет.
Ни матери у меня нет, ни отца нет,
Печальнее меня никого нет.
160. Ачийын-авийын шем ушкалже лиям гын,
Лӱштенат кочкаш йӧрем ыле.
Изайын-еҥгайын шем шорыкшо лиям гын,
Пыштенат тӱредаш йӧрем ыле.
Шольо ден шешкымын мӱкшаваже лиям гын,
Четлыкеш петыраш йӧрем ыле.
Ачийжын-авийжын икшывыже лийынам да,
Шаланен кайыше мӱкшиге гае,
Тулыкеш кодын, орланен кошташ верештын.
Если бы я была чёрной коровой у отца-матери,
Сгодилась бы, чтобы молоко давать.
Если бы я была чёрной овечкой у брата и снохи,
Сгодилась бы, чтобы, положив, меня стричь.
Если бы я была пчеломаткой у братишки с невесткой,
Сгодилась бы, чтобы запереть меня в клетку.
А стала я ребёнком у отца с матерью,
И, словно разлетевшийся пчелиный рой,
Оставшись сиротой, пришлось ходить мне и мучиться.
161. Авийжат молан ыштен,
Ачийжат молан ыштен?
Авийжат молан кудалтен,
Ачийжат молан кудалтен?
Мыйым ыштен, ашнаш пуэн,
Орланен илаш ыштен.
Мать зачем родила меня,
И отец зачем меня родил?
Мать зачем меня бросила,
И отец зачем меня бросил?
Родив меня и отдав другим на воспитание,
Оставили меня жить и страдать.
162. Эҥыжвондыжо пеледеш,
Кечыжым уждегечак.
Шоптырвондыжо пеледеш,
Лупсыжым уждегече.
Шӱльӧ озымжо кушкалеш,
Леве йӱржӧ уждегече.
Уржа шырка кучалеш,
Леве мардеж уждегече.
Меже шочын кушкынна,
Ачай ден авай уждегечеак.
Малина цветёт,
Не видя солнца.
Смородина цветёт,
Не видя росы.
Овёс всходит,
Не видя тёплого дождя.
Рожь зацветает,
Не видя тёплого ветра.
И мы выросли,
Не видя родителей.
163*. Ачам дечынат изи кодынам да,
Авам дечат изи кодынам.
Изи кодынам, тулыкеш кодынам
Йӧратыме йолташем деч.
Торешйолем ок лий ыле гын да,
Куш тошкалам мый ыле?
Йорга яра шинчам ок лий ыле гын,
Кӧм ончалам, ой, ыле?
И без отца маленьким я остался,
И без матери маленьким я остался.
Маленьким остался, сиротой остался
Без любимой подруги.
Если бы не был я косолапым,
Куда бы я наступил?
Если бы не было у меня чистых игривых глаз,
На кого бы, ой, посмотрел я?
164*. Арбор вӱдеш лудигем йомо,
Изи пием кычалеш гынат, огеш му.
Армийыш каен йолташем йомо,
Изи чонем кычалеш гынат, огеш му.
Мураш, шӱшкаш тӱҥалам тын, чарнен ом керт,
Олма пакчаш пурем гын, лектын ом керт.
Йӧратыме йолташем шоналтен колтем,
Порсын лӱҥгеш возам гынат, мален ом керт.
Ни тувырем уке, ни шовырем уке,
Ынде можым чиялаш тӱҥалам?
Ни авиемат уке, ни ачиемат уке,
Ойган тулык илышем кӧлан ойлем?
В реке Арборке потерялся мой утёнок,
Хотя ищет маленькая собачка, не найдёт.
Уйдя в армию, друг мой пропал,
Хотя ищет моё маленькое сердце, не найдёт.
Если начну петь, свистеть, не могу остановиться,
Если в яблоневый сад войду, выйти не могу.
Как подумаю о своём любимом друге,
Хоть лягу в шёлковую качалку, уснуть не могу.
Ни платья у меня нет, ни кафтана у меня нет,
Что я теперь стану одевать?
Ни матери у меня нет, ни отца у меня нет, -
Кому расскажу о своей тяжёлой сиротской жизни?
165 *. Ачай-авай мыньым ыштен,
Молан ыштен тулык пачам?
Ончен-куштен огылжо,
Охо-рое, хо-я, на-ёй.
Жал улам мыйже -
Молан тулык шочынам?
Изай шонен ончен кушташ:
«Илен кушкат, тыгеньок айдеме лият».
Мыньын ыле еҥгам, акам,
Ончен-куштен шогалтен улыт.
Ончен-куштен, айдемым (л)ыштен улыт,
Таче кечыян илен шогем.
Мийын уло шӱжарем,
Мыньын вараш кушкын шуын.
Тулык пача магырен кушна
Ача гыч, ава гыч поснаже.
Родители меня родили,
Зачем родили - сиротку-ягнёнка?
Но не растили, не воспитывали.
Охо-рое, хо-я, на-ёй.
Жалко меня -
Зачем родилась я сиротой?
Брат хотел воспитывать меня:
«Вырастешь, станешь таким же человеком».
Мои невестка с сестрой
Вырастили, воспитали меня.
Воспитали, сделали человеком,
И сегодня живу я.
Есть сестрёнка у меня,
Выросла она позже меня.
Как ягнята-сироты выросли мы, плача,
Без отца и матери.
166. Вӱдеш вӱдылалтынам да,
Шудеш пӱтыралтынам.
Ача деч, ава деч тулык кодынам да,
Ойгеш вӱдылалтынам.
Залилась я водой,
Обвилась травой.
Оставшись в сиротстве без отца и матери,
Окунулась я в горе.
167*. Ломбо пеледыш лиям ыле гын,
Олык гыч олыкыш волгалтам ыле.
Олмапу пеледыш лиям ыле гын,
Тошкем гыч тошкемыш волгалтам ыле.
Куку игет лиям ыле гын,
Эрат-касат мурем ыле.
Шӱшпык игет лиям ыле гын,
Йӱдым йӱдвошт шӱшкем ыле.
Ачи-авий лиеш ыле гын,
Тыгае ойгым ом уж ыле.
Тулыкеш кодшо орлыкан иге,
Ачан-аван ӱдыржӧ улам.
Если бы была я цветком черёмухи,
Светилась бы над лугами.
Если бы была я цветком яблони,
Светилась бы над садами.
Если бы была я птенцом кукушки,
И утром, и вечером пела бы.
Если бы была я птенцом соловья,
Ночь напролёт свистела бы.
Если бы были у меня родители,
Не хлебнула бы я столько горя.
Оставшееся сиротой несчастное дитя,
Дочь отца и матери я.
168*. Изи курык ӱмбаланже
Изи тулым олталъым.
Изи тулын олмешыже
Снеге киндым кӱыктальым.
Снеге кинде кӱмешкыже,
Эҥыж погаш пуралальым.
Эҥыж погаш мо йӧсыжӧ?
Тулыкеш кодаш пеш йӧсӧ.
На маленькой горке
Разожгла я огонёк.
На том костре
Испекла земляничную лепёшку.
Пока земляничная лепёшка пеклась,
Пошла в лес за малиной.
Что трудного собирать малину?
Сиротой остаться трудно.
169*. Шем шорыкын тулык пачаже
Вӱта капкам ончен ломыжеш.
Шем ушкалын тулык презыже
Урем капкам ончен ломыжеш.
Кула вӱльын тулык чомаже
Пасу капкам ончен шинчалеш.
Мыйын гае тулык еҥже
Окна гыч ончен шортылдалеш.
Ягнёнок-сиротка чёрной овцы
Блеет, глядя на ворота хлева.
Телёнок-сирота чёрной коровы
Мычит, глядя на уличные ворота.
Жеребёнок-сирота саврасой кобылы
Ржёт, глядя на полевые ворота.
Такие сироты, как я,
Плачут, глядя из окна.
170*. Ни ужарге, ни йошкарге
Уке мыйын шовычемже.
Ни тышечын, ни тушечын
Арален налшыжат иктат уке.
Мыйын уке, уке гаяк чучеш
Йошкар порсын шовычемже.
Мыйын уке, уке гаяк чучеш
Чаманалше аваемже.
Ни зелёного, ни красного
Нет у меня платка.
Ни здесь, ни там
Нет у меня защитника.
У меня нет, чувствуется, что нет
Красного шёлкового платка.
У меня нет, чувствуется, что нет
Матери, которая бы меня жалела.
171*. Пӧртӧнчыл мучаш ладыра куэже -
Ойган кукулан шинчын мураш.
Ойган кукун мурымыж годым
Ойган еҥлан шинчын шорташ.
Ой, кукуэм, ит муралте,
Ой, шӱшпыкем, ит шӱшкалте.
Корно воктен кайыше еҥлан
Шӱмешыже логалеш.
Раскидистая берёза у крыльца -
Печальной кукушке сидеть и петь.
При пении печальной кукушки
Страдающему человеку сидеть и плакать.
Ой, кукушечка, не пой,
Ой, соловушка, не свисти.
Идущему по дороге человеку
Задевает за сердце.
172*. Мурем гынат, ойган улам,
Шӱшкем гынат, ойган улам.
Лышташ лӹвал лыве гане
Мужырдымо мыйже улам.
Ик кукунак веле уке
(Ы)шке лукмо игыже.
Ик мыйынак веле уке
(Ы)шке кутырымо мужыремже.
Хоть и пою, грустна я,
Хоть и свищу, грустна я.
Словно бабочка на листке*
Одинока я.
Лишь у кукушки одной нет
Собственных птенцов.
Лишь у меня одной нет
Собственного друга.
173*. Маска кочшаш ушкалже да
Кожлаш ончен ломыжалеш.
Пире кочшаш шорыкшо да
Нурыш ончен ломыжалеш.
Ачадыме-авадыме шочшыжо
Тӧрзаш ончен шорталеш.
Корова, которую хочет съесть медведь,
Мычит, глядя на лес.
Овечка, которую хочет съесть волк,
Блеет, глядя на поле.
Ребёнок, оставшийся без родителей,
Плачет, глядя в окно.
174*. Ачием деч кодынам изи тулык да,
Авием деч кодынам изи тулык.
Ой, кодынам тулыкеш да
Келшал илыме йолташ деч.
Осталась сиротой я без отца,
Осталась сиротой без матери.
Ой, осталась сиротой
Без верного своего друга.
175*. Молан мые шочынам да
Тылзе гай шкетын?
Кастенат лектам, тылзым ончалам:
Тылзат мыйын гае шкетын.
Ачан-аван шочшыжо лиймешкыже,
Кожламбал кайыкет лийшаш ыле да.
Шыжым каен, шошым толын,
Нимогае ойгемат ок лий ыле.
Арам гына ӱдалын кодымашем да,
Шем мландым ужартен да.
Арам гына келшен илымашем да,
Весе дене чонем йӱлалтен.
Зачем только я родилась
Одна, словно луна?
Вечером выйду, посмотрю на луну,
Луна, как и я, одна.
Чем быть дитём у отца-матери,
Лучше быть птичкой лесной.
Осенью улетая, весной возвращаясь,
Не было бы у меня никакого горя.
Напрасно я поле засеивала,
Зеленила тёмную землю.
Напрасно я дружила с одним,
А любила другого.
176*. Индеш ниян йындалемын
Милой кандыраже веле кодын.
Ачаемат уке, аваемат уке,
Милой йолташемжат каен йомын.
Ачаемат шочын сад-пакчаш,
Аваемат шочын мӧр пакчаш.
(Ы)шке шочынам пиалдыме
Такыр пошо покшелан.
От лаптей моих девятилыковых
Осталась лишь верёвка.
Ни отца у меня нет, ни матери нет,
И друг мой милый меня покинул.
Отец мой родился в саду,
Мать родилась на клубничном поле.
Сама я родилась несчастной
Посреди невспаханного поля.
177*. Лийже ыле олмаже, лийже ыле эҥыжше,
Тудын кӱдынь лийже ыле шемшоптыржо.
Лийже ыле ачаем, лийже ыле аваем,
Тудын кӱдынь лийже ыле йолташем.
Ой, садерем, ломберем, чевер мотор поланем,
Уке тудын йӱштӧ йӱр деч авыртышше.
Ой, чон(ы)ем-йӧс(ы)ем, тулык ойган илышем,
Уке миньын чаманыше йолташем.
Йолым веле пидынам, мӱндыр корным толынам,
Кунам йолем ярнен огыл?
Таҥым веле кученам, коден веле толынам,
Кунам чонемлан йӧсӧ огыл?
Вот была бы яблоня, была бы малина,
А рядом с ними была бы чёрная смородина.
Был бы у меня папа, была бы мама,
А вместе с ними был бы у меня друг.
Ой, сад, черёмушник, красная калина,
Некуда вам скрыться от холодного дождя.
Ой, душа моя, страдалица, доля сиротская,
Нет у меня друга-защитника.
Обула я лапти, прошла длинный путь,
Разве ж ноги мои не устали?
Познакомилась я с парнем, пришла, оставив его,
Разве ж сердцу моему не тяжело?
178*. Кӱшыч кайыше комбыжо
Йӱкшым пуэн орланен.
Ӱлыч кайыше лудыжо
Лупсым ӱен орланен.
Марлан кайыше ӱдыржӧ
Кумалтышым пыштен орланен.
Ӱдыр налше качыже
Олным пыштен орланен.
Войнаш кайышын ватыже
Марийжым вучен орланен.
Ачан-аван икшывыже
Тулыкеш кодын орланен.
Летящий сверху гусь
Замучился подавать голос.
Летящая снизу утка
Замучилась замасливать росу.
Выходящая замуж девушка
Замучилась готовить приданое.
Парень, собирающийся жениться,
Замучился готовить выкуп за невесту.
Жена ушедшего на войну
Замучилась ждать мужа.
Дитя отца-матери
Замучилось жить в сиротстве.
179*. Муралтышым - кӧ колын да,
Шӱшкалтышым - кӧ ужын?
Чодыраш каен йоммекемже,
Йӱкем колын, кӧ кычалын?
Капка ончык толмекемже,
Капем ужын, кӧ налаш лектын?
Запела я - кто услышал,
Засвистела - кто увидел?
Если пойду в лес и потеряюсь,
Услышав мой голос, кто меня найдёт?
Подойду к воротам -
Увидев меня, кто выйдет встречать?
180. Канде кава йымалне, ужар мланде ӱмбалне
Коштам турий семын шкетын.
Уке мыйын авием, уке мыйын ачием,
Уке мыйын чаманалше йолташем.
Под небом голубым, на зелёной земле
Летаю я, словно жаворонок, одна.
Нет у меня матери, нет отца,
Нет у меня друга, что пожалел бы меня.
181*. Ош перчаткет лиям ыле гын,
Кид гыч кидыш чиялдам ыле;
Порсын шовыч лиям ыле гын,
Вуй гыч вуйыш пидылдат ыле.
Мотор ӱдыр лиям ыле гын,
Кажне качыжат йӧрата ыле.
Тулык ӱдыр илалнам да,
Веселан илышыш шуын омыл.
Если бы была я белыми перчатками,
Одевали бы меня на руки;
Если бы была я шёлковым платком,
Повязывали бы меня на голову.
Если бы была я красивой,
Полюбил бы меня любой жених.
А жила я в сиротстве
И до весёлой жизни не дожила.
182*. Авам (л)ыштымыже годымжо
Ош шовыч ден пӱтыралын.
Ош шовыч ден пӱтыралме годым
Юмо дечын пиалым йодын огыл.
Шемым чиен, шемым кудашаш:
Мый шкеат шеме улам.
Ойган еҥым мый чаманем:
Мый шкеат тулык улам.
Корно воктен шудыжым
Кӧ шудылан шотлалеш?
Мемнан гае тулыкшым
Кӧ айдемылан шотлалеш?
Кушто ӱйжӧ, кушто шылже -
Кӧ каласа мыланна?
Кӧ пала гын, мемнан гайже
Молан илаш толашаш?
Когда мать меня родила,
Завернула в белый платок.
Когда заворачивала в белый платок,
Не попросила у бога счастья для меня.
Надев тёмное, тёмное снять:
Я и сама тёмненькая.
Горестных людей я жалею:
Я и сама сирота.
Траву у дороги
Кто сочтёт за траву?
Таких сирот, как мы,
Кто сочтёт за людей?
Где масло, а где мясо -
Кто нам скажет?
Кто же знает, таким, как мы,
Зачем усердствовать жить?
183*. Ала-молан изи чонем йӱлалеш да,
Ала-молан шинчавӱдем йогалеш.
Ала ойгым ужшашлан да,
Ала тулыкеш кодшашлан.
Кугу кожла шергылтмешке мурен колтем да,
Вичкыж мардеж лекмеш шӱшкен колтем да.
Так шоналтен колтем илышемын йӧсыжым,
Уло чонем лушкымешке шортын колтем.
Кӧн могае пашаже да
Могай вургем чийымем ден.
Кӧн могае пашаже да
Кушто кузе койымем ден.
Зачем-то сердечко моё болит,
Зачем-то слёзы мои текут.
Может, из-за того, что много горя видела,
Может, из-за того, что сиротой осталась.
Спою я так, чтобы содрогнулся большой лес,
Свистну так, чтобы появился пронзительный ветер.
Как подумаю о трудностях моей жизни,
Заплачу так, чтобы душа моя успокоилась.
Кому какое дело,
Какую одежду я ношу.
Кому какое дело,