НА ВЕЛИЦЕЙ ВЕЧЕРНИ.
Блажен муж: 1-й антифон. На Господи, воззвах: стихиры, глас 8.
Подобен: Что вас наречем, святии:
| Ч |
то тя нарече=м, богоглаго=ливе о=тче Мака=рие?/ Апо=стола ли, я=ко све=том Ева=нгелия неве=дущих просвети=л еси=?/ Святи=теля ли вели=ка,/ я=ко благоче=стию лю=ди алта=йския научи=л еси?/ Па=стыря ли до=браго,/ я=ко заблу=ждшыя о=вцы во огра=ду Христо=вы Це=ркве приве=л еси?/ Мнози твоя= по=двизи и ве=лие дерзнове=ние./ Темже не престай молитися Господеви/ о спасе=нии душ на=ших.
Что тя нарече=м, богому=дре о=тче Мака=рие?/ Безсре=бренника ли, я=ко преходя=щия ми=ра сего добро=ты отре=кся,/ к неиму=щим прите=кл еси?/ Пусты=нника ли, я=ко бога=тство и сла=ву отри=нув,/ бедноту= па=ствы твоея= смире=нно поне=сл еси=?/ По=стника ли, я=ко воздержа=нием те=ло изсуши=л еси?/ Те=мже и дерзнове=ние улучи=в ко Господу,/ не преста=й моли=тися о творя=щих па=мять твою=.
Что тя нарече=м, терпеливоду=шне Мака=рие?/ Страстоте=рпца ли, я=ко поноше=ния от заблужда=ющихся прия=л еси=?/ Испове=дника ли, я=ко умертви=ти тя тща=шася беззако=ннии,/ Госпо=дь же соблюде= тя неврежде=нна?/ Му=ченика ли, я=ко поруга=ние святы=нем ви=дев,/ ду=хом уя=звлен был еси=?/ Те=мже и нас те=плым предста=тельством твои=м/ лю=тых страсте=й терза=ния изба=ви.
Что тя нарече=м, прехва=льне о=тче Мака=рие?/ Чудотво=рца ли, я=ко пресла=вное ве=рным содева=еши?/ Скорбя=щим ли утеше=ние,/ я=ко явлением твоим отча=явшуюся жену= ободри=л еси?/ В беда=х и напа=стех засту=пника?/ Я=ко с моли=твою к тебе= притека=ющия послу=шаеши/ и по=мощи твоея= кре=пкую подае=ши ру=ку,/ ю=же ны=не простира=я,/ из бла=та грехо=внаго исто=ргни рабы= твоя=.
Что тя нарече=м, смиренному=дре Мака=рие?/ Врача= ли безме=здна,/ я=ко и=менем Госпо=дним я=звы исцеля=я,/ позна=нию и=стиннаго Бо=га научи=л еси?/ Пучи=ну ли чуде=с приснотеку=щую,/ я=ко по=мощи прося=щим посо=бствуеши?/ Ра=йскаго ли блаже=нства прича=стника,/ честны=е мо=щи нам оста=вльшаго,/ я=же ны=не лобыза=юще,/ почерпа=ем благода=ть исцеле=ний оби=льную,/ ве=рою и любо=вию тя велича=юще.
Сла=ва, глас то=йже.
Подо=бен: О, пресла=внаго чудесе=!
Святи=телю о=тче Мака=рие,/ де=лателю виногра=да Христо=ва усе=рднейший,/ ты тяготу= служе=ния апо=стольскаго поне=сл еси=,/ и во тьме неве=дения седя=щие челове=ки/ па=стырскою му=дростию научи=в спасе=нию,/ ча=да Христо=вы Це=ркве соде=лал еси=./ Те=мже и ны=не по достоя=нию/ блаже=нства святы=х причаща=яся,/ моли=ся о спасе=нии душ на=ших.
И ны=не, глас то=йже: Ца=рь Небе=сный:
Вход. Прокимен дне.И чтения святительская.
При́тчей чте́ние.
| П |
а́мять пра́веднаго с похвала́ми, и благослове́ние Госпо́дне на главе́ его́. Блаже́н челове́к, и́же обре́те Прему́дрость, и сме́ртен, и́же уве́де ра́зум. Лу́чше бо Сию́ купова́ти, не́жели зла́та и сребра́ сокро́вища. Честне́йшая же есть ка́мений многоце́нных, все же честно́е недосто́йно Ея́ есть. Долгота́ бо дней и ле́та живота́ в десни́це Ея́, в шу́йце же Ея́ бога́тство и сла́ва. От уст Ея́ исхо́дит пра́вда, зако́н же и ми́лость на язы́це но́сит. Послу́шайте у́бо Мене́, о ча́да, честна́я бо реку́: и блаже́н челове́к, и́же пути́ Моя́ сохрани́т; исхо́ди бо Мои́, исхо́ди живота́, и уготовля́ется хоте́ние от Го́спода. Сего́ ра́ди молю́ вас и предлага́ю Мой глас сыново́м челове́ческим: я́ко Аз, прему́дрость устро́их, сове́т и ра́зум, и смысл Аз призва́х. Мой сове́т и утвержде́ние, Мой ра́зум, Моя́ же кре́пость. Аз Мене́ лю́бящия люблю́, и́щущии же Мене́ обря́щут благода́ть. Разуме́йте у́бо, незло́бивии, кова́рство, ненака́заннии же, прилага́йте сердца́. Послу́шайте Мене́ и па́ки, честна́я бо реку́: и отве́рзу от усте́н пра́вая, я́ко и́стине поучи́тся горта́нь Мой, ме́рзки же пре́до Мно́ю устны́ лжи́выя. С пра́вдою вси глаго́лы уст Мои́х, ничто́же в них стро́потно, ниже́ развраще́нно. Вся пра́ва суть разумева́ющим и про́ста обрета́ющим ра́зум. Науча́ю бо вас и́стине, да бу́дет о Го́споде наде́жда ва́ша, и испо́лнитеся Ду́ха.
Прему́дрости Соломо́новы чте́ние.
| У |
ста́ пра́веднаго ка́плют прему́дрость, устне́ же муже́й му́дрых ве́дят благода́ть. Уста́ му́дрых поуча́тся прему́дрости, пра́вда же избавля́ет их от сме́рти. Сконча́вшуся му́жу пра́ведну, не поги́бнет наде́жда. Сын бо пра́веден ражда́ется в живо́т и во благи́х свои́х плод пра́вды обы́мет. Свет пра́ведным всегда́, и от Го́спода обря́щут благода́ть и сла́ву. Язы́к му́дрых до́брая свесть, и в се́рдце их почи́ет му́дрость. Лю́бит Госпо́дь преподо́бная сердца́, прия́тни же Ему́ вси непоро́чнии в пути́. Му́дрость Госпо́дня просвеща́ет лице́ разу́мнаго. Постига́ет бо жела́ющия Ю́, пре́жде да́же разуме́ти Ю́, и удо́бь у́зрится от лю́бящих Ю́. У́треневавый к Ней не утруди́тся, и бдяй Ея́ ра́ди вско́ре без печа́ли бу́дет. Я́ко досто́йных Ея́ Сама́ обхо́дит, и́щущи, и во стезя́х Ея́ явля́ется им благоприе́мне. Му́дрости никогда́же одоле́ет зло́ба. Сих ра́ди и рачи́тель бых добро́ты Ея́, и возлюби́х Ю́, и поиска́х от ю́ности моея́. И взыска́х Неве́сту привести́ себе́, я́ко всех Влады́ка возлюби́ Ю́. Таи́нница бо есть Бо́жия хи́трости, и обрета́тельница дел Его́. Труды́ Ея́ суть доброде́тели: целому́дрию же и ра́зуму Та учи́т, пра́вде и му́жеству, и́хже потре́бнее ничто́же есть в житии́ челове́ком. А́ще же и мно́гаго иску́сства жела́ет кто, весть дре́вняя, и бы́ти хотя́щая разсмо́трит. Свесть изви́тия слове́с и разреше́ния гада́ний, зна́мения и чудеса́ проразуме́ет, и сбытия́ време́н и лет; и всем сове́тник есть благ, я́ко безсме́ртие есть в Ней и благосла́вие во обще́нии слове́с Ея́. Сего́ ра́ди бесе́довах ко Го́споду, и помоли́хся Ему́, и рех от всего́ се́рдца моего́: Бо́же отце́в и Го́споди ми́лости, сотвори́вый вся Сло́вом Твои́м и Му́дростию Твое́ю устро́ивый челове́ка, да владе́ет бы́вшими от Тебе́ тварьми́ и да управля́ет мир в преподо́бии и пра́вде. Даждь ми Твои́х Престо́лов приседя́щую Прему́дрость и не отлучи́ мене́ от о́трок Твои́х, я́ко аз раб Твой и сын рабы́ни Твоея́. Посли́ Ю́ с Небе́с от свята́го жили́ща Твоего́, и от Престо́ла сла́вы Твоея́, да су́щи со мно́ю, научи́т мя, что благоуго́дно есть пред Тобо́ю, и наста́вит мя в ра́зум, и сохрани́т мя в сла́ве Свое́й. Помышле́ния бо сме́ртных вся боязли́ва, и погреши́тельна умышле́ния их.
Прему́дрости Соломо́новы чте́ние.
| П |
охваля́ему пра́веднику, возвеселя́тся лю́дие: безсме́ртие бо есть па́мять его́, я́ко от Го́спода познава́ется и от челове́ков, и уго́дна Го́споду душа́ его́. Возлюби́те у́бо, о му́жие, Му́дрость и поживете́, восхощи́те Ея́ и нака́зани бу́дете: нача́ло бо Ея́ любы́ и соблюде́ние зако́на. Почти́те Прему́дрость, да во ве́ки ца́рствуете. Возвещу́ вам и не скры́ю от вас та́ин Бо́жиих. Я́ко Той му́дрости наста́вник есть, и му́дрых испра́витель, и вся́кому смы́слу и де́лу хитрее́ц. И всем смы́слом научи́т Му́дрость: есть бо в Ней Дух разу́мен и свят, и сия́ние Све́та Присносу́щнаго, и О́браз бла́гости Бо́жия. Та́я дру́ги Бо́жия и про́роки устроя́ет. Благоле́пнейши же есть со́лнца и па́че вся́каго сотворе́ния звезд, све́ту сосужда́ема обрета́ется пе́рвейши. Та́я угожда́ющия Ей от боле́зни изба́ви и наста́ви на стези́ пра́выя. Даде́ им ра́зум име́ти свят и сохрани́ от ловя́щих, и по́двиг кре́пок подаде́ им. Да разуме́ют вси, я́ко си́льнейши всего́ есть благоче́стие; и никогда́же премо́жет зло́ба му́дрости, ниже́ пре́йдет злы́я облича́ющи суд. Реко́ша же в себе́, помы́сливше непра́ведно: наси́льствуем пра́ведному и не пощади́м преподо́бства его́, ни усрами́мся седи́н ста́рости многоле́тны. Бу́дет бо нам кре́пость зако́н, и улови́м пра́веднаго, я́ко неуго́ден нам есть, и проти́вится дело́м на́шим, и поно́сит нам отпаде́ние зако́на, и облича́ет нам согреше́ния наказа́ния на́шего. Возвеща́ет нам ра́зум име́ти Бо́жий и о́трока Госпо́дня себе́ имену́ет. Бысть нам на обличе́ние помышле́ний на́ших и тя́жек нам есть, и ви́дим, я́ко неподо́бно ины́м житие́ его́ и измене́ны стези́ его́. В поруга́ние вмени́хомся ему́, и удаля́ется от путе́й на́ших, я́ко от нечисто́т, и блажи́т после́дняя пра́ведных. Уви́дим у́бо, а́ще словеса́ его́ и́стинна суть, иску́сим, я́же сбыва́ются ему́. Руга́нием и му́кою истя́жем его́, да разуме́ем кро́тость его́, и иску́сим беззло́бство его́, сме́ртию безобра́зною осу́дим его́, бу́дет бо посеще́ние от слове́с его́. Сия́ помы́слиша и прельсти́шася: ослепи́ бо я́ зло́ба их, и не разуме́ша та́ин Бо́жиих и не разсуди́ша, я́ко Ты еси́ Бог Еди́н, живота́ име́яй и сме́рти власть, и спаса́яй во вре́мя ско́рби, и избавля́яй от вся́каго зла. Ще́др и ми́лостив, и дая́й преподо́бным Свои́м благода́ть, и Свое́ю мы́шцею го́рдым противля́яся.
На литии, стихиры глас 8.
Прему=дрости твое=й и сло=ву разу=мному/ лю=дие земли= Алта=йския покори=вшеся/ и=дольскую лесть оста=виша,/ и тобо=ю пропове=дуемому Христу= от души= веро=ваша,/ Ему=же, прехва=льне святи=телю Мака=рие,/ ны=не со дерзнове=нием предстоя=/ не преста=й моли=тися о соверша=ющих па=мять твою=.
Глаго=лы Бо=жии управля=емь,/ дом о=тчий оста=вил еси=,/ и, я=коже Авраа=м пра=отец,/ в неве=домую зе=млю изше=л еси=,/ иде=же ве=ру и=стиную утвержда=я,/ мно=ги зна=мения и чудеса= показа=л еси=,/ достоблаже=нне о=тче Мака=рие./ Те=мже и ны=не Престо=лу Бо=жию со дерзнове=ние предстои=ши,/ моля=ся о спасе=нии душ на=ших.
Слава, глас 8: Илии=ною ре=вностию разже=нное се=рдце име=я,/ о неве=дущих И=стиннаго Бо=га се=рдцем боле=зновал еси=,/ и я=ко досто=йный того= учении=к,/ вся оста=вив, благовести=ти пра=вду заблу=ждшим восхоте=л еси=,/ я=же све=том и=стины просвети=вшеся,/ Влады=це из глубины= души= возопи=ша:/ Сла=ва Тебе=, Го=споди Бо=же наш,/ я=ко не оста=вил еси= нас в коне=ц поги=бнути,/ но посла=л еси= нам раба= Твоего= Мака=рия,/ на путь спасе=ния нас наста=вльшаго.
И ны=не, глас то=йже: Безневе=стная Де=во:
На стихо=вне, стихи=ры, глас 1.
Подо=бен: Небе=сных чино=в.
Ева=нгелия Христо=ва ве=рный свиде=телю,/ запове=данное от Го=спода де=лом испо=лнивый,/ вражду=ющия бо к ми=ру призыва=я,/ зауше=ние от еди=наго от них прия=л еси=./ Те=мже и ны=не Престо=лу Бо=жию предстоя=,/ дух любви= и единомы=слия моли=ся нам дарова=ти.
Сти=х: Уста= моя= возглаго=лют прему=дрость,/ и поуче=ние се=рдца моего= ра=зум.
Яко оте=ц чадолюби=вый,/ попече=ние о па=стве твое=й име=л еси=,/ стра=ждущия исцеля=я и ско=рбныя утеша=я,/ ве=ру от дел твои=х ми=рови яви=л еси=,/ и, све=том ея= мно=гие ду=ши озари=в,/ ко Христу= приве=л еси=,/ Его=же моли= помраче=нные грехо=м очеса= на=ша просвети=ти.
Сти=х: Уста= пра=веднаго поуча=тся прему=дрости,/ и язы=к его= возглаго=лет су=д.
Де=лателю виногра=да Христо=ва усе=рдней-ший,/ Ева=нгельскими глаго=лы науче=н быв,/ потща=лся еси= доброде=тель твою= та=йно соверша=ти,/ но, я=ко не мо=жет свети=льник укры=тися верху= горы= стоя=,/ та=ко не возмого=ша по=двиги твоя= утаи=тися./ Те=мже тя вси любо=вию почита=ем.
Сла=ва, глас то=йже: От сокрове=нныя сткля=ницы души= твоея=,/ бога=тства благода=ти мно=гия испо=лненныя,/ богодохнове=нных наставле=ний излия=шася то=ки,/ и=миже во тьме= и се=ни сме=ртней седя=щие,/ прему=дре улови=л еси=,/ и, ве=ре тех научи=в,/ я=ко заблу=ждшие о=вцы ко Христу= приве=л еси=,/ святи=телю о=тче Мака=рие,/ моли= Христа= Бо=га/ спасти=ся душа=м на=шим.
И ны=не, глас то=йже: Се испо=лнися Иса=иино прорече=ние:
Тропа=рь, глас 4
| Б |
оже=ственныя ве=ры пропове=данием/ зе=млю Алта=йскую озари=л еси=,/ теплоту= и свет Христо=в источа=я,/ к позна=нию и=стины мно=гия приве=л еси=,/ гра=ду же Москве= и всея= Росси=и/ пресла=вное украше=ние яви=лся еси=,/ па=стырю наш до=брый святи=телю Мака=рие,/ моли= Христа= Бо=га/ спасти=ся душа=м на=шим.
НА УТРЕНИ.
По 1-ом стихословии седален, глас 8.
Г оспо=день быв учени=к, Ева=нгельское сло=во в зе=млю Алта=йскую прине=сл еси=, ни зла=та не прие=м, ни бога=тства, возвеща=емое тобо=ю прие=млющим мир подава=л еси=. Те=мже и на=шаго моле=ния не отри=ни, но ми=лостивно прие=мый, Влады=ку Христа= умоли= спасе=ние дарова=ти пою=щим успе=ние твое=.
Слава, и ныне, Богородичен:
Притеце=м к ти=хому приста=нищу и Засту=пнице ро=да на=шего, Де=ве Мари=и,/ припаде=м к ско=рому Ея= поможе=нию, уми=льно зову=ще:/ при=зри, Благосе=рдая Ма=ти, на лю=тыя ско=рби, нас обдержа=щие,/ и исцели= боле=зни душ на=ших.
По 2-ом стихословии седален, глас 5.
Вели=чие по=двигов твои=х кто пове=сть, достоблаже=нне Мака=рие, апо=стольски бо подвиза=вся, с по=стники воздержа=нием те=ло духо=ви порабо=тил еси=, я=ко па=стырь до=брый, о=вцы ста=да твоего= от волко=в губя=щих огражда=я, со испове=дники непра=ведно изгна=н был еси=. Сего= ра=ди и дерзнове=ние ко Го=споду улучи=в, мо=лися о спасе=нии душ на=ших.
Слава, и ныне, Богородичен:
Моли=тв, я=же о нас, при=сное устремле=ние, и гре=шных прибе=жище несумне=нное, и пра=веднаго гне=ва Бо=жия отклоне=ние позна=хом Тя, Богоро=дице Де=во; у=бо и на нас долготерпе=ние Твое= простри=, и грехо=в на=ших проще=ние испроси=, и во благи=х проше=ния на=ша испо=лни, Пречи=стая.
По полиелеи седален, глас 1.
Прему=дрости дар от Бо=га прие=мый, ни бога=тства, ни сла=вы на земли= стяжа=ти восхоте=л еси=, не своего= же то=кмо спасе=ния взыску=я, же=ртвенныя любве= показа=л еси= о=браз. Те=мже и днесь в па=мяти твое=й похва=льное прино=сим ти пе=ние, зову=ще: Ра=дуйся, богоно=се о=тче Мака=рие, усе=рдный де=лателю виногра=да Христо=ва.
Слава, и ныне, Богородичен:
Я=ко Всенепоро=чная Неве=сто Творцу=, я=ко Неискусому=жная Ма=ти Изба=вителя, прия=телище я=ко су=щи Уте=шителя, Всепе=тая, беззако=ния мя су=ща скве=рное оби=телище и де=монов игра=лище в ра=зуме бы=вша, потщи=ся от тех злоде=йства мя изба=вити и све=тлое жили=ще доброде=телей соверши=, Светоно=сная, Нетле=нная. Отжени= о=блак страсте=й и Вы=шняго прича=стия сподо=би и све=та невече=рняго моли=твами Твои=ми.
Таже степенна, 1-й антифон 4-го гласа.
Прокимен, глас 4: У ста= моя= возглаго=лют прему=дрость и поуче=ние се=рдца моего= ра=зум Сти=х: Услы=шите сия= вси язы=цы внуши=те вси живу=щии по вселе=нней. Евангелие от Иоанна, зачало 35.
По 50-м псалме стихира, глас 6:
Т ы еси= па=стырь до=брый,/ взыска=вый заблу=ждшия/ и поги=бшия ду=ши от пути= поги=бельнаго обрати=вый/ и во огра=ду Христо=ву приведы=й,/ ча=да Бо=жия соде=лал еси=./ Те=мже и мы любо=вию вопие=м ти:/ прему=дрый наш па=стырю о=тче Мака=рие,/ моли=ся о спасе=нии чту=щих па=мять твою=.
Канон, глас 6
Песнь 1
Ирмос: Помо=щник и Покрови=тель/ бы=сть мне во спасе=ние,/ Сей мой Бог,/ и просла=влю Его=,/ Бог отца= моего=,/ и вознесу= Его=,/ сла=вно бо просла=вися.
Заблуди=в, я=ко овча= поги=бшее, скве=рная дея=ния сотвори=х, аз окая=нный, но молю=ся Ти, Па=стырю овца=м Вели=кому, взыщи= мя и на путь спасе=ния возвра=ти святи=теля Мака=рия мольба=ми.
В рождестве= твое=м пресла=вное чу=до показа= Госпо=дь, и тя=, младе=нца, не=мощна бы=вша, покро=вом же Бо=жия Ма=тери соблюде=нна, в служе=ние Себе= пресла=вно угото=ва.
Не си=льныя ми=ра сего= избра= Госпо=дь, но смире=нныя ду=хом и кро=ткия се=рдцем, ты же си=х доброде=телем усе=рдно поревновав, благи=й и ве=рный раб Влады=ки твоего= по достоя=нию наре=клся еси=.
Огне=м боже=ственныя ре=вности распала=емь, апо=столом в служе=нии уподо=бился еси=, богому=дре о=тче Мака=рие, дарова=ния же от Го=спода разли=чная восприе=м, пресла=вная ве=рным чудоде=йствуеши.
Нищету= Христо=ву возлюби=в, вся презре=л еси= бу=дущия ра=ди жи=зни, роди=тели и сро=дники своя= оста=вив, язы=ки алта=йския Христу= приобре=л еси=. Те=мже тя, я=ко прему=дра купца=, по достоя=нию велича=ем.
Богоро=дичен: Помози= ми, Ма=ти Де=во Влады=чице, страсте=й свирепе=ющую пе=щь угаси=ти и оби=льные сле=зы пода=ждь ми молю=ся, да возмогу= омы=ти скве=рну соде=янных мно=ю согреше=ний.
Песнь 3
Ирмос: Утверди=, Го=споди,/ на ка=мени за=поведей Твои=х/ подви=гшееся се=рдце мое=,/ я=ко Еди=н свят еси= и Госпо=дь.
Ми=ра сего= добро=ту оста=вив, тяготу= лише=ний па=ствы твоея= поне=сл еси=. Те=мже и ра=йскаго блаже=нства ны=не причаща=яся, тя=жкое бре=мя грехо=в на=ших разреши=ти Христа= умоли=.
Зло=бою обурева=емое се=рдце противля=юща-гося ти, глубино=ю смире=ния твоего= от неду=га разреши=л еси=, о=тче. Те=мже и нас люте=йшим страсте=м рабо=тающих, влады=чества о=ных изба=ви.
Стра=ждущия по глаго=лу Ева=нгелия Христо=ва посеща=я, стра=ха сме=ртнаго не убоя=лся еси=, бла=же. Те=мже ядоме=тным жа=лом греха= уя=звленные ны, моли=мся, прише=д, исцели=.
Во взыска=ние неве=дущих Го=спода изше=д, язы=к о=ных потща=лся еси= уразуме=ти. Ны=не же во взыска=ние на=ша, мо=лимся, изы=ди и в неве=-дении сотворе=нная на=ми покая=ния росо=ю омы=ти научи=.
О=браз же=ртвенныя любве= показу=я, уя=звленнаго змие=ю о=трока уврачева=л еси=, о=тче. Те=мже и нас люте=йшаго зми=я стрело=ю ура=нен-ных еле=ем те=плыя твоея= моли=твы исце=ли.
Богоро=дичен: К Твоему= милосе=рдию взыва=я, Влады=чице, покая=ния сле=зы, я=ко да=ры, во умиле=нии Тебе= приношу=:/ Не преста=й Сы=на Твоего= и Бо=га на=шего моли=ти о спасе=нии душ на=ших.
Седален, глас 8.
Ева=нгелие Христо=во неве=дущим благовеству=я, тяготу= лише=ний смире=нно поне=сл еси=, де=лом же пропове=данное утвержда=я, богому=дрый се=ятель боже=ственнаго се=мене яви=лся еси=, достоблаже=нне о=тче Мака=рие. Те=мже и дерзнове=ние ко Го=споду улучи=в, мо=лишися о спасе=нии душ на=ших.
Слава и ныне, глас тойже:
У пова=ние и Прибе=жище христиа=ном,/ Богоро=дице Присноде=во,/ тре=бующия Твоея= по=мощи не пре=зри,/ Ма=терним же дерзнове=нием Твои=м/ испроси= у Сы=на Твоего= и Бо=га на=шего дарова=ти душа=м на=шим спасе=ние и ве=лию ми=лость.
Песнь 4.
Ирмос: Услы=ша проро=к прише=ствие Твое=, Го=споди, и убоя=ся, я=ко хо=щеши от Де=вы роди=тися и Челове=ком яви=тися, и глаго=лаше: услы=шах слух Твой и убоя=хся: сла=ва си=ле Твое=й, Го=споди.
Па=стыря тя до=браго позна=ша лю=дие алта=йстии, ду=шу свою= на всяк день за о=вцы своего= ста=да полага=ющаго. Возро=сшее же во о=нех те=р-ние страсте=й любо=вию напое=нными глаго=лы исторга=я, сы=ны Ца=рствия тех соде=лал еси=, богому=дре.
И=хже в позна=ние и=стинныя ве=ры приве=л еси=, поноси=мы ви=дев от непокаря=ющихся благове=стию, ду=хом томи=лся еси=, о=тче Мака=рие. Те=мже и нас от врага= ро=да челове=ческаго попира=емых ви=дя, озлобле=ния о=наго моли=твою твое=ю изба=ви.
Блаже=н еси= ты, о=тче, и=бо не то=кмо сам во благове=стии сло=ва Бо=жия подвиза=лся еси=, но и и=ны мно=ги сему= научи=в, усе=рдно порабо=тати на ни=ву Христо=ву призва=л еси=. Те=мже и зе=млю моего= се=рдца ра=лом те=плыя твоея= моли=твы возде=лай.
Вои=стинну ве=рный раб Влады=ки твоего= был еси=, досточу=дне Мака=рие, в ма=лем бо служе=нии неуста=нно подвиза=лся еси= во=лю Его= испо=лнити. Те=мже и над мно=гими па=стырем поста=влен быв, смире=ннаго о себе= помышле=ния не оста=вил еси=.
Ве=лие попече=ние о ни=щих в житии= твое=м полага=л еси=, всехва=льне Мака=рие, не иму=щим где главы= преклони=ти кро=вы устроя=л еси=, а=лчущия пита=л еси=. Те=мже и нас, обнища=вших Бо=жия благода=ти, предста=тельством твои=м, мо=лимся, обогати=.
Богоро=дичен: Услы=ши от нас, недосто=йных раб Твои=х, приноси=мую Тебе= моли=тву, Премилосе=рдная Бо=га на=шего Ма=терь, и подви=гнися к Сы=ну Твоему= на моле=ние: ми=лостива Его= ма=терним Твои=м дерзнове=нием сотворя=ющи, на Тя при=сно наде=ющимся.
Песнь 5
Ирмос: От но=щи у=тренююща, Человеколю=бче, просвети= молю=ся, и наста=ви и мене= на повеле=ния Твоя=, и научи= мя Спа=се, твори=ти во=лю Твою=.
Не возмо=же свети=льник твой, еле=ем мно=гих доброде=телей испо=лненный, в ве=сех алта=йских утаи=тися. Те=мже на высоту= святи=тельскаго служе=ния по достоя=нию возше=л еси=.
Не своея= во=ли исполне=ния взыску=я, но Бо=жию промышле=нию повину=яся, гра=да То=мска дости=гнув, но=вую па=ству прише=ствием твои=м возвесели=л еси=. Те=мже и на=ша печа=ли, мо=лимся, разреши=.
Поуча=я духо=вныя о=вцы твоя= благоче=стию, во и=стиннней ве=ре наставля=ти ча=да своя= роди=телей призыва=л еси=. Те=мже и коле=блемую проти=вными ве=тры ве=ру на=шу моли=твою твое=ю утверди=.
Секи=ра бы=ша богому=дрии глаго=лы твоя=, те=рния страсте=й посека=ющая, устне= же твоя= исто=чник благода=ти неизсяка=емый яви=шася, приходя=щия к тебе= спаси=тельными наставле=ньми напая=яй.
Все=янная ви=дев се=мена безве=рия на ни=ве, на не=йже ты до=бре подвиза=лся еси=, о=тче, потща=лся еси= от них соблюсти= неврежде=нна ве=рные ча=да твоя=, благоче=стию на всяк день тех поуча=я.
Богоро=дичен: Плотски=я и душе=вныя неду=ги исцели= к Тебе= прибега=ющих, Всепе=тая Богоро=дице: кре=пость бо еси= притека=ющим под кров Твоея= моли=твы, Преблагослове=нная на=ша Влады=чице.
Песнь 6
Ирмос: Возопи=х всем се=рдцем мои=м к Ще=дрому Бо=гу, и услы=ша мя от а=да преиспо=дняго, и возведе= от тли живо=т мой.
Укори=зны терпя= от ослепле=ннаго зло=бою челове=ка, Влады=це Христу= незло=бием и терпе=нием вои=стинну уподо=бился еси=.
Уби=ти тя грозя=щему небоя=зненно отвеща=л еси=, я=ко не страшна= христиа=ном смерть вре=менная, живота= бо ве=чнаго взыску=ем.
Озлобле=ние ви=дев восста=вших на тя беззако=нно, се=рдцем боле=зновал еси=, о=тче, моля=ся Го=сподеви о спасе=нии Оте=чества твоего=.
Беззако=нием беззако=ния прилага=юще, тя, му=драго па=стыря, безу=мием помраче=ннии челове=цы от слове=сных твои=х ове=ц удали=ша.
Богоро=дичен: Мольбу= прино=сим Ти, Пренепоро=чная Влады=чице, моли=твою Твое=ю прегреше=ний на=ших рукописа=ния раздери=.
Кондак, глас 3.
| С |
вяти=телю Христу= Бо=гу возлю=бленне,/ пра=вило ве=ры и о=браз милосе=рдия лю=дем был еси=,/ пропове=данием и труды= мно=гими/ язы=ки алта=йския ко Христу= приве=л еси=,/ сам же в по=двизех тече=ние жития= соверши=в,/ от Бо=га нетле=нием венча=лся еси=,/ ду=хом же Престо=лу Бо=жию предстоя=,/ моли=ся ны=не Го=сподеви/ да укрепи=т нас во Правосла=вии и благоче=стии,/ и спасе=т ду=ши на=ша.
Икос.
Прему=дростию слове=с твои=х наставля=еми, лю=ди земли= Алта=йския благове=стию покори=шася, и тя, я=ко исто=чник благода=ти неисчерпа=емыя, обре=тше, почерпа=ху во=ды спаси=тельных наставле=ний твои=х, от него=же и о=вцы слове=снаго ста=да твоего= во гра=де Москве= пи=вше, лю=тыя я=звы неве=рия исцеля=хуся, покая=ния сле=зы Бо=гови принося=ще. Те=мже и мы утеше=ния от тебе= а=лчуще получи=ти, притека=юще вопие=м: святи=телю о=тче Мака=рие досточу=дне, моли=ся Го=сподеви укрепи=ти нас во Правосла=вии и благоче=стии, и спасти= ду=ши на=ша.
Песнь 7
Ирмос: Согреши=хом, беззако=нновахом, непра=вдовахом пред Тобо=ю: ниже= соблюдо=хом, ниже= сотвори=хом, я=коже запове=дал еси= нам: но не преда=ждь нас до конца=, отце=в Бо=же.
Небе=снаго Оте=чества взыску=я, того= дости=гшаго кроншта=дтскаго па=стыря благогове=йно чти=л еси=, и исцеле=ние от него= получи=в, дарова=вшему толи=ку благода=ть рабу= Своему= возопи=л еси=: оте=ц на=ших, Бо=же, благослове=н еси=.
Без вины= стражда=, блаже=нство изгна=нных пра=вды ра=ди унасле=довал еси=, о=тче Мака=рие, поноше=ния же незло=биво на земли= восприе=м, в Небе=снем Ца=рствии при=сно почива=еши и ра=достно пое=ши: оте=ц на=ших, Бо=же, благослове=н еси=.
По мно=зех ле=тех твоего= разлуче=ния с па=ствою алта=йскою, первосвяти=теля Це=ркве Ру=сския благослове=нием, па=стырем о=ныя па=ки нарече=н был еси=, о=тче, я=же ны=не в па=мяти твое=й ра=достно взыва=ет: оте=ц на=ших Бо=же благослове=н еси=.
Притека=ющим к тебе= утеше=ние сло=вом подава=л еси=, па=стырей же утвержда=л еси= небоя=зненно в ве=ре стоя=ти и служе=ние свое= согла=сно пра=вилом святы=х оте=ц соверша=ти. Те=мже ны=не на Небеси= пое=ши: оте=ц на=ших Бо=же благослове=н еси=.
Богоро=дичен: От се=рдца стена=ние приношу= Ти, Пренепоро=чная Влады=чице, Твоего= прося= заступле=ния: поми=луй всестра=стную мою= ду=шу, уми=лостиви Многоблагоутро=бнаго Сы=на Твоего= и Бо=га, изба=вити мя суда= и е=зера о=гненнаго, Еди=на Благослове=нная.
Песнь 8
Ирмос: Его=же Во=инства Небе=сная сла=вят и трепе=щут херуви=ми и серафи=ми, вся=ко дыха=ние и тварь, по=йте, благослови=те и превозноси=те во вся ве=ки.
Запове=данное Го=сподем на скрижа=лех се=рдца твоего= написа=в, непра=веднаго суда= на бли=жния своя= николи=же изре=кл еси=, о=тче. Те=мже ны=не пое=ши и превозно=сиши Христа= во вся= ве=ки.
Го=рняго Иерусали=ма упова=я дости=гнути, ни порфи=ры, ни зла=та, ни ина=го бога=тства стяжа=л еси=, блаже. Те=мже пра=ведное воздая=ние от Го=спода восприи=м, пое=ши и превозно=сиши Его= во вся ве=ки.
Поруга=ния и укори=зны мно=ги от лихои=мцев безбо=жных претерпе=в, кро=ткаго своего= нра=ва не премени=л еси=, о=тче. Те=мже и во обетова=нную зе=млю всели=вся, пое=ши и превозно=сиши Го=спода во ве=ки.
Озло=бление сребролю=бием помраче=нных челове=ков ви=дя, не убоя=лся еси= погуби=ти тя грозя=щаго, па=че бо живо=та возлюби=л еси= Зижди=теля твоего=, Его=же пое=ши и превозно=сиши во вся ве=ки.
Де=лати в виногра=д Свой призва= тя Госпо=дь, неве=рующим Своего= воплоще=ния та=инство возвести=ти запове=дав. Мы же от тебе= науче=ни бы=вше, пое=м и превозно=сим Его= во вся ве=ки.
Богородичен: Предста=тельницу Тя живота= на=шего предлага=юще, Владычице, Сына Твоего и Бога нашего молим прегрешений наших рукописания разрешити, да пое=м и превозно=сим Его= во вся ве=ки.
Песнь 9
Ирмос: Безсе=меннаго зача=тия Рождество= несказа=нное, Ма=тере безму=жныя нетле=нен Плод: Бо=жие бо Рожде=ние обновля=ет естества=. Те=мже Тя вси ро=ди, я=ко Богоневе=стную Ма=терь, правосла=вно велича=ем.
Мно=гими страстьми= помраче=ннии челове=цы пра=веднаго жития= твоего= не могу=ще ви=дети све=тлость, погуби=ти посла=ша тя разбо=йники злочести=выя. Госпо=дь же от рук о=ных ми=лостивно тя изба=ви, досточу=дне о=тче Мака=рие.
А=ще и пра=ведное пожи=л еси= на земли= житие=, ве=чнаго блаже=нства причасти=тися недосто=йна себе= помышля=л еси=, о=тче. Аз же, окая=нный, ни житию= твоему= не поревнова=х, ни смире=нию, предста=тельства твоего=, мно=ги пролива=я сле=зы, взыску=ю.
Тече=ние жития= твоего= на земли= в по=двизех соверши=в, на Небеси= от Го=спода нетле=нием венча=лся еси=. Аз же а=ще и мно=гими грехи= оск-верни=х ду=шу свою=, но оба=че твоего= па=стырскаго взыскуя= заступле=ния, сие моле=ние тебе= принесо=х.
О спасе=нии согреша=ющих ревнова=л еси= в житии= твое=м, о=тче, по отше=ствии же твое=м отча=явшуюся ви=дети спасе=ние жену=, я=влься, ободри=л еси=, и мно=ги и=ны твои=м предста=тельством обогати=в, похва=льное пе=ние восприе=млеши.
Богоро=дичен: Черто=же и престо=ле над все=ми Ца=рствующаго, горо= Бо=жия и гра=де избра=нный, и раю= со=лнца, о=блаче всесве=тлый, помраченную ду=шу мою просвети==, о=блак отгоня=ющи грехо=в мои=х мно=гих, Непосты=дное прибе=жище мое= и Заступле=ние.
Светилен.
Я=коже со=лнце восходя=ще на восто=це, пра=ведным и согреша=ющим источа=ет лучи=,/ та=ко и ты, богому=дре о=тче Мака=рие, не на лице= притека=ющих к тебе= взира=я, тем благоде=тельст-вовал еси=./ Ны=не же нам, обнища=вшим,/ твоего= предста=тельства зла=тницу ми=лостивно пода=ждь.
Сла=ва и ны=не, богоро=дичен.
Де=ва Всенепоро=чная, Пресу=щественнаго Бо=га ро=ждшая/ со святи=телем Мака=рием Того= непреста=нно моли=/ оставле=ние прегреше=ний и исправле=ние жития= нам дарова=ти,/ ве=рою и любо=вию пою=щим Тя, Еди=на Всепе=тая.
На хвали=тех стихи=ры, глас 2.
Подо=бен: Егда= от дре=ва:
Егда= умно=жишася на Руси= беззако=ния/ и помраче=ннии зло=бою челове=цы/ на тя, я=ко ве=рнаго раба= Христо=ва, воору=жшеся,/ поноше=ния и зауше=ния тебе= сотвори=ша,/ тогда= ты, возложи=в упова=ние свое= на Го=спода,/ кро=тце вся претерпе=л еси=./ Те=мже и Черто=га Влады=чня дости=гнув,/ с пра=ведными весели=шися и с му=ченики ликовству=еши,/ моля=ся о спасе=нии душ на=ших. (Дважды)
Егда= в нощи= неве=дения пребыва=ющии челове=цы/ те=мное де=ло лука=ваго хотя=ще сотвори=ти/ и тя, пра=ведника Госпо=дня,/ све=том твои=х доброде=телей беззако=ния тех облича=юща,/ погуби=ти восхоте=ша,/ тогда= ты о ожесточе=нии оны=х скорбя=,/ те=плое моле=ние Бо=гови приноси=л еси=,/ не вмени=ти им прося= греха= сего=./ Те=мже и на=ша согреше=ния умоли= Го=спода нам оста=вити. (Дважды)
Сла=ва, глас 6: Его=же глаго=лы ева=нгельскими призва=л еси=, Го=споди,/ на де=лание в виногра=де Твое=м,/ приими= те=пле моля=щася о нас,/ и я=ко Щедр, расточе=нное на=ми бога=тство твоея= благода=ти/ па=ки нам согреши=в-шим посли=/ по вели=цей Твое=й ми=лости.
И ны=не, глас то=йже: Богоро=дице Ты еси= лоза= и=стинная:
Славословие великое. Ектении и отпуст.
НА ЛИТУРГИИ
Блаженны от канона песни 3-я и 6-я.
Прокимен, глас 1: Уста моя возглаголют премудрость,/ и поучение сердца моего разум. Стих: Услышите сия, вси языцы, внушите, вси живущии по вселенней. Апостол к Евреем, зачало 318. Аллилуйя, глас 4: Уста праведнаго поучатся премудрости. Стих: Язык его возглаголет суд. Евангелие от Матфея зачало 11. Причастен: В память вечную будет праведник:
Молитва.
О, пречу=дная и свяще=нная главо=, благода=ти Свята=го Ду=ха испо=лненная, Спа=сово со Отце=м обита=лище, богоизбра=нный па=стырю, Ева=нгелия Христо=ва и=стинный служи=телю, звездо= всесве=тлая мы=сленныя тве=рди, го=рняго Иерусали=ма необори=мый сто=лпе, Росси=йския земли= первопресто=льниче и неусы=пный о ней к Бо=гу моли=твенниче святи=телю Мака=рие!
Предстоя= ны=не у Престо=ла всех Царя= и наслажда=яся све=та Единосу=щныя Тро=ицы, вели=кое же и неизсле=дованное дерзнове=ние име=я ко Всеми=лостивому Влады=це, всемо=щным хода=тайством твои=м укроти= в стране= на=шей во=лны неве=рия и собла=знов, да водвори=т Госпо=дь в земле= Росси=йстей тишину= и благоче=стие, и любо=вь нелицеме=рную, и да сохрани=т ю моли=твами твои=ми от междоусо=бныя бра=ни, от гла=да и па=губы и от наше=ствия иноплеме=нных и да укрепи=т Святу=ю Це=рковь на=шу правосла=вную. Моли= спасти=ся па=ствы Христо=вы лю=дем, благостоя=ние святы=х церкве=й утверди=, архиере=и благоле=пием святи=тельства украси=, мона=шествующия к подвиго=м до=браго тече=ния укрепи=, ста=рыя уте=ши, ю=ныя наста=ви, безу=мныя умудри=, вдови=цы поми=луй, сироты= заступи=, младе=нцы возрасти=, плене=нныя возврати=, немощству=ющия исцели=, о=вцы заблужда=ющия ста=да Христо=ва упаси=, мир весь предста=тельством твои=м умири= и всю=ду те=пле призыва=ющия тя и с ве=рою притека=ющия к ра=це честны=х и многоцеле=бных моще=й твои=х и усе=рдно припа=дающия и моля=щияся тебе=, от вся=ких напа=стей и бед хода=тайством твои=м свободи=. Поми=луй нас, о=тче, умо=м, сло=вом и де=лом во тьме грехо=вней су=щих, и изба=ви нас гне=ва Бо=жия и ве=чныя ка=зни, я=ко да твои=м хода=тайством и по=мощию, Свои=м же милосе=рдием и бла=гостию, Христо=с Бог ти=хое и безгре=шное жити=е даст нам пожи=ти в ве=це сем и на стра=шнем суди=щи Свое=м сподо=бит десна=го стоя=ния со все=ми святы=ми во ве=ки веко=в. Аминь.
Тропарь, глас 4:
Днесь светло красуются благочестивых собори,/ псаломски воспевающе проповедника Христова / и учителя благочестия блаженнаго Макария; / Церкви Христианской утверждение / и земли Алтайской похвалу и украшение, роду же нашему всегдашнего предстателя,// подающего мир и велию милость.
Кондак, глас 3:
Святителю Христу Богу возлюбленне, / правило веры и образ милосердия людем был еси, / проповедию своею и многими труды языки алтайские ко Христу привел еси, / сам же в подвизех пребывая, / от Бога нетлением на земли увенчался еси, / духом же Престолу Божию предстоя, / молися ныне ко Господеви, / да укрепит нас во Православии и благочестии // и спасет души наша.