ВЕЛИКАЯ ЕКТЕНИЯ
Диакон: Миром Господу помолимся.
Хор: Господи помилуй. (На каждое прошение)
О Свышнем мире и спасении душ наших Господу помолимся.
О мире всего мира, благостоянии Святых Божиих Церквей и соединении всех Господу помолимся.
О святем храме сем и с верою, благоговением и страхом Божиим входящих в онь Господу помолимся.
О Великом Господине и Отце нашем Святейшем Патриарсе Кирилле, и о Господине нашем Преосвященнейшем (имя епархиального архиерея), честнем пресвитерстве, во Христе диаконстве, о всем причте и людех Господу помолимся.
О Богохранимей стране нашей, властех и воинстве ея Господу помолимся.
О граде сем (или: о веси сей; если в монастыре, то: о святой обители сей), всяком граде, стране и верою живущих в них Господу помолимся.
О благорастворении воздухов, о изобилии плодов земных и временех мирных Господу помолимся.
О плавающих, путешествующих, недугующих, страждущих, плененных и о спасении их Господу помолимся.
"О еже не помянути беззаконий и соблазнов нас, грешных и недостойных рабов Своих, но милостивно очистити грехи наша и отвратити гнев Свой, праведно движимый на ны, Господу помолимся".
"О еже ни яростию обличити, нижé гневом наказати нас, но помянути яко плоть есмы΄, дух ходя΄й и не обращáяйся, и милостивно пощадити от смерти дýши наша, Господу помолимся".
"О еже не внити в суд с рабы Своими и не нáзрити беззакония наша, но очистити я (их), и милостиву быти, и пощадити люди согрéшшыя, Господу помолимся".
"О еже помянути щедроты и милости Своя, яко от века суть, грехов же юности и неведения нашего не помянути и помиловати нас, Господу помолимся".
"О еже услышати от храма Святаго Своего глас наш и исцелити болезни смертныя, одержáщыя нас, и потоки беззакония смутившыя нас изсушити, Господу помолимся".
|
|
"О еже вскоре изъяти нас от сетéй смертных и от болезней адовых избавити, Господу помолимся".
"О еже милостивно продолжи΄ти рабом Своим покаяния время и не безгодно яко неплодную смоковницу посещи΄, но благосердием окопати и милосердия росою напоити, плодов покаяния и обращения нашего человеколюбно еще ожидая, Господу помолимся".
"О еже вознести нас от врат смертных и меч изъятый и лук Свой напряжéнный и в нем сосуды смертныя на ны праведно уготóванныя со стрелами горящими милостивно (да не погибнем) от нас отвратити, Господу помолимся".
"О еже услышати молитву нашу, и моление наше внушити, и слез наших не премолчати, но ослабити нам, да почием прежде даже не отъи΄дем и ктому не будем, Господу помолимся".
О избавитися нам от всякия скорби, гнева и нужды Господу помолимся.
Заступи, спаси, помилуй и сохрани нас, Боже, Твоею благодатию.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Хор: Тебе Господи.
Иерей: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.
Хор: Аминь.
Бог Госпо́дь и яви́ся нам, благослове́н Гряды́й во И́мя Госпо́дне.
Стих: Испове́дайтеся Го́сподеви, я́ко Благ, я́ко в век ми́лость Его́.
|
|
Стих: Обыше́дше, обыдо́ша мя, и И́менем Госпо́дним противля́хся им.
Стих: Не умру́, но жив бу́ду и пове́м дела́ Госпо́дня.
Стих: Ка́мень, его́же небрего́ша зи́ждущии, сей бысть во главу́ у́гла: от Го́спода бысть сей и есть ди́вен во очесе́х на́ших.
Лик: Бог Госпо́дь: к коему́ждо стиху́, во глас 2.
На "Бог Господь", тропарь, глас 2-й:
"Во гневе Твоем, Боже, помяни щедрóты Твоя, прах бо и пепел есмы΄, дух ходя΄й и не обращáяйся, и не яростию Твоею обличи нас, да не погибнем до конца, но пощади души наша, яко Един Милосерд".
На "Слава, и ныне", Богородичен:Тропарь, глас 4-й:
Заступнице усердная, Мати Господа Вышняго! За всех молиши Сына Твоего, Христа Бога нашего, и всем твориши спастися, в державный Твой покров прибегающим. Всех нас заступи, о. Госпоже, Царице и Владычице, иже в напастех и в скорбех и в болезнех, обремененных грехи многими, предстоящих и молящихся Тебе умиленною душею и сокрушенным сердцем пред Пречистым Твоим образом со слезами, и невозвратно надежду имущих на Тя избавления всех зол. Всем полезная даруй и вся спаси, Богородице Дево: Ты бо еси Божественный покров рабом Твоим.
ПСАЛОМ 50
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой пре́до мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х; яко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твоим, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Твой тельцы́.
|
|
Песнь 1-я. Ирмо́с: Колесницегони́теля фарао́на погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца, спасе́, пе́снь Бо́гови воспева́юща.
Припев: Помилуй нас Боже, помилуй нас.
"Вседетельная и срáсленая, и сопрестольная, и единосильная, и трисветлая Славо, Отче непостижиме, Сыне и Душе Святый, лютыя болезни рабы Твоя свободи, яко да благодарственно Тя славим".
"Грехов буря изри΄ну мя в глубину нéмощи, и частыя болезни, якоже треволнение, мя обуревают, окаяннаго. Единосильная Державо, Троице Святая, умилосердися, спаси мя, люте погибающа".
"Слава": "От содержащаго греха избави, Троице Нераздельная, нас, Твоя рабы, росою милости Твоея угашáющи зной лютых моих болезней и здравие подающи, яко да православно воспеваем Тя".
"И ныне", Богородичен: "Избáвителя и Вседетеля и Господа во чреве носившая, наша недуги, Всечистая, понесшаго, Того убо моли, лютыя нéмощи Твоя рабы избавити, Едина человеком Пóмоще".
Песнь 3-я. Утвержде́й в нача́ле Небеса́ ра́зумом и зе́млю на вода́х основа́вый, на ка́мени мя́, Христе́, за́поведей Твои́х утверди́, я́ко не́сть свя́т, па́че Тебе́, Еди́не Человеколю́бче.
Припев: Помилуй нас Боже, помилуй нас.
"Небеснии ýмове, ангельстии чи΄нове, Престоли и Начала, и Силы, и Господства, молят Тя Благаго и Спаса: губительнаго свободи недýга рабы Твоя".
"Да человеколюбия на мнóзе, Владыко, Твоего покажеши бездну, Всесильне, недýга свободи смертоноснаго и болезней лютых рабы Твоя, Едине Долготерпеливе".
"Слава": "Яко Божии предстоятели, служебнии дýси, Ангели и Архангели, Сего мóлите, утолити недуг, разорити печаль, смертоносныя же части избавити".
"И ныне": Богородичен: "Исцелений Источника Тя благих покáза, Бездна из Тебе прошедшая, Христос Господь, Отроковице Непорочная, темже рабы Твоя избави нéмощи, бурею потопляемых".
Господи помилуй 3 раза.
Седален:
"Не отри΄ни до конца согрéшшыя люди Твоя, Владыко, нижé отстави милости и щедрóты Твоя от нас, но яко Бездна сый щедрот и милосердия пучина, приими мольбы наша и избави нас от належащия беды΄ и нýжды, Един бо еси Благоувéтливый".
Песнь 4-я. Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти́: си́ле Твое́й сла́ва, Человеколю́бче.
Припев: Помилуй нас Боже, помилуй нас.
"Ныне сень вои΄стину смéртная обы΄де, и ко áдовым вратóм прибли΄жи, но Ты, Спасе, яко Си΄лен, нас возставивый, удиви милости Твоя, спасай в вере несумнéнной вопиющих: силе Твоей слава, Человеколюбче".
"Христовы таи΄нницы, самовидцы и проповедницы, прии΄мшии дар исцеления, и врачéве суще душевнии, от нужд мя, апостоли, изведите содержáщаго недуга, Иисуса моля΄ще Владыку, и Избáвителя, и Господа".
"Слава": "Грехов буря ныне нас пости΄же, немощи вóлны обуревают, болезни погружают частыя, скорби бо и болезни нас, окаянных, обретóша, апостоли Господни, вашими мольбами пóмощи руку подайте".
"И ныне", Богородичен: "Болезньми лютыми и частыми ударяеми, Дево, вси Тебе припáдаем, державным покровом Твоим, Чистая, спаси нас всех, ущедри, Богоневестная, избави мора и лютыя немощи и болезни исцели, Владычице".
Песнь 5-я. Вску́ю мя́ отри́нул еси́ от лица́ Твоего́, Све́те Незаходи́мый, и покры́ла мя́ е́сть чужда́я тьма́, окая́ннаго; но обрати́ мя́ и к све́ту за́поведей Твои́х пути́ моя́ напра́ви, молю́ся.
Припев: Помилуй нас Боже, помилуй нас.
"Мóря прелести, медоточными вашими моленьми, губительныя, пророцы, потопивше, ныне преложи΄те горесть всю губительныя нынешния немощи на Божественную благомóщия сладость".
"Пронзéни бы΄хом стрелáми нéмощи повелением Твоим, Господи, и утвердися на нас рука Твоя, Всесильне, яко Бог Щедрый, ущéдри всех Твоею милостию, молитвами святых мучеников Твоих".
"Слава": "Сына якоже древле вдови΄ча возставил еси Твоим повелением, умерщвлéна, Слове, лютыя немощи рабы Твоя, яко Един Благ и Милостив избáвивый, оживотвори, Едине Человеколюбче".
"И ныне", Богородичен: "В нощи΄ житейстей буря пости΄же всякаго озлобления, покрыло мя, Дево, нéмощи омрачение, но возсияй ми, прохлаждения, Пречистая, свет, и к свету благомóщия настави".
Песнь 6-я. Очи́сти мя́ Спа́се, мно́га бо беззако́ния моя́, и из глубины́ зо́л возведи́, молю́ся: к Тебе́ бо возопи́х, и услы́ши мя́, Бо́же спасе́ния моего́.
Припев: Помилуй нас Боже, помилуй нас.
"В пучине пропасти и немощей облежи΄м, и губительныя напáсти обуревают вóлны, Правителю Господи, пóмощи руку простер ныне спаси".
"Разслабленнаго якоже древле стягнýл еси, Божественным манием от недуга болезненнаго, и одра озлобления, и недуга тяжчайшаго, ущéдрив даждь здравие, Многомилостиве".
"Слава": "Пророческий лик, апостолов собрание, полк страдальцев ныне молит Тя, Едине Многомилостиве, о людех Твоих, сих ущедри".
"И ныне", Богородичен: "Марие, чистое девства Сокровище, Ты очисти нас, и недугов, и скорбей, и содержащия ныне нéмощи избави, да верою Тя прославим".
Господи помилуй 3 раза.
"Болезни адовы обыдóша нас, и прикры΄ ны сень смертная, и яко воск от огня, дни΄е наши тают от лица гнева Твоего, Господи, но, яко Щедр, во гневе милости помяни и пощади люди Твоя, да жи΄ви суще, в покаянии славим Тя, Единаго Человеколюбца".
Затем читается Апостол (зачало 331-е "от полý").
Прокимен, глас 4-й: "Господи, да не яростию Твоею обличиши мене, нижé гневом Твоим накажеши мене".
Стих: "Яко стрелы Твоя унзóша во мне, и утвердил еси на мне руку Твою".
Послание к Евреям, зачало 331А
Братия, имея вокруг себя такое облако свидетелей, свергнем с себя всякое бремя и запинающий нас грех и с терпением будем проходить предлежащее нам поприще, взирая на начальника и совершителя веры Иисуса, Который, вместо предлежавшей Ему радости, претерпел крест, пренебрегши посрамление, и воссел одесную престола Божия. Помыслите о Претерпевшем такое над Собою поругание от грешников, чтобы вам не изнемочь и не ослабеть душами вашими. Вы еще не до крови сражались, подвизаясь против греха, и забыли утешение, которое предлагается вам, как сынам: сын мой, не пренебрегай наказания Господня, и не унывай, когда Он обличает тебя. Ибо Господь, кого любит, того наказывает; бьет же всякого сына, которого принимает. Если вы терпите наказание, то Бог поступает с вами, как с сынами. Ибо есть ли какой сын, которого бы не наказывал отец? Если же остаетесь без наказания, которое всем обще, то вы незаконные дети, а не сыны. Притом, если мы, будучи наказываемы плотскими родителями нашими, боялись их, то не гораздо ли более должны покориться Отцу духов, чтобы жить? Те наказывали нас по своему произволу для немногих дней; а Он же – для пользы, чтобы нам иметь участие в святости Его.
После Апостола - "Аллилуиа" со стихами: "Одержáша мя болезни смéртныя, и потóцы беззакония смятóша мя".
"Болезни адовы обыдóша мя, предвари΄ша мя сети смертныя".
Евангелие от Луки (зачало 16-е).
В то время вошел Иисус в дом Симона; и разнесся слух о Нем по всем окрестным местам. Тёща же Симонова была одержима сильною горячкою; и просили Его о ней. Подойдя к ней, Он запретил горячке; и оставила ее. Она тотчас встала и служила им. При захождении же солнца все, имевшие больных различными болезнями, приводили их к Нему и Он, возлагая на каждого из них руки, исцелял их. Выходили также и бесы из многих с криком и говорили: Ты Христос, Сын Божий. А Он запрещал им сказывать, что они знают, что Он Христос. Когда же настал день, Он, выйдя из дома, пошел в пустынное место, и народ искал Его и, придя к Нему, удерживал Его, чтобы не уходил от них. Но Он сказал им: и другим городам благовествовать Я должен Царствие Божие, ибо на то Я послан. И проповедовал в синагогах галилейских.
После него сразу 7-я песнь.
Ирмос: Бо́жия снизхожде́ния о́гнь устыде́ся в Вавило́не иногда́, сего́ ра́ди о́троцы в пещи́ ра́дованною ного́ю, я́ко во цве́тнице, лику́юще, поя́ху: благослове́н еси́, Бо́же оте́ц на́ших.
Припев: Помилуй нас Боже, помилуй нас.
"Опаляет пещь безмерных болезней, и сжигает мя огнéвицы губительныя пламень непрестанно безстýднейший, но росою милости Твоея, Спасе, прохлади поюща: благословен Бог отец наших".
"Пророцы, апостоли, мучеников собори, божественнии учи΄телие, болезни недýгующих нас мольбами укротите и здравие даруйте поющым: благословен Бог отец наших".
"Слава": "Словом Лазаря воскреси΄вый, ныне яко из гроба нас лютыя нéмощи возстáвивый, оживи, Господи, да вопием песнь благодарственную: благословен Бог отец наших".
"И ныне", Богородичен: "Щедра сущая и Мати Всещедраго, ущедривши, избави Твоя люди, призывающия милости Твоя, Дево, и поющия: благословен Бог отец наших".
Песнь 8-я. Седмери́цею пе́щь халде́йский мучи́тель Богочести́вым неи́стовно разжже́, си́лою же лу́чшею спасе́ны, сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.
Припев: Помилуй нас Боже, помилуй нас.
"Болезненно стенéм, от одра болезни нашея, и от губительныя нéмощи вопием к Тебе, Человеколюбцу, сердечныя очи ныне простирающе, здравия просим. Посети нас, Спасе, и возстави пети: людие, превозносите во вся веки".
"В нашу немощь милостивне облеки΄йся и уподобитися человеком извóливый, молитвами преподобных Твоих, отчаянных спаси нас, воздвигни из гроба отчаяния пети: отроцы, благословите, священницы, пойте, людие, превозносите во вся веки".
"Слава": "Содетелю естества, Подателю исцеления, утробы щедрот и благоутробия пучину, яко имéяй, Долготерпеливе, посещением посети от губительныя немощи люди Твоя и оживи вопити: священницы, благословите, людие, превозносите во вся веки".
"И ныне", Богородичен: "Крепкая Пóмоще, и известное Заступление, отчаявшихся Надеждо, Пренепорочная, посети страждущыя болезненно рабы Твоя, облегчи΄ тяжесть горькия нéмощи, отжени недуг губительныя нýжды и спаси рабы Твоя, Дево Богородице".
Песнь 9-я. Ужасе́ся о се́м Не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее Небе́с: те́м Тя́, Богоро́дицу, А́нгелов и челове́к чинонача́лия велича́ют.
Припев: Помилуй нас Боже, помилуй нас.
"Чудеса велия, ихже несть числа, сотвори΄вый, Безсмертне, на рабы Твоя милости Твоя, Боже, яко Милостив, покажи, и содержащыя нас ныне свободи болезни, моленьми Рождшия Тя и лика страстотерпцев Твоих".
"Ангелов, Архангелов и пророков, апостолов, мучеников, преподобных же, иерархов, священномучеников Твоих молитвами, плач рабов Твоих обрати, Всесильне, в радость: исцели болезнь, облегчи΄ недуги и здравие нам даруй".
"Слава": "Душ же и телес Врача, в милости богатаго, Господа Тебе молю: исцели страсти моя многия, болезней изыми и скорбных мя, яко Благ и Един Благодетель, и спасай верою чистою Тя величающих".
"И ныне", Богородичен: "Щедраго рождшая и Милостиваго, и Владыку, и Создателя, и Господа, ныне на мне покажи Твоя обычно щедроты и лютаго мя избави недуга, изнуряющаго душу мою, Дево Богородице, и подаждь ми здравие, яко да непрестанно величаю Тя".
По окончании канона:
Досто́йно есть я́ко вои́стину блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Чтец: Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй, трижды. Сла́ва Отцу и Сыну и Святому Духу и ны́не и присно и во веки веков. Аминь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Иерей: Я́ко Твое́ есть Ца́рство и сила и слава Отца и Сына и Святаго Духа, ныне и присно и во веки веков.
Чтец: Ами́нь.
Поми́луй нас, Го́споди, поми́луй нас; вся́каго бо отве́та недоуме́юще, сию́ Ти моли́тву я́ко Влады́це, гре́шнии прино́сим: поми́луй нас.
Сла́ва: Го́споди, поми́луй нас, на Тя бо упова́хом; не прогне́вайся на ны зело́, ниже́ помяни́ беззако́ний на́ших, но при́зри и ны́не я́ко благоутро́бен, и изба́ви ны от враг на́ших; Ты бо еси́ Бог наш, и мы лю́дие Твои́, вси дела́ руку́ Твое́ю, и и́мя Твое́ призыва́ем.
И ны́не: Милосе́рдия две́ри отве́рзи нам, благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси́ спасе́ние ро́да христиа́нскаго.
Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.
Лик: Го́споди, поми́луй, три́жды.
Еще́ мо́лимся о вели́ком господи́не и о́тце на́шем Святе́йшем Патриа́рхе Кири́лле и о господи́не на́шем высокопреосвяще́ннейшем митрополи́те (или: архиепи́скопе или́: преосвяще́ннейшем епи́скопе) и́мярек, и о всей во Христе́ бра́тии на́шей.
Лик: Го́споди, поми́луй, три́жды.
Еще́ мо́лимся о богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Лик: Го́споди, поми́луй, три́жды.
"Согреши΄хом и беззакóнновахом, и сего ради праведный Твой гнев пости΄же нас, Господи Боже наш, и сень смертная обы΄де нас, и ко адовым вратóм прибли΄жихомся. Но к Тебе, Богу нашему, в болезни нашей умильно вопием: пощади, пощади люди Твоя, и не погуби до конца, смиренно молим Ти ся, услыши и помилуй".
"Животом и смертию влады΄чествуяй, Господи, не затвори в смерти дýши рабов Твоих, но престани от гнева и остави ярость, зане исчезают яко дым дни΄е наши, и и΄зсше крепость наша и погибаем до конца грех ради наших. Милостив буди рабом Твоим, в покаянии со слезами молим Ти ся, услыши и помилуй".
"Помяни яко плоть есмы΄, Господи, дух ходя΄й, и не обращáяйся, и милостивно отврати гнев Твой, праведно на ны движимый, имже яко мечем безгодно посещаеши нас, устави болезнь и утоли язву, напрасно губя΄щую нас. Не мертвии бо восхвалят Тя, и в болезни сердца стеня΄ща молим Ти ся, услыши и помилуй".
"Паче всех согрешихом Тебе и беззакóнновахом, Владыко, и аще покаяния не стяжáхом, предложение наше вместо покаяния приими, и на милость преложи΄, смертоноснаго недуга и болезней лютых, яко Всесилен, свободи рабы Твоя, болезненно стеня΄ще молим Ти ся, скоро услыши и помилуй".
"Не помяни беззаконий и неправд людей Твоих и не вниди в суд с рабы Твоими, нижé уклонися гневом от рабов Твоих. Аще беззакония нáзриши, Господи, кто постоит? прах бо и пепел есмы΄, и состав наш яко ничтоже пред Тобою, но яко Щедр и Человеколюбец умилосердися и не погуби нас во гневе Твоем со беззаконьми нашими, молим Ти ся, Боже Преблагий, услыши и помилуй".
"Не хотяй смерти грешных, но еже обратитися и живым быти им, яко живота Источник, оживотвори нас праведным Твоим судом, смерти достойных: Бог бо еси, живыми и мертвыми обладáяй, и не погуби нас во гневе прещения Твоего, воплем крепким в горести сéрдца со слезами молим Ти ся, услыши и помилуй".
"Милостивно при΄зри, Господи, на озлобление людей Твоих, и умилосердися, и повели Ангелу простершему руку свою, еже погубити всех нас, якоже иногда при Давиде повелел еси, еже довлети ныне, и удержати руку свою, да не до конца нас погуби΄т. И мы бо в покаянии Тебе исповéдающеся, яко Давид, вопием: согреши΄хом и беззакóнновахом, и нéсмы достойни Твоего милосердия, но Ты Сам, яко Щедр, единаго ради благосердия Твоего умолéн быв, покажи милости Твоя древния и пощади люди и овцы пáжити Твоея, молим Ти ся, скоро услыши и помилуй".
Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих и́мярек.
Лик: Го́споди, поми́луй, три́жды.
Еще́ мо́лимся за всю бра́тию, и за вся христиа́ны.
Лик: Го́споди, поми́луй, три́жды.
Возгла́с: Услы́ши ны, Бо́же Спаси́телю наш, упова́ние всех конце́в земли́ и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших и поми́луй ны. Ми́лостив бо и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Лик: Ами́нь.