707*. Шыдаҥ пырче гыч чывыш шуым,
Чыве гычын лудыш шуым,
Лудо гычын комбыш шуым,
Комбо гычын ош шорыкыш шуым,
Ош шорык гыч ош тунаш шуым,
Ош туна гыч ош вӱльыш шуым.
От пшеничного зёрнышка получила курицу,
Через курицу заимела утку,
Через утку приобрела гуся,
От гуся дошла до белой овцы,
Через белую овцу обзавелась белой тёлкой,
От белой тёлки заимела белую кобылу.
708*. Изак-кугак рвезе-влак,
Миньим модаш пурталза!
Маленькие и большие мальчишки,
Пустите меня к себе играть!
709*. Кожлашкыжат мияльым,
Кожла шудым пурлальым,
Купышкыжат мияльым,
Куп шудыжым пурлальым.
Пел водарем шӧр уло,
Пел водарем ӱй уло.
Игем-влак, почса!
Сходила я в лес,
Пощипала лесной травы,
Сходила я и на болото,
Пожевала болотной травы.
Пол-вымени у меня молока,
Пол-вымени масла.
Дети мои, откройте!
710*. Атийже, атийже
Вопшым шуа,
Мыйже, мыйже
Мӧрым погем.
Отец мой, батюшка
Срезает борть,
А я, а я
Клубнику собираю.
711*. Пӱчӧ:
Эй, марий, марий,
Ит лӱй, ит лӱй, ит лӱй!
Ватетат колен кия,
Икшыветат магырен шинча.
Руашетат велын шинча,
Пӧртетат йӱгӱштӧ.
Эй, марий, марий,
Ит лӱй, ит лӱй, ит лӱй!
Олень:
Эй, мари, мари,
Не стреляй, не стреляй, не стреляй!
Жена твоя лежит умирает,
И дети твои сидят ревут,
И тесто твоё выливается,
И в доме холодно.
Эй, мари, мари,
Не стреляй, не стреляй, не стреляй!
712. Рывыж:
Тумна, тум-тум,
Ик игетым кудалте, тум-тум,
Кӱзенат кочкам, тум-тум,
Воленат кочкам, тум-тум,
Ик игетым кудалте, тум-тум!
Лиса:
Сова, тум-тум,
Одного птенца брось, тум-тум,
Как залезу - съем, тум-тум,
Как спущусь - съем, тум-тум,
Как срублю - съем, тум-тум,
Одного птенца брось, тум-тум!
713. Пий:
Тыге-туге, мо туге?
Молан туге, мо туге?
Капем изи, вуем шӧртньӧ -
Тушман пирым ондалышым!
Йыван:
Тӱп-тӱп тӱмырет,
Лил-лил шӱвырет.
Ондален коштшо пиретым
Ондален коден она керт мо?
Тага:
Чапе-чапе чапаем
Могане курыкым ок кӱзӧ?
Ты киялше сут пиретым
Ӧргал сӱмырен омыл мо?
Имне:
Тӱжем шӱдӧ шар пырчем,
Йошкар пота почеем!
Чымешталын чумалын,
Пирылан ушым пуртышым.
Чылан:
Ӱстел йолет - ныл йолет,
Могай кочкышым ок нумал?
Тыгай кугу ушна дене
Могай тушманымат она сеҥе!
Собака:
Вот так-то, так-то,
Отчего так да почему так?
Ростом мал, да ум золотой:
Обманул волка - врага!
Иван:
Тюп-тюп барабан,
Лил-лил волынка.
Хитрого волка
Можем и мы обдуть!
Баран:
Ножки, ножки, мои ножки
Осилят горы любые.
Этого волка убитого
Не я ли сумел забодать?
Конь:
Тысяча сто волосков -
Мой красивенький хвост.
Что есть мочи лягнул
И волка злого победил!
Все:
У стола четыре ноги,
На столе разная еда.
Мы сильны и умны,
Любого мы победим врага!
714. Вӱдонын уныкаже-влак кугыза почет серышке лектыт, куанен воштыл-мурен кодыт:
Кертна, ха-ха-ха!
Кертна, ха-ха-ха!
Айдеме чоным налына.
Латкок ведра арака дене,
Латкок ведра пӱрӧ дене
Ший пӱян Ший Пампалчым
Налдалаш миена!
Мурым меже мурена,
Ший пӱянлан ме мурена,
Тылзе гане чурийже,
Шӱдыр гане шинчаже.
Ӱдыр-влак:
Латкок ведра аракана уло,
Латкок ведра пӱрына уло.
Ший пӱян Ший Пампалчым
Налдалаш каена!
Рвезе-влак:
Ӱдыр налаш каена,
Ший пӱянлан шунена.
Чевер тылзе-моторетым
Налылдалаш каена.
Ший Пампалче:
Ой, акаем, акаем!
Порсын лӱҥгалтышетым колталал!
Вӱдкувает мыйым кучынеже,
Изирак эргыжлан наҥгайынеже.
Вашмут:
Ай, ом ярсе, ом ярсе,
Киндым коҥгашке кышкем.
Ай, ом ярсе, ом ярсе,
Коҥга гыч киндым луктам.
Ший Пампалче:
Ой, акаем, акаем!
Порсын лӱҥгалтышетым колталал!
Шӱртӧ пырче веле кодын,
Кугу пӱнчӧ йӧралтеш!
Внуки Водяного:
Победили, ха-ха-ха!
Победили, ха-ха-ха!
Сумеем взять душу ещё одного человека.
Взяв двенадцать вёдер вина,
Взяв двенадцать вёдер пива,
Отправимся мы все за Сереброзубой
Серебряной Пампалче!
Поём, поём мы песню,
В честь Сереброзубой поём.
У неё щёки, как луна,
У неё, как звёзды, глаза.
Девушки:
Есть у нас двенадцать вёдер вина,
Есть у нас двенадцать вёдер пива.
Идём за Сереброзубой Пампалче,
Чтобы сосватать её.
Парни:
Идём за невестой,
За Сереброзубой Пампалче,
Красивой, как месяц,
Сватать едем мы.
Серебряная Пампалче:
Ой, сестрица, сестрица!
Спусти свою шёлковую качель!
Меня хочет поймать Водяная старуха -
Хочет выдать за младшего сына.
Ответ:
Ой, недосуг, ой, недосуг мне,
Ставлю в печку хлеб печь.
Недосуг мне, недосуг,
Достаю из печи хлеба.
Серебряная Пампалче:
Ой, сестрица, сестрица!
Спусти свою шёлковую качель!
Сосна стоит на волоске,
Скоро она рухнет.