Ведомо буди и се, яко изложение собором не бысть почину их, но по временем, вняже снидошася. Быша бо собори преже Никейскаго святаго и Вселенскаго Перваго собора, нарицаемии поместнии: иже суть сии.
Поместныи собор, Первыи.
Во времена Аврилиана римскаго царя, Павел Самосатскии, Божья града епископ, рекше, Антиохийскии, бысть начальник ереси, Христа бо истиннаго Бога нашего проста человека глаголаше, Божия благодати якоже пророци, сподоблена бывша; и се уведевше церковнии правители, стекошася во Антиохию, мнози суще числом, имже быша старейшины; Именей Иеросалискии епископ: Григории чюдотворец Неокесарийскии епископ: Афинодор брат его: Фирмилиан епископ Кесарии Каппадокийския: Иелин епископ Тарсскии: И первее убо наказанием и совещанием, покусишася от зловерия превратити Павла. Егда же видеша его не исцелно боляща, тогда единым советом суд изнесше, от иерейства того обнажиша, и от Церкве отсекоша. Противящужеся ему, и церковное беззаконно имущу владычество, и цареви Аврилиану святыи собор помолися, и еже о Павлове шатании возвести ему. Он же аще и еллин бяше, осуди противящагося, единоверных суду, от тех отсечену быти собора, и тако изгнан бысть из Церкве.
Поместныи собор, Вторыи.
Другии же собор во Анкире бысть, гонению на христианы превелику бывшу, и сущым поместом христианом, или приложитися ко еллинскому неверию, или муками и всяческими смертьми, побиеным быти понуждаемым. И мнози убо от них просияша в мучении: мнози же мук не могуще терпети, на идолослужение уклонишася. Посемже преставшу гонению, нецыи от преступления уклонишася раскаявшеся, и обратитися и покаятися восхотевше, приступиша к церковным властелем. Бывшу же о сем вопрошанию многу, аще подобает единою отвергшимся Христа, паки приятым быти. Собрася во Анкире святых отец собор, емуже бяху старейшины: Виталии Антиохии Сирския епископ: Агриколай Кесарии Каппадокийския епископ: Василии Амасийскии епископ, и священномученик: и правил изложиша, 25, яко подобает таковым обращающимся приятым быти.
|
|
Поместныи собор, Третии. Ин собор святых епископ снидеся в Новей Кесарии, иже на Понте. И правил изложи, пять надесять, яже о церковном строении. Беже и стеми святыми отцы, святыи Василии епископ Амасийскии священномученик.
Собор числом, четвертыи, а Вселенскии, Первыи.
И тако потом снидеся, иже на Ариа в Никеи святыи Первыи Вселенскии собор.
Поместныи собор, Пятыи. Ин собор святых отец бысть во Антиохии Сирстей, при Константине царе, сыне Великаго Константина, по пятих летех скончания его, и правил церковных изложи двадесять пять.
Поместныи собор, Шестыи. Другии собор снидясе в Гангре, иже есть митрополия Пефлагонскаго языка. И той такоже правил изложи двадесять, на церковное благочиние.
Поместныи собор, Седмыи. Другии собор святых отец снидеся в Сардикии, сиречь в Средце. Константию царю, сыну Великаго Константина, во арианскую ересь уклоншуся, и всяко потщание являющу, святыи Никейскии собор, и яже на нем благодатию Святаго Духа уставленыя заповеди иным собором отврещи и расказити. Римскии же епископ Константину, сыну Великаго Константина, брату же прежде реченнаго Констянтия, западом царствующу, и правоверну сущу, сказа ему вся сия, яже от брата его на правоверие воздвиженая. Он же вельми поболе, грамоты написав брату, претя ему и глаголя, яко аще не оставиши брани, юже имаши на правоверие, се аз сам иду бранию на тя. Совещастажеся оба царя, в Средце собору быти, и тамо снитися восточным же и западным епископом, испытати аще подобно есть Никейскаго собора заповеди держати, или ни; сшедшим же ся епископом трем стом и четыредесять единому, и бывшу взысканию, и истязанию на мнозе. Согласно святаго сего собора отцы повелеша изложити святое изображение веры, еже в Никеи святых отец подутвержающе: проклинающе же вся противная тому мудрствующыя и учащыя.
|
|
Изведоша же и правил церковных, двадесять един.
Поместный собор, Осьмыи. И в Лаодикии, яже есть митрополия Фригийская, собор бысть святых отец. И той такожде правил потребных церковному устроению списа, пятьдесять осьм.
Собор числом, Девятыи: А Вселенскии, Вторыи.
И посем собрася в Константине граде святыи Вселенскии Вторыи собор, на Македония, хулившаго Дух Святыи.
Собор числом, Десятыи: А Вселенскии, Третии.
Посем собрася первое во Ефесе святыи Вселенскии Третии собор, на Несториа злочестиваго.
Поместныи собор, Единонадесятыи. И посем собрася святыи собор в Константине граде, на Евтихиа архимандрита.
Собор числом, Дванадесятыи: А Вселенскии, Четвертыи.
И прочее собрася в Халкидоне Святыи Вселенскии Великии Четвертыи собор, на послужение иже во святых отца нашего Флавиана, во Ефесе второе, от Диоскора бывшаго собора. На осуждение же и на проклятие тогожде Диоскора, и единомысленика его Евтихиа. И еже от тою разбойнически беззаконно во Ефесе второе бывшаго собора, яко же рехом.
|
|
Поместныи собор, Тринадесятыи. Другии собор снидеся, в Константине граде, на Севира. Анастасии бо царь во евтихианскую уклонився ересь, и брань не милостивну на церковь воздвиг. И многия от правоверных епископы, в великих градех владычествующыя, от церквей нуждею отгна, с ними же и Флавиана Антиохии Сирския, и в того место постави Севира. Он же Антиохийскии престол беззаконно восхитив, молвы и мятежа вся сущыя по вселенней церкви исполни, гонение на прововерие подвиг, и убийству многих повинен бысть: якоже и сам Анастасии царь единомысленик его таковая разумев, писанием запрети ему, аще не останется таковаго неистовства, изврещи его из епископии. Анастасию же царю человеческое оставльшу житие. Иустиниан благоверныи царство прием, и евтихианския отвращаяся мерзския ереси, в той час, вонь же наречен бысть царем, посла да емше нечестиваго Севира приведут, и да приимет месть, оних же к Богу и человеком согреши. Он же сицевая проуведев, тай от Антиохии отиде, и достиже во Александрию, тойже град в то время недуговаше, Евтиха и Диоскора, ересию и зловерием, понеже ни тамо пребывая не хотяше молчати: но и своея ему чести сущыя на многа разсецая, чюждь сыи чести, о овере николи же на единых заповедех не могии стояти. Иустиниан же благочестивей памяти поустине благочестия державу приим, от оттех уведав от Севира бывшее беззаконие, пришедшим в Царь град тогда епископом, купно со архиереом их, сущим с ним, и от Рима причетником многим, купно и с епископы Италийских предел, иже приидоша со Агапитом епископом Римским, пришедшу ему в Царь град, и внем конец житию приемшу. Сим убо разсмотрити таковая о Севире повеле. Сему же бывшу, и обличен бысть, не токмо в ересех, но и инем многим беззаконием повинен: общъ суд от святаго изречен бысть собора, прокляти того, и чюжда сотворити, христианскаго исполнения: сними же и Анфима, бывшаго епископа в Трапезоне, подобная тому мудрствующа, и вто время Константиня града беззаконно восхитивша престол.
Собор числом, Четыренадесятыи: а Вселенскии, Пятыи.
Посих же проповедаемыи в церкви Святыи Вселенскии Пятыи собор, иже во благочестивей памяти, при Иустиниане царе в Константине граде снидеся, на Оригена и на Феодора Мемпсуестийскаго, и на нечестивая ею списаниа, и на злочестивая списания Феодоритова, и на послание глаголемое Ивы епископа Едесскаго.
Собор числом, Пятьнадесятыи: а Вселенскии, Шестыи.
И паки в Константине граде, бысть святыи Вселенскии Шестыи собор, при Константине царе, внуце Ираклиеве, на Феодора Фаранскаго епископа, и на Онориа Римскаго, и Кирилла Александрскаго, и напрочыя единомысленики ереси их: едину волю имети, и едино действо, Господу нашему Исусу Христу, рекшем и повоплощении, и тем соуз правоверия разрушити тщащемся.
Собор числом, Шестьнадесятыи: а Вселенскии, Седьмыи.
Последнии же святыи Вселенскии Седмыи собор снидеся в Никеи второе, на зловерныя иконоборцы, при Константине, и Ирине матери его. Понеже многи соборы помянувше, но седмь токмо Вселенских именовахом: иже в Никеи: и иже в Константине граде: и иже во Ефесе: и иже в Хилкидоне: и паки в Константине граде, на Оригена и Феодора: и еще в Константине граде, при Константине царе, внуце Ираклиеве: и паки в Никеи второе. При царе Константине, и Ирине матери его. Подобает же ведати прочитающему, яко и прочии собори, иже от нас именовани быша, подобни тем Вселенским прияти суть Соборною Апостольскою Церковию, и вся заповеди яже от них повеленыя, яко же апостольская правила и заповеди, церковь облобызает. Всленстии бо седмь сего ради токмо нарекошася, понеже повелении царскими, сущии во всех градех римских и греческих, святители сосызаеми бяху, ины же посылаху в себе место, или епископы, или местныя блюстители, или етеры от старейших презвитер: и накоемждо сих Вселенских соборех, о вере взыскание и совопрошение бысть, и суд, рекше, устав заповедем и правилом изложен бысть. Первыи бо собор устави, и проповеда единосущна Отцу Сына: извеща же и во святых веровати. Вторыи же собор, единосущна Отцу и Сыну и Святаго Духа ясно проповеда, и со Отцем и Сыном Святому Духу поклонятися повеле. Третии же собор совершена в божестве и совершена в человечестве Господа нашего Исуса Христа исповедав, единаго, а не два Сына быти повеле: и святую Богородицу проповеда, а не Христородицу. Четвертыи же собор преждереченныя утверди, и два естества внем разумети, несмесно и не разделно ясно извеща. Пятыи же собор таковая известно утвердив, покоемуждо естеству хотение же и действо его быти же и разумети яве изрече. Шестыи же всех соборов повеления прошед, известив и утвердив: и той совершена Господа нашего Исуса Христа в божестве и в человечестве ясно изглагола. Седьмыи же собор иконоборцы посрами и проклят, и святых икон поклоняние утверди. Но якоже выше рехом, яко есть и друзии собори поместнии: Первыи во Анкире: Вторыи в Новей Кесарии: Третии во Антиохии Сирстей: Четвертыи в Гангре: Пятыи в Сардикии, рекше в Средце: Шестыи в Лаодикии Фригийстей. Седмыи в Карфагене. Сии убо собори поместнии суть, ибо всея вселенныя епископи не быша на них, и цари не седеша: но накоемждо их, тех мест снидошася епископи осовопрошаниих и взысканиих, на утвержение повелений, реченых на прежде бывших соборех, или на потребление нечестивых, смевших противитися прововерию, или о правилех, яже изложиша на церковное благочиние. Нецыи бо от сих собор, и прежде бытия христианских царей снидошася;