Принесение Святыни
205 лет назад, величайшие для всего Христианского мира Святыни: десная рука Святого Пророка и Крестителя Господня Иоанна, часть древа Животворящего Креста Господня и образ Божией Матери Филермская пересекли границу Державы Российской.
С того дня и до сего времени мы веруем несомненно, что Промысел Божий привел эти Святыни на Русскую землю в утверждение, во свидетельство, и в охранение истинности Православной веры и Российской Империи.
В августе 1799 года депутация Мальтийских рыцарей принята была в Петергофе Государем Императором Павлом I ставшем незадолго до этого 72-м Великим Магистром Державного Мальтийского Ордена. Рыцари просили Русского Самодержца принять Святыни Ордена за оказанные Русским Императором благодеяния и заботу. С великим трепетом приняв дары, Государь повелел отныне и навсегда отмечать это событие с особой торжественностью, увековечив тем самым это событие и в истории Русской Православной Церкви.
В сентябре 1799 года Двор перебрался на осеннее время из Санкт-Петербурга в Гатчину, которая с 1783 года принадлежала Цесаревичу Павлу Петровичу. На 12 (25) октября 1799 года Государь назначил перенесение Святынь в Россию.
Торжество
В 10 часов утра из Гатчинского Дворца выехал Императорский кортеж по направлению к Ингебургу, где находились представители Мальтийского Ордена. После встречи депутации у Спасских ворот и краткого молебна Государь Император с Августейшей семьей, духовенством и многочисленной свитой отправились обратно во Дворец.
Торжественно во главе Крестного хода шествовало впереди духовенство во главе с Высокопреосвященным Митрополитом Гавриилом (Петровым), за которым в золотой карете ехал будущий кавалер Импертаорского рдена Святого Апостола Андрея Первозванного граф Джулио Ренато Лита Висконти Арезе (1765-1839), принявший в последствии Православие и имя Юлия Помпеевича. Он вез на красной бархатной подушке золотой ковчег с десницей Святого Пророка Предтечи и Крестителя Господня Иоанна. За графом следовали Мальтийские рыцари, везшие небольшую чудотворную икону Божией Матери Филермо и Крест из части древа Животворящего Креста Господня.
Рядом с каретой в парадном облачении Великого Магистра шел Государь Император Всероссийский Павел I в сопровождении свиты из числа рыцарей.
По прибытии во Дворец Павел I сам взял золотой ковчег и внес его в дворцовую церковь, где Святыня и была положена на отведенное для нее место. Государь незамедлительно распорядился выделить свыше 7 фунтов (2,8665 кг) золота ювелиру Ф. К. Теремену на изготовление драгоценной ризы для чудотворной Филермской иконы Божией Матери. Риза была также усыпана драгоценными камнями. Тогда же было изготовлено два ковчега – для десницы Святого Иоанна Крестителя и частицы Животворящего Креста Господня.
Так, по милости Божией, Россия обрела три Великих христианских Святыни.
В Императорском Дворце
В память великого события Русская Православная Церковь установила 12 (25) октября празднование – перенесение из Мальты в Гатчину части древа Животворящего Креста Господня, Филермской иконы Божией Матери и десной руки Святого Пророка Иоанна Предтечи и Крестителя Господня.
Праздник торжественно отметили лишь однажды - в 1800 году, и после насильственной смерти 1 (14) марта 1801 года, от рук заговорщиков Государя Императора Павла I Мученика праздник только значился в месяцеслове и не приобрел подобающего ему по праву Всероссийского и общецерковного значения. И все же каждый год, вплоть до 1919 года в день 12 (25) октября в придворном соборе Зимнего Дворца во имя Спаса Нерукотворного Образа совершалась торжественная служба, полный текст которой впервые вы имеете возможность прочитать.
В год 250-етия со дня рождения Государя Мученика Павла I Петровича и 205-летия перенесения Святынь в Россию мы считаем своим долгом опубликовать полный текст церковной службы, посвященной этому беспримерному историческому событию.
Служба на перенесение честныя руки Святого Иоанна Предтечи
и Крестителя Господня из Мальты в Гатчину
Октября 1799 года
Малые стихиры писаны в конце
На велицей вечери, по обычном псалме поем Блажен муж, 1 антифон
На Господи воззвах стихиры на 8, глас 5
Руку твою, прикоснувшуюся пречистому верху Владычню, с нею же и перстом Того нам показал еси, воздежи о нас к Нему, Крестителю! Яко дерзновение имея много: болий пророков всех от Него свидетельствован еси.*мОчи же твои паки, Всесвятаго Духа видевшыя, яко в виде голубине сошедша, воздвигни к Нему Крестителю, и милостива нам соделай, и прииди стани с нами, запечатаяй пение и предначинаяй торжество.
Первее к антиохийскому народу, рука твоя благодатная, яко дар Божественный, Лукою Евангелистом пренесеся, таже восточным царем Багрянородным даровася: ныне же от запада приходит благословити Царствующий Дом Российскаго Благочестивейшаго Самодержца, изливая струи Божественныя благодати. Крестителю Христов! Всех нас помяни, да избавимся от бед и скорбей: тебе бо дадеся благодать молитися за ны.
Да устроиши пути Господни, и стези правы сотвориши Богу в человецех, да уготовиши Господеви люди Российския совершенны: прежде пришествия твоего посылаеши к ним Священные дары твоя, благословением твоим учреждая в них державный** чин Святаго имени твоего: последи же, аки сам с небесе яве приходя посетити избранный тобою Христианский народ, десницу твою Божественную, нетлением прославленную, подаеши нам, Крестителю, во еже просветити и озарити мысли верных, и укрепити и озарити мысли верных, и укрепити в благочестии; темже духовными песьми вси согласно тебе вопием: Пророче и проповдниче истины! Моли спастися Императору нашему и граду, и всем людем Державы Его.
Днесь возсия в концех северных, яко светонсное солнце, рука твоя честная, Крестителю! Агнца Божия плотию явившагося, всем показавшая, и покаяния спасительныя пути: юже, яко сокровище Божественных даров. верою приемлюще и со страхом прикасающеся любовию духовною, приемлем от тебе, Христов Предтече источник исцелений, просвещение душ, благодать утешения и велию милость.
Торжествует духовно ликующи Христова Церковь в принятии мощей твоих, Предтече, Царствующий Дом и град освящается скипетродержавный, и наследие Его веселится, и со всеми людьми вопиет: Крестителю Христов! Ты моя крепость и утверждение, ты моя доброта и тобою хвалюся, моли Христа Бога спасти любовию тя славящыя.
Иисус одолеваше и побеждаше Амалика, егда руце Моисеевы простертыя в молитве ко Господу поддержаста Аарон и Ор: тако сотвори Господь Российскому воинству побеждати всегда и одолевати враги: егда Благочестивейшие Павел и Мария твою пречистую руку приемше, держаху, и усердне лобызаху, просяще с верою помощи во бранех и победы на сопротивныя.
Бездна неисчерпаемыя Божия благости, за принятие с верою и благоговением десницы Пророка, мзду Пророчу вскоре воздает Самодержцу, благословением и сопряжением десниц Благоверных Его дщерей, Их же да сохранит, сице благоволивый Бог, молитвами твоими Предтече.
Ефрема и Манассию целомудренный Иосиф приводит к Патриарху Иакову, да благословением и возложением рук Святаго Израиля снидет вседействующе Божие благословение на сыны его: Высокодержавный же восточнаго Православия защитник, напутствуя Дщери своя, приводит куюждо во Святый храм поставити пред Господем, и подклоняя их под твою всеблаженне многомощную десницу, молит тя со слезами, Крестителю, да твоих ради заслуг снидет на Них всесильное благословение Всевышняго.
Слава, глас тойже
Велия слава твоя, достохвальне Предтече, деснице твоей главу свою преклони Иисус Господь господствующих и Владыка владеющих. Велие человеколюбие свое всеблагий Бог показа на нас, егда благоизволи сию даровати нам, яко Богосветлое украшение и утверждение за благочестие Христолюбиваго Помазанника и Супруги Его, тем же радостно воспоем Промыслителю нашему сию хваления песнь: велий еси Господи, и чудна дела Твоя.
И ныне, Богородичен: глас 8
Первее написавшейся твоей иконе Евангельских Таин благовестником, и к Тебе, Царице, принесенней: да усвоиши ту и сильну соделаеши спасти чествующия Тя, и порадавалася еси, яко сущи милостива спасения нашего соделательница, и на ту зрящи глаголала еси со властию: с сим образом благодать Моя и сила, и мы истинно веруем, яко се рекла еси, Госпоже. Сим образом с нами пребуди, ему же благоговейно предстояше, покланяемся Тебе раби Твои, посети ны матерними Твоими щедротами.
Вход. Прокимен дне, и чтения три.
Исхода чтение. (Глава 14)
Рече Господь к Моисею: возми жезл твой и простри руку твою на море, и расторгни ее. Простре же Моисей руку на море, и разступися вода. И внидоша сынове Израилевы посреде моря по суху: и вода им бысть стена одесную и стена ошуюю. Погнаша же Египтяне, и внидоша в след их всяк конь Фараонов и колесницы и всадники посреде моря. И простре Моисей руку на море, и устроися вода ко дню на место: Египтяне же бежаша под водою. И обратившися вода покры колесницы и всадники и всю силу Фараонову, вшедших в след их в море, и не оста от них ниедин. Сынове же Израилевы проидоша по суху посреде моря.
Царств третиих чтение (Глава 8)
Ста Соломон пред лицем жертвенника Господня пред всем собором Израилевым. И воздев руце свои на небо, рече: Господи Боже Израилев! Несть Бог, яко же Ты на небеси, горе и на земли низу. Аще небо, и небо небесе не довлеют Тебе, кольми паче храм сей, егоже создах имени Твоему, и да призриши на молитву мою, Господи Боже Израилев, еюже молится раб Твой пред Тобою к Тебе днесь. Да будут очи Твои отверсты на храм сей день и нощь, на место сие, о нем же рекл еси: будет имя Мое тамо, еже услышати молитву, еюже молится раб Твой на месте сем во дни и нощи. И услышиши мольбу раба Твоего и людей Твоих Израиля, о них же помолятся на месте сем, и Ты услышиши на месте обиталища Твоего на небеси: и сотвориши, и милостив им будеши.
Премудрости Соломоновы чтение (Глава 4)
Праведник аще постигнет скончатися, в покои будет. Осудит же праведник умираяй живущия нечестивыя: узрят бо кончину праведнаго и не уразумеют, что усоветова о нем, и во что утверди его Господь: приидут бо в помышление согрешений своих ужасии, и обличих их противу беззакония их. Тогда станет в дерзновении мнозе праведник, пред лицем оскорбивших его. Видевше же его смятутся страхом многим, и ужаснутся о преславном спасении его. И рекут в себе кающеся: сей бе, егоже имехом некогда в посмехи в притчу поношения. Безумнии! Житие его вменихом неистово, и кончину его безчестну. Како вменися в сынех Божиих, и во Святых жребий его есть; убо заблудихом от пути истиннаго, и правды свет не облиста нам, и солнце не возсия нам. Беззаконных исполнихомся стезь и погибели, и ходихом стези непроходны, пути же Господня не разумехом.
На литии стихиры. Глас 1
Глас сыйвопиющаго в пустыни, Пророк и учитель обличил еси велехвальныя фарисеи, глаголя к ним: порождения ехиднина, сотворите плоды достойны покаяния. ныне Божественною десницею твоею. Православными Россианами любезне почитаемою, показуеши ясно прест Божий, наказующий нечестие, презрителей веры, отвергших тя, отягощающи их яко овцы неимущыя пастыря, покайтеся, вопия: да некогда во веки прогневается Господь, и погибнете от пути праведнаго.
Богоотступный Иулиан, лютейший злобою Ирода, тщащися истребити в правоверных всю святыню, искаше сожещи руку твою, Предтече; но вотще шатаяся, всоре погибе с шумом нечестивый. Поборник же благочестия Российский Самодержец, благоговейно сию почитая, яко светильник на свещнице, во Святем храме Царствующаго Дому своего поставляет ю, и хранит святолепно: тем же утвердити Царство его в мире, и сохранити наследие и вся люди его молися, Предтече, теплый предстателю наш ко Господу.
Любовию уготовавшаго тебе златокованный ковчег благолепнейший, в нем же Святая десница твоя честне положися, воздая богатно приношения, храм Духа Божественнаго сотвори ходатайствы твоими, Крестителю, зарею Божия премудрости освещая но вся дни, во еже судити врученныя ему люди непоползновенно.
Коль благ Бог Израилев правым сердцем: прежде еже родитися провидящий из далече далече достойных Того благодати, чудодействующую бо в дальних странах десницу Праведника, взимая от лица неправды и ущедряя, его же восхоте ущедрити вручает на последок дней многобогатый дар сей Боговенчанному Царю, Благочестивейшему паче царей земных, тайно вещая: приими залог Моея благодати, благодати Тезоименитаго. Се дах его стража Дому Твоему, виждь, яко рука Моя сотвори сия вся.
Слава, глас 8
Даждь славу Богу твоему, Россие! Яко Православный тебе доселе множеством Святых, не оставляет прославляти и ныне. Се бо многоценное сокровице, в различных странах доселе сокрываемое, благоизволи даровати тебе многочудесную руку Предтечеву, оружие мирно, утверждение державно, стену необориму и невредимое сопротивными ограждение Царствующему новому Сиону.
И ныне, глас 2
Предстоя пред Твоим, всечистая образом Царие и князи и все Христоименитое людей множество, достойно блажат Тя Матерь Божию и прославляют раболепно, и чествуют и молятся Тебе по Бозе, да мир умириши в Православии, и Царствия скиптры утвердиши, и спасеши от всех зол Твоя рабы, едина Благословенная.
На стиховне стихиры, глас 2
Действуяй вся во всех, Боже! Неизреченную милость Твою явил еси нам, подая благословение рукою Пророков верховнейшаго, о всех делех Твоих благодарение Тебе приносим.
Стих
Благословен Господь Бог Израилев,
яко посети и сотвори избавление людем своим
Весь Богоносен явился еси Крестителю, егда рукою твоею прикоснулся еси верху Владычню, слухом же Родителев глас слыша, и очима сошествие Святаго Духа узрел еси, тем же и нас почитающих Богоноснаго тела твоего останки, сотвори сосуды честны к приятию даров Божественныя благодати.
Стих.
И ты Пророк Вышняго наречешися
Перстом десницы твоея древле показал еси людем грядущаго к тебе Креститися Агнца Божия, вземлющаго грехи всего мира: ныне же предлежащими персты, нетлением сияющими, и благочестно от всех почитаемыми, загладив неведения начертание, напиши на скрижалех сердец наших Боговедение поклоняемыя Троицы.
Слава. Глас 8
Неизчетный в милости, Боже наш! Праведных ради обещавый не погубити грешныя на земли, повелел еси тыя в молитву призывати, и ныне молящеся Тебе, Благоутробне, приводим в молитву честнаго Пророка Твоего угодника, да его ради пощадиши нас, избавляя от всех искушений и бед, и спесеши души наша.
И ныне, глас тойже
Крепкое заступление и стену нерушиму стяжавше, всечестную и чдотворную икону Твою, Богомати, молим Тя, победы на враги правоверному Императору нашему даровати и спасти достояние Твое.
На благословении хлебов. Тропарь глас 2.
Память праведного…
Или сей, глас 4
От запада возсиявши Предтечева рука, лучи испущает нетления верным исцелений, свыше собирает множество Ангел, доколе же созывает человеческий род, единогласно возсылати славу Христу Богу. Дважды.
Богородица Дево: единожды
На утрени на Бог Господь.
Тропарь Предтечи, дважды. Слава и ныне. Богородичен воскресен по гласу тропаря
По первой кафисме седален, глас 4
Воистину Пророков больший нареклся еси, Иоанне, они бо по рождестве своем пророчествоваша, ты же, Крестителю, еще сый во чреве матере, сподобился еси таковаго дара, и был еси первейший благовестник воплотившагося Избавителя, устнами бо матере твоея, Богоизбранней Откроковице вещал еси: откуду мне сие, да прииде Мати Господа моего ко мне? Сего ради вопием тебе: радуйся зерцало, тайны Божия нам являющее. Дважды.
Слава, и ныне: Богородичен
Тебе все роди человечестии хвальныя дары приносят, Владычице, и молятся яко Царице и Матери Божией, покрый и соблюди, Госпоже молитвами Твоими, и спаси от бед души наша.
На второй кафисме седален, глас 8
Похвали Бога твоего, граде Петров, и да возвеселиться сердце Помазанника Божия: яко благоизволи Вышний в благополучное Царство Его даровати нам десницу покаяния проповедника, в рожденных женами большаго Иоанна, покрывающаго и защищающаго град и люди, егоже почитающе, возвеличим Бога нашего, давшаго нам Священный залог милости Своея. Дважды.
Слава, и ныне: Богородичен
Покланяющеся образу Твоему, Богомати, вернии раби Твои, молим Тя, в день судный избави нас, и сподобити Царствия Небеснаго, Марие благословенная, Православных похвало.
Таже полуелейные псалмы, по сем величание:
Величаем тя, Крестителю Спасов Иоанне, и почитаем вси честные твоея руки пренесение.
Стих: Блажен муж бойся Господа, в заповедех Его восхощет зело.
Стих: Направити ноги наша на путь мира.
По полуелеи седален, глас 8
Закона гласи неясни быша и косноглаголание Моисеево словеса благодати в гаданиих изъяви: ты же начало Евангелия сый, светлый глас Вопиющаго нареклся еси, яко бо возвестил еси пришедшаго в мир Спасителя, Егоже моли о нас, Предтече.
Слава, и ныне: Богородичен
Приступите с веселием, богоизбраннии и христолюбивии людие, и честный образ Богоматере любезно приимите: се бо щедрот море неизчерпаемое, источник сладкий изливает благодати, от него вси спасение почерпанем.
Таже степенна, первый антифон 4 гласа
Прокимен: Тамо возращу рог Давидови, уготовах светильник помазанному Моему.
Евангелие от Луки зачало 31.
По 50 Псалм стихира самогласна
П лотскаго пришествия Христова начало, Пророков конец и глас Слова сый, взывал еси: покайтеся, приближися бо Царство Небесное: темже уготовавый пути Господни, благодати предшественник явился еси, Крестителю и Апостоле, моли Христа Бога, прегрешений оставление даровати празднующим любовию память твою.
Канон Предтечи со ирмосом на 8.
Песнь 1, ирмос: глас 1
Твоя победительная десница боголепно к крепости прославися: та бо безсмертие, яко всемогущая, противныя сотре, Израильтияном путь глубины новосоделавшая.
Устне нечисты, и сердце и глас недостойный движу к тебе на моление, Крестителю Христов, но ты глас Слова и орган Духа Божия сый, потщися на помощь, сердце просвети, ум мой озари светом Богоразумия, и слово ми вдохнови, да возмогу воспети с любовию величия твоя.
В молитвах Господеви предстоя, якоже звезда солнцу предтекий, радости небеснаго рая неизреченныя исполняяся, безсмертному Царю, в безконечныя веки со Ангел безпрестанно хвалимому, присносущное возсылая словословие, помяни нас на земли призывающих тя, Крестителю.
Друг искренний Владыки быв, Крестителю всеблаженне, укрепити нас любити Его нравом правым и страстей тлетворных возгнушатися, поревающих к погибели.
Слава:
Виновное спасения нашего всечестное древо Креста, предлежащее видящее, верни почтим и радостно облобызаем, источающее нам освящение и жизнь и лютых избавление.
И ныне, Богородичен:
Якоже родством естественным совокуплени, тако и молитвенным согласием, вы едино суще, Мати всех Царя и Божественный Предтече, мольбу сотворите вкупе к благоуветливому Владыке, да вишими ходатайствы преклонься, ущедрит и спасет люди Своя.
Песнь 3. Ирмос
Едине ведый человеческаго существа немощь, и милостивно в не воображся, препоящи мя с высоты силою, еже вопити Тебе, Святый: одушевленный храме, неизреченныя славы Твоея, Человеколюбче.
Подвигом добре подвизався, течение скончав мечным усекновением, по светлости небеснаго Иерусалима внити и ликовствовати с безплотными сподобился еси: и ныне с небес простирая к нам отечесике объятия, рукою твоею привлещи всех в ограду Христову потщися, Крестителю, наставляя на путь покаяния тебе величающыя.
Свыше нас ныне назирая, всеблаженне, твоими молитвами от тли и бед сохрани, Божественному проповеданию твоему верно последующих, и пребывающих во учении спасительных твоих догматов.
Болий в рожденных женами, именуемый от Премудрости вечныя, буди нам премудрости и смысла ходатай: да сподобимся с мудрыми девами внити в чертог вечныя Божественныя славы.
Слава:
Жезлом чудесным, Креста знамением от камене неплодна воду людем Твоим источивый Боже! От неплодныя Елисаветы покаяния Проповедателя миру даровав, десницею его нас обогатил еси, вся преславна Твоя, всесильный Владыко.
И ныне:
Яко венцем пресветлым благоукрашается град наш, Богородительнице, образом Твоим честным, паче луч солнечных сияющим и просвещающим хвалящыя Тя.
Песнь 4, ирмос
Гору Тя благодатию Божиею приосвещенную, прозорливыма Аввакум усмотрив очима, из Тебе изыти Израилеву провозглашаше Святому, во спасение наше и обновление.
С воинствы небесными водворяяся богомудре, Христа умоли с ними спасти нас на земле сущих, почитающих тя в честнем храме сем, Господень Предтече.
Светильниче Света невечерняго, угасший дел светильник возжи в душах наших, огнем твоим молитв, да ясно узревшее свет повелений Создавшаго, стопы наша направим по словеси Его.
Бездну милосердия в струях Иорданских погрузивый рукою твоею, Крестителю, источники слез подаждь, разжения сластей погашающыя, и грехи очищающыя.
Слава:
Неповинно заклан был еси, яко агнец незлобив, Божественный Предтече, непорочная и Священная жертва Творцу принеслся еси, темже верою тя молим, и нас возносити жертвы духовныя Богу настави.
И ныне:
Не отрини молений наших, Владычеце ситая, но посети милостию рабы Твоея, покланяющыяся образу Твоему, упование христиан! В мире житие наше соблюди, и подаждь спасение необоримое.
Песнь 5, ирмос
Просветивый сиянием пришествия Твоего, Христе, и осветивый Крестом Товим мира концы, сердца просвети светом Твоего Богоразумия, православно поющих Тя.
Дивен Бог во Святых Своих творяй чудеса, кости бо мертвыя Елисеевы Мертваго воскресиша, руками Павловыми многи от недуг и духов злых исцелевахуся, рука же Крестителева большая источает чудеса, и подает исцеления верою почитающым ю и благоговейно лобызающим.
Приближився Свету крайнему, свет вторый по Божественному причащению был еси воистину, темже радующеся светлою и благонарочитаю памать твою совершаем, и молим тя, Крестителю, просвети души наша дарованиями вседетельнаго Духа.
Не Ходатай, ни Ангел, но Сам Господь спасе нас, пришедый в мир, Емуже правыя пути послан был еси уготовати, блаженнее! Того ныне умоли, Крестителю, показати и нам стезю, к Царствию небесному наставляющую.
Слава:
Горесть вод древле услаждая Моисей, древом сохрани Еврейския люди, образ Креста проначертая, сему верни покланяющеся, горести и скорби всякия избавляемся.
И ныне:
Се приходит Дева всех Пророков превышши честным образом Своим, Зиждителя миру роджая, град Свой сохранити и спасти достояние Свое.
Песнь 6, ирмос
Из утробы Иону младенца изблева морский зверь, Якова прият: в Деву же всельшееся Слово, и плоть приемшее пройде сохраншее нетленну, Его же бо не пострада истления, Родшую сохрани неврежденну.
Глас вопиющаго Бога наречен был еси, Предтече Господень: темже яко уста Божия, кто не восхвалит тя?
Веру благочестивую в Сына Божия, запустевшим сердцам проповедал еси, Пророче благодати, неплодие душ наших, от тли греховныя изсыхаемых на всяк день, отреби рукою Твоею пречистою, да будем древеса приносящая плод живыя веры, Вседержителю.
Волнами житейскими обуреваеми, и в страстех различных погружаеми, под кров твой прибегаем, великий Иоанне, потщися помощи рабом твоим, и к спасения благоотишнаму пристанищу настави.
Слава:
Прими от души молящихся тебе, Христе! И даждь нам помощь Твою свыше, якоже иногда учеником Твоим на мори, и от бед избави нас, молением Твоего Предтечи.
И ныне:
Пред образом Твоим, Богомати! Проливаем сердечная моления наша недостойнии, помози. Владычице, усердно молящымся Тебе, и избави от всех Бед и зол славящих Тя: кто бо, Всемилостивая, с верою призываяй Тя, посрамлен и неуслышан от Тебе изыде?
Кондак, глас 6
Умнаго Солнца светильник, Божественный Предтеча, показавый в концех светоносную свою десницу, ныне на севере озаряет ею блаженнее отечество наше, и просвещая и освещая верно покланяющихся и Христу вопиющих: спаси нас молитвами Пророка Твоего, Царю вышний.
Икос
Новый рай является Божественный храм сей, в оньже с верою и благоговением входит беседовати с Создателем своим первый человек. Река бо даров Божественныя благодати, разделяющаяся в четыре начала, исходит из Едема небеснаго напаяти его. Источник жизни, нетления и спасения изливает всем нерукотворенное начертание Спасителя нашего. Поток милостей и щедрот и сродного о христианех промышления исходит от Святыя Богоматере иконы. Древо Креста, на нем же спасение совершися, источает воду, услаждающую горесть вкушения заповеданного. Струи же теплых молитв текут обильно от Предтечевы десницы, во струях Иорданских сподобившияся крестити Просветителя нашего. Вся земля Российская да поклонится Тебе, и да поет Тебе, Царю вышний.
Акафист
Святому Предтечи и Крестителю Господню
Кондак 1
Избранный от лет древних быти Предтечею и Крестителем Спасителя мира Христа Бога, Иоанне Богохвальне, прославляя Прославльшаго тя Господа, похвальная восписуем ти яко большему всех рожденных женами, во плоти Ангелу, покаяния проповеднику, Ты же, яко имеяй велие дерзновение ко Господу от всяких бед свобождай и к покаянию воздвизай нас, любовию тебе зовущих: Радуйся, великий Иоанне пророче, Предтече и Крестителю Господень.
Икос 1
Архангел Гавриил, предстояй пред Богом, послан бысть ко иерею Захарии, еегда он, служа по чину чреды своея, вниде покадити в церковь Гоподню: и, представ одесную Алтаря кадильнаго, благовествоваше о твоем рождестве, великий Иоанне, возвещая Захарии радость и веселие, и яко мнози о рождестве твоем возрадуются. Сего ради и мы дивному о тебе Божию благоволению чудящеся и радующеся, со благоволением в похвалу тебе вопием:
Радуйся, совета Божия неизреченнаго таинниче:
Радуйся, дивнаго смотрения Его исполнение.
Радуйся, прежде лет многих пророчеством Исаии проявленный:
Радуйся, вестниче пред лицем Господним древле пророченный.
Радуйся, предназначенный быти великим Пророком Вышняго:
Радуйся, по обетованию Ангела рожденный.
Радуйся, еще во чреве матери твоея Духа Святаго исполненный:
Радуйся, прежде рождества твоего на великое служение освященный.
Радуйся, неплодства родителей разрешение:
Радуйся, иерея Божия радость и веселие.
Радуйся, дщери Аароновой прозябение:
Радуйся, плод молитвы богодарованный.
Радуйся, великий Иоанне Пророче, Предтече и Крестителю Господень.
Кондак 2
Видя Захария явльшагося ему Ангела, смутися, и страх нападе нань, и не верова словесем благовестия его о рождестве твоем: егда же за неверие немотою связан бысть, удивляшеся преславному чудеси, всем сердцем вопия Богу: Аллилуиа.
Икос 2
Разум неразумеваемый разумети ищуще людие, ждущее Захарию, и чудяхуся умедлившу ему в церкви; изшедшу же ему и не могущу глаголати к ним, но токмо помавающу, разумеша вси, яко видение виде в церкви. Мы же, прославляя, дивнаго Творца чудес Бога, вопием тебе таковая:
Радуйся, благий виновниче немотствования отча:
Радуйся, слез матере твоея пременение на радость.
Радуйся, тоя поношения в людех отъятие:
Радуйся, великое рождшим тя утешение.
Радуйся, яко в шестый месяц о зачатии твоем Пресвятая Дева Мариа в Назарете от Ангела известися:
Радуйся, яко о рождестве твоем мнози возвеселишася.
Радуйся, яко имя благодатное от Ангела нареченное получивый:
Радуйся, яко именем твоим немотствование отца твоего Захарии разрешися.
Радуйся, яко имя Божие о тебе отцем твоим благословися:
Радуйся, яко о чуднем рождестве твоем страх и удивление в окрест живущих явися.
Радуйся, яко по всей стране иудейской о дивном рождестве твоем возвестися:
Радуйся, яко тобою спасение многим в мире сем явися.
Радуйся, великий Иоанне Пророче, Предтече и Крестителю Господень.
Кондак 3
Сила Вышняго разреши неплодство заматоревшия во днех своих праведныя Елисаветы: зачат бо тя, славный Предтече Господень, и таяшеся месяц пять, глаголющи: яко тако мне сотвори Господь во дни, в няже призре отъяти поношение мое в человецех. Егда же прия имущую во чреве Христа, исполнися Духа Свята и возопи гласом велиим: откуду мне сие, яко прииде Мати Господа моего ко мне; с неюже радующися взываше Богу: Аллилуиа.
Икос 3
Имея предъити пред Господом духом и силою Иллиною, еще из чрева матере твоея исполнился еси Духа Святаго, от онудуже и Пророк дивный показался еси, егда во утробе матерее твоея сый, взыгрался еси, радощами пришествию Матери
Господней: Бога бо познал еси носима в ложеснах Благодатныя, и Того матерним гласом проповедал еси: подобаше бо Божественных вещей преславным быти началом. Сему убо благоговейно удивляющеся, с радостию тебе вопием:
Радуйся, еще во утробе матерней предпославшаго тя Господа чудным веселием предъявивый:
Радуйся, яко тебе ради и матери твоей Елисавете воплощение Христово открыся.
Радуйся, яко и та исполнися Духа Свята:
Радуйся, яко и она предивна пророчица явися.
Радуйся, яко от нея Пресвятая Дева Мариа блаженною в женах наречеся:
Радуйся, яко тою Она и Материю Господа наименовася.
Радуйся, яко и безсменный плод Тоя благословенным пронаречеся:
Радуйся, премудрости Божественныя предъявление.
Радуйся, святаго супружества благословение:
Радуйся, неплодных ложесн дивное прозябание.
Радуйся, рождением твоим удививый люди:
Радуйся, светлый Слова гласе.
Радуйся, великий Иоанне Пророче, Предтече и Крестителю Господень.
Кондак 4
Бурею сомнения смущенный, иерей Захария не можаше по слвоесу ангельскому проглаголати. Егда же по рождестве твоем, Предтече Господень, написа благодатное имя твое, абие отверзошася уста и язык его, и глаголаше благословя Бога, и пророчества глаголя: благословен Госопдь Израилев, яко посети и сотвори избавление людем Своим, и ты отроча пророк Вышняго наречешися, поя Тому: Аллилуиа.
Икос 4
Слыша окрест живущии людии о преславном и чудном рождестве твоем, со удивелением глаголаху в себе: что убо отроча сие будет? Мы же тя, преславный Предтече Господень, яко больша всех рожденных женами, достойно чтуще, ублажаем сице:
Радуйся, от зачатия твоего благодатных явлений исполненный:
Радуйся, в рождестве твоем Богом прославленный.
Радуйся, во младенчестве твоем от отца твоего Пророком Вышняго нареченный:
Радуйся, во отрочестве твоем Духом Святым просвещенный и укрепленный.
Радуйся, Бога воплотившагося сродник по плоти бывый:
Радуйся, от Бога высокое звание Предтечи и Крестителя приемый.
Радуйся, заре, Свет Новый миру возвестившая:
Радуйся, звездо, путь, ведущий ко Христу, осветившая.
Радуйся, деннице Солнца незаходимаго:
Радуйся, светильниче Света неугасаемаго.
Радуйся, путь грядущему Христу уготовляяй:
Радуйся, Ангела и человека в себе являяй.
Радуйся, великий Иоанне Пророче, Предтече и Крестителю Господень.
Кондак 5
Богопротивное веление беззаконнаго детоубийцы Ирода изгна тя из дому отча в непроходную пустыню, носима материю, Предтече Господень, идеже и пребывал еси до дне явления твоего ко Израилю, ядый акриды и мед дивий, иБогу вопия: Аллилуиа.
Икос 5
Видяще дивное Божие о тебе промышление, Иоанне Богохвальне, яко от младенческих пелен постническаго жития любитель показался еси, от онудуже Вышняго послан был еси проповедати людем грядущее во Христе спасение, сего ради со удивлением и любовию тебе взываем:
Радуйся, яко еще младенец сый, царя Ирода устрашил еси:
Радуйся, от напраснаго убийства того, десницею Вышняго, сохраненный.
Радуйся, пустыни шипок благовонный:
Радуйся, высотою подвигов твоих всех удививый.
Радуйся, праваго пути верный указателю:
Радуйся, чистоты и целомудрия Предивный хранителю.
Радуйся, Евангельскаго самоотвержения образе совершенный:
Радуйся, монашествующих покрове и утверждение.
Радуйся, богословствующих умов просвещение:
Радуйся, грешным милосердия Божия двери отверзаяй.
Радуйся, кающимся грешником от Господа прощение
подаваяй:
Радуйся, плоды достойны покаяния творити помогаяй.
Радуйся, великий Иоанне Пророче, Предтече и Крестителю Господень.
Кондак 6
Проповедник славный ты, Божественный Предтече, показался еси в пустыне Иорданстей во дни явлении Христа Бога миру, Сего бо, Грядущаго к тебе, показал еси людем, глагля: се Агнец Божий, вземляй грехи мира! Его же мы верою познавше поем Ему: Аллилуиа.
Икос 6
Возсиял еси свет истины, Иоанне Богопросвещение, всем являяй славы Отчия сияние, явльшееся плотски нас ради. Вопиял бо еси в пустыни людем: покайтеся, приближи бо ся Царствие небесное, сотворите плоды достойны покаяния. Се бо
грядет по мне, Иже крестит вы водою и Духом. Сего ради похвальная тебе вопием:
Радуйся, пришествия Мессии возвестителю:
Радуйся, путей Господних уготователю.
Радуйся, ветхия и новыя благодати ходатаю:
Радуйся, пророков пределе и начало апостолов.
Радуйся, гласе Слова благознаменитый:
Радуйся, покаяния проповедниче велегласный.
Радуйся, многих сынов Израилевых ко Господу обративый:
Радуйся, люди совершенны Господеви уготовавый.
Радуйся, фарисеев и саддукев дерзновенно обличивый:
Радуйся, плоды достойны покаяния творити научивый.
Радуйся, просвещения духовнаго указателю:
Радуйся, ищущим предстательства твоего неусыпный заступниче.
Радуйся, великий Иоанне Пророче, Предтече и Крестителю Господень.
Кондак 7
Хотящу от тебе креститися Господу Иисусу, Иоанне Богоблаженне, глаголал еси: аз требую Тобою креститися, обаче повинуяся, рекшу Тому: "остави ныне", воздвигл еси десницу твою на главу Его и крестив нетребующаго очищения, вопиял еси: Аллилуиа.
Икос 7
Новую подая благодать креститися изволивый от тебе Господь, сподоби тя Духа пришествие видети и глас Отеческий с небесе свидетельствующь Его Сыновство слышати: от онудуже в триех лицех единому Богу покланятися нас научил еси. Егоже
бренными прославляюще устнами, в похвалу сия тебе приносим:
Радуйся, троическаго Богоявления первый проповедниче:
Радуйся, в триех лицех единаго Бога истинный поклониче.
Радуйся, Духа Святаго в иде голубине яснозрителю:
Радуйся, снисхождения Его от Отца на Сына свидетелю.
Радуйся, гласа с небесе от Бога Отца слышателю:
Радуйся, явления любве Отчи к Сыну созерцателю.
Радуйся, Сына Божия избранный крестителю:
Радуйся, воли Его святыя исполнителю.
Радуйся, славнаго служения спасению рода человеческаго ревностный рачителю:
Радуйся, великаго таинства крещения первый совершителю.
Радуйся, Божественныя радости вестниче:
Радуйся, новаго завета п