Молебное пение
Старший: Молитвами святых отец наших, Господи Иисусе Христе, Боже наш, помилуй нас.
Лик: Аминь.
Старший: Слава Тебе, Боже наш, слава Тебе.
Лик и все, кто присутствует: Царю Небесный,/ Утешителю, Душе истины,/ Иже везде сый/ и вся исполняяй,/ Сокровище благих/ и жизни Подателю,/ прииди и вселися в ны,/ и очисти ны от всякия скверны,// и спаси, Блаже, души наша.
Чтец: Трисвятое по Отче наш.
Старший: Молитвами святых отец наших…
Чтец: Аминь. Господи, помилуй (12 раз). Слава, и ныне. Приидите, поклонимся…
Псалом 37
Господи, да не яростию Твоею обличиши мене, ниже гневом Твоим накажеши мене. Яко стрелы Твоя унзоша во мне, и утвердил еси на мне руку Твою. Несть исцеления в плоти моей от лица гнева Твоего, несть мира в костех моих от лица грех моих. Яко беззакония моя превзыдоша главу мою, яко бремя тяжкое отяготеша на мне. Возсмердеша и согниша раны моя от лица безумия моего. Пострадах и слякохся до конца, весь день сетуя хождах. Яко лядвия моя наполнишася поруганий, и несть исцеления в плоти моей. Озлоблен бых и смирихся до зела, рыках от воздыхания сердца моего. Господи, пред Тобою все желание мое, и воздыхание мое от Тебе не утаися. Сердце мое смятеся, оставимя сила моя, и свет очию моею, и той несть со мною. Друзи мои и искреннии мои прямо мне приближишася, и сташа. И ближнии мои отдалече мене сташа, и нуждахусяищущии душу мою: и ищущии злая мне глаголаху суетная, и льстивным весь день поучахуся. Аз же яко глух не слышах, и яко нем не отверзаяй уст своих, Ибых яко человек не слышай, и не имый во устех своих обличения. Яко на Тя, Господи, уповах, Ты услышиши, Господи Боже мой. Яко рех: да не когда порадуют ми сяврази мои: и внегдаподвижатися ногам моим, на мявелеречеваша. Яко аз на раны готов, и болезнь моя предо мною есть выну. Яко беззаконие мое аз возвещу, и попекуся о гресе моем. Врази же мои живут, и укрепишася паче мене, и умножишасяненавидящиимя без правды. Воздающии ми злая воз благая оболгахумя, зане гонях благостыню. Не остави мене, Господи Боже мой, не отступи от мене. Вонми в помощь мою, Господи спасения моего.
[Вместо данного богослужебного текста возможно чтение псалма 90:
Живый в помощи Вышняго, во дворех Бога Небеснаго водворится, речетГосподеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи и от словесе мятежна: ПлещмаСвоима осенит тя, и под криле Его надеешися: оружием обыдеття истина Его. Не убоишися от страха нощнаго, от стрелы летящия во дни, от вещи во тьме преходящия, от сряща и беса полуденнаго. Падет от страны твоеятысяща, и тьма одесную тебе, к тебе же не приближится: Обачеочиматвоимасмотриши, и воздаяние грешников узриши. Яко Ты, Господи, упование мое: Вышняго положил еси прибежище твое. Не приидет к тебе зло, и рана не приближитсятелеси твоему: Яко Ангелом Своим заповесть о тебе, сохранититя во всех путех твоих. На руках возмуття, да не когда преткнеши о камень ногу твою: На аспида и василиска наступиши, и попереши льва и змия. Яко на Мяупова и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его, и прославлю его: Долготою дней исполню его и явлю ему спасение Мое.]
Слава, и ныне. Аллилуиа, аллилуиа, аллилуиа, слава Тебе, Боже (трижды).
Лик: Господи, помилуй (12 раз).
Старший: Молитвами святых отец наших…
Лик: Аминь.
Старший: Бог Господь, и явися нам, благословен грядый во имя Господне.
(Стих 1:) ИсповедайтесяГосподеви, яко Благ, яко во веки милость Его.
Лик: Бог Господь… (на второй глас)
Стих 2: Обышедшеобыдошамя, и именем Господним противляхся им.
Лик: Бог Господь…
Стих 3: Не умру, но жив буду, и повем дела Господня.
Лик: Бог Господь…
Стих 4: Камень, егоженебрегошазиждущии, сей бысть во главу угла: от Господа бысть сей, и есть дивен во очесех наших.
Лик: Бог Господь…
Тропарь, глас 2:
Во гневе Твоем, Боже, помяни щедроты Твоя,/ прах бо и пепел есмы,/ дух ходяй и не обращаяйся/, и не яростию Твоею обличи нас,/ да не погибнем до конца,/ но пощади души наша,// яко един Милосерд (Дважды).
Слава Отцу и Сыну и Святому Духу.
Кондак, глас 6:
Болезни адовы обыдошанас,/ и прикрыны сень смертная,/ и яко воск от огня,/ дние наши тают от лица гнева Твоего, Господи,/ но яко Щедр во гневе милости помяни,/ и пощади люди Твоя,/ да живи суще,/ в покаянии славим Тя// Единаго Человеколюбца.
И ныне и присно, и во веки веков. Аминь.
Тропарь Богородице, глас 4:
Заступнице усердная,/ Мати Господа Вышняго,/ за всех молиши Сына Твоего Христа Бога нашего,/ и всем творишиспастися,/ в державный Твой покров прибегающим./ Всех нас заступи, о Госпоже Царице и Владычице,/ иже в напастех и в скорбех и в болезнех обремененных грехи многими,/ предстоящих и молящихся Тебе умиленною душею/ и сокрушенным сердцем/ пред Пречистым Твоим образом со слезами,/ и невозвратно надежду имущих на Тя,/ избавления всех зол,/ всем полезная даруй/ и вся спаси, Богородице Дево:// Ты боеси Божественный покров рабом Твоим.
Чтец: Прокимен, глас 4: Господи, да не яростию Твоею обличиши мене, ниже гневом Твоим накажеши мене.
Лик: Господи, да не яростию Твоею обличиши мене, ниже гневом Твоим накажеши мене.
Чтец (стих): Яко стрелы Твоя унзоша во мне, и утвердил еси на мне руку Твою.
Лик: Господи, да не яростию Твоею обличиши мене, ниже гневом Твоим накажеши мене.
Чтец: Господи, да не яростию Твоею обличиши мене.
Лик: Ниже гневом Твоим накажеши мене.
Чтец: Ко Евреем послания святаго апостола Павла чтение.
Братие, егоже любит Господь, наказует: биет же всякаго сына, егоже приемлет. Аще наказание терпите, якоже сыновом обретается вам Бог. Который бо есть сын, егоже не наказует отец; Аще же без наказания есте, емуже причастницы бышавси, убопрелюбодейчищиесте, а не сынове. К сим, плоти нашей отца имехомнаказатели, и срамляхомся: не много ли паче повинемся Отцу духовом, и живи будем; Они бо в мало дней, якоже годе им бе, наказоваху нас, а Сей на пользу, да причастимся святыни Его. Всякое бо наказание в настоящее время не мнится радость быти, но печаль: последи же плод миреннаученым тем воздает правды. Темжеослабленныя руки, и ослабленная колена исправите. И стези правы сотворите ногами вашими: да не хромое совратится, но паче да исцелеет (Зачало 331 от полу).
Аллилуиа, Аллилуиа, Аллилуиа.
Лик: Аллилуиа, Аллилуиа, Аллилуиа.
Чтец (стих 1): Одержашамя болезни смертныя, и потоцы беззакония смятошамя.
Лик: Аллилуиа, Аллилуиа, Аллилуиа.
Чтец (стих 2): Болезни адовы обыдошамя, предваришамя сети смертныя.
Лик: Аллилуиа, Аллилуиа, Аллилуиа.
Старший: От Луки Святаго Евангелия чтение.
Лик: Слава Тебе, Господи, слава Тебе.
Старший: Во время оно, вниде Иисус в дом Симонов, теща же Симонова бе одержима огнем велиим, и молиша Его о ней. И став над нею, запрети огню, и остави ю: абие же воставшислужаше им. Заходящу же солнцу, всиелицыимеяхуболящия недуги различными, привождаху их к Нему: Он же на едином коегождо их руцевозлож, исцеляше их. Исхождаху же и беси от многих, вопиюще и глаголюще: яко Ты еси Христос Сын Божий. И запрещая не даяше им глаголати, яко ведяху Христа Самого суща. Бывшу же дни изшедиде в пусто место: и народи искаху Его, и приидоша до Него, и держахуся Его, да не бы отшел от них. Он же рече к ним: яко и другим градовом благовестити Ми подобает Царствие Божие, яко на се послан есмь. И бепроповедая на сонмищах Галилейских (Зачало 16).
Лик: Слава Тебе, Господи, слава Тебе. Господи, помилуй (12 раз).
Старший: Молитвами святых отец наших…
Лик: Аминь. Господи Иисусе Христе, Сыне Божий, помилуй нас, грешных.
Старший читает молитву:
Господи Боже наш, призри с высоты святыяТвоея на молитву нас грешных и недостойных рабов Твоих, беззаконьми нашими Твою благость прогневавших, и благоутробие Твое раздраживших, и не вниди в суд с рабы Твоими, но отврати страшный гнев Твой, праведно на ны движимый, утоли губительное прещение, устави грозный Твой меч, невидимо безгодно секущий нас, и пощади нищих и убогих рабов Твоих, и не затвори в смерти души наша, в покаянии сокрушенных сердцем и со слезами к Тебе Милосердому, Благоуветливому, и Благопременительному Богу нашему припадающих. Твое бо есть, еже миловати и спасатины, Боже наш, и Тебе славу возсылаем, Отцу, и Сыну, и Святому Духу, ныне и присно, и во веки веков.
Лик: Аминь.
Честнейшую Херувим, и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно, и во веки веков.
Аминь. Господи, помилуй (трижды). Господи, благослови.
Старший творит отпуст: Господи Иисусе Христе, Сыне Божий, молитв ради ПречистыяТвоеяМатере, святых славных всехвальных апостол, (святые местночтимые и дня), святых и праведных БогоотецИоакима и Анны и всех святых, помилуй и спаси нас, яко Благ и Человеколюбец.
Лик: Аминь. Господи, помилуй (трижды).