Клетня 2020
Божественная литургия св. Иоанна Златоуста
Священник, целуя святую трапезу, тихо молится: Го́споди, низпосли́ ру́ку Твою́ с высоты́ свята́го жили́ща Твоего́ и укрепи́ мя в предлежа́щую слу́жбу Твою́, да неосужде́нно предста́ну стра́шному престо́лу Твоему́, и безкро́вное священноде́йствие совершу́, я́ко Твоя́ есть си́ла и сла́ва во ве́ки веко́в. Ами́нь.
Кланяется со словами: Прости́те меня́, бра́тья и се́ст-ры. Все: Бог прости́т.
Можно сказать краткое вступительное слово. Затем воздев руки:
Сла́ва в вы́шних Бо́гу, и на земли́ мир, в челове́цех благоволе́ние. (Дважды)
Го́споди, устне́ мои́ отве́рзеши, и уста́ моя́ возвестя́т хвалу́ Твою́.
С: Благослове́но Ца́рство Отца́ и Сы́на и Свята́го Ду́ха, ны́не и при́сно, и во ве́ки веко́в. Хор: Ами́нь.
Воскресный антифон (Пс. 102)
Благослови́, душе́ моя́, Го́спода. / Благослове́н еси́, Го́с-поди. / Благослови́, душе́ моя́, Го́спода, / и вся вну́т-ренняя моя́ и́мя святое́ Его́. / Благослови́, душе́ моя́, Го́спода, / и не забыва́й всех воздая́ний Его́. / Очища́-ющаго вся беззако́ния твоя́, / исцеля́ющаго вся неду́ги твоя́. / Избавля́ющаго от истле́ния живо́т твой, / венча́-ющаго тя ми́лостию и щедро́тами. / Исполня́ющаго во благи́х жела́ние твое́: / обнови́тся, я́ко о́рля, ю́ность твоя́. / Творя́й ми́лостыни Госпо́дь, / и судьбу́ всем оби́-димым. / Сказа́ пути́ Своя́ Моисе́ови, / сыново́м Изра́-илевым хоте́ния Своя́. / Щедр и ми́лостив Госпо́дь, / долготерпели́в и многоми́лостив.
Благослови́, душе́ моя́, Го́спода. / Благослове́н еси́, Го́с-поди. / Благослови́, душе́ моя́, Го́спода, / и вся вну́трен-няя моя́ и́мя святое́ Его́.
Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.
Единоро́дный Сы́не и Сло́ве Бо́жий, безсме́ртен сый / и изво́ливый спасе́ния на́шего ра́ди / воплоти́тися от Святы́я Богоро́дицы и Присноде́вы Мари́и, / непрело́ж-но вочелове́чивыйся, / распны́йся же, Христе́ Бо́же, сме́ртию смерть попра́вый, / еди́н сый Святы́я Тро́ицы, / спрославля́емый Отцу́ и Свято́му Ду́ху, спаси́ нас.
Здесь поется или читается тропарь праздника.
С: Го́споду помо́лимся. Х: Го́споди, поми́луй.
Молитва Трисвятаго пения
С: Бо́же Святы́й, и́же во святы́х почива́яй, и́же трисвяты́м гла́сом от серафи́мов воспева́емый и от херуви́мов славосло́вимый, и от вся́кия небе́сныя си́лы покланя́-емый, и́же от небытия́ во е́же бы́ти приведы́й вся́чес-кая, созда́вый челове́ка по о́бразу Твоему́ и по подо́-бию, и вся́ким Твои́м дарова́нием украси́вый. Дая́й прося́щему прему́дрость и ра́зум, и не презира́яй согреша́ющаго, но полага́яй на спасе́ние покая́ние, сподо́бивый нас, смире́нных и недосто́йных раб Твои́х, и в час сей ста́ти пред сла́вою свята́го Твоего́ же́ртвенника, и до́лжное Тебе́ поклоне́ние и славосло́вие приноси́ти. Сам, Влады́ко, приими́ и от уст нас, гре́шных, трисвяту́ю песнь, и посети́ ны бла́гостию Твое́ю, прости́ нам вся́кое согреше́ние во́льное же или нево́льное, освяти́ на́ши ду́ши и телеса́, и даждь нам в преподо́бии служи́-ти Тебе́ во все дни живота́ на́шего, моли́твами Святы́я Богоро́дицы, и всех святы́х, от ве́ка Тебе́ благоугоди́в-ших.
Я́ко свят еси́, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в.
Х: Ами́нь.
Далее хор поет «Трисвятое».
Святы́й Бо́же, / Святы́й Кре́пкий, / Святы́й Бесме́ртный, поми́луй нас. (Трижды)
Слава, и ныне: Святы́й Безсме́ртный, поми́луй нас. Святы́й Бо́же, / Святы́й Кре́пкий, / Святы́й Безсме́рт-ный, поми́луй нас.
Чтение Апостола и Евангелия
С: Во́нмем. Мир всем. Чтец: И ду́хови твоему́. С: Прему́дрость. Ч: Проки́мен, глас… Хор поет прокимен. С: Прему́дрость. Чтец произносит заголовок отрывка.С: Во́нмем. Читается отрывок.С: Мир ти. Ч: И ду́-хови твоему́. С: Прему́дрость. Ч: Аллилу́иа, глас… Хор поет аллилуиа.
С: Возсия́й в сердца́х на́ших, человеколю́бче Влады́ко, Твоего́ богоразу́мия нетле́нный свет, и мы́сленныя на́-ши отве́рзи о́чи, во ева́нгельских Твои́х пропове́даний разуме́ние. Вложи́ в нас и страх блаже́нных Твои́х за́-поведей, да плотски́я по́хоти вся попра́вше, духо́вное жи́тельство про́йдем, вся, я́же ко благоугожде́нию Тво-ему́, и му́дрствующе и де́юще. Ты бо еси́ просвеще́ние душ и теле́с на́ших, Христе́ Бо́же, и Тебе́ сла́ву возсыла́-ем, со безнача́льным Твои́м Отце́м, и Пресвяты́м и благи́м и Животворя́щим Твои́м Ду́хом, ны́не и при́сно, и во ве́ки веко́в. Х: Ами́нь.
С: Прему́дрость, про́сти, услы́шим свята́го Ева́нгелия. Мир всем. Х: И ду́хови твоему́. С: От… свята́го Ева́нге-лия чте́ние. Х: Сла́ва Тебе́, Го́споди, сла́ва Тебе́. С: Во́н-мем. Читается отрывок. Х: Сла́ва Тебе́, Го́споди, сла́-ва Тебе́.
Проповедь. Сугубая ектения
С: Рцем вси́ от всея́ души́, и от всего́ помышле́ния на́-шего рцем. Х: Го́споди, поми́луй.
Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.
Поми́луй нас, Бо́же, по вели́цей ми́лости Твое́й, мо́-лим Ти ся, услы́ши и поми́луй.
Х: Го́споди, поми́луй. (Трижды)
Еще́ мо́лимся о святе́йшем патриа́рхе (имя) и высокопреосвяще́ннейшем митрополи́те (имя), и преосвяще́ннейшем епи́скопе нашем (имя), честне́м пресви́-терстве, во Христе́ диа́констве, о всем при́чте и лю́дех, Го́споду помо́лимся.
Еще́ мо́лимся о богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Еще́ мо́лимся о блаже́нных и приснопа́мятных святе́й-ших патриа́рсех правосла́вных [и созда́телех свята́го хра́ма сего́], и о всех пре́жде почи́вших отце́х и бра́ти-ях, зде лежа́щих и повсю́ду, правосла́вных.
Еще́ мо́лимся о плодонося́щих и доброде́ющих [во святе́м и всечестне́м хра́ме сем], тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.
С: Го́споди Бо́же наш, приле́жное сие́ моле́ние приими́ от Твои́х рабов, и поми́луй нас по мно́жеству ми́лости Твоея́, и щедро́ты Твоя́ низпосли́ на ны и на вся лю́ди Твоя́, ча́ющыя от Тебе́ бога́тыя ми́лости.
Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́с-но, и во ве́ки веко́в. Х: Ами́нь.
С: Па́ки и па́ки [прекло́нше коле́на], ми́ром Го́споду по-мо́лимся. Х: Го́споди, поми́луй.
С: Благодари́м Тя, Го́споди Бо́же сил, сподо́бившаго нас предста́ти и ны́не свято́му Твоему́ же́ртвеннику, и припа́сти ко щедро́там Твои́м о на́ших гресе́х и о людски́х неве́дениих. Приими́, Бо́же, моле́ние на́ше, сотвори́ ны досто́йны бы́ти, е́же приноси́ти Тебе́ моле́ния и мольбы́, и же́ртвы безкро́вныя о всех лю́дех Твои́х. И укрепи́ нас, и́хже положи́л еси́ в слу́жбу Твою́ сию́, си́лою Ду́ха Твоего́ Свята́го, неосужде́нно и непреткнове́нно в чи́с-тем свиде́тельстве со́вести на́шея, призыва́ти Тя на вся́-кое вре́мя и ме́сто. Да послу́шая нас, ми́лостив нам бу́-деши, во мно́жестве Твоея́ бла́гости.
Я́ко подоба́ет Тебе́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно, и во ве́ки веко́в. Х: Ами́нь.
Херувимская песнь
Х: И́же херуви́мы та́йно образу́юще и животворя́щей Тро́ице трисвяту́ю песнь припева́юще, вся́кое ны́не жите́йское отложи́м попече́ние.
[ Священник тихо: Никто́же досто́ин от связа́вшихся плотски́ми похотьми́ и сластьми́ приходи́ти, или́ прибли́житися, или́ служи́ти Тебе́, Царю́ сла́вы: е́же бо слу-жи́ти Тебе́, вели́ко и стра́шно и саме́м небе́сным си́-лам. Но оба́че неизрече́ннаго ра́ди и безме́рнаго Твоего́ человеколю́бия, непрело́жно и неизме́нно был еси́ Челове́к, и Архиере́й нам был еси́: и служе́бныя сея́ и безкро́вныя же́ртвы священноде́йствие пре́дал еси́ нам, я́ко Влады́ка всех. Ты бо еди́н, Го́споди Бо́же наш, влады́чествуеши небе́сными и земны́ми, и́же на престо́ле херуви́мсте носи́мый, и́же серафи́мов Госпо́дь, и Ца́рь Изра́илев, и́же еди́н свят, и во святы́х почива́яй. Тя у́бо молю́, еди́наго блага́го и благопослушли́ваго: при́зри на мя, гре́шнаго и непотре́бнаго раба́ Твоего́, и очи́сти мою́ ду́шу и се́рдце от со́вести лука́выя, и укрепи́ мя, си́лою свята́го Твоего́ Ду́ха, облече́на благода́тию свяще́нства, предста́ти святе́й Твое́й сей трапе́зе, и священноде́йствовати свято́е и пречи́стое Твое́ Те́ло и честну́ю Кровь. К Тебе́ бо прихожду́ прикло́нь мою́ вы́ю, и молю́ Ти ся, да не отврати́ши лица́ Твоего́ от мене́, ниже́ отри́неши мене́ от о́трок Твои́х, но сподо́би принесе́нным Тебе́ бы́ти, мно́ю гре́шным и недосто́й-ным рабо́м Твои́м, даро́м сим. Ты бо еси́ принося́й и приноси́мый, и прие́мляй и раздава́емый, Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и Пресвяты́м и благи́м и Животворя́щим Твои́м Ду́хом, ны́не и при́сно, и во ве́ки веко́в. Ами́нь.]
Затем, раскрыв антиминс и воздев руки, трижды читает: И́же херуви́мы...
Кланяется со словами: Прости́те меня́ гре́шного. Все: Бог прости́т. После этого, взяв хлеб и вино, тихо про-износит: Возми́те ру́ки ва́ша во свя́тая и благослови́те Го́спода. И, перенося их, поминает:
Вели́каго господи́на и отца́ на́шего (имя), святе́йшаго патриа́рха Моско́вскаго и всея́ Ру́си, и господи́на на́-шего высокопреосвяще́ннейшаго (имя), митрополи́та (титул), и преосвяще́ннейшаго (имя) епи́скопа (титул), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.
Вас и всех правосла́вных христиа́н, да помяне́т Госпо́дь Бог во Ца́рствии Свое́м всегда́, ны́не и при́сно, и во ве́-ки веко́в.
Х: Ами́нь. Я́ко да Царя́ всех поды́мем, а́нгельскими неви́димо дориноси́ма чи́нми. Аллилу́иа, аллилу́иа, аллилу́иа.
Молитва приношения
С: О предложе́нных честны́х даре́х, Го́споду помо́лим-ся. Х: Го́споди, поми́луй.
С: Го́споди Бо́же Вседержи́телю, еди́не свя́те, прие́м-ляй же́ртву хвале́ния от призыва́ющих Тя всем се́рд-цем. Приими́ и нас, гре́шных, моле́ния и принеси́ ко свято́му Твоему́ же́ртвеннику, и укрепи́ нас приноси́ти Тебе́ да́ры же и же́ртвы духо́вныя о на́ших гресе́х и о людски́х неве́дениих, и сподо́би нас обрести́ благо-да́ть пред Тобо́ю, е́же бы́ти Тебе́ благоприя́тней же́рт-ве на́шей, и всели́тися Ду́ху благода́ти Твоея́ благо́му в нас, и на предлежа́щих даре́х сих, и на всех лю́дех Тво-и́х.
Щедро́тами Единоро́днаго Сы́на Твоего́, с ни́мже благослове́н еси́, со Пресвяты́м и благи́м и Животворя́-щим Твои́м Ду́хом, ны́не и при́сно, и во ве́ки веко́в.
Х: Ами́нь. С: Мир всем. Х: И ду́хови твоему́.
С: Возлю́бим друг дру́га, да единомы́слием испове́мы.
Х: Отца́ и Сы́на и Свята́го Ду́ха, / Тро́ицу единосу́щную / и неразде́льную.
С: Христо́с посреди́ нас. В: И есть, и бу́дет.
С: Две́ри, две́ри. Прему́дростию во́нмем. Все поют Символ веры.
С: Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.
Х: Ми́лость ми́ра, / же́ртву хвале́ния.
Благословляя: Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.
Х: И со ду́хом твои́м.
С: Горе́ име́им сердца́. Х: И́мамы ко Го́споду.
С: Благодари́м Го́спода. Х: Досто́йно и пра́ведно.
С: Досто́йно и пра́ведно Тя пе́ти, Тя благослови́ти, Тя хвали́ти, Тя благодари́ти, Тебе́ покланя́тися на вся́ком ме́сте влады́чествия Твоего́. Ты бо еси́ Бог неизрече́-нен, недове́дом, неви́дим, непостижи́м, при́сно сый, та́кожде сый, Ты и Единоро́дный Твой Сын, и Дух Твой Святы́й. Ты от небытия́ в бытие́ нас приве́л еси́, и отпа́дшия возста́вил еси́ па́ки, и не отступи́л еси́ вся творя́, до́ндеже нас на не́бо возве́л еси́, и Ца́рство Твое́ дарова́л еси́ бу́дущее. О сих всех благодари́м Тя и Еди-норо́днаго Твоего́ Сы́на, и Ду́ха Твоего́ Свята́го, о всех, и́хже ве́мы, и и́хже не ве́мы, явле́нных и нея́вленных благодея́ниях бы́вших на нас. Благодари́м Тя и о слу́ж-бе сей, ю́же от рук на́ших прия́ти изво́лил еси́. А́ще и предстоя́т Тебе́ ты́сящи арха́нгелов и тьмы а́нгелов, херуви́мы и серафи́мы шестокрила́тии, многоочи́тии, возвыша́щиися перна́тии.
Возглашая: Побе́дную песнь пою́ще, вопию́ще, взыва́юще и глаго́люще.
Х: Свят, свят, свят Госпо́дь Савао́ф, / испо́лнь не́бо и земля́ сла́вы Твоея́; / оса́нна в вы́шних, / благослове́н гряды́й во и́мя Госпо́дне, / оса́нна в вы́шних.
Воздев руки: С си́ми и мы блаже́нными си́лами, Влады́ко человеколю́бче, вопие́м и глаго́лем: свят еси́ и пресвя́т, Ты и Единоро́дный Твой Сын, и Дух Твой Святы́й. Свят еси́ и пресвя́т, и великоле́пна сла́ва Твоя́, и́же мир Твой та́ко возлюби́л еси́, я́коже Сы́на Твоего́ Единоро́днаго да́ти: да вся́к ве́руяй в него́ не поги́бнет, но и́мать живо́т ве́чный. И́же прише́д, и все е́же о нас смотре́ние испо́лнив, в но́щь в ню́же предая́шеся, па́че же Сам Себе́ предая́ше за мирски́й живо́т, прие́м хлеб во свя́тыя Своя́ и пречи́стыя и непоро́чныя ру́ки, благодари́в и благослови́в, освяти́в, преломи́в, даде́ святы́м Свои́м ученико́м и апо́столом, рек:
Возглашая: Приими́те, яди́те, сие́ есть Те́ло Мое́, е́же за вас ломи́мое во оставле́ние грехо́в. Х: Ами́нь.
Воздев руки: Подо́бне и ча́шу по ве́чери, глаго́ля:
Возглашая: Пи́йте от нея́ вси, сия́ есть Кровь моя́ Но́-ваго заве́та, я́же за вас и за мно́гия излива́емая, во оставле́ние грехо́в. Х: Ами́нь.
Воздев руки: Сие́ твори́те в Мое́ воспомина́ние! Помина́юще у́бо спаси́тельную сию́ за́поведь, и вся я́же о нас бы́вшая: крест, гроб, тридне́вное воскресе́ние, на небеса́ восхожде́ние, одесну́ю седе́ние, второ́е и сла́в-ное па́ки прише́ствие.
Вознося: Твоя́ от Твои́х Тебе́ принося́ще, о всех и за вся.
Х: Тебе́ пое́м, / Тебе́ благослови́м, / Тебе́ благодари́м, Го́споди, / и мо́лим Ти ся, Бо́же наш.
Воздев руки: Еще́ прино́сим Ти слове́сную сию́ и безкро́вную слу́жбу, и про́сим, и мо́лим, и умоля́ем, низпосли́ Ду́ха Твоего́ Свята́го на нас, и на предлежа́щия Да́ры сия́.
Благословляя: И сотвори́ у́бо хлеб сей честно́е Те́ло Христа́ Твоего́. В: Ами́нь.
Благословляя: А е́же в ча́ши сей, честну́ю Кровь Христа́ Твоего́. В: Ами́нь.
Благословляя: Преложи́в Ду́хом Твои́м Святы́м.
В: Ами́нь, ами́нь, ами́нь.
Совершается общий земной поклон.
С: Я́коже бы́ти причаща́ющимся во трезве́ние души́, во оставле́ние грехо́в, в приобще́ние Свята́го Твоего́ Ду́ха, во исполне́ние Ца́рствия небе́снаго, в дерзнове́ние е́же к Тебе́, не в суд, или́ во осужде́ние.
Еще́ прино́сим Ти слове́сную сию́ слу́жбу, о и́же в ве́ре почи́вших, пра́отцех, отце́х, патриа́рсех, проро́цех, апо́-столех, пропове́дницех, евангели́стех, му́ченицех, испове́дницех, возде́ржницех, и о вся́ком ду́се пра́вед-нем в ве́ре сконча́вшемся.
Возглашая: Изря́дно о Пресвяте́й, пречи́стей, преблагослове́нней, сла́вней Влады́чице на́шей Богоро́дице и Присноде́ве Мари́и.
Х: Досто́йно есть…
С: О святе́м Иоа́нне проро́це, Предте́че и Крести́теле, о святы́х сла́вных и всехва́льных апо́столех, о святе́м (имя), его́же и па́мять соверша́ем, и о всех святы́х Тво-и́х, и́хже моли́твами посети́ нас, Бо́же.
И помяни́ всех усо́пших о наде́жди воскре́сения жи́зни ве́чныя, (имена) и упоко́й их, иде́же сия́ет свет лица́ Твоего́.
Еще́ мо́лим Тя, помяни́, Го́споди, вся́кое епи́скопство правосла́вных, пра́во пра́вящих сло́во Твоея́ и́стины, вся́кое пресви́терство, во Христе́ диа́конство и вся́кий свяще́ннический чин.
Еще́ прино́сим Тебе́ слове́сную сию́ слу́жбу о вселе́н-ней, о святе́й, собо́рней и апо́стольстей Це́ркви, о и́же в чистоте́ и честне́м жи́тельстве пребыва́ющих, о богохрани́мей стране́ на́шей, власте́х и во́инстве ея́. Да́ждь им, Го́споди, ми́рное правле́ние, да и мы в тишине́ их ти́хое и безмо́лвное житие́ поживе́м, во вся́ком благочестии и чистоте́.
Возглашая: В пе́рвых помяни́, Го́споди, святе́йшего патриа́рха (имя) и высокопреосвяще́ннейшего митрополи́та (имя), и преосвяще́ннейшего епи́скопа нашего (имя), и́хже да́руй святы́м Твои́м це́рквам, в ми́ре, це́-лых, честны́х, здра́вых, долгоде́нствующих, пра́во пра́-вящих сло́во Твоея́ и́стины. Х: И всех, и вся.
С: Помяни́ Го́споди град сей, в не́мже живе́м, (или: весь сию́, в не́йже живе́м), и вся́кий град и страну́, и ве́рою живу́щих в них. Помяни́, Го́споди, пла́вающих, путеше́ствующих, неду́гующих, стра́ждущих, плене́нных и спаси́ их. Помяни́, Го́споди, плодонося́щих и добротворя́щих во святы́х Твои́х це́рквах, и помина́ющих убо́гия, и на вся ны ми́лости Твоя́ низпосли́ (имена).
И даждь нам еди́ными усты́ и еди́ным се́рдцем сла́-вити и воспева́ти пречестно́е и великоле́пное и́мя Твое́, Отца́ и Сы́на и Свята́го Ду́ха, ны́не и при́сно, и во ве́ки веко́в. Х: Ами́нь.
Благословляя: И да бу́дут ми́лости вели́каго Бо́га и Спа́са на́шего Иису́са Христа́ со все́ми ва́ми.
Х: И со ду́хом твои́м.
Просительная ектения
С: Вся святы́я помяну́вше, па́ки и па́ки ми́ром Го́споду помо́лимся.
Х: Го́споди, поми́луй.
О принесе́нных и освяще́нных честны́х Даре́х, Го́споду помо́лимся.
Я́ко да человеколю́бец Бог наш, прие́м я́ во святы́й, пренебе́сный и мы́сленный Свой же́ртвенник, в воню́ благоуха́ния духо́внаго, возниспо́слет нам боже́ствен-ную благода́ть и дар Свята́го Ду́ха, помо́лимся.
С: Тебе́ предлага́ем живо́т наш весь и наде́жду, Влады́-ко человеколю́бче, и про́сим, и мо́лим, и умоля́ем, спо-до́би нас причасти́тися небе́сных Твои́х и стра́шных Та́ин, сея́ свяще́нныя и духо́вныя трапе́зы, с чи́стою со́-вестию, во оставле́ние грехо́в, в проще́ние согреше́-ний, во обще́ние Ду́ха Свята́го, и в насле́дие Ца́рствия небе́снаго, в дерзнове́ние е́же к Тебе́, не в суд или́ во осужде́ние.
И сподо́би нас, Влады́ко, со дерзнове́нием, неосужде́н-но сме́ти призыва́ти Тебе́, небе́снаго Бо́га Отца́, и глаго́-лати.
В: О́тче наш…
С: Я́ко Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно, и во ве́ки веко́в.
Х: Ами́нь. С: Мир всем. Х: И ду́хови твоему́.
С: Главы́ ва́ша Го́сподеви приклони́те.
Х: Тебе́, Го́споди.
С: Вонми́, Го́споди Иису́се Христе́ Бо́же наш, от свята́го жили́ща Твоего́, и от престо́ла сла́вы Ца́рствия Твоего́, и прииди́ во е́же освяти́ти нас, и́же горе́ со Отце́м седя́й, и зде нам неви́димо спребыва́яй. И сподо́би держа́в-ною Твое́ю руко́ю препода́ти нам пречи́стое Те́ло Твое́ и честну́ю Кровь, и на́ми всем лю́дем.
Вознося: Во́нмем. Свята́я святы́м.
Х: Еди́н свят, / еди́н Госпо́дь, / Иису́с Христо́с, / во сла́ву Бо́га Отца́. / Ами́нь. И поют причастен. В воскресенье: Хвали́те Го́спода с небе́с, хвали́те Его́ в вы́шних. Аллилу́иа, аллилу́иа, аллилу́иа.
Раздробляя: Раздробля́ется и разделя́ется А́гнец Бо́-жий, раздробляемый и неразделя́емый, всегда́ ядо́-мый и никогда́же оскудева́ющий, но причаща́ющияся освяща́яй.
Опуская частицу в чашу: Исполне́ние Ду́ха Свята́го. Ами́нь.
Благословляя: Благослове́нна теплота́ святы́х Твои́х всегда́, ны́не и при́сно, и во ве́ки веко́в.
Вливая теплоту в чашу: Теплота́ ве́ры испо́лнь Ду́ха Свята́го. Ами́нь.
Кланяется со словами: Прости́те меня́, бра́тья и се́ст-ры. Все: Бог прости́т.
Тихо: Осла́би, оста́ви, прости́ Бо́же прегреше́ния на́ша, во́льная и нево́льная, и́же в сло́ве и в де́ле, и́же в ве́де-нии и не в ве́дении, и́же во дни и в нощи́, и́же во уме́ и в помышле́нии: вся нам прости́, я́ко Благ и Человеколю́бец. Совершив земной поклон:
Се прихожду́ к безсме́ртному Царю́ и Бо́гу на́шему.
Честно́е и пресвято́е Те́ло Го́спода и Бо́га и Спа́са на́ше-го Иису́са Христа́ преподае́тся мне, свяще́ннику (имя), во оставле́ние грехо́в мои́х и в жизнь ве́чную. Аминь.
Се па́ки прихожду́ к безсме́ртному Царю́ и Бо́гу на́ше-му.
Честны́я и святы́я Кро́ве Го́спода и Бо́га и Спа́са на́шего Иису́са Христа́, причаща́юся аз, раб Бо́жий, свяще́нник
(имя), во оставле́ние грехо́в мои́х и в жизнь ве́чную. Ами́нь.
Целуя чашу: Се прикосну́ся устна́м мои́м, и оты́мет беззако́ния моя́, и грехи́ моя́ очи́стит. И раздробляет частицы по числу причастников.
С: Со стра́хом Бо́жиим, ве́рою и любо́вию приступи́те.
Х: Благослове́н гряды́й во и́мя Госпо́дне, / Бог Госпо́дь и яви́ся нам.
С: Помо́лимся пе́ред святы́м причаще́нием.
В: Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причастити́ся пречи́стых Твои́х Та́инств, во оставле́ние грехо́в и в жизнь ве́чную. Ами́нь.
Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни лобза́ния Ти дам, я́ко Иу́да, но я́ко разбо́йник испове́даю
Тя: помяни́ мя, Го́споди, во Ца́рствии Твое́м.
Да не в суд или́ во осужде́ние бу́дет мне причаще́ние святы́х Твои́х Та́ин, Го́споди, но во исцеле́ние души́ и те́ла. Ами́нь.
Х: Те́ло Христо́во приими́те, / исто́чника безсме́ртнаго вкуси́те.
Причащая: Причаща́ется раб Бо́жий (или: раба Бо́жия) (имя), честна́го Те́ла и Кро́ве Го́спода и Бо́га и Спа́са на́шего Иису́са Христа́, во оставле́ние грехо́в и в жизнь ве́чную. Аминь.
С: Аллилу́иа. (Трижды) Х: Аллилу́иа. (Трижды)
Высыпая все частицы в чашу: Отмо́й, Го́споди, грехи́ помина́вшихся зде́сь Кро́вию Твое́ю честно́ю, моли́т-вами святы́х Твои́х.
Благословляя: Спаси́, Бо́же, лю́ди Твоя́, и благослови́ достоя́ние Твое́.
Х: Ви́дехом свет и́стинный, / прия́хом Ду́ха небе́снаго, / обрето́хом ве́ру и́стинную, / неразде́льней Тро́ице покланя́емся, / Та бо нас спасла́ есть.
Благословляя чашей: Благослове́н Бог наш всегда́, ны́-не и при́сно, и во ве́ки веко́в. Х: Ами́нь.
Да испо́лнятся уста́ на́ша / хвале́ния Твоего́ Го́споди, / я́ко да пое́м сла́ву Твою́, / я́ко сподо́бил еси́ нас причасти́тися / святы́м Твои́м, боже́ственным, безсме́рт-ным и животворя́щим Та́йнам, / соблюди́ нас во Твое́й святы́ни / весь день поуча́тися пра́вде Твое́й. / Аллилу́-иа, аллилу́иа, аллилу́иа.