ЕНДЗОДЗОГГЕЗ, ЧОЧКОМ ЮССЕЗ

ПЕРЕМ КОМИ

ОТИР СЬЫЛАНКЫВ

ПЕРЕМ 2006

ТЕМАТИКА:

ЛИРИКА СЬЫЛАНКЫВВЕЗ

Радейтöм йылiсь

Семья-быт йылiсь

Серöмсораöсь, кулитаннэз

Öмöн орсаннэз

ОБРЯД СЬЫЛАННЭЗ

Удж костаöсь

Ыждöтаннэз

Орсöтаннэз да йöктöтаннэз

Корасяннэз

Олляланнэз

АНБУР СЬÖРТI КОШШАН

А МИ ПРОСА КÖДЗИМÖ

АЙ, КОШШИ

АЙÖ ГÖРИС, ГÖРИС

АЙÖ ДА МАМÖ ОЗ ЛЮБИТÖ

АЙÖ, МАМÖ ВИДÖНЫ

АЛИВУЛИ

АННА БЫКОВНА

АННУШКА

АННУШКА-ПЕЧКАННИЧА

АЧЫМ МЕ СЭТШÖМ ВÖВЛI

АШЫН ОДЗ ЧЕЧЧА

АШЫН, МАМА, ОДЗ ЧЕЧЧЫ

БАСÖК НЫВКА

БАСÖК НЫВКА-ЯГÖДОК

БУРА ОЛIМ

БУРЛАЧИКА

ВАЖ СЬЫЛАНКЫВ

ВИДЗЧИСИ

ВОТ ПОНЕДЕЛЬНИК

ВÖРЫН

ГАЖА ВИДЗ ВЫЛÖТ МУНА

ГРОБÖ ПУКТIКÖ

ДЗЕБИКÖ

ДЫР КОТРАСЯН — МАМЫТ ВИДÖ

ЕНДЗОДЗОГГЕЗ, ЧОЧКОМ ЮССЕЗ

ЕНЫС ЗЭРÖ

ЕРЕМ ОЛЯ

ЖОВ, ЖОВ, КАЛИНА

ЖÖНИК САЙÖ СЕТАН ПЕСНЯ

ЗИНА

ЗЫРЬЯН — ВОЛЬНÖЙ ЧÖЛÖВЕК

ИНЬКАЫС ЖÖНИКЫСЛÖ ВИСЬТАЛÖМА

ИНЬКАЭЗ ПÖ МУНÖН

КАЛИН-МАЛИН МИЯН

КАТЯ

КАТЯ, МЫЙ СЬЫЛАМ?

КАТЯ, ПЕТ

КИЛЬЧИ-КОКОЛЬЧИ

КОКОРИНСКÖЙ

КОЛЬЧО

КОРАБ СУВТIС

КОРАСЬÖМ

КОТОМКАÖС ТЭЧИ

КОТОМОЧКА МЕНЫМ ОДЗ ТЭЧИСÖ

КÖБЫВÖЛI

КÖБЫМЕ МУЖИК ВÖЛI

КÖЗОКÖЙ

КУЗНЕЦ ЧЕРРЕЗ КАМГÖ-ДОРÖ

КУМА, ЧЕЧЧЫ

КУМУШКА МЕНАМ

КЫДЗ ТАЙ АНТИПЫС ЛЭДЗЧÖМ

КЫДЗКÖ ÖТIК КЕРКУЫН

КЫМÖР КАЙÖ

КЫМÖР КАЙÖ, КЫМÖР КАЙÖ

КЫР ДА КЫРИКА

КЫТÖН МЕНАМ ЛЮБУШКА?

КЫТÖН СÖКÖЛНЫМ

КЫТЧÖ МУНАН, КОМИ НЫВ?

КЫТЧÖ ТIЙÖ МУНАТÖ?

ЛЁН

ЛЁНОК

МАЛИНАВНЫКАЯМÖ

МАРИНОК

МАСЛЕНИЧА

МЕ ДА ТЭ

МЕ МУНI КУЗЬ ТУЙ КУЗЯ

МЕ ОПРОШ, ТЭ МИТРОШ

МИЯН МУЫС СЬÖДМУСИН

МÖДÖРАС КЕДРА СУЛАЛÖ

МУНI КÖ, МУНI

МУНI МЕ, МУНI

МУНА ГАЖАÖ ДЫНÖ

МУНА МЕ, МУНА

НЁЛЬ ВОН ЙЫЛIСЬ

НОВОБРАН

НУ ДА НА

НЫВКАЭЗ

ОДЗ ЧЕЧЧА

ОЙ ДИД-ЛАДО, ГÖРАМÖ

ОЙ ТЭ, ОЛАН НИ ТЭ

ОЙ ТЭ, ЫБÖЙ

ОЙ, НУ ДА ОЙНУШКИ

ОЛI МЕ, ТÖЖДIСИ ПЫР

ОШ ПЕСНЯ

Ö-öтпыр — кутiм

ÖКТI, ÖКТI ЯГÖДСÖ

ÖШЫН УВТАМ

ПАСЬКЫТ ГАЖА УЛИЦА

ПЕТРА МОНЬ

ПЕТРУ ВАНЮ

ПЕШНИГОРТЫН — МОКИШНА

ПОТЛАСЬÖНЫСНАРЯДДЭЗ

ПОТЯ

ПРИБАУТКА

Раз-два-а — босьтiм

РАЮШКА

РУК-РОК

САРЬЯ ЮРА

СВАТТЯ, ЧЕЧЧЫ

СИРОТА

СОЛДАТЫН

СЧАСТЬЕ КОШШÖМ

СЬÖД ОЛЁНА

СЬÖЛÖМ БУРМÖТАНКИ

СЬÖЛÖМ ВИСЬÖ

СЬЫЛI, ЙÖКТI

ТIНА-НIНА

ТОМ ОТИР

ТОРГ НА БАЗАР

ТПРУКА-НУКА

ТРУ-ЛЯ-ЛЯ

ТУЛЫС ЛОКТАС ГАЖ-ГАЖ

ТУН

ТУРИ ПРУД ВЫЛЫН ПУКАЛÖ

ТУРУ-ТУРУ, СЕНЬКА

ТУСЬ МАСЬТÖМ

ТЫРЫРЫСÖ БЫСЬЫЛI

ТЭ ГОРЕ ДА МЕ ГОРЕ

ТЮКУ-ТЮКУ

ТЮКУ-ТЮКУ, ТОРОКАН

УДЖАЛIСЬ ЗОН

УНА ГОЛОСА ЙÖКТÖТАН

УНА НЫВВЕЗ ЧУКÖРТЧИСÖ

УНА ЧЕЛЯДЯ ОЛАН

УХАЖЁРРЕЗ ЛОКТÖНЫ

ЧИКИСЬ

ЧОЧКОМ ЦВЕТКИ

ЧÖЖÖГЫС УЙÖ

ЧУРСКИ-ЧАРСКИ-МАЧАРСКИ

ШОЙНА ДОРЫН КАСЬТIСИКÖ

ШОНДI ПЕТÖ

ШОНДI ПЕТÖ-ГÖРДÖТÖ

ШОРЫС КОЛА КЫЛÖ

ШУДТÖМ МОРТ

ЫДЖЫТ ВÖРАС ПЫРИ

ЫДЖЫТ КУШМАН

ЯЩИКАС ПÖ

ЛИРИКА СЬЫЛАНКЫВВЕЗ

Радейтöм йылiсь

Семья-быт йылiсь

Серöмсораöсь, кулитаннэз

Öмöн орсаннэз

Радейтöм йылiсь

ЕНЫС ЗЭРÖ

КЫМÖР КАЙÖ

КЫМÖР КАЙÖ, КЫМÖР КАЙÖ

МУНА ГАЖАÖ ДЫНÖ

СЬÖЛÖМ ВИСЬÖ

1. КЫМÖР КАЙÖ

Кымöр кайö, кымöр кайö,

Ог тöд, ог тöд, зэрас, оз.

Милöй локтö, милöй локтö,

Ог тöд, ог тöд, кежас, оз.

Оз кö кеж, дак лöгася,

Гортö муна, висьтася.

Кежас, дак эд туяс кутны,

Оз кеж, дак эд нем он кер.

Муна милöйöлö паныт:

— Петя, Петя, ме дын кеж!

1а. КЫМÖР КАЙÖ, КЫМÖР КАЙÖ

Кымöр кайö, кымöр кайö,

Ог тöд, зэрас али оз.

Милöй локтö, милöй локтö,

Ог тöд, пырас али оз.

Ок, тэ милöй, ок тэ милöй,

Кöр и локтан, кöр и он.

Ок тэ, милöй, ок тэ, милöй,

Кöр и пыран, кöр и он.

Кымöр кайис, кымöр кайис,

Кымöр кайис да зэрис.

Милöй локтiс, милöй локтiс,

Локтiс, ме ордö пырис.

2. МУНА ГАЖАÖ ДЫНÖ

Юриньöй менам висьö,

Сьöлöминьöй менам тöждö.

Мый понда висьö,

Мый понда тöждö —

Ачым ме тöда,

Ачым вежöрта:

Абу мекöт гажаö,

Сьöлöм бурмöтiсьö.

Айиньöй да маминьöй,

Лэдзö менö дядьö ордö,

Лэдзö-ко тёткаö ордö:

Нiя менö корöны,

Нiя менö видзчисьöны.

Айиньöй да маминьöй

Лэдзасö дядьö ордö,

Лэдзасö тётка ордö.

Муна ме сы дынö —

Сьöлöм бурмöтiсь дынö,

Ой, да гажаö дынö.

3. ЕНЫС ЗЭРÖ

Еныс зэрö, еныс зэрö,

Сё ни мусö кöтöтас.

Серга локтö, Серга локтö,

Сё ни бердас ыжмитас.

Еныс зэрис, еныс зэрис,

Мусö бура кöтöтiс.

Серга локтiс да и мунiс,

Менчим сьöлöм нуöтiс.

Муна сэтчин, муна сы дын

Ассим сьöлöм кошшыны.

Серга, Серга, паныт лок!

4. СЬÖЛÖМ ВИСЬÖ

Сьöлöм висьö, сьöлöм доймö,

Мый ме понда кернытö?

Муна лэдзча Вöзъясимас,

Вода небыт турунас,

Горöн понда шутнявны,

Норöн песня нюжöта,

Ассим милöй саймöта,

Чöскыт онсö вашöта.

Сьöлöм висьö, оз сет узьны,

Лок жö сьöлöмöс бурмöт,

Сьöкыт думаöс вашöт.

Семья-быт йылiсь

АЙÖ ГÖРИС, ГÖРИС

АЙÖ ДА МАМÖ ОЗ ЛЮБИТÖ

АЙÖ, МАМÖ ВИДÖНЫ

АННУШКА

АННУШКА-ПЕЧКАННИЧА

АЧЫМ МЕ СЭТШÖМ ВÖВЛI

АШЫН, МАМА, ОДЗ ЧЕЧЧЫ

БУРА ОЛIМ

ВАЖ СЬЫЛАНКЫВ

ВÖРЫН

ВИДЗЧИСИ

ГАЖА ВИДЗ ВЫЛÖТ МУНА

ДЫР КОТРАСЯН — МАМЫТ ВИДÖ

ЕНДЗОДЗОГГЕЗ, ЧОЧКОМ ЮССЕЗ

ЖÖНИК САЙÖ СЕТАН ПЕСНЯ

ЗИНА

ИНЬКАЫС ЖÖНИКЫСЛÖ ВИСЬТАЛÖМА

КОЛЬЧО

КОРАБ СУВТIС

КОРАСЬÖМ

КОТОМКАÖС ТЭЧИ

КОТОМОЧКА МЕНЫМ ОДЗ ТЭЧИСÖ

КÖБЫВÖЛI

КÖБЫМЕ МУЖИК ВÖЛI

КÖЗОКÖЙ

КУЗНЕЦ ЧЕРРЕЗ КАМГÖ-ДОРÖ

КУМУШКА МЕНАМ

КЫДЗ ТАЙ АНТИПЫС ЛЭДЗЧÖМ

КЫДЗКÖ ÖТIК КЕРКУЫН

КЫТÖН МЕНАМ ЛЮБУШКА?

КЫТÖН СÖКÖЛНЫМ

КЫТЧÖ МУНАН, КОМИ НЫВ?

КЫТЧÖ ТIЙÖ МУНАТÖ?

ЛЁН

МАЛИНАВНЫКАЯМÖ

МЕ МУНI КУЗЬ ТУЙ КУЗЯ

МÖДÖРАС КЕДРА СУЛАЛÖ

МУНI КÖ, МУНI

МУНI МЕ, МУНI

МУНА МЕ, МУНА

НЁЛЬ ВОН ЙЫЛIСЬ

НОВОБРАН

НЫВКАЭЗ

ОЙ ТЭ, ОЛАН НИ ТЭ

ОЙ ТЭ, ЫБÖЙ

ОЙ, НУ ДА ОЙНУШКИ

ОЛI МЕ, ТÖЖДIСИ ПЫР

ÖКТI, ÖКТI ЯГÖДСÖ

ÖШЫН УВТАМ

ПАСЬКЫТ ГАЖА УЛИЦА

ПОТЛАСЬÖНЫСНАРЯДДЭЗ

ПОТЯ

РАЮШКА

СИРОТА

СОЛДАТЫН

СЧАСТЬЕ КОШШÖМ

СЬЫЛI, ЙÖКТI

ТУЛЫС ЛОКТАС ГАЖ-ГАЖ

ТУРИ ПРУД ВЫЛЫН ПУКАЛÖ

ТЫРЫРЫСÖ БЫСЬЫЛI

УДЖАЛIСЬ ЗОН

УНА НЫВВЕЗ ЧУКÖРТЧИСÖ

УНА ЧЕЛЯДЯ ОЛАН

ЧИКИСЬ

ЧОЧКОМ ЦВЕТКИ

ЧÖЖÖГЫС УЙÖ

ЧУРСКИ-ЧАРСКИ-МАЧАРСКИ

ШОНДI ПЕТÖ-ГÖРДÖТÖ

ШОРЫС КОЛА КЫЛÖ

ШУДТÖМ МОРТ

АШЫН, МАМА, ОДЗ ЧЕЧЧЫ

Ашын, мама, одз чеччы,

Меным котомка лöсьöт:

Кый волыссэз кызжыкöсь,

Да кöртав зэлытжыка —

Менам туйö кузь лоас,

Ась волысö оз пöрччась.

Быдтiн зонтö, зорöтiн,

Юрвердiсьö лöсьöтiн...

Кывтас, натьтö, ва шöрöт

Лöсьöтöмыт-чайтöмыт —

Берег дорас оз люкась,

Ыджыт кöджас оз кышась,

Сiдз и кывтас ва ньылат,

Ва ньылат саридз дорöдз.

Саридзыс пö гидзöма,

Чочком быгöн тырöма,

Ыждалö да горалö.

6. КЫТЧÖ ТIЙÖ МУНАТÖ?

Кытчö тiйö мунатö,

Мыля менö колятö?

Кыдз ме понда овнытö,

Ойлунсö чулöтнытö,

Мичаэсö луннэсö,

Гажаэсö рыттэсö?

Мича лунöн оз уджöт,

Гажа рытöн оз узьöт.

Тулысыс эд гаж, гаж,

Гожумыс эд жар, жар.

Кыдз эд гожумыс локтö,

Сякöй туруныс петö,

Сякöй цветнас цветитö,

Зелёнöйнас, чочкомнас,

Голубöйнас, алöйнас.

Сякöй цветнас цветитö,

Сякöй дукнас нöбöтö,

Кыдз эд листыс потö,

Сiдз и сьöлöмö потö.

— Мийö мунам даль, даль,

Гортным кольччö жаль, жаль.

Мунам гортiсь вопотки,

Гортын кольччö отопки.

Мунамö бурлачитны,

Деньгасö заробитны.

Куим руб — не деньга,

Кык копейка — деньга.

7. МУНI КÖ, МУНI

Мунi кö, мунi кузь туй кузяöт,

Пукси кö, пукси колода вылö. 2-ись

Пешлi кö, пешлi котомочкаöс. 2-ись

Айö да мамö изтор пуктöмась. 2-ись

Дедö да бабö шомтор пуктöмась. 2-ись

Сойö да вонö багсьöм нянь пуктöмась. 2-ись

Изторсö курччöвтi да пиньö чегис. 2-ись

Шомторсö курччöвтi — тырпö самис. 2-ись

Багсьöм няньсö курччöвтi — пиньö йöрмис.

7а. СЧАСТЬЕ КОШШÖМ

Мунi кö, мунi кузь туй кузя,

Локтi ме, локтi дженыт туй кузя. 2-ись

Пукси ме, пукси колода вылö. 2-ись

Пешлi ме, пешлi котомочкаöс. 2-ись

Айö да мамö пуктöмась изтор. 2-ись

Сойö да вонö пуктöмась шомтор. 2-ись

Дедö да бабö багсьöм няньтор пуктöмась. 2-ись

Изсö курччöвтi — пиньöс чеги. 2-ись

Шомторсö курччöвтi — öмöс садi. 2-ись

Багсьöм няньсö курччöвтi — горшам пуксис. 2-ись

Öт бокам видзöтi — пемыт вöр кайöм. 2-ись

Мöд бокам видзöтi — кузь вöр быдмöм. 2-ись

Бöрам видзöтi — нывка да зонка. 2-ись

Одзам видзöтi — сьöла да ябыр. 2-ись

Муна кö, муна ме кузь туй кузя.

Б. МУНI МЕ, МУНI

Мунi ме, мунi кузь туй кузя,

Локтi ме, локтi веж нюр дорö.

Мышкам видзöтi — сьöд вöр кайö,

Одзам видзöтi — кымöр кайö.

Öт бокам видзöтi — сера сьöла,

Мöд бокам видзöтi — нывка Дарья.

Сера сьöла полётывает,

Нывка Дарья поигрывает.

Сойö да вонö матын абу,

Айö да мамö некытöн абу.

В. МУНА МЕ, МУНА

Муна ме, муна кузь туй кузя,

Локта ме, локта сьöд вöр шöрö,

Пукся ме, пукся колода вылö,

Пешла ме, пешла котомочкасим —

Айö да мамö сухари пуктöмась,

Сойö да вонö нянь край пуктöмась,

Дедö да бабö совтор пуктöмась.

Öт бокам видзöта — сьöд вöр сулалö,

Мöдöрö видзöта — сьöд ойтыр сулалö,

Одзам видзöта — гу тай сулалö,

Гу пытшкас нывка пукалö,

Нывкаыслöн нимыс Вася,

Нимыс Вася да ачыс пася,

Пась пырьяас йöрнöсыс тыдалö,

Йöрнöсыс пырьяас яйыс тыдалö,

Яйыс пырья быдöс тыдалö.

8. АЙÖ ДА МАМÖ ОЗ ЛЮБИТÖ

Айö да мамö оз любитö,

Сойö да вонö оз радейтö,

Менö гортiсь вашöтöны,

Менö воддя вылö иньдöтöны,

Рытсянь котомочка тэчöны,

Не ыджытö, не зэлытö —

Котомочка учöтö да личытö,

Волыса котомочка.

Босьта ме, босьта котомочка,

Босьта ме, босьта бедьсö,

Муна ме, муна кузь туй кузя,

Пыра ме, пыра сьöд вöр шöрö,

Адзза ме, адзза ыджыт кöз,

Кая ме, кая ыджыт кöз йылас,

Видзöта ме, видзöта вöр саяс:

Оз я гортiсь ягыс тыдав,

Оз я менö мамö кытсав?

А. ОЙ ТЭ, ОЛАН НИ ТЭ

Ой тэ, олан ни тэ, менам олан!

Айö не мамö менö оз любитö,

Вонö не сойö менö оз жалейтö.

Босьта ме ассим простöй котомкаöс,

Босьта ме киам волькыт бедьöс,

Муна ме, муна паськыт туй кузяс,

Муна да пыра ме сьöд вöр шöрас.

Пукта ме му вылас котомкаöс,

Кая ме, кая вылын кöз йылас,

Видзöта ме, видзöта горт ладорö,

Ог я ме айöс-мамöс адззыв,

Ог я ме сойöс-вонöс казяв.

9. КОТОМКАÖС ТЭЧИ

Котомкаöс тэчи

Да мунi кузь туй кузяс.

Локтi ме, локтi

Лапыт кöз увтö,

Вылын вужьяö.

Пукси тай, пукси

Лапыт кöз увтас,

Вылын вужьяас.

Котомкасим кыски

Сухар — карс курччöвтi.

Öт бокам видзöтi —

Сэтöн кораб локтö,

Корабас видзöтi —

Сэтöн сойö да вонö.

— Сойиньöй, вонiньöй,

Проститчам-ко мекöт!

— Роднöй вонiньöй тэ,

Рад бы эд проститчим,

Да кораб оз сулав. —

Мöд бокам видзöтi —

Сэтöн кораб локтö.

Корабас видзöтi —

Сэтöн айö да мамö.

— Айиньöй, маминьöй,

Проститчам-ко мекöт!

— Роднöй дитятко тэ,

Рад бы эд проститчим,

Да кораб оз сулав!

9а. КОТОМОЧКА МЕНЫМ ОДЗ ТЭЧИСÖ

Котомочка меным одз тэчисö,

Нелюбöйöс гортiсь вашöтiсö.

Мунi ме, мунi кузь туй кузяс,

Мыдзи да пукси колода вылö.

Видзöта öтмöдöрö — кайöм сьöд вöр,

Вывлань видзöта — ыджыт сьöд кымöр.

Осьтi ме котомочкаöс,

Видзöтi гортсяням пуктöм пöтöс.

Айö да мамö изтор пуктöмась,

Сойö да вонö шомтор пуктöмась.

Курччöвтi изторсö — пиньö чегис,

Курччöвтi шомторсö — тырпö самис.

ПОТЯ

— Потя тэ, Потя, кытчö ветлiн?

— Воддяö ветлi.

Котомаö бырсис,

Няньö сёйсис.

Пыри вöрö,

Кöз увтö пукси,

Котомаöс осьтi,

А сiя простöй.

Гортö тöдвылам усис:

Айö не мамö оз жалейтö,

Сойö не вонö оз радейтö.

11. КÖБЫМЕ МУЖИК ВÖЛI

Кöбы ме мужик вöлi,

Мунi бы бурлачитны.

Сизим год бурлачитi —

Сизим рубсö шедтi бы.

Шедтi бы да шедтi бы,

Гармоннясö босьтi бы,

Ыб вылас бы кайыштi,

Межа вылас пуксьыштi,

Пики-вики керыштi.

Кузьвинка бы локтыштiс,

Бокöн-бокöн йöктыштiс.

Кокнас топнитiс бы,

Кинас шовкнитiс бы,

Мöднас макнитiс бы,

Юрнас качнитiс бы.

Лöз дубассö лэбтыштiс —

Чочком юбка тыдыштiс.

ТУЛЫС ЛОКТАС ГАЖ-ГАЖ

Тулыс локтас гаж-гаж,

Гожум локтас жар-жар.

Кöбы ме мужик вöлi,

Бурлачитны бы ветлi.

Бурлачитны бы ветлi,

Уна деньга бы шедтi.

Уна деньга бы шедтi,

Гармоннясö босьтыштi.

Гармоннясö босьтыштi,

Виль чышьянö каттьыштi.

Виль чышьянö каттьыштi,

Кама дорас петыштi.

Кама дорас петыштi,

Басöк нывка кутыштi.

Басöк нывка кутыштi,

Нёнькасö бы шупнитi.

Нёнькасö бы шупнитi,

Пельдынам бы шовкнитiс.

Пельдынам бы шовкнитiс,

Гармоння бы паськöтi.

Гармоння бы паськöтi,

Берег дорас пуксьыштi.

Берег дорас пуксьыштi,

Пикöстi да викöстi.

Пикöстi да викöстi,

Ассим сьöлöм гажöтi.

13. КÖБЫВÖЛI

Кöбы вöлi ме здоровöй,

Бурлачитны бы ветлi.

Ой ли, ой люли, да,

Бурлачитны бы ветлi.

Öтiк тöв бы ветлöтi,

Рубсö-кыксö бы шедтi.

Ой ли, ой люли, да,

Рубсö-кыксö бы шедтi.

Деньга эм — и пряник эм,

Пряник эм — и нывка эм.

Ой ли, ой люли, да,

Пряник эм — и нывка эм.

ОЙ, НУ ДА ОЙНУШКИ

Ой, ну да, ой, ну да ойнушки,

Локтiсö, вöтiсö горюшки:

Керкуокыс да киссьö, ой да киссьö,

ох, киссьö;

Няньыс быдöс бырсьöм, ой да бырсьöм,

ох, бырсьöм;

Поньтокжугыс, ой да киссьöм, ой да киссьöм,

ох, киссьöм;

Вöлокыс сёйöм, ой да сёйöм да кулöм,

ох, кулöм;

А мöсокыс сёйöм, ой да сёйöм да потöм,

ох, потöм.

Подать корöны бура, ох, да староста лöг вовлiс,

Мöдö босьтны подасö: баля, порссез гижис.

Ой, ну ойнушки, ойнушки-ой.

Ой, ну ойнушки!

15. ОЛI МЕ, ТÖЖДIСИ ПЫР

Олi ме, тöждiси пыр,

Бур олансö эг адззыв.

Шондi петö — коклын ме,

А кымöссим ва лэдзчö.

Сiдз уджалан тэ лунтыр,

Аслыт места он адззыв.

Гортö локтан — инь видö,

Весьолiсьöн пыр шуö.

Челядёккез горзöны,

Юны-сёйны корöны.

Ох тэ, менам неолан,

Кöр тэ ме дынiсь мунан,

Кыдз гöглян тарöвтчыштан?

Мун жö чожжык, умöль лун,

Менö коль, кымöра ой, —

Гажа песня оз понды

Керкуись петавны.

СИРОТА

Сирота тэ, сирота, айтöм-мамтöминьöй,

Сьöд йöрнöсöй, пашмöм юриньöй!

Некинлö тэнö, сиротаöс, удны-верднытö,

Юр сынавны, миссьöтны-мавтнытö.

Быдман тэ, сиротаиньöй, дзик понпиян:

Олан я тшыгйöн тэ, олан я пöт тэ —

Некин оз тöждiсь, некин оз юась.

Висьтав, сирота, миянлö бытшöм кыв,

Гажöт миянöс гора песняöн.

— Бур тiянлö, челядь, да баитнытö,

Кöр тi сёйитö-öбедайтiтö,

А ме тöн водi — луннас эг пажнайт,

Талун асывнас öмам крöшки эз вöв!

17. КЫДЗ ТАЙ АНТИПЫС ЛЭДЗЧÖМ

Кыдз тай Антипыс лэдзчöм вöв юктавны,

А Антипикаыс лэдзчöм ва кайöтны.

Антипыс му вылiсь кай казялöма,

Сылö галяöн сiя шупкöма.

Иньыс сы дын матын вöлöма,

Сiя иньыслö юрас инмöма.

Антип гортас каяс — челядь горзöны:

— Ох тэ, айиньöй, кытöн мамным миян?

— Ох тi, челядь менам, дугдö горзыны,

Тiян мамныт локтас, сiя мöс высьтö.

— Мыйкö мамным тай öддьöн дыр оз лок?

— Сiя вöррезын тшак-ягöд öктö.

— Ох тэ, айиньöй, эн жö бöбöтлы,

Миян маминьöй тай уль муын куйлö.

— Ох тi, челядь менам, ме виль керку кера,

Виль керку кера да виль мам вайöта.

— Ох тэ, айиньöй, виль керкуыс оз ков,

Виль керкуыс оз ков и виль мамыс оз ков.

18. ИНЬКАЫС ЖÖНИКЫСЛÖ ВИСЬТАЛÖМА

Инькаыс жöникыслö висьталöма:

— Балясö вузав — меным цвета чышьян босьт;

Порсьсö вузав — меным кизя чарки босьт;

Мöссö вузав — меным гöрд сарафан босьт,

Вöвтö вузав — меным партшовöй гуня босьт.

Жöникыс инькаыслö висьталöма:

— Цвета чышьянтö эг на ме босьт,

Кизя чаркитö эг на ме босьт,

Гöрд сарафантö эг на ме босьт,

Партшовöй гунятö ме босьтi ни,

Муна вая да меряйтам инö —

Петас да пыртас кыдзовöй шать...

19. МÖДÖРАС КЕДРА СУЛАЛÖ

Мöдöрас кедра сулалö,

Таланьын кыдз сулалö.

Мöдöрас кедраыс гажа,

Таланьын кыдзыс гажтöм.

Сэтчин зонка сералö,

Татöн нывка горзö —

Гортыскöт янсöтчö,

Пыр кежö прощайтчö.

КОРАБ СУВТIС

Кораб сувтiс, да чочком сувтiс.

«Прощай-ко, дитятко, прощай-ко!»

«Рад бы — прощай, да сьöд юрыс оз лэдз!»

«Норовит-ко, сьöд юр, норовит-ко, злодень

Прощу бы, прощу — нылöс прощу».

«Не тэнат ни нылыт, сiя менам ни».

УНА ЧЕЛЯДЯ ОЛАН

Челядь менам — кашкавда,

Вит «кашникöс» быдта.

Ой и лун ме уджала,

Тшыг не пöт ола.

Горсö лонта — нем пуны,

Пызан вылас нем вайны.

Муна Ордюас пета,

Луктурун одзöста,

Лукасов кера,

Мало-мальски вердышта,

— Челядь, видз вылö мунам,

Веж пикансö öктам,

Таганка вадзöтам

Да лязгай пуам —

Тожно пöттöдз сёям.

22. АЙÖ, МАМÖ ВИДÖНЫ

Айö, мамö видöны,

Весьолiсьöн шуöны:

Ме пö няньсö уна сёя,

Ырöшсö уна юа.

Тэча, тэча котомка,

Гортiсь пыр кежö муна,

Аслам нянь вылö

Да ырöш вылö,

Мымда шедта —

Сымда сёя,

Мымда шедта —

Сымда юа.

23. ДЫР КОТРАСЯН — МАМЫТ ВИДÖ

Дыр котрасян — мамыт видö,

Айыт посöдзас шать мыччалö:

— Ноко висьтав, кытöн ветлöтiн,

Кинкöт, нывка, рыт чулöтiн?

— Кытöн вöлi ме — сэтчин абу,

Кинкöт вöлi ме — некин оз тöд.

Мамыт видö — овны велöтö,

Айыт вартлö — умтö содтö.

24. РАЮШКА

Айö-мамö, ой, быдтiсö,

Раюшкаöн, ой, шувлiсö,

Няняшыдöн, ой, вердiсö,

Няняшыдöн, да ой, вердiсö.

— Маминьöй тэ, ой, маминьöй,

Лэдз-ко менö, ой, гуляйтны,

Деревнясö, да ой, гöгöртны.

Раюшка тэ, ой, Раюшка,

Басöк нима, ой, чадушка,

Ветлы-ко, ой, гуляйтышт-ко,

Ветлы-ко, да ой, гуляйтышт-ко.

Ачым ме сэтшöм, ой, вöвлi,

Кресенняöн, ой, гуляйтлi,

Милöй другкöт, ой, адззисьлi,

Милöй другкöт, да ой, адззисьлi.

Раюшка, ой, пасьтасьыштiс,

Улицаö, ой, петыштiс —

Милöй другыс, ой, видзчисьö,

Милöй другыс, да ой, видзчисьö.

25. АЙÖ ГÖРИС, ГÖРИС

Айö гöрис, гöрис, ой да,

Кокнит гöрöн, ой да,

Боёк вöлöн.

Вонö кöдзис, кöдзис, ой да,

Кöдзис зöрсö, ой да,

Ыджыт кудiсь.

Ме пинялi, пинялi, ой да,

Доль и поперёг, ой да,

Сёрöдз рытöдз.

Милöй локтiс, локтiс, ой да,

Вожжи кутыштiс, ой да,

Менö вежис:

— Анну, Аннушка, ой да,

Мун чышкöттэз кый, ой да,

Мун козин лöсьöт!

26. ЖÖНИК САЙÖ СЕТАН ПЕСНЯ

Мыля нö менö, айиньöй-маминьöй,

Родимöй вонiньöй,

Сёйöмöн-сёятö —

Жöник сайö сетатö,

Нелюбöй сайö?

Ме я тiянлö эг вöв уджалiсь,

Ме я одзлань эг ветлы

Постатьöн, покосöн?

Ме я эг ветлöт гöр бöрсянь?

Но мыля жö нö

Тiйö менö вашöтат,

Вашöтат жöник сайö,

Не Ваню сайö?

Ме чожажык ас вывтам

Пукта киэзöс,

Пыра ме петляö,

Но ог мун ме жöник сайö,

Нелюбöй сайö.

Одö тiйö тöдö,

Мый керсьö сьöлöм вылам.

Öддьöн ме кора,

Еныслö юрбита:

Сетö жö менö жöник сайö —

Ваню сайö.

27. КЫДЗКÖ ÖТIК КЕРКУЫН

Кыдзкö öтiк керкуын

Сур да брага юисö —

Свадьба чулöтiсö.

Перинаэз вайöны,

Дарьяöс кытсалöны —

Узьны водтöтöны.

Петiс да Дарьюшка,

Петiс Петровановна,

Пондiс юасьны:

— Кыт, Опонассюшко,

Талун тэ ветлöтiн?

— Тестьö ордын, Дарьюшка,

Талун ме гöститi.

— Мый, Опонассюшко,

Тестьыт козьналiс?

— Тестьö козьналiс

Воронöйö вöв.

— Мый, Опонассюшко,

Тёщаыт козьналiс?

— Тёщаö козьналiс

Ноёвöй кафтан.

— Мый, Опонассюшко,

Шуриныт козьналiс?

— Шуринö козьналiс

Сера кошова.

— Мый, Опонассюшко,

Свестяыт козьналiс?

Свестяö козьналiс

Кручонка йöрнöс.

— Мый, Опонассюшко,

Невестаыт козьналiс?

— Невестаö козьналiс

Асьсö быдсöн.

ЧИКИСЬ

Чикись менам, чикисёк,

Ровно лёновöй сöдзок.

Гуляй, гуляй, чикисёк,

Гöтыр лунтö эн видзчись —

Локтасö, путшöтасö,

Кык вожйö вожöтасö,

Джоджулö водтöтасö.

29. ШУДТÖМ МОРТ

Беднöй морт, шудтöм морт,

Олi срокын уна год.

Уна год тöждiси пыр,

Югыт лунсö эг адззыв,

Чöскыт няньсö эг сёйлы,

Шоччисьöмсö эг тöдлы.

Локтi гортö мамö дын,

Локтi гортö айö дын.

Айö дын да мамö дын —

Кыдз югыт шондi увтын.

Йöзас узьнытö чорыт,

Йöзас шондiыс кöдзыт.

УДЖАЛIСЬ ЗОН

Ме и вöвнас уджала,

Ме и чернас уджала.

И косанас верма,

И чарланас кужа.

Абу проктöм ме,

Абу ылöстöм ме.

Тятька, некрутö эн сет,

Бурлачитны эн мöдöт.

Мама, кошшы меным гöтыр,

Мама, кошшы аслыт монь, —

Кöть базарись, кöть Кайсарись,

Кöть и этасся ылiсь.

НЫВКАЭЗ

Нывкаэз тiйö, нывкаэз,

Да кытчö тiйö мунатö?

Кытчö тiйö мунатö

Да мыля менö колятö?

Кыдз ме понда овнытö

Да ойлунсö чулöтнытö,

Да мылаöс бырöтнытö?

Ок тэ, менам тэ олан,

Кöр тэ ме дынiсь мунан

Да вакрамеш сайö ылö?!

Муна, муна гортiсь ме,

Пыра монастырьö,

Сувта пидзöс вылам,

Понда ме юрбитны:

Сет жö меным тэ, енiньöй,

Бур олан счастливöй.

32. СЬЫЛI, ЙÖКТI

Сьылi бура, йöктi бура,

Квать пöлянöн пöляси —

Вольгумöвöй, пиканöвöй,

Логöвöй да шорöвöй,

Видзöвöй, пöлянöвöй,

Волькыт-гладьыт шёлкöвöй.

Öтчид пöльышта-льышта,

Мöдчид сьылышта-лышта.

ВАЖ СЬЫЛАНКЫВ

Босьта ме коросьсö

Да джоджöс чышкышта,

Да ёгсö чапкышта,

Киэзöс миськышта,

Да ведраэзöс босьта,

Öшмöс дорö лэдзча,

Васö гумышта.

Васö гумышта

Да милöйöс касьтышта.

Милöйöс касьтышта —

Сьöлöмöс лöньсьöта.

34. ЧÖЖÖГЫС УЙÖ

Чöжöгыс уйö,

Чöжöгыс уйö —

Васö юклалö,

Визывсö юклалö.

Семёныс локтö,

Семёныс локтö —

Сапог дзуркöтö,

Сьылöмöн дзуркöтö.

— Здорово олат,

Здорово олат!

— Лок жö нянь сёйны,

Лок жö нянь сёйны,

Лок пельнянь сёйны!

35. ЧОЧКОМ ЦВЕТКИ

Чочком цветки, чочком цветки,

Тэ эн быдмы туй дорас,

Паськыт туй дор,

Паськыт туй дорас.

Инька мунас туй кузя —

Чужьяс тэныт зубыта,

Öддьöн зубыт,

Öддьöн зубыта.

Мужик мунас туй кузя —

Тальччас тэныт юр вылат,

Волькыт юр выл,

Волькыт юр вылат.

Зонка мунас туй кузя —

Чочком цветки орöтас,

Чочком цветки,

Чочком цветки орöтас.

36. ЕНДЗОДЗОГГЕЗ, ЧОЧКОМ ЮССЕЗ

Ендзодзоггез, чочком юссез

Ой, горт вевдöрöт лэбзьöны

Ендзодзоггез, чочком юссез,

Ой, кытчö тiйö лэбзятö?

Ендзодзоггез, чочком юссез,

Ой, кытчö тiйö мунатö?

Ендзодзоггез, чочком юссез,

Ой, кытчö тiйö пуксятö?

Ендзодзоггез, чочком юссез,

Ой, саридз сайö пуксятö.

Ендзодзоггез, чочком юссез,

Ой, вижгö тöв — пу кусiньтö.

Ендзодзоггез, чочком юссез,

Ой, кöдзыт зэррезöн кисьтö.

Ендзодзоггез, чочком юссез,

Ой, умöль кадсис од полö.

Ендзодзоггез, чочком юссез,

Ой, кытчö тiйö лэбзятö?

Ендзодзоггез, чочком юссез,

Ой, мыйлö гортiсь мунатö?

Ендзодзоггез, чочком юссез,

Ой, синвананыт горзатö.

37. КОРАСЬÖМ