А.
Аще хощеши работати Господеви, уготови душу твою во смирение.
Аще премудр будеши, себе премудр будеши, и искренным твоим. Аще ли зол будеши, един почерпнеши злая.
Аще узриши разумива, утренюи к нему, и степени стезь его да трет нога твоя.
Б.
Бойся Бога и царя, и ниединому же их протився.
Без совета ничтоже твори.
Буи в смеху вознесет глас свой: муж же мудр едва мало осклабится.
В.
Возлюбиши Господа Бога твоего всем сердцем твоим. И всею душею твоею, и всею мыслию твоею.
В вине не мужайся. В пире не обличай искренняго.
Все творение приведет Бог на суд.
Г.
Господа чти oт праведных трудов твоих.
Гортань сладок, умножит други своя.
Горе глаголющим свет тму, и тму свет.
Д.
До смерти подввизайся по истине, и Господь поможет ти.
Душа лукава погубит стяжавшагою.
Друга заступати не срамляйся.
Е.
Елико высок еси, толико смиряй себе. Един есть вход всем в житие подобен же и исход.
Есть молчаи, не имать бо совета: и есть молчаи ведый время.
Ж.
Жертвы нечестивых, мерзости Господеви.
Жестоко слово, воздвизает брань.
Житие наше яко сень преходит.
S.
Злословяй отца или матерь, смертию да умрет.
Зaвисть не весть почитати полезнаго.
Зaвистию диаволею смерть вниде в мир.
З.
Знай себе.
Заступи в старости отца твоего, и не опечали его.
Злату глаголющу, молчит всяко слово, весть бо увещати, аще и не может вещати.
И.
Иже хранит своя уста, соблюдает от печали свою душу.
Иже отвещает прежде слышания, студ ему есть.
Имже несть совета, падут аки листвие.
I.
Иерей почитай, старших благоговей.
Иконам покланяяся, не боготвори, но мысль к первообразному возводи.
Идолу подобно сребролюбия несытство.
К.
Кротко ступание, кротко седание, кроток взор, кротко слово тебе да будет.
Конь уготовляется в день брани, а от Господа помощь.
Конь не учен свирепЪ, и сын самоволен блудник будет.
Л.
Любяй своего сына, участит ему раны.
Лев ловит лов, а греси делающих неправду.
Лучше хлеб со сластию в мире, нежели дом исполнен блага со сваром.
М.
Мзда и дарове ослепляют очи премудрых.
Муж двоязычен открыет советы в сонмищи.
Муж яр претворяет свары.
Н.
Небо высоко, земля широка, сердце же царево не облично.
Не оправдай себе пред Богом, и паче царя не мудрися.
Не буди скор языком твоим, и ленив и слаб в делех твоих.
О.
Очи Господни тмами светлеиши солнца еста, прозирающе вся пути человечи.
Огнь палящь угасит вода, и милостыня очистит грехи. Обыкло покаряти не хотящих насилство, Давид бо сие, и исполни многи.
П.
Пред человеком живот и смерть, и еже изволит, дастся ему.
Премудрость смиреннаго вознесет главу его, и посреде велможь посадит его.
Помни суд, чай ответа, и воздаяния по делом.
Р.
Разумей яко о всех сих приведет тя Бог на суд.
Раба разумива да любит душа твоя, и не лиши его свободы.
Рвение и ярость умаляют дни.
С.
Слава царева, чтити повеления его.
Студ отцу ненаказан сын.
Согрешил ли еси, не приложи к тому, и о преждних ти помолися.
Т.
Тайну цареву добро хранити.
Терпелив муж, лучше ищущаго науки.
Tиxa дателя любит Бог.
У.
Уста царя сохрани, и о словесех клятвы Божия не тщися.
Убога горда, богата лжива, и стара прелюбодея возненавидех.
Удержаваяй мзду от наемник, яко проливаяй кровь.
Ф.
Философия истинная есть еже помнити смерть.
Фарисейскаго тщеславия огре6айся.
Фараонитския жестокости отбегай.
X.
Хранит закон сын разумный, а иже xpaнит не сытость, досаждает.
Хранися буяго, да не приимеши труда.
Храни себе, падению же братню не смейся.
Ѿ и Отъ.
От зрака познан будет мужь, и сретением лица познан будет умный.
Открываяй тайну, погубляет верность, и не имать обрести друга.
От нищих другов, таятся богатых двери. Свешлы же дворы, богатым любезны.
Ц.
Царь премудр, утверждение есть людем.
Цареви ложно ничто же да глаголется.
Царю слава во мнозе языце. Во оскудении же людей, падение силному.
Ч.
Чтый отца, возвеселится о чадех.
Человек премудр молчит до времене.
Чада прелюбодеев не совершена будут, и от законопреступна ложа, семя изчезает.
Ш.
Широк путь вводяй в пагубу, и мнози суть входящий в него.
Шум морский, безумнаго слово: тяготит бреги, не тучнит луга.
Шепотника и двоязычника подобает клясти.
Щ.
Щедр и милостив Господь, но и правосуден
Щедраго рука не оскудеет.
Щадится праведным богатство нечестивых.
Ю.
Юзники в темнице посещати тщися.
Юродом ближняго нарицати блюдися.
Юдолит и камня, часто каплющая капля.
Юрода же не научат и вся мудрых книги.
.
смерте, яко горка ти есть память, человеку мирну во имении его живущу.
коль страшен ад, коль любезен рай.
коль лжив мир, коль слеп человек, коль кратко время, коль долга вечность.
Я.
Якоже стремление водное, тако и сердце и сердце царево в руце Божией.
Ярость царева, посол смершен.
Яждь яко человек, и не разгребай, да не возненавиден будеши.
кто сохранит сия, и спасется.
Конец и Богу слава.