а. ЧУРСКИ-ЧАРСКИ-МАЧАРСКИ

Чурски-чарски-мачарски,

Мужик олö по чести:

Йöрнöс лёновöй,

Вешьян ноёвöй,

Котi мавтöма,

Чулки гöрдззöма —

Öтсö айыс гöрдззöм,

Мöдсö мамыс гöрдззöм,

Шöртсö сойыс печкöм,

Емсö воныс керöм.

Додь полоз чегöм,

Горыс жугалöм,

Пиняыс киссьöм,

Улыкыс паськалöм,

Кöдзсян куд потöм,

Ыбыс гöртöм,

Сюыс кайöттöм,

Осяыс кöдзтöм...

— Здорово, Мартил!

Мый нö уджалан?

— Додь кера...

Б. ЧУРСКИ-ЧАРСКИ-МАЧАРСКИ

Чурски-чарски-мачарски,

Мужик олö по чести:

Йöрнöс лёновöй,

Вешьян ноёвöй,

Котi мавтöма,

Чулки гöрдззöма —

Öтсö айыс гöрдззöм,

Мöдсö мамыс гöрдззöм,

Шöртсö сойыс печкöм,

Емсö воныс керöм...

— Здорово, Мартил!

Мый нö уджалан?

— Öнтай додь тай кери,

Öнi гöр лöсьöта.

(и сiдз одз. Сэсся висьтавлö: «Воча пиня, коста улык», «Кöдзсян куд вура», «Ыб гöра», Сю кайöта», «Ося кöдза»).

В. ЧУРСКИ-ЧАРСКИ-МАЧАРСКИ

Чурски-чарски-мачарски,

Мужик олö по чести:

Йöрнöс лёновöй,

Вешьян ноёвöй,

Котi мавтöма,

Чулки гöрдззöма —

Öтсö айыс гöрдззöм,

Мöдсö мамыс гöрдззöм,

Шöртсö сойыс печкöм,

Емсö воныс керöм,

Додь полоз вежöм,

Пиняыс вочöм,

Улыкыс кöстöм,

Кöдзсянкуд вурöм,

Ыбыс гöрöм,

Сюыс кайöтöм,

Осяыс кöдзöм —

Лок йöкты, Мартил!

НЁЛЬ ВОН ЙЫЛIСЬ

Кöркö олöмась нёль вон,

Пондöмась янсöтчыны.

Петру шуö: «Меным вöв,

Чаньсö — Митиперколö».

Сэтчö Епкаыс горöтчас:

«Меным кыкнан керкусö!

Тимка, тэнат пайыт абу,

Мун кытöнкö тэ шатлась».

«Ме шатласьнытö ог понды,

Кая Петра дядь ордö.

Петра дядьö няньнас вердас

Да куреньö мöдöтас.

Мало-дело керку тшупа,

Крыша идзасöн вевття,

Мало-дело инька босьта,

Мало-дело оламö».

45. ШОНДI ПЕТÖ-ГÖРДÖТÖ

Шондi петö-гöрдöтö,

Микöлайыс ветлöтö,

Аслыс парасö кошшö.

Аслыс парасö кошшö,

Сера бедьöн макайтö,

Власовнасö смекайтö.

Власовнасö смекайтö,

Лöз чышьянасö, сарафанасö —

Маремьянасö, ой, да Власовнасö,

46. МАЛИНАВНЫКАЯМÖ

Малинавны каямö да

Кузь песнясö сьыламö.

Кузь песнясö сьыламö,

Öтöрсö гажöтамö.

Менö мамö видö пыр да

Лён понда, кудель понда.

Лён понда, кудель понда,

Рытся ветлöтöм понда.

Эн котрась тэ, нывка, дыр да

Эн ветлöт Иньва дорас.

Эн ветлöт Иньва дорас,

Эн бырöт нинкöмметö.

Ме берег дорас пета да

Песня сьыла-поткöта.

Песня сьыла-поткöта,

Ассим другöс видзчися.

Ва саяс видзöтышта да

Чышьянокöн макнита.

Коккезöс позьöтышта,

Тупи-тапи керышта.

Тупи-тапи керышта да

Пидзöслам уськöтчышта.

Усьышта да чеччышта,

Ванюöс панталышта.

Ваню-Ванюшко дитя, да

Тэнат модззет пö кыка.

Куимöтыс лоа ме.

Мый нö шуан паныт тэ?

47. КÖЗОКÖЙ

Мыйлö тэ, кöзокöй, быдман,

Тэнö весь кераласö.

Мыйлö, зонка, одз гöтрасян,

Юртö весь сераласö.

Пöрöтiсö этö кöзсö,

Уввесö чеглалiсö.

Сералiсö этö зонсö,

Астöгьяс гöтралiсö.

Зонка мельницаö мунiс,

Вöлi тай негöтыра.

Локтiс гортас, айыс оз лэдз

Зонкаöс котрасьнытö.

ЛЁН

Меным айö кöдзис лён.

Бур да бытшöм быдмис лён.

Ах тэ диво, быдмис лён.

Лёнöс ассим ме весöтi.

Лёк турунсö вужнас летi.

Ах тэ диво, вужнас летi.

Да велалiс лён пытшкас

Йöгись Ваню — Пронь быдтас.

Ах тэ диво, Пронь быдтас.

Лёнöс менчим быдöс талис,

Сьöдмусиннас бергöтiс.

Ах тэ диво, бергöтiс.

Висьталi бы айöлö,

Да жаль меным Ванюö.

Ах тэ диво, Ванюö.

Пета талун ойшöрöн

Да лапкися сьöд шальöн.

Ах тэ диво, сьöд шальöн.

Ванюöс ме видзчися,

Голя бердас кутчися.

Ах тэ диво, кутчися.

Размöд сiйö окышта,

Сьöлöм ассим бурмöта.

Ах тэ диво, бурмöта.

Розосвосö видзчисям,

А сыбöрын гöтрасям.

Ах тэ диво, гöтрасям.

49. ПАСЬКЫТ ГАЖА УЛИЦА

Паськыт гажа улица, улица.

Долишели-нолишели, паськыт гажа улица.

Улицаас ныв олö, ныв олö.

Долишели-нолишели, улицаас ныв олö.

Ныв дынас пö зон вовлö, зон вовлö.

Долишели-нолишели, ныв дынас пö зон вовлö.

Зонöй, зонöй, мый вовлан, мый вовлан?

Долишели-нолишели, зонöй, зонöй, мый вовлан?

Айö менö видзöтö, видзöтö.

Долишели-нолишели, айö менö видзöтö.

Мамö менö оз бы лэдз, оз бы лэдз.

Долишели-нолишели, мамö менö оз бы лэдз.

Мун жö талун бöр гортат, бöр гортат,

Долишели-нолишели, мун жö талун бöр гортат.

Кöркö эшö адззисьлам, адззисьлам.

Долишели-нолишели, кöркö эшö адззисьлам.

Гырись луксö чеплялам, чеплялам.

Долишели-нолишели, гырись луксö чеплялам.

Гряд коласас пуктыштам, пуктыштам.

Долишели-нолишели, гряд коласас пуктыштам.

Сыбöрын ми йöктыштам, йöктыштам.

Додишели-нолишели, сыбöрын ми йöктыштам.

50. УНА НЫВВЕЗ ЧУКÖРТЧИСÖ

Уна ныввез чукöртчисö. 2-ись

Зон, зон, мича ныввез,

Зон, зон, коми ныввез,

Чукöртчисö.

Иньва дорö котöртiсö. 2-ись

Зон, зон, мича ныввез,

Зон, зон, коми ныввез,

Котöртiсö.

Паськöмнысö чöвталiсö. 2-ись

Зон, зон, мича ныввез,

Зон, зон, коми ныввез,

Чöвталiсö.

Бадь кусттэз увтö пукталiсö. 2-ись

Зон, зон, мича ныввез,

Зон, зон, коми ныввез,

Пукталiсö.

Асьныс ваö чеччалiсö. 2-ись

Зон, зон, мича ныввез,

Зон, зон, коми ныввез,

Чеччалiсö.

Дыр ваас тульöтчисö. 2-ись

Зон, зон, мича ныввез,

Зон, зон, коми ныввез,

Тульöтчисö.

Василиса кынмалöма. 2-ись

Зон, зон, мича ныввез,

Зон, зон, коми ныввез,

Кынмалöма.

51. ÖКТI, ÖКТI ЯГÖДСÖ

Öктi, öктi ягöдсö, озъягöдсö.

Ой, жельнöгалi кокöс ме, жельнöгалi.

Жельнöгалi кокöс ме, жельнöгалi.

Ой, доймö, доймö кок менам да незубыт.

Доймö, доймö кок менам да незубыт.

Ой, муна лэдзча ва дорö, берег дорö.

Муна лэдзча ва дорö, берег дорö.

Ой, пукся, пукся ва дорас веж видзок вылö.

Пукся, пукся ва дорас веж видзок вылö.

Ой, кыска, кыска писим ме дона чужöмбан [3].

ЗИНА

Ой, Зинушка-Зина,

Том ныв басöк сина,

Радейта ме тэнö ёна.

Ай-ай, менам Зина,

Ай-ай, басöк сина,

Радейта ме тэнö ёна.

И лунöн, и ойöн,

Пыр тöдвылын олан,

Сьöлöмö потласьны готов.

Ай-ай, менам Зина,

Ай-ай, басöк сина,

Сьöлöмö потласьны готов.

Ме сваттэзöс ыста,

Кудымкарöдз кыска,

Тэ мыччы жö нылö бур кыв.

Ай-ай, менам Зина,

Ай-ай, басöк сина,

Тэ мыччы жö нылö бур кыв.

53. КЫТЧÖ МУНАН, КОМИ НЫВ?

Кытчö, кытчö мунан [4],

Кытчö мунан, коми ныв, коми ныв?

Лок ми... лок миянкöт,

Лок миянкöт гуляйтны, гуляйтны.

Эн пов, эн пон, Дуня,

Эн пов, Дуня, эн гöрдöт, эн гöрдöт,

Некин, некин тэнö,

Некин тэнö оз вöрзьöт, оз вöрзьöт.

Босьтам, босьтам, Дуня,

Босьтам, Дуня, ботинки, ботинки.

Чапкам, чапкам, Дуня,

Чапкам ваö отопки, отопки.

Новйы, новйы, Дуня,

Новйы, Дуня, эн бырöт, эн бырöт.

Том по... том поратö,

Том поратö эн вунöт, эн вунöт.

54. ОЙ ТЭ, ЫБÖЙ

Ой тэ, ыбöй, сьöдмусин тэ,

Оз тыдав конец не дор!

Ой тэ, трактор менам «Интер»

Дорöм вöв — стальнöй мотор!

Кöркö мамö менам тöдлöм

Öтiк горбыля печкан.

Горби одзын вексö дзöрöм,

Сотöм ассис чужöмбан.

55. КУЗНЕЦ ЧЕРРЕЗ КАМГÖ-ДОРÖ

Кузнец черрез камгö-дорö,

Ачыс песня ковйö-сьылö:

«Бур олан, лок!»

Эг вунöтö ми январись,

Кыдз ми ветлiм корны царьлiсь

Бур олансö. 2-ись

Царьыс миян дынö эз пет,

Бур олан миянлö эз сет —

Аслыс оз коль! 2-ись

Ыстiс отирлö гöснечсö,

Кöдö шуöны свинецöн —

Нате сёйö! 2-ись

Сы гöснечсянь умöль лоис —

Уна отир мувлас водiс —

Кулiс-ланьтiс. 2-ись

Кык лун сыбöрын кыскалiс,

Кулöм отирсö дзебалiс

Царьыс муас. 2-ись

Ой тэ, царь миян, царёчек,

Умöль вöлöмыт дружочек

Беднöй йöзлö! 2-ись

Кыдз тэ «отир дор» сулалiн,

Эг вунöтö — дыр гыжьялiм

Ми юрбöррез. 2-ись

56. ВÖРЫН

Кылö, морт кералö

Вöрын волькыт кöз.

Кöзiньöй горалö:

— Кытшöм умöль йöз.

Лолöс менчим босьтiс,

Быдмыны эз сет.

Уввез, вуджжез косьтiс,

Öнi ли оз пет. —

Морт кералö, шуö:

— Чöв жö, бытшöм кöз,

Важын паськыт му вылын

Сiдз лöсьöтöм йöз.

Быдöс пу да кызас

Кöньöсок кыза,

Нiйö ме коляла,

Керкулö видза.

ВИДЗЧИСИ

Чериыс кöс кузяс оз ветлöт, ой,

Ватöг оз вермы овны.

Ыстiсö донаöс ылöся-ылö, ой,

Сытöг ог вермы овны.

Чечча и вода — тöдвылам пыр, ой,

Мича луныс не мича.

Ыблын и видзлын тöждiся пыр, ой,

Донаöс ассим видзчися.

Ой да ой, видзчися,

Донаöс пыр видзчися.

НОВОБРАН

Менö гортын видöны,

Весьолiсьöн шуöны:

«Весьолiсь тэ, весьолiсь,

Шöмйöв доз тэ панялiсь!»

Мама, горзы, мама, горзы,

Öнi ачым новобран.

Пет да вöввесö доддяв,

Сильканоккесö домав.

Муна лэдзча ме посадö,

Адзза паськыт ворота.

Анну, Аннушка, пантав,

Менö ва дорöдз кольлав.

Талун гортын ме гуляйта,

Ашын юрси шырасö.

Прощай, мама, прощай, горт,

Мунö армияö морт.

59. КЫТÖН СÖКÖЛНЫМ

Чечча да öтöрас пета,

Öтöрас пета, юала:

— Шондi-батюшко,

Кытöн сöкöлным,

Кытöн мичаным?

— Абу матын сiя,

Абу ылын сiя —

Сизим ва сайын,

Сизим му сайын,

Лёк война вылын,

Лёк война шöрын.

БУРА ОЛIМ

Бура олiм да уджалiм,

Эг тöждiсьö ми некöр.

Гитлер пон кыдзи уськöтчис,

Мöдiс летны СССР.

Но ми паныт сылö сувтiм,

Сылiсь эз повзьы некин.

Не гуляйтны тэныт татöн,

Миян му вылын, фашист.

Мыйлö жö, проклённöй Гитлер,

Тэ пондöтiн лёк война?

Ме, томыник басöк нывка,

Лои, кыдзи сирота.

Воно мыс вылас деревня,

Улын Иньва — сöстöм ва.

Милöй, тэ понда тöждiся,

Ой и лун кисьта синва.

61. ÖШЫН УВТАМ

Öшын увтам лун и ой, да,

Шорыс больйö, больйö.

Ме томыник нывкаок, да,

Менö вöтiс горё,

Ох, да горё.

Быдса гожум, быдса тöв, да,

Менö зон любитiс.

А мöд гожумас война, да,

Миянöс янсöтiс,

Ох, янсöтiс.

Парма мыс тэ, Парма мыс, да,

Тэ уна и кылiн,

Кыдзи орсiс сэтöр син, да,

А ме йöктi-сьылi,

Ох, да сьылi.

Пессьö, пессьö том сьöлöм, да,

Пессьö, шöри потö:

Локтiс менам сэтöр син, да,

Война вылiсь коктöм,

Ох, да коктöм.

62. ПОТЛАСЬÖНЫСНАРЯДДЭЗ

Потласьöны снаряддэз,

Гымалö ыджыт бой.

Лазаретын куйлö

Томыник солдат.

Вöр шöрын деревня,

Учöтик керкуок.

Лэбзьö, лэбзьö сэтчин

Война вывсянь письмо.

«Прощайтö, сойез-воннэз,

Прощайтö, ай и мам.

Тiянлö одзлань овны,

А менö босьтас му...»

СОЛДАТЫН

Ме тöждiся пыр,

Куим ар, куим тöв,

Не ог узь, не ог сёй —

Тэ кытчö мунiн, зон?

Тэ кытчö лоин, зон?

— Ме солдатын, мам,

Морё дорын ме.

Эта морё — меным горё,

Гортöс менчим сайöвтiс:

Оз тыдав гортö,

Оз гажöт гортö,

Оз гажöт, оз шонт.

Татчö туйыс волькыт,

Тасянь туйыс мырья.

Зонтö, мам, тэ видзчись,

Сизим год видзчись.

Уна год видзчись.

КОЛЬЧО

Ой, кольчо, кольчо, кольчо,

Волькыт вевдöра чунькытш!

Ачым, ачым карповскöй,

Иньö, иньö лёлёвскöй.

Годсö эг на бы гöтрась —

Гöтралiсö, босьтiсö,

Нывкажуг вайöтiсö,

Сививлам вожöтiсö —

Не петны, не мунны,

Не петны, не мунны!

Петыштi да муныштi,

Ковуркосö кутыштi,

Опонасьсö пуксьöтi,

Льöмпу увтас гöнитi,

Канава дорас пукси,

Канаваись ва юи,

Румкаись вина юи.

Румка юи, кык юи,

Каньпет сёйи, кык сёйи,

Куимöтсö джын сёйи.

МЕ МУНI КУЗЬ ТУЙ КУЗЯ

Ме мунi кузь туй кузя,

Локтi ме сьöд вöр шöрö,

Канаваись ва адззи,

Румка юи, кык юи,

Куимöтсö джын юи,

Пондiс юрам шумитны.

Пондiс юрам шумитны,

Чирокпиян горöтны.

Чирокпиянсö кутi,

Сипожö пуксьöтыштi.

Сипожö пуксьöтыштi,

Йöр вевдöр лэбзьöтыштi,

Сыкöт шогöс иньдыштi:

Мун тэ татiсь вакрамеш

Да некöр сэсся эн лок.

66. ГАЖА ВИДЗ ВЫЛÖТ МУНА

Гажа видз вылöт муна,

Видзыс веж туруна,

Золотöй да голубöй,

Зелёнöй, серебрянöй.

Бараншор дорас пукся,

Ассим другöс видзчися.

Ассим другöс видзчися

Да кузь песня сьыла.

Песня сьыла да дугда,

Сэтчö Ванюö локтас

Да ореххез ваяс.

Öлöдзам нiйö пуктас

Да куимпöв окалас.

67. ТУРИ ПРУД ВЫЛЫН ПУКАЛÖ

Тури пруд вылын пукалö,

Туримольсö кокалö.

Кезöтö и гöрдöтö

Да посадсö гажöтö.

Мама, лэдз менö гуляйтны,

Турисö видзöтыштны,

Баддесö юклалыштны,

Кыдззесö нёкралыштны,

Коросьсö чеглалыштны.

Коросьсö да домала,

Зонкаöс да нёджжала.

68. ТЫРЫРЫСÖ БЫСЬЫЛI

Тырырысö бы сьылi,

Бербасö бы бöбöтi.

Тэ, берба мыгöриньöй,

Смолянöй юрсииньöй.

Горба тэ спинаиньöй,

Отопки новйисиньöй.

Логö — ягöдавны,

Нюрö — пиканавны,

Видзлö — турунавны.

Логö лэдзча — вöв кута,

Набора сермöт пукта,

Понда логöттяс гуляйтны.

Нывка свист шутньöвтас,

Вöлыс трок чеччöвтас.

Кытi рысь, кытi скач.

А кытi и шагом.

Улица понас локта,

Дарью паныт шедас.

— Дарьюшко тэ, дитя!

— Тэ, Михайлушко, дружок!

Серöмсораöсь, кулитаннэз

АЙ, КОШШИ

АЛИВУЛИ

АННА БЫКОВНА

АШЫН ОДЗ ЧЕЧЧА

БАСÖК НЫВКА-ЯГÖДОК

БУРЛАЧИКА

ВОТ ПОНЕДЕЛЬНИК

ЕРЕМ ОЛЯ

ЗЫРЬЯН — ВОЛЬНÖЙ ЧÖЛÖВЕК

ИНЬКАЭЗ ПÖ МУНÖН

КАТЯ, ПЕТ

КИЛЬЧИ-КОКОЛЬЧИ

КОКОРИНСКÖЙ

КУМА, ЧЕЧЧЫ

КЫР ДА КЫРИКА

МАРИНОК

МАСЛЕНИЧА

МЕ ДА ТЭ

НУ ДА НА

ОДЗ ЧЕЧЧА

ОШ ПЕСНЯ

ПЕТРА МОНЬ

ПЕТРУ ВАНЮ

ПРИБАУТКА

САРЬЯ ЮРА

СВАТТЯ, ЧЕЧЧЫ

СЬÖД ОЛЁНА

СЬÖЛÖМ БУРМÖТАНКИ

ТПРУКА-НУКА

ТРУ-ЛЯ-ЛЯ

ТУН

ТУРУ-ТУРУ, СЕНЬКА

ТЭ ГОРЕ ДА МЕ ГОРЕ

ТЮКУ-ТЮКУ

ТЮКУ-ТЮКУ, ТОРОКАН

УХАЖЁРРЕЗ ЛОКТÖНЫ

ШОНДI ПЕТÖ

ЫДЖЫТ КУШМАН

ЯЩИКАС ПÖ

КАТЯ, ПЕТ

Эта кин мунö?

Эта Яшка мунö;

Юр вылас куражка,

Коккезас сапоггез,

Киас гармоння.

Öт карманас каньпетки,

Мöд карманас манетки.

Яшка свист шутньöвтас,

Катя скок чеччöвтас.

— Катя, пет, Катя, пет,

Катя, мыля дыр он пет?

Катя петас, кисö сетас,

Бергöтчас да бöр пырас.

— Катя, стой, Катя, стой,

На жö каньпеткисö сёй!

ПЕТРУ ВАНЮ

Эта кин мунö?

Петру Ваню мунö.

Öт киас гармоння,

Мöд киас цветоккез.

Цветоккес усялöмась,

Нывкаэс босьталöмась,

Кык неделя видзöмась

Да вöлись сеталöмась.

Одзжык ме дона вöлi,

Öнi постылöй лои.

Мунас бокöт — дзар оз кер,

Öтiк кылöн оз шыась:

Эм гармоння, эм гудок,

Эм Пешнигортын модзок.

КИЛЬЧИ-КОКОЛЬЧИ

Ябыр локтö борд вылын,

Чань гöнитö гыж вылын.

Мунö Студинчи Ваня,

Киас видзö гармоння.

Кытi рысь, кытi скач,

Кытi кыминь, кытi гатш.

— Иванушко-батюшко,

Тэнат вöлыт соловöй,

Турун сёйö логовöй,

Васö юö шоровöй.

Но и Ваня — бытшöм зон!

Ноко, полан али он?

Логö лэдзча, вöв кута,

Набора сермöт пукта,

Вöв вылам ме пуксьышта,

Паныт Ванялö муна.

Вöр дорöдззас ме локта,

Понуль увтö дзебсися.

Ваню вöвнас петыштас,

Омöн свист шутньöвта.

Вöлыс скок чеччöвтас —

Усяс Ваня му вылас.

Куим нывка петасö,

Вöв вылас пуксьöтасö,

Гортаныс нуöтасö.

72. ТПРУКА-НУКА

Тпрука-нука, Пеганука!

Пеганукасö кута!

Припев: Ну да на, ну да на,

Пеганукасö кута [5].

Йöр гöгöрсö гöгöрта —

Воронко вылö вежа.

Куим йöр чеччöвта,

Окулька ордö пыра.

Сэтöн швеч вурсьö,

Басöк нывка удасьö.

Сур да брага сорлассьö,

Вина чарка тарласьö.

Иванушко гöтрасьö,

Да кинöс инö босьтö?

Иванушкоыс босьтö

Синтöм Дарьюшкаöс.

Мыйöн инö козьнасьö

Синтöм Дарьюшкаыс?

Нинöн да бонöн,

Кудельöн да торкöн.

ОДЗ ЧЕЧЧА

Одз чечча, вала лэдзча,

Уна деньга адзза.

Уна деньга адзза,

Медбур шальсö босьта.

Вичку крест вылö кая,

Куимись ме тоннита.

Куим керкуöдз кылас,

Куим нывка петасö.

Медучöтыс медбасöк.

Ас саям сiйö босьта.

Карта бöрöдз нуöта.

Рымка уда, кык уда,

Пряник уда, джын уда.

АШЫН ОДЗ ЧЕЧЧА

Ашын одз чечча,

Пеганукасö кута,

Йöр гöгöрсö гöгöрта,

Окулинаö пета.

Сэтчин швеч вурсьö,

Басöк нывка удасьö,

Кривöй нывка чатрасьö,

Дзель да баран люкасьö,

Юртöм петух чеччалö,

Сусек дорсö кокалö.

Кöч кучкöм,

Кынöмыс чочком,

Чивылёк-чавылёк,

Коромыслаись пелёк.

ТУРУ-ТУРУ, СЕНЬКА

Туру-туру, Сенька,

Джадж дорын деньга,

Комын — ящикын,

Порогувтын — кашникын.

Кашникас вöлöм майöв —

Сiйö порсь юöма,

Чужöй позйö пырöма.

Хозяйкаыс öштöма,

Öддьöн дыр кошшöма.

Порсь, порсь, менö босьт,

Ме бы тэ сайö муна:

Тэнат коккет дженытöсь,

Етша дöраыс мунас.

ОШ ПЕСНЯ

Ягын ош пö мыччасьö,

Быднёжöн пö пиньласьö,

Ош кабырнас ошшасьö:

Ме пö ош — не Овдош,

Кинöс вöта да кута,

Сэтчö сiйö пöрöта,

Сэтöн сiйö нёкрала,

Сэтöн сiйö нёкрала.

ТРУ-ЛЯ-ЛЯ

Тру-ля-ля, тру-ля-ля,

Ашын Мошовö кая —

Виа блиннэз сёйны,

Сур да брага юны.

Виа блиннэз сёйимö,

Сур да брага юимö,

Юимö, пируйтiмö,

Сьылiмö-горöтiмö,

Йöктiмö-топöтiмö.

ВОТ ПОНЕДЕЛЬНИК

Вот понедельник — лун-бездельник,

Быдса лун ме нюжласи.

Вовторникас одз чеччи,

Не öтiк суслон вундi,

Середаас ваялi,

Четвергас лунтыр вартi,

Пятницаас тöлöтi,

Субöтаас меряйтi,

Кресенняас пируйтi,

Тятюöкöт споритi,

Сiя менö пыр видö,

Дышкучикöн пыр шуö.

Ок, тэ менам неолан,

Кöр тэ ме дынiсь мунан,

Гöглянокöн таралан?

БУРЛАЧИКА

Öтiк инька вöлöма —

Селин Бурлачика.

Мунöма бы Перемö —

Инмöма Верх-Иньваö.

Пырöм бы вокзалö —

Инмöма картаö.

Пуксьöм пароход вылö —

Инмöм сарай дор вылö.

Чу, гудокыс уксö пö —

Сiя мöсыс баксö пö.

Бурлачика, Бурлачика,

А бура я бурлачитiн?

80. УХАЖЁРРЕЗ ЛОКТÖНЫ

— Нывкаэз-бутылкаэз,

Ухажёррез локтöны,

Петöте пантавны!

Воно тай тэрмасьöны,

Юрнысö чуклялöны,

Кокнысö чапкалöны,

Öмнаныс шыннялöны,

Сапогнас дзуркöтöны,

Отопкинас рашкöны,

Нырувтаныс вашкöны.

МАРИНОК

Вöвлöм басöк Маринок,

Чочком юра, лöз синок.

Маринлöн часы вöвлöм,

Марин по часам ветлöм.

Шондi петö — гортiсь петö,

Шондi пырö — гортас пырö.

— Марин, чатыра юрок,

Рытнас берег дорас лок!

— Перво, Митю, босьт часы

Да вöлись мекöт баит!

ПЕТРА МОНЬ

Петра моньыс мунöма,

Пёдоррезö пырöма,

Кöньöс бокас чужйöма,

Асыксö чегöтöма.

Ваыс киссьöма пöлöйöн,

Пёдор видчöма слепöйöн:

— Петра монь тэ, Петра монь,

Слепöй сина ичимонь.

83. БАСÖК НЫВКА-ЯГÖДОК

Басöк нывка, кузь чикися,

Вай чикись бердат кутчися,

Сэсся юрситö малышта,

Сэсся рожатö окышта.

Чики-чок, чики-чок,

Басöк нывка-ягöдок.

Йöкты, йöкты, эн дышöтчы

Да чикисьнат эн ошшась.

84. КОКОРИНСКÖЙ

Мужикыс Кокорын олöма,

Иньыс Нёльсинiсь вöлöма.

Мужикыс — кык сина,

Иньыс — нёль сина:

Адззö нёль деревня,

Видзö нёль дружок.

КЫР ДА КЫРИКА

Кыр пукалö — пу кокалö,

Сiйö кырика кытсалö:

— Сера кыр, гортö пыр,

Сера кырикатö шыр! —

Кыр пукалö — пу кокалö,

Кырикалö кыр горалö:

— Эн видзчись, косьмöм няня,

Меным колö ыджыт няня.

МЕ ДА ТЭ

Ме — Опоня,

Тэ — Опоня,

Ме — гöрд воня,

Тэ — сьöд воня,

Ме — Герсканiсь,

Тэ — Лячканiсь,

Ме — гармоньшик,

Тэ — сюромшик.

Ме — йöктöта,

Тэ — видзöтан.

Меным — сур,

Тэныт — сюромка.

ПРИБАУТКА

Ыджыт луннас локтатö —

Сера кольтьöн вердамö,

Петыр лунöн пыратö —

Лукасовсö вызгатö,

Илля лунöн инматö —

Шаньгаöн потшшуйтамö,

А Ёгорей да Микола

Яя шыдöн вердасö.

ТЭ ГОРЕ ДА МЕ ГОРЕ

Тэ горе да ме горе,

Кытöн гореыс олö?

Шайдырас, кыдз увтас,

Огорейчас турунас,

Керкуас лабич увтас.

Кин бердын да мый бердын?

Шайдыров сьöлöм бердын.

Мужик, мужик, эн вöрöт,

Тэ горесö эн вашöт!

МАСЛЕНИЧА

Чуки-чаки кöзича,

Локтiс масленича.

Кунгыр шоныт, кунгыр кöдзыт,

Кунгыр сильнишнöй мороз.

Сильнишнöй мороз вöлöм,

Камыс пö косöй вöлöм,

Синнэс — кыдз бакаввез,

Синкыммез — кыдзи шваввез,

Кокыс — деревича,

Киыс — чунькыча.

90. ТЮКУ-ТЮКУ, ТОРОКАН

— Тюку-тюку, торокан,

Тэ, мужик, кытчö мунан?

Мый нö сивьят нöбöтан?

— Ме куреньö кая,

Яй лопатка сетiсö.

— Тэ кытöн сiйö сёян?

— Кöз увтын да мыр увтын,

Писарыс öшын увтын.

ТЮКУ-ТЮКУ

Тюку-тюку шöмашыд,

Ниндулёвöй тшакьяшыд.

Айö енлö кеймö,

Мамö кага вöдитö.

Кагалö йöв чашка,

Меным туис бражка.

92. ИНЬКАЭЗ ПÖ МУНÖН

Инькаэз пö мунö'н,

Кокöн, киöн шовкöтö'н.

Кодыр шоныт,

Кодыр кöдзыт,

Кодыр кляшшöй мороз.

НУ ДА НА

Ну да на, ну да на,

Чаньлöн кокыс чегöма,

Татариныс сёйöма,

Меным абу кольöма.

Татарин тэ, татарин,

Мыля чаньсö тэ сёйин,

Бöжсö сьöрат нуöтiн?

АЙ, КОШШИ

Ай, кошши, ай, кошши —

Ассим бабаöс адззи,

Квать сулöкöн сулöкалi.

Воевое приказал,

Всегда без всяк.

Кöс чунь Кашляк,

Сибыра моя Падусь.

95. ЗЫРЬЯН — ВОЛЬНÖЙ ЧÖЛÖВЕК

Зырьян — вольнöй чöлöвек:

Хочет — робит, оз — дак нет.

Инька пизь пожналö,

Лядьвей дорсö гыжьялö.

КУМА, ЧЕЧЧЫ

Кума, чеччы, битö шедты,

Гортö лонт, сёянтö шонт:

Еныс югдö-дзардöтö,

Шондi петö-гöрдöтö,

Челядёккет горзöны,

Юны-сёйны корöны.

СВАТТЯ, ЧЕЧЧЫ

Сваття, чеччы, битö шедты,

Гортö лонт, сёянтö шонт:

Воно гöссет локтöны,

Воротаöт пырöны —

Мыйöн нö потшшуйтан?

— Эм нянь, эм сов,

А кушмансö адззам.

98. СЬÖЛÖМ БУРМÖТАНКИ

Тпруки-тпрукитанки,

Сьöлöм бурмöтанки,

Сьöд синока Анки.

Ас саям босьта,

Горвыв сёрдын косьта.

99. ШОНДI ПЕТÖ

Шондi петö-гöрдöтö,

Кузь кок Петра ветлöтö,

Милöй другсö кытсалö,

Падуг Петра вöтлiсьö,

Пишик Сеня нюкьясьö.

САРЬЯ ЮРА

Сарья юра Татьяна,

Татьяна Ивановна —

Сыри-быри терема,

Рызi-бызi подула,

Чöлтöтöвöй проймиа.

АННА БЫКОВНА

Анна Быковна

Да Простаковна,

Тэнат вöлыт соловöй,

Васö юö шоровöй,

Турун сёйö ольöвöй;

Джынняныт кöртöвöй,

Чиння голоса.

102. СЬÖД ОЛЁНА

Сьöд Олёна абу дона —

Кык алтын да куим руб,

Серга Наста — полтораста,

Ёна Паладь — двести пять.

ЕРЕМ ОЛЯ

Ерем Оля — дзодзог голя,

Митит Нина — гагйöсь спина,

Чочоль Сана — обезьяна,

Потёв Мари — кузь поньток.

Эм Педöсся — попугай,

Койко Лидя — нятьöсь яй.

Пихта да ёлка,

Кирилл Парась — тёлка,

Кöзок да язок,

Опонь Митя — порозок.

ЫДЖЫТ КУШМАН

Ыджыт кушман —

Помечöн шедтан,

Няридзöн кыскан,

Кудымкарын тёритан,

Виль посадын жаритан.

АЛИВУЛИ

Олöма-вöлöма

Поп Анань,

Сылöн вöлöмась

Пон да кань.

Отче наш юсьöма,

Усьöма гатш,

Бергöтчöм кыминь,

Горöтчöм: «Аминь!»,

Сымда и олöм,

Сымда и вöлöм.

Аливули, каньсö кули,

Понсö костi коли.

106. ЯЩИКАС ПÖ

Ящикас пö дöра юк,

Юкас дзебöм куим руб.

Кашникас пö жиля-жоля

Грошшез тарласьöны нёля.

ТУН

Олöм тун —

Ныв пестун,

Гöрд вешьяна

Кулютун.

Гöрд вешьяныс потöма,

Сьöд колпакыс орöма.

Гöрд вешьяна

Туна-тана,

Вай-ко нывтö

Танöтам!

Öмöн орсаннэз

ТIНА-НIНА

ТУСЬ МАСЬТÖМ

УНА ГОЛОСА ЙÖКТÖТАН

108. ТУСЬ МАСЬТÖМ

Тюку-тюк, тюку-тюк, тюку-тюк,

Зуки-зук, зуки-зук, зуки-зук,

Йиги-йиг, йиги-йиг, йиги-йиг,

Гидö-гидö, гидö-гид, гид, гид!

ТIНА-НIНА

(«Кытчö тiйö мунатö?» мотивöн)

Тiна-нiна-нiна, тiна-нiна-нiна,

Тiна-нiна-нiна, нiн-на-на

Тури-тури-тури, тури-тури-тури,

Тури-тури-тури, тури-ри.

110. УНА ГОЛОСА ЙÖКТÖТАН

(Быдöнныс тшöтш сьылöны нёльнан йöктöтансö.)

1. Пики-вики, ырöш йики,

Пики-вики, ырöш йики,

Йик, йик, йик!

2. Ну да на да, ну да на да,

Ну да на да, ну да на да,

Ну да на!

3. Гыдзи-гидзи, гыдзи-гидзи,

Гыдзи-гидзи, гыдзи-гидзи,

Гидз, гидз, гидз!

4. Олёксийыс гортын абу,

Олёксийыс гортын абу,

Оз и ков!

ОБРЯД СЬЫЛАННЭЗ

Удж костаöсь

Ыждöтаннэз

Орсöтаннэз да йöктöтаннэз

Корасяннэз

Олляланнэз

Удж костаöсь

111. Ö-öтпыр — кутiм

Ö-öтпыр — кутiм,

Мö-öдпыр — кыским!

Э-эшö — кыским,

Э-эшö — вештiм!

А. Раз-два-а — босьтiм

Раз-два-а — босьтiм

Эшö раз — лэбтiм,

Местаас — пуктiм!

Ыждöтаннэз

112. БАСÖК НЫВКА

КАТЯ

112. БАСÖК НЫВКА

Басöк нывка, волькыт юра, 2-ись

Волькыт юра. 2-ись

Волькыт юра, кузь чикися, 2-ись

Кузь чикися. 2-ись

Кузь чикися, гöрд ленточка, 2-ись

Гöрд ленточка. 2-ись

Гöрд ленточка, дженыт голя, 2-ись

Дженыт голя. 2-ись

Дженыт голя, чочком йöрнöс, 2-ись

Чочком йöрнöс. 2-ись

Чочком йöрнöс, лöз дубаса, 2-ись

Лöз дубаса. 2-ись

Лöз дубаса, гöрд запона, 2-ись

Гöрд запона. 2-ись

Гöрд запона, сьöд чулкиа, 2-ись

Сьöд чулкиа. 2-ись

Сьöд чулкиа, дорöм чарки, 2-ись

Дорöм чарки. 2-ись

Дорöм чарки, горö чапки, 2-ись

Горö чапки. 2-ись

Горö чапки, пöим лоис, 2-ись

Пöим лоис. 2-ись

Пöим лоис, кунва кери, 2-ись

Кунва кери. 2-ись

Кунва кери, юр миссьöтi, 2-ись

Юр миссьöтi. 2-ись

Юр миссьöтi, чикись кыйи, 2-ись

Чикись кыйи. 2-ись.

КАТЯ

Кин жö миян бытшöмыс,

Кин жö миян басöкыс?

Лели, лели, бытшöмыс,

Лели, лели, басöкыс?

Катя миян бытшöмыс,

Катя миян басöкыс.

Лели, лели, бытшöмыс,

Лели, лели, басöкыс.

Кыдзи Катя мыччисьö,

Бытьтö шондi петыштö.

Лели, лели, мыччисьö,

Лели, лели, петыштö.

Катя печкö, ректасьö,

Катя видзлын ытшкисьö.

Лели, лели, ректасьö,

Лели, лели, ытшкисьö.

Пондас Катя вундыны —

Оз и вермы дугдыны.

Лели, лели, вундыны,

Лели, лели, дугдыны.

Петас Катя йöктыны —

Коккес асьныс ветлöны.

Лели, лели, йöктыны,

Лели, лели, ветлöны.

Кин жö миян бытшöмыс,

Кин жö миян басöкыс?

Лели, лели, бытшöмыс,

Лели, лели, басöкыс?

Катя миян бытшöмыс,

Катя миян басöкыс.

Лели, лели, бытшöмыс,

Лели, лели, басöкыс.

Орсöтаннэз да йöктöтаннэз

А МИ ПРОСА КÖДЗИМÖ

ЖОВ, ЖОВ, КАЛИНА

КАЛИН-МАЛИН МИЯН

КАТЯ, МЫЙ СЬЫЛАМ?

ЛЁНОК

МЕ ОПРОШ, ТЭ МИТРОШ

МИЯН МУЫС СЬÖДМУСИН

ОЙ ДИД-ЛАДО, ГÖРАМÖ

ПЕШНИГОРТЫН — МОКИШНА

РУК-РОК

ТОМ ОТИР

ТОРГ НА БАЗАР

ЫДЖЫТ ВÖРАС ПЫРИ

114. ЛЁНОК

Кыдз ми кöдзим да кöдзыштiм лёнок,

Кыдз ми кöдзим да баитыштлiм,

Кыкнан кокöн ми топнитыштлiм.:

«Быдмы, лён менам, чочком лёнок,

Кузя быдмы, лёнокиньöй!»

Дозирайтiн бура ми лёнок,

Дозирайтiм да баитыштлiм,

Кыкнан кокöн ми топнитыштлiм:

«Быдмы, лён менам, чочком лёнок,

Кузя быдмы, лёнокиньöй!

Эн тöждiсь, лöз цветокиньöй!»

Кыдз весöтiм, весöтiм лёнок,

Кыдз весöтiм да баитыштлiм,

Кыкнан кокöн ми топнитыштлiм:

«Быдмы, лён менам, чочком лёнок,

Кузя быдмы, лёнокиньöй!

Эн тöждiсь, лöз цветокиньöй!»

Кыдз ми нетшким да нетшким лёнок,

Кыдз ми нетшким да баитыштлiм,

Кыкнан кокöн ми топнитыштлiм:

«Быдмы, лён менам, чочком лёнок,

Кузя быдмы, лёнокиньöй!

Эн тöждiсь, лöз цветокиньöй!»

Кыдз ми печким да печкыштiм лёнок,

Кыдз ми печким да баитыштлiм,

Кыкнан кокöн ми топнитыштлiм:

«Быдмы, лён менам, чочком лёнок,

Кузя быдмы, лёнокиньöй!

Эй тöждiсь, лöз цветокиньöй!»

Кыдз ми кыйим да кыйыштiм лёнок,

Кыдз ми кыйим да баитыштлiм,

Кыкнан кокöн ми топнитыштлiм:

«Быдмы, лён менам, чочком лёнок,

Кузя быдмы, лёнокиньöй!

Эн тöждiсь, лöз цветокиньöй!»

Кыдз базарö ми кыским лёнок,

Кыдз ми кыским да баитыштлiм,

Кыкнан кокöн ми топнитыштлiм:

«Быдмы, лён менам, чочком лёнок,

Кузя быдмы, лёнокиньöй!

Эн тöждiсь, лöз цветокиньöй!»

Кыдз вузалiм, вузалiм лёнок,

Кыдз вузалiм да баитыштлiм,

Кыкнан кокöн ми топнитыштлiм,

Бокись бок вылö бергöтыштлiм:

«Быдмы, лён менам, чочком лёнок,

Кузя быдмы, лёнокиньöй!

Эн лöгась, лöз цветокиньöй!»

а. ЧУРСКИ-ЧАРСКИ-МАЧАРСКИ

Поиск по сайту