СЛУЖБА СВЯТОЙ БЛАЖЕННОЙ КСЕНИИ ПЕТЕРБУРГСКОЙ




ТРОПАРЬ, глас 7:

Нищету Христову возлюбивши,/ безсмертныя трапезы ныне наслаждаешися,/ безумием мнимым безумие мира обличивши,/ смирением крестным силу Божию восприяла еси,/ сего ради дар чудодейственныя помощи стяжавшая,/ Ксение блаженная, моли Христа Бога// избавитися нам от всякого зла покаянием.

Богородичен, глас 7:

Яко нашего воскресения сокровище, / на Тя надеющияся, Всепетая, / от рова и глубины прегрешений возведи; / Ты бо повинныя греху спасла еси, / рождшая Спасение наше. / Яже прежде рождества Дева, и в рождестве Дева, / и по рождестве паки пребываеши Дева.

Кондак, глас 3:

Днесь светло ликует град святаго Петра,/ яко множество скорбящих обретают утешение,/ на твоя молитвы надеющеся,/ Ксение всеблаженная,// ты бо еси граду сему похвало и утверждение.

КАНОН, глас 1

 

1. Помогшему Богу во Египте Моисеови,/ и тем фараона со всевоинством погрузившему,// победную песнь поим, яко прославися.

 

3. Да утвердится сердце мое в воли Твоей, Христе Боже,/ Иже над водами небо утверждей второе// и основавый на водах землю, Всесильне.

 

Катавасия 3, глас 8: Небеснаго круга Верхотворче, Господи, и Церкви Зиждителю, Ты мене утверди в любви Твоей, желаний краю, верных утверждение, Едине Человеколюбче.

 

4. Услышах Господи слух Твой и убояхся/ разумех дела Твоя, пророк глаголаше// и прославих силу Твою.

 

5. Светлый нам возсияй Свет присносущный,/ утренюющим о судьбах заповедей Твоих,// Владыко Человеколюбче, Христе, Боже наш.

 

6. Пророка спасл еси от кита, Человеколюбче,/ и мене из глубины прегрешений// возведи, молюся.

 

Катавасия 6, глас 8: Молитву пролию ко Господу и Тому возвещу печали моя, яко зол душа моя исполнися, и живот мой аду приближися и молюся, яко Иона: от тли, Боже, возведи мя.

 

7. Пещь, Спасе, орошашеся,/ отроцы же, ликующе, пояху:// отцев Боже, благословен еси.

 

8. Песнословцы в пещи спасшаго дети,/ и громопламенную преложшаго на росу,// Христа Бога пойте, и превозносите во вся веки.

Катавасия 8, глас 8: Победители мучителя и пламене благодатию Твоею бывше, заповедем Твоим зело прилежаще, отроцы вопияху: благословите, вся дела Господня, Господа.

 

9. Тя, Юже видя Моисей неопалимую купину, и лествицу одушевлeнную, юже Иаков виде, и двeрь небеcную, еюже пройде Христос Бог нaш, песньми Мати чистая величaем.

 

Катавасия 9, глас 8: Воистинну Богородицу Тя исповедуем, спасеннии Тобою, Дево Чистая, с безплотными лики Тя величающе.

 

На хвалитех стихиры, глас 2:

Неисчерпаема есть благодать, юже от Христа/ прияла еси, блаженная,/ темже и мощи твоя божественною силою / непрестанно действуют чудесы, / к нимже притекающии и имя твое с верою призывающии/ от неисцельных болезней исцеляются./ Еяже молитвами, Господи,/ и нас душевных и телесных страстей свободи,// яко Человеколюбец.

 

Слава, глас 8:

Днесь град святаго Петра просвещается,/ мати Ксение, твоими зарями,/ и святый храм Божия Матере Смоленския,/ цветы украшаемь, вопиет ти, угоднице Христова:/ не престай молитися о всех,// празднующих любовию святую память твою.

И ныне, глас тойже:

Владычице, приими молитвы раб Твоих,// и избави нас от всякия нужды и печали.

 

Стихиры на стиховне, глас 1.

Тебе на дрeве пригвождшагося плотию,/ и живот нaм подaвшаго,// яко Спаса и Владыку поим непрестaнно.

 

Слава, и ныне. Агнца, агница и всенепорочная Владычица,/ на Кресте яко видевши зрaка не имyща, ни доброты,/ увы мне, плaчущи глаголаше:/ где доброта твоя зaйде сладчaйший;/ где благолепие;/ где благодaть сияюща, образа твоего,// Сыне мой любeзнейший.

НА ГОСПОДИ ВОЗЗВАХ: стихиры, глас 8:

Блаженная Ксение богомудрая,/ чистая твоя душа,/ правоверным смыслом сияющи/ и облистающи добродетелей светлостьми,/ озаряет верных исполнение,/ бесовскую тьму отгоняющи./ Темже тя, яко причастницу невечерния благодати,// ублажаем благочестно вси, досточудная.

Блаженная мати,/ основание положивши добродетели,/ древняго человека с похотьми совлекшися,/ во Христа облеклася еси воистину./ Темже и победила еси многия вражия ополчения,/ наставница была еси многим людем/ града святаго Петра,// Ксение достохвальная.

Богоугодным житием укрепляющися,/ страсти плотския от души отгнала еси,/ угоднице Христова,/ темже к божественней жизни преставилася еси/ и с лики праведных водворяешися./ Сего ради почитаем тя священными песньми/ и радостно восхваляем,// Ксение всеблаженная.

Слава, глас 6:

Кто не удивится,/ кто не прославит,/ кто не воспоет во Христе/ мудрое и преславное житие твое, мати Ксение,/ яко и по святем преставлении твоем/ подаеши притекающим верою врачевание богатное./ Темже воспеваем Благодателя Бога,/ явившаго тя, блаженную,// ко исцелению↑ душ и телес наших.

 

ВЕЛИЧАНИЕ: Величаем тя,/ святая блаженная мати Ксение,/ и чтим святую память твою,/ ты бо молиши за нас// Христа Бога нашего.

 

Прокимен, глас 4: Дивен Бог во святых Своих, Бог Израилев.

 

Причастен: В память вечную будет праведник, от слуха зла не убоится.





©2015-2017 poisk-ru.ru
Все права принадлежать их авторам. Данный сайт не претендует на авторства, а предоставляет бесплатное использование.

Обратная связь

ТОП 5 активных страниц!