Акафист Пресвятей Богородице
в честь чудотворныя иконы Ея
«ЗА ДЕРЖАВУ РОССИЙСКУЮ СКОРБЯЩАЯ»
и икону святых Царственных мучеников осеняющая»
Кондак 1
Взбранная Воевода, Покров земель Русских и Оружие Непобедимое, яко избавльшеся от злых светом Трисолнечным благодати Твоея, благодарственное восписуемТи, раби Твои, Богородице Всемилостивая, но яко имущая Державу Непобедимую, заступи, спаси, воскреси Державу Российскую, да зовем Ти: Радуйся, СкорбящаяМати, за Державу Российскую слезы проливающая.
Икос 1
Вышшиеси всех Ангел и Архангел и всея твари Честнейшая, БогоизбраннаяНевесто, благоизволилаеси в сие тяжкое предантихристово время дати икону Твою Чудотворную, да не погибнем люто без покаяния, но велегласно возопием:
Радуйся, Пресветлая Мати, за Державу Роосийскую неизреченно скорбящая;
Радуйся, Жено, облеченная в Солнце, на главе Ея венец из двенадцати звезд, Ея же Святый Иоанне Богослове созерцающе;
Радуйся, до времени на луну, яко символ власти Царской на земле не опирающаяся;
Радуйся, в Свои Пречистыяруце бремя Державной власти в России принимающая;
Радуйся, для нового Царя Державу Российскую верно сохраняющая;
Радуйся, Грядущему Государю Российскому Державную Корону сокровенно передающая;
Радуйся, православному Царю Российскому «Скипетр железный» вручающая;
Радуйся, Непобедимое Оружие Ему от Господа над антихристом пред Страшным Судом дарующая;
Радуйся, Скорбящая Мати, за Державу Российскую слезы проливающая.
Кондак 2
Видящипокаянныя моления и слезы приносящаго, изволила есидаровати образ Свой Чудотворный и вразумила о названии его. После сего, услышав повеление Пречистой Госпожи Богородицы Владычицы о написании иконы, Сергиеслезящи, руце простирая, умильно возопие: Аллилуиа.
|
|
Икос 2
Разум чистый даровала ему, яко Образу сему над иконой Святых Царственных мучеников и страстотерпцев находиться подобает, ибо Державную власть над Россией со смирением и скорбью приняла Владычица мира. На сие Ангелы, одевающии поверх Всецарственной короны Державную корону на Пречистую Главу Твою указуют, да воспоем Тисицевая:
Радуйся, над Российскою землею Покров Свой простирающая; Радуйся, землю, яко последний Удел Свой, сугубо сохраняющая;
Радуйся Непобедимое Оружие Последнему Уделу Своему являющая;
Радуйся, Святую Семью Царскую нам в пример жизни по Бозе и мученической кончине за Христа поставляющая;
Радуйся, через тяжкие скорби и испытания Россию к великой славе приводящая;
Радуйся, светом Райским нас на земли сокровенно озаряющая;
Радуйся, Ея же и весь мир недостоин, молитвами и слезами нас омывающая;
Радуйся, к познанию Сына Своего приводящая и крилами риз Своих укрывающая;
Радуйся, Скорбящая Мати, за Державу Российскую слезы проливающая.
Кондак 3
Сила Вышняго, хранящи икону Твою, Богомати, осенила еси чертог раба Твоего преизобильноюблагодатию, Святии Божии незримо подходящи, лобызали новоявленный Образ Твой, елеем умащенный от множества Чудотворных икон Божией Матери и Святынь, благоухание преизобильно источающий, и мы вслед им возопием: Аллилуиа.
Икос 3
Имущи сокровище иконы Твоея, Пречистая Госпоже, поставлена была в чертоге раба Твоего и отогнала еси клеветы вражии, мы же, прославляя Матерь Божию, тако поем:
Радуйся, благодатию Духа Святаго Образ Твой наполняющая;
Радуйся, со слезами за Россию, пред Престолом Божиим предстоящая;
Радуйся, за покаяние гнев Божий от нас отводящая;
Радуйся, отвергнуться себя, взять Крест свой и следовать за Христом научающая;
Радуйся, презирати плоть ради спасения души наставляющая;
Радуйся, чистоту Евангельскую и жизнь по вере нам усвояющая;
Радуйся, сердца наша добру и милосердию устрояющая и покаянием двери райския отверзающая;
Радуйся, Скорбящая Мати, за Державу Российскую слезы проливающая.
|
|
Кондак 4
Бури искушений и бед избави нас Владычице Премилостивая. Во дни нестроения явилася икона Твоя, Пресвятая Дево, на воздусе благочестивой девице, и от обаза Твоего лучи видящи, разумев, яко сии, Непобедимому оружию подобно, бесов множество внизу попаляюще и уничтожаще. Вернии же, услышав чудо сие, пояху Матери Божией: Аллилуиа.
Икос 4
Видяще Твое против полчищ сатанинских дерзновение, Ангелы с радостиюподвигошася на заступление людей царелюбивых и отвергших печать Антихриста, да укрепятся в стоянии за Христа и Помазанника Его даже до смерти и молятся Ти с любовиютако:
Радуйся, яко Солнце незаходимое сияющая;
Радуйся лучами благодати Божией души очищающая и бесов испепеляющая;
Радуйся буйству евангельскому нас научающая;
Радуйся о скоротечном времени и безумии жизни для мира сего нам возвещающая; Радуйся, стяжания духа Святого и безстрастия яко цель жизни по Бозе нам поставляющая;
Радуйся молитвами ко Господу и послушанием радостным нас спасающая;
Радуйся, СкорбящаяМати, за Державу Российскую слезы проливающая.
|
|
Кондак 5
Боготечную звезду, мироточивую икону Святаго Царя Николая, узревши отроцыхристианскии, и от скорых чудес и исцелений от нея подаваемых Господом, ревностию по славе Святых Царственных мучеников и страстотерпцев воспламенишася, от дел рук своих послужиша к написанию Образа Чудотворнаго Святой Царской Семьи и воспели в веселии Богу: Аллилуиа.
Икос 5
Видящи и слышащи чистоту помыслов отроков христианских Пречистая Госпожа Богородица дску при освящении для будущей иконы даром чудес от Господа обогати. Служащий инок от астмы исцелися и все, бывшие при сем, хвалу воздали Преблагословенней таковую:
Радуйся, всех царелюбивых людей скорое вспоможение;
Радуйся, недугов душевных и телесных чудное уврачевание;
Радуйся, очищение и исправление нам подающая;
Радуйся, целомудренных отроков и отроковиц материнским благословением не оставляющая;
Радуйся, помыслами чистейшими нас в жертву угодную Господу приносящая; Радуйся, уста наша благодарением Господу за всё исполняющая;
Радуйся, для православного Царя Державу Российскую верно сохраняющая;
Радуйся, России Заступница, благодатию нас прикрывающая;
Радуйся, Скорбящая Мати, за Державу Российскую слезы проливающая.
Кондак 6
Проповедь любви, кротости и всепрощения мирови возвещающая со Христом, Сыном Твоим, вся горести земныя претерпевшая, Апостола Иоанна и с ним весь род христианский Своему материнскому сердцу усыновившая, ПриснодевоПренепорочная, не отвратись и нас, во тьме изгнания сущих и утешения материнского чающих, да со благодарением Господу зовем: Аллилуиа.
Икос 6
Возсиявшая всей Вселенной, яко дивный Ковчеже Духа, преисполненный Божественныя славы и благодати, о, Дево, Владычице, Пресвятая Госпоже, Мати Пречистая! Возсияй и нам путеводною звездою во мраце скорбных дней наших. Возвесели сердца, во уныние поверженныя, просвети умы, тьмою отчаяния объятые, возстави силы на чужбине иссякающия, умножи веру, укрепи надежду нашу, согрей любовью милосердия ожесточенныя и озлобленныя души, да зрящеТя на Образе, нам внемлющую, молитвенно Тебе зовем:
Радуйся, Мати, в скорбях укрывающая и от отчаяния нас изымающая;
Радуйся, несравненное счастье быть Сосудом, Жилищем и Орудием Духа Божия на земли Собою являющая;
Радуйся, покаяние слезное принимающая и к Сыну Своему возводящая;
Радуйся, надеющимся на Тебя непостыдный конец дарующая;
Радуйся, Помощнице и Заступнице наша, от пленения, напрасныя смерти и нападений вражьих избавляющая;
Радуйся, нас дерзновением пред Богом и ревностию по славе Божией исполняющая;
Радуйся, Скорбящая Мати, за Державу Российскую слезы проливающая.
Кондак 7
Хотяй Владыка всяческих показати, яко жребии сынов человеских не самослучайнии суть, но в деснице Его выну содержатся, даде Святых Царственных мучеников и страстотерпцев Царствам земным заступников и хранителей, да народы к Царствию Божию уготовляют, сего ради вси, ведущии о велицем служении Их ко спасению человеческому, благодарне зовут Богу: Аллилуиа.
Икос 7
Новая чудеса показала еси, Всемилостивая Царице, егда нимб над главою Святаго Государя засветися и трикратно слова: «Скажи об Апокалипсисе» мужеский глас твердо произнесе, сие видя и слыша, иконописца крестныя знамения усердно сотворив, возопие с верою:
Радуйся, сугубую любовь Твою к Святым Царственным мученикам и страстотерпцам являющая;
Радуйся, кротчайшагоСвятаго Царя со Святою Царицею и непорочная чада Их любовию Христу венчающая;
Радуйся, яко молитвы Их за Отечество наше и всякую скорбящую душу христианскую скоро приемлющая;
Радуйся, прошения Царские за солдат и солдатские семьи скоро исполняющая;
Радуйся, Святаго Царя Николая, по достоинству Царскому от Господа прославляющая;
Радуйся, о Близости Страшного Суда чрез Святаго Царя трикратнопредупреждающая;
Радуйся, Святую Семью Царскую, непорочной утверждающая;
Радуйся, Скорбящая Мати, за Державу Российскую слезы проливающая.
Кондак 8
Странные чудеса и преславныеявися на иконе Святой Царственной Семьи, егда образы стали Духом Святым наполнятися и преображатися, а вапыизменятися, то свечи, заженныя в праздник Богоявления Господня у Образов, все седмь, ко святым изображениям поклонишася, а Святаго Царя и Святой Царицы свечи, во единую сливаясь, подолгу догораша. Посему СвятииЦарственнии мученицы и страстотерпцы шаг вперед с иконы сотвориша и назад приступиша, как бы приветствовали припадающих, и научили возглашати: Аллилуиа.
Икос 8
Вся еси в Вышних, Пречистая Владычице, Престолу Царя Славы предстоиши, не далеко еси от нижних, ратуя против врагов спасения рода человеческаго: темжевсивожделеннаго Отечества Небеснагодостигнутихотящии согласно Тебе зовут:
Радуйся, против врагов во всеоружиеБожие нас, яко воинов, облекающая;
Радуйся, премудростию Божественной нас исполняющая;
Радуйся, до смерти за Отца и Сына и Святаго Духа в исповедании стоять укрепляющая;
Радуйся, свитками в руках у Детей Царских о покаянии нас умоляющая;
Радуйся о скором конце мира всех предупреждающая;
Радуйся, Святых Царственных мучеников и страстотерпцев во одеждах белых, яко Агнцев Непорочных, показующая;
Радуйся, Голубица Рая Небеснаго, и Царевен, яко Голубиц, Царю Христу приводящая;
Радуйся, молитвами преподобнаго Серафима Саровскаго и праведнаго Иова Многострадального Святых Царственных мучеников и страстотерпцев прославляющая;
Радуйся, Скорбящая Мати, за Державу Российскую слезы проливающая.
Кондак 9
Вси, бывшииво храме Божием в день памяти Святой Царственной Семьи, в радостный трепет приидоша, видящи чудо мироточения копии иконы Владычицы нашей, на аналои лежащей, и струи мира, стекавшии к Святым Царственным Детям, благоухание издавали предивное, богобоязненнии христиане свои иконы к чудотворному образу приложиша, с Крестным ходом воспели хвалебную песнь Богу: Аллилуиа.
Икос 9
Ветии глаголов и любомудров смысле не довлеют ко изглаголанию силы Твоея, Госпоже Богородице, како Образ Твой и Лики Святых Царственных мучеников и страстотерпцев покаянныя чувства, слезы и исповедание грехов у молящихся вызывают и мы же со смирением взываем Тисице:
Радуйся, яко благочестивии и безхитростнии явлению иконы Твоеясорадуются и умиленные слезы проливают;
Радуйся, Всеблагая, горькие слезы от всякого лица отъемлющая; Радуйся, Светлая Обитель странников и бездомных;
Радуйся, в сие тяжкое время терпением скорбей, клевет и напраслин нас спасающая;
Радуйся, молящихся со слезами за врагов своих, Господу усыновляющая;
Радуйся, молящихся чистым сердцем, причастниками Креста Христова сотворяющая;
Радуйся, СкорбящаяДево, Своими слезами нас от тьмы греха и порока отводящая;
Радуйся, Госпоже Всечестная, простоту, смирение и чистоту в нас скоро видеть хотящая;
Радуйся, Скорбящая Мати, за Державу Российскую слезы проливающая.
Кондак 10
Спастися хотящим буди помощница тверда, Богородице Приснодево, спасаяй нас от суетности привременной жизни, от бед и напастей, паче же от злых навыков и грехов наших, да воспоем в вере, надежде и любви Христове с радостию о предивнемзаступлении Твоем ко Господу Ангелов и человековблагодарне зовем ти: Аллилуиа.
Икос 10
Стена еси христианам спасающимся, Мати Пресвятая, и столп крепок во бранехсо врагами видимыми и невидимыми, сего ради от сетей бесовских Тобою избавляеми, благодарным сердцем и усты зовем Тисице:
Радуйся, Мати, от погибели временной и вечной исхищающая; Радуйся, от оружия, глада, меча и напрасныя смерти сохраняющая;
Радуйся, трезвению духовному и молитве сердечней на всякое время нас научающая;
Радуйся, любовь Твою и помощь скоро простирающая;
Радуйся, от печати антихристовой спасающая и под Всемощный Покров Свой укрывающая;
Радуйся, Взбранная Воевода и Сила Несокрушимая, на всякое время моления нашего не отвергающая;
Радуйся, от Сына Твоего глаголы: «Аще покаются ныне, благодать будет, яко в Лавре Почаевской», — передающая;
Радуйся, Скорбящая Мати, за Державу Российскую слезы проливающая.
Кондак 11
Пение всякое хвалебное приносим множеству чудес Твоих, Благодатная Дево, егда от маленьких копий Образа Твоего исцеления, чудотворения и мироточения происходят, бесов же многоплачевнопоражаеши явлением Пречистаго Лика Твоего, так что одержимые нечистыми духами взгляд отводят и руками коснуться не дерзают. Чистотою же исполнении и праведнии, сердцем благодарным приступают и с любовию и слезами целующи икону Твою, умиленно взывают Царице Всеблагой: Аллилуиа.
Икос 11
Пречистая и Преблагословенная Царице Небеси и земли даровала милость Свою, егда копия иконы Твоея посетила Святую Гору Афон и на вышнюю ея точку вознесена была и старца дивнаго затворника явила по молитве, о сей же возвестил пророчество, научая всех петитако:
Радуйся, при созерцании Образа Твоего в чертог Небесный восхищающая;
Радуйся, чудеса благоухания, мироточений и исцелений от Образа Своего являющая;
Радуйся, непрестанно воспевать Тя научающая; Радуйся, безхитростным и благочестивым икону Свою дарующая;
Радуйся, яко враги веры и благочестия Образа Твоего трепещут; Радуйся, яко старцы и люди боголюбивии от созерцания Образа Твоего во умиление приходят и молитвы обильныя изливают;
Радуйся, Всецарская Царица из Царского рода Давидова происходящая; Радуйся, Скорбящая Мати, за Державу Российскиую слезы проливающая.
Кондак 12
Благодать от Бога испроси всем, поющим во славу иконы Твоея, Госпоже Премилосердная, да осеняеми Твоим заступлением во всяком благочестии и чистоте поживем, дондеже разрешившись смертию от уз плоти, сподобимся предстатиОгнезрачному Престолу Царя Славы и с лики Ангельскими возопити: Аллилуиа.
Икос 12
Поющие многообразныя Твоя чудеса, Владычице Богородице, во спасение рода человеческагосодеянныя, молим Господа и Владыку всяческих, да подаст нам Духа кротости во славе Божией работати и сердце милующее, иже в Тебе, николиже оскудеет и во всех, зовущих Тисице:
Радуйся, Солнце Огнезрачноеродшая;
Радуйся, Вместилище Света Незаходимого;
Радуйся, на всякое время Милующая;
Радуйся, заступающихся за нищих, вдов и сирот и нас Своим заступлением не оставляющая;
Радуйся, души наша в покаянии воскрешающая и ревностию по Бозеустрояющая;
Радуйся, непрестанно взывающих к Тебе, от горьких мытарств избавляющая;
Радуйся, на врага победу дарующая;
Радуйся, СкорбящаяМати, за Державу Российскиую слезы проливающая.
Кондак 13
О, Скорбящая Мати, Пречистая Госпоже, Дево Богородице, Премилосердная Владычице, рыдания Твоя за ны к Сыну Своему возносиши и душеюсраспинаешися Христу за грехи наша, не отврати Лице Твое от нас в слезах простершихся пред Тобою и на милосердие Твое дерзающе, но заступи, спаси, избави, изцели нас, Госпоже Пречистая, к Тебе умильно взываем: Аллилуиа.
(Читаем трижды сей кондак, затем снова 1-й икос и 1-й кондак).
Молитва ко Пресвятей Богородице
пред иконой Ея
«ЗА ДЕРЖАВУ РОССИЙСКУЮ СКОРБЯЩАЯ»
О, Всемилостивая Госпоже Богородице, Пресвтая Царице, Дево Всечестная, Скорбящая за Державу Российскую Мати! Со смирением благодарим Тя о великихбезчисленныхблагодеяних во спасение рода человеческаголюдем Российским от Тебе бывших.
Пред Пречистым Образом Твоим с постоянством и неотступностию молим Тя: ГрядущагоБлагочестивейшаго Государя РоссийскагоВсемощным Своим Покровом покрый и Непобедимое Оружие Ему на врагов даруй. Сохрани Российскую землю от глада, губительства, труса, потопа, огня, меча, нашествия иноплеменных и междоусобныя брани.
Помяни, Владычице, Пресвятая Госпоже Богородице, весь священнический и монашеский чин, согрей сердца их пламенной ревностию по Бозе, достойно звания своего ходитикоегождо укрепи, Престолы и людей от печати антихристовой избави и новому Государю Российскому верно служитисподоби. Спаси, Пречистая, Неизреченно Скорбящая Мати, и вся рабы Твоя и даруй путь земнаго поприща без порока прейти, и возсияй светом святагомилосердия Твоего. Души наша ослепшие просвети, да узрев бездну падения возлюбим Сына Твоего и ближнего своего, и отвергнувшись себе, возьмем Крест свой и пойдем к свету Истины, просвещающей мир.
Сокруши силу зла и пролей в умы наша луч разума Христова, да Тобою спасаемыязде Отечество, а по смерти рай обрящем и Триединому Богу хвалу, благодарение и поклонение возсылаем, ныне и присно, и во веки веков. Аминь.
Пресвятая Богородице, спаси нас!
Подай, Господи, молитвами Царицы Небесной, Утешение страждущей Родине!
Тропарь, глас 1
Скорбящая за Державу Российскую Мати, непрестанно слезы изливаеши за ны, молисяизбавитися от всякия скверны душам нашим.
Тропарь, глас 2
За Державу Российскую Скорбящая Мати, к Тебе умильно взываем, озаряеми Твоим Светозарным Образом, к нему в сокрушении о гресех со слезами вопием: «Сердца наша в покаянии воскреси и к Страшному Суду уготови, Всемилостивая Владычице наша».
Кондак, глас 3
Дева днесь в Солнце облеченная сияет и за Державу Российскую со Святой Царской Семьей слезящи молится Богу: Ангели Державною короною сокровенно Грядущего Царя Русского Романова венчают, СвятииЦарственнии мученицы и страстотерпцы о Страшном Суде предвозвещают: нас бо ради молит ПреблагословеннаяВсеблаженнаго Бога.
Акафист ВОСЬМЕРИЦЕ:
святым мученикам – Царю Николаю,
Царице Александре, Царевичу Алексию,
царевнам Ольге, Татиане, Марии, Анастасии
и мученику Григорию, пророку и чудотворцу
в честь иконы их «ЦАРСКАЯ ГОЛГОФА».
Кондак 1
Избрании Богом святииЦарственнии великомученицы, / Святой Руси небесные заступницы и о людехеямолитвеиницыпредивнии, / благоверный Царю Николае с Царицею Александрою / и Царственнымичады Алексием, Ольгою, Татианою, Мариею и Анастасиею, / купно с великим старцем, пророком и чудотворцем Григорием, / похвальное пение приносим вам с верою и любовию; / вы же, яко имущии дерзновение к прославльшему вас Господу, / оградите нас от всяких зол и бед молитвами вашими, да зовем вас: / Радуйся, святая восьмерицебогоизбранных великомучеников, за Русь Святую пред Богом предстоящая.
Икос 1
Ангелов Творец и всея твари Царь и Господь, судьбы народов и царств по воли Своей управляяй, воздвиже в Руси Святой род Царей благочестивых и избратя, Царю Николае, с Семейством твоим и Другом Царевым старцем Григорием в жертву святую, всеусердную и благоприятную Господу.
Мы же, дивящеся таковому о вас Божию произволению, во умилении поем вам:
Радуйся, ПомазанничеБожий Николае, престола Царства Российскаго украшение;
Радуйся, Царице Александро, премудрых жен христианских красото и славо.
Радуйся, Царевичу Алексие, жертва непорочная, Богу принесенная;
Радуйтеся, истиннии невесты Христовы и страдалицы Ольго, Татиана, Мария, Анастасие.
Радуйся, человече Божий пророче и чудотворчеГригорие;
Радуйтеся, всем сердцем Христа возлюбившии и верность Ему даже до смерти сохранившии.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 2
Видя сердцеведец Господь твердое изволение твое верою и правдою послужити Богу и народу твоему, благоизволилесипомазатитя, боголюбивый Царю Николае, на Царство Российское; ты же приял еси венец Царский яко послушание, Богом данное, и многия труды и скорби подъял еси ради богопредстояния и благоденствия Святой Руси, воспевая давшему ти благодать и силу ангельскую песнь: Аллилуиа.
Икос 2
Разумом светлым и сердцем чистым воле Божией повинуяся, яко благое иго Христово бразды правления Державы Российския приял еси, праведный Царю Николае. Наипаче же поревновал еси храмов и обителей иноческих созиданию, святых угодников Божиих прославлению и Православные Церкви утверждению. Сего ради, ревность твою в служении Царском прославляюще, зовем ти таковая:
Радуйся, от юности сердце твое Господевипредавый;
Радуйся, ПомазанничеБожий, Духом Святым осененный.
Радуйся, Самодержец, скипетр Царский достойно носивый;
Радуйся, Царское служение со страхом Божиим совершавый.
Радуйся, душу твою за веру, народ и Отечество положивый;
Радуйся, нетленным венцем от Царя Царей увенчанный.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 3
Силою свыше укрепленный, тяжкий крест служения Богу, Отечеству и народу твоему мужественно подъял еси, святый Царю Николае; такожде и всем народам православным заступник явился еси, егда воздвиг славное воинство русское во спасение единоверныястраны Сербския, на брань победоносную против врагов России и Православия. О сем воспеваем укрепившему тя Богу: Аллилуиа.
Икос З
Имущи в сердце твоем твердое упование на всесильную помощь Божию и пламенное желание Святой Руси послужити, глаголал еси благоверный Царю Николае: несть тоя жертвы, юже аз не принесл бы благо Отечества моего. Такожде научи и нас за Христа и Русь Святую души своя полагати, заповедь любви исполняюще, и воспевати тебе, святчеБожий, похвалы сия:
Радуйся, Третьего Рима державный столпе и ограждение;
Радуйся, людем и странам православным добрый покровителю.
Радуйся, закона и правды непоколебимый хранителю;
Радуйся, лукавыя советы врагов России презревый.
Радуйся, словесам богомудрым старца Григория всем сердцем внимавый;
Радуйся, купно с Семейством твоим скорби народа понесший.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 4
Бурю искушений лютых воздвиже отец лжи диавол на Царство твое, Помазанниче Божий, дабы злобою, клеветою и коварством богоотступников погубити Русь Святую и Веру Православную. Ты же, Государь благоверный, братоубийства в Державе твоей избегнутичающе, данную ти власть и славу оставил еси, умоляя Господа, да сохранит во Святой Руси верных Богу и поющих Ему: Аллилуиа.
Икос 4
Слышаще и видяще Отечества твоего разорение, молился еси, кроткий Царю, да спасет Пресвятая Богородица Дом Свой Русь Святую, и се явися образ Ея, именуемый «Державная», идеже прият Царица Небесная скипетр и державу из рук отверженнаго народом Царя земнаго. И бысть сие явление в радость велию всем верным, поющим тебе похвальная:
Радуйся, Царский венец на терновый пременивый;
Радуйся, смирению Христову с любовиюподражавый.
Радуйся, якоже Иов многострадальный праведность в скорби явивый;
Радуйся, покрову и заступлению Матери Божией страну твою вручивый.
Радуйся, Царскую порфиру кровиюсвоеюобагривый;
Радуйся, с Семейством твоим и старцем Григорием единодушно на Голгофу возшедый.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 5
Богосветлою звездой явиласяеси, славная Царице Александро, приявши веру Православную и всем сердцем возлюбившая молитву, храмы Божии и святых отец творения. Такождево благочестии воспитала еси чада твоя и уготовала еси их в жертву благоприятную и непорочную за Христа, воспевая Ему благодарственную песнь:
Аллилуиа.
Икос 5
Видя любящий Господь крепость веры твоея и силу терпения, пречудная Царице Александро, дарова тебе вкупе с возлюбленным супругом твоим и чадами вашими чашу горьких страданий испити и мученический венец прияти. Ты же, подражающе закланному Агнцу Христу, кротко вся претерпела еси и во обители горниядушеювозлетелаеси. О сем, поминающевольныя страдания твоя, святая Царице и мати, воспеваем ти таковая:
Радуйся, в сиротстве твоем Материю Божией восприятая;
Радуйся, Феодоровскому образу Владычицы посвященная.
Радуйся, любовию пламенной Богом одаренная;
Радуйся, православных святынь почитательнице.
Радуйся, с супругом твоим в любви и благочестии пожившая;
Радуйся, Царственным чадам твоим мати любвеобильная.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 6
Проповедницы славы Божией и ревнители истиннаго благочестия явилисяеси, святииЦарственнии супруги Николае и Александро, и образ брака благословеннаго, союза любвесвятагопоказасте возлюбленным чадам вашим и всем чтущим вас; да воспевают благодарственно прославльшему святость вашу Богу: Аллилуиа.
Икос 6
Возсиялиесиво Святой Руси, яко звезды, боговенчаннии супруги Царю Николае и Царице Александро, праведным житием вашим, в делехлюбве, милосердия, веры; вы бо чад ваших во благочестии и любве воспитали еси; с ними же в заточении от богоборцев сущи, веру, надежду и любовь к Богу сохранили есте и, мученическую кончину претерпевше, причастницы Царства Небеснагосоделастеся. Темже, яко Святой Руси покровители, молите Бога о спасении Отечества вашего и всех, с любовию чтущих вас и поющих вам сицевая:
Радуйтеся, истинный образ супружества христианского явившии;
Радуйтеся, любовь небесную в житии своем показавшии,
Радуйтеся, нищих и убогих милостивии покровители;
Радуйтеся, смирением Христовым щедро украшении.
Радуйтеся, изгнаннии правды ради, яко ваше есть Царство Божие;
Радуйтеся, яко мзда ваша многа на Небесех.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 7
Хотя человеколюбец Господь радость явитилюдем российским, дарова им светлаго отрока Царевича Алексия, дивнаго молитвенника и заступника нашего.
Сей бово смирении сердца глаголал еси: аще бы мне царствовати на Руси Святой, да не обрящутся в ней скорбнии и нищие, но все счастливы будут. Егда же многия недуги, скорби и убиение от богоборцев претерпев, в Царство Небесное возшелеси, великомученичесвятый, тамопрославльшемутя Господу радостно воспел еси ангельскую песнь: Аллилуиа.
Икос 7
Новое знамение благоволения Своего ко Святой Руси яви тя Господь, Царевичу Алексие, яко плод благословенный молитв Саровскаго чудотворца, надежду, славу и упование всех людей православных, Божиим же произволением, яко агнец непорочный, мученическую кончину от безбожных восприялеси и ныне ликуеши яко наследник Царства Небеснаго. Сего ради, победным венцем украшеннаго и с лики новомучеников и исповедников Российских прославленнаго, ублажаем тяпоюще:
Радуйся, преподобному Алексию Человеку Божию тезоименитый;
Радуйся, святых князей-мучеников Бориса и Глеба и царевичу Димитрию достойный сонаследниче.
Радуйся, юнейший ратник в воинстве отца твоего;
Радуйся, болезнь тяжкую, яко крест, смиренно понесший.
Радуйся, молитвами старца Григория от смерти избавленный;
Радуйся, ангельскую чистоту житием твоим явивый.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 8
Странно есть людем христолюбивым видети, како странствие земное совершив и путь страдальческий прошед, дщи Царева, равноапостольнейОльзе тезоименитая, веры ради мужественно на смерть себя предаде за Владыку Жизни Христа. Сего ради, мученический венец прияв, Царевна святая Ольго, со ангелы Престолу Божию предстоиши, воспевая Ему победную песнь: Аллилуиа.
Икос 8
Всинебеснии чины и святых земли Российская собори радостно прияша вас, великомученицы Царственнии с великим старцем Григорием, подвиг земнаго жития вашего прошедшии и жизнь вечную унаследовавшии. И вся Церковь Христова восхваляет любовь вашу и служение во славу Господа и Пречистыя Его Матери, мира Заступницы, молитвенно память вашу празднует и песни хвалебныя приносит вам:
Радуйтеся, добродетелем святых предков ваших подражавшии;
Радуйтеся, народу вашему даже до смерти послужившии.
Радуйтеся, милости и сострадания к людемпреисполненнии;
Радуйтеся, вдов и сирот питатели и заступницы.
Радуйтеся, клеветы, изгнание и поругание смиренно претерпевшии;
Радуйтеся, силою Божией на подвиг страдальческий укреплении.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 9
Всякое естество ангельское удивися терпению и мужеству твоему, святая Царевна Татиано, ты бо всяких добродетелей преисполненная и покровительнице твоей, святей мученице Татиане, подражая, с молитвою предала дух свой в руце Божии и в Царство Небесное взошла еси, идеже со Ангелы и всеми святыми воспеваеши Богу песнь: Аллилуиа.
Икос 9
Ветииискуснии не могут достойно воспети чудное прославление ваше, святииБоговенчаннии великомученицы; исполнисябопроречениепреподобнаго старца Серафима Саровскаго, яко прославльшаго его Царя прославит Бог.
Такождепровещанием праведного старца Николая Псковоезерскаго, прослави вас Господь на небеси купно со святым мучеником старцем Григорием, живот свой за Царственныя Друга своя положившим. Мы же, чтуще память вашу, во умилении сердца взываем сице:
Радуйтеся, Христа в сердцах ваших носившии;
Радуйтеся, вся печали ваша на Бога возложившии.
Радуйтеся, заповедь любви до конца исполнившии;
Радуйтеся, мученический подвиг славно скончавшии.
Радуйтеся, от руки богоборцев смерть без ропота приявшии; Радуйтеся, крестным подвигом вашим людей русских в вере укрепившии.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 10
Спасти хотя душу свою, святая ЦаревноМарие, яко агница Божия к смерти себя приуготовила еси, покаянием теплым душу очистила еси и приобщением Тела и Крови Господней соединиласяеси Царю Славы Христу, даровавшему ти с Царственным Семейством твоим и человеком Божиим Григорием живот вечный, да присно воспеваеши Ему победную песнь: Аллилуиа.
Икос 10
Стену необоримую и покров благодати дарова Господь Руси Святой, яко благоприятными молитвами вашими, благовернииЦарственнии великомученицы, с дивным старцем Григорием, спасаете Отечество ваше от всех врагов видимых и невидимых.
Сего ради и мы благодарение Христу усердно возсылаем и вам, небесным предстателем нашим, хвалу приносим, вопиюще:
Радуйтеся, Святой Руси Богом дарованнии заступницы;
Радуйтеся, вся концы ея светом небесным озаряющии.
Радуйтеся, яко молитва ваша столп огненный есть от земли до небеси;
Радуйтеся, чудесыбезчисленными по смерти прославлении.
Радуйтеся, в нуждах и бедах сущих скорое избавление;
Радуйтеся, о всем мире христианстем молитвы Господу возносящии.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 11
Пение всехвальное приносит ти Земля Русская, святая Царевна Анастасие, с Семейством Царственных великомучеников и старцем Григорием, яко от уз греха предстательством вашим свобождаемся и милость у Господа обретаем. Темже и ныне в бедах и напастех к вам прибегая и на заступлениевашеуповающе, единемиусты и единем сердцем непрестанно взываем Благодеющему нам Богу: Аллилуиа.
Икос 11
Светоподательнии светильники, светом любве Христовой и чудесами дивными Святую Русь просвещающими, зрим святую восьмерицу Царственных великомучеников с чудотворцем старцем Григорием; сего ради, сиянием небесным славы вашеяозаряеми, в радости прославляем Господа, прославльшаго вас, и воспеваем песньми таковыми:
Радуйтеся, Трисиянным Светом озареннии;
Радуйтеся, Творца своего и Господа присно созерцающии.
Радуйтеся, с Царицею Небесе и земли о всем мире молящиеся; Радуйтеся, с небесными силами Бога прославляющии.
Радуйтеся, светильницы, любовиюБожиейгорящии;
Радуйтеся, мрак душ наших благодатиюозаряющии.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 12
Благодать неизреченную дарова тебе сердцеведец Господь, святыймучениче старче Григорие, из среды народа простагоко Престолу Царскому возшедый и всему миру велию силу Божию показавый; яко никто и никогда не возможет творити тех чудес, ихже ты сотворил еси, и явити таковую любовь, юже ты явил еси, аще не пребудет с ним Духом Святым Всемогущий Бог. О сем радуяся и подвиг твой прославляя, воспеваем Ему: Аллилуиа.
Икос 12
Поюще дивное предстательство ваше к Богу, святииЦарственнии великомученицы, купно со старцем Григорием, величаем дивнаго во святых Своих Царя Небеснаго, ублажаем мученическую кончину вашу и почитаем вас яко молитвенников великих за Русь Святую и всех людей православных, ихжелюбовию Христовой возлюбили еси. Веруем, яко дадеся вам благодать души погибающииспасати и на путь истинный наставляти всех, велегласно славящих вас:
Радуйся, святый Царю Николае, крест умученнаго старца Григория на груди своей носивый;
Радуйся, святая Царице Александро, образ вернаго Друга на медальоне изобразившая.
Радуйся, святый Царевичу Алексие, человека Божия угодником святым почитавый;
Радуйтеся, святии Царевны Ольго, Татиано, Марие, Анастасие, послания старца, яко святыню, до смерти хранившии.
Радуйся, святыйизбранниче Христов старче Григорие, верою и смирением великиядуховныя дары стяжавый;
Радуйтеся, агнцы непорочнии, жертвою крестной страну нашу от погибели спасшии.
Радуйся, святая восьмерицебогоизбранных великомучеников, за Русь Святую пред Богом предстоящая.
Кондак 13
О, предивнии в страданиях ваших святии угодницы Христовы, скорые помощницы всем, с верою и любовию к вам прибегающим; приимите малое сие моление наше и сохраните Русь Святую Православную и людей ея, вся грады и страны христианския от губительства, глада, труса, потопа, огня, меча, нашествия иноплеменных и междоусобныя брани, наипаче от лукаваго обольщения антихристова.
Умолите Бога даровати нам всенародное покаяние и грехов оставление; да избавльшеся от вечныя смерти молитвами вашими, узрим грядущего Православнаго Царя и радостно воспоем Богу: Аллилуиа. (Сей кондак читается трижды, затем икос 1-й и кондак 1-й).
МОЛИТВА