Праздники икон Божьей Матери

ХРИСТИАНСКИЕ ПРАЗДНИКИ

ПАСХА + Двунадесятые ПРАЗДНИКИ

(основные 12 праздников)

Переходящие
(т.е.зависящие от Пасхи)

За неделю до Пасхи - Вход Господень во Иерусалим (Неделя ваий, вербное воскресенье) Тропарь, глас 4-й: Спогребшеся Тебе крещением, Христе Боже наш, безсмертныя жизни сподобихомся воскресением Твоим, и воспевающе зовем: осанна в вышних, благословен Грядый во имя Господне. Кондак, глас 6-й: На престоле на небеси, на жребяти на земли носимый, Христе Боже, ангелов хваление и детей воспевание приял еси, зовущих Ти: Благословен еси, грядый Адама воззвати. Величание: Величаем Тя, Живодавче Христе, осанна в вышних, и мы Тебе вопием: благословен Грядый во имя Господне.

ВЕЛИКИЙ НЕДВУНАДЕСЯТЫЙ ПРАЗДНИК - Пасха (Светлое Христово Воскресение) Стихира в начале утрени, глас 6-й: Воскресение Твое, Христе Спасе, ангели поют на небесех, и нас на земли сподоби чистым сердцем Тебе славити. Тропарь, глас 5-й: Христос воскресе из мертвых, смертию смерть поправ, и сущим во гробех живот даровав.

40 день по Пасхе (четверг) - Вознесение Господне Тропарь, глас 4-й: Вознеслся еси во славе, Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира. Кондак, глас 6-й: Еже о нас исполнив смотрение, и яже на земли соединив небесным, вознеслся еси во славе, Христе Боже наш, никакоже отлучаяся, но пребывая неотступный, и вопия любящим Тя: Аз есмь с вами, и никтоже на вы. Величание: Величаем Тя, Живодавче Христе, и почитаем еже на небеса с пречистою Твоею плотию Божественное вознесение.

50-й день по Пасхе (воскресение). - День Святой Троицы (Пятидесятница) Тропарь, глас 8-й: Благословен еси, Христе Боже наш, Иже премудры ловцы явлей, низпослав им Духа Святаго, и теми уловлей вселенную. Человеколюбче, слава Тебе. Кондак, глас 8-й: Егда снизшед языки слия, разделяше языки Вышний; егда же огненные языки раздаяше, в соединение вся призва, и согласно славим Всесвятаго Духа. Величание: Величаем Тя, Живодавче Христе, и чтим Всесвятаго Духа Твоего, Егоже от Отца послал еси Божественным учеником Твоим.

Непереходящие:

7 января - Рождество Господа нашего Иисуса Христа Тропарь, глас 4-й: Рождество Твое, Христе Боже наш, возсия мирови свет разума, в нем бо звездам служащии, звездою учахуся Тебе кланятися, Солнцу правды, и Тебе ведети с высоты Востока, Господи, слава Тебе! Кондак, глас 3-й: Дева днесь Пресущественнаго раждает, и земля вертеп Неприступному приносит; ангели с пастырьми славословят, волсви же со звездою путешествуют; нас бо ради родися Отроча младо, превечный Бог. Величание: Величаем Тя, Живодавче Христе, нас ради ныне плотию рождшагося от безневестныя и Пречистыя Девы Марии.

19 января - Крещение Господне   Тропарь, глас 1-й: Во Иордане крещающуся Тебе, Господи, Троическое явися поклонение: Родителев бо глас свидетельствовавше Тебе, возлюбленнаго Тя Сына именуя, и Дух в виде голубине, извествоваше словесе утверждение. Явлейся, Христе Боже, и мир просвещей, слава Тебе. Кондак, глас 4-й: Явился еси днесь вселенней, и свет Твой, Господи, знаменася на нас, в разуме поющих Тя: пришел еси и явился еси Свет Неприступный. Величание: Величаем Тя, Живодавче Христе, нас ради ныне плотию крестившагося от Иоанна в водах Иорданских.

15 февраля - Сретение Господа нашего Иисуса Христа Тропарь, глас 1-й: Радуйся, Благодатная Богородице Дево, из Тебе бо возсия Солнце правды, Христос Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующего нам воскресение. Кондак, глас 1-й: Утробу Девичу освятивый рождеством Твоим, и руце Симеоне благословивый, якоже подобаше, предварив, и ныне спасл еси нас, Христе Боже; но умири во бранех жительство, едине Человеколюбче. Величание: Величаем Тя, Живодавче Христе, и чтим Пречистую Матерь Твою, Еюже по закону ныне принеслся еси в храм Господень.

7 апреля - Благовещение Пресвятой Богородицы Тропарь, глас 4-й: Днесь спасения нашего главизна, и еже от века таинства явление; Сын Божий Сын Девы бывает, и Гавриил благодать благовествует. Темже и мы с ним Богородице возопиим: радуйся, Благодатная, Господь с Тобою. Кондак, глас 8-й: Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти: радуйся, Невесто Неневестная. Величание: Архангельский глас вопием Ти, Чистая: радуйся, Благодатная, Господь с Тобою.

19 августа - Преображение Господа нашего Иисуса Христа Тропарь, глас 7-й: Преобразился еси на горе, Христе Боже, показавый учеником Твоим славу Твою, якоже можаху; да возсияет и нам грешным свет Твой присносущный, молитвами Богородицы, Светодавче, слава Тебе. Кондак, глас 7-й: На горе преобразился еси, и якоже вмещаху ученицы Твои, славу Твою, Христе Боже, видеша; да егда Тя узрят распинаема, страдание убо уразумеют вольное, мирови же проповедят, яко Ты еси воистинну Отчее сияние. Величание: Величаем Тя, Живодавче Христе, и почитаем пречистыя плоти Твоея преславное преображение.

28 августа - Успение Пресвятой Богородицы Тропарь, глас 1-й: В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша. Кондак, глас 2-й: В молитвах неусыпающую Богородицу и в предстательствах непреложное упование, гроб и умерщвление не удержаста: якоже бо Живота Матерь, к животу престави во утробу Вселивыйся приснодевственную. Величание: Величаем Тя, Пренепорочная Мати Христа Бога нашего, и всеславное славим успение Твое.

21 сентября - Рождество Пресвятой Богородицы Тропарь, глас 4-й: Рождество Твое Богородице Дево, радость возвести всей вселенней: из Тебе бо возсия Солнце правды Христос Бог наш, и разрушив клятву, даде благословение, и упразднив смерть, дарова нам живот вечный. Кондак, глас 4-й: Иоаким и Анна поношения безчадства, и Адам и Ева от тли смертныя свободистася, Пречистая, во святем рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и питательницу жизни нашея. Величание: Величаем Тя, Пресвятая Дево, и чтим святых Твоих родителей, и всеславное славим рождество Твое.

27 сентября - Воздвижение Честнаго и Животворящего Креста Господня Тропарь, глас 1-й: Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство. Кондак, глас 4-й: Вознесыйся на Крест волею, тезоименитому Твоему новому жительству щедроты Твоя даруй, Христе Боже; возвесели нас силою Твоею, победы дая нам на супостаты, пособие имущим Твое, оружие мира, непобедимую победу. Величание: Величаем Тя, Живодавче Христе, и чтим Крест Твой святый, имже нас спасл еси от работы вражия.

4 декабря - Введение во храм Пресвятой Богородицы Тропарь, глас 4-й: Днесь благоволения Божия предображение, и человеков спасения проповедание, в храме Божии ясно Дева является, и Христа всем предвозвещает, Той и мы велегласно возопиим: радуйся, смотрения Зиждителева исполнение. Кондак, глас 4-й: Пречистый храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи, яже в Дусе Божественном, юже воспевают ангели Божии: Сия есть селение небесное. Величание: Величаем Тя, Пресвятая Дево, Богоизбранная Отроковице, и чтим еже в храм Господень вхождение Твое.

Великие праздники

14 января (ст. 01 января) - Обрезание Господне.
7 июля - Рождество Иоана Предтечи.
12 июля - Святых Апостолов Петра и Павла.
11 сентября - Усекновения главы Иоана Предтечи.
14 октября - Покров Пресвятой Богородицы.

Праздники икон Божьей Матери

Владимирской Иконы Божьей Матери - 3 июня, 6 июля.
Казанской Иконы Божьей Матери - 21 июля, 11 ноября.
Иверской Иконы Божьей Матери - 25 февраля, во вторник Пасхальной недели, 26 октября.
Иконы Божьей Матери "Всех скорбящих Радость" - 6 ноября.
Собор Пресвятой Богородицы - 8 января.