Слава: стихира святого или праздника, если есть.
И ныне:
догматик гласа Недели / догматик по гласу «Славы» или стихира праздника.
Затем: Свете тихий святыя славы, / Безсмертнаго, Отца Небеснаго, / Святаго Блаженнаго, Иисусе Христе. / Пришедше на запад солнца, / видевше свет вечерний, / поем Отца, Сына и Святаго Духа, Бога. / Достоин еси во вся времена / пет быти гласы преподобными, / Сыне Божий, живот даяй, / темже мiр Тя славит.
Прокимен:
В суббота вечера, глас 6: Господь воцарися, / в лепоту облечеся.
Стих: Облечеся Господь в силу и препоясася.
Стих: Ибо утверди вселенную, яже не подвижится.
Стих: Дому Твоему подобает святыня, Господи, в долготу дний.
В неделю вечера, глас 8: Се ныне благословите Господа, / вси раби Господни.
Стих: Стоящии в храме Господни, во дворех дому Бога нашего.
В понедельник вечера, глас 4: Господь услышит мя, / внегда воззвати ми к Нему.
Стих: Внегда призвати ми, услыша мя Бог правды моея.
Во вторник вечера, глас 1: Милость Твоя, Господи, / поженет мя вся дни живота моего.
Стих: Господь пасет мя, и ничтоже мя лишит, на месте злачне, тамо всели мя.
В среду вечера, глас 5: Боже, во имя Твое спаси мя, / и в силе Твоей суди ми.
Стих: Боже, услыши молитву мою, внуши глаголы уст моих.
В четверток вечера, глас 6: Помощь моя от Господа, / сотворшаго небо и землю.
Стих: Возведох очи мои в горы, отнюдуже приидет помощь моя.
В пяток вечера, глас 7: Боже, заступник мой еси Ты, / и милость Твоя предварит мя.
Стих: Изми мя от враг моих, Боже, и от востающих на мя избави мя.
Паремии
ГП (40). «Слава и ныне:»[viii]
Сподоби, Господи, в вечер сей без греха сохранитися нам. / Благословен еси, Господи Боже отец наших, / и хвально и прославлено имя Твое во веки, аминь. / Буди, Господи, милость Твоя на нас, якоже уповахом на Тя. / Благословен еси, Господи, научи мя оправданием Твоим. / Благословен еси, Владыко, вразуми мя оправданием Твоим. / Благословен еси, Святый, просвети мя оправдании Твоими. / Господи, милость Твоя во век, дел руку Твоею не презри. / Тебе подобает хвала. Тебе подобает пение, / Тебе слава подобает, Отцу и Сыну и Святому Духу, ныне и присно и во веки веков. Аминь.
Стихиры на стиховне. [ix]
Ныне отпущаеши раба Твоего, Владыко, по глаголу Твоему с миром: яко видеста очи мои спасение Твое, еже еси уготовал пред лицем всех людей, свет во откровение языков, и славу людей Твоих Израиля.
«Трисвятое» по «Отче наш».
Тропари (3):
«Богородице Дево...» (3) / святому (2) + «Богородице Дево» (1) или празднику (3)
Буди Имя Господне благословено от ныне и до века. (3)
Псалом 33: Благословлю́ Го́спода на вся́кое вре́мя, вы́ну хвала́ Его́ во усте́х мои́х. О Го́споде похва́лится душа́ моя́, да услы́шат кро́тцыи и возвеселя́тся. Возвели́чите Го́спода со мно́ю и вознесе́м и́мя Его́ вку́пе. Взыска́х Го́спода и услы́ша мя, и от всех скорбе́й мои́х изба́ви мя. Приступи́те к Нему́ и просвети́теся, и ли́ца ва́ша не постыдя́тся. Сей ни́щий воззва́, и Госпо́дь услы́ша и́, и от всех скорбе́й eго́ спасе́ и́. Ополчи́тся Ангел Госпо́день о́крест боя́щихся Его́, и изба́вит их. Вкуси́те и ви́дите, я́ко благ Госпо́дь; блаже́н муж, и́же упова́ет Нань. Бо́йтеся Го́спода, вси святи́и Его́, я́ко несть лише́ния боя́щымся Его́. Бога́тии обнища́ша и взалка́ша, взыска́ющии же Го́спода не лиша́тся вся́каго бла́га.
Шестопсалмие.
ХВ (3)
Сла́ва в вы́шних Бо́гу, и на земли́ мир, в челове́цех благоволе́ние. (3)
Го́споди, устне́ мои отве́рзеши, и уста́ моя́ возвестя́т хвалу́ Твою́. (2)
Псалом 3: Го́споди, что ся умно́жиша стужа́ющии ми́? Мно́зи востаю́т на мя, мно́зи глаго́лют души́ мое́й: несть спасе́ния eму́ в Бо́зе eго́. Ты же, Го́споди, Засту́пник мой еси́, сла́ва моя́ и вознося́й главу́ мою́. Гла́сом мои́м ко Го́споду воззва́х, и услы́ша мя от горы́ святы́я Своея́. Аз усну́х, и спах, воста́х, я́ко Госпо́дь засту́пит мя. Не убою́ся от тем люде́й, о́крест напа́дающих на мя. Воскресни́, Го́споди, спаси́ мя, Бо́же мой, я́ко Ты порази́л еси́ вся вражду́ющыя ми всу́е: зу́бы гре́шников сокруши́л еси́. Госпо́дне есть спасе́ние, и на лю́дех Твои́х благослове́ние Твое́.
Аз усну́х, и спах, воста́х, я́ко Госпо́дь засту́пит мя.
Псалом 37: Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Яко стре́лы Твоя́ унзо́ша во мне, и утверди́л еси́ на мне ру́ку Твою́. Несть исцеле́ния в пло́ти мое́й от лица́ гне́ва Твоего́, несть ми́ра в косте́х мои́х от лица́ грех мои́х. Яко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне. Возсмерде́ша и согни́ша ра́ны моя́ от лица́ безу́мия моего́. Пострада́х и сляко́хся до конца́, весь день се́туя хожда́х. Яко ля́двия моя́ напо́лнишася поруга́ний, и несть исцеле́ния в пло́ти мое́й. Озло́блен бых и смири́хся до зела́, рыка́х от воздыха́ния се́рдца моего́. Го́споди, пред Тобо́ю все жела́ние мое́ и воздыха́ние мое́ от Тебе́ не утаи́ся. Се́рдце мое́ смяте́ся, оста́ви мя си́ла моя́, и свет о́чию мое́ю, и той несть со мно́ю. Дру́зи мои́ и и́скреннии мои́ пря́мо мне прибли́жишася и ста́ша, и бли́жнии мои́ отдале́че мене́ ста́ша и нужда́хуся и́щущии ду́шу мою́, и и́щущии зла́я мне глаго́лаху су́етная и льсти́вным весь день поуча́хуся. Аз же я́ко глух не слы́шах и я́ко нем не отверза́яй уст свои́х. И бых я́ко челове́к не слы́шай и не имы́й во усте́х свои́х обличе́ния. Яко на Тя, Го́споди, упова́х, Ты услы́шиши, Го́споди Бо́же мой. Яко рех: да не когда́ пора́дуют ми ся врази́ мои́: и внегда́ подвижа́тися нога́м мои́м, на мя велере́чеваша. Яко аз на ра́ны гото́в, и боле́знь моя́ предо мно́ю есть вы́ну. Яко беззако́ние мое́ аз возвещу́ и попеку́ся о гресе́ мое́м. Врази́ же мои́ живу́т и укрепи́шася па́че мене́, и умно́жишася ненави́дящии мя без пра́вды. Воздаю́щии ми зла́я возблага́я оболга́ху мя, зане́ гоня́х благосты́ню. Не оста́ви мене́, Го́споди Бо́же мой, не отступи́ от мене́. Вонми́ в по́мощь мою́, Го́споди спасе́ния моего́.
Не оста́ви мене́, Го́споди Бо́же мой, не отступи́ от мене́. Вонми́ в по́мощь мою́, Го́споди спасе́ния моего́.
Псалом 62: Бо́же, Бо́же мой, к Тебе́ у́тренюю, возжада́ Тебе́ душа́ моя́, коль мно́жицею Тебе́ плоть моя́, в земли́ пу́сте и непрохо́дне, и безво́дне. Та́ко во святе́м яви́хся Тебе́, ви́дети си́лу Твою́ и сла́ву Твою́. Яко лу́чши ми́лость Твоя́ па́че живо́т, устне́ мои́ похвали́те Тя. Та́ко благословлю́ Тя в животе́ мое́м, о и́мени Твое́м воздежу́ ру́це мои́. Яко от ту́ка и ма́сти да испо́лнится душа́ моя́, и устна́ма ра́дости восхва́лят Тя уста́ моя́. Аще помина́х Тя на посте́ли мое́й, на у́тренних поуча́хся в Тя. Яко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́. Ти́и же всу́е иска́ша ду́шу мою́, вни́дут в преиспо́дняя земли́, предадя́тся в ру́ки ору́жия, ча́сти ли́совом бу́дут. Царь же возвесели́тся о Бо́зе, похва́лится всяк клены́йся Им, я́ко загради́шася уста́ глаго́лющих непра́ведная.
На у́тренних поуча́хся в Тя. Яко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́.
«Сла́ва, и ны́не:» Аллилу́иа, аллилу́иа, аллилу́иа, сла́ва Тебе́ Бо́же. (3, без поклонов).
ГП (3). «Сла́ва, и ны́не:»
Псалом 87: Го́споди Бо́же спасе́ния моего́, во дни воззва́х, и в нощи́ пред Тобо́ю. Да вни́дет пред Тя моли́тва моя́: приклони́ у́хо Твое́ к моле́нию моему́, я́ко испо́лнися зол душа́ моя́, и живо́т мой аду прибли́жися. Привмене́н бых с низходя́щими в ров, бых я́ко челове́к без по́мощи, в ме́ртвых свобо́дь, я́ко я́звеннии спя́щии во гро́бе, и́хже не помяну́л еси́ ктому́, и ти́и от руки́ Твоея́ отринове́ни бы́ша. Положи́ша мя в ро́ве преиспо́днем, в те́мных и се́ни сме́ртней. На мне утверди́ся я́рость Твоя́, и вся во́лны Твоя́ наве́л еси́ на мя. Уда́лил еси́ зна́емых мои́х от мене́, положи́ша мя ме́рзость себе́: пре́дан бых и не исхожда́х. Очи мои́ изнемого́сте от нищеты́, воззва́х к Тебе́, Го́споди, весь день, возде́х к Тебе́ ру́це мои́. Еда́ ме́ртвыми твори́ши чудеса́? Или́ вра́чеве воскреся́т, и испове́дятся Тебе́? Еда́ пове́сть кто во гро́бе ми́лость Твою́, и и́стину Твою́ в поги́бели? Еда́ позна́на бу́дут во тьме чудеса́ Твоя́, и пра́вда Твоя́ в земли́ забве́нней? И аз к Тебе́, Го́споди, воззва́х и у́тро моли́тва моя́ предвари́т Тя. Вску́ю, Го́споди, отре́еши ду́шу мою́, отвраща́еши лице́ Твое́ от мене́? Нищ есмь аз, и в труде́х от ю́ности моея́; возне́с же ся, смири́хся, и изнемого́х. На мне преидо́ша гне́ви Твои́, устраше́ния Твоя́ возмути́ша мя, обыдо́ша мя я́ко вода́, весь день одержа́ша мя вку́пе. Уда́лил еси́ от мене́ дру́га и и́скренняго, и зна́емых мои́х от страсте́й.
Го́споди Бо́же спасе́ния моего́, во дни воззва́х, и в нощи́ пред Тобо́ю. Да вни́дет пред Тя моли́тва моя́: приклони́ у́хо Твое́ к моле́нию моему́.
Псалом 102: Благослови́, душе́ моя́, Го́спода, и вся вну́тренняя моя́ и́мя свя́тое Его́. Благослови́, душе́ моя́, Го́спода, и не забыва́й всех воздая́ний Его́, очища́ющаго вся беззако́ния твоя́, исцеля́ющаго вся неду́ги твоя́, избавля́ющаго от истле́ния живо́т твой, венча́ющаго тя ми́лостию и щедро́тами, исполня́ющаго во благи́х жела́ние твое́: обнови́тся я́ко о́рля ю́ность твоя́. Творя́й ми́лостыни Госпо́дь, и судьбу́ всем оби́димым. Сказа́ пути́ Своя́ Моисе́ови, сыново́м Изра́илевым хоте́ния Своя́: Щедр и Ми́лостив Госпо́дь, Долготерпели́в и Многоми́лостив. Не до конца́ прогне́вается, ниже́ во век вражду́ет, не по беззако́нием на́шым сотвори́л есть нам, ниже́ по грехо́м на́шым возда́л есть нам. Яко по высоте́ небе́сней от земли́, утверди́л есть Госпо́дь ми́лость Свою́ на боя́щихся Его́. Ели́ко отстоя́т восто́цы от за́пад, уда́лил есть от нас беззако́ния на́ша. Якоже ще́дрит оте́ц сы́ны, уще́дри Госпо́дь боя́щихся Его́. Яко Той позна́ созда́ние на́ше, помяну́, я́ко персть есмы́. Челове́к, я́ко трава́ дни́е eго́, я́ко цвет се́льный, та́ко оцвете́т, я́ко дух про́йде в нем, и не бу́дет, и не позна́ет ктому́ ме́ста своего́. Ми́лость же Госпо́дня от ве́ка и до ве́ка на боя́щихся Его́, и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́. Госпо́дь на Небеси́ угото́ва Престо́л Свой, и Ца́рство Его́ все́ми облада́ет. Благослови́те Го́спода вси Ангели Его́, си́льнии кре́постию, творя́щии сло́во Его́, услы́шати глас слове́с Его́. Благослови́те Го́спода вся Си́лы Его́, слуги́ Его́, творя́щии во́лю Его́. Благослови́те Го́спода вся дела́ Его́, на вся́ком ме́сте влады́чества Его́, благослови́, душе́ моя́, Го́спода.
На вся́ком ме́сте влады́чества Его́, благослови́, душе́ моя́, Го́спода.
Псалом 142: Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Яко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. Имене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.
Услы́ши мя, Го́споди, в пра́вде Твое́й и не вни́ди в суд с рабо́м Твои́м. (2)
Дух Твой Благи́й наста́вит мя на зе́млю пра́ву.
«Сла́ва, и ны́не:» Аллилу́иа, аллилу́иа, аллилу́иа, сла́ва Тебе́ Бо́же. (3)
ГП (3). «Слава и ныне:»[x]
«Бог Господь» четырежды (поётся на глас 1-го тропаря):
Бог Госпо́дь и яви́ся нам, благослове́н Гряды́й во и́мя Госпо́дне.
Стих: Испове́дайтеся Го́сподеви, я́ко благ, я́ко в век ми́лость Его́.
«Бог Господь…»
Стих: Обыше́дше обыдо́ша мя и и́менем Госпо́дним противля́хся им.
«Бог Господь…»
Стих: Не умру́, но жив бу́ду и пове́м дела́ Госпо́дня.
«Бог Господь…»
Стих: Ка́мень, Его́же небрего́ша зи́ждущии, Сей бысть во главу́ у́гла, от Го́спода бысть Сей и есть ди́вен во очесе́х на́ших.
«Бог Господь…»
и тропари (3 или 4; первый — всегда дважды).
Кафизмы. После каждой кафизмы — ГП(3)[xi] и седальны по кафизме.
Полиелей [xii]. Псалом 134: Хвали́те и́мя Госпо́дне, хвали́те, раби́ Го́спода. Аллилу́иа. (3) Стоя́щии во хра́ме Госпо́дни, во дво́рех до́му Бо́га на́шего. Хвали́те Го́спода, я́ко Благ Госпо́дь, по́йте и́мени Его́, я́ко добро́: я́ко Иа́кова избра́ Себе́ Госпо́дь, Изра́иля в достоя́ние Себе́. Яко аз позна́х, я́ко Ве́лий Госпо́дь, и Госпо́дь наш над все́ми бо́ги. Вся ели́ка восхоте́ Госпо́дь, сотвори́ на небеси́ и на земли́, в моря́х и во всех бе́зднах. Возводя́ о́блаки от после́дних земли́, мо́лнии в дождь сотвори́, изводя́й ве́тры от сокро́вищ Свои́х. Иже порази́ пе́рвенцы Еги́петския, от челове́ка до скота́. Посла́ зна́мения и чудеса́ посреде́ Тебе́, Еги́пте, на фарао́на и на вся рабы́ eго́. Иже порази́ язы́ки мно́ги и изби́ цари́ кре́пки: Сио́на, царя́ Аморре́йска, и Ога, царя́ Васа́нска, и вся ца́рствия Ханаа́нска, и даде́ зе́млю их достоя́ние, достоя́ние Изра́илю, лю́дем Свои́м. Го́споди, и́мя Твое́ в век и па́мять Твоя́ в род и род: я́ко суди́ти и́мать Госпо́дь лю́дем Свои́м, и о рабе́х Свои́х умо́лится. Идоли язы́к, сребро́ и зла́то, дела́ рук челове́ческих. Уста́ и́мут, и не возлаго́лют, о́чи и́мут, и не у́зрят, у́ши и́мут, и не услы́шат, ниже́ бо есть дух во усте́х их. Подо́бни им да бу́дут творя́щии я́, и вси наде́ющиися на ня. До́ме Изра́илев, благослови́те Го́спода, до́ме Ааро́нь, благослови́те Го́спода, до́ме Леви́ин, благослови́те Го́спода. Боя́щиися Го́спода, благослови́те Го́спода. Благослове́н Госпо́дь от Сио́на, живы́й во Иерусали́ме. Аллилу́иа (3).
Псалом 135: Испове́дайтеся Го́сподеви, я́ко благ, я́ко в век ми́лость Его́. Аллилу́иа (3) Испове́дайтеся Бо́гу бого́в, я́ко в век ми́лость Его́. Испове́дайтеся Го́сподеви господе́й, я́ко в век ми́лость Его́. Сотво́ршему чудеса́ ве́лия еди́ному, я́ко в век ми́лость Его́. Сотво́ршему небеса́ ра́зумом, я́ко в век ми́лость Его́. Утверди́вшему зе́млю на вода́х, я́ко в век ми́лость Его́. Сотво́ршему свети́ла ве́лия еди́ному, я́ко в век ми́лость Его́. Со́лнце во о́бласть дне, я́ко в век ми́лость Его́. Луну́ и зве́зды во о́бласть но́щи, я́ко в век ми́лость Его́. Порази́вшему Еги́пта с пе́рвенцы eго́, я́ко в век ми́лость Его́, и изве́дшему Изра́иля от среды́ их, я́ко в век ми́лость Его́. Руко́ю кре́пкою и мы́шцею высо́кою, я́ко в век ми́лость Его́. Разде́льшему Чермно́е мо́ре в разделе́ния, я́ко в век ми́лость Его́. И прове́дшему Изра́иля посреде́ eго́, я́ко в век ми́лость Его́. И истря́сшему фарао́на и си́лу eго́ в мо́ре Чермно́е, я́ко в век ми́лость Его́. Прове́дшему лю́ди Своя́ в пусты́ни, я́ко в век ми́лость Его́. Порази́вшему цари́ ве́лия, я́ко в век ми́лость Его́, и уби́вшему цари́ кре́пкия, я́ко в век ми́лость Его́: Сио́на, царя́ Аморре́йска, я́ко в век ми́лость Его́, и Ога, царя́ Васа́нска, я́ко в век ми́лость Его́. И да́вшему зе́млю их достоя́ние, я́ко в век ми́лость Его́. Достоя́ние Изра́илю, рабу́ Своему́, я́ко в век ми́лость Его́. Яко во смире́нии на́шем помяну́ ны Госпо́дь, я́ко в век ми́лость Его́. И изба́вил ны есть от враго́в на́ших, я́ко в век ми́лость Его́. Дая́й пи́щу вся́кой пло́ти, я́ко в век ми́лость Его́. Испове́дайтеся Бо́гу Небе́сному, я́ко в век ми́лость Его́. Аллилу́иа (3).
Тропари воскресные по Непорочных:
Благослове́н еси́, Го́споди, научи́ мя оправда́нием Твои́м.
Ангельский собо́р удиви́ся, / зря́ Тебе́ в ме́ртвых вмени́вшася, / сме́ртную же, Спа́се, кре́пость разори́вша, / и с Собо́ю Ада́ма воздви́гша, / и от а́да вся свобо́ждша.
Благослове́н еси́, Го́споди, научи́ мя оправда́нием Твои́м.
Почто́ ми́ра с ми́лостивными слеза́ми, / о учени́цы, растворя́ете? / Блиста́яйся во гро́бе Ангел мироно́сицам веща́ше: / ви́дите вы гроб и уразуме́йте, / Спас бо воскре́се от гро́ба.
Благослове́н еси́, Го́споди, научи́ мя оправда́нием Твои́м.
Зело́ ра́но мироно́сицы теча́ху / ко гро́бу Твоему́ рыда́ющия, / но предста́ к ним Ангел и рече́: / рыда́ния вре́мя преста́, не пла́чите, / воскресе́ние же апо́столом рцы́те.
Благослове́н еси́, Го́споди, научи́ мя оправда́нием Твои́м.
Мироно́сицы жены́ с ми́ры прише́дшия / ко гро́бу Твоему́, Спа́се, рыда́ху, / Ангел же к ним рече́, глаго́ля: / что с ме́ртвыми жива́го помышля́ете? / Яко Бог бо, воскре́се от гро́ба.
«Сла́ва:» Поклони́мся Отцу́ / и Его́ Сы́нови, и Свято́му Ду́ху, / Святе́й Тро́ице во еди́ном существе́, / с Серафи́мы зову́ще: / Свят, Свят, Свят еси́, Го́споди.
«И ны́не:» Жизнода́вца ро́ждши, / греха́, Де́во, Ада́ма изба́вила еси́, / ра́дость же Еве / в печа́ли ме́сто подала́ еси́, / па́дшия же от жи́зни / к сей напра́ви / из Тебе́ воплоти́выйся Бог и Челове́к.
или Пение величания[xiii] и избранного псалма.
Аллилу́иа, Аллилу́иа, Аллилу́иа, сла́ва Тебе́, Бо́же (3).
ГП (3).[xiv]
«Слава и ныне:» Ипакои / Седален по полиелее.
Антифон:
Степенны антифоны гласа Недели: [xv]
Глас 1:
Внегда́ скорбе́ти ми, услы́ши моя́ боле́зни, / Го́споди, Тебе́ зову́.
Пусты́нным непреста́нное Боже́ственное жела́ние быва́ет, / мíра су́щим су́етнаго кроме́.
«Слава и ныне:» Свято́му Ду́ху честь и сла́ва, / я́коже Отцу́ подоба́ет, ку́пно же и Сы́ну, / сего́ ра́ди да пое́м Тро́ице Единодержа́вие.
Глас 2: На не́бо о́чи пуща́ю моего́ се́рдца, к Тебе́, Спа́се, / спаси́ мя Твои́м осия́нием.
Поми́луй нас согреша́ющих Тебе́ мно́го, / на вся́кий час, о Христе́ мой, / и даждь о́браз пре́жде конца́ пока́ятися Тебе́.
«Слава и ныне:» Свято́му Ду́ху, Е́же ца́рствовати подоба́ет, / освяща́ти, подвиза́ти тварь: / Бог бо есть, Единосу́щен Отцу́ и Сло́ву.
Глас 3: Плен Сио́нь Ты изъя́л еси́ от Вавило́на: / и мене́ от страсте́й к животу́ привлецы́, Сло́ве.
В юг се́ющии слеза́ми Боже́ственными, / жнут кла́сы ра́достию присноживо́тия.
«Слава и ныне:» Свято́му Ду́ху вся́кое благода́рие, / я́коже Отцу́ и Сы́ну сооблиста́ет, / в Не́мже вся живу́т и дви́жутся.
Глас 4: От ю́ности моея́ / мно́зи бо́рют мя стра́сти, / но Сам мя заступи́, / и спаси́, Спа́се мой.
Ненави́дящии Сио́на, / посрами́теся от Го́спода, / я́ко трава́ бо огне́м / бу́дете изсо́хше.
«Сла́ва и ныне:» Святы́м Ду́хом / вся́ка душа́ живи́тся, / и чистото́ю возвыша́ется, / светле́ется Тро́ическим Еди́нством священнота́йне.
Глас 5: Внегда́ скорбе́ти мне, / Дави́дски пою́ Тебе́, Спа́се мой: / изба́ви ду́шу мою́ от язы́ка льсти́ваго.
Пусты́нным живо́т блаже́н есть, / Боже́ственным раче́нием воскриля́ющимся.
«Слава и ныне:» Святы́м Ду́хом одержа́тся вся, / ви́димая же с неви́димыми: / Самодержа́вен бо сый, / Тро́ицы Еди́н есть нело́жно.
Глас 6: На не́бо о́чи мои́ возвожу́, к Тебе́, Сло́ве: / уще́дри мя, да живу́ Тебе́.
Поми́луй нас уничиже́нных, / устроя́я благопотре́бныя Твоя́ сосу́ды, Сло́ве.
«Слава и ныне:» Свято́му Ду́ху, вся́кая всеспаси́тельная вина́, / а́ще ко́ему сей по достоя́нию дхнет, / ско́ро взе́млет от земны́х: восперя́ет, возраща́ет, устроя́ет горе́.
Глас 7: Плен Сио́нь от ле́сти обрати́в, / и мене́ Спа́се, оживи́, / изима́я рабо́тныя стра́сти.
В юг се́яй ско́рби по́стныя со сле́зами, / сей ра́достныя по́жнет рукоя́ти присноживопита́ния.
«Слава и ныне:» Святы́м Ду́хом исто́чник Боже́ственных сокро́вищ, / от Него́же прему́дрость, ра́зум, страх: / Тому́ хвала́ и сла́ва, честь и держа́ва.
Глас 8: От ю́ности моея́ враг мя искуша́ет, сластьми́ пали́т мя: / аз же наде́яся на Тя, Го́споди, побежда́ю сего́.
Ненави́дящии Сио́на, / да бу́дут у́бо пре́жде исторже́ния я́ко трава́: / ссе́чет бо Христо́с вы́я их, усече́нием мук.
«Слава и ныне:» Святы́м Ду́хом, Е́же жи́ти вся́ческим: / Свет от Све́та, Бог Вели́к: / со Отце́м пое́м Ему́, и с Сло́вом. /
или Антифон 4-го гласа «От юности моея...»: От ю́ности моея́ / мно́зи бо́рют мя стра́сти, / но Сам мя заступи́, / и спаси́, Спа́се мой.
Ненави́дящии Сио́на, / посрами́теся от Го́спода, / я́ко трава́ бо огне́м / бу́дете изсо́хше.
«Сла́ва и ныне:» Святы́м Ду́хом / вся́ка душа́ живи́тся, / и чистото́ю возвыша́ется, / светле́ется Тро́ическим Еди́нством священнота́йне.
Прокимен: либо гласа:
Глас 1: Ныне воскресну, глаголет Господь, / положуся во Спасение, не обинюся о нем.
Стих: Словеса Господня, словеса чиста.
Глас 2: Востани, Господи, Боже мой, повелением, имже заповедал еси, / и сонм людей обыдет Тя.
Стих: Господи Боже мой, на Тя уповах, спаси мя.
Глас 3: Рцыте во языцех, яко Господь воцарися, / ибо исправи вселенную, яже не подвижится.
Стих: Воспойте Господеви песнь нову, воспойте Господеви вся земля.
Глас 4: Воскресни, Господи, помози нам / и избави нас имене Твоего ради.
Стих: Боже, ушима нашима услышахом, и отцы наши возвестиша нам.
Глас 5: Воскресни, Господи Боже мой, да вознесется рука Твоя, / яко Ты царствуеши во веки.
Стих: Исповемся Тебе, Господи, всем сердцем моим, повем вся чудеса Твоя.
Глас 6: Господи, воздвигни силу Твою, / и прииди во еже спасти нас.
Стих: Пасый Израиля вонми, наставляяй яко овча Иосифа.
Глас 7: Воскресни, Господи Боже мой, да вознесется рука Твоя, / не забуди убогих Твоих до конца.
Стих: Исповемся Тебе, Господи, всем сердцем моим, повем вся чудеса Твоя.
Глас 8: Воцарится Господь во век, / Бог твой Сионе, в род и род.
Стих: Хвали душе моя Господа, восхвалю Господа в животе моем.
/ либо святого или праздника.
Прокимен «Всякое дыхание…»:
Всякое дыхание / да хвалит Господа.
Стих: Хвалите Бога во святых Его, хвалите Его в утвержении силы Его.
Чтение Евангелия.
Воскресе́ние Христо́во ви́девше, / поклони́мся Свято́му Го́споду Иису́су, / еди́ному безгре́шному. / Кресту́ Твоему́ покланя́емся, Христе́, / и свято́е Воскресе́ние Твое́ пое́м и сла́вим: / Ты бо еси́ Бог наш, / ра́зве Тебе́ ино́го не зна́ем, / и́мя Твое́ имену́ем. / Прииди́те вси ве́рнии, / поклони́мся Свято́му Христо́ву Воскресе́нию: / се бо прии́де кресто́м ра́дость всему́ ми́ру. / Всегда́ благословя́ще Го́спода, / пое́м Воскресе́ние Его́: / распя́тие бо претерпе́в, / сме́ртию смерть разруши́. (1 или 3)[xvi]
Псалом 50: Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Яко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
«Слава:» Молитвами апостолов/Богородицы/святого …., милостиве, очисти множество согрешений наших.
«И ныне...» «Молитвам Богородицы, милостиве, очисти множество согрешений наших...»
Помилуй мя, Боже, по велицей милости Твоей, и по множеству щедрот Твоих очисти беззаконие мое.
И стихира по 50-м псалме: если святой или праздник — особая, в воскресенье —
Воскре́с Иису́с от гро́ба, / я́коже прорече́, / даде́ нам живо́т ве́чный / и ве́лию ми́лость.
ГП(12); «Слава и ныне».
КАНОН (несколько канонов соединяются в один) [xvii].
После 8-ой песни канона поём «Честнейшую» (стихи с припевом): [xviii]
Стих: Величит душа Моя Господа и возрадовася дух Мой о Бозе Спасе Моем.
Припев: Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.
Стих: Яко призре на смирение рабы Своея, се бо, от ныне ублажат Мя вси роди.
Честнейшую Херувим…
Стих: Яко сотвори Мне величие Сильный, и свято имя Его, и милость Его в роды родов боящимся Его.
Честнейшую Херувим…
Стих: Сотвори державу мышцею Своею, расточи гордыя мыслию сердца их.
Честнейшую Херувим…
Стих: Низложи сильныя со престол, и вознесе смиренныя, алчущия исполни благ, и богатящияся отпусти тщи.
Честнейшую Херувим…
Стих: Восприят Израиля отрока Своего, помянути милости, якоже глагола ко отцем нашим, Аврааму и семени его даже до века.
Честнейшую Херувим…
И далее — 9-ая песнь канона.
«Прокимен»: Свят Господь Бог наш.
«Стих»: Яко свят Господь Бог наш.
«Стих»: Над всеми людьми Бог наш.
«Всякое дыхание...» [xix] со стихирами.
Поётся на глас первой стихиры: Всякое дыхание да хвалит Господа. / Хвалите Господа с небес, / хвалите Его в вышних. / Тебе подобает песнь Богу. / Хвалите Его, вси Ангели Его, / хвалите Его, вся Силы Его. / Тебе подобает песнь Богу.
Читается: Хвалите Его, солнце и луна, хвалите Его, вся звезды и свет. Хвалите Его Небеса небес и вода, яже превыше небес. Да восхвалят имя Господне: яко Той рече, и быша, Той повеле, и создашася. Постави я в век и в век века, повеление положи, и не мимо идет. Хвалите Господа от земли, змиеве и вся бездны: огнь, град, снег, голоть, дух бурен, творящая слово Его, горы и вси холми, древа плодоносна и вси кедри, зверие и вси скоти, гади и птицы пернаты. Царие земстии и вси людие, князи и вси судии земстии, юноши и девы, старцы с юнотами да восхвалят имя Господне, яко вознесеся имя Того Единаго, исповедание Его на земли и на небеси. И вознесет рог людей Своих, песнь всем преподобным Его, сыновом Израилевым, людем, приближающымся Ему. Воспойте Господеви песнь нову, хваление Его в церкви преподобных. Да возвеселится Израиль о Сотворшем eго, и сынове Сиони возрадуются о Царе своем. Да восхвалят имя Его в лице, в тимпане и псалтири да поют Ему. Яко благоволит Господь в людех Своих, и вознесет кроткия во спасение. Восхвалятся преподобнии во славе и возрадуются на ложах своих. Возношения Божия в гортани их, и мечи обоюду остры в руках их: сотворити отмщение во языцех, обличения в людех, связати цари их путы, и славныя их ручными оковы железными.
На 6: Сотворити в них суд написан. / Слава сия будет всем преподобным Его.
Хвалите Бога во святых Его, / хвалите Его во утвержении силы Его.
На 4: Хвалите Его на силах Его, / хвалите Его по множеству величествия Его.
Хвалите Его во гласе трубнем, / хвалите Его во псалтири и гуслех.
Хвалите Его в тимпане и лице, / хвалите Его во струнах и органе.
Хвалите Его в кимвалех доброгласных, хвалите Его в кимвалех восклицания. / Всякое дыхание да хвалит Господа.
В воскресенье, если стихир больше шести, добавляются стихи:
Стих: Воскресни, Господи Боже мой, да вознесется рука Твоя, / не забуди убогих Твоих до конца.
Стих: Исповемся Тебе, Господи, всем сердцем моим, / повем вся чудеса Твоя.
По стихирах, «Слава:» — стихира Евангельская[xx] или святого или праздника.
«И ныне:» Преблагословена еси, Богородице Дево, / Воплощшим бо ся из Тебе ад пленися, / Адам воззвася, / клятва потребися, / Ева свободися, / смерть умертвися, и мы ожихом. / Тем воспевающе вопием: / благословен Христос Бог, / благоволивый тако, слава Тебе.
Великое славословие (поётся). Трисвятое (поётся). Тропари:
Воскресный: если 1, 3, 5 или 7-ой глас:
Днесь спасение миру бысть, / поем Воскресшему из гроба, / и Начальнику жизни нашея: / разрушив бо смертию смерть, / победу даде нам и велию милость.
если 2, 4, 6 или 8-ой глас: /
Воскрес из гроба и узы растерзал еси ада, / разрушил еси осуждение смерти, Господи, / вся от сетей врага избавивый; / явивый же Себе апостолом Твоим, / послал еси я на проповедь, / и теми мир Твой подал еси вселенней, / Едине Многомилостиве.
либо святого или праздника.
ГП (40). «Достойно есть...»/Задостойник Пасхи. «Слава и ныне:» ГП(3).
Воскресый из мертвых, Воскресый из мертвых,[xxi] Христе, истинный Боже наш, молитвами Пречистыя Твоея Матере <святого, память которого совершаем[xxii]> и всех святых, помилуй и спаси нас. Аминь.
Многолетие: Вели́каго господи́на и отца́ на́шего Кири́лла, Святе́йшаго Патриа́рха Моско́вскаго и всея́ Руси́, и господи́на на́шего высокопреосвяще́ннейшаго Ювеналия, митрополи́та Крутицкаго и Коломенскаго, настоя́теля, бра́тию и прихо́жан свята́го хра́ма на́шего, домоча́дцы на́ша и вся правосла́вныя христиа́ны, Го́споди, сохрани́ их на мно́гая ле́та.
Евангельская стихира (только если она была пропущена на хвалитех) [xxiii]
1-ый час.
по отпусте часа — ГП(3).
[i] Вместо «Приидите, поклонимся...» от Пасхи до её отдания трижды поётся или читается тропарь Пасхи: «Христос воскресе из мертвых, смертию смерть поправ, и сущим во гробех живот даровав».
[ii] Обычно поются только избранные стихи (подчёркнуты). Если псалом читается, то лучше прочитать весь.
[iii] Вместо великой ектении.
[iv] В воскресные бдения здесь положено пропевать полностью 1-ую кафизму, разделяя её на 3 «славы», с малой ектенией после каждой «славы», с припевом «Аллилуйя (3)» после каждого стиха. В остальные бдения положено петь только 1-ый антифон (1-ую «славу») 1-ой кафизмы. На практике независимо от того, какой тип бдения, поются только 6 избранных стихов (подчёркнуты) с припевом.
[v] Вместо малой ектении.
[vi] псалмы 140, 141, 129, 116
[vii] Если мы поём 10 стихир, то начинаем их вставлять после отметки «на 10», если поём 6, то начинаем вставлять после отметки «на 6» и т.д.
[viii] Вместо сугубой ектении.
[ix] Просительную ектении опускаем (она ничем не заменяется), литию тоже (в домашних условиях она не имеет смысла).
[x] Вместо великой ектении.
[xi] Вместо малой ектении. «Слава и ныне:» здесь не нужно, т. к. эти слова есть внутри седальнов.
[xii] Поются обычно только подчёркнутые стихи с припевом «аллилуйя». Если полиелей читается, то лучше прочитать псалмы полностью.
[xiii] Иногда у праздника может не быть величания (характерно для «малых праздников» Цветной Триоди).
[xiv] Вместо малой ектении.
[xv] Вообще этих антифонов по три каждого гласа, но на практике поют только один (первый).
[xvi] В период пения Октоиха «Воскресение Христово видевше...» поётся только по воскресеньям, причём один раз; в период пения Цветной Триоди «Воскресение Христово видевше...» поётся каждый день один раз, а по воскресеньям — поётся трижды.
[xvii] После 3-ей и 9-ой песни канона — ГП(3) вместо малой ектении, затем после 3-ей — седальны, а после 9-ой — светильны/эксапостиларий (без «Слава и ныне:», т. к. «слава и ныне:» будет потом в седальнах и светильнах). После 6-ой песни — ГП(3) и «Слава и ныне:», затем — кондак с икосом.
[xviii] В некоторые праздничные дни «Честнейшую» не поётся. Об этом есть указание в той книге, откуда берётся праздничный канон (Минея или Триодь).
[xix] Псалмы 148, 149 и 150.
[xx] Обычно в воскресенье здесь бывает Евангельская стихира, но иногда (воскресенья внутри периода пения Т