Шинча йыр вӱд налмеш.
Ой, подруга, вместе ступим -
Железный гвоздь сломается.
Ой, подруга, вместе выпьем -
Ручка ложки прогнётся.
Ой, друг мой, посмотрим друг на друга -
Глаза наши заслезятся.
289. Айдыза, ӱдыр-шамыч, шоптыр погаш каена!
Шоптырым поген толна да
Мӱйшудым пурлына.
Мӱйшудыжо мӱй гане,
Мемнан таҥже олма гане.
Давайте, девушки, пойдём собирать смородину!
Собрав смородину, придём,
Клевером полакомимся.
Клевер-то, словно мёд,
Наши приятели, как яблоки.
290. Мӱндыр нымыштетым руальым,
Шогалташ верым шым муылдал.
Лишыл выньыкашетым шултальым,
Сакаш верым шым муылдал.
Мӱндыр таҥетым кучальым,
Чонем йӱлаш веле йӧрыш,
Лишыл таҥетым кучальым,
Шинча йӱлаш веле йӧрыш.
Вдалеке заготовила я лыко,
Не нашла места, чтобы поставить.
Вблизи ветки для веников я нарвала,
Не нашла места, чтобы повесить.
Познакомилась я с другом издалека,
Лишь сердце моё заболело,
Познакомилась я с другом из недалека,
Лишь глаза мои загорели.
291. Ужар катат, йошкар катат,
Йолем-йыжыҥем коклаштем.
Ужар потат, йошкар потат
Кыдалем-йыжыҥем коклаштем.
Торгаен налме ший кидшолем
Кидем-йыжыҥем коклаштем,
Модылден налме ший шергашем
Парням-йыжыҥем коклаштем.
Коҥгануржын марийже
Шӱмем-кылем коклаштем.
Зелёные ботинки, красные ботинки
На моих ногах.
Зелёный кушак, красный кушак
На моей пояснице.
Выторгованный серебряный мой браслет
На моих руках.
Выигранное серебряное кольцо
На моем пальце.
Мариец Конганура
В моём сердце.
292. Куд шовычем уло,
Куд ужгам уло:
Ик ужгам кидышкем налам,
Ик ужгам вачышкем пыштем.
Ӱдыр-таҥет - шёлковый шовычет,
Каче-таҥет - шире-лодак.
Есть у меня шесть платков,
Шесть шуб у меня есть:
Одну шубу на руки возьму,
Одну шубу положу на плечи.
Девушка-подруга - шёлковый платок,
Жених-друг - ножны для бороны.
293. Индеш ниян йыдалже
Йол виетым налалеш.
Кандаш пошман вынерже
Кид виетым налалеш.
Тумо пу ден ваштар пу
Товар виетым налалеш.
Тужмо-сырме пашаже
Таҥ илышым торалта.
Девятилыковые лапти
Отнимают силу ног.
Холст с восемью пасмами
Отнимает силу рук.
Деревья дуб и клён
Отнимают силу топора.
Ругань и ссоры
Разрушают дружную жизнь.
294. Индеш кожет - тӧр кожет,
Иктыже веле лапкарак.
Индеш каванет - тӧр каванет,
Иктыже веле тоштырак.
Индеш качет - тӧр качет,
Иктыже веле чыганрак.
Индеш ӱдырет - тӧр ӱдырет,
Иктыже веле ковырарак.
Девять елей - ровных елей,
Лишь одна из них чуть ниже.
Девять стогов - ровных стогов,
Лишь один из них постарее.
Девять женихов - равных женихов,
Лишь один цыганистый.
Девять девушек - равных девушек,
Лишь одна щеголеватая.
295. Латкок пошман шовыремже
Солалтал ошкылмем огыл мо?
Индеш пошман шымакшемже
Шындалал ошкылмем огыл мо?
Ныл пошман ӱштемже
Кыдалан ӱшталмем огыл мо?
Кок кидыштем кок кидшолем
Рӱзалтал ошкылмем огыл мо?
Кок уремыште кок таҥем уло,
Иктыжым нигунамат ом кудалтал.
Кафтан мой из двенадцати пасем
Не для того ли, чтобы размахивая им ходить?
Шымакш мой из девяти пасем
Не для того ли, чтобы поставив его ходить?
Пояс мой из четырёх пасем
Не для того ли, чтобы повязывать его на пояс?
Два браслета на двух руках моих
Не для того ли, чтобы тряся ими идти?
На двух улицах у меня есть два приятеля,
Одного из них никогда не брошу.
296. Рывыж упшетым ургалам ыле гын,
Сӧрмариватын дене каялам ыле.
Рывыж упшетым ургалын омыл да,
Сӧрмариватын дене каялын омыл.
Сывынетым ургалам ыле гын,
Сӧрмариватын дене каялам ыле.
Сывынетым ургалын омыл да,
Ватылан каялын омыл.
Ой, пӧрыжем, ой, пӧрыжем,
Тиде койышетым шинчалам ыле гын,
Шукертак таҥым кучалам ыле.
Если бы сшила я лисью шапку,
Пошла бы с участницами свадьбы.
Но лисью шапку я не сшила
И с участницами свадьбы не пошла.
Если бы сшила я праздничный кафтан,
Пошла бы с участницами свадьбы.
Но праздничный кафтан я не сшила
И с женщинами не пошла.
Ах, деверь мой, деверь,
Если бы знала я такой твой нрав,
Давно бы подружилась с тобой.
297*. Ӱлыл мучкат коштын-коштын,
Пел перчаткам йомдарышым.
Кӱшыл мучкат коштын-коштын,
Шырчан ӱштем йомдарышым.
Пел перчаткам лийылдалже
Микалын эрге Мичашлан.
Шырчан ӱштем лийылдалже
Микалын эрге Мичашлан.
Гуляя по нижнему концу улицы,
Потеряла я одну перчатку.
Гуляя по верхнему концу улицы,
Потеряла свой пояс, украшенный бусинками.
Пусть перчатка моя достанется
Сыну Михаила Мичашу.
Пусть пояс, украшенный бусинками, достанется
Сыну Михаила Мичашу.
298*. Мый воштончыш, ой, лияш
Шонен илем, ой, таҥем.
Шара шере шинчат дене
Мыйым онча-ончалал.
Мый юалге вӱд лияш
Шонен илем, ой, таҥем.
Тыйын нойышо капетым
Шокшо годым вӱдыжташ.
Йыдалетат мый лиям,
Вургеметат мый лиям.
Ой, йӧралтым сай таҥжат,
Кудалтенжак ит кодо.
Тыйже тушко миял ал,
Шара шинчат дене
Мыйым ончо, ончалал,
Ой, йӧралтым сай таҥжат.
Стать бы зеркалом мне,
Думая, ой, живу, любимый мой.
Своими серыми сладостными глазами
Посмотрел бы на меня.
Стать бы мне прохладной водой,
Думая, живу я, любимый,
Чтобы твоё уставшее тело
В жаркую погоду оросить.
Буду тебе и лаптями,
Буду и одеждой.
Ой, любимый мой, хороший друг,
Только не бросай меня.
Ты приходи туда
И своими серыми глазами
Посмотри на меня,
Мой хороший, любимый друг.
299*. Куку мурымым колда мо?
Пинчакан кайышым ужда мо?
Тувыр урвалтет - той окат,
Шовыр урвалтет - ший окат.
Ӱмаште кучымо таҥнаже -
Шара шинчан ош мотор.
Тенийысе кучымо таҥнаже -
Шоптыр шинчан шем мотор.
Услышали вы пение кукушки?
Увидели прохожего в пиджаке?
На подоле рубахи - медная мишура,
На подоле кафтана - серебряная мишура.
Друг, с которым познакомилась в прошлом году,
Сероглазый красавец-блондин.
Нынешний мой друг -
Черноглазый красавец-брюнет.
300*. - Айда, таҥем, эҥыж погаш!
- Эҥыжше ден мом ыштет?
- Эҥыж мелнам ыштышна.
Эҥыж мелна кӱмешкыже,
Чинче погаш пурышна.
Чинче поген лекмешкыже,
Эҥыж мелнана кӱяле.
Тудо эҥыж мелнажым
Латкок таҥемлан пукшальым.
- Давай, дружок, пойдём собирать малину!
- С малиной что сделаешь?
- Испекла малиновые лепёшки.
Пока малиновые лепёшки пеклись,
Зашла собирать блёстки.
Когда блёстки собрала,
Малиновые блины поспели.
Теми малиновыми блинами
Накормила своих двенадцать друзей.
301*. Кече лекмым вучалын,
Кайык-шамыч муралтат.
Мотор кечым ужалын,
Чыла чонан тарванат.
Мыйже тыйым шоналтем,
Кечын-кечын ойлалам.
Кунам гына, ой, таҥем,
Ужам тыйым, ой, чонем!
Шуэш-шуэш тудо жап,
Ӱшаненак мый илем;
Ужам тыйым адакат,
Чонем канен мутланем.
Тыйын мотор тӱсетым
Тунам вара мый ончем.
Кӱляш гае ӱпетым
Йӧратенак ниялтем.
Тыйым, таҥем, мый ужмек,
Тыйын йӱкетым колмек,
Чыла тӱням мый мондем,
Тый веле лият мыланем.
Ожидая восхода солнца,
Птицы поют.
Увидев красивое солнце,
Всё живое пробуждается.
Я думаю о тебе,
Каждый день говорю.
Когда-нибудь, ах, мой друг,
Тебя увижу, ах, душа моя!
Наступит-наступит то время,
Веря, живу я;
Снова тебя я увижу,
Душевно поговорю.
На твой красивый облик
Тогда я посмотрю.
Словно кудель твои волосы
С любовью поглажу.
Тебя, друг мой, увидев,
Услышав твой голос,
Забываю я весь мир,
Лишь ты существуешь для меня.
302*. Эҥыжвондо ден пӧртым ыштышна,
Теният она пӧлӧ, вес ият она пӧлӧ,
Ик ияш воштыретым вучена.
Шоптырвондо ден клатым ыштышна,
Теният она левед, вес ият она левед,
Икияш воштыретым вучена.
Кожлаялын качыж ден
Теният она мод, вес ият она мод.
Из куста малины построили мы дом,
И нынче, и в будущем году не будем перегораживать,
Ждём годовалого побега.
Из куста смородины построили мы клеть,
И нынче не покроем, и на будущий год не покроем,
Ждём годовалого побега.
С женихами Кожлаяла
И нынче, и в будущем году играть не станем.
303*. Капка воктен, ой, вистем,
Эр лупс дене тӱредам.
Изи годсо тосем уло,
Кузе миен ужалам?
Ой, полбу около ворот
Пожну с утренней росой.
Есть у меня друг детства,
Как бы с ним увидеться?
304*. Ожно, чеверем годым,
Кайык семын илышым.
Йӧралтышым ик моторым,
Кечын коштым тудын деке.
Тудын лудо шинчаже
Шийла койын йӱла ыле.
Чевер муно гане чурийже
Ватан марийым ончалтара.
Раньше, когда я была молода,
Жила, словно птичка.
Полюбила одного красавца,
Каждый день к нему ходила.
Его серые глаза
Блестели, словно серебро.
Лицо его, подобное румяному яйцу,
Было лучше, чем у женатого мужчины.
305*. Поро таҥет воктенет гын,
Шӱмет-кылет нӧлталтеш.
Осал таҥет воктенет гын,
Шӱмет-кылет кӱрлалеш.
Если рядом с тобой добрый друг,
То настроение твоё повышается.
Если с тобой злой друг,
Душа твоя разрывается.
306*. Кӱкшын-кӱкшын курыкет ӱмбалан
Изи тулым олтальым.
Изи тулын лиймешкыже,
Эҥыж погаш пуральым.
Изи тулын олмешыже
Эҥыж киндым пыштальым.
Эҥыж киндын кӱмешкыже,
Ока йолвам колтальым.
Айда, таҥем, таҥ илена,
Ока йолва ошеммешке.
Высоко-высоко на горе
Развела я маленький огонь.
Пока тот огонь разгорался,
Пошла я за малиной.
На место того огня
Положила я печь малиновые лепёшки.
Пока малиновые лепёшки пеклись,
Распустила я кисти из мишуры.
Давай, дружок, будем жить дружно,
Пока кисти из мишуры не побелеют.
307*. Мемнан тӧрза яндашке
Лӱмет возен кертыч мо?
Омет денат ужылдалын,
Йӱдым кынел шортыч мо?
На оконном стекле
Смогла ли ты написать своё имя?
Увидев его во сне,
Проснувшись ночью, плакала ты?
308*. Йӱмем шуэш, йӱмем шуэш,
Тӧрза вӱдым йӱын мо пайда?
Ужмем шуэш, йолташем мӱндыр,
Омо ден ужын, мо пайда?
Пить хочется, пить хочется,
Что пользы пить воду с подоконника?
Хочется увидеться, но друг мой далеко,
Что пользы видеть во сне?
309*. Молан шовыремым шупшыльыч?
Молан йолемым тошкальыч?
Миньым налшашат отыл улмаш гын,
Молан ондален ашнальыч?
Зачем дёрнул меня за кафтан?
Зачем наступил мне на ногу?
Если не хотел на мне жениться,
Зачем, обманывая, жил?
310*. Так муралтал колталам гын,
Ок кӱл тендан гармоньда.
Лиеш гын, лийже шкемын йолташем,
Ок кӱл тендан йолташда.
Как запою я,
Не нужна и ваша гармонь.
Если будет, пусть свой друг будет,
Ваш друг не нужен.
311*. Моланат, моланат муралшаш да,
Моланат, моланат шӱшкалшаш?
Лапат лийшат шӱмем-мокшем да
Моланат, моланат тарваталшаш?
Зачем же, зачем мне петь,
Зачем же, зачем мне свистеть?
Успокоенную свою душу
Зачем же мне беспокоить?
312*. Тура курыкым кӱзалал ом керт,
Кайыше кайыкым кучен ом керт.
Келшалалме йолташем шоналтен колтем гын,
Пурлалалме пултышемат нелын ом керт.
На крутую гору не могу я взобраться,
Летящую птицу не могу поймать.
Если подумаю о своём друге,
Свой надкусанный кусок не могу проглотить.
313*. Молан, йолташем, сандальым чиенат,
Ала кемет уке мо?
Молан, йолташем, весым кученат,
Ала мине ом йӧрӧ?
Зачем, друг мой, надел ты сандалии,
Или нет у тебя сапог?
Зачем, друг мой, с другой познакомился,
Или я тебе не подхожу?
314*. Ӱштыштӧ шиемат кумло визыт,
Оҥышто шиемат коло визыт.
Ту шийжымат ом вашталте,
Кучымо йолташемат ом кудалте.
На поясе моём тридцать пять серебряных монет,
На груди серебряных монет двадцать пять.
То серебро ни на что я не променяю,
Друга, с которым познакомилась, не брошу.
315. Вуйдам шерза яклаканрак,
Йолдам пидса чоклаканрак.
Чодыранат уке, пунат уке,
Олымым олтен илыше улына.
Ешнат уке, икшывынат уке,
Таҥым кучен илыше улына.
Вольыкем ок лий ыле гын,
Пашажат ок лий ыле.
Таҥемже ок лий ыле гын,
Ойгыжат ок лий ыле.
Лапти обувайте покрепче.
Нет у нас ни леса, ни дров,
Живём мы, топя солому.
Нет у нас ни семьи, ни детей,
Живём, заводя знакомства.
Если бы не было у меня скотины,
Не было бы и работы.
Если бы не было у меня друга,
Не было бы и горя.
316. Лудым колтышым пӱяшке
Йӱжӧ да, кочшо да, лекше.
Комбым колтышым ерышке -
Йӱжӧ да, кочшо да, лекше.
Имньым колтышым олыкышко -
Шӧрмычем кодо кидешем.
Таҥемлан колтышым письмажым -
Лудшо да, шортшо да, шинчыже.
Уток я отправила на пруд -
Пусть попьют, поедят и выйдут.
Гусей я отправила на озеро -
Пусть попьют, поедят и выйдут.
Коня отправила на луг -
Узда его у меня в руках осталась.
Любимому своему отправила письмо -
Пусть почитает, поплачет и узнает.
317. Пел перчаткем йоммешке,
Когынекат йомжо ыле.
Мыйым таҥем кудалтымыжлан
Тудлан вуйжылан толжо ыле!
Вместо потери одной перчатки
Лучше бы обе потерялись.
Из-за того что любимый меня бросил,
Пусть наказание обрушится на его голову!
318. Ачам ыштен изи терым,
Пазар гыч пазарыш кошташ.
Авам ыштен сай тувырым,
Сӱан гыч сӱаныш кошташ.
Авам ыштен мотор шовычым,
Мотор деч моторым ончалаш.
Авам ыштен чеверже годым,
Чевер деч чеверым ончалаш.
Отец сделал мне подсанки,
Чтобы ходить по базарам.
Мама сшила мне платье -
По свадьбам ходить.
Мама сшила мне платок -
Красавцев прельщать.
Мама родила меня в пору расцвета -
Смотреть на самых ярких.
319*. Ой, тумерет, тумерет,
Тумер йымал пистерет,
Пистер йымал арамат,
Арама йымал кукуэт.
Куку йӱкет яндарет
Пистеретым шергылтара.
Тиде пистер коклаште
Мыят таҥемым ужаш вучем.
Ой, дубрава, дубрава,
Под дубравой липняк,
Под липняком - ивняк,
Под ивняком - кукушка.
Звонкий голос кукушки
Оглашает липняк.
В этом липняке
Я жду дружка, чтобы увидеть.
320*. Але мемнан каче уке,
Икте огыл, кумыт уло.
Кокытшо гын, ыжал огыл,
Иктыже гын, пешак жал.
Йӧралташ гын, йӧралташ,
Иктым веле йӧралташ.
Кутыраш гын кутыраш,
Икте ден веле кутыраш.
Разве у нас женихов нет?
Не один, а трое есть.
Двоих из них не жаль,
Одного вот очень жаль.
Если любить, то любить,
Только одного любить.
Разговаривать так разговаривать,
Только с одним разговаривать.
321*. Ломбо пеледыш, ош пеледышет -
Мӱкш оталыш пеледышет.
Ломбо пеледыш, ош пеледышет,
Жап йотке веле отала.
Мемнан таҥжат - ломбо пеледыш -
Жап йотке веле отала.
Цветы черёмухи, белые цветы
Цветы для обмана пчёл.
Цветы черёмухи, белые цветы,
Обманывают только на время.
Наш друг, как цвет черёмухи -
Обманывает только на время.
322*. Силой-милой кукужо
Куэрла вуетым таҥлалеш.
Силой-милой шӱшпыкшӧ
Ломбо вуетым таҥлалеш.
Коҥганурын качыже
Шемыж ден ошыжым таҥлалеш.
Таҥлалеш гын, таҥлалеш,
Мемнан деч моторжым ок муылдал.
Красивая-милая кукушка
Выбирает берёзовую верхушку.
Изящный-милый соловей
Выбирает верхушку черёмухи.
Жених Конганура
Отбирает среди тёмных и светлых.
Отбирает так отбирает,
Красивее нас не найдёт.
323*. Пазарыш мийышым, солыкым нальым,
Пеш мотор да пеш шерге.
Коштын-коштын, таҥетым кучышым,
Пеш мотор да пеш мӱндыр.
Сходила я на базар, купила платок,
Очень красивый, но дорогой.
Ходила, ходила, завела друга,
Очень красивый, но вдалеке.
324*. Кожла йымак ида пурал -
Пӱгыльмӧ возеш вуешда.
Олмапу йымак ида пурал -
Олмаже возеш вуешда.
Мотор манын ида куанал -
Ойгыжо возеш шӱмешда.
Не заходите в лес -
На голову вам шишка упадёт.
Не лезьте под яблоню -
Яблоко упадёт вам на голову.
Не радуйтесь тому, что он красивый, -
Грусть западёт в вашу душу.
325. Терет-терет манын ида ман,
Тер деч поена толын онал.
Тагынаш шинчын каяш ок лий,
Таҥ деч поена илаш ок лий.
Не говорите - сани-сани,
Без саней мы не приехали.
Сев в корыто, нельзя поехать,
Без друга нельзя жить.
326. Ший кидшолет, той кидшолет
Кид йыжыҥем коклаште.
Ший шергашет, той шергашет
Парням йыжыҥ коклаште.
Кугунур каче-шамычше
Шӱмем-кылем коклаште.
Серебряный браслет, медный браслет
На суставах моих рук.
Серебряное кольцо, медное кольцо
На суставах моих пальцев.
Женихи Кугунура
У меня в сердце.
327. Корныжат кужу, алашажат пакма,
Кӧн шинчылдал кайымыже шуэш?
Шӱльыжат кӱчык, аҥажат лопка,
Кӧн шогалал тӱредмыже шуэш?
Вӱдшат келге, сержат тура,
Кучалал лекташ арамаже уке.
Тышечшат шомак, тушечшат шомак,
Аралал налше таҥна уке.
И дорога длинная, и мерин вялый,
Кому захочется сесть и ехать?
И овёс короток, и участок широкий,
Кому захочется встать и жать?
И вода глубока, и берег крут,
Нет ивы, чтобы, держась за неё, выйти.
И отсюда - слухи, и оттуда - слухи,
Нет у нас защитника-друга.
328. Чодыра вует кож-гож-гож,
Пӱнчӧ лыгет лыб-лыб-лыб,
Шопке вует выр-выр-выр,
Писте вует лыж-лыж-лыж.
Шинчавӱдшат йор-йор-йор,
Изи шӱмжат пырт-пырт-пырт.
Мӱндыр куэн укшыжо
Выньыклан гын веле йӧра.
Лишыл куэн лышташыже
Лӱҥгаш налаш йӧралеш.
Осал таҥет воктенет гын,
Шӱмет-кылет кӱрлалеш.
Поро таҥет воктенет гын,
Шӱмет-кылет нӧлталтеш.
Верхушка леса шумит,
Чешуя сосновой коры трепещет,
Верхушка осины кружится,
Верхушка липы шелестит.
Слёзы ручьём текут,
Маленькое сердце бьётся.
Ветви дальней берёзы
Годятся только для веников.
Листья ближней берёзы
Годятся для игры на них.
Если рядом с тобой злой друг,
Сердце твоё разорвётся.
Если рядом с тобой добрый друг,
У тебя дух поднимается.
329*. Ончылан ӱшталме ончылшовычем
Кокыте кушкедлыш, мом ыштем?
Ончен коштмо ош моторем
Кокытым шоналеш, мом ыштем?
Повязанный спереди передник
Порвался надвое, что поделаю?
Красавец-блондин, с которым дружила,
О двоих думает, что поделаю?
330. Виче вӱдым вончалаш
Лышташ деч вичкыж пуш кӱлеш.
Лышташ деч вичкыж пуш савыраш
Тасма деч вичкыж кольмо кӱлеш.
Мотор деч мотор уна ончаш
Порсын деч ныжыл кумыл кӱлеш.
Мотор деч моторым шупшын налаш
Мотор деч моторрак лияш кӱлеш.
Чтобы перейти через реку Вятку,
Нужна лодка тоньше листка.
Чтобы развернуть лодку, что тоньше листка,
Нужно весло тоньше тесьмы.
Чтобы ухаживать за красивыми гостями,
Нежнее шёлка нрав нужен.
Чтобы отнять самого красивого,
Нужно быть красивее красивой.
331. Клат воктенемат ит каялал -
Варсеҥге пыжашым пудыртет.
Тӧрза йымачат ит каялал,
Мемнан пӧртым сургыктет.
Йыдал керемым ит тошкал -
Еҥ ужеш, еҥ шижеш.
Кидетым рӱзалал, шинчатым шыматал,
Вара тыйым чон шижеш.
И около моей клети не ходи -
Разрушишь гнездо ласточки.
И под окнами моими не ходи -
Сотрясёшь наш дом.
Не наступай на верёвки лаптей -
Люди увидят, люди заметят.
Рукой помаши, глазом подмигни,
Тогда душа моя тебя заметит.
332. Уло шорыкемлан, уло шорыкемлан
Шайык шудым пуэнам.
Йолташемын йолташыже колалеш гын,
Путан сортам чӱктен кумалам.
Всем своим овечкам
Дала я копну сена.
Если подруга моего любимого умрёт,
Зажгу пудовую свечу и помолюсь.
333. Ой, йолташем, йолташем,
Молан кудыр упшет упшалын отыл?
Кудыр упшет упшалат гын,
Пычкемыш йӱдыштат палем ыле.
Пычкемышат ом ман ыле,
Лӱмын налаш лектам ыле.
Межгем ден лектам, йолташем шижеш,
Пашмак йола лектам ыле.
Ой, дружок мой, дружок,
Зачем не надел каракулевую шапку?
Если бы надел каракулевую шапку,
То и тёмной ночью тебя узнала бы.
И не сказала бы, что темно,
Специально вышла бы встречать.
Если б вышла в валенках* приятель мой заметит,
Выйду в башмаках.
334*. Тыгежат огылат, йолташем,
Тугежат огылат, йолташем.
Таки кудалташ шоненат гын,
Арам чонем ит йӱлалте.
И не так, друг мой,
И не эдак, мой друг.
Если всё же решил меня бросить,
Не тревожь зря мою душу.
335*. Мемнан ушкал олымым ок коч,
Кочкеш ужар шаршудым.
Мемнан йолташ шукын ден коштеш,
Шукыжым тудланак оталалтеш.
Наша корова не ест солому,
Она ест зелёную топтун-траву.
Наш дружок со многими гуляет,
Поэтому часто обманывается.
336. Укш лоҥгаште куку мура,
Мыйын чоным йӱлалтарен.
Мыят коштам чашкерлаште,
Иктым тыйым шонкален.
Мые тый нергенет
Шонен коштам кеч-куштат.
Уш гыч от лек, мотор таҥем,
От лек тые нигунам.
Мые тыйым мондем гынже,
Илаш огыл ош тӱняште.
Тые мыйым мондет гынже,
Шӱктет ышке илышетым.
Ой, чонемжат-кумылемжат
Порсын семын рончылтеш.
Ой, таҥемжат, тыйын верчын
Кӧргӧ чонем чылт йомеш.
Тый муретым мурет гынже,
Эре колыштмем веле шуэш.
Возен колтымо сай письматым
Эре лудмем вел шуэш.
Среди ветвей поёт кукушка,
Волнуя мою душу.
Я хожу в чаще,
Думая о тебе одном.
Я о тебе
Думаю всюду.
Из моих мыслей не уходишь, красивый друг,
Не уходишь никогда.
Если я тебя забуду,
Не жить мне на белом свете.
Если ты меня забудешь,
Сгноишь свою жизнь.
Ах, мои чувства
Подобно шёлку распускаются.
Ах, дружок, из-за тебя
Моя душа совсем пропадает.
Если ты поёшь песню,
Всегда хочется мне слушать её.
Посланное тобою доброе письмо
Всегда хочется мне читать.
337. Вӱдлан кайымаш корныштем
Тичмаш тылзетым ужылдышым.
Тичмаш тылзе гай ӱдыр йолташем,
Кснеге пеледыш гай каче йолташем.
Толын огыл йолташем, толын огыл йолташем,
Толеш гын, йӱкшӧ гычынак палем.
Оҥгыр гай йӱкан, изирак капан,
Шоптыр шинчан шем яндар.
Ни ужарге, ни йошкарге
Мыйын уке перчаткем.
Ни ялыште, ни йотышто
Мыйын уке йолташем.
Тӧр тӧрзатым комдык почын,
Кӧлан тӱрым тӱрлышыч?
Лаж вӱд пашма ӱмбалнет
Кӧлан йӱкын магырышыч?
По дороге за водой
Увидела я полную луну.
Подруга моя, словно полная луна,
Жених мой, как земляничный цветок.
Друг мой не пришёл, не пришёл мой друг,
Если бы пришёл, то узнала б его по голосу.
Звонкоголосый, небольшого роста,
Черноглазый красавец-брюнет.
Ни зелёных, ни красных
Нет у меня перчаток.
Ни в своей деревне, ни на чужой стороне
Нет у меня друга.
Настежь открыв свои окна,
Для кого ты вышивала?
На мостике через речку Лаж
Из-за кого ты ревела навзрыд?
338. Тений гына шудым мый солальым,
Пурмыла-лай вачемым модыктен.
Таҥемже, мыйжым кудалтет гын,
Кум иешкен чонетым йӱлатем.
Кум иешкен чонетым йӱлатем,
Ӱмырет мучко уш гыч ом кае.
Нынче косила я траву,
Играя своей правой рукой.
Друг мой, если меня бросишь,
Три года буду жечь твоё сердце.
Три года буду волновать твою душу,
Вовеки меня не забудешь.
339. Кушто мыйын ош шовычем -
Канде тӱран, пеледышан?
Кушто мыйын йӧратыме таҥем -
Мый верчынем шонышо?
Кеч йӱр йӱржӧ, кеч лум лумжо,
Ош шовычем ок шемем.
Кеч еҥ ужшо, кеч еҥ ойлыжо,
Шке таҥем ом кудалте.
Йӱржат йӱрӧ, лумжат лумо,
Кукшо корем ыш кошко.
Таҥем дене кутырышым -
Шинчавӱдем ыш кошко.
Где мой белый платок -
С голубыми краями, цветастый?
Где мой любимый друг,
Который думает обо мне?
Пусть дождь льёт, пусть снег идёт,
Белый мой платок не потемнеет.
Пусть люди видят, пусть говорят,
Своего друга я не брошу.
И дождь полил, и снег пошёл,
Сухой овраг не высох.