Иерей: Благословен Бог наш, ныне и присно, и во веки амиь
Чтец: Аминь
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю: прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас.(Трижды)
Слава Отцу, и Сыну, и Святому Духу, и ныне и присно, и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имени Твоего ради.
Господи, помилуй. (Трижды)
Слава Отцу, и Сыну, и Святому Духу, и ныне и присно, и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Иерей: Яко Твое есть Царство, и Сила, и Слава, Отца, и Сына, и Святаго Духа, ныне и присно, и во веки веков.
Чтец: Аминь. Господи, помилуй (12). Слава Отцу, и Сыну, и Святому Духу, и ныне и присно, и во веки веков. Аминь.
Приидите, поклонимся Цареви нашему Богу.
Приидите, поклонимся и припадем Христу, Цареви нашему Богу.
Приидите, поклонимся и припадем Самому Христу, Цареви и Богу нашему.
Псало́м 103
Вели́кая ектения
Хор: Стихиры на " Го́споди, воззва́х", глас 5.
Радуйся, архиере́ев пра́вило,/ Це́ркве непоколеби́мое утвержде́ние,/ сла́во правосла́вных,/ чуде́с исто́чниче,/ любве́ струя́ неистощи́мая,/ свети́льниче многосве́тлый,/ ду́ха орга́не,/ у́ме Боже́ственный,/ кро́ткий и незло́бивый,/ и́же простотою и́стинною украша́ем,/ челове́че Небе́сный, земны́й А́нгеле,/ виногра́да де́лателю,/ Христо́в дру́же и́скренний,/ того́ моли́ пода́ти тебе́ чту́щим ве́лию ми́лость.
|
|
Кро́ток и насле́дник земли́ ты кро́тких/ вои́стинну показа́лся еси́, Спиридо́не,/ отце́в сла́во,/ и́же жи́лами му́дрых и просты́х твои́х сло́вес Боже́ственною благода́тию/ врага́ вселука́ваго и пребезу́мнаго А́рия удави́л еси́/ и, веле́ние Боже́ственное всем уясни́в,/ ве́рным показа́л еси́,/ и спаси́тельное возвы́сив ду́хом,/ вся же правосла́вныя просвети́в ясне́йше/ Еди́но сла́вити Сло́во,/ я́ко вои́стинну Единосу́щное Отцу́ Пребезнача́льному,/ подаю́щее ми́ру ве́лию ми́лость.
Стра́сти умертви́в плотски́я,/ ме́ртвыя благода́тию Бо́жиею возста́вил еси́,/ и змию́ в зла́то претвори́л еси́,/ и реки́ стремле́ние моли́твою твое́ю, о́тче, обузда́л еси́;/ но́щию же царю́ я́влься бе́дствующему,/ сего́ исцели́л еси́ к се́рдцу прибли́жением,/ Го́споду тя пресла́вно прославля́ющу./ Те́мже велегла́сно твою́ па́мять почита́ем/ и моще́й Боже́ственную и свяще́нную ра́ку чтим,/ из нея́же истека́ет врачева́ний Боже́ственная струя́/ и ве́лия ми́лость.
Сла́ва, глас 1:
Преподо́бне о́тче, блаже́нне Спиридо́не му́дре,/ ме́ртвую, я́коже жи́ву, вопроси́л еси́ любве́ ра́ди Бо́жия;/ змию́ же преложи́л еси́ в зла́то нището́ю обдержи́мому,/ тече́ние же удержа́л еси́ реки́, сострада́тельствовав лю́дем;/ царю́ же предста́л еси́ врач промышле́нием Бо́жиим;/ ме́ртвыя же па́ки возста́вил еси́, я́ко того́ учени́к,/ и ве́ру уясни́л еси́ посреде́ отце́в мно́гих./ Вся у́бо моги́й во укрепля́ющем тя Христе́,/ того́ и ны́не моли́ спасти́ся душа́м на́шим.
|
|
И ны́не
Заколе́ние Твое́ непра́ведное, Христе́,/ Де́ва зря́щи,/ пла́чущи, вопия́ше Ти:/ Ча́до Сладча́йшее,/ ка́ко без пра́вды умира́еши?/ Ка́ко на Дре́ве ви́сиши,/ И́же всю зе́млю пове́шей на вода́х?/ Не оста́ви Мене́ еди́ну, Благода́телю Многоми́лостиве,/ Ма́терь и рабу́ твою́, молю́ся.
ХОР: Свете тихий
ПРОКИМЕН ДНЯ ЧЕТВЕРГ, ГЛАС 6 (вечерня)
Диа́кон: Прему́дрость во́нмем. Проки́мен, глас шесты́й:
По́мощь моя́ от Го́спода,/ сотво́ршаго не́бо и зе́млю.
Хор: По́мощь моя́ от Го́спода,/ сотво́ршаго не́бо и зе́млю.
Диа́кон: Возведо́х о́чи мои́ в го́ры, отню́дуже прии́дет по́мощь моя́.
Хор: По́мощь моя́ от Го́спода,/ сотво́ршаго не́бо и зе́млю.
Диа́кон: По́мощь моя́ от Го́спода,/
Хор: Сотво́ршаго не́бо и зе́млю.
Чтец - Сподоби, Господи.
Ектения просительная
ХОР: СТИХИРЫОКТОИХА НА СТИХОВНЕ, ГЛАС 3 (вечерня)
Кресту́ Твоему́ покланя́емся, Христе́, честно́му, храни́телю ми́ра, спасе́нию на́с гре́шных, вели́кому очище́нию, похвале́ всея́ вселе́нныя.
|
|
Сти́х: К Тебе́ возведо́х о́чи мои́ живу́щему на небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.
Крестообра́зно Моисе́й на горе́ ру́це распросте́р к высоте́, Амали́ка побежда́ше. Ты́ же, Спа́се, дла́ни распросте́р на Кресте́ честне́м, объе́м мя́ спа́сл еси́ от рабо́ты вра́жия: и да́л ми́ еси́ зна́мение живота́ бежа́ти от лу́ка сопроти́вных ми́. Сего́ ра́ди сло́ве, покланя́юся Кресту́ Твоему́ Честно́му.
Сти́х: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния, наипа́че напо́лнися душа́ на́ша поноше́ния гобзу́ющих, и уничиже́ния го́рдых.
Ве́лия Креста́ Твоего́, Го́споди, си́ла: водрузи́ся бо на ме́сте, и де́йствует в ми́ре, и показа́ от ры́барей апо́столы, и от язы́к му́ченики, да мо́лятся о душа́х на́ших.
СЛАВА свята́го, глас 2:
Святи́телей Боже́ственный сосу́д,/ о́тче преподо́бне, Спиридо́не му́дре,/ ты доброде́тельми показа́лся еси́:/ сего́ ра́ди Це́ркве предста́тель быв,/ ересенача́льники изгна́л еси́/ и А́риево хуле́ние собо́рне на зе́млю низложи́л./ Те́мже, чудоде́йствуя де́лом и сло́вом,/ Спа́са моли́ спасти́ся душа́м на́шим.
И НЫНЕ:
Дре́ву кре́стному Тя, Иису́се, пригвожде́на зря́щи Неискусобра́чная,/ пла́чущи, глаго́лаше:/ Ча́до Сла́дкое, почто́ оста́вил еси́ Мене́,/ ро́ждшую Тя, еди́ну,/ Све́те Непристу́пный Пребезнача́льнаго Отца́?/ Потщи́ся и просла́вися,/ я́ко да сла́ву получа́т Боже́ственную/ и́же Боже́ственныя стра́сти Твоя́ сла́вящии.
Чтец: Н ы́не отпуща́еши раба́ Твоего́, Влады́ко
Святый Боже, Святый Крепкий, Святый Безсмертный, помилуй нас.(Трижды)
Слава Отцу, и Сыну, и Святому Духу, и ныне и присно, и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имени Твоего ради.
Господи, помилуй. (Трижды)
Слава Отцу, и Сыну, и Святому Духу, и ныне и присно, и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Иерей: Яко Твое есть Царство, и Сила, и Слава, Отца, и Сына, и Святаго Духа, ныне и присно, и во веки веков.
Хор: Аминь.
.
Хор: Тропа́рь, глас 1:
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
Сла́ва, и ны́не:
Твое предстательство имуще, Пречистая, / и Твоими молитвами лютых избавляеми, / Крестом Сына Твоего везде соблюдаеми, / по долгу Тя вси благочестно величаем.
Сугубая ектения
Утреня
Иере́й: Сла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно, и во ве́ки веко́в.
Чтец: Аминь.
Шестопса́лмие
ВЕЛИКАЯ ЕКТЕНИЯ
Бог Госпо́дь, глас 1
Диа́кон: Б ог Госпо́дь, и яви́ся нам, благослове́н Гряды́й во И́мя Госпо́дне.
Стих 1: И спове́дайтеся Го́сподеви, я́ко благ, я́ко в век ми́лость Его́.
Хор: Б ог Госпо́дь, и яви́ся нам, благослове́н Гряды́й во И́мя Госпо́дне.
(И далее на каждый стих)
Стих 2: О быше́дше обыдо́ша мя, и И́менем Госпо́дним противля́хся им.
Стих 3: Н е умру́, но жив бу́ду, и пове́м дела́ Госпо́дня.
Стих 4: К а́мень, Его́же небрего́ша зи́ждущии, Сей бы́сть во главу́ у́гла, от Го́спода бысть Сей, и есть ди́вен во очесе́х на́ших.
Тропа́рь, глас 1:
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.(дважды)
Сла́ва, и ны́не: Крестобогородичен по гласу тропаря (гл 1)
Твое предстательство имуще, Пречистая, / и Твоими молитвами лютых избавляеми, / Крестом Сына Твоего везде соблюдаеми, / по долгу Тя вси благочестно величаем.
Кафизмы 19‑я и 20‑я. Малых ектений нет. Седальны Октоиха. Псалом 50‑й.
Канон
Каноны: Октоиха 1‑й со ирмосом, без мученичнов, на 4 (ирмосы единожды), 2‑й на 4 и святителя на 6.
Библейские песни «Господеви поем…».
Катавасия по 3‑й, 6‑й, 8‑й и 9‑й песнях – ирмосы канона святителя.
По 3‑й песни – седален святителя, глас 8‑й (дважды). «Слава, и ныне» – Крестобогородичен Минеи, глас тот же.
По 6‑й песни – кондак и икос святителя, глас 2‑й.
По 9‑й песни поется «Достойно есть».
МАЛАЯ ЕКТЕНИЯ
Ексапостиларий Октоиха.
Кре́ст – храни́тель всея́ вселе́нная, кре́ст – красота́ це́ркве, кре́ст – ве́рных утвержде́ние, кре́ст – а́нгелов сла́ва и де́монов я́зва.
Слава – светилен святителя
Тя от безслове́сныя па́ствы преведе́ в слове́сную Дух, Богоно́се,/ я́коже Моисе́я и Дави́да, и́хже уподо́бился еси́ нра́ву, Спиридо́не,/ све́те вселе́нныя.
«И ныне» – Крестобогородичен Октоиха.
У креста́ предстоя́щи, тя́ безсе́менно ро́ждшая, и рыда́ющи вопия́ше: увы́ Сладча́йшее Ча́до, ка́ко заше́л еси́ от о́чию Мое́ю? ка́ко в ме́ртвых вмени́лся еси́?
Чтец «Хвалите Господа с Небес…» и хвалитные псалмы.148. 149, 150
Чтец: Слава Тебе, показавшему нам свет.
Чтец: Славосло́вие вседневное
Просительная ектения
На стихо́вне стихи́ры кре́стны, гла́с 3: (УТРЕНЯ)
Дре́во преслуша́ния ми́рови сме́рть прозябе́, дре́во же Кре́стное живо́т и нетле́ние. Те́мже Тебе́ мо́лим распе́ншагося Го́спода: да зна́менается на на́с све́т лица́ Твоего́.
Сти́х:Испо́лнихомся зау́тра ми́лости Твоея́ Го́споди, и возра́довахомся, и возвесели́хомся: во вся́ дни́ на́шя возвесели́хомся, за дни́, в ня́же смири́л ны́ еси́, ле́та, в ня́же ви́дехом зла́я, и при́зри на рабы́ Твоя́ и на дела́ Твоя́, и наста́ви сы́ны и́х.
За́вистию от пи́щи изгна́н бы́х, паде́нием падо́хся лю́тым: но не презре́в, Влады́ко, и восприе́м мене́ ра́ди е́же по мне́ распя́тие Твое́, и спаса́еши мя́, и в сла́ву вво́диши, изба́вителю мо́й, сла́ва Тебе́.
Сти́х: И бу́ди све́тлость Го́спода Бо́га на́шего на на́с, и дела́ ру́к на́ших испра́ви на на́с, и де́ло ру́к на́ших испра́ви.
Святы́х страстоте́рпец па́мять, прииди́те лю́дие вси́ почти́м: я́ко позо́р бы́вше а́нгелом и челове́ком, побе́ды венцы́ от Христа́ прия́ша, и мо́лятся о душа́х на́ших.
Сла́ва, свята́го, глас 4:
Преподо́бне о́тче, святи́телю прехва́льне,/ апо́стольскаго уче́ния быв испо́лнен/ и Боже́ственнаго ду́ха жили́ще/ доброде́тельнаго ра́ди жи́тельства показа́вся,/ церко́вный во́лки уче́ньми отгна́л еси́/ и Правосла́вных ве́ру уясни́л еси́,/ столп яви́лся еси́ благочести́я и побо́рник./ Те́мже и, чудоде́йствуя в конце́х,/ змию́ в зла́то преложи́л еси́/ и ме́ртвую к вопроше́нию воздви́гл еси́,/ но, о отце́в досточу́дне и учи́телей собесе́дниче!/ Спа́су моли́ся спасти́ ду́ши на́ша.
И ны́не, Богоро́дичен или́ Крестобогоро́дичен, глас 4
Умерщвля́ема ви́дящи Христа́,/ Пречи́стая Влады́чица,/ умерщвля́юща льсти́ваго,/ восклица́ше, го́рце взыва́ющи,/ и́же из утро́бы Тоя́ произше́дшу,/ и, долготерпе́нию его́ чудя́щися, взыва́ше:/ Ча́до Мое́ Любе́знейшее,/ не забу́ди рабы́ Твоея́,/ не закоснй, Человеколю́бче, Мое́ утеше́ние.
Чтец: Благо есть исповедатися …..
Святый Боже, Святый Крепкий, Святый Безсмертный, помилуй нас.(Трижды)
Слава Отцу, и Сыну, и Святому Духу, и ныне и присно, и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имени Твоего ради.
Господи, помилуй. (Трижды)
Слава Отцу, и Сыну, и Святому Духу, и ныне и присно, и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Иерей: Яко Твое есть Царство, и Сила, и Слава, Отца, и Сына, и Святаго Духа, ныне и присно, и во веки веков.
Хор: Аминь.
Тропа́рь святителя глас 1:
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
СЛАВА И НЫНЕ: Крестобогородичен по гласу тропаря, (глас 1)
Пречистая Богородице, / на Небесех благословенная и на земли славословимая, / радуйся, Невесто Неневестная.
Сугубая ектения
Иерей: Сый благословен Христос Бог наш, всегда, ныне и присно и во веки веков
Хор: А ми́нь. У тверди́, Бо́же, святу́ю правосла́вную ве́ру, правосла́вных христиа́н во век ве́ка.
ЧИТАЮТСЯ ЧАСЫ1,3,6-ой
Тропарь святителю Спиридону Тримифунтскому, чудотворцу, глас 1
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не о́тче наш. /Те́мже ме́ртву ты во гро́бе возгласи́в/ и змию́ в зла́то претвори́л еси́,/ и внегда́ пе́ти тебе́ святы́я моли́твы,/ а́нгелы, сослужа́щия тебе́, име́л еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.