VI классын вомгора да гижан уджъяс




V КЛАСС (70 час)

Темаяс, велöданторлöн сюрöсыс   Велöдчысьлöн удж
I ЮКÖН. ВИДЗА ОЛАН, КОМИ НЕБÖГ! (5 час)
Коми литература - выль велöдантор (1 час) Художествоа коми гижöдъяс йылысь, йöз олöмын налöн ыджыд тöдчанлун йылысь сёрни: бур сьöлöмкылöмъяс садьмöдöм, быдмысь мортлы верстяммыны отсалöм, колана тöдöмлун босьтöм, чужан кыв озырмöдöм. Велöдчысьясöс паськалöм-содöм лыддьысян кытшöн тöдмöдöм да выль могъяс пуктöм: авторъяслысь гижöдъяс видлалöм, коми мортлысь олöмсö пыдiа, искусство законъяс серти туялöм, ас гижöд да кыв вылын уджалöм. Выль велöдчан небöгöн тöдмасьöм: сылöн тэчас да сюрöс, небöгöн вöдитчöм, сiйöс дöзьöритöм. Тöд вылö уськöдны воддза классъясын лыддьöм роч да коми гижöдъяс. Висьтавны гожöмын лыддьöм небöгъяс йылысь. Уджавны группаясöн. Лыддьысьны. Видлавны велöдчан небöгъяс, орччöдны найöс.
Козлова Елена Васильевна (3 час) Авторöн челядьöс бура гöгöрвоöм, налöн олöм йылысь кужöмöн гижöм. «Векньыдик ордым» (дженьдöдöмöн). Важ олöм туялöм. Войдöр да öнiя кадлöн йитчöм. Челядьлöн ас му да ордпу тöдмавны зiльöм Содтöд лыддьöм: Козлова Е.В. «Векньыдик ордым» небöгысь гижöдъяс. Климов В.В. (перым-коми). «Лöз йöрнöс» висьт.   Лöсьöдны да висьтавны гижöдъяс йылысь юöртана текст. Дасьтыны небöгъясысь выставка. Лыддьыны текстсö. Вочавидзны юалöмъяс вылö. Гöгöрвоöдны тöдтöм кывъяслысь да зумыд кывтэчасъяслысь вежöртассö. Лöсьöдны план. Висьтавны ас кывъясöн. Дасьтыны проект. Тöдмавны ордпу. Гижны авторлы письмö.
Попов Серафим Алексеевич (1 час) Поэт кывбуръясын чужан сикт йылысь кыпыд висьтасьöм. Бура велöдчöм. Великöй Отечественнöй война вылын чужан му дорйöм. Мортлысь повтöмлун да войвывса вöр-валысь мичлун нимöдöм. «Зарни паськöмöн пасьтасис вöр …» («Арся мотивъяс» кывбурысь юкöн). Арся вöр-ва поэтизируйтан серпасъяс. Кад вежсьöм. Сьöлöмкылöм да ловру кыпалöм-личалöмъяс.       Лöсьöдны да висьтавны С.А. Попов йылысь юöртана текст.   Кывзыны кывбур лыддьöмсö, сьöлöмсянь лыддьыны. Видлавны серпасаланногъяссö, рифмаа кывъяссö. Велöдчыны бура, кыпыда лыддьыны. Велöдны да висьтавны наизусьт. Вöчны серпаса выставка.
II ЮКÖН. ПÖЛЬ-ПÖЧ ЙÖРТÖДЫСЬ (15 час)
Литература теория (2 час) Фольклор.Фольклор, йöзкост искусство. Йöзкост кыв искусстволöн медшöр пасъяс: вомгоралун, анонимность, зумыдлун да выльмöдсьыны-вежласьны вермöм. Йöзкост произведение да авторлöн гижöд костын öткодьлун да торъялöм. Йöзкостса ворсöмъяс да сьыланкывъяс. Мойдъяс да вöвлöмтор йылысь йöзкост висьтъяс. Лыддьысьны, вочавидзны юалöмъяс вылö. Уджавны мусерпас серти: аддзыны чужанiн да Изьва-Колва му. Казьтывны да петкöдлыны ворсöмъяс. Вöчны небöгъясысь выставка. Висьтавны медрадейтана мойд йылысь. Кывзыны коми йöзкостса шылад да сьыланкыв.
Афоризм нога жанръяс. (3 час) Коми йöзлöн мывкыд да оласног тыдовтчöм, коми кывлöн вын да стöчлун. Нöдкыв. Нöдкывлöн важ вужъяс, орччöдöм да сёрнитанторсö дзебöм-сайöдöм подув вылын артмöм. Нöдкывлöн тэчас.   Лыддьыны нöдкыв йылысь текст, вочавидзны юалöмъяс вылö. Нöдны да тöдмавны нöдкывъяс. Видлавны нöдкывлысь тэчассö. Лöсьöдны нöдкыв, серпасавны сiйöс. Вöчны серпаса нöдкывъя небöг.    
Шусьöг. Шусьöгъяслöн да кывйöзъяслöн веськыд да абу веськыд вежöртас. Шусьöгъясын да кывйöзъясын чужан му радейтöм, йöзлысь бурсö ошкöм, тырмытöмторъяс вылын шмонитöм да сералöм. Содтöд лыддьöм: Финн-угор войтыръяслöн нöдкывъяс, кывйöзъяс да шусьöгъяс. Орччöдны шусьöг да кывйöз. Лыддьыны текст, вочавидзны юалöмъяс вылö. Гöгöрвоöдны шусьöглысь да кывйöзлысь вежöртассö. Уджавны таблица серти, корсьны гижöдъясысь примеръяс. Гижны неыджыд сочинение, петкöдлыны пантомима. Велöдчыны вöдитчыны афоризм сяма шуöмъясöн сёрниын.
Йöзкостса мойдъяс. (10 час) Мойд кыдз жанр. Персонажъяслöн паныд сулалöм, накöд лоöмторъяс йылысь висьталанног. Вöвлытöмторлöн аслыспöлöслун. Важ эскöмъяслöн колясъяс. Мойд сикасъяс. «Гундырли», «Седун» – волшебнöй мойдъяс. Геройяслысь морттуй, паныд сулалысь вынъяс петкöдлöм. Роч мойдъяскöд йитöд, коми сер артмöдысь торъяс (элементъяс). Мойдысьлöн кыв. Мойдын зумыд кывтэчаслöн тöдчанлун. «Руч да чокыр», «Руч да дябыр»– пемöсъяс йылысь мойдъяс. Морт олöмкöд йитöд. Пемöсъяс йылысь мойдлöн вужъяс. «Горт олöм», «Мелiа сёрнитiс»– бытöвöй мойдъяс. Бытöвöй мойдъяслöн велöдан ру, олöм вылö нюмсера видзöдлас. Содтöд лыддьöм: Финн-угор войтыръяслöн йöзкостса мойдъяс. Лыддьыны комментируйтöмöн. Вочавидзны юалöмъяс вылö. Лыддьыны да кывзыны мойдъяс, висьтавны налысь сюрöссö ас кывйöн дженьыда да подробнöя. Восьтыны геройяслысь морттуйсö, вынсö. Восьтыны мойдлысь гажöдöмсö да велöдöмсö. Торйöдны мойд сикасъяс: пемöсъяс йылысь, волшебнöй, бытöвöй. Аддзыны мойдлы лöсяляна серпасалан ногъяс: зумыд мичкывъяс, куимысь висьталöм. Лöсьöдны план. Гижны творческöй диктант. Лыддьысьны рольяс серти. Лöсьöдны мойд. Серпасавны пемöсъяссö, волшебнöй эмторъяссö. Дасьтыны да нуöдны рытпук.
III ЮКÖН. «МОЙДЧÖНЫГИЖЫСЬЯС» (8 час)
Литература теория Литература мойдкыв. (1 час) Йöзкостса мойд подула авторлöн прозаа либö кывбура художествоа гижöд. Гöгöрвоöдны литературнöй мойдкывлысь аслыспöлöслунсö, восьтыны йöзкостса мойд дорö матыслунсö, авторлысь петкöдчöмсö. Вöчны небöга выставка.
Куратов Иван Алексеевич (2 час) Поэтлöн ичöтдыр, бать-мамöс пыдди пуктöм да радейтöм, гижны босьтчöм, коми мортöс вылö донъялöм. «Шыр да гадь». Йöзкост мойд подув. Авторöн ас ногöн Шырöс да Гаддьöс серпасалöм да донъялöм: дзебöм шмонь, серпасалан да донъялан кывъяс. Геройяслöн сёрниын ошйысян да ышнясян интонация. «Микул». Геройлöн этш, кокниа шуд шедöдны кöсйöм. Йöзкост мойдлы лöсяланторъяс да лöсявтöмторъяс. Кывбур вежöртаслöн шусьöгъяскöд йитöд. Лыддьыны И.А. Куратов йылысь юöртана текст. Бöрйыны да висьтавны поэт йылысь текстысь медтöдчанаторсö.   Лыддьыны мойдкывсö рольяс серти, петкöдлыны ошйысян да ышнясян сёрнитанногсö. Орччöдны коми да роч йöзкостса мойдъяс. Аддзыны авторлысь донъялöмсö (серпасалан да донъялан кывъяс).     Лыддьыны кывбура мойдкывсö. Гöгöрвоöдны шусьöгъяс да öткодялöмъяс. Лöсьöдны план. Восьтыны геройлысь олан сямсö.
Юшков Геннадий Анатольевич (5 час) Войнабöрся челядьдыр. Велöдчыны зiльöм. Ыджыд гижысьöдз быдмöм. «Тöла додь». Пьесалöн аслыспöлöслун. Бур да Омöль костын вен петкöдлöм. Персонажъяслöн öта-мöдкöд сёрниын морттуй воссьöм. Коми мортöс донъялöм. Герой нимъяслöн вежöртас. Содтöд лыддьöм: Финн-угор гижысьяслöн мойдкывъяс.   Лыддьыны да ас кывйöн висьтавны Г.А. Юшков йылысь юöртана текст. Дасьтыны челядьлы сиöм небöгъяса выставка. Лыддьыны радейтана гижöдъяс. Лыддьыны пьесасö рольяс серти. Корсьны колана цитатаяс. Лöсьöдны план, висьтавны сюрöссö план серти. Аддзыны гижöдысь кульминация. Корсьны геройяслы лöсялана шусьöгъяс да кывйöзъяс. Восьтыны геройяслысь этшсö, öткодявны найöс. Дасьтыны петкöдлыны спектак (либö юкöн). Вöчны Урал гöраяс йылысь слайд-шоу. Восьтыны йöзкостса да авторöн гижöм мойдъяс костысь öткодьлунсö да торъялöмсö. Вöчны стенгазета. Гижны мойдкыв. Гижны донъяланкыв.
IV ЮКÖН. «Ас муыд — чöскыд йöла мам» (18 час)
Тима Вень (Чисталёв Вениамин Тимофеевич) (3 час) Окотапырысь велöдчöм да лыддьысьöм. Школаын челядьöс шаня велöдöм. Чужан сикт йылысь тöждысьöм. «Миян нэмö»гижöдысь юкöнъяс. XIX нэм помын челядьлöн олöм.     Лыддьыны В.Т. Чисталёв йылысь юöртана текст, лöсьöдны юалöмъяс да корсьны вочакывъяс.   Лыддьыны текстсö. Висьтавны гижысьлöн челядьдыр йылысь III мортсянь. Вочавидзны юалöмъяс вылö.
«Югыд вой, кöдзыд вой». Кывбурын тöвся войлöн поэзия чужтысь мичлун. Лöнь, но кылана олöм. Морт – муюгыдлöн сьöмöс. Кывзыны кывбур лыддьöмсö, мичаа лыддьыны. Видлавны кывбурлысь тэчассö. Восьтыны кадакывъяслысь тöдчанлунсö. Восьтыны кодзув образлысь вежсьысь вежöртассö. Серпасавны ас кывйöн мортлысь образсö. Бöрйыны кывбур дорö шылад. Велöдны да висьтавны наизусьт.
Илля Вась (Лыткин Василий Ильич) (1 час) Поэт олöмын мамлöн тöдчанлун. Комиöн гижны кöсйöм да зiльöм. Уна велöдчöм морт. Коми литература, коми кыв да финн-угор кывъяс туялöм. Тöвся лун. Войвыв вöр-валöн кыпыдлун. Образа кывтэчасъяс, мичкывлöн тöдчанлун.   Висьтавны поэт да кыв туялысь йылысь юöртана текст. Дасьтыны небöгъяса выставка.   Лыддьыны кыпыда. Висьтавны вöр-ва йылысь. Восьтыны метафоралысь да мичкывлысь тöдчанлунсö. Öткодявны Тима Веньлöн «Югыд вой, кöдзыд вой» кывбурын сьöлöмкылöмъяскöд. Велöдны наизусьт.
Литература теория: Художествоа гижöдын образа кыв.Образа, серпаса кывлöн мич, морт сьöлöмöдз йиджан вын. Содтöд лыддьöм: Финн-угор гижысьяслöн вöр-ва олöм йылысь кывбуръяс. Лыддьыны текстсö. Гöгöрвоöдны образа кывлысь, серпасалан ногъяслысь сюрöссö, восьтыны гижöдын налысь тöдчанлунсö. Вайöдны видлöгъяс. Лöсьöдны текст-серпас. Рöмъяс отсöгöн серпасавны сьöлöмкылöмъяс.
Торопов Иван Григорьевич (4 час) Войнабöрся кадö зонкалöн верстяммöм, вöрын, колхозын уджалöм, кер кылöдöм. Вöр-ва да морт костын йитöд йылысь гижöдъяс. «Тэрыб кок». Пемöслöн мичлун, мортлы эскöм. Мортлысь бурсö да лёксö воча сувтöдöм. Мортлöн вöр-ва понда кыв кутöм. Тэрыб Кок нимсянь сьöлöма висьтасьöм. Содтöд лыддьöм: Финн-угор гижысьяслöн вöр-ва олöм йылысь висьтъяс.     Лыддьыны да ас кывйöн висьтавны И.Г. Торопов йылысь юöртана текст.     Кывзыны висьт лыддьöмсö, сьöлöмсянь лыддьыны висьтсö. Лöсьöдны план. Висьтавны ас кывйöн юкöнъяс. Восьтыны геройяс пыр вöр-валысь мичсö, вынсö да нэрлунсö. Воча сувтöдны мортлысь бурсö да лёксö. Мöвпавны мортлöн кывкутöм йылысь. Гижны творческöй диктант. Велöдны юкöн наизусьт.
Литература теория: Висьт. Гижöдлöн тема да шöр мöвп. Висьт гöгöрвоöдöм, сюжет сöвмöмын тшупöдъяс. Тема да шöр мöвп костын йитöд   Лыддьыны теория юкöн. Гижны тетрадьö медколанасö. Велöдчыны гöгöрвоöдны гижöдлысь темасö да шöр мöвпсö. Вайöдны примеръяс.
Юшков Геннадий Анатольевич (3 час) «Руч», «Меным ас туяс кажитчö кöин», «Йöра», «Ылi туйö петöмаöсь юсьяс», «Быдмö тундраын гöнаюр». Вöр-ва олысьясöс авторöн пыдди пуктöм, налысь этшсö тöдöм, быдöнлысь ошканатор казялöм. Донъялан кывъяслöн тöдчанлун.       Кывзыны кывбуръяс лыддьöмсö. Мичаа лыддьыны кывбуръяссö. Восьтыны вöр-ваын олысьяслысь сямсö. Видлавны öткодялöмлысь, мичкывлысь тöдчанлунсö. Висьтавны сьöлöмкылöмъяс йылысь. Öткодявны вöр-ва геройясöс да мортöс. Бöрйыны шусьöгъяс. Велöдны öти кывбур наизусьт.
Козлов Евгений Валерианович (3 час) Гижöдъясын чужан му да сэнi олысь йöзöс радейтöм, пыдди пуктöм. Ичöт ключьяс Вöр-валысь тыдавтöм олöмсö казялöм. Визув ключьяс да уджач йöзöс орччöдöм. Содтöд лыддьöм: И.В. Коданёв. Вöр-ва йылысь висьтъяс. О.И. Уляшев. «Гöрд ключ». Пекка Пертту (карел) «Дзебсясьöмысь ворсöм» (висьт).     Мичаа лыддьыны висьтсö. Вочавидзны юалöмъяс вылö. Велöдчыны аддзыны вöр-валысь дзебöм, тыдавтöм олöмсö. Вайöдны вöр-ва йылысь гижöдъясысь примеръяс. Гижны вöр-валöн олöм йылысь висьт. Лöсьöдны вöр-ва дöзьöритöм йылысь плакатъяс.
Ванеев Альберт Егорович (3 час) Кывбуръясын чужан му нимöдöм. Литература туялöм. «Жонь», «Ниа». Кывбуръясын лэбач да пу образъяс пыр войвылын олысь мортöс петкöдлöм. Мывкыда да сяма йöзöс аттьöалöм. Содтöд лыддьöм: Васильев Ф. И. (удмурт) «Кыдз пу» (кывбур); Омель Лади (удмурт) «Пелысь», «Льöм пу».   Лыддьыны да висьтавны А.Е. Ванеев йылысь юöртана текст. Кывзыны кывбур лыддьöм. Сьöлöмсянь лыддьыны. Восьтыны войвыв вöр-валысь мичсö. Аддзыны рифмаа кывъяссö. Восьтыны серпасалан ногъяслысь тöдчанлунсö. Серпасавны геройяссö. Öткодявны вöр-ва геройясöс да мортöс. Велöдны наизусьт «Жонь» кывбур.
Литература теория: Кывбура да прозаа сёрни.   Лыддьыны комментируйтöмöн теория текст. Орччöдны кывбура да прозаа сёрни, торйöдны налы лöсялана пасъяс. Гижны кывбур да проза гижöд.
Белых Иван Ильич (1 час) Коми газет редакцияясын уджалöм. Гижöдъясын челядь да вöр-ва костын топыд йитöд восьтöм. «Бипур дорын»   Лыддьыны да ас кывйöн висьтавны И.И. Белых йылысь юöртана текст.   Лыддьыны ас кежысь да гораа. Висьтавны ас кывйöн. Дасьтыны вöр-ва серпасъяса выставка.
v юкöн. «ЕДЖЫД БУРСИА ЧЕЛЯДЬДЫР ВöЛöЙ» (20 час)
Литература теория Литературнöй герой. Коми да ставмирса литератураясысь тöдса геройяс. Морт олöмысь медся тöдчанасö петкöдлöм. Лыддьыны текстсö. Висьтавны литератураын герой йылысь. Орччöдны велöдöм гижöдъясысь геройясöс.
Нёбдiнса Виттор (Савин Виктор Алексеевич) (3 час) Велöдчыны зiльöм. Сюсь вежöр да шмоньлун. Чужан му да йöзöс радейтöм. «Чужи-быдми сьöд вöр шöрын».Важöн челядьлöн олöм. Кывбурын нор да нюмсера видзöдлас сöльнитчöм. «Кыдзи ме велöдчи».Герой олöмын серамбана лоöмторъяс. Велöдчöмлöн тöдчанлун. Ас нимсянь висьтасьöм, челядьдыр нюмсорöн казьтывлöм.   Лыддьыны да ас кывйöн висьтавны В.А. Савин йылысь юöртана текст.   Мичаа лыддьыны кывбур-сьыланкывсö. Висьтавны важ олöм йылысь. Восьтыны авторлысь видзöдлассö. Аддзыны нор да нюмсера видзöдлас öтувтчöмсö. Велöдны сьыланкывсö наизусьт.   Лыддьыны проза текстсö. Висьтавны ас кывйöн лоöмторъяс йылысь. Восьтыны герой велöдчöмын мамлысь тöдчанлунсö. Видлавны нюмсора юкöнъяс.
Рочев Яков Митрофанович (3 час) Ичöтысянь бать-мамлы да чой-воклы отсасьöм. Гижöдъясын Россияса лоöмторъяс бура серпасалöм. «Кык друг» романысь юкöнъяс. Зонкаяскöд лоöмторъяс. Лоöмторъясын да диалогъясын кык друглöн морттуй воссьöм. Генялы да Васялы паныд сулалысьяс.   Висьтавны гижысь олöм йылысь юöртана текст.     Лыддьыны, висьтавны ас кывйöн. Восьтыны лоöмторъяслысь помкасö геройяс нимсянь. Гöгöрвоöдны кывтэчасъяслысь вежöртассö. Гижны письмö вылö вочакыв.
Мишарина Александра Петровна (2 час) Чужанiн йылысь кыпыд казьтылöм. Мам йылысь, муса морт йылысь, вильыш челядь йылысь, бур сьöлöма йöз йылысь гижöдъяс. «Нывкаяслы». Вöр-ва серпасъяс отсöгöн войвывса челядьлы бур сиöм. Мичкывлöн да орччöдöмлöн тöдчанлун. «Тувсов серпас». Тувсов вöр-валöн ловзьöм. Кык визьöн тэчöм стих.   Лыддьыны А.П. Мишарина йылысь юöр. Видлавны «Машалы козин» небöг.   Кыпыда лыддьыны кывбуръяссö. Видлавны образъяссö, восьтыны мичкывлысь да орччöдöмлысь тöдчанлунсö. Аддзыны рифмаа кывъяссö. Велöдны да висьтавны бöрйöм кывбур.
Рочев Егор Васильевич (4 час) Тундраын чужöм да быдмöм. Тундраса олöм йылысь гижöм. «Митрук петö тундраысь».Тундраын быдмысь детинкалöн ас этш да олöм вылö видзöдлас сöвмöм. Выльтор да буртор вöчны зiльöм. Авторлöн небыд шмонь, мортöс да тундра радейтöм.   Лыддьыны да ас кывйöн висьтавны Е.В. Рочев йылысь юöртана текст.     Комментируйтöмöн лыддьыны текстсö, юкöнъяс лыддьыны рольяс серти. Уджавны мусерпас серти. Восьтыны геройяслысь олан сямсö, висьтавны тундраса оласног йылысь. Висьтавны ас кывйöн юкöнъяс. Видлавны пейзаж. Восьтыны небыд шмонь петкöдлан ногъяссö. Дасьтыны кывкуд.
Илля Вась (Лыткин Василий Ильич) (1 час) «Немас гöснеч» (челядьдырся казьтылöм). Лоöмтор йылысь нюмсора висьтасьöм. Шмонь артмöдан приёмъяс.   Мичаа лыддьыны, висьтавны ас кывйöн. Аддзыны нюм чужтысь приёмъяссö.
Литература теория: Шмонь (юмор). Шмоньлы лöсялана небыд нюмсера, гажа серам. Шмонь артмöдан приёмъяс.   Лыддьыны текст, тöд вылö уськöдны небыд серам петкöдлысь гижöдъяс. Восьтыны шмоньлысь признакъяссö. Вайöдны видлöгъяс. Лöсьöдны шмонитан висьттор.
Одинцов Алексей Серафимович (1 час) «Войвыв кодзув» журналын уджалöм. Челядьлöн войнабöрса олöм йылысь висьтъяс гижöм. «Саврас». Вöвлöн да детинкалöн ас ру да этш. Öта-мöдкöд ладмöдчан туй. Лоöмторъяс йылыссерам петкöдлан висьталанног.     Лыддьыны да ас кывйöн висьтавны А.С.Одинцов йылысь юöртана текст.   Мичаа лыддьыны бöрйöм юкöнъяс. Кывзыны висьт лыддьöм. Ас кывйöн висьтавны юкöнъяс. Восьтыны вöвлысь да детинкалысь этшсö. Дасьтыны «Вöв да морт» тема серти проект.
Иванова Валентина Васильевна (3) Челядьлысь пытшкöсса олöмсö кылöм да сьöлöмсянь та йылысь гижöм. «Керка-пöль» (дженьдöдöмöн). Повесьтын семьяпытшса олöм петкöдлöм, öта-мöдöс радейтöм да пыдди пуктöм. Ичöт вокöс быдтiгöн Федялöн верстяммöм. Детинкаöн муюгыдсö ас ногöн аддзöм да серпасалöм. Содтöд лыддьöм: Ашальчи Оки (удмурт) «Дзоля Микол», «Выль печкан». Висьтавны юöртана текст. Дасьтыны «Би кинь» журналлысь выставка.   Лыддьыны текстсö. Вочавидзны юалöмъяс вылö. Лöсьöдны юалöмъяс. Висьтавны геройлöн енбиалун йылысь. Рольяс серти лыддьыны персонажъяслысь сёрни. Серпасавны ниа пу. Висьтавны шöр геройлöн семья йылысь, тöдчöдны семья пытшкын öта-мöдöс пыдди пуктöм да радейтöм. Гижны висьт да ыстыны «Би кинь» журналö.
Нёбдiнса Виттор (Савин Виктор Алексеевич) (1 час) Гожся войын Эжва юсянь («Ныв шог» поэмаысь медводдза юкöн). Коми мулöн лöнь мичлун. Кывлöн аслыспöлöслун.       Мичаа лыддьыны кывбурсö. Кывйöн серпасавны аддзöмсö да кылöмсö. Бöрйыны шылад. Висьтавны сьöлöмкылöмъяс йылысь.
Велöдöм материал кывкöрталöм(2 час) Велöдöм да сьöлöм вылö воöм гижöдъяс йылысь сёрни. Велöдчан небöг донъялöм. Сёрнитны 5-öд классын велöдöм да ас кежысь лыддьöм гижöдъяс йылысь. Юксьыны сьöлöмöдз йиджöм образъяс йылысь, вочöжся велöдчан удж йылысь мöвпъясöн. Мичаа лыддьыны радейтана гижöдъясысь юкöнъяс, кывбуръяс. Тöд вылö уськöдны велöдöм теоретико-литературнöй материал, терминъяс. Донъявны велöдчан небöг. Вöчны небöгъясысь выставка, гижöдъяс дорö ас иллюстрацияясысь выставка. Нуöдны викторина.

V-öд классын вомгора да гижан уджъяс

 

1. Художествоа да мукöд текстъяс колана ногöн да öдöн лыддьöм.

2. Гижöд сюрöс серти юалöмъяс вылö вочавидзöм.

3. Проза гижöдлысь юкöнъяссö нимтöм да прöстöй план лöсьöдöм.

4. Проза гижöдысь неыджыд юкöн серти уджъяс вöчöм (геройлысь оласногсö да вöчöмторъяссö донъялöм; план серти либö плантöг висьталöм; творческöй диктант гижöм).

5. Серпас серти либö челядь олöмысь лоöмторъяс йылысь висьтъяс лöсьöдöм. Нöдкывъяс, кывбуръяс, мойдкывъяс лöсьöдöм.

Наизусьт велöдны:

Нöдкывъяс да шусьöгъяс.

Попов С.А. «Арся мотивъяс» кывбурысь юкöн («Зарни паськöмöн пасьтасис вöр…»).

Тима Вень. «Югыд вой, кöдзыд вой».

Илля Вась. «Тöвся лун».

Небдiнса Виттор. «Чужи-быдми сьöд вöр шöрын».

Юшков Г.А. Бöрйöм кывбур.

Ванеев А.Е. «Жонь».

Торопов И.Г. «Тэрыб кок» висьтысь юкöн.

Мишарина А.П. Бöрйöм кыбур.

Бöрйöм гижöд.

V классын тöдöмлун да кужанлун сöвмöдöм

Велöдчысьяс тöдмаласны:

1. Тöдчана коми гижысьясöс.

2. Видлалöм художествоа гижöдъяс, налысь содержаниесö.

3. Наизусьт велöдöм текстъяс.

4. Фольклор да литература теорияысь велöдöм понятиеяс, терминъяс.

Велöдчысьяс велаласны:

1. стöча, колана öдöн да бура лыддьыны тöдса да тöдтöм художествоа текстъяс; лыддян öдыс минутнас – 90–100 кыв;

2. торйöдны гижöдысь юкöнъяс, аддзыны лоöмторъяслысь йитчöмсö да помкаяссö;

3. аддзыны текстысь серпасалан да донъялан ногъяс (приёмъяс);

4. лöсьöдны неыджыд проза гижöдлысь план;

5. ас кывйöн (текстлань матö) висьтавны да гижны проза гижöд:

6. лöсьöдны литература герой йылысь висьт;

7. чукöртны колана юöр йöз пöвстысь, небöгъясысь да интернетысь, вöдитчыны кывкудъясöн;

8. гижны неыджыд сочинение, сетöм тема серти лöсьöдны серпаса гижöд;

9. висьтавны наизусьт текстъяс.

VI КЛАСС (53 час)

 

Темаяс, велöданторлöн сюрöсыс   Велöдчысьлöн удж
Велöдчан небöг. Небöг сикасъяс(1час) Велöдчан небöгöн тöдмасьöм: велöдчан небöглöн могъяс, тэчасыс (мыйöн сiйö заводитчö да помасьö, кутшöм гижöдъясысь артмö сюрöсыс, кутшöм авторъясöс вöлi велöдöма водзджык, кутшöм авторъяс тöдтöмöсь, кутшöм юкöнъясын висьтавсьö гижысь олöм йылысь, кутшöм юкöнъясын сетöма юалöмъяс да вöзйöма уджъяс, кöнi гöгöрвоöдöма тöдтöм кывъяс да литература терминъяс, кутшöм серпасъяс эмöсь книга пытшкас, мый мичмöдö велöдчан книгасö?) Велöдчан небöг дöзьöритöм.   Пырöдчыны ёрта сёрниö, юксьыны небöг да сылöн тöдчанлун йылысь тöдöмлунъясöн. Видлавны велöдчан небöг, тöдмасьны сылöн тэчасöн, юкöнъясöн, орччöдны велöдчан небöг мукöд сикас небöгкöд. Тöд вылö уськöдны V классын велöдöм да мусаммöм гижöдъяс.
Куратов Иван Алексеевич (6 час) И.А. Куратовлöн челядьдыр, велöдчан кад. И.А. Куратов поэзияын коми крестьяналöн характеръяс. И.А. Куратов − басня гижысь. «Синтöм пöльö».Синтöм пöльöлöн «синма» олöм. Авъя, мывкыда, зiль да киподтуя геройöс ошкöм. Öнiя коми сиктын киподтуя йöз. Ас вöчöм дозмукъяс важъя да талунъя олöмын. «Пöч».Пöчлысь пöрысьлунсö серпасалöм. Пöчлöн олан этшыс: йöзлы коланаöн лоны кöсйöм, уджавны зiльöм, öткалун венöм. Пöрысьлун вылö йöзкост видзöдлас. Коми да финн-угор шусьöгъяс мортлöн пöрысьлун йылысь. «Закар ордын».Коми войтырлысь бурсö петкöдлöм-ошкöм. Персонажъяслöн «висьтасян нимъяс», ас вылын шмонитöм. Авторлöн нюмъялан видзöдлас. Кывбур дорö художник А.В. Мошевлöн серпасъяс. «Кöина-каня».Кöин образын наян, йöзöс немöстысь мортöс петкöдлöм. Диалог. Öта-мöдкöд сёрниын экспрессивнöй кывъяслöн тöдчанлун. «Рака».Шусьöглы лöсялана, стöч да образнöя восьтöм мöвп.Кывбурлöн дженьыдлун кыдзи приём. «Гут».Йöз уджöн олысь, яндзим тöдтöм мортöс сералöм-дивитöм. Интернациональнöй сюжетъяс И.А. Куратовлöн басняясын (Эзоп, И.А. Крылов гижöдъяскöд орччöдöм). Содтöд лыддьöм: Куратов И.А. Посни висьтъяс.   Лыддьыны да висьтавны гижысь олöм йылысь юöртан текст. Мичаа лыддьыны кывбура текст. Гöгöрвоны геройлысь этшсö, сылысь йитöдсö йöзкöд. Ас кывйöн донъявны геройöс, вайöдны текстысь колана примеръяс. Орччöдны геройясöс öта-мöдкöд. Велöдны кывбур наизусьт. Аддзыны гижöдлысь йитöдсö талунъя олöмкöд. Тöдмавны гортсаяслысь да юöртны классын, кутшöм ас вöчöм дозмукъясöн вöдитчылöмаöсь важöн. Вöчны юöр ас сиктын, районын киподтуя йöз, морт йылысь. Рольяс серти мичаа лыддьыны басня нога гижöд. Вочавидзны юалöмъяс вылö. Видлавны гижöдлысь тэчас. Аддзыны, мыйöн торъялö басня нога гижöдыс кывбурысь. Орччöдны басня да шусьöг. Корсьны да орччöдны коми да мукöд войтырлысь öти темаа шусьöгъяс.
Литература теория Кывбура сёрнилöн аслыспöлöслун Кывбура да кывбуртöм (проза) сёрни. Кывбур тэчас: стих, строфа, рифма сикасъяс (орчча, падвежа, вöнялысь).   Литература герой йылысь тöдöмлун джудждöдöм. «Герой» кывлöн вежöртас. Литература герой да ловъя морт. Литература герой висьтын, кывбурын, пьесаын. Петкöдлыны кывбур йылысь тöдöмлунъяс. Лыддьыны да гöгöрвоны литература термин восьтан текст. Корсьны кывбура небöгъясысь рифма сикасъяс вылö примеръяс. Гижöд видлалiг, петкöдлыны кывбур тэчас йылысь тöдöмлун. Лыддьыны да гöгöрвоны литература термин восьтан текст. Торйöдны статьяысь медтöдчанасö. Вайöдны примеръяс тöдса гижöдъясысь.
Фёдоров Геннадий Александрович (Педь Гень) (3 час) Г.А. Фёдоров – Коми Республикаса народнöй гижысь, ыджыд таланта прозаик. И.А. Куратов олöм йылысь гижöдъяс Г.А. Фёдоров творчествоын. «Зарни сюра кöр» повесьт (юкöнъяс). Ваня Куратов − литературнöй герой. Мамлöн пертас: челядь дорö мелiлун, найöс велöдны зiльöм. Вонифатий – Ванялöн вок да ёрт. Василий Куратов – образованнöй да йöзкост традиция тöдысь-пыдди пуктысь морт. Повесьт текстын йöзкост преданиелöн тöдчанлун. Лыддьыны да висьтавны гижысь олöм йылысь юöртан текст. Лыддьыны проза текст (ас кежысь да гораа). Ас кывйöн висьтавны гижöдысь юкöнъяс. Гöгöрвоны герой характеръясысь медтöдчанасö. Видлавны гижöдлысь тэчассö. Аддзыны литература гижöдын фольклорысь босьтöмторъяс. Донъявны историческöй темаа гижöдлысь коланлунсö да могсö.
Литература теория Литература да збыль олöм. Коми литреатураын историческöй герой. Г.А. Фёдоровлöн«Зарни сюра кöр» повесьтын збыль олöмысь босьтöмторъяс, гижысьлöн думыштöмторъяс. Лыддьыны да гöгöрвоны литература термин восьтан текст, торйöдны медтöдчанасö. Ас кывйöн гöгöрвоöдны историческöй гижöдлысь збыль олöмкöд йитöдсö.
Коми йöзлöн мифъяс (3 час) «Миф» кывлöн вежöртас. Важ йöзлы мифлöн коланлун. Енъюгыд, пемöсъяс, быдмöгъяс, йöз лоöм йылысь мифъяс. Миф да мойд. Калевала – суоми войтырлöн мифъяс чукöр. Литературалöн мифкöд йитöдъяс. «Му пуксьöм».Важ коми йöзлöн му пуксьöм вылö видзöдлас. Миф геройяслöн аслыспöлöслун. Ен да Омöль – паныд сулалысь вынъяс. Содтöд лыддьöм: Финн-угор войтыръяслöн му пуксьöм йылысь мифъяс.   Петкöдлыны фольклорысь водзынджык босьтöм тöдöмлунъяс. Лыддьыны да гöгöрвоны литература термин восьтысь текст, ас кывйöн дженьыда висьтавны медтöдчанасö. Кывзыны да лыддьыны художестова текст, торйöдны сiйöс юкöнъяс вылö, сетны быд юкöнлы ним. Гöгрвоöдны гижöдлысь нимсö. Вочавидзны юалöмъяс вылö. Орччöдны коми да мукöд финн-угор войтырлысь му пуксьöм йылысь мифъяс. Лöсьöдны гижöд дорö серпасъяс.
Йöзкостса предание (3 час) Предание − шемöсмöдысь морт да лоöмтор йылысь йöзкост висьт. Коми предание геройяс. Ён йöз да тöдысьяс йылысь преданиеяс. Топонимическöй преданиеяс. «Ён морт Пера».Пера – перым-коми да коми преданиеясса герой. Пера – роч му дорйысь. Пера − вöр-ва кöзяин (Пера да Вöрса). «Пера да Зарань».Литератураын предание нога гижöд. Пера да Зараньлöн радейтчöм. Енмалысь да Мулысь мичсö да озырлунсö орччöдöм.Пералöн да Зараньлöн образъяс коми искусствоын. А.В. Мошевлöн да В.Г. Игнатовлöн серпасъяс. Содтöд лыддьöм: Йиркап, Яг морт, Кöрт Айка йылысь коми преданиеяс; Кудым Ош йылысь перым-коми предание. Лыддьыны да гöгöрвоны литература термин восьтысь текст, ас кывйöн дженьыда висьтавны медтöдчанасö, вайöдны ас примеръяс. Мичаа лыддьыны фольклор текст, висьтавны сiйöс ас нимсянь. Тöдмасьны предание сикасъясöн. Вочавидзны юалöмъяс вылö, видлавны преданиеяс учебникын сетöм юалöмъяс серти. Орччöдны йöзкост предание да предание подула литература гижöд. Чукöртны-гижавны йöзкост висьтасьöмъяс. Тöдмасьны предание сюжета серпасъясöн, донъявны художникъяслысь уджсö.
Лебедев Михаил Николаевич (5 час) М.Н. Лебедев – коми фольклор тöдысь. Йöзкост сюжетъяс сылöн творчествоын. М.Н. Лебедев – басня гижысь. «Кöрт Айка».Поэмаын серпасалöм кад. Кöрт Айка да Памалöн образъяс. Коми му серпасъяс. Коми йöзлöн рамлун. Дорйысьöс весьшöрö виччысьöм. Лёк вынлы паныд сувтöм, чужанiн öтвылысь дорйöм. Öнiя олöмлы поэмалöн лöсялöм. М.Н. Лебедевлöн басняяс (бöрйöм серти) «Самöвар».Самöварлöн да Сьöд чугун пöртлöн пертасъяс. Ышнясьысь, вылö пуксьысь мортöс дивитöм. Геройяслöн да авторлöн сёрни. Басняын велöдöм. «Сьöла да тар».Пикö воöм йöз водзын ыджыдö пуксьысьöс дивитöм. Геройяслысь сямсö восьтан приёмъяс. «Торгун».Кыв песысь да йöз тшöт весьтö олысь мортöс дивитöм. Баснялöн тэчас. Содтöд лыддьöм: Коми басняяс: Вавилин И. М. «Сюзь да Кеня», Тимушев Э. А. «Сизь да Рака», Тимушев А. С. «Тшак, кодi тшап»; Лужанин А. В. (удмурт) «Ньыв пу да пожöм». Петкöдлыны М.Н. Лебедевлысь велöдöм гижöдъяс тöдöм. Лыддьыны да висьтавны гижысь олöм йылысь юöртан текст. Кывзыны да лыддьыны художествоа гижöд. Мичаа лыддьыны рольяс серти. Лöсьöдны цитатаяса план. Уджавны словарöн, тöдмавны тöдтöм кывъяслысь вежöртассö. Вöдитчыны энциклопедияöн, корсьны колана информация. Аддзыны художествоа текстысь геройлысь характер восьтан приёмъяс. Орччöдны öти гижöдысь кык геройöс. Орччöдны, кыдзи восьтö геройöс йöзкост предание да литература гижöд. Рольяс серти мичаа лыддьыны басня. Видлавны баснялысь тэчассö, геройяслысь аслыспöлöслунсö. Гöгöрвоны важöн лöсьöдöм гижöдъяслысь öнiя олöмлы лöсялöмсö. Велöдны басня наизусьт.
Литература теория: Басня Басняын йöзлысь тырмытöмторъяс (горшлун, яныдысьтöмлун, ышнясьöм, ошйысьöм, скöрлун) дивитöм, серам вылö лэптöм. Басня геройлöн аслыспöлöслун. Велöдöм (мораль) да аллегория. Баснялöн тэчас. Лыддьыны да гöгöрвоны литература термин восьтысь текст, ас кывйöн дженьыда висьтавны медтöдчанасö, вайöдны примеръяс велöдöм гижöдъясысь. Лöсьöдны коми басня йылысь неыджыд гижöд. Лöсьöдны басня.
Нёбдiнса Виттор (Савин Виктор Алексеевич) (4 час) В.А. Савинлöн уна пöлöс творчество. В.А. Савин – газетын уджалысь, театр котыртысь, сьыланкыв да кывбур гижысь. В.А. Савин кывбуръясын кадлöн ловшыыс. «Зэв нимкодь сьöлöмлы».Кывбурлöн чукöстан форма. Поэтлöн образ: сылöн сьöлöмкылöмъяс, йöз дорö шыöдчöмъяс.Важ да выль кад орччöдöм, важсö да выльсö пасйысь лексика. «Коллектив». Нимкодь öтув удж. Öткöн да коллективöн олöм орччöдöм. Чужан му вежсьöм. Шöрт, дзоридза дöра, тувсов, гажа кыддза рас образъяс отсöгöн кадылысь аслыспöлöслунсö восьтöм. Йöзлöн да поэтлöн кыпыд кöсйöмъяс. «Мельнича». Олицетворение отсöгöн шöр образъяс (мельничалысь, мулысь, сюлысь) тэчöм. Выль олöмлысь образсö нянь уджъяскöд орччöдöм, мувыв уджъяс отсöгöн восьтöм. Йöзкост культураын няньлöн да нянь вöдитöмлöн вежöртасъяс. Петкöдлыны Нёбдiнса Витторлысь велöдöм гижöдъяс тöдöм. Лыддьыны да висьтавны гижысь олöм йылысь юöртан текст. Кывзыны да мичаа лыддьыны кывбур. Вочавидзны юалöмъяс вылö. Велöдны кывбур наизусьт. Гöгöрвоны кывбура гижöдлысь шöр темасö, кывбуръяслысь öти темаöн йитчöмсö. Аддзыны вуджöдöм вежöртаса да символ нога образъяс. Аддзыны кывбуръяслысь гижан кадкöд, коми йöзкост традициякöд йитöдсö. Корсьны интернетысь, мукöдлаысь морт олöмын няньлöн тöдчанлун да нянь вöдитан традиция йылысь юöръяс. Тöдмасьны, кыдзи быдтылöмаöсь (быдтöны) нянь ас сиктын, лöсьöдны та йылысь гижöд.
Тима Вень (Чисталев Вениамин Тимофеевич) (8 час) Тима Вень – велöдысь да гижысь. Ывлавыв серпасъяс сылöн творчествоын. Лыддьысьысьöс чужан сикт, чужан му тöдмавны ышöдöм, вöр-ва дöзьöритны вöйпöдöм. «Локтыштiс».Кывбурын ывлавыв вежсьöмлöн серпас. Веськöдлысь шыяслöн да кадакывъяслöн тöдчанлун. Ывла олöмö сюся кывзысьöм. Гожся зэрсö музакöд, ывлавыв ловзьöмсö кывбур гижан ловрукöд орччöдöм. «Рыт-асыв кылöм».Морт да лунгöгöрся кад, налöн лöсялöм. Кывбур нимлöн вежöртас. «Аръявыв».Мортлысь жугыль сьöлöмкылöмъяс восьтöм. Гожся да арся серпасъяс паныд сувтöдöм. Кывбур юргöм. Кывъяс бöрйöмын поэтлöн сям: матын вежöртаса кывъяс, унаысь шуöмъяс, мичкывъяс. Кывбурын да йöзкост бöрданкывйын öткодьторъяс. «Эськö».Мортлöн ыджыд кöсйöмъяс. Сёрникузяяслöн тэчас, кывбурын налöн тöдчанлун. Кывбур нимлöн вежöртас. «Вылiсянь».Тöвся енэж образ.Кывбурлöн дженьыдлун кыдзи художествоа приём. Ас модаа, «чипаса» тэчас. Кывбурлöн гор. «Кодзув пи».Мойдлы да притчалы лöсяланторъяс. Морт ловлöн усьöм да кыпöдчöм, озырлун да шуд – пьесалöн шöр темаяс. Кодзув пи вежсьöмлöн помка. Пьесалöн велöдан вежöртас. Содтöд лыддьöм: Коми поэтъяслысь ывлавыв йылысь бöрйöм гижöдъяс (Илля Вась «Гожся асыв», «Вöрын»; Лебедев М.Н. «Вогöгрся олöм»; Размыслов А.П. «Тулыс; Некрасов А.И. (Гамса) «Шондiöй-мамöй», «Бур художник гожöм», Елькин М.А. «Турунвиж», мукöд). Лыддьыны да висьтавны гижысь олöм йылысь юöртан текст. Петкöдлыны Тима Веньлысь гижöдъяс тöдöм. Кывзыны кывбуръяслысь юргöмсö, мичаа лыддьыны найöс. Велöдны кывбур наизусьт. Вочавидзны юалöмъяс вылö. Аддзыны кывбура гижöдысь художествоа приёмъяс, некымын гижöдысь öткодьсö да торъяланасö. Некымын кывбур подув вылын вöчны кывкöртöд Тима Вень лирикалöн аслыспöлöслун йылысь. Бöрйыны кывбуръяс дорö лöсялысь шыладъяс. Рольяс серти мичаа лыддьыны пьеса текст. Орччöдны висьталан да пьеса нога текст. Мöвпавны герой характер йылысь, юксьыны мöвпъясöн классын. Донъявны геройöс, сылысь поступокъяссö. Лöсьöдны пьеса дорö серпасъяс, думыштны декорацияяс. Пуктыны пьесасö


Поделиться:




Поиск по сайту

©2015-2024 poisk-ru.ru
Все права принадлежать их авторам. Данный сайт не претендует на авторства, а предоставляет бесплатное использование.
Дата создания страницы: 2019-08-19 Нарушение авторских прав и Нарушение персональных данных


Поиск по сайту: