Чтец или
Хор: П оложи́, Го́споди, хране́ние усто́м мои́м и две́рь огражде́ния о устна́х мои́х.
Н е уклони́ се́рдце мое́ в словеса́ лука́вствия, непщева́ти вины́ о гресе́х
С челове́ки де́лающими беззако́ние; и не сочту́ся со избра́нными их.
Н ака́жет мя пра́ведник ми́лостию и обличи́т мя, eле́й же гре́шнаго да не нама́стит главы́ моея́;
Я ко eще́ и моли́тва моя во благоволе́ниих их, пожéрты бы́ша при ка́мени судии́ их;
У слы́шатся глаго́лы мои, я́ко возмого́ша, я́ко то́лща земли́ просе́деся на земли́, расточи́шася ко́сти их при а́де.
Я ко к тебе́, Го́споди, Го́споди, óчи мои́; на тя упова́х, не отими́ ду́шу мою́;
С охрани́ мя от се́ти, ю́же соста́виша ми, и от собла́зн де́лающих беззако́ние.
П аду́т во мре́жу свою́ гре́шницы; eди́н éсмь аз, до́ндеже прейду́.
Г ла́сом мои́м ко Го́споду воззва́х, гла́сом мои́м ко Го́споду помолихся.
П ролию́ пре́д ним моле́ние мое́, печа́ль мою́ пре́д ни́м возвещу́.
В негда́ изчеза́ти от менé ду́ху моему́, и ты позна́л eси́ стeзи́ моя;
Н а пути́ сем, по нему́же хожда́х, скры́ша се́ть мне́.
С матря́х одесну́ю и возгля́дах, и не бе зна́яй мене́; поги́бе бе́гство от менé, и не́сть взыска́яй ду́шу мою.
В оззва́х к Тебе, Го́споди, рех; Ты eси́ упова́ние мое, ча́сть моя eси́ на земли́ живы́х.
В онми́ моле́нию моему, я́ко смири́хся зело́;
И зба́ви мя от гоня́щих мя, я́ко укрепи́шася па́че менé.
Стихи́ры окто́иха, глас 5:
На 10. Стих: Изведи́ из темни́цы ду́шу мою,/ испове́датися и́мени Твоему́.
Стихира: Господи, согреших не престаю, / Человеколюбия сподобляемь не разумею: //одолей моему недоумению един Блаже, и помилуй мя.
Мене́ жду́т пpа́ведницы,/ до́ндеже возда́си мне́.
Стихира: Господи, и страха Твоего боюся,/ и злое творя не престаю: кто на судищи Судии не боится:/ или кто уврачеватися хотя, / врача прогневает якоже аз: //долготерпеливе Господи, на немощь мою умилосердися, и помилуй мя.
На 8. Стих: Из глубины́ воззва́х к Тебе, Го́споди,/ Го́споди, услы́ши гла́с мо́й.
Стихира: Множества прегрешений моих презри Господи,/ иже от Девы рождейся:/ и вся очисти грехи моя мысль мне подая обращения,// яко Един Человеколюбец, молюся, и помилуй мя.
Да бу́дут у́ши Твои/ вне́млюще гла́су моле́ния моего́.
Стихира: Увы мен, ктому уподобихся аз; неплодней смоковнице, / и боюся проклятия с посечением: / но Небесный делателю Христе Боже,/ оляденевшую душу мою плодоносну покажи, // и яко блуднаго сына приими мя, и помилуй мя.
Стихи́ры Трио́ди, глас 1
На 6. Стих: А́ще беззако́ния на́зриши, Го́споди, Го́споди, кто постои́т?// Я́ко у Тебе́ очище́ние е́сть.
Стихира: Обнищав богатый Христе,/ человеки обогатил еси безсмертием и светлостию. / Темже обнищавшаго сластьми жития, / добродетельми мя обогати, /и убогому Лазарю сочини, богатаго мя мучения избавляя,// и геенны предлежащия мне.
Стих: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́,// упова́ душа́ моя́ на Го́спода.
Стихира: Злобою обогатихся люте,/ и сладость возлюбих, и сущих в житии насладихся сластей, /Господи, и огню геены в житии насладихся сластей,/ Господи, и огню геенны подсужден бых: / гладом тающа умом, / яко Лазаря презираема, / пред враты Божественных деяний повержена, // ущедри мя Владыко.
На 4. Стих: От стра́жи у́тренния до но́щи, от стра́жи у́тренния,// да уповае́т Изра́иль на Го́спода.
Стихира: Шестую от честных постов седмицу, / усердно начинающе,/ Господеви предпразднственное пение ваий принесем вернии:/ грядущему во славе, силою Божества во Иерусалим, умертвити смерть./ Темже уготовим благочестно победныя образы, /ветви добродетельныя, //осанна вопиюще Творцу всех.
Стихиры мучеников глас 1:
Стих: Я́ко у Го́спода ми́лость, и мно́гое у Него́ избавле́ние,// и Той изба́вит Изра́иля от всех беззако́ний eго́.
Стихира: Божественнаго супруга/ страдания и труды, совокупльшеся верою,/ к подобней ревности вперим разумы, / Христа прилежно моляще и глаголюще: / Иже святых прославлей, яко Боаг,// и нас утверди страхом Твоим.
На 2. Стих: Хвали́те Го́спода вси язы́цы, похвали́те Его́ вси лю́дие.
Стихира: Яко тезоименитна звания/ приемше, мудрии/ и Божественная деяния исправльше/ вельми подобно, страстотерпцы,/ в стезях правых Богу работасте// и мучения чащу воистинну исписие спасительную.
Стих: Я́ко утверди́ся ми́лость Его́ на нас, и и́стина Госпо́дня пребыва́ет во век.
Стихира: Безбожие якоже ино пресекше море,/ в землю безстрастия,/ в Небесное Царствл внидосте достойно,/ идеже пищи поток истекает/ и Свет непреложный, мученицы Христовы,// сияет присносущный.
Богоро́дичен из Мине́и глас тойже:
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Всегубительных страстей моих/ огнепальная стремления/ орошением Божественнаго вольнаго / дождя твоего, погаси, Дево:/ да и аз, яко отроцы,/ Богу, сущему от Тебе, благодарю,// славя и благословя благость Твою, Владычице.
Вход с кади́лом:
Диа́кон: П рему́дрость, про́сти.
Све́те Тихи́й:
Хор: С ве́те Ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́! Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пет бы́ти гла́сы преподо́бными, Сы́не Бо́жий, живо́т дая́й; те́мже мир Тя сла́вит.
Диа́кон: В о́нмем.
Иере́й: Мир всем.
Хор: И ду́хови твоему́.
Проки́мен вели́кий:
Диа́кон: П рему́дрость во́нмем. П роки́мен вели́кий, глас осьмы́й:
Дал еси достоя́ние, боящимся Тебе Господи.
Хор: Дал еси достоя́ние, боящимся Тебе Господи.
Диа́кон: От конец земли к Тебе воззвах.
Хор: Дал еси достоя́ние, боящимся Тебе Господи. (На каждый стих)
Стих 2. Покрыюся в крове крил Твоих.