В изложении монаха Авдия Гречанина для келейного (домашнего) чтения во всякое время.
Об иконе Божией Матери
«УМЯГЧЕ́НИЕ ЗЛЫХ СЕРДЕ́Ц»
Умягчение злых сердец, или Симеоново проречение — икона Богородицы, на которой символическими знаками изображено пророчество святого Симеона Богоприимца, произнесённое им в Иерусалимском храме в день Сретения Господня: «И благословил их Симеон и сказал Марии, Матери Его: се, лежит Сей на падение и на восстание многих в Израиле и в предмет пререканий, — и Тебе Самой оружие пройдет душу, — да откроются помышления многих сердец» (Евангелие от Луки, 2:34-35)
На данной иконе Богоматерь изображается стоящей на облаке с семью воткнутыми в сердце мечами: по три справа и слева и один внизу. Существуют и поясные изображения Богородицы. Число семь обозначает полноту горя, печали и сердечной боли, испытанных Богородицей в её земной жизни. Иногда образ пополняется изображением на коленях Богоматери умершего Богомладенца.
Празднование Божией Матери в честь этой Её иконы совершается 15 (2) февраля (из-за праздника Сретения Господня служба ей может быть совершена на следующий день — 16 (3) февраля), а также в неделю Всех Святых (первое воскресенье после дня Пятидесятницы).
Ведомо буди! Если нет в твоём доме (келье) этого образа — можно молиться пред любой другой иконой Божией Матери, но с верою в Её заступничество и не чуть в том не сомневаясь.
Таже ведомо буди! Перед началом всякого келейного (домашнего молитвенного чтения) правила и по окончании его кладётся седмипоклонный начал.
Бо́же, ми́лостив бу́ди мне гре́шному († с поклоном) [1] .
Бо́же, очи́сти мя гре́шнаго и поми́луй мя († с поклоном).
Созда́вый мя, Го́споди, поми́луй мя († с поклоном).
Без числа́ согреши́х, Го́споди, прости́ мя († с поклоном).
Влады́чице моя, Пресвята́я Богоро́дице, спаси́ мя гре́шнаго († с поклоном).
А́нгеле, храни́телю мой святы́й, от вся́кого зла сохрани́ мя († с поклоном).
Все́ святи́и, моли́те Бо́га о мне ((† с поклоном).
И молитву сию:
Бо́же, очи́сти мя гре́шнаго, я́ко николи́же бла́го сотвори́х пред Тобо́ю († и великий поклон) [2] , но изба́ви мя от лука́ваго, и да бу́дет во мне во́ля Твоя́ († и великий поклон), да неосужде́нно отве́рзу уста́ моя́ недосто́йная, и восхвалю́ и́мя Твое́ свято́е, Отца́ и Сы́на и Свята́го Ду́ха, ны́не и при́сно и во ве́ки веко́в, ами́нь († и великий поклон).
Затем, возже́гши свещу́, закади́в лада́н и осени́в себя́ Крестом, отло́жша все свои́ зе́мстии по́мыслы и дела́ со умиле́нием серде́чным глаголи сицева́я:
Во сла́ву Святы́я, Единосу́щныя и Нераздели́мыя Тро́ицы, Отца́, и Сы́на, и Свята́го Ду́ха, в че́сть же и похвалу́ Небе́сныя Цари́цы, Пречи́стыя Де́вы Богоро́дицы (†)
Под Твое́ благоутро́бие прибега́ем, Богоро́дице Де́во, моли́тв на́ших не пре́зри в ско́рбех, но от бед изба́ви нас, Еди́на чи́стая и благословенная (†)
Госпоже́, устне́ мои́ отве́рзеши и уста́ моя́ возвестя́т хвалу́ Твою́ (†)
Госпоже́ моя́, в по́мощь мою́ вонми́. Сла́ва Тебе́, сиро́т Ма́ти, сотвори́ нам ми́лостива Вседержи́теля Бо́га (†)
Моли́твами Богоро́дицы и святы́х оте́ц на́ших, Го́споди Иису́се Христе́ Бо́же наш, поми́луй нас. Аминь (†).
Сла́ва Тебе́, Бо́же наш, сла́ва Тебе́ (†).
Молитва Святому Духу [3]
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша (†).
Трисвятое [4]
Святы́й Бо́же, Святы́й Кре́пкий, Святы́й Безсме́ртный, поми́луй нас (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Молитва Пресвятой Троице
(†) Пресвята́я Тро́ице, поми́луй нас; (†) Го́споди, очи́сти грехи́ на́ша; (†) Влады́ко, прости́ беззако́ния на́ша; (†) Святы́й, посети́ и исцели́ не́мощи на́ша, (†) и́мене Твоего́ ра́ди. (Поклон малый)
Го́споди, поми́луй (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Молитва Господня
(†) О́тче наш, И́же еси́ на небесе́х Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. (Поклон малый)
Я́ко Твое́ есть Ца́рство и си́ла и сла́ва во веки. Аминь (†).
И тро́пари сея, гла́с 4:
К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны милосе́рдовавши, потщи́ся, погиба́ем, от мно́жества прегреше́ний, не отврати́ Твоя́ рабы́ тщи, Тя бо и еди́ну наде́жду и́мамы. (†).
Сла́ва Отцу́ и Сы́ну и Свято́му Ду́ху: К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны милосе́рдовавши, потщи́ся, погиба́ем, от мно́жества прегреше́ний, не отврати́ Твоя́ рабы́ тщи, Тя бо и еди́ну наде́жду и́мамы. (†).
И ны́не и при́сно и во ве́ки веко́в. Ами́нь. Не умолчи́м никогда́, Богоро́дице, си́лы Твоя́ глаго́лати, недосто́йнии: а́ще бо Ты не бы предстоя́ла моля́щи, кто бы нас изба́вил от толи́ких бед, кто же бы сохрани́л до ны́не свобо́дны? Не отсту́пим, Влады́чице, от Тебе́: Твоя бо рабы́ спаса́еши при́сно от вся́ких лю́тых (†).
Го́споди, поми́луй (12).
И а́бие глаго́ли исповеда́ние ве́ры, си́речь:
Символ Веры
1 Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым (†).
2 И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век (†).
3 Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша (†).
4 Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася (†).
5 Распя́таго же за ны при Понти́йстем Пила́те, и страда́вша, и погребе́нна (†).
6 И воскре́сшаго в тре́тий день по Писа́нием (†).
7 И возше́дшаго на Небеса́, и седя́ща одесну́ю Отца́ (†).
8 И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́ (†).
9 И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки (†).
10 Во еди́ну Святу́ю, Собо́рную и Апо́стольскую Це́рковь (†).
11 Испове́дую еди́но креще́ние во оставле́ние грехо́в (†).
12 Ча́ю воскресе́ния ме́ртвых, и жи́зни бу́дущаго ве́ка. Ами́нь (†).
И а́бие Богоро́дичны стихи́ры, гла́с 4. Подо́бен: Дал еси́ зна́мение…:
Боже́ственными де́тельми соблюда́ющи и покрыва́ющи от вра́жиих нахожде́ний, любо́вию пра́зднующыя пресла́вное явле́ние пречи́стаго о́браза Твоего́, зову́щыя Ти: Ты еси́ Кре́пость на́ша и Утвержде́ние, и ра́дование боголе́пное, Еди́н Сын Твой и Бог наш, Ему́же покланя́ющеся глаго́лем: Иису́се Всеси́льне, спаси́ ду́шы на́шя, я́ко Милосе́рд (†).
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас.
Днесь свяще́нно собра́вшеся похва́лим Богоро́дицу: Пресвята́я Де́во, мно́гая Твоя́ вели́чия и чуде́с пучи́на: Ты бо еси́ нам Свято́е огражде́ние и похвала́ и Сла́ва и Исто́чник исцеле́ния: пра́зднующе явле́ние свята́го Твоего́ о́браза, мо́лимся глаго́люще: Иису́се Всеси́льне, спаси́ ду́шы на́ша, я́ко Милосе́рд (†).
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас.
Благочести́вно, Пречи́стая, честны́ми Твои́ми моли́твами, огради́ и сохрани́, и стра́шны враго́м и нерабо́тны яви́, творя́щыя пра́зднество явле́ния честна́го о́браза Твоего́, да Сы́ну Твоему́ зове́м: Иису́се Всеси́льне, спаси́ нас, я́ко Милосе́рд (†).
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас.
И́ны стихи́ры Бо́жией Ма́тери, глас 2: Всем скорбя́щим Ра́досте,/ и оби́димым Предста́тельница,/ и а́лчущим Пита́тельница,/ стра́нным Утеше́ние/ и обурева́емым Приста́нище,/ боля́щим Посети́тельница,/ озло́бленным Покро́в и Заступле́ние/ и Жезл слепы́м,/ Ма́ти Бо́га Вы́шняго/ Ты еси́, Пречи́стая,/ потщи́ся, мо́лимся, спасти́ся рабо́м Твои́м (†).
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас.
И́но прибе́жище, Чи́стая,/ челове́цы к Творцу́ и Влады́це не стяжа́хом мы,/ ра́зве Тебе́, Богоневе́сто./ Не отве́рзи нас от Твоего́ заступле́ния,/ ниже́ посрами́ любо́вию прибега́ющих к Покро́ву Твоему́,/ Ма́ти Бо́га Вы́шняго,/ потщи́ся, покажи́ Твоея́ ми́лости бога́тство/ и ны́не от страсте́й нас спаси́ (†).
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас.
Страх многообра́зных искуше́ний/ и ну́ждных бу́ря ны́не мя обурева́ют,/ и глубина́ потопля́ет мя отча́яния,/ зима́ прегреше́ний мои́х лю́те мя смуща́ет,/ предвари́ и изба́ви мя, обурева́ема,/ Еди́на ве́рным Тишино́,/ и к приста́нищу Вы́шняго Боже́ственнаго зва́ния возведи́ (†).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Гла́с 6: Я́ко венце́м пресве́тлым, Пречи́стая Богоро́дице, явле́нием о́браза Твоего́, Це́рковь Бо́жия обложи́ся, и све́тится ра́дующися, днесь та́йно лику́ет, вопию́щи Тебе́, Влады́чице: ра́дуйся, диади́мо честна́я, и ве́нче Боже́ственныя сла́вы. Ра́дуйся, еди́на сла́вы Исполне́ние, и ве́чное весе́лие. Ра́дуйся, к Тебе́ прибега́ющым Приста́нище, Предста́тельнице и Спасе́ние душ на́шых (†).
И стихо́вна Богоро́дицы, гла́с 3:
Прииди́те, вси концы́ земли́, честно́е явле́ние о́браза Бо́жия Ма́тере ублажи́м: и́бо ру́це к Сы́ну возде́ющи мо́лится: те́мже святы́м явле́нием ико́ны Ея́ мир оживле́н бысть: псалмы́ и пе́ньми и пе́сньми духо́вными, со все́ми святы́ми пра́зднуем све́тло (†).
Сти́х: Приведу́тся де́вы в след Ея́: и и́скренния Ея́ приведу́тся Тебе́.
Вельми́ добро́тою украси́ Тя Бог, я́ко в челове́цех Свет на руку́ Твое́ю: Я́же еди́на во Све́те Его́, Упова́ние христиа́ном, Помо́щница су́щым в ну́ждах и ско́рбех, и Приста́нище в пучи́не тружда́ющымся: моли́ изба́витися от напа́стей, любо́вию пою́щым явле́ние о́браза Твего́ всечестна́го (†).
Стих: Слы́ши, Дщи, и ви́ждь,/ и приклони́ у́хо Твое́.
Всечестно́е явле́ние ико́ны Твоея́, Пресвята́я Де́во Чи́стая, а́нгел мно́жество на Небесе́х, и челове́ческий род на земли́ блажи́т: я́ко Ма́ти бысть Творца́ всех Христа́ Бо́га. Того́ моля́щи за ны не преста́й мо́лим Тя, и́же на Тя с Бо́гом упова́ние возложи́хом, Богоро́дице Препе́тая и Неискусобра́чная (†).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Гла́с 2: Мы́сли очи́стивши и ум, со а́нгелы и мы торжеству́ем све́тло, начина́юще Дави́дскую песнь Отрокови́це Неве́сте всех Царя́, Христа́ Бо́га на́шего: воскресни́, Го́споди, глаго́лющи, в поко́й Твой, Ты, и Киво́т святы́ни Твоея́. Я́коже пала́ту красну́ Сию́ украси́л еси́, и приче́л еси́ Ю гра́ду Твоему́, Влады́ко, стро́ити и покрыва́ти от сопоста́тных пога́н держа́вною си́лою, Тоя́ моли́твами (†).
Та́же:
Святы́й Бо́же, Святы́й Кре́пкий, Святы́й Безсме́ртный, поми́луй нас (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
(†) Пресвята́я Тро́ице, поми́луй нас; (†) Го́споди, очи́сти грехи́ на́ша; (†) Влады́ко, прости́ беззако́ния на́ша; (†) Святы́й, посети́ и исцели́ не́мощи на́ша, и́мене Твоего́ ра́ди. (Поклон малый)
Го́споди, поми́луй (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
(†) О́тче наш, И́же еси́ на небесе́х Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. (Поклон малый)
Я́ко Твое́ есть Ца́рство и си́ла и сла́ва во веки. Аминь (†).
Го́споди, поми́луй (12).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Прииди́те, поклони́мся Царе́ви на́шему Бо́гу. (Поклон)
Прииди́те, поклони́мся и припаде́м Христу́, Царе́ви на́шему Бо́гу. (Поклон)
Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон)
Псалом 142
Псало́м Дави́ду, егда́ гоня́ше его́ Авессало́м, сы́н его́
1 Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й 2 и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. 3 Яко погна́ враг ду́шу мою, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. 4 И уны́ во мне дух мой, во мне смяте́ся се́рдце мое́. 5 Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. 6 Возде́х к Тебе́ ру́це мои́, душа́ моя́, я́ко земля́ безво́дная Тебе́. 7 Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. 8 Слы́шану сотвори́ мне зау́тра ми́лость Твою, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. 9 Изми́ мя от враг мои́х, Го́споди, к Тебе́ прибего́х. 10 Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. 11 И́мене Твоего́ ра́ди, Го́споди, живи́ши мя, пра́вдою Твое́ю изведе́ши от пе́чали ду́шу мою́. 12 И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Аллилу́иа, аллилу́иа, аллилу́иа, сла́ва Тебе́, Бо́же (†)!
Го́споди, поми́луй (†).
Бог Госпо́дь…
Бог Госпо́дь, и яви́ся нам, благослове́н Гряды́й во И́мя Госпо́дне.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Сти́х 1: Испове́дайтеся Го́сподеви, я́ко благ, я́ко в век ми́лость Его́.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Сти́х 2: Обыше́дше обыдо́ша мя, и И́менем Госпо́дним противля́хся им.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Сти́х 3: Не умру́, но жив бу́ду, и пове́м дела́Госпо́дня.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Сти́х 4: Ка́мень, Его́же небрего́ша зи́ждущии, Сей бы́сть во главу́ у́гла, от Го́спода бысть Сей, и есть ди́вен во очесе́х на́ших.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Та́же тропари́ и конда́ки
Тропа́рь, гла́с 8 (2): Восприе́мши ду́ши челове́ческия/ и утоли́вши злый сове́т,/ сокруши́, Богома́ти Влады́чице,/ и разгони́ тьму прегреше́ний,/ и нас наста́ви на путь смире́ния,/ я́ко да и мы бу́дем во све́те дел ходи́ти,/ и Твоея́ ико́ны явле́нию торжествова́ти,/ и на по́мощь Твою́ упова́ти,/ и уми́льным гла́сом зва́ти, Влады́чице, из глубины́:// помози́, Еди́на Благослове́нная (†).
И́н тропа́рь, гла́с 2 (2): Моле́ние те́плое и стена́ необори́мая,/ ми́лости исто́чниче, ми́рови прибе́жище,/ приле́жно вопие́м Ти:/ Богоро́дице Влады́чице, предвари́/ и от бед изба́ви нас,// Еди́на вско́ре предста́тельствующая (†).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Конда́к, гла́с 6: О́ко се́рдца моего́ смуща́ют,/ и злый сове́т/ разоря́ет мя,/ сих сокруши́, Де́во Чи́стая,/ и не пре́зри мое́ воздыха́ние,/ и супоста́ты на нас умягчи́, Преблагослове́нная Влады́чице (†).
Го́споди, поми́луй (12).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Прииди́те, поклони́мся Царе́ви на́шему Бо́гу. (Поклон)
Прииди́те, поклони́мся и припаде́м Христу́, Царе́ви на́шему Бо́гу. (Поклон)
Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон)
Псалом 50
¹ В коне́ц, псало́м Дави́ду, внегда́ вни́ти к нему́ Нафа́ну проро́ку, ² егда́ вни́де к Вирсави́и, жене́ Ури́еве
⁴ Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. ⁴ Наипа́че омы́й мя от беззако́ния моего́, и от греха́ моего́ очи́сти мя. ⁵ Яко беззако́ние мое́ аз зна́ю и грех мой предо мно́ю есть вы́ну. ⁶ Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. ⁷ Се бо в беззако́ниих зача́т есмь, и во гресе́х роди́ мя ма́ти моя́. ⁸ Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. ⁹ Окропи́ши мя иссо́пом, и очи́щуся, омы́еши мя, и па́че сне́га убелю́ся. ¹⁰ Слу́ху моему́ да́си ра́дость и весе́лие, возра́дуются ко́сти смире́нныя. ¹¹ Отврати́ лице́ Твое́ от грех мои́х, и вся беззако́ния моя́ очи́сти. ¹² Се́рдце чи́сто сози́жди во мне, Бо́же, и дух прав обнови́ во утро́бе мое́й. ¹³ Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. ¹⁴ Возда́ждь ми ра́дость спасе́ния Твоего́, и Ду́хом Влады́чним утверди́ мя. ¹⁵ Научу́ беззако́нныя путе́м Твои́м, и нечести́вии к Тебе́ обратя́тся. ¹⁶ Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твоей. ¹⁷ Го́споди, устне́ мои́ отве́рзеши, и уста́ моя́ возвестя́т хвалу́ Твою́. ¹⁸ Яко а́ще бы восхоте́л еси́ же́ртвы, дал бых у́бо, всесожже́ния не благоволи́ши. ¹⁹ Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. ²⁰ Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. ²¹ тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.
И кано́ны Богоро́дице. Их два. Ирмосы́ обо́их кано́нов — по два́жды
Пе́рвый кано́н Пресвяте́й Богоро́дице
Гла́с 4
Песнь 1
Ирмо́с: Отве́рзу уста́ моя́,/ и напо́лнятся Ду́ха,/и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя чудеса́.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Припе́в осо́бый: Пресвята́я Госпоже Богоро́дице, услыши моли́тву раб Свои́х, моля́щихся Тебе́.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Го́споди Бо́же мой,/ да́руй ми язы́к и отве́рзи мне устне́/ к похвале́нию Ма́ти Твоея́,/ и Ея о́бразу песнь прине́сти кра́сную, си́це вопию́ще:/ умягчи́ злых сердца́, Влады́чице.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Спасе́ние мое́ и прибе́жище еси́, Влады́чице,/ покро́в дарова́ла еси́ Свое́ю честно́ю ико́ною,/ ей же предстоя́т вси лю́дие, прося́ще по́мощи,/ и Тебе́ вопие́м:/ умягчи́ злых челове́к сердца́, Влады́чице. Мари́е, Пречи́стая Де́во Богоро́дице,/ посли́ ми благода́ть воспе́ти Тя/ и Твое́й ико́не честне́й поклоня́тися, вопию́ще:/ умягчи́ злых сердца́, Владычице.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Клеветы́ и наве́ты упраздни́ и от вся́кия зло́бы спаси́,/ бу́ди, Влады́чице, заступле́ние,/ Свое́ю чу́дною ико́ною соблюди́ вопию́щих:/ умягчи́ злых сердца́, Влады́чице.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Тя Бог показа́ нам Засту́пницу/ и в ско́рбех Помо́щницу/ и дарова́ нам Твою́ честну́ю ико́ну/ на прославле́ние всем и на исцеле́ние вопию́щим:/ умягчи́ злых сердца́, Влады́чице, сыно́в.
Дру́гий кано́н Пресвяте́й Богоро́дице
Глас 8:
Песнь 1
Ирмо́с: Во́ду проше́д я́ко су́шу, и еги́петскаго зла избежа́в, израильтя́нин вопия́ше: Изба́вителю и Бо́гу на́шему пои́м.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Бо́жиею си́лою благоче́стно укрепи́ мя, ра́достно пе́ти явле́ние честна́го о́браза Твоего́, Пречи́стая, заступле́ние гра́ду Твоему и всем лю́дем Твои́м держа́ву неразруши́му, Пресвята́я, и ста́ду Твоему́ утвержде́ние.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Благосты́ню и ми́лость почерпа́ем Твои́ми моли́твами: Ты бо Бо́га Си́льнаго родила́ еси́, спаса́ющая вся благове́рныя моле́нием Твои́м, Пренепоро́чная. Его́же ра́ди Тя ублажа́ем вси, Влады́чице.
Припе́в: Сла́ва Отцу́ и Сы́ну и Свято́му Ду́ху (†).
Боже́ственное явле́ние пресвята́го о́браза Твоего́, пра́зднующе, Пречи́стая Богоро́дице, Тобо́ю спасе́ние нетле́нно дарова́ся, и неразруши́мо весе́лие и наде́жда, покро́в и держа́ва, и душа́м на́шим прибе́жище.
Припе́в: И ны́не и при́сно и во ве́ки веко́в. Ами́нь (†).
Под Твой кров притека́ем, Влады́чице, лю́дие Твои, Пренепоро́чная, помо́щница бу́ди нам рабо́м Твои́м, и спасе́нию проше́ние подаю́щи, любо́вию пою́щым Тя.
Катава́сия: Отверзу уста моя, / и наполнятся Духа, / и слово отрыгну Царице Матери, / и явлюся, светло торжествуя, / и воспою, радуяся, Тоя чудеса.
Песнь 3
Ирмо́с: Твоя́ песносло́вцы, Богоро́дице,/ живы́й и незави́стный исто́чниче,/ лик себе́ совоку́пльшия духо́вно утверди́,/ в Боже́ственней Твое́й сла́ве/ венце́в сла́вы сподо́би.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Ра́дуйся, непосты́дная Храни́тельнице;/ ра́дуйся, Богоро́дице, и́же и мы ра́дуемся о Твое́й чу́дней ико́не, кра́сящеся, вопие́м:/ ра́дуйся, умягче́ние злых серде́ц, Богоро́дице.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Вои́стинну честна́я ико́на дарова́ся христоимени́тым лю́дем на прогна́ние духов нечи́стых/ и на здра́вие всем, тре́бующим по́мощи от не́я, вопию́щим:/ ра́дуйся, умягче́ние злых сердец, Богоро́дице.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
О́блак светоза́рный показа́ся Твоя́ честна́я ико́на,/ па́че со́лнца сия́юща и всем лучу́ простира́юща,/ от боле́зней и скорбе́й избавля́юща и злых отрева́юща,/ те́мже вси зове́м ей:/ ра́дуйся, умягче́ние злых серде́ц, Влады́чице.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Я́ко да Твои́ми моли́твами избавля́емся,/ Богоро́дице Де́во, спаси́,/ славосло́вим Предста́тельницу, и Твое́й честне́й ико́не покланя́емся,/ и мо́лим Тя по Бо́зе, я́ко Ма́терь Бо́жию:/ вопию́щих умягчи́ злых сердца́, Богоро́дице.
Дру́гий кано́н
Ирмо́с: Небе́снаго кру́га Верхотво́рче Го́споди, и Це́ркве Зижди́телю, Ты мене́ утверди́ в любви́ Твое́й, жела́ний кра́ю, ве́рных утвержде́ние, Еди́не Человеколю́бче.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Ве́рою сердца́ обнови́м, явле́нием ико́ны святы́я Богоро́дицы, всем подава́я ве́рою прося́щым избавле́ния, от враг ви́димых и неви́димых нас соблюди́, Пречи́стая.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Освяща́еши благоче́стно, ве́рно притека́ющих ко хра́му Твоему́, и припа́дающих любо́вию, ко пречи́стому о́бразу Твоему́: изба́ви нас от вся́ких бед, и ми́лостива сотвори́ нам Сы́на Твоего́ и Бо́га на́шего.
Припе́в: Сла́ва Отцу́ и Сы́ну и Свято́му Ду́ху (†).
Из Тебе́ Бо́жию Сло́ву вопло́щшуся, и дом сотвори́ Себе́ во святе́м чре́ве Твое́м, и изво́ли роди́тися, я́коже восхоте́, и дарова́ нам день ви́дети явле́ния о́браза Твоего́, Его́же любо́вию пра́зднующе, мо́лимся Ти.
Припе́в: И ны́не и при́сно и во ве́ки веко́в. Ами́нь (†).
Ра́достными душа́ми, и в весе́лии се́рдца, прии́мше ум к честно́му и Боже́ственному явле́нию преди́вныя ико́ны Твоея́, и вси ве́рнии мо́лим Тя, Богоро́дице, я́ко Пречи́стому Сы́ну Твоему́ млеко́ подала́ еси́, И́же нас пита́вый ми́лостию Свое́ю.
Катава́сия: Твоя песнословцы, Богородице, / живый и независтный Источниче, / лик себе совокупльшия, духовно утверди, / в божественней Твоей славе / венцев славы сподоби.
И стихиры сия:
Спаси́ от бед рабы́ Твоя́, Богоро́дице, я́ко вси по Бо́зе к Тебе́ прибега́ем, я́ко неруши́мей стене́ и предста́тельству (†).
При́зри благосе́рдием, всепе́тая Богоро́дице, на мое́ лю́тое телесе́ озлобле́ние, и исцели́ души́ моея́ боле́знь (†).
Го́споди, поми́луй (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Конда́к, глас 6:
Око се́рдца моего́ смуща́ют,/ и злый сове́т разоря́ет мя,/ сих сокруши́, Де́во Чи́стая,/ и не пре́зри мое́ воздыха́ние,/ и супоста́ты на нас умягчи́, Преблагослове́нная Влады́чице (†).
И́кос: Ра́дуйся, Престо́ле огнеобра́зный Бо́жий;/ раду́йся, Отрокови́це, седа́лище Ца́рское,/ ло́же преиспе́щренное по́сланное, златопорфи́рный черто́же,/ ри́за цветолу́чная, украше́нный о́бразе,/ молниено́сное ору́жие, светильниче многосветлый,/ ра́дуйся, Богоро́дице, двенадесятосте́нный гра́де и дверь златокова́нная;/ ра́дуйся, пала́то светообра́зная, позлаще́нная трапе́зо, Богоукраше́нная сень;/ ра́дуйся, Голуби́це Чи́стая;/ ра́дуйся, я́ко от злых челове́к спаса́еши, Преблагослове́нная Влады́чице (†).
Ин конда́к, глас 6:
Не и́мамы ины́я по́мощи, не и́мамы ины́я наде́жды, ра́зве Тебе́, Влады́чице. Ты нам помози́: на Тебе́ наде́емся и Тобо́ю хва́лимся, Твои́ бо есмы́ раби́, да не постыди́мся (†).
И седа́лен, глас 4:
Це́рковь Твоя́ све́тло пра́зднует Твоего́ сла́внаго о́браза явле́ние, и вси ве́рнии, пою́ще, зове́м Ти приле́жно, Чи́стая Де́во: вся ве́рныя укрепи́ на вра́жию си́лу, и сове́ты беззако́нных разори́: и живо́т наш напра́ви, твори́ти Боже́ственную во́лю Сы́на Твоего́ (†).
Сла́ва Отцу́ и Сы́ну и Свято́му Ду́ху:
Па́ки то́йже: Це́рковь Твоя́ све́тло пра́зднует Твоего́ сла́внаго о́браза явле́ние, и вси ве́рнии, пою́ще, зове́м Ти приле́жно, Чи́стая Де́во: вся ве́рныя укрепи́ на вра́жию си́лу, и сове́ты беззако́нных разори́: и живо́т наш напра́ви, твори́ти Боже́ственную во́лю Сы́на Твоего́ (†).
И ны́не и при́сно и во ве́ки веко́в. Ами́нь († и поклон):
И па́ки то́йже: Це́рковь Твоя́ све́тло пра́зднует Твоего́ сла́внаго о́браза явле́ние, и вси ве́рнии, пою́ще, зове́м Ти приле́жно, Чи́стая Де́во: вся ве́рныя укрепи́ на вра́жию си́лу, и сове́ты беззако́нных разори́: и живо́т наш напра́ви, твори́ти Боже́ственную во́лю Сы́на Твоего́ (†).
Песнь 4
Ирмо́с: Неизсле́дный Бо́жий сове́т,/ е́же от Де́вы воплоще́ния/ Тебе́, Вы́шняго,/ проро́к Аввакум усмотря́я, зовя́ше:/ сла́ва си́ле Твое́й, Го́споди,
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Непосты́дную предста́тельницу нам дарова́, ико́ну Ма́тери Своея́,/ и́же Ея́ зря́ще, весели́мся и уми́льно зове́м:/ помози́, Влады́чице, всем, и от всех злых спаси́,/ и Ца́рствию Небе́сному сподо́би.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Тобо́ю вси спаса́емся и от нахожде́ний диа́вольских свобожда́емся./ Тя Бог показа́ нам Засту́пницу/ и Твою́ честну́ю ико́ну нам дарова́,/ Ей же вопие́м:/ Влады́чице, помози́, и от всех злых челове́к спаси́, и Ца́рств