ПО БЛАГОСЛОВЕНИЮ ГЛАВЫ
ПЕРМСКОЙ МИТРОПОЛИИ,
ЕГО ВЫСОКОПРЕОСВЯЩЕНСТВА,
МЕФОДИЯ (НЕМЦОВА),
МИТРОПОЛИТА
ПЕРМСКОГО И КУНГУРСКОГО
ТРОПАРИ ВОСКРЕСНОГО МОЛЕБНА
ПЕТРОПАВЛОВСКОГО КАФЕДРАЛЬНОГО СОБОРА ПЕРМИ
ПЕРМЬ, 2019 ГОД.
ТРОПАРЬ СВЯТЫМ АПОСТОЛАМ ПЕРВОВЕРХОВНЫМ ПЕТРУ И ПАВЛУ,
ГЛАС 4:
Апостолов первопрестольницы / и вселенныя учителие, / Владыку всех молите / мир вселенней даровати // и душам нашим велию милость.
ТРОПАРЬ ВЕЛИКОМУЧЕНИКУ ЕВСТАФИЮ ПЛАКИДЕ, ГЛАС 4:
Мученик Твой, Господи, Евстафие / во страдании своем венец прият нетленный от Тебе, Бога нашего, / имеяй бо крепость Твою, / мучителей низложи, / сокруши и демонов немощныя дерзости. / Того молитвами // спаси души наша.
ТРОПАРЬ ВЕЛИКОМУЧЕНИЦЕ ЕКАТЕРИНЕ,
ГЛАС 4:
Добродетельми, яко лучами солнечными, / просветила еси неверныя мудрецы, / и, якоже пресветлая луна ходящим в нощи, / неверия тьму отгнала еси / и царицу уверила еси, / вкупе же и мучителя обличила еси, / богозванная невесто, блаженная Екатерино, / желанием востекла еси в Небесный чертог / к прекрасному Жениху Христу, / и от Него царским венцем венчалася еси; / Емуже, со Ангелы предстоящи, / за ны молися, // творящия пречестную память твою.
ТРОПАРЬ СВЯТИТЕЛЮ МЕЛЕТИЮ (ЛЕОНТОВИЧУ), АРХИЕПИСКОПУ ХАРЬКОВСКОМУ И АХТЫРСКОМУ, ПЕРМСКОМУ ЧУДОТВОРЦУ, ГЛАС 4:
Мира сего временная, яко преходящая уразумел еси, / от юности постническое и многотрудное житие возлюбил еси, всеблаженне, / иерархов слава и преподобных похвало, / Предвечнаго Слова усердный благовестниче, / сирых и неимущих крове и прибежище. / Тем же в молитвах пребывая, Христу утреневати прилежал еси / и, Сего взыскуя, венец неувядаемый со всеми святыми стяжал еси. / Отче наш, святителю Мелетие, / моли Христа Бога спастися душам нашим.
ТРОПАРЬ СВЯЩЕННОМУЧЕНИКУ АНДРОНИКУ (НИКОЛЬСКОМУ), АРХИЕПИСКОПУ ПЕРМСКОМУ И КУНГУРСКОМУ, ГЛАС 3 (ОБЩИЙ ТРОПАРЬ СВЯЩЕННОМУЧЕНИКА XX ВЕКА):
Церкве Русския столпе непоколебимый, / благочестия правило, / жития евангельскаго образе, / священномучениче Андрониче, / Христа ради пострадавый даже до крове, /
Егоже моли усердно, / яко Начальника и Совершителя спасения, / Русь Святую утвердити в Православии // до скончания века.
ТРОПАРЬ СВЯЩЕННОМУЧЕНИКУ НИКИТЕ (ДЕЛЕКТОРСКОМУ), ЕПИСКОПУ ОРЕХОВО-ЗУЕВСКОМУ, ГЛАС 3 (ОБЩИЙ ТРОПАРЬ СВЯЩЕННОМУЧЕНИКУ XX ВЕКА):
Церкве Русския столпе непоколебимый, / благочестия правило, / жития евангельскаго образе, / священномучениче Никите, / Христа ради пострадавый даже до крове, / Егоже моли усердно, / яко Начальника и Совершителя спасения, / Русь Святую утвердити в Православии // до скончания века.
ТРОПАРЬ СВЯЩЕННОМУЧЕНИКУ ПАВЛИНУ (КРОШЕЧКИНУ), АРХИЕПИСКОПУ МОГИЛЕВСКОМУ, ГЛАС 4 (ОБЩИЙ ТРОПАРЬ СВЯЩЕННОМУЧЕНИКУ):
И нравом причастник, / и престолом наместник апостолом быв, / деяние обрел еси богодухновенне, / в видения восход: / сего ради слово истины исправляя, / и веры ради пострадал еси даже до крове, / священномучениче Павлине, / моли Христа Бога // спастися душам нашим.
Тропарь священномученику Никите (Делекторскому), глас 4
По́слан бы́сть во гра́д Орехово-Зуево/ для утвержде́ния правосла́вия,/ просла́вился еси́ моли́твою и благоче́стием,/ уподо́бился еси́ юро́дством блаже́нной Ксе́нии,/ венча́лся еси́ венце́м му́ченическим,/ святи́телю о́тче Ники́то,/ моли́ Христа́ Бо́га/ дарова́ти гра́ду на́шему ми́р// и душа́м на́шим ве́лию ми́лость.
ТРОПАРЬ СВЯЩЕННОМУЧЕНИКУ АНДРОНИКУ (НИКОЛЬСКОМУ), АРХИЕПИСКОПУ ПЕРМСКОМУ И КУНГУРСКОМУ ГЛАС 5
Меч духовный взем, священномучениче, за Церковь и Отечество воинствовал еси; и духом пламенея, богомудре, любовь Христову стяжал еси. Жизнь убо временную ни во что вменив, в жертву себе принесл еси. Мы же, грешнии, молим тя, святителю Андрониче, неотступным буди ходатаем за нас пред Богом.
СВЯЩЕННОМУЧЕНИКУ ПАВЛИНУ (КРОШЕЧКИНУ), АРХИЕПИСКОПУ МОГИЛЕВСКОМУ
Тропарь, глас 2
Веры Православныя непорочный блюстителю, / и заповедей Христовых усердный исполнителю, / священномучениче Павлине, / Христа всем сердцем возлюбив, / паству твою добре упасл еси. / В хладной Сибири мученическую смерть приял еси, / венцем славы украсился еси / и в вечной славе пребывая, // моли спастися душам нашим.
ДАННОЕ ИЗДАНИЕ ОСУЩЕСТВЛЕННО ПО БЛАГОСЛОВЕНИЮ НАСТОЯТЕЛЯ ПЕТРОПАВЛОВСКОГО КАФЕДРАЛЬНОГО СОБОРА ПЕРМИ, СЕКРЕТАРЯ ПЕРМСКОЙ ЕПАРХИИ ПЕРМСКОЙ МИТРОПОЛИИ, МИТРОФОРНОГО ПРОТОИЕРЕЯ О. АНДРЕЯ (ЛИТОВКИ).
ПЕРМСКАЯ МИТРОПОЛИЯ, 2019 ГОД.