П риидо́ша на гроб Магдали́на,/ и друга́я Мари́я и́щуще Го́спода,/ и А́нгела ви́деша я́ко мо́лнию/ седя́ща на ка́мени, и глаго́люща им:/ что и́щете жива́го с ме́ртвыми;/ воскре́се, я́коже рече́:/ в Галиле́и Его́ обря́щете./ К Нему́ же возопии́м:/ воскресы́й из ме́ртвых, Го́споди сла́ва Тебе́.
Иере́й: Слава Тебе, показавшему нам свет.
Славосло́вие вели́кое:
Тропа́рь воскре́сный, глас 2:
Е гда́ снизше́л еси́ к сме́рти, Животе́ Безсме́ртный,/ тогда́ ад умертви́л еси́ блиста́нием Божества́;/ егда́ же и уме́ршия от преиспо́дних воскреси́л еси́,/ вся Си́лы Небе́сныя взыва́ху:/ Жизнода́вче, Христе́ Бо́же наш, сла́ва Тебе́.
Сла́ва Отцу́ и Сы́ну и Свято́му Ду́ху
Тропа́рь вмч. Гео́ргия, глас 4:
Я́ ко пле́нных свободи́тель/ и ни́щих защи́титель,/ немощству́ющих вра́ч,/ правосла́вных побо́рниче,/ победоно́сче, великому́чениче Гео́ргие,/ моли́ Христа́ Бо́га// спасти́ся душа́м на́шим.
И ны́не и при́сно и во ве́ки веко́в. Ами́нь.
Тропа́рь праздника, глас 2:
М ироно́сицам жена́м, при гро́бе предста́в А́нгел, вопия́ше:/ ми́ра ме́ртвым суть прили́чна,/ Христо́с же истле́ния яви́ся чуждь./ Но возопи́йте: воскре́се Госпо́дь,// подая́й ми́рови ве́лию ми́лость.
Ектения́ сугу́бая: П оми́луй нас, Бо́же
Ектения́ проси́тельная:
Иере́й: Мир всем.
Хор: И ду́хови твоему́.
Диа́кон: Г лавы́ на́ша Го́сподеви прикло́ним.
Хор: Т ебе́, Господи.
Иере́й: Твое́ бо е́сть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и…
Хор: А ми́нь.
Диа́кон: П рему́дрость.
Хор: Б лагослови́.
Иере́й: Сый благослове́н Христо́с Бог наш, всегда́, ны́не и при́сно и во ве́ки веко́в.
Хор: А ми́нь. У тверди́, Бо́же, святу́ю правосла́вную ве́ру, правосла́вных христиа́н во век ве́ка.
Иере́й: Пресвята́я Богоро́дице, спаси́ нас.
Хор: Ч естне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Иере́й: Сла́ва Тебе́, Христе́ Бо́же, Упова́ние на́ше, сла́ва Тебе́.
Хор: С ла́ва, и ны́не. Г о́споди, поми́луй. (Трижды) Б лагослови́.
Отпу́ст:
Иере́й: Воскресы́й из ме́ртвых Христо́с, И́стинный Бог наш, моли́твами Пречи́стыя Своея́ Ма́тере…
Многоле́тие:
ЧИТА́ЕТСЯ ПЕ́РВЫЙ ЧАС
На часах:
На 1-м часе – тропарь: «Благообразный Иосиф…»; «Слава» – тропарь великомученика.
На 3-м часе – тропарь: «Егда снизшел еси…»; «Слава» – тропарь великомученика.
На 6-м часе – тропарь: «Мироносицам жена́м…»; «Слава» – тропарь великомученика.
Кондаки праздника Триоди и великомученика читаются попеременно.
На литурги́и:
Начало литургии от Недели Фоминой до отдания Пасхи:
Диа́кон: Б лагослови́ влады́ко.
Иерей: Благослове́но Ца́рство Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор: А ми́нь.
Открываются Царские врата
Священнослужители поют в алтаре: Христо́с воскре́се из ме́ртвых,/ сме́ртию смерть попра́в// и су́щим во гробе́х живо́т дарова́в. (Дважды)
А на третий раз до середины: Христо́с воскре́се из ме́ртвых,/ сме́ртию смерть попра́в
Хор: И су́щим во гробе́х живо́т дарова́в.
Царские врата закрываются и диакон произносит Великую (Мирную) ектению.
Антифоны поются изобразительны.
По входе:
Тропа́рь праздника, глас 2:
Б лагообра́зный Ио́сиф,/ с Дре́ва снем Пречи́стое Те́ло Твое́,/ плащани́цею чи́стою обви́в, и благоуха́ньми,/ во гро́бе но́ве, закры́в, положи́,/ но тридне́вен воскре́сл еси́, Го́споди,// подая́й ми́рови ве́лию ми́лость.
Тропа́рь воскре́сный, глас 2:
Е гда́ снизше́л еси́ к сме́рти, Животе́ Безсме́ртный,/ тогда́ ад умертви́л еси́ блиста́нием Божества́;/ егда́ же и уме́ршия от преиспо́дних воскреси́л еси́,/ вся Си́лы Небе́сныя взыва́ху:/ Жизнода́вче, Христе́ Бо́же наш, сла́ва Тебе́.
Тропа́рь праздника, глас 2:
М ироно́сицам жена́м, при гро́бе предста́в А́нгел, вопия́ше:/ ми́ра ме́ртвым суть прили́чна,/ Христо́с же истле́ния яви́ся чуждь./ Но возопи́йте: воскре́се Госпо́дь,// подая́й ми́рови ве́лию ми́лость.
Тропа́рь вмч. Гео́ргия, глас 4:
Я́ ко пле́нных свободи́тель/ и ни́щих защи́титель,/ немощству́ющих вра́ч,/ правосла́вных побо́рниче,/ победоно́сче, великому́чениче Гео́ргие,/ моли́ Христа́ Бо́га// спасти́ся душа́м на́шим.
Сла́ва Отцу́ и Сы́ну и Свято́му Ду́ху
Конда́к вмч. Гео́ргия, глaс 4:
В озде́лан от Бо́га, показа́лся еси́ благоче́стия де́латель честне́йший,/ доброде́телей рукоя́ти собра́в себе́:/ се́яв бо в слеза́х, весе́лием жнее́ши,/ страда́льчествовав же кро́вию, Христа́ прия́л еси́// и моли́твами, свя́те, твои́ми, всем подае́ши прегреше́ний проще́ние.
И ны́не и при́сно и во ве́ки веко́в. Ами́нь.
Конда́к Триоди, глaс2:
Р а́доватися мироно́сицам повеле́л еси́,/ плачь прама́тере Е́вы утоли́л еси́/ воскресе́нием Твои́м, Христе́ Бо́же,/ апо́столом же Твои́м пропове́дати повеле́л еси́:// Спас воскре́се от гро́ба.
Проки́мены:
Трио́ди, глaс 6: Спаси́, Го́споди, лю́ди Твоя́, / и благослови́ достоя́ние Твое́.
Стих: К Тебе́, Го́споди, воззову́, Бо́же мой, да не премолчи́ши от мене́.
Великому́ченика Гео́ргия, глас 7: Возвесели́тся пра́ведник о Го́споде/ и упова́ет на Него́.
Апостол – дня (Деян., 22 зач., IX, 19–31) и великомученика (Деян., 29 зач., XII, 1–1122).
Аллилуиа, глас 8: Благоволи́л еси́ Го́споди зе́млю Твою́, возврати́л еси́ плен Иа́ковль.
Аллилуиа, глас 4: Праведник яко финикс процветет, яко кедр, иже в Ливане, умножится.
Задосто́йник Па́схи:
Причастен – Пасхи: «Тело Христово приими́те...», и великомученика: «В па́мять ве́чную...».
По́сле Прича́стия:
Иерей: Спаси́ Бо́же лю́ди Твоя́, и благослови́ достоя́ние Твое́.
Хор: Х ристо́с воскре́се из ме́ртвых,/ сме́ртию смерть попра́в// и су́щим во гробе́х живо́т дарова́в. (Единожды, протяжно)
Иерей: Всегда́ ны́не и при́сно, и во ве́ки веко́в.
Хор: А ми́нь. Д а испо́лнятся уста́ на́ша хвале́ния Твоего́, Го́споди, я́ко да пое́м сла́ву Твою́, я́ко сподо́бил еси́ нас причасти́тися Святы́м Твои́м, Боже́ственным, Безсме́ртным и Животворя́щим Та́йнам; соблюди́ нас во Твое́й святы́ни, весь день поуча́тися пра́вде Твое́й. Аллилу́иа, аллилу́иа, аллилу́иа.
Далее как обычно до возгла́са:
Иерей: Сла́ва Тебе́, Христе́ Бо́же, Упова́ние на́ше, Сла́ва Тебе́.
Хор: Х ристо́с воскре́се из ме́ртвых,/ сме́ртию смерть попра́в// и су́щим во гробе́х живо́т дарова́в. (Трижды)
Воскре́сный отпу́ст:
В оскресы́й из ме́ртвых Христо́с, И́стинный Бог наш, моли́твами Пречи́стыя Своея́ Ма́тере…
И осеняет предстоящих Крестом на три стороны, громко произнося при каждом осенении:
Иерей: Христо́с воскре́се!
Люди: В оистину воскресе!
Хор: Х ристо́с воскре́се из ме́ртвых,/ сме́ртию смерть попра́в// и су́щим во гробе́х живо́т дарова́в. (Трижды, поскору) И нам дарова́ живо́т ве́чный, покланя́емся Его́ тридне́вному Воскресе́нию.
Многоле́тие:
Хор: В елича́ем тя,/ святы́й великому́чениче и победоно́сче Гео́ргие,/ и чтим честна́я страда́ния твоя́,// я́же за Христа́ претерпе́л еси́.