Ом-А-Ра-Па-Ца-На-Ди,
Ом-Ма-Ни-Пад-Ме-Хум,
8-10. Ом-Ваджра-Пани-Хум-Пе…
(үш ал-боттуӊ бачыттары арлы бээр).
72) Камгаланып көрүнгенимден
Будда Башкы чоруум чогудуп,
Чырыткылыг херелдер долган
Ак, кызыл, көк чулуун чоргузуп,
73) Бачыт-хайны төндүр арыглааш
Мөзү-бүдүжүмнү чазап тур,
Күрү-Башкым ийиги овуру
Тейимдиве эстип кирип тур:
Гуру-Башкыларын чүрээнче олуртуру:
Ом-Аъ-Гуру-Ваджрадара-Джецун-Геше-Джампа-Тинлей-Сарва-Сидхи-Хум-Хум.
Ом-Аъ-Гуру-Ваджрадара-Вагиндра-Сумати-Шасанадхара-Самундра-Шри-Бхадра-Сарва-Сидхи-Хум-Хум.
Ом-Аъ-Гуру-Ваджрадара-Вагиндра-Сумати- Крити-Сарва-Сидхи-Хум-Хум. (3,7,21,108 катап)
Сагындырыг:
86) Дээди Башкым Буянын бодап,
Четпестерин коптарбас болуйн.
Берген билиин боттандырарда,
Сеткилимден боданып чорууйн.
87) Башкывысты өөртүр болзумза,
Онуун артык өргүл-сөң-даа чок.
Башкы меңээ амыраар болза,
Онуун бедик боттандырыг чок.
88) Күрү-Башкым кайгамчык арыг
Сарыг-Шажын оруун дамчытты.
Бодум ону өттүнүп чорааш
Шаам-биле боттандырыптайн.
89) Өлүм шагы чедип келирин
Бодап чорааш чүдүп ап чорууйн.
Сөөлүнде човулаңнардан
Хосталы бээр аргалыг болуйн.
90) Очалаңдан сестип чорааштың
Канчап Буян боттандырар мен?
Човулаңны сактып келгештиң
Башкым чаглаан хүлээп алыр мен.
91) Чаглактанып шыдаар болзумза,
Онуун артык өргүл-сөң-даа чок.
Үш-Эртине бойдузун тудар
Оон бедик боттандырыг чок.
Буян-Кежиин өргүүрү:
92) Орук-Декпе чадаларынга,
Кызымакай чүткүлдүүм-биле
Чыып чорааш чедип алганым
Буян-Кежиим чедингир болзун.
93) Бүгү дириг амылыгларым
Бо-ла ышкаш тодаратынып,
Мага-боттуң болгаш чүректиң
Аарыгларын эдилевезин.
94) Кай-хире-даа көвей амылыг
Дөгерези човулаңнардан,
Адырылгаш кадык-чаагай бооп
Мөңге аас-кежиктиг болзуннар.
95) Бүгү дириг амылыгларның
Чаңгызы-даа артпайн шуптузу,
Чоннуң, Бурганнарның аас-кежиин
Чедип алыр буянныг болзун.
96) Олар угаан хосталгазынга
Удавайын чедип алзыннар.
Ынчан, ам-на очалаң өжүп,
Эзилгештиң чидип арлы бээр.
97) Каптагайны дола бергени
Амылыглар чыргал-дыжы дээш,
Манждушири Бурганы ышкаш
Чырыткылыг угааныг болуйн.
98) Арябала Бурганы ышкаш
Энерелдиг сеткилдиг болуйн.
Очур-Маанай Бурганы ышкаш
Күчү-күштү эдилеп чорууйн.
99) Гуру-Башкым айтып бергени
Сарыг-Шажын өөредиглери,
Кандыг-даа аар сагышсыралды
Экиртиптер шынарлыг эм-дом.
100) Өөредигниң бо эртинези,
Каптагайны долдуруп чоруур
Өртемчейлер бүгүдезинге,
Чечектелип сайзыраар болзун.
101) Чырыткылыг Будда Бурганга,
Сарыг-Шажын билиглеринге,
Ыдык Чүдүкчүлер чыыжынга
Даяныптар күштүг бүзүрел
102) Бүгү дириг амылыгларның
Угаанынга быжыгар болзун.
Ооң-биле Эртинелерниң
Орук-Чолун хүлээп ап чорзун.
103) Моон соңгаар бо делегейге
Эмнетинмес аарыг-ажыктан,
Аш-чуттардан, дайын-чаалардан
Човулаңнар черле турбазын.
104) Эрте берген чуртталгаларда
Дөгерези авам бооп чораан,
Бүгү дириг амылыгларым,
Азып-тенип муңчулбазыннар.
105) Ак орукту айыткап чоруур
Эртинелиг Башкыларынга
Амылыглар ужурашкаштың
Кежик-Чолун чаалап алзыннар.
106) Соңгу оруун тодарадып ааш
Эчис-төнчү дыштаныышкынныг,
Долу чырыткылыг байдалга
Удавайын чедип саадазын.
107) Арыг шынчы алдынып чораан,
Чорук-херээ үре-түңнелдиг,
Бойду-Садыларның болгаштың
Буддаларның айызы-биле,
108) Шак ол ышкаш мээң бодумнуң
Бедик чүткүлүмнүң күжү-биле,
Номчуп дооскан чалбарыгларым
Чоорту бүдүп боттаны берзин.
«Кураай-Курай! Кураай-Курай!»
«Номчукчуларныӊ кичээнгейинге»
1. Сарыг-Шажын Буяны доктаазын дээш: «Далайга дамды дуза!» - дээр болгай. Судурларны Тыва дылывыска бараалгадып чоруур Гуру-Башкыӊар ѳг-бүлезинге Ѳргүлдерден (бир куспак ыяштан, шоодай хѳмүрден, эът-сүтүг аъш-чемден, тыва идик-хептен, тыва ѳгден, мал-магандан, бажыӊ-балгаттан, мебель-электротоварлардан, машина-тергеден, Тыва-Судур хүрээзин тургузар чер-девискээрден) бодап чоруӊар! Адрезивис: Кызыл хоорайда, ул.Малоенисейская-30.
(ост.Сельхозтехникум)
2. Акша-тѳгерик Ѳргүлүн хүлээп ап чоруур, мобильный банк: 8(923)267-98-44 - Ооржак А.Х. (Гуру-Башкыӊарныӊ ѳѳнүӊ ээзи-дир)
3. Бүдүн делегейде, Үш-Эртинелерге (Будда Башкызынга, Сарыг-Шажын ѳѳредиинге, чүдүкчү Бѳлүкке) ѳргүлдүӊ хемчээли, айныӊ орулгазындан 1%-10% (10-100...р) болганда, чүдүвес-даа болзуӊарза, хай-бачыдыӊар арыгланзын дээш, чер кырынга чурттаар Буян-Кежииӊер арбыдап чорзун дээш, келир назыда салым-чаяаныӊар бедик болзун дээш, Сарыг-Шажын сайзыралынга Ѳргүл кылып чоруур болзуӊарза, боттарыӊарга эки болур.
4. Мугулай харамнаныышкындан, угааныӊар сайзыралынга удур, багай үүле тарывазын сагындырып каайн. Будда ышкаш Гуру-Башкыга удур багай бодал бодаар чорук, келир назыда кымны-даа хилинчектээр, дыка аар кара үүле-дир.
5. Ооӊ орнунга, Тыва-Судур мѳргүлүнге оруп алгаш, хүнүӊ-не боттарыӊар номчуп ап чоруур Буяндан чыып ап чоруӊар!
Башкы-биле харылзажыр телефоннар:
8(923)267-75-66, 8(923)385-84-89.
Айтырыг салыр, чагаалажыр арным мында: https://vk.com/id210045634.
6. Кандыг-даа берге байдалга таварышкаш:
«Бодаан бодалыӊар чырып чорзун,
Күзээн күзелиӊер бүдүштүг болзун!
Улуургак менээргел чавызап чорзун,
Бурганнаар чоргаарал бедиир болзун!»
7. Бо бодалдарныӊ алыс ужур-утказын, Тыва чонувус-биле үлежип чоруур болзуӊарза, "Судурларны Тывалаар" чоруктуӊ Буян-Кежии Тыва чонувус сеткилинге доктаап, салгал дамчып артып каар ужурлуг.
8) Мугулай чорукту эвээжедип, муӊгараар байдалдан ырап, Судурларны Тывалаар орукту чонумга ажыдып бергеш, дуржулгам дамчытпышаан, Тыва-Судур Күрүнезин тургузар дээн күзелим-биле, Күрү-Башкым оруун уламчылап, даяаан ажылын кылбышаан, сагыш-сеткилим чырыдып чоруур шаам ол-дур, Ѳӊнүк. Номчааныӊар дээш четтирдим, байырлыг Менди-Чаагай!"
Хүндүткел-биле: Ооржак Эмей-Оглу Шолбан Башкы.
Кызыл хоорай. 2018 чылдыӊ, Март 1.